الأخبار
أخبار إقليمية
حسن مكي يتحفظ في الرد على الفاتح حسنين جمعية الصداقة السودانية التركية: "غولن" يمتلك "20" شركة بالسودان
حسن مكي يتحفظ في الرد على الفاتح حسنين جمعية الصداقة السودانية التركية: "غولن" يمتلك "20" شركة بالسودان
حسن مكي يتحفظ في الرد على الفاتح حسنين جمعية الصداقة السودانية التركية:


حسنين : حركة فتح الله تعمل على دعم ومساعدة النظام الماسوني في العالم.
08-10-2016 12:44 PM

الخرطوم: الهضيبي يس

كشف رئيس مجلس أمناء جمعية الصداقة السودانية التركية، د. الفاتح علي حسنين، عن وجود "20" شركة تمارس نشاطها الاقتصادي بالسودان تتبع لحركة فتح الله غولن، المتهم بتدبير المحاولة الانقلابية على حكومة الرئيس التركي رجب طيب أوردغان.

وقال حسنين الذي كان يتحدث في ندوة بمركز المستقبل للدراسات أمس (الثلاثاء) إن حركة فتح الله تعمل على دعم ومساعدة النظام الماسوني في العالم.

وأكد ضلوع الحركة في التخطيط والتدبير للانقلاب من داخل المؤسسة العسكرية، وقطع حسنين أن الولايات المتحدة الأمريكية التي طالبتها الحكومة التركية بتسليم "غولن" لها لن تقوم بذلك، حيث إن مصالحها تتسق مع هذه الحركة.

ووجه الفاتح أصابع الاتهام إلى مدير جامعة أفريقيا العالمية السابق د. حسن مكي، بالعمل على مساعدة وتنفيذ سياسات الحركة بـ(السودان)، كاشفا عن رحلات سنوية تقوم بها شركات كولن بالخرطوم لنحو"90" رجل أعمال سوداني سنويا إلى تركيا.

في المقابل "تحفظ" بروفيسور حسن مكي على الرد حول حديث "حسنين" بقوله " أنا الآن خارج البلاد ولن استطيع الرد في هذا الوقت".

الصيحة


تعليقات 12 | إهداء 0 | زيارات 6852

التعليقات
#1502011 [دبوس]
0.00/5 (0 صوت)

08-11-2016 10:23 AM
لاحول ولا قوة الا بالله التماسيح السعرانه بعد فشل الانقلاب في تركيا واتهام غولن تخطط لالتهام شركات غولن بالسودان وكما يقول المثل السوداني (ياضبعة عشاك جاك في بيتك) وبالماسونيه جاتك ماسونية اكبر منك.

[دبوس]

#1501913 [زول الخلا]
5.00/5 (1 صوت)

08-11-2016 07:02 AM
يا أخوي إنت بقت عليك زي المثل البقول الكلب ما بشهدهوهو علي ضنبو..يعني عشان الكيزان اتحكرو في اتركيا عايز تطبل ليهم.

[زول الخلا]

#1501831 [Rebel]
5.00/5 (5 صوت)

08-10-2016 10:45 PM
* طيب!..أشحن "الرد" بالطياره، و "الفاتوره" علينا لحدى 40 كيلو!
* و لا قلت تذكرتك درجه اولى و عندك 40 كيلو زياده، و تجيبوا معاك "صحبة راكب"، يا بويا!!
شحنكم بارود إخمكم واحد واحد يا إلاهى يا من انت جاهى،،

[Rebel]

#1501792 [الكاشف]
5.00/5 (4 صوت)

08-10-2016 08:54 PM
ماهي الماسونية ... 95% من الشعب السوداني لايعرف ماهي الماسونية و99% من الكيزان لايعرفون ماهي الماسونية .. وكل الشعب السوداني شابكنا ماسونية ماسونية

[الكاشف]

ردود على الكاشف
[سعيد لورد] 08-11-2016 01:27 PM
يا أخوي الكاشف
لو 99% من الكيزان ( الماسونيين ) لا يعرفون ما هي الماسونية ،فتلك هي مصيبتهم
ماسوني لا يعرف أنه ماسوني
والفاتح حسنين تبرا من الماسونية وألحقها بمفكرهم حسن مكي ، كما تبرأ منها أردوغان وألحقها بصديقه غولن
و في رواية أخرى جعل غولن سفلي جني

[Rebel] 08-10-2016 10:25 PM
* من أين لك بهذه النسب المئويه، فى معرفة و عدم معرفة "الماسونيه"!
* إن كنت لا تعرف المعنى، فأسأل لتعرف، لكن بدون بجاحه!


#1501721 [كمال ابوالقاسم محمد]
5.00/5 (2 صوت)

08-10-2016 06:01 PM
بالله عليكم الله دا عذر...(ما بقدر أرد لأني خارج البلاد).....!!!
والله إنت يا حسن مكي..فعلا زي ما اطلق عليك جيفتكم حسن ترابي دون كيرليوني...مجرد خيش...الخيش حن مكي....يا خي المراسل بتاع القارديان البريطانية...هو بيكتب من قلب سوريا واليمن وأفغانستان....وبتنا...نعمة الباقر أيها االخيش تراسل الCNNمن عمق صحاري وبوادي دارفور وجبال النوبة...إنت ما قادر ترد على زميلك الحرامي زيك وأنت بما نهبتوه من شعبنا...مستغرقا في الإستمتاع بخارج البلاد..زتصييف آخر أليستة...زأها الراكوبة دي والأسافير دا كلو شغل من داخل وخارج البلد...عذر اقبح من الذنب يا خيش على قول الجيفة

[كمال ابوالقاسم محمد]

#1501713 [منصورالمهذب]
5.00/5 (2 صوت)

08-10-2016 05:38 PM
يا زول نحن عندنا راس الحيه الملتحى لكن الله وحده يعلم طول الحية و ضنبا واصل لي وين. ياخي اخوان الشيطان حيروا ابليس ذات نفسو. بقينا نخاف طلوع الترابي من قبو من جديد ، فالثعلب المكار قالوا عندو سبعة ارواح.

[منصورالمهذب]

#1501705 [وطتي]
5.00/5 (1 صوت)

08-10-2016 05:18 PM
والله الكيزان خوتم خوة كلاب
كولن ده ما قاعد الزمن ده كلو وشركاتو ماكلاكم
الا لمن اختلف مع سيدكم اردوغان طلعتو بويه

[وطتي]

#1501697 [كتكوت]
5.00/5 (3 صوت)

08-10-2016 04:58 PM
إن حركة فتح الله تعمل على دعم ومساعدة النظام الماسوني في العالم.

انت عرفت المعلومة دي بعد الانقلاب

[كتكوت]

#1501685 [ابوبكر ابو القاسم]
5.00/5 (2 صوت)

08-10-2016 04:30 PM
خلاص نويتو تلهطو العشرين شركة دي زي ما لهطو قروش وشركات اسامة بن لادن؟ وبعدين قلت يا الفاتح لي "ماسو" شنو؟ ما سمعتك كويس شركات فتح الله بتدعم شنو؟ قال ماسونية قال،، ياخي حرام عليك انت لسة قايل الشعب السوداني بتاع تهليل وتكبير الزمان ديك وبتاع حور وعين، اصحي يا عمك

[ابوبكر ابو القاسم]

#1501673 [مندهش]
5.00/5 (2 صوت)

08-10-2016 04:03 PM
طالما يا د الفاتح حسنين عندك المعلومات دي ليه قافل خشمك طوال هذه المدة؟؟؟؟ الا لعتة الله علي الكيزان في الدارين...

[مندهش]

#1501651 [دلدماية]
5.00/5 (2 صوت)

08-10-2016 03:02 PM
اى كوز يسألوا يقول انا خارج البلاد .. الناس دى بتلقى القروش وين ؟؟؟؟

[دلدماية]

ردود على دلدماية
[Rebel] 08-10-2016 10:47 PM
* مال الفقراء يا أخى!..مال السحت و الحرام!


#1501633 [المستغرش 2]
5.00/5 (1 صوت)

08-10-2016 02:30 PM
المرة دي رأس السوط لحق حسن مكي ذات نفسه ؟؟؟؟؟؟؟؟؟؟؟

الله يكضب الشينة .حيرتو ابليس ياعالم .

[المستغرش 2]

ردود على المستغرش 2
[الكوشي] 08-10-2016 05:06 PM
والله ابليس راسو بضرب .. نظام الاخوان المسلمين متسق مع الماسونية حسب تأكيد ( الخرباوى) وأفعال الكيزان !!! لكن اردوغان دا مع ناس منو طيب؟؟؟

[Free] 08-10-2016 04:34 PM
أخ مستغرب انا ضد اى موز و لكن لك ان تسأل أولا من هو الفاتح حسنين و ما علاقته بالصداقة التركية و هو الذى كان يحمل الجنسية البوسنية و كان مستشار على عزت بوكوفتش للشؤون العربية و الإسلامية و من هو وراء حرب البوسنة و الصرب و من هو تاجر السلاح الأول فى الحرب و من هو الداعم من جانب تركيا البوسنة و لماذا لا يعيش فى البوسنة كمواطن بوسنى اذا استطعت أن تجيب على بعض الأسئلة فلن تستغرش



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة