الأخبار
أخبار إقليمية
المقامة السينية فى حُب الرعية!! منع من النشر
المقامة السينية فى حُب الرعية!! منع من النشر
المقامة السينية فى حُب الرعية!! منع من النشر


08-12-2016 11:21 PM

زهير السراج


* يقول لكم والى المستوطنين فى الخرطوم، حفظه الله وأكرمه ونَعّمه وأطال عمره وأمد فى ايامه، بأن الخرطوم كانت ستغرق لولا السدود العشرة القديمة التى حجزت منها الماء، وصرفت عنها البلاء !!


* وقال واليكم، والاه الله بالعافية وحماه من الابتلاء، وجَنبّه الفقر وشر الداء، وجعل اقواله فى ميزان حسناته يوم القيامة باذن الله، بأن الولاية سـ(تمضى) قُدماً فى تعلية السدود، وإنشاء سدود جديدة، تخلب العقول وتحمى من السيول، وتخزن الماء وتكون لنا عوناً فى زراعة الحقول، فافرحوا يا مواطنى الخرطوم، فالوالى الفريق ركن طيار مهندس ركب الهليكوبتر وطار، وصعد الى السماء، ورآكم غرقى فى الطين، وما هان عليه أن يترككم بلا أمل ولا رجاء، وهاهو يعدكم بالخير والنماء، ويبشركم بالوعود، ويبادركم بالقول الفصل الحَسّن سـ(نمضى) قدما فى بناء السدود، وكأن القديمة بناها معاليه، بارك الله فيه !!


* وحرف السين عند السادة، أيها الأفاضل، ليس لاستدبار الماضى واستشراف المستقبل، كما يدعّى علماء اللغة الفطاحل، وانما حرف توكيد ونصب، القصد منه توكيد الفعل وتأكيد النصب، والنصب ليس مقصوداً به الخداع، كما فهم بعض الاحباب، وإنما البناء والتشييد، مِن نصب ينصب نُصبا (بضم النون)، لا نصب ينصب نَصباً (بفتحها) .. ألم تسمعوا بالنُصب التذكارى الذى يُقام للموتى ليتذكرهم الاحياء، فهاهو الوالى يعدكم بنصب السدود حتى يتذكركم، فهل فهمتم .. لا أراكم الله مكروها فى عزيز لديكم ؟!


* لقد شرف الوالى، واللهِ، سماء الخرطوم، الذى يعج بالغيوم، غير خائف ولا مهموم، ومن أين تأتى الهموم لوالٍ له ربع قرن متوالى وجالس فى العلالى، أم ظننتم أنه مثلكم يعانى، كفاه الله حسدكم، وجعل كيدكم فى وحلكم !!


* صعد الوالى الى السماء، ليتفقد أحوالكم أيها الاعزاء، رغم سوء الاحوال وعظم البلاء واشتداد الاهوال، وما هان عليه ان يترككم فى مصيبتكم بدون ان يتفرج عليكم، ثم يقول لكم بكل بلاغة لسان وثبات جنان، سـ(نمضىى) قدما فى بناء السدود ــ بالسين ــ دليلا على الهمة والكرم والمحبة لكم، وذلك بعد أكثر من سبعة وعشرين سنة فى الحُكم .. ويا له من كرم، فمن يقضِ مثل هذا الزمن الطويل جالسا على كرسيه، يجهر نور السلطة عينيه، فيظن انه أحكم من لقمان، وأبلغ من سيبويه، ولا يمكن ان يغامر ويصعد الى السماء واضعا هموم الرعية على كاهليه، ولكن والينا عليه بركات من الله، فعلها بجرأة واقتدار رغم الأخطار والجو الماطر والاعصار، وكان يكفِه فخرا ان يتفرج عليكم من فوق الكرسى الذى يجلس عليه وانتم توحلون، ولكنه الحب والاخلاص والحرص عليكم حتى وانتم تموتون !!


* بل، وجناب الوالى ومن ذلك المكان العالى، يعدكم بحرف السين إنه سـ(يمضى ) قدما فى بناء السدود، كى تقيكم الأخطار وتحميكم من الأمطار، وتخزن لكم الماء الذى يمنع عنكم البلاء ويحقق الخير والنماء .. وعلى رأى مطربنا العزيز الراحل ابوداؤود (فى حب يا أخوانا أكتر من كده؟) .. دمت لنا يا حامى الحدود، وكلنا ثقة أنك سـ(تحفظ) العهود، وسـ(تمضى) قُدما فى بناء السدود، وجعلنا الله من المنتظرين المحتسبين، وحمانا من الوحل والطين، ان شاء الله القوى المتين !!

[email protected]


تعليقات 35 | إهداء 0 | زيارات 30411

التعليقات
#1503821 [محمد سعد]
3.00/5 (2 صوت)

08-14-2016 10:49 PM
شكراً يا دكتور زهير على المقال اللازع علّهم يتفكرون .. و علّ الفنى اللمبى فنى الصيانة الذى أصبح بقدرة قادر فريق ركن طيار علّه يتفنن و يحل مشاكل الولاية التى فى إذدياد منذ وصوله من تراكم نفايات إلى قطوعات ماء وكهرباء إلى غلاء فاحش ومعاها عطالة ماتديك الدرب و غيره من خدمات لا تكفى السين (س) لتحقيقها حتى ولو بالتمنى ..
قال باعو الارض كلها قال .
أعوذ بالله .

[محمد سعد]

#1503697 [خالبوش]
4.00/5 (1 صوت)

08-14-2016 06:11 PM
نشرت هذا المقال في صفحتي في الفيس حتى يقرأ هذا المقال من لن يقرأه في الإعلام الذي يسيطر عليه جهاز الأمن الذي يتحسس من النسيم نفسه إذا مر بسرعة من أمام أحد "كبار" وأحياناً صغار رموز النظام الفاسد وقد يأمر بحبس النسيم نفسه حبساً مفتوحاً على ذمة التحقيق بتهمة تهديد أمن الدولة! وماذا كان جهاز أمن الدولة ليفعل إن كانت رموز هذا النظام الفاشل تدير البلاد بنجاح، لا بل قل بدون فساد، ماذا كانوا سيفعلون؟ هل كانوا سيقتلون كل من يكتب نقداً ولو من بعيد في حق أحد رموز النظام؟

[خالبوش]

#1503665 [حسن]
3.00/5 (1 صوت)

08-14-2016 05:20 PM
العاصمة غرقت لانو المطر جا طافي النور (ما كان في برق ) المرة دي ، وهذا بفعل فاعل .

[حسن]

#1503664 [عبدالشافي]
2.00/5 (1 صوت)

08-14-2016 05:18 PM
العاصمة غرقت لانو المطر جا طافي النور (ما كان في برق ) المرة دي ، وهذا بفعل فاعل .

[عبدالشافي]

#1503525 [محمد عبدالله]
4.00/5 (3 صوت)

08-14-2016 01:45 PM
أيها الوالي الهمام أنت وزمرتكم الكرام ماذا قدمتم لهذا الشعب وأنتم تجلسون على كراسيكم الوثيرة لمدة ربع قرن من الزمان ونيف آلا تستحون ، أنا لم أر في حياتي بشر لا يستحون أمثالكم ، تقتاتون من دمائنا بل تعيشون عليها ، سيسألكم العلى القدير ماذا قدمتم لنا طيلة هذه السنين العجاف يوم أن حللتم بديار أهلنا الطيبين . هل تنامون وانتم مرتاحو الضمير إن كان لكم أصلاً ضمير يحاسبكم . هنا في الخرطوم في العاصمة ( إن كان هناك ما يشير أنها عاصمة ) من لا ينام خوفاُ من أن يسقط عليه منزله من جراء السيول والأمطار وهناك من جرفت السيول منزله وأطفاله بداخله نيام وأنتم بنيتم لأنفسكم - من أموال أمثال هؤلاء- بنيتم الفلل والصروح العوالي ) وبعد ذلك تتصايحون وترفعون الأيادي كفراً ونفاقا ( هى لله هى لله لا للسلطة ولا للجاه ) فما عاد حديثكم ونفاقكم ينطلي على أحد ، ويكفى أن كبيركم الذى علمكم السحر قد فضح أمركم وستسألون يوم لا ينفع مال ولا بنون إلا من أتى الله بقلب سليم . فلإسلام منكم براء والدين أنتم أصلاً لا تعرفونه يا تجار الدين .

[محمد عبدالله]

#1503510 [المختصر المفيد]
3.00/5 (1 صوت)

08-14-2016 01:22 PM
ابدا نهائيا ما فى حب يا أخوانا أكتر من كده

[المختصر المفيد]

#1503458 [د. هشام]
2.25/5 (3 صوت)

08-14-2016 11:50 AM
أقترح تحويل كيمان النفايات إلي سدود... و أهو: "مِنْ دِقْنُو و فَتِّلُّو"!!!

[د. هشام]

#1503300 [سامر على]
4.32/5 (5 صوت)

08-14-2016 06:53 AM
يعنى الرزاز الأخير ده ريالة ما مطرة ؟ الحمد لله نحن قابلين جاية مطررة دخلنا المراتب

[سامر على]

#1503259 [الخرطومي]
3.50/5 (2 صوت)

08-14-2016 02:13 AM
الحكومة بتشحد بسيول في كل عام دأ شي طبعي عشان المجتمع الدولي يعطهم قروش توف علي دي حكومة

[الخرطومي]

#1503169 [مبارك]
3.00/5 (5 صوت)

08-13-2016 07:42 PM
تعرف يا أستاذ زهير ديك العدة كان نهروه بكسرها وكان خلوه بكسرها. نعمل ليه شنو ؟ السؤال ده ما فيه خيارات .

[مبارك]

#1503155 [abushihab]
3.29/5 (6 صوت)

08-13-2016 07:00 PM
ايها الوالي الهمام الفريق اول ركن طيار مهندس خبدالرحيم محمد خسين, شكرا لتفقدك لنا بالهليكوبتر, نسأل المولي أن يثبت أقدامك في حوض من الخرسانة المسلحة وسقاك الله من حور القماير في المطرة الاولي شكرا سيدي.

[abushihab]

#1503146 [أبو أحمد]
3.50/5 (4 صوت)

08-13-2016 06:49 PM
مقالة في الصميم

[أبو أحمد]

#1503053 [اسلامي]
2.88/5 (4 صوت)

08-13-2016 03:34 PM
هههههه المعارضة كلها في الحكومة لشنو م اشتغلتو وحليتو المشاكل دي راجيين شنو وراجيين منو الحكومة وانتو معاها تاني شنو الشتايم

[اسلامي]

ردود على اسلامي
Qatar [ياسر] 08-14-2016 12:09 AM
انت عوير ولا من فصيلة الوالي ؟


#1502982 [ابو الدرداق]
3.00/5 (6 صوت)

08-13-2016 01:21 PM
انتو في اللمبي ولا في أبو الدرداق داير يتزوج القمره بخمسين مليون دولار من حر مال الشعب السوداني ولا وارث من ابوه ؟ لا والله لا وارث ولا حاجه سارق من البلد علي عينك يا تاجر يعين مدير للجمار ويطلع حقوا ويعين وزير ويدفعوا ليه حقو وسألنا ناس كبوشيه اهله قالو ابوه حوض بصل ما عندو ما اصلو أولاد الفقراء يصلوا شفط علي اصلو . عندنا شارع الشنقيطي سوا لينا شارع شنقيطيه أن تغيروا شارع جدنا المك نمر للشنيطيه .

[ابو الدرداق]

#1502970 [كبسور]
3.63/5 (4 صوت)

08-13-2016 12:53 PM
الزول دا لو ما اخرتو مشكلة المجاهد ابوقرنوف محمد حاتم سليمان الكان فى الحراسة كان بنا السدود قبل المطره تنزل
***
والى السرور للشعب ابو قنبور
( غرقانين تحوم فى لينا بى الطياره )
كما قال ابن عوف

[كبسور]

#1502968 [الدندور أبوعوه]
4.07/5 (6 صوت)

08-13-2016 12:44 PM
صدق الشاعر حين قال :-

ولو صار الغراب دليل قوم لحل بهم يوماً علي جِفارِ كلبٍ

نعم صارت الغربان والخُبلُ والمتخلفين عقليا دليل شعب أقعدته المسغبه وخانه حكامه ومعارضته .ويحي يا شاعر النيل:-
أنا لولا أن لى من أمتى خاذلاً ما بت أشكو النوبا

معارضة آثرت مقولة ( الصلاة وراء عليٍ أقوم وطعام معاوية أدسم والجلوس علي هذا الكوم أسلم ) يسبحون مع المعارضة ويُآكلون البشير فطعامه أدسم فهو مغموس في عرق الشعب ودمائه يأكله البشير ومعارضوه هنيئا مريءً فالصادق المنفصم يظن أننا مازلنا جهله نستغفل وفتئنا قطيع أغنامٍ يوجهنا حيث شاء وكيفما شاء يعارض معنا وأبناؤه في القصر يشاركون البشير الحكم والميرغي إبناه في الحكم ويقال أنه استعجل بإلحاق إبنية حافلة النقاذ ولو علي مقعد الكمساري والدقير وما أدارك ما الدقير واحمد بلال خئب اصبح يدافع عن الإنقاذ كأنه من قاد إنقلابه وسقط المتاع عثمان عمر ىالشريف إذا إن لم تجد اللحم فيكفينا المرق . هذه هي الحكومه عينة عبدالرحيم الأهبل والمتعافن السارق ومعارضه تبحث في كوش الإنقاذ ومقالب زبالتها عن فتات يغتاتونه فاطلب من الحركة الشعبيه والجبهة الثوريه لا تعولوا علي معارضة همها مليء بطونها وشد الحيل وكونوا عشرة علي مبادئكم ونضال متصل حتي اخذ الحقوق كاملة غير منقوصه.

[الدندور أبوعوه]

#1502964 [الحلومر/خريج الابتدائية]
3.25/5 (4 صوت)

08-13-2016 12:34 PM
محاولة الكتابة علي نهج أحد معلقي الراكوابة اغنية للراحل المقيم الظريف عوض دكام نسأل الله له الرحمة والمغفرة ونحاول ان تكون مسرحية غنائية نهديها للفنان المبدع محمد تروس (الخالة المؤتمر الوطني
سلام في سلام ياعوض دكام
سلالالالام لسيرتك العطرة
وشخصك الفاضل يا عوض دكام
سلاااااااام لروحك الطيبة
وثغرك الباسم ونكاتك المرحة
يا عوض دكام
كلام في كلام ... يا عوض دكام
وحكومة اى كلام يا عوض دكام
سكنوا الأبراج والعلاج لندن
ومرة في باريس يا عوض دكام
ونحن في الجالوص وبيوت الطين
يا عوض دكام
والجالوص ماصتو الأمطار
يا عوض دكام
وزارة الإعلام يا عوض
جابولا طبال
ينافق ويطبل
لا ضمير لا راى
وبالرموت شغال يا عوض دكام
والله انت سعيد... يا عوض دكام
يوم رحلت بعيد يا عوض دكام
إنت في جنات جنات
تعيش سلام وأمان يا عوض دكام
ونحن في جهنم نعيش سعير ولهيب
يا عوض دكام
البعوضة احتجت يا عوض دكام
تقرص وتعضي طول الليل
وما لاقيه قطرة دم يا عوض دكام
وسائط الإعلام يا عوض دكام
تربية كيزان يا عوض كام
شغاله طول العام
شلخ وجلخ يا عوض دكام
الدقن مترين فات حدود الطول وعلامة في الجبهه
عراقي في الركبه والكرش طابقين
يا عوض دكام
اللسان ذاكر والسبح في اليد
عامل فيها رسول
القلب أسود والعمل فرعون
مجهولي الأبوبين يا عوض دكام
ألف دار مايقوما ماتكفي يا عوض دكام
كلام في كلام يا عوض دكام
وحكومة اي كلام يا عوض

آخر الزمان ... يا عوض دكام
الكيزان يا عوض دكام
دخلونا جحر الضب ياعوض دكام
والخروج منه صعب يا عوض دكام
حروب وجوع ومرض يا عوض دكام
وهم عايشين حب وصفاء وهناء
يا عوض دكام
ونحب شرابنا موية الطين يا عوض دكام
سلام في سلام يا عوض دكام
وحكومة اى كلام يا عوض دكام
ناس أبو العفين يا عوض دكام
أبو كلامن شين يا عوض دكام
السلطة مسروقة قوة عين
والمال حرام في حرام ... يا عوض دكام
اسأل ابوعفين ... يا عوض دكام
تجار الدين يا عوض دكام
عاملين فلاحين يا عوض دكام
نا س ابو العفين يا عوض دكام
جمال وضأن تملى العين يا عوض دكام
يكتلوا الروح شان خروف مسروق
يا عوض دكام !!!!!!!!!!!!!!!!!!!!!!!!
وعدالتك وين يا ود النور؟؟؟؟؟؟؟؟؟؟؟
عدالتك وين يا ودالنور؟؟؟؟؟؟؟؟؟؟؟؟
ويا الكيزان اسلامكم وين ؟؟؟؟؟؟؟؟؟
ويا الكيزان اسلامكم وين ؟؟؟؟؟؟؟؟؟
الضمير ميت والكرامة صفر يا عوض دكام
ويدونا دروس في زكاة المال يا عوض دكام
الحشيش والقات يا عوض دكام
بقي بالحاويات يا عوض دكام
والمال الوفير إتجار بالبشر يا عوض دكام
إمتلكوا الأبراج يا عوض دكام
وأجمل الفارهات يا عوض دكام
عددوا الزوجات يا عوض دكام
أربعة شرعيات
وعشرات في السر ... ياعوض دكام
والأنتاج المايقوما عدل يا عوض دكام
والله انت سعيد يا عوض دكام
الما حضرتا آخر الأفلام يا عوض دكام
لحسونا الكوع وجوعونا شديد ياعوض دكام
عشانا فطيس وفطور قعونج يا عوض دكام
حتي موية الفول بقي ما ميسور يا عوض دكام
المرض بالكوم والدواء معدوم يا عوض دكام
والمشافي بقت سكون البوم يا عوض دكام
متستشفي الخرطوم يا عوض دكام
دقوالا جرس وسوولا دلالة يا عوض دكام
والسكة حديد يا عوض دكام
مشروع الجزيرة يا عوض دكام
النقل النهري يا عوض دكام
ودائرة الاشغال يا عوض دكام
ومصانع النسيج ياعوض دكام
والخطوط البحرية يا عوض دكام
وسودانير يا عوض دكام
والصمغ العربي يا عوض دكام
والمنتزهات يا عوض دكام
وشركة الأقطان يا عوض دكام
كلها اصبحت في خبركان
بالمزاد والبيع يا عوض
وجامعة الخرطوم في المزاد معروضة
الحفر في الزلط ذى عوار الدبر يا عوض دكام
وقالوا دا الإنجاز يا عوض دكام
وإناث الضأن ياعوض دكام
سوولا جواز وعقد عمل
يا عوض دكام
وصادرنا بقي عقارب ميتة
وأشجار منقه يا عوض دكام
كلام في كلام يا عوض دكام
زمانكو إنتو عسل يا عوض دكام
استرجل البويات ودوروا البنية
وبقوا كاوبويات ... يا عوض دكام
عفانات وخساسات ياعوض دكام
المجاهد الكبير يا عوض دكام
محمد حاتم التمساح يا عوض دكام
بلع الملايين يا عوض دكام
دخلوه حراسة ياعوض دكام
الوساطات تقع وتقوم يا عوض دكام
ومن كبار القوم يا عوض دكام
قوم السامري ياعوض دكام
مولانا ود النور يا عوض دكام
الأمين القوي ياعوض دكام
ذبح العدالة وسواله جزاره يا عوض دكام
جاهو جاري جري يا عوض دكام
و في أواخر الليل يا عوض دكام
بملاس النوم يا عوض دكام
وشايل الإفراج ياعوض دكام
حنسو تحنيس يا عوض دكام
مدير الشرطة واللمبي يا عوض دكام
والضمان شخصي ياعوض دكام
مولانا ود النور ياعوض دكام
مزق القانون يا عوض دكام
وحرقو ذى بخرات يا عوض دكام
حرقو في الكانون يا عوض دكام
جعفر ود بانقا يا عوض دكام
والمجاهدين يا عوض دكام
وقفوا وقفة قوية
وساندو التمساح يا عوض دكام
بالدوشكا والقرنوف يا عوض دكام
وخارجو التمساح بضمان شخصي يا عوض دكام
وخرجو فرحانين واتقاسموا الشربات يا عوض دكام
وود بانقا ديجانقو ينشد ويغني يا عوض دكام
(فرح الجهاد يا أخي مسكني القرنوف وفسادو خلي علي)
سلمني الكلاش والرصاصي يحكي
وكفني في كتفي1111111111
وتراجي متهمة يا عوض دكام
وباعت المعارضة بحطب دخان يا عوض دكام
شفتة الأحباش يا عوض دكام
عذبونا شديد يا عوض دكام
سرقوا المواشي وحصدوا الأرواح يا عوض دكام
صادروا الفشقة و منعونا الزرع يا عوض دكام
إخطتفوا أولادنا وسلبونا النوم يا عوض دكام
والفدية بي الدولار يا عوض دكام
شفتة الأحباش وعصابة الإنقاذ ياعوض دكام
عدمونا الكاش يا عوض دكام
الأحباش يا عوض دكام
عملونا اضحوكة ولعبوا علينا يا عوض دكام
وصلونا الميس وترتيبنا كان الطيش
بين دول العالم يا عوض دكام
وآخر الأخبار يا عوض دكام شماراً
حاااااااااااااااااااااااااااااااااااااااااررر
فلينة ميسو طلعت ماسووووووورة
فتك بأمان يا عوض دكام
وأرقد بسلام واقفل اضنينك
وتكفيك الموتة الأولى يا عوض دكام
ملحوظة برغم انني لا إمتلك ناصية القلم ولا اجيد الكتابة إلا قررت تحويل هذا العمل الي عمل مسرحي مسرحية عنائية فيما بعد وأنا مصر علي ان يشارك الجميع جميع قطاعات الشعب في الرأي والمشورة فتكون لعملات الشاي كلمة ولخريج البتدائية كلمة وعامل الدرداقة كلمة وعامل االورنيش كلمة البيت بيت أبونا والسودان وطن الجميع ولن نسمح لحزب واحد ان يقرر مصير الوطن إلا رأي الغلبية المهمشة

[الحلومر/خريج الابتدائية]

#1502943 [شبتاكا]
3.13/5 (7 صوت)

08-13-2016 11:49 AM
.....اللمبي ركب الطياره وخفف كتير من العواره وامعن النظر وتاكد (سبحان الله) ان عاصمتنا القوميه محميه بالسدود من اي خطر... وبعد ان شفط المنجوهة لغلغ بسعادة وبطر وقال ح يستصحب المقاولين الاتقياء والانقياء لمزيد من بناء سدود جديده تقينا شرور السيول والمطر والمويه المحبوسه ح يستفيد منها في الزراعه وتربية البقر
واللمبي عاجباه تكدس النفايات في الشوارع والحفر والمعطونه بموية المطر وشايف توالد الذباب والباعوض ما مزعج وما منه خطر وناس حميده عندهم جاز وزيت راجع بيرشوه بمزااااج لمكافحة افات الخريف التشرفهم كل عام من غير تنبيه او اخطار عشان ياخدو الحزر
واللمبي كسر طبليات اليسع في جاكسون و حيعوض تعبه في بنيانها علي المجاري الخربانه والحفر وحيشمله بعطفه الرئاسي لتشييدها في (حته )تانيه تمكن المجاهد الورع من اعادة حرفنته ومهنيته في طريقة البلع
واللمبي مطنش من فوضي المواصلات عشان تظبط زباده اسعارها من غير ورجقه من الجمهور وحريق اللساتك وكسير الرصيف وفليع الحجر
واللمبي ده سوداني قح وولد بلد قاعد يسوق العربيه بمزاااج لولي نعمته وليد حاجه هديه من غير ضجر عشان يجامل في مناسبات الاحباب ومشاهدة الكور
واللمبي مشهود له بالكفاءة من ايام انهيار عمارة جامعة الرباط ومرورا بوزاره الدفاع بالنظر....وح يتولاكم ويديركم بزكائه النادر في ولاية كرش خرطوم الفيل المليانه عفن........

[شبتاكا]

#1502937 [عبده]
3.81/5 (10 صوت)

08-13-2016 11:37 AM
خرطوم يا وجعي ويا وجع المدينة حين يحكمها الاسافل
خرطوم كانت اعظم البلدان تخرج من ثناياها البواسل
كانت اذا هبت تزيل الظلم ترسم للــشعوب لكي تناضل
كانت اذا غضبت يثور الكون بركانا يزمجر في المحافل
غرقى وانت حزينة عطشى وبنت النيل في كل الفواصل
متسخة مهترئة مفجوعة ثكلى تئن من الاسى تغلي مراجل
ستثور حتما ضدهم فالمرجل الممكون من زمن يــحاول
يا نخلة معطاءة لن تسقطي فالحق يعــشق ان يقــاتل
خرطوم نبع النيل اصل النيل هبي منك انتظر الجحافل
اقلعي الشجر الخبيث وازرعي املا جديدا للــسنابل
خرطوم ثوري قد هرمنا قد تعبنا من ظلامات المزابل ..
هل بيننا رجل ابن راجل او حرة انثي لتجعلنا نقاتل ؟؟

[عبده]

#1502913 [Khalid Ali]
3.50/5 (5 صوت)

08-13-2016 10:59 AM
شاعر الحب الحلنقى من فضلك عند زيارته الوالى نصير الفنانين فى تعزيته على الولاية أوصل له رساله من تحت الماء والطين عفاك الله من العدوه .

[Khalid Ali]

#1502910 [مصباح الامل]
2.63/5 (4 صوت)

08-13-2016 10:54 AM
الف كتير خير والينا مامقصر يتفقد الاحوال بالجو والارض وعشمنا كبير في السدود أن تقام وإن كان بناء السدود هو من تخصصهم وبي المرة ازرعو لينا شوية حشيش علي اطراف السدود عشان الناس تكون مبسوطة مع الأجواء الخضراااااااء ...!!!

[مصباح الامل]

#1502890 [مواطن سودانى]
3.75/5 (7 صوت)

08-13-2016 10:09 AM
ياخونا مطرت الخرطوم دى مش بتجى مصحوبه ببرق يعنى مولع النور
طيب الطافيه النور ربنا يكفينا شرها المولع النور ما طريقه نجعلها خير و بركه

[مواطن سودانى]

#1502887 [الكاشف]
4.25/5 (5 صوت)

08-13-2016 10:02 AM
بأن الخرطوم كانت ستغرق لولا السدود العشرة القديمة التى حجزت منها الماء ... لولا سرقتكم ونهبكم لكان السودانيين يسكنون بيوت مسلحة عصية على الامطار والفيضانات.

[الكاشف]

#1502884 [sudanese]
3.25/5 (4 صوت)

08-13-2016 09:58 AM
هذا وزير الدفاع با النظر......

[sudanese]

#1502881 [مبارك محمد الفضل]
3.04/5 (7 صوت)

08-13-2016 09:56 AM
هههههههه دي أمطار ولا إسرائيل ... بآلله ده والي ده كل تفكيره أنه عبد الرحمن الخضر باع كل المساحات والأراضي وما خلي ليه محل يبيعو بالله دي ما خطة جهنمية مبنية على العائد السريع

[مبارك محمد الفضل]

#1502870 [الجبلابي]
3.88/5 (9 صوت)

08-13-2016 09:36 AM
رايته أبو ريالة وهو يتراقص مع ابناء جلدته في حفل يقرص مع النساء في وسط الحفلة ويتضحك وكأن العدل أقيم والبلد في نعيم أنهم شرذمة .. متخفلين وبكل أسف حكموا السودان ... لفترة طويلة نهبوا ثرواته .. ومكتسباته نعلة الله عليهم أينم احلوا

[الجبلابي]

#1502853 [ياسر]
3.69/5 (5 صوت)

08-13-2016 09:17 AM
اللمبي ؟ نخن مصيبتنا مصيبه يحكمونا زي العبطا ديل ماعارف كل ماشوف الزول دا بحس انه العباطه مجسمه تمشي علي قدمين والله جد

[ياسر]

#1502847 [ود الجسير]
2.63/5 (5 صوت)

08-13-2016 08:57 AM
سلمت والله أبدعت وأجدت أستاذ زهير

[ود الجسير]

#1502839 [ابوزول]
3.90/5 (9 صوت)

08-13-2016 08:39 AM
ونحذركم من التعدي علي حكومتنا الرشيدة فهي بكم عطوفة رحيمة....ألم يشيدوا لكم القصور ...وصانوا أموالكم من اللصوص والصقور...وشيدوا لكم كباري تاكلها الجقور. ..وبعد أن كنتم فقراء معدمين. ...اصبحتم بنعمتهم موثرين. ...تاكلون الزيتون والتين ...والبرقر والبيتزا والدوق الحار السخين. ....فلا تصبحوا لنعمتهم جاحدين. ...وتتابعون الخونه المارقين...من أمثال زهير... اللعين.... وكونوا للعهد حافظين. ...ولابو العفين ناصرين. .و (س) نبنى لكم سور السودان المتين ....وقصور في ماليزيا والصين...ونمكنكم في الأرض خير تمكين...لحماية الوطن وتجارة الدين ...

[ابوزول]

#1502814 [دلدوم حجر التوم]
4.19/5 (5 صوت)

08-13-2016 07:29 AM
واليكم العزيز فجأة داهمته أمطار ليس فيها للرعود أزيز ،وفى ظلمة ليل حالك طافئ البرق لا يسير فيه سالك،،وفى الصباح تجشم الصعاب وركب طوافة فوق السحاب ليرى كم من الحتات باقيه وكم اتباعت،،،،وريالته تسيل ويخطط فى بيع بيوتكم التى ماعت،،،

[دلدوم حجر التوم]

#1502803 [ahmed ali]
3.60/5 (7 صوت)

08-13-2016 07:13 AM
و نزيدك قولاً في حرف السين البيهو الكيزان سافين لاحسين
دون شك أن الكيزان دخلوا التاريخ من أوسخ أبوابه فلم أري
أكذب من كوز
أوسخ من كوز
أغبي من كوز
أشر من كوز
أجرم من كوز
أعفن من كوز
أقبح خلقاً من كوز
حقوق هذه الأمثال محفوظة للكاتب وأطلقها مجاناً لمن أراد إستخدامها وهي قابلة للزيادة بواسطة المعلقين .

[ahmed ali]

#1502788 [Sebit]
2.75/5 (3 صوت)

08-13-2016 06:13 AM
those people in pic in America they will be called homeless or what

[Sebit]

#1502784 [النخــــــــــــــــــــــــــــــــل]
3.88/5 (11 صوت)

08-13-2016 05:42 AM
شعب اصبحت كل امانيه ان يصحوا ليجد الشمس
قد اشرقت من الغرب ونفخ فى الصور لاعلان النهايه
ونبكى النهايه كما قال ابو السيد رحمة الله عليه

[النخــــــــــــــــــــــــــــــــل]

#1502776 [أبو دليق]
3.93/5 (8 صوت)

08-13-2016 04:16 AM
عظم الله أجركم ورفع قدركم انت والبنت سهير . اما والى الخرطوم فقد غدرت به الامطار ولم تاته بالنهار ، جاءته بالليل فى الظلام وداهمته عشاء والناس نيام .. فله العذر والسلام .

[أبو دليق]

#1502749 [حزب الراكوبة]
3.36/5 (8 صوت)

08-13-2016 12:30 AM
الليلة السراج ممغوص مغصة شديدة

[حزب الراكوبة]

ردود على حزب الراكوبة
Saudi Arabia [الفطقي] 08-14-2016 02:20 PM
تدعيل علي دعاء الشافو خلوهو .. لا حفظه الله وزلزل أقدامه ....

[ashshafokhallo] 08-13-2016 05:22 AM
وتاكيدا لما قاله الكاتب فقد رايت الوالي في صوره مع اخرين يمشون في مياه الامطار غير عابئين بوساختها ورايته (يخوض مع الخائضين) حفظه الله وثبت اقدامه في الطين والوحل الملي بالاوساخ.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة