الأخبار
أخبار إقليمية
اشراقة سيد محمود : تعتزم تحريك اجراءات جنائية ضد بلال والدقير "مش البشير تكلم عن برنامج إصلاح الدولة "
اشراقة سيد محمود : تعتزم تحريك اجراءات جنائية ضد بلال والدقير "مش البشير تكلم عن برنامج إصلاح الدولة "
اشراقة سيد محمود : تعتزم تحريك اجراءات جنائية ضد بلال والدقير


دايرين نعرف هل ستحمي الدولة أشخاص يرتكبون تجاوزات مالية فى حزبهم ؟
08-11-2016 12:17 PM

الخرطوم / حيدر احمد خيرالله
شنت إشراقة سيد محمود هجوماً على رئيس الحزب الاتحادي المسجل الدكتور جلال الدقير وإتهمته بتزوير كشف اللجنة المركزية التي قامت بفصلها وإستبدالها بلجنة أخرى غير منتخبة ، وكشفت إشراقة مؤتمر الصحفي عقدته أمس عن عزمها تحريك اجراءات جنائية ضد جلال الدقير ووزير الإعلام والقيادي بالحزب د.احمد بلال عثمان لتقديمهما تقريراً مالياً مزوراً والإدلاء ببيانات كاذبة . وشددت على أنها ستعمل على رفع الحصانة.
وكشفت إشراقة عن طلب الأمين العام لحزبها جلال الدقير من جهات نافذة بالدولة – لم تسمها – بالتدخل لوقف التصعيد .وشددت على أنها ستعمل على رفع الحصانة وتساءلت : (دايرين نعرف هل ستحمي الدولة أشخاص يرتكبون تجاوزات مالية فى حزبهم ؟ ) وزادت سنلاحق رفع الحصانة عنهم حتى (( لو نمشي نقعد قدام بيت رئيس الجمهورية ، وزادت مش البشير تكلم عن برنامج إصلاح الدولة) . وأضافت: (لاينبغي حمايتهم لو أن هنالك دولة عدالة سيدخلون السجن )
وقطعت بأن إستقالة الدقير بسبب أموال الحزب وأنه كان يفاوضها قبل 24 ساعة من تقديم استقالته .

الجريدة


تعليقات 10 | إهداء 0 | زيارات 3646

التعليقات
#1502896 [darjoal]
0.00/5 (0 صوت)

08-13-2016 10:18 AM
سبحان الله
البقر و التيران
دولة عدالة !!!!!!!!!
متنا بالضحك.

[darjoal]

#1502517 [abushihab]
0.00/5 (0 صوت)

08-12-2016 09:39 AM
بالله عليك يا اشراقة بس احمد بلال دا مرمطيه لي دا ما حرق فشفاشنا!!!

[abushihab]

#1502440 [شيخ العرب]
5.00/5 (1 صوت)

08-11-2016 11:04 PM
مين الفوضكم على الحكم انتى ودقيرك وبلالك وبشيرك من الاداكم مال الشعب حتى تحتكموا له فى المحاكم؟ هل بشه السارق وانتو(اتفقتو (ياما احلى سرقه السارق) سياتى يوم يقهركم الشعب ويسحقكم تحت اقدامه ياحراميه بإسم الديمقراطيه

[شيخ العرب]

#1502370 [ابوبكرنك]
0.00/5 (0 صوت)

08-11-2016 08:05 PM
شوكة حوت لا بتنبلع ولا بتفوت.

[ابوبكرنك]

#1502230 [Mohamedkhair]
5.00/5 (1 صوت)

08-11-2016 03:07 PM
تربية الشريف علية رحمة واضحة
ست بالف راجل

[Mohamedkhair]

#1502224 [الجنقوري]
5.00/5 (1 صوت)

08-11-2016 02:49 PM
انتي ياوليه غبيانه اصلاح شنو وفساد شنو الجو الحزب ورئيس منو الماشه تقعدي قدامو عشان ينصفك

[الجنقوري]

#1502214 [خليل ابراهيم]
5.00/5 (1 صوت)

08-11-2016 02:40 PM
صراع اللصوص على جثة الوطن.
ماشة بيت الرئيس شيلى ليه فنيلة ابو تريكة وقولى ليه من العشرة الفضلت فى تسعة تمشى للاهلى المصرى وما تنسى كتاب سيد البدوى عن الاستثمار فى السودان.

[خليل ابراهيم]

#1502207 [كاسـتـرو عـبدالحـمـيـد]
5.00/5 (2 صوت)

08-11-2016 02:30 PM
يا سيدة/ اشراقة , القضاء على الدقير وامثاله فى منتهى السهولة . عليك بالتحرى عن ثروتهم فى البنوك الداخلية والخارجية واملاكهم من عقارات فى مصلحة وسجلات الأراضى ومصانع ومزارع والتى تتوزع بين افراد العائلة لعملية التمويه ونشرها فى الراكوبة بجانب تقديم بلاغات بتهم الفساد والكسب الغير مشروع ومن اين لك هذا . عندها سوف تنالين منهم كلهم بحجر واحد .

[كاسـتـرو عـبدالحـمـيـد]

ردود على كاسـتـرو عـبدالحـمـيـد
Saudi Arabia [ساري الليل] 08-12-2016 07:58 AM
دي مهمة صعبة يا كاسترو موش سهلة .. يازول الشايقية دي ما بوصوها على البكى عارف بتجيب احمد بلال والدقير الدرب .. هم مفتكرنها زي الوسيلة السماني واخرين.. واسعب شئ ان يكون الانسان في نعمة ثم تسلبها منه عيانا بياناً جهراً..

عشان كدي يا اخوي كاستروا ناس الحكومة ديل كلهم زي اشراقة لن يتنازلوا عن النعيم المقيم لا بالمفاوضات او بخريطة الطريق او غيرها لكن ممكن يفسحوا المجال للناس العاملين عكننة ليهم امثال عقار وياسر عرمان والامام الحبيب .

اما انسان يعمل من اجل كل الناس ده ما بنفع مع الحكومة عشان كدا هم ما عايزين ياسر عرمان .. لأنه قال :
لو كنا دايرين نصل الى اتفاق جزئي مع النظام كان وصلنا اليه زمان.. وهو صادق في هذه الجزئية تماماً لانو الحكومة تعمل بمبدأ سكت الخشامة


#1502194 [Hussein Hamid]
5.00/5 (1 صوت)

08-11-2016 02:21 PM
الان يبدو طيب الذكر دون كيشوت تلبس اشراقة حيث امتشقت سيف العشر لمحاربة طاحونة الاتحادي الدقير ، هنيئا لكم شعب محمد الأغبش فقد صار زعماء الأحزاب و قادة المعارضة في زمرة العائلية الدون كيشوتية يحاربون الحكومة بسيوف العشر لا العقل المتحجر !

[Hussein Hamid]

#1502137 [ساري الليل]
5.00/5 (1 صوت)

08-11-2016 12:56 PM
ووب عليك يا حمادة اشراقة جاتك ؟ اه الحل شنو ؟ الدقير فات وسابه ليك ؟ يلا ورينا رجلاتك .. وبالمناسبة اشراقة ام توباً سمح دي والله تكنسك في ضحوية واحدة يلا شيل شيلتك ؟؟

[ساري الليل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة