الأخبار
أخبار إقليمية
اسرار القبض على نائب رئيس "حزب البشير " بالخرطوم والاطاحة بوكيل وزارة الاعلام
اسرار القبض على نائب رئيس


08-04-2016 01:11 AM
الراكوبة - الخرطوم في خطوة مفاجئة؛ تم إعفاء وكيل وزارة الاعلام عبد الماجد هارون من منصبه؛ وذلك بعد يومين من القاء القبض على نائب رئيس حزب البشير بولاية الخرطوم محمد حاتم سليمان؛ وايداعه السجن في قضايا تتعلق بالفساد في التلفزيون القومي.
وعلمت (الراكوبة) من مصادر مطلعة؛ ان عملية القبض على محمد حاتم سليمان مرتبطة بوجود فساد مالي واداري داخل التلفزيون السوداني؛ وتحديدا حينما كان حاتم مديرا عليه.
وقالت المصادر إن المراجع العام اشار في تقريره الى وجود تجاوزات مالية وادارية بالتلفزيون؛ الامر الذي استوجب القبض على محمد حاتم سليمان؛ ومساءلته؛ وهو ما حدث بالفعل؛ حيث تم القبض على حاتم وايداعه السجن؛ واثناء مكوثه في الحبس جاء وزير العدل الدكتور عوض الحسن النور الى قسم الشرطة وحاول اطلاق سراح محمد حاتم بالضمان؛ الا ان الاخير رفض الخروج؛ وانتظر الى حين قدوم والي ولاية الخرطوم ورئيس المؤتمر الوطني بالولاية الفريق اول عبد الرحيم محمد حسين؛ الذي اكمل إجراءات اطلاق سراح نائبه محمد حاتم سليمان.
وذكرت المصادر ان القاء القبض على محمد حاتم سليمان جاء على خلفية تحريك بلاغ في مواجهته؛ بواسطة المستشار القانوني لوزارة الاعلام.
واكدت المصادر ان تحريك الإجراءات ضد حاتم يقف خلفه وكيل وزارة الإعلام عبدالماجد هارون؛ الذي خاض صراعات كبيرة ضد محمد حاتم سليمان؛ حينما كان الاول مديرا للأخبار والشؤون السياسية بالتلفزيون؛ وحينما كان الاخير مديرا للهيئة القومية للإذاعة والتلفزيون.
ورجحت المصادر وجود علاقة لوزير الدولة بالإعلام ياسر يوسف بحادثة إلقاء القبض على نائب رئيس المؤتمر الوطني؛ على اعتبار ان وكيل الوزارة عبد الماجد هارون؛ يعتبر من تيار ياسر يوسف؛ خاصة ان هارون يعاجزه خوض المعركة مع محمد حاتم منفردا.
وتوقعت المصادر ان تتم إقالة وزير الدولة بالإعلام ياسر يوسف لوجود علاقة قوية بينه وبين اعتقال محمد حاتم سليمان.


تعليقات 59 | إهداء 0 | زيارات 72106

التعليقات
#1498971 [ود الامير]
0.00/5 (0 صوت)

08-06-2016 01:41 AM
لهم زبالة و حرامية ومتواطئون على الجريمة وعقابهم واجب ومستحق.والذين يرددون نغمات من قبيل (عفا الله عما سلف) ىينبغي عليهم ان يصمتوا تقية أو تأدبا و استحياءا فما اقترفته هذه العصابة في حق الشعب والوطن لا يجب أن يسكت عليه و الحساب آت! وما يحدث بين هؤلاء اللصوص حاليا هو بداية نهايتهم، لقد جعل الله كيدهم في نحرهم وفتنهم ببعض وسيذهب ريحهم عما قريب.

[ود الامير]

#1498949 [اقلام رصاص]
0.00/5 (0 صوت)

08-06-2016 12:05 AM
أشك انه توجد حكومة في السودان هذه الايام !!!



أو كما قال المؤرخ والاعلامي محمد خير البدوي عندما حاورته الصحفية نادية عثمان مختار في صحيفة السوداني في العام 2013 حين قال لها. ما شاعر أنو في حكومة في السودان , وهو عندكم حكومة انتو هو ؟

[اقلام رصاص]

#1498905 [محمد علي]
0.00/5 (0 صوت)

08-05-2016 08:34 PM
غايتو البشير دا
جلدو تخيين بطريقه عحيبه

[محمد علي]

#1498884 [الداندورمي.]
0.00/5 (0 صوت)

08-05-2016 07:41 PM
والله الأيام دي ،،،بقرأء أخبار
الفساد في الراكوبه وأنا ،،،لابس
كمامه من العفن.

[الداندورمي.]

#1498787 [المستعرب الخلوى]
3.75/5 (3 صوت)

08-05-2016 11:22 AM
عادى جدن فى نظام الإنقاذ .. وقبال دا عبدالباسط سبدرات وكان وزير للعدل اطلق سراح المدعو الكاردينال قبل المحاكمة ..
يا هو دا إسلام الإنقاذ ..لو سرق فيهم الشريف ( ولو انو مافيهم اى واحد شريف) تركوه وإن سرق فيهم الضعيف اقاموا عليه الحد ..
وهى لله هى لله هى لله .. واصبع سبابة وعصاية فوووووق فى الهواء ..

[المستعرب الخلوى]

#1498778 [المرضي]
3.00/5 (1 صوت)

08-05-2016 10:39 AM
كل يوم نصحي علي قنبله فساد سياسي او مالي او اخلاقي من الجماعه الطيبين...وما يمر يوم الا تلمام الفضيحه وتموت كان شي لم يكن ..اقرب مثل ..قضيه اليسع الحصل شنو فيها ...

[المرضي]

#1498766 [بابكر الماحى]
2.00/5 (1 صوت)

08-05-2016 09:27 AM
دحين ياسر يوسف ده مش الولد القال المقاطعين الانتخابات هم ارازل القوم ؟؟؟؟ هذه هى الرزائل التى تربوا عليها فى المشروع الحرامى ، اما ابن ابى سلول ما عاسه فى التلفزيون جاء وقت ( الضواقة )

[بابكر الماحى]

#1498758 [الفاروق]
3.00/5 (2 صوت)

08-05-2016 09:03 AM
كثر الفساد بدليل الواقع المشاهد وتأكد . فوجب الموت والجهاد حفظا لحدود الله . الناس لا تعلم ان ود الحرام ناتج عن اكل الحرام وود الذنى ناتج عن جماع بدون عقد شرعى فاعلموا ان اولاد الحلال قلة ووجب عليهم الجهاد اليوم قبل بكرة لكى نحد من تكاثر اولاد الحرام فحقيقة النظام مفسد فى الارض بعد اصلاحها بمحمد صلى الله عليه وسلم .

[الفاروق]

#1498687 [abin al baldan]
4.00/5 (1 صوت)

08-05-2016 01:10 AM
تظام فاسد يتاخذ من الجهوية مرتعا له عندما يصطدم الناس بعضهم بعضا

داك الاول زول ناس صلاح قوش وعطا وطه ولا ادري وزير العدل لكن اسم جده الرابع العوض يدل الي مكان جغرافيته هذا حال الموتمر اللاوطني
اضف الي الذي يتحدث ان ياسر فلاتي مالوا معظم قيادات الانقاذ تنحدر من اصول قلاته وان نسبت الي مجتمعات اخري وكذلك معظم سلالات محمد حاتم من فلاته هذا حال السودان ولا بد ان الناس تعلم هذه الامور في اصول الانساب وسكان السودان عامة وخاصة النيل وغيره

[abin al baldan]

#1498656 [مدحت عروة]
3.50/5 (4 صوت)

08-04-2016 10:41 PM
ياجماعة ناس الانقاذ او الحركة الاسلاموية ديل التجاوزات المالية البيعملوها دى ما لانفسهم كلها من اجل الاسلام وشرع الله يعنى انتو ما عارفين نشر الاسلام وتثبيت شرع الله عايزقروش كتيرة وبدون بيروقراطية ومراجعة ومحاسبة لانه ناس الحركةالاسلامويةكلهم ما شاء الله ما فيهم زول بيعمل لنفسه كله ف سبيل الله وما لدنيا يعملون!!!!!!!!
كسرة:هسع عاينو للسودانيين قبل الانقاذ وبعدها مش بقوا بعد الانقاذ الغالبية منهم بيصلوا ويصوموا وبطلواعبادة الاصنام؟؟؟؟؟
كسرة ثابتة:الف مليون ترليون تفووووووووووووووووووووووووووووووووووووووووووو على الحركة الاسلاموية وعلى الاسسوها فى مصر والسودان اخ تفوووووووووووووووووووووووووووووووووووووووووووووووووووووووووووووووووووو!!!!!بت الكلب وبت الحرام العاهرة الداعرة!!!!

[مدحت عروة]

#1498655 [زينه عبيد]
3.75/5 (5 صوت)

08-04-2016 10:40 PM
فى الصحف اليوم اطلاف سراح نائب للرئيس فى جريمة سرقة علنا والضامن الوالى
يا اخوانا اقل ليكم تذكرة امين حسن عمر سألوه من اين اتيت بالفلوس لتشيد كمبرج قال باع حواشة ابوه طيب الوالى الضامن للحرامى من اين جاء بقروش عمارة الخرطوم 2 كما باع مزرعة ابوه
اسمعوا ناس الراكوبه وخارطة الطريق ما عندها مفتاح الى الان كل كلام فاضى والف فاضى خلونا نطلع الشارع امهاتنا جدودنا حبوباتنا اطفالنا فى مسيرة نطالب بازاحة الظلم
يعنى رصاص عطا وحمديتى بضربنا ولا الحل شنو يا اولادى
امكم الحاجة زينه

[زينه عبيد]

#1498649 [زينه عبيد]
3.88/5 (4 صوت)

08-04-2016 10:31 PM
عبدالرحيم يطلق صراح حرامى الوالى واحالة وكيل وزارة الاعلام الى المعاش
لو فسرنا الامر نجدها شبكة والى وولاة ووزراء .
يا اخوانا ما نطلع الى الشارع عجائز وشباب واطفال وكلنا مسيرة خليهم اضربونا لو بقدرو والبيوت خليها تفضى يعنى شنو عينكم للبلد ما شة نحو الهاويةقاعدين تعملوا شنو الراكوبه دى ما حل والجرائد. حلنا التبرع بانفسنا فداء للوطن

[زينه عبيد]

#1498581 [هميم]
3.63/5 (6 صوت)

08-04-2016 06:19 PM
نسأل الله أن تصل الخلافات بين هؤلاء الفَجَرة إلى استخدام السلاح وقتل بعضهم بعضاً بأسرع ما يمكن!

[هميم]

ردود على هميم
European Union [nagatabuzaid] 08-04-2016 08:55 PM
سيحدث أن شاء الله


#1498494 [SALAH EL HASSAN]
3.25/5 (3 صوت)

08-04-2016 03:04 PM
يا اخوانا نحن كمن يحرث في البحر فساد النظام لا حدود له و اصبح سمة من سمات النظام ..!!

[SALAH EL HASSAN]

#1498473 [صديق عيد]
3.75/5 (4 صوت)

08-04-2016 02:29 PM
السلام عليكم ورحمة الله تعالى وبركاته 🌸
انا لله وانا اليه راجعون اللهم اجعل كيدهم في نحورهم

[صديق عيد]

#1498460 [AAA]
3.59/5 (8 صوت)

08-04-2016 02:08 PM
سبحان الله..بعدما مات الترابي..وتم بت شهادته على العصر "القنبلة"..توالت على الكيزان "لعنة الترابي"..وهي أشبه بلعنة الفراعنة..

كشفت تدبير وتنفيذ محاولة اغتيال حسني مبارك والضالعين فيها على عثمان ونافع واخرين..وتصفية كل من له علافة بها ولو من وراء حجاب ..

* كشفت مهزلة فنيلة ميسو وما صاحبها من تراجيديا رئاسية..مرمطت اسم السودان في الواطا...

*كشفت زيف التكريم وفستان النوم ا"لولية الحبشية) الاحمر..كما كشفت احتيال القائمين على تلك الزفة المزورة..

* كشفت حبس نائب رئيس المؤتمر الوطني لولاية الخرطوم في الحراسة لفساد مالي ..وتوسط وتحنيس وزير العدل ومدير عام الشرطة ووالي الولاية لفكه من الحراسة ودغمسة الاتهام..

* كشفت كيف تدير العصابة الاجرامية اجرامها..والقوي ياكل الضعيف باقالة وكيل وزارة الاعلام الذي تطاول على الصقور..وعلى وزير الدولة ياسر يوسف ان يبل رأسه.. وكلهم سجم ورماد..أخير عدمهم..

* كشفت بان النظام يدير البلد بنظام الشلليات واللوبيات حيث ورد بالتقرير فقرة تقول: (على اعتبار ان وكيل الوزارة عبد الماجد هارون؛ يعتبر من تيار ياسر يوسف؛ خاصة ان هارون يعاجزه خوض المعركة مع محمد حاتم منفردا) وهو بالله ياسر يوسف كمان عمل ليهو تيار كهربائي!!! هااااااانت

** فكما لعنات الشعب تلاحق الترابي وهو في قبره ..فان لعنة الترابي تلاحق جماعته الكيزان وهم أحياء يأكلون الطعام ويمشون بين الناس في الاسوق..
والغريق لقدام....

[AAA]

#1498440 [ود الشيخ]
3.25/5 (5 صوت)

08-04-2016 01:46 PM
الفساد في حكومة الانقاذ واضح جدا والدليل ان البلد ذاهبة للسناريو الاسوا منذ الاستقلال فقر وتقسيم سيطالها مادام هؤلاء بجثمون على صدر الشعب السوداني الذي سينتفض عليهم وماالقذافي عنهم ببعيد .

[ود الشيخ]

#1498428 [المهندس سلمان إسماعيل بخيت على]
3.82/5 (7 صوت)

08-04-2016 01:23 PM
وزير العدل الدكتور عوض الحسن النور
أنا لا أعرفه لكن كان عندى صديق شاب اسمه ياسر من ابناء كسلا يصغرنى بسنوات عديدة كان يدرس القضاة والمحامين علم الحاسوب فى معهد القضاء القانونى ومقره غرب المدراسة الصناعية الثانوية البلجيكية ، فى مطلع تسعينيات القرن الماضى أشتريت جهاز حاسوب وكان يجى يدرسنى فى البيت ووقتها كان الـ DOS للـ 384 والـ 386 مايكروسفت اوفس دا ماظهر
علمت ان لديه مشاكل من المدعو أمين حسن عمر تتعلق بإصرار أمين أن يرسله للخدمة العسكرية حيث كانت لأمين سلطة من بين سلطاته العديدة على معهد القضاء القانونى الذى كان يرأسه وزير العدل الحالى عوض حسن النور
ياسر واجه امين بحضور اخرين وقال ليه مش الأسلام دا انا بطلع منه عشان ما يكون فى شىء يجمعنى مع خلقتك الكريهة دى
ما اخبرنى به الابن ياسر ان مولانا عوض النور واخرين امنوا له عقد عمل وسفروه للمدينة المنورة حتى لا يخسر دينه ونفسه وحقيقة ناس امين حسن عمر يطلعوا الزول من المله
الرجل استقر فى المدينة وحسن اسلامه حين وضع البحر الاحمر بينه وبين امين حسن عمر
الابن واستاذى ياسر كان يوميا يثنى على مولانا عوض حسن النور
وكنت اراه فى عينى كبيرا الا ان سقط فى واقعة ( محمد حاتم سليمان )
بالمناسبة بعض الناس يطلع من بيته عشان هو يرى انه قادم لفعل خير ولكن هذه الفعله تلقى به اربعين خريفا
دى ماشبهكك يا مولانا عوض ولا تلوث سمعتك بمساندة امثال هؤلاء
واكرم شىء تعمله ان تعلن للملأ أنك أخطأت وتقدم أستقالتك ونفس الشىء مفروض يفعله الأخ عبد الرحيم والى الخرطوم ومدير عام الشرطة ( الإستقالة الفورية ) لأن الأخ الرئيس لا أستبعد أن تكون كل هذه الأخبار التى نتداولها محجوبة عنه بواسطة جماعة تشكل حلقات تعتيم حول الرئاسة ولو كان الأخ الرئيس مطلع بحقائق مايدور من حوله لإستقال هو أو مات كمدا كما قال حمد الريح ( ياقلبى المكتول كمد )
والله الله عليك ياسودان العزه
شالوا العزة منك كلها وقسموك ولبسوها عباءة عزه وكرامة لرئيسك بس من قدام مفتوحه يعنى مش لبسه شرعيه ولكنها لبسه حبشيه
ومالو

[المهندس سلمان إسماعيل بخيت على]

ردود على المهندس سلمان إسماعيل بخيت على
European Union [جنرال زمان] 08-04-2016 07:11 PM
كلامك روعة يا باشمهندس، بس حكاية الوزير يستقيل دي ما أظنها تحصل!!!! ديل الواحد فيهم يمسك في الكرسي بي يدينه وكرعينه وقلبه يبقى ميت وينسى حاجة اسمها كرامة وعزة نفس، يا باشمهندس الكيزان ديل نسيوا حاجة اسمها يوم القيامة ويوم الحساب ويخيل لي بقى عندهم قناعة أنهم خالدين مخلدين فيها أبدا، وإلا فعمايلهم دي هل هي عمايل إنسان عنده ذرة من إيمان؟؟ الله أعلم ولكن نقول ليكم يوم طال الزمن أم قصر ولي وزير العدل الضيع سمعته دا نقول ليه الاختشوا ماتوا ويخص عليك

European Union [كمال ابو القاسم محمد] 08-04-2016 06:19 PM
والله انت ذاتك بتعليقك دا حقو تستقيل....يا هو انتو ذاتكم ناس عفا الله عما سلف وباركوها وحساغبو عند ربو....الطلعتو بيها دين البلد وناسا....الامور لازم تمشي دوغري محاسبة ومساءلة وقانون وقصاص...ايه قطع البحر وحافظ على دينو والزول نابغة،ونفسو طيبة وود بلد، ودواخلو نضيفة وكلامات زي دي
المحاسبة المساءلة القصاص...ولا عفا الله عما سلف ولو بعد دشليون سنة يا سلمان

[Truth] 08-04-2016 02:13 PM
الراكوبة دى لو الرئيس قراها ما بعرف الحاصل


#1498426 [هشام]
3.75/5 (3 صوت)

08-04-2016 01:17 PM
كيدهم في نحرهم ياسر يوسف دة رجعوا نيجريا بلدو وريحونا منو لعنهم الله بني كوز لسة حايطلع الكتير

[هشام]

ردود على هشام
European Union [دلدوم حجر التوم] 08-04-2016 05:17 PM
ياخى ياسر راسه الطرين دا ،،ام برراوى،،،ما اظنه فلاتى،،


#1498420 [سيف الدين خواجه]
3.50/5 (5 صوت)

08-04-2016 01:08 PM
هارون هو الحلقة الاضعف وياسر يوسف هو الاقوي لانه من مناطق التهميش الشرقي ومن المؤلفة قلوبهم بالمؤتمر الوطني شانه شان كرمنو الاخر المقاتل عن الانقسنا وعلي اي حال تقارير المراجع العام بدات تظهر في الاعلام وهذه بدورها ستقود لثارات واحن وضغائن في الطريق لتحقيق نبوءة الراحل محمود محمد الذي تحقق 75% منها وبقي القليل مع الصبر لنعرف الفرق بين صفاء وعقل محمود وغباء الاخرين وغياب نور البصيرة عندهم وهذا الفرق الذي يحتاجه الوطن

[سيف الدين خواجه]

#1498418 [سيف الدين خواجه]
3.13/5 (4 صوت)

08-04-2016 01:07 PM
هارون هو الحلقة الاضعف وياسر يوسف هو الاقوي لانه من مناطق التهميش الشرقي ومن المؤلفة قلوبهم بالمؤتمر الوطني شانه شان كرمنو الاخر المقاتل عن الانقسنا وعلي اي حال تقارير المراجع العام بدات تظهر في الاعلام وهذه بدورها ستقود لثارات واحن وضغائن في الطريق لتحقيق نبوءة الراحل محمود محمد الذي تحقق 75% منها وبقي القليل مع الصبر لنعرف الفرق بين صفاء وعقل محمود وغباء الاخرين وغياب نور البصيرة عندهم وهذا الفرق الذي يحتاجه الوطن

[سيف الدين خواجه]

#1498417 [المهندس سلمان إسماعيل بخيت على]
3.88/5 (9 صوت)

08-04-2016 01:04 PM
الأخ رئيس الجمهورية المتوشح برداء العزة والكرامة الأفريقى وقميص مسي
لن نتحدث بعد اليوم عن الفساد فى السودان لسبب واحد هو أننا نملك أى دليل فساد عليكم ووزير العدل بنفسه ومعه والى الخرطوم ومدير عام الشرطة يذهبان لحراسة القسم الشمالى ويخرجان متهم فى قضية مال عام
هذه القضية الطبيعى فيها لو كانت المتهمة ( فاطمة بنت محمد رضى الله عنها ) وليس ( محمد حاتم سليمان ) مفروض تسير مسارها الطبيعى
المتحرى يكمل تحرياته - ترفع لوكيل النيابة الذى قد يرى أنه لا ترقى لدرجة تهمة ويشطبها ويخرج محمد حاتم سليمان - الشاكى يستأنف للنيابة الأعلى وهكذا حتى اذا رأت أى درجة من درجات النيابة الثلاثة انه متهم ترفع لينظر فيها القضاء وقد يدان وقد يبرأ وهنا كنا سنقف ونصفق لكم ( ياكيزان الأنقاذ ) ولكنكم كما أخذتم حكم السودان بالقوة تأخذون حتى حقوقنا فى التقاضى ضد مجرميكم فى القوة
لو كنت رئيسا لجمهورية السودان محلك وأميرا لمسلمي السودان ولابس عباءة العزة والكرامة لفعلت شيئا هاما لا غيره
أمرت بإقالة كل من وزير العدل ومدير عام الشرطة ووالى الخرطوم وأعدت المتهم محمد حاتم سليمان للحراسة حتى أتيح للنيابة بدرجاتها الثلاثة رفع الأمر للقضاء أو شطب الدعوى
انت لم تفعل ذلك ولن تفعل ذلك
لانك جزء من هذه الجماعة
ونحن بعد اليوم لن نتحدث عن فساد فى السودان
وياعادل يوسف ماتكتر المحلبية الكيزان ديل بيحبوا العطور الفرنسيةالراقية

[المهندس سلمان إسماعيل بخيت على]

#1498410 [المهندس سلمان إسماعيل بخيت على]
4.13/5 (10 صوت)

08-04-2016 12:49 PM
عبد الماجد هارون وياسر يوسف أبكر من أولاد الفلاته ومحمد حاتم سليمان محسوب على اولاد البحر وجماعة المؤتمر الوطنى لافكر يربطهم كل واحد جاب شباب قبيلته وجندهم فى جهاز الأمن والدعم السريع وإستقوى بقبيلته ودى نقطة ضعف النظام كما فعل نافع واخرون حين احضروا شباب قبيلتهم ليكون سندهم فى الأجهزة الأمنية
ياسر يوسف وعبد الماجد هارون كتروا المحلبية والجماعة الفوق عاوزين تأييد نعم لكن عندهم حساسية ضد رائحة المحلبية
أنا لا أستبعد خروج ياسر يوسف والنظام اصبحت عنده مناعة باخراج من يريد وادخال من يريد وطبعا شفتوا كيف ابعد شيخهم بل كيف اكل شيخه حتى حولوه لعجوز حاقد حاول ان يتنفس عبر شهادته فى برنامج شاهد على العصر بقناة الجزيرة ليطيح بروءس من تأمروا عليه فكانت شهادته شهادة كلب بوليسي يؤخذ بها ولكن تحتاج لتأكيد من قسم الأدلة الجنائية وكيف خرج ولم يعد على عثمان واخرون وكيف خرج من الباب وعاد من الشباك عوض الجاز مساعدا للرئيس للعلاقات السودانية الصينية وكيف خرج من الباب وعاد نافع على نافع رئيسا للبرلمانيين الأفارقة وهو العقل المدبر والمنفذ ( للبشير رجل العزه والكرامة ) ونافع بعد اليوم لن تضره شهادة الترابى فالقصر راض عنه والخوف كله على على عثمان وكل من يعرفونه يقولون انه سيموت قريبا بحسرته
لكن ناس ياسر يوسف وعبد الماجد هارون ديل ( النواية التى تسند الزير ) ممكن تشيلها بره وتلف حمالة الزير بقطعة خيش فهى افضل تسند الزير وتزيد تبريده
يا ياسر يوسف انت وعبد الماجد زودتم المحلبية افتكرتم انكم يمكن ان تصلوا فى صراعكم لرجال الصف الأول والظاهر ما أعطته لك الأنقاذ كان مقاسه اكبر من جسمك لذا سيقع كل شىء وبكره تصبح عريان وخارج دائرة الضوء والسبب انك زودت المحلبية علما ان اهلك الفلاته اشتهروا بالحكمة والروية والأعتدال ورجاحة العقل
باي باي ياسر

[المهندس سلمان إسماعيل بخيت على]

#1498401 [محمد النور]
3.87/5 (13 صوت)

08-04-2016 12:16 PM
هل قانونكم هذا قانون واحد أم إثنان يا سيادة وزير العدل ؟؟ قانون لكم و لبطانتكم و آخر لبقية المواطنين من خارج تنظيمكم الفاسد ؟
و هل ستتقاطرون هكذا على الحراسة لفك السجين لو كان المقبوض عليه من عامة الناس ؟؟

التأثير على القضاء و على سير العدالة ظاهر هنا فى هذه الحادثة لكن تذكرو يا سادة (وزير العدل والوالى و مدير الشرطة) بأن الظلم ظلمات يوم القيامة و عندها سوف لن تنفعكم المعرفة او صلة القرابة او الإنتماء لتنظيم , أما إحتقاركم لمواطنى السودان فإن المواطن ترككم و سوف لن يسألكم عن الظلم و الإستبداد لأن المواطن أوكل أمره فيكم لله تعالى الذى لا تضيع عنده الودائع و حسبنا الله و نعم الوكيل عليكم جميعكم .

[محمد النور]

#1498399 [جابر]
2.94/5 (5 صوت)

08-04-2016 12:11 PM
للاسف اى واحد يتولى منصب يخدم نفسه و المقربين منه بينما فى الدول المتقدمة صاحب المنصب اول شئ يفكر فيه خدمة شعبه الذى منحه الثقة

[جابر]

#1498393 [wad batia]
3.25/5 (3 صوت)

08-04-2016 12:03 PM
ياناس ياهو خلاص ملينا من التعليق علي هذه المصايب شوفوا لينا صرفة تانية نعلق عليها ونستفيد منها لانه المحرش ( ما بكاتل - بالدارجي يعني ما بقاتل بالعربي الفصيح )

[wad batia]

#1498378 [هاشم ابورنات]
4.00/5 (4 صوت)

08-04-2016 11:36 AM
والله ما شوفنا جنس دة في الافلام الهندية الخيالية ولا في قصص الف ليلة وليلة ولا كليلة ودمنة ...ابدا ....ابدا

[هاشم ابورنات]

#1498373 [زول ساي]
3.50/5 (2 صوت)

08-04-2016 11:31 AM
هل خبر اعفاء عبد الماجد هارون وكيل الثقافة متأكدبن منو؟ لأني شايف في نشرة العاشرة صباح اليوم وزيؤ الدولة ياسر يوسف عامب مؤتمر صحفي وكان عبد الماجد حاضرا!!!

[زول ساي]

#1498357 [القي]
3.00/5 (4 صوت)

08-04-2016 11:17 AM
الي متى الصمت .... الله ينتقم منكم ياكيزان دمرتو البلد

[القي]

#1498338 [المغبون]
3.63/5 (7 صوت)

08-04-2016 10:52 AM
لكم الله يالغلابة تنسجنوا لما تعفنوا ما فى حد بيسأل فيكم اما هؤلاء كل المصفوفة تتحرك لتخليص منسوبها لك الله يا شعب السودان اذا كان هذا حال الحكم الذى تحكم به وزير العدل شخصيا يتحرك الوالى يتحرك ورئيس المؤتمر يتحرك .نذكر هؤلاء بقول الله سبحانه وتعالى (هَا أَنْتُمْ هَؤُلَاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَنْ يُجَادِلُ اللَّهَ عَنْهُمْ يَوْمَ الْقِيَامَةِ أَمْ مَنْ يَكُونُ عَلَيْهِمْ وَكِيلًا ). شيلوا شيلتكم يوم القيامة ده اذا كنتوا بتأمنوا بيوم الحساب .

[المغبون]

#1498328 [سرور]
4.25/5 (4 صوت)

08-04-2016 10:40 AM
الشقي يعترو ليهو بيضاتو

[سرور]

#1498324 [شوقى]
3.00/5 (2 صوت)

08-04-2016 10:37 AM
الخبر يوكد مصداقية الانقاذ فى محاربة الفساد ان وجد

متى يفهم قومى ان المشكلة مافى الفساد وانما فى الاطار الهيكلى للدولة

بالمناسبة التوانسة ابعدوا رئيس الوزراء لانه فشل فى حل المشكلة الاقتصادية

بالرغم من وجود ديمقراطية

[شوقى]

#1498321 [أبو فهيمه]
3.13/5 (6 صوت)

08-04-2016 10:35 AM
المدعو عبد الماجد هارون ( الملقب ببعوضــــة) لأنه إشتهر باللسع !! راجل متملق درجة أولي كان يعمل بتلفزيون الفاشر و لكن الموضوع الحالي يندرج تحت المثل القائل ( إذا إختلف كــوزان ظهـــر المســـروق)!!!

[أبو فهيمه]

#1498297 [مهدي إسماعيل مهدي]
3.25/5 (6 صوت)

08-04-2016 10:05 AM
لقد أخبرنا مولانا سيف الدولة حمدنا الله بأن وزير العدل شخص مُحترم.

يا فجيعتنا فيك يا وزير العدل.

[مهدي إسماعيل مهدي]

ردود على مهدي إسماعيل مهدي
European Union [مبارك حسن الإمام] 08-04-2016 03:15 PM
هو فى زول محترم بشتغل فى نظام مجرم منبوذ داخلياً و خارجياً ؟
و كل إناء بما فيه ينضح .


#1498294 [abuhassan]
3.50/5 (3 صوت)

08-04-2016 10:00 AM
هل وصلت درجة المبالاة والاستهتار بالناس ان اي شخص من المؤتمر الوطني يضعك في السجن اذا اختلفت معه ومن ياسر يوسف هذا المفروض القبض والمساءلة عن طريق النيابة يا بلد يا فوضي اتمني ان اري ياسر وهارون مكان حاتم يذوقوو ويشربووو من نفس الكاس ولو البلد فيها عدالة المفروض الاثنيين يكونو في الشارع ولا هارون ممكن يتمرد مافي خوف التمرد انتهي والجنوب انفصل كما فعل سيدنا عمر للمؤلفتة قلوبهم قال الاسلام لا يتاج اليكم الان

[abuhassan]

#1498288 [الثورة الشعبية]
2.88/5 (4 صوت)

08-04-2016 09:55 AM
طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ...طيب قاعدي ليه ما تقوم تظاهروا ... والاعتصامات والعصيان المدني وين..

[الثورة الشعبية]

#1498285 [زول ساي الأصلي]
3.63/5 (4 صوت)

08-04-2016 09:47 AM
يعني بتاع العدل دا فتح ليهم (سواء كان المراجع العام او الوزارة) البلاغ عن طريق نياباته ولما يقبضوهم يجي يحاول اطلاق سراحهم يشرك ويحاحي يعني ولا بعد حصل القبض وبخوه وقالوا ليه امشي فكو ولا البلاغ انفتح وهو ما داري؟!؟!
لكن والله عبد الماجد هارون وقبيلته اتمكنوا تمام وبقوا على طرد الجلابة الجابوهم!!!

[زول ساي الأصلي]

#1498261 [samer]
3.75/5 (8 صوت)

08-04-2016 09:26 AM
النظام بدأ يتفكك و ينهار و اصلا النظام قاعد فى الصقيعه امفكو منذو المفاصله و اكد ذلك عرابه الترابى فى الجزيره و الشعب السوانى خائف من الرعب الذى ادخله الاخوان فيه من مجازر تمكين الى تصفيات و يرجف الى الان و ما اظن يوجد شعب سودانى لان كل الفئات المستنيره هاجرت و الموجودين اغلبهم حبش و افارقه لاجئين حروب من الدول حول السودان و شحاذين فى الشوارع و اتذكر حجى حبوباتنا و قصة فاطمه السمحه و قد ذهب النوار و فضل العوار اى ذهب الناس النيريين و بقى العوره و هم يرقصون مع الرقاص و يصفقون له و هو يكشف لهم بصلبه و يقتل فيهم بالالاف و منافقو النظام يقولون نحن ما قتلنا 200 الف و لكن قتلنا 10 الف و كان الناس صاروا عندهم ارقام و ليس بشر و الله الواحد تاخذه الحسرة اذا قتلت قرود بهذه الارقام و لما قامت الدنيا و تلاحقك منظمات الرفق بالحيوان كما لاحقت النظام المحكمه الجنائيه و استغرب الواحد يقول ليك البلد دى ما فيها قانون و كيف يكون فيها قانون و جيشها جنجويد من مالى و النيجر و شاد و هل اساسا السودان دوله؟؟؟؟ الترابى قال كلهم حراميه و الرجل يعرفهم كما يعرف ابنائه و هرولة عبدالرحيم محمد حسين و وزير العدل لتغطية المكشوف و نحن فى وادى ذئاب و الاخوان لا يعرفون العرف و الاخلاق اساسا , غدا سوف نسمع البشير يتدخل لاخراج عبد الرحيم من السجن و النظام يحتضر و الان فى سكرة الموت من قميص ميسى الى فتح علبة زار الحبشه و هل تضيع الدماء التى اهدرت فى الجنوب و دارفور ؟؟؟ - و يقتل القاتل و لو بعد حين- السودانيين صاروا كالجن الذى انتظر دابة الارض التى اكلت عصا سيدنا سليمان عندما توفى و الجن يظن انه حى .
رقص ليكم بصلبه , دقوا ليه الزار فى الحبشه و زى ما قال عادل امام فى مسرحية مدرسة المشاغبين عن استاذه خلع لينا البنطلون و نحن قاعدين , احتمال البسوه لينا فركه و من حوله ستات البخور و الدلوكه و زى ما قال شوقى بدوى محن سودانيه.

[samer]

#1498255 [عبد القدوس]
3.00/5 (2 صوت)

08-04-2016 09:22 AM
مرات تقولوا فساد ومرات تقولوا خلافات ومكايدات شخصية.. نصدق ايه والا نطنش ايه

[عبد القدوس]

#1498250 [الحامدي]
2.75/5 (3 صوت)

08-04-2016 09:13 AM
لا يوجد بين الكيزان رجل رشيد ,,,,,,, اعوذ بالله

[الحامدي]

#1498243 [الكاس]
3.75/5 (6 صوت)

08-04-2016 09:04 AM
ابو القدح بعرف وين يعضى اخوه

[الكاس]

#1498240 [الراصد]
4.13/5 (4 صوت)

08-04-2016 09:02 AM
ان كان الامر كذلك ...فالاكيد ان صفحة جهوية سوداء اخري من الكتاب الاسود (عنوان فساد اعلام ومثقفي الجبهة الاسلامية) قد جمعت مابين الثنائى عبدالماجد هارون وياسر يوسف أبكر من جهة ضد الجلابي محمد حاتم سليمان من الجهة الاخرى...

[الراصد]

#1498235 [mustofaaliahmad]
3.50/5 (5 صوت)

08-04-2016 08:58 AM
خربانة من كبارها وزير العدل والوالى ومدير الشرطة بيحمو واحد حرامي طيب حاتمسو من ربنا وين يا من قلتم لا لدنيا قد عملنا نحن لادين فداء ان الدين برئ منكم

[mustofaaliahmad]

#1498225 [الكوشي]
2.88/5 (5 صوت)

08-04-2016 08:48 AM
التسوى كريت .. خلاص العيار فلت !! علموا الناس الحرامية والقتل والنفاق وما ح يقدرو يحاسبوا أى زول ولابد ان يكون وزير عدل المفسدين أفسدهم .. اللهم لا شماتة . الحل الوحيد الكنس . الكنس . الكنس .. ما بنفع الترقيع ... الكوز = الفاسد ( بقت ماركة مسجلة ) بشهادة عرابهم وكبيرهم ومربيهم على( الكذبة الاولى )

[الكوشي]

#1498220 [ابراهيم مصطفي عثمان]
3.75/5 (6 صوت)

08-04-2016 08:37 AM
هذا يؤكد ان قضايا الفساد الحقيقية لن تعرف او تكشف الا عند الزوال

[ابراهيم مصطفي عثمان]

#1498197 [عدو الكيزان]
4.13/5 (5 صوت)

08-04-2016 08:07 AM
اللهم اضرب الظالمين بالظالمين واللصوص باللصوص والكيزان بالكيزان وارنا فيهم بأسك الذي لايرد وأخرجنا من بينهم سالمين يارب العالمين.

حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

[عدو الكيزان]

#1498185 [salah]
3.50/5 (5 صوت)

08-04-2016 07:50 AM
وزير العدل رجل ليس جدير بالاحترام رجل يقف في قمة هرم العدل يذهب لاطلاق صراح شخص مطلوب للعدالة ويذهب بنفسه الى محبسه رجل يسئ للعدالة في السودان ولسمعة القضاء

[salah]

#1498184 [احمد الزبير]
2.75/5 (4 صوت)

08-04-2016 07:47 AM
الفساد في ظل الكيزان منتشر انتشار النار في الهشيم من أصغر موظف إلى أعتى سدنة النظام الحاكم فليقيل النظام نفسه

[احمد الزبير]

#1498157 [عبوده السر]
3.75/5 (7 صوت)

08-04-2016 07:04 AM
عوض النور وزير العدل الذى كنا نظن انه من طينة تانيه
طلع هو ذاته من الفاسدين المفسدين يبقي كيف ننتظر منه
ان يصلح منظومة القضاء الفاسده من اصغر قاضي لرئيس المحكمه
الدستوريه مرورا بالمحكمه العليا كما يشمل الفساد ايضا كل
وكلاء النيابه دون استثناء.!!!!!!!!!!!!!!!!!!!!!!!!!!!!!!

لاحول ولا قوة الا بالله العلي العظيم .!!!!!!!!!!!!!!!!!!!!!!!
آخر زول كنت أظن أنه فاسد هو عوض النور وزير العدل!!!!!!!!

ياريت لو يخرج علينا وزير العدل ليبرر لنا تصرفه المشين والمشبوه هذا
عشان نفهم حاجه مالم يعتبر حكمنا عليه بالفساد ومل نقيصه نهائي وفي محله.

[عبوده السر]

#1498150 [Patris]
3.63/5 (5 صوت)

08-04-2016 06:42 AM
ههههههههههه

اختلاف اللصوص

لكن من المؤكد ان اللص الكبير ابو بردلوبة حمراء غاضب جدا من وزير الاعلام بسبب تحريكه البلاغ ضد محمد حاتم سليمان.


فالسيد رئيس الجمهورية و الذى صرح بملء فمه انو مافى قضايا فساد و العندو ميتندات يجيبها فهذه هى قضايا الفساد تكتشف ليس بواسطة المعارضة بل بواسطة مراجع الحكومة نفسها و النتيجة يتدخل الوالى الحمار لاطلاق سراح المتهم لانو العرف ان لا يقبض على الصوص و الميثاق الغير مكتوب بين لصوص المؤتمر الوطنى ان لا يبلغ بعضهم عن بعضا......

[Patris]

#1498148 [علي ودحليب]
3.25/5 (5 صوت)

08-04-2016 06:33 AM
اللاهم اجعل كيدهم في نحرهم. لكن هو الوحيد الحرامي فيهم؟! ولا فيهم واحد مش خرامي؟!

[علي ودحليب]

#1498142 [زول الخلا]
2.32/5 (11 صوت)

08-04-2016 06:10 AM
البلد بلدهم ونحنا عبيدهم..

[زول الخلا]

#1498132 [Hatim]
3.57/5 (17 صوت)

08-04-2016 05:17 AM
استغربت كثيرا للخبر قبل قراءته 'سجن مسؤول بتهمة فساد'
لم نسمع بها من قبل.
زالت دهشتي بعد قراءته. إذ ليس المقصود العدالة . وإنما كيديات شخصية فقط.

[Hatim]

ردود على Hatim
[حسن ابوعلي] 08-04-2016 10:13 AM
طبعا .. ياعمنا كلها كيدات ماشايف هسي اتقسموا كيف وطني وشعبي وسائحون وتائهون وغازي وعلى االحاج والشيخ مات بالحسرة وسجل الفضائح قبل مايموت .. لو اجتمعوا على كلمة حق لما تفرقوا وتشرزموا وقتلوا بعضهم بعض ... وماخفي كان اعظم ولسة حنشووف


#1498129 [عوض عبدالله الزين]
3.46/5 (14 صوت)

08-04-2016 05:12 AM
دا كله واضح ..طيب كيف يستقيم أخلاقيا و قانونياً و أن يتدخل الوالي و وزير العدل لإطلاق مدان في قضايا ماليه ؟ و هل لو كان المقبوض عليه من عامة الناس هل كان سيدخل أولائك؟؟؟؟!!!!هل القانون واحد أم اثنان؟ أم أنهم ينطبق عليهم الحديث اذا سرق الشريف ( صاحب النفوذ ) تركوه و إذا سرق فيهم الضعيف أقاموا عليه الحد..إنهم يزبحون العدالة نهارا جهاراً دون أن يرتحف لهم جفن..عليكم الله استحوا و آجلا.

[عوض عبدالله الزين]

#1498125 [حاج علي]
3.00/5 (9 صوت)

08-04-2016 05:01 AM
فلم هندي يستحق المشاهدة بعد مسلسل الترابي

[حاج علي]

#1498118 [من اين اتي هولاء]
3.00/5 (14 صوت)

08-04-2016 04:13 AM
كلما اقرأمثل هذه الاخبار التي تدل و توضح حقيقة هولاء اللصوص ينتابني احساس بالقرف و الغثيان والحسره علي ما ال اليه حال هذا البلد الطيب الذي صار العوبه بين ايدي لا كرامه لها ولا ذمه، الله لك ياسودان وياشعبه المسكين


اتمني ان اراك يا سودان خالي من الكيزان

[من اين اتي هولاء]

#1498115 [قرعم]
3.67/5 (10 صوت)

08-04-2016 04:00 AM
كلهم حراميه فاسدين مفسدين

[قرعم]

#1498080 [رادار]
3.89/5 (9 صوت)

08-04-2016 01:54 AM
يجب أيضا إقالة وزير العدل الدكتور عوض الحسن النور ووزيرة الدولة تهانى تور الدبة ورئيس النظام عمر البشير وكل المسؤولين في الحزب والدولة فهم ليسو أكثر من عصابة يتآمرون على الشعب ويحيكون المؤامرات ضد بعضهم البعض، لعنة الله عليهم.

[رادار]

ردود على رادار
[alaaza bit wad almsaed] 08-04-2016 10:25 PM
طيب لو أقالوا ديل ح يفضل لينا ناس أبكر وهارون .. وين نطير منهم ديل بقايا

قبيلة الرئيس الرقاص .. الله يستر علينا ...

[ashshafokhallo] 08-04-2016 05:48 AM
اؤيدك يا رادار لكن ثقافة الاستقاله معدومه والشعب صامت.

المشكله في وزير العدل الماعندوا كرامه. دا جابوهو عشان يظبطلهم فسادهم.


#1498076 [سيزر]
3.19/5 (11 صوت)

08-04-2016 01:43 AM
كيدهم في نحرهم !!

[سيزر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة