الأخبار
أخبار إقليمية
الرئاسة : نحن لينا 26 عام في الحكم وما في شي بخوفنا ولو في تقصير نسمعو من الناس في برلمان الضحى
الرئاسة : نحن لينا 26 عام في الحكم وما في شي بخوفنا ولو في تقصير نسمعو من الناس في برلمان الضحى
الرئاسة : نحن لينا 26 عام في الحكم وما في شي بخوفنا ولو في تقصير نسمعو من الناس في برلمان الضحى


الحكومة تعتبر قضية الإقتصاد إيمانية، ومجتمعنا (شايل نفسو)
07-19-2016 11:26 AM
الخرطوم: عازة أبوعوف
وجه نائب رئيس الجمهورية حسبو محمد عبدالرحمن ولاية الخرطوم، بإنشاء برلمان في المحليات يطلق عليه (برلمان الضحى) لسماع آراء المواطنين في الحكومة ومناقشة قضاياهم.
وقال حسبو خلال مخاطبته الجلسة الافتتاحية للمجلس التشريعي لولاية الخرطوم أمس (عايزين الناس تتكلم وتقول آراءها، اعملو برلمان الضحى في الأحياء والمحليات، نحن لينا 26 عام في الحكم وما في شي بخوفنا ولو في تقصير نسمعو من الناس).
وشدد نائب الرئيس على ضرورة تمثيل النواب للدوائر بصورة حقيقية، وقال: (نحن ما عايزين مخرجين، عايزين تمثيل حقيقي للجماهير في المجالس التشريعية والبرلمان)، وضرب مثلاً بالرئيس التركي ودعوته لشعب بلاده للوقوف ضد الانقلاب، وقال: (أوردوغان طالب شعبه فاستجاب له، نحن عايزين نشوف شعبنا ونستمع لآرائه).
وحول قضايا الأمن الغذائي كشف حسبو عن إنتاج مشروع الجزيرة لنسبة 30% من إنتاج القمح للعام الحالي، ولفت الى اتجاه الرئاسة لدعم الإنتاج، وقال: (بعد عام حنمزق فاتورة القمح الخارجي)، وأوضح أن نمو الاقتصاد يرجع لأن الحكومة تعتبر القضية إيمانية، وقال: (المنظمات الدولية تسألنا عن كيفية نمو الاقتصاد في ظل الحصار الاقتصادي)، وأضاف (مجتمعنا شايل نفسو).
وحول التخطيط والاستعداد لفصل الخريف، قال حسبو :(كاذب من يقول خططنا للمطر، ولازم نكتر من الدعاء والتضرع لله).
وكشف نائب الرئيس عن أشخاص وصفهم بتجار الدواء قال إنهم يقفون ضد مجانية العلاج ويحاربونه، وزاد (في ناس بتاجروا في الدواء ويحاربوا مجانية الأدوية)، ووجه المجلس التشريعي بمراقبة تنفيذ قرارات رئاسة الجمهورية بشأن مجانية علاج الأطفال دون الخامسة والعمليات القيصرية وعلاج السرطان وغسيل الكلى وعمليات الطوارئ التي تسدد لها وزارة المالية 115 مليون دولار.
ووجه حسبو ولاية الخرطوم بمنع تسجيل أية كيانات قبلية أو إثنية أو جهوية داخل العاصمة حتى تصبح العاصمة رمزاً للقومية، وقال: (ما ممكن ننقل للعاصمة هذه الأمراض، أي زول عايز يبقى ناظر أو عمدة يمشي هناك، هنا ما في عمد ونظار).
وطالب نائب الرئيس، وزارة المالية بالولاية بمراجعة الفصل الأول من الميزانية، وأعلن قيام مؤتمر تقييم وتقويم تجربة الحكم الاتحادي في شهر أغسطس القادم، في إطار برنامج إصلاح الدولة وذلك بغرض الوقوف على إيجابيات وسلبيات التجربة.

الجريدة


تعليقات 45 | إهداء 0 | زيارات 25117

التعليقات
#1491171 [موجوع بالحيل]
0.00/5 (0 صوت)

07-21-2016 01:10 AM
تسمعوا لينا شكاوي نحن نشكيكم لله الواحد الاحد ويزلزل اقدامكم

[موجوع بالحيل]

#1491147 [المختصر المفيد]
0.00/5 (0 صوت)

07-20-2016 11:26 PM
(بعد عام حنمزق فاتورة القمح الخارجي)
كلام قيل في بداية التسعينيات انه فاتورة القمح تم تمزيقها ... ساقية جحا

[المختصر المفيد]

#1491146 [Rebel]
5.00/5 (1 صوت)

07-20-2016 11:24 PM
* شوفوا الجنجويد العاطل القواد بقول شنو!!
* و الله العظيم، إنه ليحزننى عميقا حد الإغماء، تصور حال "شعب شهم و أبى"، يستخف به لهذا الدرجه!..و توجه له بين الفينة و الأخرى، أقسى أنواع الإهانه و الإستفزا، المسيئه له و لتاريخه، و لعزته و لعقول ابنائه، و من اناس هم مجرد اشباه رجال لا رجال، و جبناء بالاساس، دون أن يحرك ساكنا، و دون أن يثور و يثأر لكرامته و عزته، حتى و لو وفرت له نعيم الدنيا ومباهج الحياة كلها، ناهيك عن متطلبات هى أصلا، بسيطه و متواضعه و تافهه، كما و نوعا، لا تتعدى سبل المعيشه فى حدودها الدنيا!..
* و للمفارقه العجيبه، سبق أن بشرنا و توعدناأحد الغلاظ من أفراد العصابه المجرمه هذه، أن إحتياجات المواطن المتواضعه جدا، فى حدود "قفة الملاح"، ليست من أسبقياتهم ابدا..و لم يأتوا لأجلها بالاصل!..و لن يستطيعوا توفيرها، و لو حكموا 50 سنه!..فهل هناك إستفزازا و إستخفافاأكثر من هذا!!
* أحيانا أتساءل، هل نحن بالفعل، مثلما تتوهم العصابه: "عبيد و سبايا" فى دولة "الفتح الإسلامى" هذه!..فيجيبنى دمع و قلب حزين": "لكن العبيد أنفسهم يثورون، كما يحدثك التاريخ الإنسانى القديم"!
* فهل نفعل نحن!!..و متى أيها الشعب الفضل!!

[Rebel]

#1491097 [الفاتح]
0.00/5 (0 صوت)

07-20-2016 08:11 PM
ليتكم تستمعون لراي الناس !!! طلع الناس في سبتمبر لإبداء الراي وبالطريقة السلمية ولكنكم واجهتموهم بالرصاص والقتل .. والآن تريدون ان تسمعوا ؟؟؟ أرحلو عنا .... أرحلو عنا .... أطلقوا سراح الوطن المغتصب .. ولكن لن نترككم تهنأون بما سرقتموه بل سنطاردكم عبر القارات لإسترداد ما أخذتموهم من مال .. ستكون هنالك فرق للرصد والمتابعة أينما كنتم ... وومن ثم إعادتكم للمحاكم العادلة ...

[الفاتح]

#1491017 [zeedo]
0.00/5 (0 صوت)

07-20-2016 04:07 PM
وكشف نائب الرئيس عن أشخاص وصفهم بتجار الدواء قال إنهم يقفون ضد مجانية العلاج ويحاربونه، وزاد (في ناس بتاجروا في الدواء ويحاربوا مجانية الأدوية)،
هم ديل ناس منو يا سجم الرماد، وانت نايب رئيس فوق كم ؟

كلكم مجرد ديكور ساكت، لكن بي صراحة البلد دي الحاكمها منو؟ ما دام اي واحد من الكيزان ديل برمي حملو ومسؤلياتو علي الاخرين!!!!!!!

الله لا جاب باقيكم يا حرامية

[zeedo]

#1490937 [تسمع وتشوف]
4.25/5 (3 صوت)

07-20-2016 01:35 PM
وحول التخطيط والاستعداد لفصل الخريف، قال حسبو :(كاذب من يقول خططنا للمطر، ولازم نكتر من الدعاء والتضرع لله).

تسمع وتشوف مقعدك في النار انت والمعاك

طيب وقت ما خططت لمطر وكل سنة عارف المطر بيعمل شنو لزومه شنو تسمع اراء الناس ؟

داير لك ونسة وكلام فارغ واستهلاك وقت عشان تقعد اكثر
تقعد في جهنم ان شاء الله


بعدين التركي البتتكلم عنه دا انجز وعمل والناس حبوه انتوا متحكرين في رقاب الناس 27 سنة عملتوا شنو دمرتوا الكان موجود كمان داير تسمع

تسمع ما لايرضيك دنيا واخرة ان شاء الله انت الفرعون المعاك دا والكلاب التحكتكم كلهم

[تسمع وتشوف]

#1490844 [الناهه]
5.00/5 (1 صوت)

07-20-2016 11:04 AM
قضية الاقتصاد ليست ايمانيه ابدا ابدا
انما هي قضيه فشليه وفسادية ميه الميه
الامر لا يحتمل اللماضه الفارغه
كل ما هو مطلوب منكم ان ترحلوا في اسرع وقت ممكن وتتركوا للشعب السوداني ما تبقى من وطن
لا تقحموا الدين في غير موضعه
هل هنالك مؤمن يمارس الفساد ويسرق اقوات الناس ويقتل الناس المسلمين
دعونا فقد شبعنا من لماضتكم الفارغه
ارحلوا فورا

[الناهه]

#1490839 [no one]
5.00/5 (1 صوت)

07-20-2016 10:55 AM
إيه التناقض دا يا عم حسبو...!!؟؟ ذكر سيادتكم أنكم تريدون سماع أنات الناس وجراحها ، وذكر سيادتكم أنكم على علم بأن هنالك جهات تتاجر في الدواء وتقف دون مجانيته...!!؟؟ أين يد السلطان الباطشة على هؤلاء النفر الذين يتاجرون في الدواء ويقفون دون مجانيته..؟؟ يد السلطان إما منشغلة بسرقة قوت الغلابة ، أو تمارس البطش بطلاب الجامعات وستات الشاي والمساكين من أبناء الوطن من ليس لهم ظهر يحميهم....نسأل الله العلى القدير أن يجعلكم عبرة لمن يعتبرون ومن لا يعتبرون إنه ولى ذلك والقادر عليه

[no one]

#1490771 [mustofaaliahmad]
1.00/5 (1 صوت)

07-20-2016 09:23 AM
دة متخلف ولا شنو ارد غان عمل نهضة اقتصادية لم تحصل ودخل الفرد في تركيا زاد 120% وتركيا صارت من اكبر دول العالم اقتصاديا في عهد اردوغان في عهدكم وصلنا لاخر قاءمة الدول فسادا في عهدكم وصلنا لاسوا دولة فاشلة بعد الصومال فيعهدكم مافي كهربا ومافي ماء وماغي تعليم ولا صحة اتقي الله ياحسبو ربنا حا يسالك من كل كذبة كذبتها بعدين ياخي لا تخاف مننا خاف الله وبس

[mustofaaliahmad]

#1490747 [MOHAMED RAMDAN]
0.00/5 (0 صوت)

07-20-2016 08:45 AM
وحول التخطيط والاستعداد لفصل الخريف، قال حسبو :(كاذب من يقول خططنا للمطر، ولازم نكتر من الدعاء والتضرع لله).
هل حقا هذا حديث نائب الرئيس ... كلام غريب جدا اين بناء الكبارى والجسور وتنظيم التصريف المائى لحلة مشكلة مياه الأمطار الغزيرة والإستفادة منها .
يا سعادة ياريت تزور مدينة أسمرا والتى تهطل فيها الأمطار على مدار العام تستطيع أن تمشى والأمطار تهطل وتسمع هديل المصارف تحت الأرض . صحيح ان الخرطوم متسعة وكبيرة ولكن كيف لرجل دولة يفتقد مثل هذه الرؤية أو يعتذر عن وجود تصريف لقلة الأمكانيات أو لأن المدن تم بناؤه دون تحسب لمياه الأمطار ..
ربنا يستر ...

[MOHAMED RAMDAN]

#1490741 [فيلق]
4.63/5 (4 صوت)

07-20-2016 08:35 AM
اللهم اهلك الظالمين عمر البشير واعوانة وحسبو وعلي عثمان ونافع والمتعافي والخضر وبكري وقوش وعطا وحميدتي وموسي هلال وقاده الجنجويد وعبد الرحيم وغازي ومصطفي وايلا وكل من عاونهم وساعدهم
اللهم اوقف الحرب في دارفور وجبال النوبة والنيل الازرق وكل بقاع السودان واحفظ اهلنا في جميع ارض السودان
اللهم اجرنا في مصيبتنا واخلف لنا خيرا منها
اللهم ولي علينا من يخافونك ويقيمون العدل والامان والغذاء لنا
اللهم ولي علينا خيارنا ولا تولي علينا اشرارنا
اللهم امين
عليكم الله ياناس ادعو في سجودكم وقيامكم بالليل وفي كل وقت
اهلنا في دارفور محتاجين لينا وجبال النوبة والنيل الازرق
ادعو ربنا اخلصنا من الحكومة دي ربنا بستجيب لينا انشاء الله

[فيلق]

ردود على فيلق
[محمد أدروب] 07-20-2016 03:40 PM
اللهم آمين اللهم آمين اللهم آمين

[wadbatia] 07-20-2016 12:06 PM
كيفما تكونوا يولي عليكم + لايغير الله مابقوم حتي يغيروا مابانفسهم + شر الحكام من خافه البريء وامنه المجرم + افضل الجهاد كلمة حق وعدل عند سلطان جائر


#1490736 [عوض عبدالله الزين]
0.00/5 (0 صوت)

07-20-2016 08:28 AM
المشكله ليست في الحكومة المشكلة في الشعب الذي لديه القابليه لتصديق هذه الخرافات. ستظل هذه العصبه الجاهله حاكمه..لان الله لا يغير ما بقوم حتى يغيروا ما بانفسهم..شعب مستكين غير متفاعل .. الطامه الكبرى ان المكونات الحيه للشعب التى من الممكن ان تقود التغير هاجرت بل طفشت

[عوض عبدالله الزين]

#1490726 [السماك]
5.00/5 (1 صوت)

07-20-2016 08:15 AM
نفس التصريحات الخارم بارم الكان بطلقها الحاج آدم عندما كان نائب الرئيس .. تصريحات ناس تمامة عدد الذين يلعبون في الطرف ..

[السماك]

#1490714 [ابوالخير]
0.00/5 (0 صوت)

07-20-2016 07:53 AM
الكلب دا عاد ما قاله البشير عام 1989

[ابوالخير]

#1490700 [زول الخلا]
5.00/5 (2 صوت)

07-20-2016 06:58 AM
يا عمك الحاج ساطور منو القاليك في الخرطوم مافي عمد ولا نظار؟أججتو البلد كلها دا جعلي ودا شايقي ودا بديري وتكتبوها في الرقم الوطني وعندكم أرقام للقبائل بالترتيب كمان دايرين يكون عندنا شيوخ ونظار للقبائل الأصيلة في الخرطوم وهي موجودة منذ عهد السلطنة الزرقاء؟

[زول الخلا]

#1490690 [خليل ابراهيم]
4.19/5 (5 صوت)

07-20-2016 05:51 AM
طبعا قصت انكم ما بتخافوا دى مفروغ منها لانو الما بخاف الله ح يخاف من منو تانى وارجع لشهادات شيخ حسن.
موضوع عايشين كيف دى عايشين على الربا البعتو ليه البلد كلها وكلو كضب ورينى العيشة دى كيف انتم عايشين عالة على الشعب لا صحة لا تعليم المواطن يدفع كل شىء وانتو تفرضو ضرائب وزكاة ودمغة جريح وتكاليف شهر عسل الوزير .
واذا كان القبلية مرض انت عامل الاقاليم كرنتينة ليه حابس فيها المرضى بداء القبلية ما تلغيها فى السودان كلو ياخ انت ممثل دارفور فى الرئاسة بالاستهبال والقردنة وكل العليك تطبل لاسيادك وبدل تقول خير وتقعد مع اهلك البموتو انتا البتودى السلاح والجهل.
طبعا ما ح نقول ليك اتقى الله لانو دا انتا ما بتفهمو بس بنقول ليك يا كاتل الروح وين تروح وخلى ناس بكرى وعمر ينفعوك يوم لا ينفع مال ولا بنون.😷

[خليل ابراهيم]

#1490686 [الفاروق]
5.00/5 (3 صوت)

07-20-2016 05:35 AM
المشكلة انهم شبعانين شبع افقدهم الاحساس بالاخرين . قالوا فى الحوادت اضرب من حدث له حادث كف جامد لكى يفيق من حالت اللاشعور وعدم الاحساس .

[الفاروق]

#1490684 [الكوشى]
5.00/5 (3 صوت)

07-20-2016 05:20 AM
الحاج أب ساطور . شيخك كشف اللعبة وأعترف وهو دارس القاوانين والدستور فى أرقى الجامعات . قال اصلا نحن خططنا لتصفية الدولة والمال مال الله (أ, نوابه الكيزان) وخططنا انه الشعب يعيش على الصدقات ويبقى مسكيين ( ويرعى بى قيدو ) وبرلمان الضحى حقك دا معناه انه الشعب يجى يبتهل ويبكى ويعرض حالته لظل الله فى الارض . وما عندو حق يطالب بالموية والعيش والمواصلات والتعليم والصحة لانه دا كفر بالله وقنوطا من رحمته ..

[الكوشى]

#1490652 [مدحت عروة]
5.00/5 (1 صوت)

07-20-2016 01:17 AM
حقيقة من انتم لتشوفوا الشعب وتسمعوا لارائه؟؟؟؟
الف مليون ترليون تفوووووووووووووووووووووووووووووووووووووووووووووووو يا حسبو على الحركة الاسلاموية السودانية بت الكلب وبت الحرام التى اتت بانقلاب على الشرعية فى 30/6/1989 وعلى الاسسوها فى مصر والسودان وفى كل العالم اخ تفوووووووووووووووووووووووووووووووووووووووووووووووووووووووووووووووووووو!!!

[مدحت عروة]

#1490638 [Hisho]
5.00/5 (2 صوت)

07-20-2016 12:35 AM
الزول يبدو انه لسع ما فاق من البنج .. دا واحد مجنون ما اكثر ..
حاجة غريبة الاقتصاد علم مادى يتعامل مع حقائق وارقام .. هذه حقيقة يعرفها اى انسان عادى ممستوى تعليمه اقل من الثانوى . علاقة الايمان شنو بالارقام ...
انا اتخيل هذا الشخص عندما يقضى حاجته فانها تخرج من راسه وليس من معدته كسائر خلق الله .

[Hisho]

#1490580 [وَدِ بّحُرَ ابّيَضُ]
0.00/5 (0 صوت)

07-19-2016 10:42 PM
دِيَلُ دِيَلُ حُرَامٌيَةِ الُلُُه لُا جْابّ بّاقًيَكِمٌ طِلُْعتْوَ ْعيَنَا بّرَلُمٌانَ شِنَوَ وَكِلُامٌ فَارَقً الُمٌجْلُسِ الُتْشِرَيَْعيَ شِغًالُ شِنَوَ الُمٌا شِافَكِمٌ فَيَ الُنَارَ الُدٌِخانَ مٌغًطِيَكِمٌ

[وَدِ بّحُرَ ابّيَضُ]

#1490543 [قوشام]
5.00/5 (1 صوت)

07-19-2016 08:35 PM
غريب أن يصدر هذا الكلام من شخص كان من المفترض عليه أن يكون ملما" بكل ما يجري على الساحة السودانية.!! وملما" -على وجه الخصوص- بالحال التي وصل إليها المواطن السوداني.!! فهذا التصريح له دلالات عدة :
# إما أن يكون هذا الأفاك بما أنه قد شيد له قصورا فخمة من "مال الشعب" بنى على قمة هذه القصور برجا" عاجيا" يتطلع على الشعب المقهور من تلك القمة الشاهقة ولا يكترث بما يجري أسفل الساحة.!!
# وإما أنه يتعمد إستفزاز من يدري بخقيقة نظام الكيزان بتحد سافر فيعمل بقاعدة "الزرعنا يجئ يقلعنا".!!
# إما إنه لا يدري أنه لا يدري وتلك المصييبة التي أصابت الوطن في مقتل منذ 27 عاما" خلت ولا زالت مستمرة حتى تاريخ نشر هذا التعليق..
# وإما أنه يظن واهما" أن الشعب السوداني البسيط الصابر تنطلي عليه هذه الأكذوبة الواضحة التي ظل يرددها ﻷكثر من عقدين في مسلسل "العصابات الأخوانية" التي كان آخر حلقاتها المثيرة "عرس حسونة".!!
أيها السوبركوز .. super kuz : بالله عليكم لو إلتزمتم الصمت لكان أرحم من الخروج للشعب لتأليب المواجع عليه بتصريحاتكم الاستفزازية هذه التي هي أشد ألما" عليه من مواجهة واقع مزري أنت وجماعتك السبب الرئيسي في حدوثه.!!
وكان الله في عونك يا ... وطني.

[قوشام]

#1490542 [افروعربي]
4.50/5 (3 صوت)

07-19-2016 08:28 PM
بالله يا ناس حسبو وامثالو في الحكومة ورونا بتلططوا بي ياتو صنف من الحشيش والمخدرات.
قال برلمان ضحى وقال تركيا ،ياخ قوم لف

[افروعربي]

#1490538 [ود الريف الحريف]
5.00/5 (4 صوت)

07-19-2016 08:15 PM
هذا الرجل أب كرش لا يختشى مما يقول ،،،،
نمو إقتصاد ده وين بلدو ،،،
هل يعقل إنو يكون فى نمو إقتصادى وعملة البلد تسير نحوالهاوية بل تجاوزت الهاوية إلى القاع الصفصف ،،،
الكذب ليس بفلوس ،،،
لكن حالة البلد المزرية والمخزية لا تخفى على عين الرؤى ،،،
كذب ثم كذب ثم زد فى الكذب فذلك لن يغير من الحال بأى حال من الأحوال

[ود الريف الحريف]

#1490516 [ALIIIIIIIIIIIIIIIIIIIIIIIIIIIIII]
5.00/5 (1 صوت)

07-19-2016 06:57 PM
برلمان الضحي كويس المجلس التشريعي قاعد يعمل شنو نوم وفسحة وعباطة وكسير تلج لرئيسك الخنزير ده عرفناها وبعدين شنو حكاية مابنخاف دي بالله عليك الله مابتخافو ماصحي انتو مابتخافو تب سرقة وفساد واغتصاب ممنهج وتدمير لكل البلد وقضايا فساد وخراب وقدامك حديثا مدير الجمارك اللي في جهات نافذة منكم وفيكم ياعفن يافاسد يامنافق تدخلت لاطلاق سراحه ونائبه ماشاء الله تبارك الله حايم زي كلب الحر زول قادر يجيبوه ويحايبو مافي وعندك حمهورية اليسع اها كده انت وجكومتك ورونا رجالتكم فيهم ياالمبتخافو وبعدين بالله عليك فكنا من العباطة بتاعة الابتلاءات والعبط ده انتو في ابتلاء غيركم ربنا يغوركم في سابع ارضين كلو مرة بسبب اخفاقتكم وفشلكم 28 سنة من خراب لخراب وانتو ياكرور ياوهم لسع متشبثين ومكنكشين كنكشة في الحكم...انتم فشلتم في ادارة البلد ولو انت جادي وبتقول شعبنا طيب خلي الناس تنزل الشارع بالملايين ياوهم عشان تعرف راينا فيكم والله نوديكم في ستين داهية

[ALIIIIIIIIIIIIIIIIIIIIIIIIIIIIII]

#1490515 [علي]
5.00/5 (3 صوت)

07-19-2016 06:55 PM
كلام جميل يا سيد حسبو لاذم الناس تتسرع وتدعو اللهم أمطر مطر السوء على أهل السوء

[علي]

#1490500 [عبدالرحيم]
4.82/5 (5 صوت)

07-19-2016 06:21 PM
يا اخي قوم لف ايمانية شنو يا اخي انت القائل بأنه يجب ان يتم استخدام مال التحلل في التجسس على الاحزاب وتقوية استخبارات الحركة الاسلامية؟؟؟ يعنى المزيد من الغواصات لفرتقة الوحدة وتشتيت المفرق ...
يا اخي حرملة رضي الله عنه قال للرسول صلى الله عليه وسلم اني كنت من المنافقين واعرفهم الا اخبرك عنهم
قال الرسول ص الله عليه وسلم (لا من جاءنا تائب استغفرنا له)

انتو والله العظيم اسواء من ابليس نفسه لأنكم صناعة غربية ماسونية ثم الذين تخاطبهم كلهم من جماعتكم برلمان شنو الناس هربت من البلد خلتا ليكم تنططوا وتعرضوا فيها ساكت الله لا تاجركم

[عبدالرحيم]

#1490496 [AAA]
4.66/5 (7 صوت)

07-19-2016 06:16 PM
كلام مضحك..الاقتصاد قضية ايمانية والقروض الربوية حلال؟!! ولا كيف يا حسبو...قال ايمانية قال..انتو بتعرفوا الايمان!!!!

[AAA]

#1490454 [خالد عثمان]
4.96/5 (8 صوت)

07-19-2016 04:49 PM
درسنا علم الاقتصاد 5 سنوات في الجامعة بس موضوع الاقتصاد دا قضية أيمانية ما ادونا ليها....

[خالد عثمان]

#1490451 [منصورالمهذب]
4.75/5 (3 صوت)

07-19-2016 04:42 PM
يا شباب ، كمل الكلام ، يالا العمل: خلايا الاصدقاء للمقاومة ، بدون تمييز ، لا احزاب لا جهات لا قبائل ، سوداني وبس.

[منصورالمهذب]

#1490434 [غدار الدموع]
0.00/5 (0 صوت)

07-19-2016 03:59 PM
والله انتا قايل الناس ديل لسا مابعرفو الخداع بتاعكم دي والله جينس كيدب

[غدار الدموع]

#1490426 [جغام]
5.00/5 (1 صوت)

07-19-2016 03:42 PM
هو الحاصل في البلد داير ليه برلمان ضحى ولا شاي مغرب ... بطلوا دجل يا دجالين .... دمرتوا البلد وقبلتوا على الاستخاف والاستهتار .... حقيقة الرجال ماتوا في كرري

[جغام]

#1490413 [الحاقد]
5.00/5 (1 صوت)

07-19-2016 03:18 PM
كل العادة منسوبي هذا النظام الفاسد يتحدثون دون وعي او دراية مما يفضح جهلهم وكذبهم وعجزهم عن إيجاد الحلول، لذلك لابد من انهيار الدولة بسبب ادارة هؤلاء الفاشلين.

[الحاقد]

#1490393 [ود الفاضل]
5.00/5 (3 صوت)

07-19-2016 02:39 PM
اوردوقان طلب من الشعب برسالة فيس بوك يطلعوا الشارع فى ثواني طعلت تركيا كلها على الشارع وفقت امام الدبابات فانهار الانقلاب 00 ولكن اذا قام انقلاب على حكومة الوسخ والكذب والسرقة الحاكمة البلد بالعكاز والسكين والكلاشنكوف والتاتشرات المدججة والمرتزقة اذا قام انقلاب يقوده اولاد بلد شرفاء حقيقيون وليس مرتزقة ( امثالكم لاأصل ولا فصل ) وتم القبض على القطيع كاملا الشعب ممكن يوقد لكم نار النمرود ابن كنعان ويرميكم فيها دفعة واحدة ياحسبوا يامتخلف يامطلوب انت حتى الان صورك على صفحات الجرايد السودانية(مطلوب للعدالة هذا الهارب ) وتجي الان تتفاصح وتقول كلام فارغ وانت عارف ان الشعب تعبان وقرفان وغرقان ومرضان ومالاقي علاج ومالاقي موية شراب نظيفة ولا كهرباء دون انقطاع ويشتري رغيفة الخبز الواحدة بخمسمائة جنيه وهذا المبلغ سنة 1989م قبل انقلابكم المشئوم النحس كان يعادل رأسمال كنتين فى (أمبده يا أبكر ) مسكين السودان الاصبح قادته انتم .. وبعدين من اين اتيت انت يانكره حتى تأمر تشريعي ( الهرتوم ) بعدم التصديق لكيانات قبلية !!! وانت لاتعرف معنى القبيلة ولا تعرف قيمها وموروثاتها .. والقبيلة ياجاهل نزل بها الكتاب المنزل من السماء .. فمن حرمها يافاقد الهوية ( واغلب الظن انك من بقايا حجاج غرب افريقيا ( طرش البحر كما يسمونهم ناس السعودية ) التجمع القبلي يمارسه السودانيون فى كل بلاد الدنيا ، واسأل صاحبك عبدالرحيم محمد حسين عن هذا الموروث ... فمن قال ان القبلية ضد مصلحة الوطن ..

[ود الفاضل]

ردود على ود الفاضل
[خليل ابراهيم] 07-20-2016 06:00 AM
سواءا كان موضوع الانقلاب صاح او مسرحية ناس حسبو ما محتاجين واتس ولا فيس ديل فى آخر انتخابات جايبين 96 فى المية واردوغان جايب 53 بشق الانفس يعنى ينومو قفا اما جيش المخصيين دا ما باقى ليى يقدر يتقلب على صفحتو. دا غير انو بشة قال هو ما جابو شعب هو جابو الله ومافى مظاهرات ولا بنزين ولا سكر بشيلو.
اما ضل الضحى دا وين مع المطرة دى كدى نلقا شارع نعدى بيهو.

[الفقير] 07-19-2016 08:14 PM
الشعب التركي طلع من تلقاء نفسه للدفاع عن ديمقراطيته و ليس بسبب نداء أردوغان ، هذا ما نشر في التحاليل و الأخبار في قنوات تركية ، فمن أحتشد بالشوارع جميع قطاعات الشعب التركي و ليس مؤيدي أردوغان فقط.

باقي كلامك سمح بالحيل

European Union [alwatani] 07-19-2016 04:28 PM
الناس ضدقت اردقان دى مسرحية برضو اردغان عندو جنجويد بل مسلحين بطيران f16

على حكومة السودان ترسل ناس ليتعلموا من اردغان التمثلية حتى يكتمل التمكين زى المهدى كان عايز يزوب الجيش ويكون جيش موازى بقيادة عبدالرسول النور لكن كش ملك نسيبوا الترابى كشف اللعبة من وصال والبشير عمل كش ملك وكون الجنجويد وبكرة منحة دراسية لحميتى لتريكيا وهيجيب ايفات ستعشر


قال ايه قال اوردغان مسالم ومسكين دا ابن فقير وكنكش فى البزة المملوؤة بعسل

مسكين الجيش التركى جنس اهانة فريق تجد مدنيين عامليت لية قصة ومكتفنو


#1490387 [لحظة لو سمحت]
4.50/5 (5 صوت)

07-19-2016 02:32 PM
ان شاء الله يا حسبو الدعاء اسختك خنزير
نحن قنعنا من احزاب و انتفاضة بعد ما فاض بينا الالم و امسكوا عيالكم و بناتكم ما بنفرز كلكم اكلتوا غدانا.
شوف تلقانا جنب بيتك فى الباركن فى التقاطعات بحزام ناسف بطبنجة حتى السكين و العكاز خلاص رمينا عود الغزافى.
و علينا و عليكم. الموت اهون لينا و صعب عليكم

[لحظة لو سمحت]

#1490383 [ود الزين]
4.50/5 (4 صوت)

07-19-2016 02:25 PM
والله دا كلام الزول الخائف العايز يركب الموجة خلاص يا كيزان الوهم الشعب بقى واعي بأساليبكم وأي كلام بتقولوه عارفنكم هاتعملوا عكسه تماما وبعدين وقت عارفين الناس البتاجر بالدواء واقفين تاخدو معاهم صورة مثلاً وطبعا خايفين لاخر درجة الحصل في تركيا يحصل عندنا وانتو واثقين تماما انه هايحصل قال دايرين شعبنا يستجيب لينا والله الهايعملو فيكم الشعب في الثورة الفرنسية ما حصل اسأل الله أن يمد في أعماركم حتى نقتص منكم فيها وعلذاب الآخرة أشد لو كنتم تعلمون.

[ود الزين]

#1490376 [NO1]
5.00/5 (2 صوت)

07-19-2016 02:14 PM
والله كلام عجيب . انتو ي جماعة الناس ديل فاكرين انه الشعب السودانى لسه اهبل و عبيط . لكن العيب مش فيهم هم العيب فينا نحن ساكتين ليهم ولا حياة لمن تنادي .
والله ي جماعة الحل الوحيد لاسكات هؤلاء الارازل ثورة شعب حقيقة ثورة شعب حقيقة ثورة شعب حقيقة . بلا مبالاة بلا خوف بلا رحمة .

[NO1]

#1490356 [Salah ALDeen P]
4.38/5 (4 صوت)

07-19-2016 01:32 PM
الزول دا قدر ما تقول عليه متخلف.. تلقاهوا في اسفل سافلين من التخلف وينحدر باستمرار الى أسوأ من ذلك .. ينعل ام التخلف

[Salah ALDeen P]

#1490345 [المتجهجه بسبب الانفصال]
5.00/5 (2 صوت)

07-19-2016 12:50 PM
المجتمع بشيل نفسو !!!!! والله ورقة ابن نوفل كان فكروا متقدم اكثر منك

[المتجهجه بسبب الانفصال]

ردود على المتجهجه بسبب الانفصال
United States [العاقل] 07-20-2016 09:47 AM
ههههههههههههه يالمتجهجهة بسبب الانفصال اضحكتيني كثيراً.

United States [الهدهد] 07-20-2016 04:34 AM
والله حرام عليك تشبه ورقة إبن نوفل بالمرفعين ده...ياخي ورقة كان إنسان رقيق وشد من أزر علم الهدي
(ص)...ياخي ده وأمثاله من بني كوز حطب جهنم والعياذ بالله...


#1490342 [فيلق]
4.50/5 (6 صوت)

07-19-2016 12:45 PM
ياخوي هوي شوف شغلتك وعوس عواستك زول بسالك مافي انتو ناس ماف زيكم ناس عادلين جدا ومريحننا علي الاخر ههههههههههه
ياجماعه الزول ده مجنون ولا بتهابل
حسبو الشتت قصبو
هاك الليمونة دي

[فيلق]

#1490336 [كنوز محبه]
4.72/5 (7 صوت)

07-19-2016 12:33 PM
لو كان الأقتصاد قضيه ايمانيه فلماذا أغرقتم البلاد بمليارات الدولارات من القروض الربويه؟؟؟؟؟؟؟؟؟؟ ...... وتانى كمان حنمزق فواتير كان أحسن تظلك ساكت .

[كنوز محبه]

#1490332 [الكرور الافندي]
4.88/5 (6 صوت)

07-19-2016 12:29 PM
تعليقا علي ( حديث نائب الرئيس حسبو)
1/ برلمان ضحي .. والبلد ماكولة بالليل في الظلام من الخفافيش الوطنية المؤتمر جية ...
2/ لو في تقصير نسمعوا من الناس ... نائب رئيس وبسال الشعب لو في تقصير دي ردها نسال منو طلاب الاساس ... انت 26 عاما ما عارف البلد ماشة لي وين .. تعمي ام مشغول باللهط والخم .. وناس حزبك الرزيل عمارات وسيارات ومزارع لم يكن من بين منسوبي المؤتمر الوطني من هو فقير ولا ختي متوسط الحال الكل ميسور وغني جدا والبعض غني فاحش فاحش علما بأن جلهم من الفقراء والطبقة الريفية القادمة للعاصمة في سنوات الانقاذ الشؤم.
3/ أورغان طالب شعبه العيب مافي شعبك العيب والرزلية والدنائة والفساد فيك انت وفي اتباعك . الشعب السوداني انبل واشرف واعز شعب علي وجه البسيطة بس مشكلته الوحيدة انتو حكامه وهذا بلاء وابتلاء من الله ,,, الشعب السوداني صابرعلي طل جرائمكم وسياساتكم الفاشلة الخربة . خرج الشعب يوما في سبتمبر 2013م فواجهته انت وزمرتك بالرصاص الحي ولجان التحقيق مازالت

[الكرور الافندي]

ردود على الكرور الافندي
European Union [أنس الفيل] 07-20-2016 09:50 PM
مسؤل من الخير وين البوق / عبدالوهاب الافندي انقطع من الكتابة ؟ قالوا معتكف في قطر وكر الأخوان


#1490327 [نصر]
5.00/5 (5 صوت)

07-19-2016 12:18 PM
ده رجع بالناس للوهم القديم بتاع مزقنا فاتورة القمح ,, ومزقنا فاتورة الدواء و باقى الاوهام حقت نأكل مما نزرع و نلبس مما نزرع و نسكر مما نشرب ......الخ
و قارن عمر البشير و حزب المؤتمر الواطى باردوغان وحزب العدالة و التنمية التركى ,,,

وجانا بنظرية اقتصادية جديدة (المجتمع بشيل نفسو )

ده شكلو برة الشبكة

[نصر]

ردود على نصر
[السودان فقييييييييير] 07-19-2016 06:20 PM
هعع
قال سودان قال-_-


#1490326 [هيثم]
5.00/5 (4 صوت)

07-19-2016 12:18 PM
ايها المنافق ستدفع ثمنها وإن طال الزمن

[هيثم]

#1490321 [هبة النور]
4.50/5 (5 صوت)

07-19-2016 12:13 PM
ما أظن ان تبيد هذه أبدا

[هبة النور]

ردود على هبة النور
[نبيل] 07-19-2016 06:42 PM
اللهم من شق علينا فاشقق عليه وولي علينا من يصلح



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة