الأخبار
أخبار إقليمية
مطالب بتخصيص منصب رئيس الوزراء لإقليم شرق السودان
مطالب بتخصيص منصب رئيس الوزراء لإقليم شرق السودان
مطالب بتخصيص منصب رئيس الوزراء لإقليم شرق السودان


عبر مذكرة طرحها سياسيون وأكاديميون
08-07-2016 11:09 AM


الخرطوم: عبدالهادي الحاج
طالب أكاديميون وسياسيون وقادة مجتمع مدني بشرق السودان، بمنح الإقليم منصب (رئيس الوزراء)، وذلك في إطار التسوية السياسية التي تشهدها البلاد حالياً.
وتداولت مواقع التواصل الإجتماعي مذكرة باسم سكّان الإقليم تطالب بتخصيص منصب (رئيس الوزراء) في الحكومة المنتظر تكوينها مستقبلاً لشرق السودان، كما دعت في الوقت ذاته للتمييز الإيجابي، وذلك استناداً على توصية لجنة قضايا الحكم بمؤتمر الحوار الوطني.
وقال السياسي والأكاديمي عثمان أحمد فقراي، - وهو احد الموقعين على المذكرة - إن المطالب التي وردت فيها ليست جديدة، بل هي مطالب تتجدّد خلال كل مرحلة تدخل فيها البلاد في تسوية سياسية، وذلك للتأكيد على الحقوق التاريخية لإقليم شرق السودان.
وأوضح فقراي لـ (الجريدة) أمس، أن المذكرة تمثل في جوهرها مبادرة شعبية لدعم شرق السودان، ورفع المظالم التاريخية عن الإقليم، وهي موجهة للقوى السياسية والمثقفين والطلاب في كل السودان.
وحذّر فقراي من المشكلات الأمنية التي يعاني منها الإقليم وما يمكن أن ينتج عنها من آثار سلبية تضر بمصالح البلاد، وأضاف (لذا كان مقترحنا بالتمييز الإيجابي بديلاً للحكم الذاتي الذي ربما يمهد للإنفصال مستقبلاً).

الجريدة


تعليقات 26 | إهداء 0 | زيارات 7708

التعليقات
#1500453 [ابوجلمبو]
0.00/5 (0 صوت)

08-08-2016 04:06 PM
وليه التعب والماهية في الفاضي
ما السودان ليهو 27 سنة ماشي من غير حكومة وشوية طراطير ممشين حال البلد ومعاهم اراجوز لابس جبة حمراء

[ابوجلمبو]

#1500367 [تفتيحة لمن فضيحة]
0.00/5 (0 صوت)

08-08-2016 02:06 PM
أنا شخصيا موافق بشرط يلغو منصب رئيس الجمهورية أحسن يكون شاغر من الاهبل دا.

[تفتيحة لمن فضيحة]

#1500176 [ABZARAD]
0.00/5 (0 صوت)

08-08-2016 09:28 AM
عندكم عدد 2 مساعد ياى ما كفاكم

[ABZARAD]

#1500115 [سودانى]
5.00/5 (1 صوت)

08-08-2016 08:14 AM
اذا تم وضع دستور يحترمه الجميع فليحكم اى شخص من اى جهة من السودان الفضل

[سودانى]

#1500100 [ابوجلمبو]
0.00/5 (0 صوت)

08-08-2016 07:55 AM
هو ده حال السوادن ناس قاعدة في نص كوشة وبتتشاكل في كيكة والضبان حولهم عامل زيطة, ويقولو ليكم سياسين واكاديميون وخبراء
والله انتو ما تنفعو رباطة ونشالين

[ابوجلمبو]

#1500081 [موسى الأمين الشيخ]
5.00/5 (1 صوت)

08-08-2016 07:37 AM
والله نظرة تحت الأرجل ليس شرط ان يكون رئيس البلد من الشمالية او الوسط يمكن ان يكون من الغرب . الشرق ليس مهما من اى إقليم.. ولا يجب أن تكون النظرة هكذا .. كفاية عنصرية وتمزق كله السودان بورتسودان اليوم احسن من الخرطوم . يجب أن تكون النظرة قومية

[موسى الأمين الشيخ]

#1500060 [زول ساي]
5.00/5 (1 صوت)

08-08-2016 07:09 AM
اي واحد بفكر في نفسه فقط منو القال ليكم دي مطالب أهل الشرق
الشرق عاوز تعليم وعلاج وموية

[زول ساي]

#1499983 [كنون]
0.00/5 (0 صوت)

08-08-2016 01:48 AM
تصحيح الاستاذ فقراي هو من ابناء قبيلة الامرار العريقة ثم لماذا لا يصبح رئيس الجمهورية من الشرق او الغرب طالما 60 عام يحكم السودان من الشمال اذا تقدم شخص من اهل الشرق باقتراح تقوم الدنيا هذه النظرة الاستعلائية اقعدت بالسودان وان لم يتم تصحيحها وبلاش عنصرية البجا مكون اساسي للسودان ومنهم البني عامر ممكلة من ممالك البجا وعظيمهم عبدالعزيز كنون ملك البجا قبل دخول العرب والمسلمون للسودان .

[كنون]

#1499938 [اب احمد]
0.00/5 (0 صوت)

08-07-2016 10:35 PM
ماذا قدمت الحكومة المركزية الاسلامية لمدينة القرآن همشكوريب
للمتضررين من فيضان القاش !!

[اب احمد]

#1499925 [محمدابرَاهيم]
0.00/5 (0 صوت)

08-07-2016 10:03 PM
اذا كان هذا متطلباتهم فعلى السودان السلام

[محمدابرَاهيم]

#1499864 [ود احمد]
5.00/5 (2 صوت)

08-07-2016 07:00 PM
انا والله ماعارف الناس دي تفكر كيف عل يعقل كل البلد تكون رؤساء
اما ان نحتكم اصناديق الاقتراع او كل اقليم يعمل دولته ورؤيسه علما بان الاقليم نفسه او الولاية منقسمين على انفسهم
اذن يجب الا يكون هناك اي تخصيص الفيصل هو الشعب
ودعوها فانها منتنة لقد تعبنا من هذا القرف
الذين يدعون التهميش انطروا الي عاصمتكم هل هذه عاصمة هل تشبه اسمرا في بنيتها التحتية وشوارعها ام اديس اببا ام نيروبي
افيقوا من سكرتكم ويجب الالتفاف حول برنامج اقتصادي وطني كيف نخرج السودان من هذا الفشل لقد تعب اهلنا ونحن نقول شمال وشرق وغرب وجنوب
لا للقبلية لا للجهوية
واعلموا ايها السودانيين انكم سودانيين وليس في العالم من يشبههكم فيحب ان نفتخر بسودانيتنا ولا نلتفت الي اي شيء من افريقية كنا ام من العرب
نحن ناس متفردين يجب ان نعترف بهذه الحقيقة في القسمات والطبايع
واذا لم تصدق هذا الكلام اذهب الي اي دولة عربية وقل انا عربي فسوف لن يصدقك احد ثم اذهب الي دولة افريقيا وقل انا افريقي سوف يشك في امرك
فيجب الاعتراف بهذا التفرد والتميز ونعمل لاجل سودا واحد تسوده المحبة والعدالة والديموقراطية

[ود احمد]

#1499828 [زول الخلا]
5.00/5 (1 صوت)

08-07-2016 05:42 PM
وبعدين لو ما وافقو ليكم شنو بيحصل؟ تتمردو وتحملو السلاح كويس منتظرين شنو ..هي ناقصاكم..والله ما عارفين يرضو منو ويزعلو منو وطبعا كيزان الشوم ما عندهم مانع.

[زول الخلا]

#1499826 [Almisahir fi izallail]
0.00/5 (0 صوت)

08-07-2016 05:42 PM
اهااااا.. حتحلّوها كِكيييف؟ منو فيهم اللى يكون رئيس الوزراء.. (العباس ام عبد الحميد- العباس هو الخديوى عباس حلمى.. خديوى مصر .. عبد الحميد هو طبعن السلطان عبد الحميد ساكن الاستانه) شوفو منو فيهما (موسى ام ايلا) من يماثل الخديوى او السلطان عبحميد.. ألأتنين (موسى وايلا) اصحاب بذل وعطاء وسوالف وايدى مع الانقاذ.. موسى ما عندو مانع يتنازل من منصب مساعد رئيس الجمهورية لشؤون المدينة الرياضيه..ويتطلّع (من الذى هو ادنى الى الذى هو اعلى (رياسة الوزرا ليحدهم)!

[Almisahir fi izallail]

#1499814 [شنيبو]
5.00/5 (1 صوت)

08-07-2016 05:22 PM
( سياسيون اكاديميون ) و يفكرون بعقليه متعفنه !!!!
أذا" كيف يفكر العوام يفكر كل شيخ حله بمنصب وزير !!!
أذا كان هؤلاء من كانوا فى الحوار فعلى السودان السلام .

[شنيبو]

#1499779 [محمد مى]
0.00/5 (0 صوت)

08-07-2016 04:33 PM
تخصيص المراكز هو سبب البلاء فى السودان مفروض منصب رئيس الوزاراء يكون عن طريق الانتخاب ولايخلق أى مشاكل وكل مرشح ينال فرصتة

[محمد مى]

#1499778 [داوودي]
0.00/5 (0 صوت)

08-07-2016 04:33 PM
ياخي ما تطالبو بكرسي الرئيس شخصيا القارعكم منو ..

[داوودي]

#1499777 [إنسان ..!]
5.00/5 (1 صوت)

08-07-2016 04:32 PM
أمثال هذا (الفقراي ) لا يمثل إلإ نفسه فهو يعرف أصله ومن إين ينحدر وإين قبر أباءه ، فأنا من شرق السودان ولم أرى مثل هذه الترهات ولا يهمني كثيرا أن يخصص لأقليم منصب ما ! أكثر ما يهمني هو أن يحكم السودان أبناء السودان بعيدا عن الوافدين المدعين أمثال هذا الفقراي الذي ينحدر من أرتريا ! فقبيلة فقراي نصفها الأخر هنالك فلتبحث عن حقوقها في الحكم عند أسياس ... شخصيا بحكم إني من أبناء شرق السودان -إن كنت أكره تعريف نفس هكذا- فانا ابن السودان كله ، فأنا لا أوافق على هذه الأفكار المعتفنة وإن كان سيؤول لي المنصب المفترى !
السودان للجميع ..يشرفني أن يحكمني إي سوداني محب لهذا التراب إي كان مولده بشرط أن يكون سوداني وليس كأمثال هذا الفقراي !
تحياتي!!

[إنسان ..!]

ردود على إنسان ..!
European Union [ابو ليلي] 08-08-2016 01:20 AM
المدعو انسان ان كنت من ابناء الشرق لا اظن انك بني عامراوي فلتكن هدندوي فثلاثة ارباع الهدندوة في شرق السودان نازحين من ارتريا ومنطاقهم هناك ساوا وقرمايكا وربدة ولوكايب ومناطق كثيرة فلماذا الكذب والتنسل شرق السودان قبائل مشتركة هنا وهناك ورغم انفك فقراي من شرق السودان وغرب ارتريا

[الهبباي] 08-07-2016 06:04 PM
جربوا ناس الشرق حتخسروا شنوا حتخسر شنو البلد اكتر من كده وفقراي ما محتاج شهادة منك وبعدين بدون زعل مش كل زول جاء الشرق بالقطر حتى لو قعد ميه سنه مايزال مستوطن


#1499763 [إنسان ..!]
0.00/5 (0 صوت)

08-07-2016 04:15 PM
عن إي إقليم يتحدث هؤلاء ؟؟
وإلى قبيلة ينتمي هؤلاء ؟؟
ومن قال أن (الشرق) يقطنه (البني عامر فقط !! الذين وفد نصفهم من أرتريا) ..
ومن أستشار هؤلاء وبإسم من يتحدثون أنا من شرق السودان وإن كنت أرفض أعرف نفسي هكذا !
فأنا إبن السودان كله وأهله أهلي بلا فرز ..
شخصيا لم أرى ما قيل عنه أنه تداوله سكان الإقليم ، وإن رأيت مثل هذه الخطرفات لحسبتها هراءا لا أكثر ، وإن كانت ستأتي بي خصيصا للمنصب المفترى !
هذا المدعو فقراي وأمثاله عليهم أن يلزمون حدودهم وأن لا يسرقو لسان غيرهم فإقليم الشرق ليس كما يتصور هؤلاء الشرذمة ملك حر لهم ، لربما يكون ، بل مؤكد لهذا الفقراي ( عقاب) في أقرب مدينة إرترية متخامة لكسلا ويأتي ليقول مثل هذا الفراء ! الهندودة والبشارية والأمرأر فقط هم سكان (السودان) الأصليون أما أمثال فقراي فهو لاجئ يتدثر بثياب الوطنية ليغنم في وقت أصبح الوطن عند أمثال (هؤلاء) غنيمة.!
السودان للجميع !
أنا شخصيا لا أعترف ولا آبه لهذه المسميات لأقاليم البلاد (الشرق والغرب والشمال ..الخ)
من أراد أن يكون جزء أصيلا من هذا السودان الواسع فليكن وأنا شخصيا أتمنى أن يكون الحكم لمن يقدر وفق تقديرات البلاد وليس بحسب أهواء وترضيات للبعض دون الأخر أو بحسب توزيعات الجغرافيا لسنا في العصور الحجرية ...لا يهمني من يحكم ومن إين لطالما كان سودانيا يحب هذا التراب ولا يميز في أجزاءه !..
شكرا !

[إنسان ..!]

ردود على إنسان ..!
[المحقق اوسن] 08-08-2016 01:29 AM
تصحيح معلومة فقراي هو اكاديمي من قبيلة الامرارالعريقة عشان تعرف يا حيوان انك دخيل على الشرق وبعدين البني عامر شكلهم كاسرين عينك ومطلعين زيتك تستاهل البني عامرو الهدندوة ملوك الشرق رغم انفك وارتريا تميز ايجابي وامتداد طبيعي زي تشاد ومصر افهم يابجم .

[Truth] 08-07-2016 08:11 PM
و الله يا انسان احييك على هذا التعليق و الهبباى و زول الخلا هذا الرد او التعليق يعتبر من اهم مواد دستور السودان المنشود و بدل الاثناء على هذه الوطنية تغالطوا فى القبيلة و الجهوية العمرها لا عمرت الغرب ولا الشرق و لا الجنوب و لا حتى الشمال انما كرست الحكم فى الخرطوم فأصبحت الخرطوم هى الصحة و التعليم و الوظيفة و السكن و حتى الترويح عن النفس فلا توجد بلد كل شعبها ينظر الى العاصمة زمان كان الموظفيين يفرحون بالنقل الى الفاشر او حلفا او واو لان الخدمات متساوية و عندما يقبل طالب ثانوى فى مدرسة خورطقت او نيالا او رمبيك يعتبر من المبرزيين ..

[الهبباي] 08-07-2016 06:08 PM
كلامك متناقض يامعلم ياانسان انت شو الدخل البني عامر ومنو القال ليك فقراي داير المنصب لاهلوا مرة تجيب القبائل ومرة تعمل فيها سوداني اصلي - نظف قلبك الله يكيفنا شرك

[زول الخلا] 08-07-2016 05:46 PM
أوافقك الرأي سفروهم أرتريا ما ناقصين وجع رأس و أحسن يخلونا مع أهلنا الهدندوة بنفهمهم كويس ولو جات الديمقراطية اناس بتعرف تراضيهم.


#1499748 [أبو المؤيد]
0.00/5 (0 صوت)

08-07-2016 03:43 PM
الديمقراطيه هى الفيصل مافى شرق ولا غرب ولا جنوب ولا شمال الترضيات الجهويه دى سبب البلاء عايزين رئيس وزراء فاهم ومتعلم وسودانى وبس ....
العنصريه دى سيبوها .....
سودانى وبس انشاء الله يكون من ابييى .

[أبو المؤيد]

#1499740 [محمد محجوب]
0.00/5 (0 صوت)

08-07-2016 03:35 PM
ما الذي يحدث وكيف يفكر هؤلاء ؟
لا نعلم شيئاً عن مخرجات مؤتمر الحوار الوطني ولا عن أجندة المعارضة التي ستناقشها مع الحكومة، لكننا بكل الأمل نرجو أن نخرج عن طوق المناطقية والجهوية والقبلية.
إذا استحدث منصب رئيس وزراء فنسأل الله أن يكون من نصيب الأجدر والأقوى على حمل الأمانة!! ولا يهم من أين جاء

[محمد محجوب]

#1499709 [بدرنورالدائم]
0.00/5 (0 صوت)

08-07-2016 03:00 PM
يكفى ان من الشرق يوجد مساعد رئيس الجمهوريه وزع الفرص الى باقى الولايات بلاش تهميش

[بدرنورالدائم]

#1499695 [haj arrakaz]
0.00/5 (0 صوت)

08-07-2016 02:46 PM
الاكاديميون اصحاب الشهادات المضروبة( مقبوضة الثمن او ذات نكهة سياسية) يسعون الى (لبننة) السودان, بحيث يكون لكل اقليم جزء من الكيكة. هل هذه هي الديموقراطية التي تريدونها؟ هذا ضيق في الافق و ضعف في التفكير يشبه شهاداتكم
( منو العوض و عليه العوض)

[haj arrakaz]

#1499661 [بدرنورالدائم]
0.00/5 (0 صوت)

08-07-2016 01:45 PM
من المبالغه فى اختيار رئيس الوزراء من شرق السودان هذه امر مستحيل الى عدده اسباب نسبه الى المشاكل الداخليه فى بعض الاقاليم وخاصة فى الغرب

[بدرنورالدائم]

#1499653 [kakan]
0.00/5 (0 صوت)

08-07-2016 01:39 PM
ياعثمان فقراي كل المناصب لو تم تخصيصها لشرق السودان لن تحل مشكلة واحدة من مشاكل الاقليم القضية قومية وتتطلب حكومة احترافية تعالج مشاكل الوطن كله بتخطيط سليم ومهنية عالية اما التهديد بالانفصال وانت اكاديمي فيعكس حجم الكارثة الموجودة في البلاد والتي لايمكن حلها حتي ولو طارت الحكومة اليوم فدارفور تهدد والشرق يهدد والنؤل الازرق يهدد يعني مثلث حمدي اصبح مربعا طيب المشكلة وين كل ناس يقعدوا في محلهم
وبعدين من المستفيد من جميع الحكام الذين حكموا السودان منذ الاستقلال اغلب الناس جوعي ومرضي ويمكنك معاينة ناس الخرطوم الاصليين ابوروف الموردة توتي حمد خوجلي الكلاملة الدناقلة الشلالية علي سبيل المثال تجدهم فقراء معدمين يسكنون في منازل قديمة ومتهالكة لا اعرف ماذا تريد ان تقول

[kakan]

#1499644 [أبو السمح]
0.00/5 (0 صوت)

08-07-2016 01:32 PM
معليش يا ناس الشرق سبقوكم ناس دارفور
و طلبهم مدعوم بقوة حميدتي
وذلك في إطار التسوية السياسية التي تشهدها البلاد حالياً (حسب قولكم)
رأي انتظروا الديمقراطية الحقيقية بعد سقوط النظام و يمكن رئيس البلد يكون شرقاوي

[أبو السمح]

ردود على أبو السمح
[ابوجلمبو] 08-08-2016 07:53 AM
هو منو الطلع دين السودان غيركم انتو يا فصيلة علي الحاج والسيسي وكل الكيزان كانو هم اصلاً من دارفور يا معقد يا عنصري, وافترض الرئيس من قلب دارفور حيعمل شنو يعني؟ ما حيكون زيه زي الاهبل القاعد ده, والا ناس دارفور من اليابان وحيقلبو الخرطوم طوكيو في شهر؟

[اب احمد] 08-07-2016 10:46 PM
من هو حميدتي هل حفتر سودانى ام ماذا ما في قيادة له تٱمره وتننهيه


#1499610 [ود احمد]
0.00/5 (0 صوت)

08-07-2016 12:21 PM
من الحكمة عدم تخصيص اي منصب لاي جهة كانت وهذه المحاصصات السياسية هي سبب البلاوي يجب انً نحنكم للديموقراطية والكفءة والنزاهة اما عملية التخصيص هي اس البلاء وليعرف الداني والقاصي الذي يتثحدث عن التهميش ان السودان كله مهمش وليس اقليم دون اخر فيجب علينا ان ندعم ديمقراطية مية بالمية دون اضافة او حذف كما في المجتمعات الغربيةً اذا ارتضيناها اسلوبا للحكم

[ود احمد]

ردود على ود احمد
European Union [عبده] 08-07-2016 03:38 PM
نعم اتفق معك

هذه الصيغة العنصرية مرفوضة من اي انسان
الكفاءات هي المعيار مع النزاهة والشفافية بغض النظر يكون من وين ..
فقراي محامي لا يمثل الا نفسه وقلة من العنصريين يحاول ان يقول انا هنا لا اكثر ..
كان مسئولا يوما ما ماذا قدم لاهل الشرق ؟؟
اهل الشرق يعانون كما يعاني كل الشعب السوداني في الوسط والغرب والجنوب ..

[Ahmed] 08-07-2016 01:59 PM
عين العقل وكمان قال قادة مجتمع مدني ديل ماينفعوا قادة مجتمع ريفي مش استهزئاً بالريف ولكن لقة موارد الريف والتهميش
ومفترض المناصب تكون علي حسب الاداء بغض النظر عن منطقة او قبيلة او غيرو
دعوها فانها نتنة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة