الأخبار
أخبار إقليمية
ياسر عرمان : متمسكون بإعادة هيكلة الدولة و«الحكم الذاتي» لجنوب كردفان والنيل الأزرق
ياسر عرمان : متمسكون بإعادة هيكلة الدولة و«الحكم الذاتي» لجنوب كردفان والنيل الأزرق
ياسر عرمان : متمسكون بإعادة هيكلة الدولة و«الحكم الذاتي» لجنوب كردفان والنيل الأزرق


لن نتنازل عن سلاحنا لأن حزب المؤتمر الوطني حزب مسلح أيضاً، لكننا مع قيام جيش واحد
08-11-2016 09:05 AM
أديس أبابا الخرطوم: عمار عوض وعماد حسن

قال كبير مفاوضي الحركة الشعبية ياسر عرمان قبيل انطلاق جلسات التفاوض في مؤتمر صحفي، إنهم أتوا بروح معنوية عالية، وأن الذين يقاتلوا في الميدان هم الذين حضروا للتفاوض بعقل مفتوح، مؤكدا استعدادهم لوقف العدائيات لمدة عام، وفي الجانب الإنساني قال إنهم قدموا تنازلات من أجل إيصال المساعدات للمتضررين من داخل السودان ومن خارجه وهو موقف يجب أن تضعه الحكومة في اعتبارها.
وأوضح عرمان، أنهم لن يتنازلوا عن سلاحهم، لأن حزب المؤتمر الوطني حزب مسلح أيضاً، لكنهم مع قيام جيش واحد يضم قواتهم وقوات الحكومة، ويعكس تركيبة السودان المتنوعة، وأن يكون أثناء تنفيذ الاتفاقية تحت قيادة موحدة، لكنه أبدى تخوفه من عدم وصول الحكومة السودانية لقرار استراتيجي لوقف الحرب.
وشدد على تمسكهم بإعادة هيكلة الدولة،وإعطاء إقليمي جنوب كردفان والنيل الأزرق «الحكم الذاتي» وأنهم لا يطالبون بحق تقرير المصير أو جيشين في بلد واحد كما يشاع.
وأكد عرمان أنهم سيدخلون اللقاء الذي سيدعو له أمبيكي في وفد موحد يمثل تحالف «نداء السودان»، ولن يقتصر على الموقعين على خريطة الطريق فقط، ولفت إلى أن الحوار الذي أجرته الحكومة مع الأحزاب في الخرطوم يمكن أن يعتبر خطوة أولى ويتم البناء عليه عبر المؤتمر الذي سيعقد في أديس أبابا، ويضم «نداء السودان ولجنة 7+7 والحكومة السودانية» وأنهم مع السلام الذي يفضي للتغيير، والانتقال بالسودان من دولة الحزب الواحد إلى دولة التعدد، عبر حوار متكافئ يحترم فيه كل طرف إرادة الطرف الآخر.

الخليج العربي


تعليقات 20 | إهداء 0 | زيارات 8383

التعليقات
#1502725 [اسلامي]
0.00/5 (0 صوت)

08-12-2016 11:23 PM
هل تصدق ي ابوجلمبو اسمكم انتز طلع زيت شعب باكمله انتو ناس متكبرين عاملين نفسكم افضل من كل احد وريني شنو حسنتكم شنو قدمتوهو في تاريخ البشر السودانين عشان نحترمكم وانا لا احترمكم زي م انتو م بتحترمونا ايضا لا نحترمكم ونعيركم بنفس لغتكم وبنفس شغلتكم شنو يخليني ادين لك اين انجازاتكم عشان نقبل بكم

[اسلامي]

#1502723 [كربشن احمد بوده]
0.00/5 (0 صوت)

08-12-2016 11:15 PM
ي كمرد مافي مساومه دايرين نحكم نفسنا برانا .وبعدين جيش..الشعبي مايسلم ولا بندقيه لا ما دايرين نتلاقي في الميدان والرهيفه تتقد

[كربشن احمد بوده]

#1502690 [عين العقل]
0.00/5 (0 صوت)

08-12-2016 09:33 PM
ظللت أكتب وأنبه أن الحركة الشعبية شمال هي إمتداد للحركة الشعبية جنوب حركة عنصرية هدفها تفكيك السودان وفرض أجندة عنصرية من خلال المفاوضات. قلت لكم راقبوا سير المفاوضات وسوف تنكشف أهداف الحركة الشعبية.

يا أيها الذين تصفقون لعرمان هو مجرد بوق يسعى لتنفيذ أجندة ، لأنه ليس له ناقة ولا جمل في أن تحصل جنوب كردفان وجنوب النيل الأزرق على حكم ذاتي وإنفصال. لأنه ببساطة لا ينتمي لهذه المناطق ، حتى أولاده الجنوبيين يعشون في بريطانيا

والله ذكرت قبل يوم واحد فقط أن أهداف الحركة عنصرية وأنها سوف تقصى المعارضة من المفاوضات وتطالب بحكم ذاتي وهو في الحقيقة إنفصال وإنضمام للجنوب . الحركة الشعبية خطرة جدا على السودان معارضته قبل نظامه على كل الشعب.

فقط تأملوا

طلب حكم ذاتي للمنطقتين ؟ من من هذا الحكم الذاتي ؟ هل من المؤتمر الوطني أم من السودان؟
المؤتمر الوطني أيضا مسلح لذا تطالبون بقيادة مشتركة وجيش مشترك؟؟

إذا حزب الأمة يجيب جيشه والشيوعي يجيب جيشه والإتحادي يجيب والمؤتمر السوداني يجيب وقوي المستقبل تجيب إذا كانت القصة أحزاب
أما إذا كانت القضية جهويات: الشمالية تجيب جيشها ونهر النيل والجزيرة وكسلا والبحر الأحمر والقضارف وشمال كردفان وغرب كردفان وجنوب دارفور وشمال دارفور ووسط دارفور كلهم يجيبوا جيشهم تحت قيادة مشتركة.

هذه الحركة عنصرية وإنفصالية وتخدم أغراض أمها حركة جنوب السودان ، أحذرواهذه الحركة فهي لديها أهداف عنصرية ضد باقي السودان .

توحدوا أيها المعارضون ضد الحكومة ولكن بعيدا عن الحركة الشعبية لأنها لها أجندة ولها أهداف أنتم أنفسكم جزءا منها.

[عين العقل]

#1502448 [مستغرب]
0.00/5 (0 صوت)

08-12-2016 12:33 AM
ياجماعة انتو عارفين المصبرنا على الحكومة دي شنو انو أنو الكيزان أفضل خيار للأسف الشديد عشان كدة يوما يظهر نلقي لينا قوة أو جبهة جديدة الشعب يثق فيها يمين باللة الكيزان ديل الشعب السوداني يبيدم في يومين لا اكثر

[مستغرب]

ردود على مستغرب
United Arab Emirates [فيلق] 08-13-2016 09:39 AM
ده كلام فارغ ساي منو القال احسن من غيرم
يازول هوي نحنا تاني ماعندنا اي شئ لعمر البشير مكانو لاهاي ومعاو ال52 المطلوبين للعدالة
اي زول ممكن احكم السودان ماشرط منو المهم كيف البرنامج والدستور والجيش القومي الوطني والشرطة الغير فاسده والامن الوطني وتامين الحدود
بطلوا تخدير للناس

Saudi Arabia [المهندس] 08-12-2016 08:28 PM
اتت كوز امنجي كذاب ...الله يسألك ورينا حسنة وااااااااااحدة عملتها حكومتي دي في 27 سنة ؟؟؟؟؟؟
قسمت البلد لبلدين, حرقت اقليم دارفور , خربت ولايتي النيل الازرق وجنوب كردفان, نهت التعليم, دمرت الصحة قضت علي جميع المشاريع الزراعية والصناعية , ادخلت الفتنة والكراهية بين الناس, احيت العنصرية والقبلية ومارستها بابشع الطرق, قضت علي الجيش الوطني وحلت محله بمليشيات قبلية ...تاني شنو الفضل حتي لو جاء العن ابليس عشان يعمل اأسوأ منه


#1502413 [اسلامي]
0.00/5 (0 صوت)

08-11-2016 09:23 PM
ي سلام فصلتو الجنوب بالمصتلحات دي زاتها والان الدور علي الغرب الم تكونو مع الجنوبين ايام الحرب وقلتو نحن مع حق تقرير المصير وبعد ان انفصل طلعتو من علبكم وقلتو نحن ضد الانفصال يعني الشعب عايش تحت اوامركم تقيفو مع اي واحد شغال سلاح والحكومة التي تحمل السلاح هذا جيشها اما انت مسلح ارهابي لا غير كيف لا يصنفوك انت والمسلحين ارهابين لا ندري والله مسكين الشعب الذي ينتظر من حواراتكم واراقة الدماء التي تتلاعبون بها تدخلون الحكومة ثم بمزاجكم تطلعون وتحملون اسلحتكم ضد المواطن كلكم قتلة يجب محاكمتكم واصلا كلكم غير سب رب العالمين لا نعرف لكم شي ماذا نرجي منكم غير سب ربنا وشتيمة نبينا وادخل وشوف جماعتكم وكبامهم عن الله وعن محمد

[اسلامي]

ردود على اسلامي
European Union [اسلامي] 08-12-2016 11:48 PM
هههههههه وانت اسمك ابوجلمبو يعني انا علي الاقل ربنا يعطيني اجر الاسم الكلام انت يعني قايل انا خايف من الاسم شنو يخوفني هل المعارضة جابت لي حياة كريمة عشان اعترف بها شنو جابتو وبالعكس الشعب يفهم ماذا تريدون وماذا تتحاربون لانكم بلا فهم وبلا وعي تعيرات وشتايم والله لو ذهبت الانقاذ او قعدت لن تنجحو يالمعارضة في شي غير نفس طريقكم لانكم منتهين والشعب يعرف وحافظ والجيش اظنه هاضمكم وشبعان منكم لانه اكتر واحد اكتوي ولو مشت الانقاذ ستتخانقون فيما بينكم ونرجع ايام الجمعية التاسيسية الالعن من الانقاذ الذي فضح اي عمل سياسي سوداني وكفي

[ابوجلمبو] 08-12-2016 08:01 PM
اسمك ده هو الطلع دينا


#1502311 [صداح]
0.00/5 (0 صوت)

08-11-2016 05:26 PM
كدى نشوف بعدين حتوقعوا على شنو ، زمان قلتو ماحتوقعوا على خارطة الطريق وجيتوا وقعتوا ، اسيادكم الغربيين البدفعوا ليكم القروش قالوا دايرين تطبيع مع الحكومة ، وحتسوقكم للمشاركة فى الحوار والحكومة ، دا الطريق المرسوم ليكم تانى فرفرة مافى ، ، انت يا ياسر صدقت انك صاحب قرار ولاشنو ، العبرة بالنهايات يا فردة

[صداح]

ردود على صداح
European Union [زول الخلا] 08-13-2016 11:17 AM
يا عمك إنت جدادة ألكترونية قاعد تطبل لي منو؟جو ووقعو غصبا عنهم وعن جماعتك والجماعة اللي بيدو القروش ديل يا ما أبرشتو ليهم..بس قول لس جماعتك أثبتو وما تننطو المرة دي ما فيها تقرير مصير فيها تقسيم كراسي وحل مليشيات بس وبنشوف النطة من منو..


#1502259 [ود احمد]
0.00/5 (0 صوت)

08-11-2016 03:47 PM
رد على ود المهدي
انا معك في كل كلمة
والذين يتحدثون عن التهميش وكان الخرطوم دبي او طوكيو البلد كلها مهمشة بسبب الحكام والمعارضين والشعب هو الضحية يجب صياغة برنامج اقتصادي واضح المعالم لانتشال البلد من الفقر والجهل والمرض
افيقوا افيقوا من سكرتكم ايها البلهاء ان لم تنتبهوا اليوم سوف لن تجدون ماتتصارعون عليه غدا

[ود احمد]

#1502208 [Ali kareem]
0.00/5 (0 صوت)

08-11-2016 02:30 PM
أقول ليك شي يا عرمان ؟
السودان كله عايز حكم ذاتي !
لو طبقنا النظام الفدرالي للحكم تطبيق صحيح لن نحتاج لسماع كلمة حكم ذاتي مرة أخرى

[Ali kareem]

#1502202 [الزين الزين]
0.00/5 (0 صوت)

08-11-2016 02:26 PM
الشعب منتظركم ان تعملوا لهذا الشعب بلد يعيش فيه الجميع سواسية ، بلد يحاسب فيه من يخطيء امام الدنيا كلها ، نريد حكومة تخرج السودان من ازماته التي لازمت شعبه وجعلته من الدول المتخلفة انظروا لاثيوبيا اين وصلت أيها الاغبياء انظروا لاديس ابابا وشوفوا الفرق بينها وبين الخرطوم أيها الاوباش ؟

الشعب يريد حكومة تعينه وتخرج من ضنك الحياة المرير وتجعلوه يتجه للتعمير والبناء والزراعة والإنتاج بجميع مصنفاته .

لمتى تتحاورن لمتى تأتمرون لمتى يخرج السودان وشعبه لفضاء السلام الرحب ؟

ولو فيكم عقول حكومة ومعارضة وأحزاب اوفقوا الحرب التي هلكت شعب السودان وجعلته يبحث عن لقمة العيش وانتم تعيشون في فنادق الدنيا وشعبكم اصبح شبه متسول ومتشرد اليس منكم رجل رشيد جميعا .

واتركوا مسالة الحكم الذاتي السودان بشكله الحيالي الناس ما قادرة تاكل هل تفتكروا في منح حكم ذاتي هل ستتطور تلك الأقاليم تحت ذلك الحكم الوحدة قوة أيها الجهلاء الشعب منتظر منكم عمل دستور ينظم الحكم ديمقراطيا يحكمه جيش موحد وطني لا لون له ولا ولاء له إلا للشعب والوطن جيش قوي .

عاوزين ان تعملوا بلد قوي ورفع الضائقة الاقتصادية والمعيشة عن المواد

لمتى يظل حالنا هكذا من حرب لحرب ومن دمار لدمار ؟؟؟؟؟؟؟

[الزين الزين]

#1502200 [سوداني]
0.00/5 (0 صوت)

08-11-2016 02:25 PM
نحن زاتنا نطالب بحكم زاتي لي ولايه نهر النيل وبعد داك نفكر في الانفصال مافيش حد احسن من حد

[سوداني]

ردود على سوداني
Sudan [alwatani] 08-12-2016 09:22 AM
الاسم المعروف للشعب الاقليم الشمالى "الشمالية " تجع رطانة وعرب نعزهم ونجلهم الا فئة محسوبة عليهم وهم ليس منهم وافيدين ووجدو السماحة وتمترسوا وجابوا عار العنصرية لغرض فى نفوسهم


#1502124 [darjoal]
0.00/5 (0 صوت)

08-11-2016 12:34 PM
خلاس ... وكت ختيتو السلاح استعدو لي لبس عمة علي مقاسكم تفصيل و تطريز الانجاس. بنفس طريقة اهلي البجا في شرق السودان. حسبي الله

[darjoal]

ردود على darjoal
[اسلامي] 08-11-2016 10:00 PM
يعني انتو السلاح دا نهاي مايزين تخلوهو والمواطن يعيش مشرد طول عمرو راجي خلافاتكم وحروبكم الاصلها لايمكن ان تنحل وتجو كل يوم في النت والاعلام تنبحوا في الحاصل والمجاعة والمعايش مين غيركم وغير سلاحكم بهدل البلد مين يماطل في قضايا الف سنة وحروب لاتنحل ياخ الحرب العالمية انتهت واهلها تعافو الا انتو لانكم فوضي والحكومة عملت ليكم قومة وقعدة لانكم من البداية بديتوها نهب مسلح وفي عهد كنتو حاكمين كلكم تحت البرلمان عشان كدا الشي الذي بدا بالفساد لن ينحل بفساد الا بالادب والله لو كنتو في بلد غربي لكانت ادبتكم شر ادب ولم ترفعو راسكم تاني لكن لقيتو حكومات ادتكم وزن وحوارات وعملت ليكم طاقة


#1502121 [Mojo]
0.00/5 (0 صوت)

08-11-2016 12:33 PM
وأوضح عرمان، أنهم لن يتنازلوا عن سلاحهم، لأن حزب المؤتمر الوطني حزب مسلح أيضاً، لكنهم مع قيام جيش واحد يضم قواتهم وقوات الحكومة، ويعكس تركيبة السودان المتنوعة، وأن يكون أثناء تنفيذ الاتفاقية تحت قيادة موحدة،


دا الكلااااااااااااااااااام المطلوب !!!!!

الجيش الشعبي باق الي الابد لحفظ وانتزاع حقوق المنطقتين من مخالب كلاب الانقاذ

[Mojo]

#1502113 [ود احمد]
5.00/5 (1 صوت)

08-11-2016 12:26 PM
نعم يجب هيكلة الدولة
اما مسالة الحكم الذاتي فهي كلمة حق اريد بعا باطل مقدمة للانفصال ولذلك الحكم الفدرالي هو انسب صيغة لحكم السودان
كفاية تمزق وتشظي واكيد هذه اجندة الدول الغربية التي تصرف على المعارضين في الفنادق
نعم نحن صد هذا النظام وتصفيته اكننا ضد تصفية ماتبقى من السودان

[ود احمد]

ردود على ود احمد
Sudan [darjoal] 09-17-2016 08:04 PM
كدى اول حاجة كل جهة تحكم مناطقها حكم تام شامل بدون تغول من اي جهة اخرى. يعني مش يجي واحد ناطي من الخرطوم و داير يحكم السودان كلو بكل اتجاهاتو.
بعد داك هذه المناطق ممكن تفكر في سودان متحد.
هذا و الا السيف. بس خلاس بلا فلسفة فارغة


#1502096 [المتابع الاممي]
0.00/5 (0 صوت)

08-11-2016 12:06 PM
الأستاذ/ المناضل ياسر نرجو أن لا ننسي إقرار مبدأ المحاسبة في أي تسوية أو حوار أو اتفاق لهؤلاء القتلة والحرامية والمجرمين لا سلام بدون محاسبة !!
لك منا كل التقدير والاحترام !!

[المتابع الاممي]

#1502095 [عبده]
3.00/5 (1 صوت)

08-11-2016 12:05 PM
ليس في الحرب خير الا ان تتوقف ...نعم ..ولكن ليس في الحق والعدل تنازلات .

الحرية للجميع حق .. القصاص ورد المظالم عدل ..استرداد المال المنهوب حق ..المساواة بين السودانيين عدل ..الديمقراطية القائمة علي مبدأ تكافؤ وتساوي الفرص والمال حق ..المساواة بين كل الاقاليم السودانية عدل ..العيش الكريم حق ..اخذ المال من العندهم واعطائه للما عندهم عدل ..

هل الانقاذ تؤمن بهذه الحقوق .. وتعرف هذا النوع من العدل ؟؟؟
استاذ ياسر ... ان كنت مؤمنا بكل ماذكر اعمل على تكريسه واقعا يمشي بين الناس ..

[عبده]

#1502089 [ود المهدي]
5.00/5 (1 صوت)

08-11-2016 11:57 AM
يا ياسر عرمان انتم ليه مصرون على تقسيم بعد تقسيمه من قبل الكيزان لشمال وجنوب ، اذا انتم مثلهم تحملون بذور الضغية بين قلوبكم لماذا؟

يا سيد نحن نريد سودان موحد تحكمه حكومة قومية وقيام دستور يمنع أي إقليم ان ينطق بكلمة حكم ذاتي ليه الحكم الذاتي اليس جنوب كردفان والنيل الأزرق جزء من السودان الكبير ؟ عقليتكم مرضية وكل من يطالب فهو ناقص العقل الدول من حولنا تتجمع وتتوحد انتم في السودان لا نسمع منكم إلا كلمة التقسيم والحكم الذاتي السودان بشكله الحالي ما قدرين تطوروه بل دمرتوه بالحروب التي هلكت البلاد والعباد، فقد تم فصل الجنوب واصبح بعدها بركة من الدماء وتدمر اكثر مما كان عليه قبل الانفصال كم مات من مواطنية وكم تشرد منهم اليس لديكم عقول يا ياسر عرمان غيروا لغة الحكم الذاتي التي تتبنوها وهل تفتكر اذا تم ذلك هل ستصبح تلك المناطق تايوان السودان واتركوا الهبل بتاعكم واتحدوا واوقفوا الحرب والفساد والعنصرية نعيشها فكروا في الشعب الفضل الذي اصبح بحث عن لقمة العيش وجرعة الدواء أيها الاوباش الجهلاء الشعب منتظر ان تاتوا بسلام يوقف الحروب والتشرد ويقف الفساد الذي دمر كل شيء .

عرمان اذا انتم رجال ما بتنطقوا بكلمة حكم ذاتي لاي منطقة المفروض تحاربوا من يقول ذلك بد تتبنوا فكرتم العقيمة هذه.

[ود المهدي]

#1502082 [Breeze]
0.00/5 (0 صوت)

08-11-2016 11:42 AM
مؤكدا استعدادهم لوقف العدائيات لمدة عام، >>>>
--------------------------------------------
وأنهم مع السلام الذي يفضي للتغيير، ..........
---------------------------------------------
وقف العدائيات لمدة عام ... لو طُبق هذا الأمر وقامت الحكومة بإنفاق ما تصرفه في الحرب لصالح الإقتصاد والمواطن من أجل تحسين حياته وذلك بعد أن تتحسن صورة العملة المحلية أمام العملات الأجنبية لكان أفضل لكن من المؤكد أن الحكومة ستنتهز فرصة توقف العدائيات وستصرف أكثر من أجل تسليح جيشها وميليشياتها, لذلك يجب ألا تنخدعوا في هذا الأمر ويجب الإحتساب لكل شيء وألا تتوقف مساعيكم من أجل تحسين تسليح قواتكم.
موضوع السلام الذي يفضي للتغيير.... ما معني التغيير هنا هل هو إزالة النظام أم ستعملون جنبا إلي جنب معه؟

[Breeze]

#1502048 [احمد البقاري]
5.00/5 (1 صوت)

08-11-2016 11:09 AM
لك تحية الشموخ والكبرياء الزعيم الوطني ياسر سعيد عرمان
نعم نتفق معك تماما بأن إعادة هيكلة الدولة ومؤسساتها الأكثر حيوية، هو الحل الناجع والشافي والنهائي لأزمة بلدنا السودان المزمنة ومستمرة على مدار ستون عاما...


أزمة بلادنا المزمنة والمستمرة منذ 1956م، تكمن بصورة أساسية في التركيبة المختلة والمعيبة لمراكز القيادة والسيطرة بمؤسساتنا الوطنية "القوات المسلحة، جهاز الشرطة، الأمن والسلطة القضائية ووسائل الإعلام"، والتي تقع تحت السيطرة الكاملة والمطلقة والحصرية لمنسوبي قبائل الأقلية الحاكمة، والذين لا تتعدى نسبة تعداد منسوبيها الـ 5% من جملة سكان السودان (13 دائرة جغرافية من أصل 271 دائرة لكل السودان) ... في ظل هذه التركيبة المعيبة لمراكز القيادة والسيطرة بأجهز الأمنية بالدولة، فأنه من العبث وغير المجدي البحث عن سلام صوري لا يخاطب أسباب وجزور الأزمة في بلادنا، وصولا لسلام حقيقي ومستدام ... وبالتالي، فأنه ليس من المنطق مطالبة أبناء القبائل والقوميات المستهدفة سوى كانت في دارفور، كردفان، النيل الأزرق أو شرق السودان وغيرها من مناطق الأضطرابات ، بإلقاء أسلحتهم وتسليمها إلى ذات الجيش ذو الصبغة الأثنية، والذي ظل وما زال يمارس القتل والقمع والتنكيل بهذه القوميات والقبائل على مدار ستون عاما دون هوادة...

عليه، فأن السبيل الوحيد والمتاح لإنهاء حالة التأزم والترهل السياسي والتسيب الإداري والتكلس الأقتصادي المستمر في بلادنا منذ مذبحة عنبر جودة/كوستي في فبراير 1956 م، هو إعادة هيكلة مؤسسات الدولة السيادية (الجيش، الشرطة، الأمن، السلطة القضائية ووسائل والإعلام المرئية والمسموعة والمقروءة) وإنهاء كافة أشكال سيطرت وتفرد منسوبي قبائل الأقلية الثلاث الحاكمة على جهاز الدولة ومفاصل مؤسساتنا الوطنية ومراكز السيطرة والتحكم واتخاذ القرار فيها.

أن أي تسوية سياسية، لا تقود في نهاية المطاف لتفكيك دويلة منسوبي أقلية وتحرير جهاز الدولة ومفاصل مؤسساتها السيادية من قبضتهم، فهي لا تعدو أكثر من ذر للرماد في العيون وتكرار وإعادة تجريب لأتفاقيات سابقة لا تحصى، كان نصيب جميعها الفشل الزريع ونكوص منسوبي الأقلية الحاكمة عن ألتزاماتهم وتعهداتهم في الأتفاقيات والتسويات التي تمت في هذا الوطن بدءا من المائدة المستديرة، أديس أبابا، نيفاشا، أبوجا، وأسمرة مع جبهة الشرق وأنتهاء بالدوحة وأستفتاء دارفور المجغمس..

[احمد البقاري]

ردود على احمد البقاري
South Africa [kakan] 08-12-2016 09:39 AM
والله بابقاري فهمك عجيب يعني استبدال الدولة التي تعتبرها عنصرية بدولة عنصريه هو الحل واعادة هيكلة الدوله بمخطط عنصري يعني عودة البلاد الي العصر الحجري الدولة المتشودة تتطلب
١- دولة القانون
٢- المساواة
٤- العلمية
٤- الادارة العلمية
٥-التخطيط التنموي والاستراتيجب
بعني دوله يقودها العلماء بالتخطيط والشفافية والامانة وانت جاري وراء هيكلة القوات النظامية
البلد ىن تقوم لها قايمة لو سرحنا كل جيشها وامنها واوكلنا لعرمات تكوين جيش جديد وشرطة جديدة وامن جديد القوات المسلحة لاتبني اقتصادا ولا تنمي امة الامم تبنب بالادب والاخلاق لابدعواي العنصرية يابقاري وانظر حولك لتري ماذ فعل غباء الساسة بجنوبنا الحبيب وسوريا والعراق واليمز حيث لاجلابة يابقاري


#1501991 [ahmed]
5.00/5 (1 صوت)

08-11-2016 09:43 AM
الأستاذ عرمان لك التحية والتقدير و لكل الرفاق اللذين معك و لكل الأحرار اللذين يغيرون علي الوطن و الدم السوداني يجي في عروقهم .استاذي لك كل الحب لكل كل التقدير والله انت رفاقك حلم بلدنا
بالله عليكم لا تتنازلوا ولا بكلمة لهؤلاء المتسلقين خأبي الرجا .والله لا يملكون من الرؤية والبصيرة. و سبحان الله ربنا طامس بصيرتهم. لا نرضي والله ألا بتفكيك هذا الطيان الظاغي الكاذب الفاسق الرذيل .

دمت فخرا شامخ الرأس ي أسد .يهابوك والله

[ahmed]

#1501983 [أبو محمد]
5.00/5 (1 صوت)

08-11-2016 09:28 AM
نتمنى أن يتحقق الإستقرار في السودان شهدت فترة توقيع اتفاقية السلام من 2005حتى 2011 استقرار انعكس على حياة المواطن فليس الحروب خير كما نتمنى أن يستفيد البلد من المعارضين أصحاب المنطق وان لايكون منطقهم وطلاقة لسانهم وبالا على اوطانهم الجنوب ذهب إلى غير رجعة نأمل إلا يذهب الباقي فأصبح عبرة الكيانات الصغيرة وصدق فيهم مقولة القذافي ان الانفصال يتسبب بوجود دولة ضعيفة.

[أبو محمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة