الأخبار
أخبار إقليمية
رسمياً... إعلان فشل مفاوضات اديس ابابا
رسمياً... إعلان فشل مفاوضات اديس ابابا
رسمياً... إعلان فشل مفاوضات اديس ابابا


08-14-2016 11:56 PM
عبد الوهاب همت

عقد قبل قليل الدكتور جبريل إبراهيم رئيس حركة العدل والمساواه والقائد مني أركو مناوي رئيس حركة جيش تحرير السودان مؤتمراً صحفياً أعلنا فيه إنهيار المفاوضات والتوصل إلى إتفاق.
وقد إستهل القائد مني المؤتمر موجهاً شكره الجزيل للشعب السوداني والذي وضع آمالاً عراض بأن يتحقق سلام يوقع في اديس ابابا. وقال حتى الأمس كنا نؤمل كثيراً وقدمنا الكثير من التنازلات ومن ضمن أكثر من عشرين بنداً أصرت الحكومة على عدم التنازل حتى في ثلاثة بنود وتخندقت الحكومة بعدم التنازل وكأنها ارادت أن تشحن الناس من أديس إلى الخرطوم فقط. وذلك مما اضطر نائب رئيس الآلية إلى إعلان تأجيل التفاوض إلى وقت آخر.
أعقبه بالحديث الدكتور جبريل إبراهيم رئيس حركة العدل والمساواه والذي إبتدر حديثه قائلاً نحن نحزن في أن نحبط الشعب السوداني بعد أن رفعنا آماله في تحقيق السلام ولعقد مؤتمر حوار جامع يخاطب قضايا البلاد ككل.
وحتى ظهر اليوم تفاءلنا أن نصل إلى إتفاق.
كانت نقاط الخلاف ثلاثة, لكن ظهر اليوم وصلتنا مذكرة فيها حشد من اللغة ومن غير جهد لحل القضايا العالقة, وحاولوا فرض وثيقة الدوحة علينا بغير مناسبة وحاولوا إختيار قرارات خاصة بالامم المتحدة وغيرها, وكل الذي عملناه اننا قمنا بإعادة ترتيب الورقة ويبدو أن التعديلات التي أدخلناها لم تقبل.
ووجدت الوساطة صعوبة السير في الطريق وأعلنت رفع الجلسة لموعد آخر لم يتحدد بعد, هذا وقد بذلنا جهوداً كبيرة وابدينا قدراً كبيراً من المرونة, ويبدو أن الطرف الآخر جاء وفي ذهنه عدم التوقيع. وكما تعلمون فإن المسئولية الواقعة على أعناقهم أكبر من التي بطرف الآخرين, وهناك إصرار حتى الآن من قبل الطرف الحكومي على وثيقة الدوحة ولم نجد لذلك تفسيراً, وعليه في النهاية إعتبرنا وثيقة الدوحة دفتر زيارات يوقع عليها الضيف ومن ثم يبحث عن وظيفة لكننا لسنا من اولئك والوثيقة فشلت لمدة خمسة اعوام وكل شئ ظل يراوح مكانه.


تعليقات 50 | إهداء 0 | زيارات 26552

التعليقات
#1504505 [Zoro]
5.00/5 (1 صوت)

08-16-2016 01:28 AM
هكذا تأكد سلامة وصحة موقف الحزب الشيوعي!!! للحوار مستحقات قبل الشروع فيه. خاسر من أحسن الظن يوماً في بني كوز!!!!

[Zoro]

#1504430 [صداح]
0.00/5 (0 صوت)

08-15-2016 08:50 PM
بعد اجازة توصيات مؤتمر الحوار الوطنى وعرضها فى وثيقة دستورية واجازتها شعبيا ستعتبر كل الحركات المتمردة حركات ارهابية وسيتم لاحقة دوليا ،

[صداح]

ردود على صداح
United States [alarbab] 08-17-2016 12:57 AM
shut up


#1504407 [التكي تاكا]
0.00/5 (0 صوت)

08-15-2016 07:58 PM
حكومة قصلت اميز جزء في السودان ان لم يكن في افريقيا كيف تنتظرون منها سلام !!!!!!!

[التكي تاكا]

#1504394 [مجنون]
0.00/5 (0 صوت)

08-15-2016 07:24 PM
الفاشلون لا بد ان يفشلوا حكومة ومعارضة هؤلاء ينومون في القصور الفخمة فى كافوري وغيره وهؤلاء فى الفنادق الفخمة فى باريس وغيرها من العواصم لا تتوقعوا منهم ان يجعلوا هم الوطن والمواطن نصب اعينهم

[مجنون]

#1504379 [صداح]
0.00/5 (0 صوت)

08-15-2016 06:56 PM
طيب وحتمشوا وين بعدا ، ما تانى حتجوا راجعين ، ما قواتكم فى الميدان مهزومة ، واسيادكم ما حيدوكم دورلارات تانى ، وشهر عشرة قرب و حتم فيه اجازة توصيات مؤتمر الحوار واسيادتكم دايرين يلحقوكم الحوار ، والحكومة مستمرة فى برنامجها وما حيقيف المد الدستورى فى السودان .

[صداح]

ردود على صداح
Saudi Arabia [الأشـعـة الـحـمــراء] 08-16-2016 11:40 AM
صــداح الـغـنـا .. الـدولار .. ســعـرو كـم الـيـوم .. بالـخـرطــوم .. !!
:
و بـشـيـرك ..بـيـرسـل الجـنـجـويـد لـحـرب الـيـمـن .. و جــاري للملك / سـلـمـان .. فـي المـغـرب .. و واقـف فـي الـصـف .. مـنـتـظــر دورة .. لأن فـي أفــراد أهـم مـن بـشـيـرك .. بيـسـتـأنـســون مـع المـلك .. و عـويـرك فـي أخـر الـصـف .. لـحـيـن بـدء تـوزيـع الـشـرحـات ( إكـرامـيـة ) .
:
هذا هـو .. رأس نـظـامـك .. الـذي تـفـاخـر بـه .. يـا صــداح الـشـحـات ..
:
إسـتـحـي ..!!


#1504354 [بريسدنت مصعب البرلوم]
5.00/5 (1 صوت)

08-15-2016 05:51 PM
#‏اعادة_خربشتي_البرلومية:
قلتا اعيد نشر الخربشة دي (مداخل وطن مزنوق ) لانو الوقت مناسب اكتر من الوقت الفات النشرتها فيهو ... وما محتاجين نكتر كلام في الموضوع دا لانو ما حاجة مفاجأة ...
فشنو قلتا ليكم ... :
( وبعد جر الهوي والتفاوض يقضي
ما فات شي منتظرين عشان نحسم الفوضي )
#‏خربشة_برلومية:
#‏مداخل_وطن_مزنوق_محتاج_اللحوق
...
مداخل:
1 ...
ما دام بالضغوط يا ولد قرارك طالع
عمرو الوطن من الغرق ما طالع
طالما نحن سايرين في العديل ونصارع
حكم قرارك يا ولد بدون ما تسارع
وخلي مواقفك ثابتة واحذر انك تركع
ووحد كلامك في الدرب
ما تبقي راكب كم درب
ما اصلو ركاب الدروب واقع
محال يقدر واحد يقف في القاع
ساعة يخوض في خارطة غريق بياع
باع الوطن وخلق الفتن اتباع
طالب صلح وقت العصر والكع
ما هموا الوطن قسماً هموا بس نكون اتباع
ونفضل طول العمر نعوم في القاع
2 ...
من غير اطار او حتي فرصة مرقه
بخارطة طريق ما فيها ضامن خنقة
تخنق المرض وتخليو يحس بالذنقة
ذنقة بند كارب شان من الفقر ننفكة
بحكومة انتقال فيها نبني ونأسس دولة
دولة القانون ومواطنة الانسان لا فيها موت لا طلقة
ويبقي جيش واحد شريف ومن الفساد نتحلي
3 ...
وما اظن بالتفاؤل بس نقدر نفوز بالدورة
متفاؤلين والله لحدي اخر جولة
وما اظن نفسي بالقدر علمانة
لكن نحن بشر والتجارب هي الحاكمانة
وبعد جر الهوي والتفاوض يقضي
ما فات شي منتظرين عشان نحسم الفوضي
وما حنكسر صف وكل الشقوق مضامنة
محتاجين توحد صف عشان نقلب الطاولة
ونغير حال البلاد المن زمان صابرة
وما لم نكون مع شعبنا في خندق واحد جوه
ما اظن من مكاتب برا بس نقدر نرجع دولة
من كل فئة لازم نعمل ونطلع خطوة
حركة احزاب شباب بالبرامج أولي
والشارع كمان بالشعب خايض صولة
في كل شق لازم نولع شعلة
4 ...
حليلك يا بلد حظك يتم تكرارك
في كل اتفاق ونحن ناكل نارك
بس بالكفاح حالفين نجيب ليك تارك
من المجرمين ونحن ديل انصارك
ومناضلين بالحق حتماً اكيد نتبارك
ومستحيل بالعفو نلامس ايد اشرارك
او مره تاني نرجع معام نتشارك
منافقين بالخسه مليانيين تقول كفارك
نحن مؤمنيين بيك يا عازة ليك ثوارك
وجيل واعي ومجدد ليك مستحيل نعيد تكرارك
لو بالانتفاض في شارعك ونحن ديل عمارك
5 ...
حنبنيك يا وطن ونعلي شأنك هامة
بشروق شمس شرقنا صوامع شامخة
ونعيد ترميم اهرامات شمالنا وسامة
ويسلم جنوبنا يرجع ابنوس عزتنا علامة
وفي وسطنا يكون حضن الوطن دافئ باللمة
ويصفي غربنا الطاهر الجنة وفي جبل مره فوق هناك ننجمه
ويجي الزمن البدق نقارتو نتلمه
بالوازة والطمبور نعزف النمه
بانمبو كوندي زمبارة
نلعب كلش ونتبارة
بالمردوم والجراري تحلي العرضة
نطرب في وطنا سلام وتسعد عازة
...
مصعب ادم البرلوم
( 11/ 8/ 2016 )
#‏مداخل_وطن_مزنوق

[بريسدنت مصعب البرلوم]

#1504327 [abdulbagi]
5.00/5 (1 صوت)

08-15-2016 05:22 PM
نحن قبيل شن قلنا ماقلنا الطير بياكلنا

[abdulbagi]

#1504213 [السوداني]
1.50/5 (2 صوت)

08-15-2016 02:20 PM
لن تنجح المفاوضات لان الطرفين مستفيد من الحرب أحدهما يتاجر بأرواح أهله من أجر المال والأخر يتاجر بأرواح بمواطنيه من أجل السلطة والمال ، ولكنهم لا يظنون أنهم مبعوثون ونحن على يقين باننا مبعوثون ليوم عظيم وسوف يرى الظالمين فيه ما يستحقون.

[السوداني]

#1504212 [خالبوش]
1.00/5 (2 صوت)

08-15-2016 02:19 PM
واعلم أن بعض الفشل نجاح! لم يكن للمفاوضات أن تعتبر ناجحة إلا بموافقة المؤتمر الوطني، صراحة أو ضمناً على فصل المنطقتين أو بالإتيان بياسر عرمان وبقية زمرته في القصر الجمهوري وبهل المخصصات عليهم ولن يدفع فاتورة رفاهيتهم إلا الشعب السوداني الذي لا ينتمي إلى الحزب الحاكم. وإن تم فصل المنطقتين أو الإتيان بياسر عرمان وزمرته إلى القصر - حينها لن يهدأ لياسر عرمان بال لأنه مثل الحركة الشعبية الأم - لا بل هو الحركة الشعبية نفسها التي تقيم ضيفاً عندك في بيتك ردحاً من الزمن ثم تطالب بمقر ضيافتها على أساس أنه ملك لها فإن ظفرت به طالبت ببيتك كله على أساس أنه ملك لها وقد تطالب بعد ذلك بالدولة المجاورة لها على أساس أنها ملك لها أيضاً فما أشبه الحركة الشعبية بإسرائيل!

[خالبوش]

#1504204 [عبده]
4.57/5 (5 صوت)

08-15-2016 02:11 PM
ما قلنا ليك .. الحق بعيد قاسي وصعيب يتنازلوا
ما رضيت كلامنا وجيت براك وقلت لينا تفاءلوا
واليوم براك شفت الخداع ..اهو دة الفشل استحملوا
كيف يرضو ليك يتحاسبوا اقرا الكلام من اوله ..

ما قلنا ليك ..

شكرا عبدالواحد .. شكرا الحزب الشيوعي .. شكرا مولانا سيف الدولة شكرا شبونة ..
شكرا الحزب الجمهوري .. شكرا برقاوي ..شكرا زهير السراج .. شكرا لكل من فهم هذا النظام .. وحلل وقرأ وعرف .. وابان وافصح ونصح ..
ولا عزاء للاخرين .
ولا شماتة ... اصلاح الخطى يصحح المسير ..
النضال من الداخل هو الطريق الاوحد ..قودوا الشعب ميدانيا .. وجميعكم قال هذا الخيار ووعد به .. الان قودوا الشعب من الخرطوم .. انزلوا للميدان الان .. بكل المدن السودانية وسترون الشعب امامكم ..

[عبده]

ردود على عبده
Saudi Arabia [modrg alatlah] 08-15-2016 08:47 PM
اخونا عبده
ان قوى نداء السودان كانت تدرك ان النظام سوف لا يتنازل قيد انملة ولكن كانت هناك ظروف دولية و اقليمية و داخلية (وهي الاهم) قد فرضت
على هذا القوى ان تذهب للتوقيع على الخارطة ، لقد اعتقد النظام انه قد اوقع المعارضة عندما وقع على الخارطة في مارس الماضي
وحشد المجتمع الدولي والغرب في صفه وبدت المعارضة وكأنها هي الممتنعه .
وبمنطق (اذهب مع الكضاب حتى الباب ) ذهبت هذه القوى لاديس ابابا وهم يدركون بان النظام سوف لا يتغيّر .
الآن لا المجتمع الدولي ولا الغرب ولا الآلية ولا حتى الموقف بالداخل كما كان قبل الذهاب لاديس ابابا وهذا هو ما كانت يريده ويدركه ويعمل
له قوى نداء السودان وقد تحقق لهم ذلك .
شعار الانتفاضة هذا مرفوع منذ سنوات ولكنه شعار افرغ من كل معانيه و ظلت الاوضاع تراوح في مكانها و كان النظام اول المستفيدين
الآن المواقف قد تمايزت و وضحت اكثر خاصة بالداخل وبات بالامكان قيادة الشعب وحشده والخروج الى الشارع .

Saudi Arabia [جركان فاضى] 08-15-2016 06:37 PM
ما قلنا ليكم خرطة طريق ماتوقعوا
عشان زمنكم فى الفارغة ما تضيعوا


#1504164 [Salah ALDeen P]
5.00/5 (1 صوت)

08-15-2016 01:03 PM
قبل انطلاق الصفارة وقبل ما يخشوا في الغريق اختلفوا في مسارات الاغاثة تجي عن طريق الخرطوم ولا عن طريق الاطراف ، بالجو ولا بي تحت الارض... والكيزان رسلوا ابراهيم محمود وامين حسن والاتنين ما عندهم الشجاعة الكافية لتحمل المسؤولية والتوقيع ديل احسن منهم نافع المانافع..

[Salah ALDeen P]

#1504142 [احمد البقاري]
5.00/5 (4 صوت)

08-15-2016 12:21 PM
يكفينا شرفنا وزخما وعنفوانا من هذه الجولة طرح مشروع إعادة هيكلة الدولة السودانية ومؤسساتها الأكثر حيوية علانا وعلى الملأ... وقد رأينا كيف أحتفل شعبنا وأبهجوا بملامسة ثواره ولأول أس الداء ووضعوا أيديهم ومبضاعهم على الدمامل المتقيحة والقرقرينة (هيكلة الدولة ومؤسساتها) التي ما أنفكت تبارحه بالآلالم...

[احمد البقاري]

#1504131 [madengo]
4.50/5 (4 صوت)

08-15-2016 11:52 AM
ان النظام السوداني عبار عن شخصيات لا تكيل ولا تميل من قتل الابريا الغدر ما يبقى انتصار ولانتصار المستحيل فل يزهب الموطمر الوطنى الي مزبلات التاريخ ليس عليهم اسف

[madengo]

#1504128 [احمد سعيد]
5.00/5 (1 صوت)

08-15-2016 11:43 AM
والله كلهم مجرمين الله يحرقكم ويريحنا منكم الحكومة مع الكفار وخادعين الشعب السوداني وياسر عرمان مع اليهود والامريكان وهم عارفين لا الحكومة والمعارضة السجم الناس ديل مستفيدين ويحرق ابو الشعب السوداني هؤلاء كلهم ما فيهم ذرة إنسانية عشان يكون قلبهم على السودان وشعب السودان كلهم مجرمين الله يحرقهم ويريحنا منهم ما تسمعوا كلامهم الله يجعل للسودان مخرج من هذا العبث واللعب والدجل آمين

[احمد سعيد]

ردود على احمد سعيد
[Rebel] 08-15-2016 03:09 PM
* و بكده انت تكون ساويت بين المجرم و الضحيه!
* إذن ما هو الحل فى رأيك، يا أحمد سعيد!..هل أنت مستعد للخروج للشارع لإسقاط دولة القتل و الظلم و الفساد و التمكين، يا أحمد سعيد!
وألآ اصلا إنت ضد تفكيك نظام الكيزان، و محاسبتهم!!..لو ده موقفك كما يبدو، معليش النمره غلط!
* قال أيه!..ياسر عرمان مع اليهود و الأمريكان!
* و لو ده رأيك، فأعلم و أنا أقسم بالله أن اليهود و الأمريكان أفضل من الكيزان اللصوص الدواعش الإرهابيين القتله!


#1504118 [أحمد برستو]
0.00/5 (0 صوت)

08-15-2016 11:33 AM
الفاتحه

[أحمد برستو]

#1504116 [انتم والحكومة إلى الجحيم]
5.00/5 (1 صوت)

08-15-2016 11:28 AM
لا معارضة ولا حكومة.. نحنا فعلنا عايزين سودان جديد لكن لا بفكر الحكومة ولا بفكر ياسر عرمان ولا اركاوي ولا \جبريل ولا عزرائيل.. وشعب السودان لا منتظر من الحكومة شيء ولا من المعارضة شيء

حكومة قومية من أناس لا حزب لهم ولا توجه إلا لبلدهم أناس وزراء سودانيين من خارج المنظومة بتاعت معارضة وحكومة والقرف دا..

في كوادر سودانية جديدة ونظيفة ونقية وطاهرة في خارج السودان

[انتم والحكومة إلى الجحيم]

#1504109 [ترباس]
5.00/5 (1 صوت)

08-15-2016 11:16 AM
الناس المعلقين هنا في الراكوبة اذا في واحد منكم في
السودان احسن ان يطّلع وإذا إنتوا بره امسكوا في
البلد القاعدين فيها تب ديل كلهم سبب دمار السودان
شمال وجنوب حكومه والثانين مع اللجنة المكلفة لتدمير
السودان من قبل£Sss بجيب اي واحد ممكن يبيع
وطنوا اتخارجوا يا ناس هوي ديل بيهظروا ساكد
في حل تاني اما نثور ونقتل الكيزان وبعد ما ننتهي
منهم نتوجه علي التانين ديل في الفنادق ننتهي منهم
ونكون ريحنا الأجيال الجايه يا اما نعيش في الفقر
والبؤس ده قلتوا شنوا يا ناس

[ترباس]

#1504108 [البخاري]
5.00/5 (3 صوت)

08-15-2016 11:12 AM
شكر الله سعيكم فقد أديتم ما عليكم وكشفتم هذه العصابة التي هي أصلاً مكشوفة، فهي قد برعت في المناورات والتسويف.
ولننتظر رد راعي المفاوضات ماذا يقول.

[البخاري]

#1504101 [زهجان من الكيزان]
5.00/5 (2 صوت)

08-15-2016 10:57 AM
الشارع هو الحل ... انا مندهش اننا بنقول نحاور الكيزان

[زهجان من الكيزان]

ردود على زهجان من الكيزان
[Rebel] 08-15-2016 03:17 PM
* فى الأصل يا أخى، فإن الدواعش المجرمين ليست لهم لغه سوى قوة السلاح، و لا يؤمنون بتعايش سلمى و لا حوار و لا حقوق مواطنه!..قلناها مليون مره!
* أنظر حولك و أستذكر، هل عمرك سمعت بى "دواعش" فى طاولة حوار او مفاوضات او مؤتمرات!
* الدواعش الإرهابيين لا ينفع معهم إلآ العنف!


#1504089 [izo]
3.00/5 (1 صوت)

08-15-2016 10:44 AM
كلو كزاب ومنافق لا هزا ولا زاك همه البلد

[izo]

#1504083 [AAA]
4.25/5 (3 صوت)

08-15-2016 10:28 AM
واهم من ظن ان نظام الكيزان يريد للوطن سلاما..وكم هو واهم من ظن يوما ان للكيزان صدقا وخُلقا واخلاقا ودينا..

[AAA]

#1504071 [قرفان خالص]
4.75/5 (3 صوت)

08-15-2016 10:11 AM
العبووبة
الشارط العين…
والخارب سوبا...
لا عز ... لا كرامة يفرحووبا
لا وطن لا هوية.. يفخرووبا..
خيبة بس
""""""
يسفروك يودوك.. بصعوبة يرجوعك بفضيحة .. يضحكووبا
من سماء الحرمين طلعووبا
بالجو ( طردوك) رجعووبا
جرجروك.. جروك في ابوجا ..
ومن جوهانس نجوك باعجوبة ..
لا رجولة.. لا شهامة... يشهدووبا
جري بس..
"""""""
خلايجة في الشرم ...جرجرووبا
سمعة وطن .... بشتنووبا..
تركولك القاعة....وفضووبا
لا افارقة ستروك .. لا عروبة
ضياع وبس..
""""""
وطنا الراح في غيبوبة.
في عهدك ضاع وبقي العُوبة..
جنيه هلكان.. راكوبة ..
والسوق فلتان لهلووبة..
لا ضبط لا ربط لا رطوبة
جفاف وبس.
""""""
سيول وامطار ...بهبوبا
مشاريع باينة ...وظاهرة عيوبا ربا وسرقة وضربات ملعوبة
بالجد بالجد….. بلد منهوبة
وما فيش مسئول داقي طوبة
لا اخلاق لا امانة.. سمعووبا
فساد وبس…
""""""
جنوبنا حليل .. واو وجووبا ..
ودارفور كردفان.. بي حروبا
نزوح ولجو لشعوبا
موت مجان…في دروبا
اطفال هيبان ضحووبا..
لا طفولة ...لا براءة ..اتهنووبا
حروب وبس.
""""""
بلد مفدية لفردا ..بحصار وعقاب مضروبة
لجبان مرهون عرقوبا
وتموت الناس .. مرعوبة
وتشيل يا بشة ذنوبا ..
يسير بشة .
على اجسادنا ... وفووقا
لاهاي لابد.. يحكمووبا
والسفر لو طال..يصلووبا..
لاهاي بس
""""""
دقسوك لبسوك بردلوبة
بقميص وفنيلة ...ينصبووبا !!!
سذاجة وعبط وفضايح يحكووبا
قلبت في راسنا الهوبا ..
لا فهم لا فكر ..يغطووبا .
جهل بس..

أخخخخخخخخخخخ

[قرفان خالص]

#1504052 [جرية]
4.50/5 (2 صوت)

08-15-2016 09:43 AM
ما قلنا ليك المؤتمر الواطى ختيت ومنافق شديد،أحسن ليك تبيع مخ من كل تجربه
وما تكون عنيد.
حسب تحليلى لن يحدث سلام فى السودان اذا كان الذى نحاوره حزب العصابة الكيزانية، لذلك يجب قلع هذا السرطان بأى وسيله تؤدى الى ذلك.

[جرية]

#1504050 [جرية]
5.00/5 (1 صوت)

08-15-2016 09:43 AM
ما قلنا ليك المؤتمر الواطى ختيت ومنافق شديد،أحسن ليك تبيع مخ من كل تجربه
وما تكون عنيد.
حسب تحليلى لن يحدث سلام فى السودان اذا كان الذى نحاوره حزب العصابة الكيزانية، لذلك يجب قلع هذا السرطان بأى وسيله تؤدى الى ذلك.

[جرية]

#1504039 [مهدي إسماعيل مهدي]
0.00/5 (0 صوت)

08-15-2016 09:35 AM
كُل من يفرح أو يشمت أو يحس بالزهو لفشل المفاوضات، عليه أن يتحسس وطنيته.

فشل المفاوضات: يعني عودة الحرب والموت والدمار.

من يده في النار ليس كمن يده في الماء.

[مهدي إسماعيل مهدي]

ردود على مهدي إسماعيل مهدي
United Arab Emirates [أحمد برستو] 08-16-2016 09:53 AM
شكرا يا [Rebel]

Sudan [ابو سعد] 08-15-2016 09:35 PM
صدقت يا ود المهدي فالخاسر هو الوطن وكل شامت وعدو هو الذي يفرح بفشل المفاوضات

[Rebel] 08-15-2016 04:47 PM
أولا، اراقب تعليقاتك، إلآ أننى كنت غالبا ما اتحفظ!
ثانيا، أنا متأكد أنك تعلم علم اليقين، أن "الحركه الإسلامويه" هى التى لا تؤمن ب"وطن"، و ليست لدى عضويتهاأى شعور أو إحساس "وطنى" أصلا!..فلا تشكك فى وطنية "السودانيين" غير المنتسبين للحركه الإسلامويه!
ثالثا، لربما أنك لا تعلم أنه (و حتى قبل فشل المفاوضات "المزعومه")، ان قناعات معظم المواطنين الذين يعيشون فى السودان الآن، تقول ان الدواعش و الارهابيين و اللصوص و عصابات الجريمه المنظمه، المتسترين بدين الحق، لا يؤمنون بحوار و لا تفاوض و لا "مواطنه" أصلا!، ببساطه لأن هذه "الوسائل الإنسانيه" ليست من ثقافتهم و لا تربيتهم و لا أخلاقياتهم!..فالذى لا يؤمن ب"وطن" أصلا، لن يدافع عن "شئ هلامى"، لا وجود له فى عقله!..و لن يقر بمبدأ "مواطنه"، ناهيك عن حقوق و بطيخ!..هذه حقائق بديهيه أفترض أنك تدركها جيدا!
رابعا، انا افترض أنك تعلم، أن "السلام و إستقرار الوطن (أى وطن) و وحدته، و تماسك شعبه و أمنه..إلخ"، لا بد له من "مبادئ" و "قيم" و "أسس" و "متطلبات" و "شروط" و إستحقاقات و بيئه مناسبه، سياسيه و إقتصاديه و إجتماعيه، يستند عليها!..و من أسف، أن الإسلامويين، و طوال اكثر من 27 عاما، قاموا بتدمير الحد الادنى من المبادى التىكانت موجود!
خامسا، ثم كان عليك أن تتيقن يا أخى، أن "الحرب!" لا بد أن تستمر ب"الضروره"، إلى أن تتوفر شروط و بيئة السلام!..و كان عليك ان تدرك و أنت الحصيف، أن حوالى 95% من الشعب السودانى، "أياديهم فى النار" لأكثر من عقدين و نصف العقد من الزمان، و ليس الحركات المسلحه وحدها!
سادسا، و بالطبع و إستنادا على هذا الحقائق و المعطيات، لم و لن يوجد سلام و لا استقرار فى السودان أبدا، إلآ بذهاب "دولة التمكين" البغيضة هذه!..و تفكيك "النظام الإسلاموى" الغاشم!..و كنس الفساد و العفن الإسلاموى المتجذر فى المجتمعّ!..ثم إشاعة "مبادئ و أسس" العدل و المساواه بين المواطنين، بمحاسبة المجرمين و القصاص منهم، و رد المظالم لأصحابها، و إستعادة "موارد الوطن و أمواله" التى نهبها المنتسبون ل"الحركه الإسلامويه" الفاسده!..اوليس هذه من "مقاصد الدين" الذى تدعيه عصابات النصابين و الجريمه المنظمه، يا اخى!!
* لكننى أؤكد لك أن هذا سيحدث، طال الزمن أم قصر!..لأنها إرادة الله و حكمته فى خلق هذا الكون الواسع برحمته، فهو سبحانه يمهل و لا يهمل أبدا!


#1504025 [التاج]
3.50/5 (2 صوت)

08-15-2016 09:07 AM
السؤال الكبير
بعد تنفيس بالون الحوار والجلوس في الواطة وانفضاض سامر اديس ابابا...هل ستتواصل ونسة العاطلين عن العمل في قاعة الصداقة ام انهم بصدد البحث عن شغلة او مشغلة تانية ؟؟؟
السؤال ليك يا المنطط عينيك "كمال عمر"

[التاج]

#1504010 [انتفاضي]
5.00/5 (1 صوت)

08-15-2016 08:49 AM
صدق حدس الحزب الشيوعي السوداني ,بنو كوز لا ينفع معهم الحوار والتنظيم الفاشتي العالمي الاخواني هو الذي يدير المفاوضات..
سبتمبر على الابواب ولنعد العدة لانتفاضة لا تبقي ولا تذر0000

[انتفاضي]

#1504005 [جملجس]
0.00/5 (0 صوت)

08-15-2016 08:40 AM
نعود الان الي المربع الأخير ,,, القوات الدولية ,,, ( ما خليت لينا شارع ي بشة)

[جملجس]

#1503993 [ahmed ali]
5.00/5 (1 صوت)

08-15-2016 08:27 AM
أعتقد جازماً إنها ألاعيب فسرعان ما تعودون للتفاوض لكي يقتنع الشعب السوداني أن ما حققتموه مكسب له !!!
نحن لن نفاوض و لن نحاور و لن نهادن قتلة لصوص ودم شهداءنا لن يضيع هدراً .

[ahmed ali]

#1503983 [الكوشى]
3.00/5 (1 صوت)

08-15-2016 08:17 AM
طبعا مفاوضات من اجل ( تفيكيك ) النظام أو ساقاطه مستقبلا ستفشل 100%

مفاوضات من أجل (تفكيك السودانيين ) وادخالهم بيت الطاعة واحد واحد .. ستنجح 100%

لانه ببساطة النظام يعتبر انه ( وصل للحكم ) بأمر الهى ولم ياتى به البشر .. لذلك اذا اراد الله سينتهى سواء بالسلاح او بغيره ( فكلها ابتلاءات) وسنصبر عليها حتى يقضى الله امرا كان مفعولا ..


ماذا انتم فاعلون ؟؟

أما الاستكانة والسكوت ( وترضو بقسمتكم )
اما ان تغيروا ما بانفسكم (فيغير الله ما بكم ) وان ينصركم الله فلا غالب لكم (صدق الله العظيم )
الحرية ليست منحة من ( المؤتمر الوطنى )
الانتفاضة .. العصيان المدنى .. الثورة . وسائل مجربة

[الكوشى]

#1503969 [hulfa]
5.00/5 (1 صوت)

08-15-2016 07:53 AM
ومنو القال ليك الشعب السوداني كان خاتي زرة امل واحدة في تحقيق السلام مع شرزمة من قاطعي الطريق والنهب المسلح وفاقدي الدين والتربية ...اول مرة اؤيد الكيزان في اسلوب امسح اكسح قشو ما تجيبو حي ...فانتم لا ينفع معكم الا هذا الاسلوب يا ارزقية ..

[hulfa]

#1503967 [الفاروق]
0.00/5 (0 صوت)

08-15-2016 07:51 AM
اى فرد من الشعب كان تابع او غير تابع للكيزان يعلم بالدجلة والمشعوذين الذين يتردد عليهم بشة وزمرته يعلن لنا عن اسماء ومكان المشعوذين والدجلة . خاصة يا من عملتم فى امن النظام . البراءة والتوبة النصوح مشروطة بالاصلاح بما عملته ايديكم قبل ان تشهد عليكم قال تعالى ( يوم تشهد ارجلهم وايديهم بما كانوا يكسبون ) يا رجل الامن ركبت وسافرت من الخرطوم الى مايرنوا تحمى كبراءك وسادتك وانت تعلم فلا تتعامى الذنب محصى فى امام مبين ولا يسقط الا باصلاحه والكارثة ان مرت عليه اكثر من ستة شهور صار سبيل راجع الايات ولا تكون من الصم البكم العمى الذين لا يرجعون .

[الفاروق]

#1503963 [طارق]
5.00/5 (2 صوت)

08-15-2016 07:39 AM
ماذا تقصدون بأنهم حاولوا فرض وثيقة الدوحة عليكم بغير مناسبة؟
يعني المناسبة الدايرنها شنو؟
وثيقة الدوحة هي وثيقة السلام الرئيسية والوحيدة ومافي غيرها.
وطالما وقعتوا علي خريطة الطريق بتاعة السلام يبقي تقبلو وثيقة الدوحة دي.
لأنكم كلكم كنتو لسنوات ماشين وراجعين من الدوحة عشانها.
ما يفرضوها عليكم كيف يعني؟
المنطق شنو يعني؟ كرهتونا حياتنا زاتو.
وخليكم من الوثيقة والمنطق وقولوا لينا بديلكم شنو أنتو؟
الحكومة لها اليد العليا ومتفوقة في جبهات القتال والدبلوماسية والسياسة.
وأنتو يا كافي البلاء ما عندكم جندي واحد في دارفور.
لأنو قوات الدعم السريع هزمتكم شر هزيمة.
وبقية قواتكم موجودة في ليبيا وجنوب السودان.
يبقي ما عندكم خيارات تانية.
حامد ممتاز الامين السياسي للمؤتمر الوطني قال لن تدخلوا القصر.
الكلام ده معناه شنو؟
معناه تدخلوا الخرطوم وتشوفوا ليكم شغل حزبي وخلاص.
معايير القوة ما لصالحكم أبداً.
وهسع بخصوص البتقولو عليه فشل المفاوضات ده ما لصالحكم أبداً.
وقبل كم يوم أعلنتو أن وفد الحكومة أنسحب.
والكلام طلع غلط.
ياخي أقعدوا في الواطة دي وشغلوا عقولكم.
الالية الافريقية هي المفروض تطلع بيانات ده إنسحب وده ما أنسحب.
وهي المفروض تقول المفاوضات فشلت أو ما فشلت.
مش أنتو التقولو كده.
شكلكم دايرين تفشلوها براكم.
برغم أنو ما عندكم أي خيارات والشعب زاتو رمي طوبتكم.
والمجتمع الدولي لن يرحمكم.
أما الحكومة تاني حتلقي كل المبررات تضربكم ضرب صاح.

[طارق]

ردود على طارق
[Rebel] 08-15-2016 11:45 PM
* تفضلوا بالقراءه يا أخ طارق و يا أخ سامى على...أدناه إقتباس من تعليق أخوكم فى الدين و الوطن، المواطن المحترم "الفاروق".. بالله عليكم أقرأوه، لتعلموا حقيقة ما تدافعون عنه:


"شى متوقع ولم نعلم بالغيب انما نعلم بالبشر التى ظلت جاسمة على صدورنا عشرات السنين بالشعوذة والدجل وما بعد الكذب من ذنب فانه ينفى الايمان والايمان اول شروط الفلاح كما بينت سورة العصر الكافية . هل يوجد فرد من الشعب السودانى لا يعلم بكذبهم فهولاء كفر وعلماء الشريعة مصنفين الاخوان هم الخوارج واشر خلق الله تهمهم المصالح الشخصية والمال وان كان ذلك على حساب العقيدة السماوية ( قدرية) . فصبرا جميلا فامر المومن المتدبر والمرتقب خير . فاعلم انهم يخافون من العذاب الادنى العاجل فكيف يخافون العذاب الاكبر الاجل."، الفاروق، 15.8.2016

[طارق] 08-15-2016 11:45 PM
الاخ سامي علي: شكراً علي تعقيبك ونسأل الله العلي القدير أن يهدي هؤلاء المعارضين لمافيه مصلحة السودان ومصلحتهم الشخصية كمان.

الاخ Rebel: شكراً علي تقيبك ونختلف معك في كل كلمة قلتها وللأسف أنت تغرد خارج السرب وبخصوص الضرب فالمقصود هو ضرب الحركات والمتمردين أمثالك وليس ضرب الشعب، يا هذا.

[AAA] 08-15-2016 11:02 PM
الاخ طارق لك التحية...فلتعلم
* ان حركة جيش تحرير السودان الام وما قبلها من انانيا ون وتو ناضلت وحاربت لاكثر من خمسين عاما..وفي النهايةانتصرت لاهدافها ومبادئها..وقارن في محيطك الاقليمي القريب كيف انتصرت الحركات بقيادة..ملس زيناوي + اسياس افورقي..ادريس ديبي تشاد..موسفيتي (جميعها حركات ثورية مسلحة ولم تأت للسلطة عن طريق السطو والانقلابات)! الا تتفق معي!!

* حركات دارفور الان تناضل وتقاتل لاكثر من خمسة عشر سنة..وسمعنا من قبل مثل هترشاتك هذه من نظامك بان الحركات انتهت.. لحدي ما العدل والمساواة قطعت 1600 كيلو من ام جرس وللخرطوم تووووش في عز الضهر!! فماذا بعد!!.. لم يبق لاشباه الرجال الا ان يلبسوا اسكيرتات وبلوزات وطرح..

* اذا اصلا حركات دارفور ليس لها جندي واحد كما تتوهم..فعلى ماذا يفاوضها النظام!! صحي الفهم قِسم يا طارق!!! لو لم تحترم عقل القارئ بالاحرى كان عليك انت تحترم عقلك !!!و لو كان هدفهم القصور كما تزعم..لاتتهم القصور تجرجر اذيالها!!!

* اما جقلبة حامد ممتاز ورجرجته..فهي لا تعدو اكثر من مثلنا الشعبي القائل:
(نبيح الكلب خوفا على ضنبو)!!

* أما قولك الساذج (أما الحكومة تاني حتلقي كل المبررات تضربكم ضرب صاح).
ارجو ان تعلم وتفهم ان من حمل السلاح يعلم انه ليس في نزهة على ضفاف النيل!! ان من يحمل السلاح يتمنى ان يموت او يقتل على أن تموت المبادئ والاهداف..وشكرا

[Rebel] 08-15-2016 06:58 PM
*انهيار المفاوضات المتوهمه، شئ طبيعى و حتمى و متوقع، و لا يفوت على ذى بصيره، يا أخى طارق!
* و ما تقوله بخصوص "الضرب"، ده مش جديد، كما تعلم يا أخى!..و الحكومه ظلت "تضرب" و تقتل و تظلم و تشرد الشعب السوداننى طوال 27 سنه بلا طائل، سوى "إقتناء بعض العمارات و الحسناوات"!..فالعبرة لأى لص محترف، ليس فى كيفية "السطو أو السرقه" فى حد ذاتها، و إنما فى كيفية إخفاء جرائمه و تحاشى العقاب!
* كما أن أساليب قهر الشعوب و قمعهم و اذلالهم، مستحيل أن يدوم!..فقد سبق ان مارسه عتاة "طغاة" العالم عبر التاريخ، ممن يفوقون "الدواعش" و عصابات الإسلامويين و البلهاء و تنابلة السلطان الأرزقيه، فكرا و عقلا و قوة و تجبرا و "ثراءا"..لكن الشعوب قهرتهم بالنهايه، هكذا يقول التاريخ الإنسانى!
* و من يؤمن بالله حقا، لا تجارة بدينه، سيتيقن تماما أن الظلم ظلمات و لن يدوم!..و أن الحق يعلى و لا يعلى عليه!..و أن الشعب أقوى بأضعاف أضعاف!..و أن هذه العصابات المتأسلمه المجرمه، ستزول من الأرض لا محاله، طال الزمن أم فصر!..لأن الله يمهل و لا يهمل ابدا!
* غبت أياما يا طارق، عل الداعى خير!..ثم ظهرت مع إنتهاء المسرحيه البايخه، من أسف!

Saudi Arabia [سامي علي] 08-15-2016 02:32 PM
كفيت ووفيت ياطارق...ديل ناس وهم ... دايرين القصر...وكان ليهم ...شفت العنوان المستفز لياسر ***** قال حنتحاور مع حميدتي لانو هو البيقاتلنا ... ومرة مرة ييقولوا ليك لو حميدتي قلب .. ويلكم ياناس الخرطوم ... ومرة يقولوا حميدتي مات... عافي منو حميدتي والجيش والامن .. قشوا واكسحوا يا ابطال .. العفن زاد عن حدو...ديل بيتاجروا بالام الناس واحلامهم ...هي الحرب اذا...فلينكرب الجميع


#1503957 [الفاروق]
5.00/5 (1 صوت)

08-15-2016 07:31 AM
شى متوقع ولم نعلم بالغيب انما نعلم بالبشر التى ظلت جاسمة على صدورنا عشرات السنين بالشعوذة والدجل وما بعد الكذب من ذنب فانه ينفى الايمان والايمان اول شروط الفلاح كما بينت سورة العصر الكافية . هل يوجد فرد من الشعب السودانى لا يعلم بكذبهم فهولاء كفر وعلماء الشريعة مصنفين الاخوان هم الخوارج واشر خلق الله تهمهم المصالح الشخصية والمال وان كان ذلك على حساب العقيدة السماوية ( قدرية) . فصبرا جميلا فامر المومن المتدبر والمرتقب خير . فاعلم انهم يخافون من العذاب الادنى العاجل فكيف يخافون العذاب الاكبر الاجل .

[الفاروق]

ردود على الفاروق
[Rebel] 08-16-2016 12:01 AM
* هذه "مداخله" رائعه، و تجسد بواقعيه شديده و دون إلتباس، مجمل حال هذه العصابة المجرمه، التى تتستر بدين الله!..و هى من افضل ما قرأت اليوم من "تعليقات"، يا أخى الفاروق..لك منى الشكر أجزله، و أستميحك عذرا فى إقتباسها، ليطلع عليها، و كرد على تعليقات "إخوة لنا فى الوطن"، أحدهما يدعى طارق و الآخر إسمه سامى على. شكرا،،


#1503954 [الامين النحناح]
5.00/5 (1 صوت)

08-15-2016 07:29 AM
أمر محزن للغاية .
لكن هذا ديدن الحكومة دائماً تخيب أمال الشعب دائما وتحبط أحلامه .
الحركات المسلحة وقوى نداء السودان قامت بواجبها وأكثر حين جاءت بقلب مفتوح الى طاولة المفاوضات باديس أبابا ، واللوم يقع على الحكومة التي لا تريد السلام لأنها تدري أن أستمرارها في السلطة تنتهي باستقرار السلام وثبات الاوضاع على الأرض

[الامين النحناح]

#1503947 [السماك]
5.00/5 (1 صوت)

08-15-2016 07:21 AM
قلنا لم يقم لكم قائم إذا لم تعودوا إلى التواثق بمواثيق الجبهة الثورية التي أخطأ فيها بعض القادة .. وقادة الثورات يخطئون لأنهم بشر .. لكنها أخطاءهم ليست نهاية الدنيا .. والرجوع للحق فضيلة ..

تحلوا بشئ من الشجاعة الكرامة وعودوا للتواثق بمواثيق الجبهة الثورية السودانية التي علت من شأنكم خلال فترة حياتها القصيرة .. وأعتقد أن على الحركة الشعبية أخذ زمام المبادرة بالتنسيق مع القوى السياسية في نداء السودان وقوى الإجماع الوطني ..

[السماك]

#1503935 [الحلومر/خريج الابتدائية]
4.94/5 (5 صوت)

08-15-2016 07:04 AM
(وقد إستهل القائد مني المؤتمر موجهاً شكره الجزيل للشعب السوداني والذي وضع آمالاً عراض بأن يتحقق سلام يوقع في اديس ابابا.)
(أعقبه بالحديث الدكتور جبريل إبراهيم رئيس حركة العدل والمساواه والذي إبتدر حديثه قائلاً نحن نحزن في أن نحبط الشعب السوداني بعد أن رفعنا آماله في تحقيق السلام ولعقد مؤتمر حوار جامع يخاطب قضايا البلاد ككل.)
الشعب كان يعرف ولم يضع يوماً أملاً واحداً في حساباته بأن يتحقق السلام عن طريق المفاوضات والشعب لم يحبط لفشل المفواضات استاذ خليل ... الشعب بدأ الرحيل والبحث عن وطن بديل
عندما يكمن السوس في عمق الخشب لن يتركه الي يحيله طحين مخلوط بتراب الأرض
أو يسلط الله عليه الحريق وهو بداخل الخشب
الأنقاذ سوسة كامن في عمق عضم الوطن
وسوف تشيع السودان قريباً الى البكرى أو حمد النيل
وسوف يكون المأتم في قلب كل مواطن نجامن الموت
وسكن الملاجىء......ولن تكون هناك سلامة إلا إذا لطف الله
وانحاز الجيش من الداخل لخيار الشعب ( هذا ما يراه خريج الصف الرابع ابتدائي)
سلام عليكم ايها النخب الصافية المصفاة وسلام علي وطن كان يمكن يكون في المقدمة بدلاً عن الطيش

[الحلومر/خريج الابتدائية]

ردود على الحلومر/خريج الابتدائية
[Rebel] 08-16-2016 12:24 AM
* انت رجل رائع بحق، يا اخى..و لكن برجاء ألآ تيأس ، لأن الله معنا و سيلطف بالوطن و بمواطنيه الأنقياء، بإذنه الواحد الأحد..و الثورة قادمه و منتصره خذها منى، إن شاء الله!..ثم لا "تستهبلنا": أنت شخص على مستوى عالى من الوعى و "الفهم" المكتسب من أرفع المؤسسات التعليميه!
و تقديرى،،

Romania [عبد الرحيم خلف] 08-15-2016 07:51 PM
لم هذا التواضع المكشوف بالزعم انك خريج ابتدائي؟؟!!


#1503928 [د. هشام]
0.00/5 (0 صوت)

08-15-2016 06:52 AM
لقد فعلتم ما عليكم... بالرغم من علمكم المؤكد بطبع العصابة الدائم في نقض المواثيق و العهود كنتم تؤملون خيراً... و لكن يغلب الطبعُ التطبعَ!!!

[د. هشام]

#1503907 [ابن كوش]
4.94/5 (6 صوت)

08-15-2016 05:43 AM
الحزب الشيوعي علي حق بعدم المشاركة, لان المسالة مهزلة وعدم مصداقية من هؤلاء الإسلاميين, عبوا ضراعكم يا رجاله حكم العسكر ما بتشكر. هؤلاء استخدموا الدين للتضليل وغسل الادمغة الحل الوحيد هو الانتفاضة المحمية بالسلاح.

[ابن كوش]

#1503903 [ابوبكر ابو القاسم]
5.00/5 (1 صوت)

08-15-2016 05:09 AM
محزن ان نري العالم في حالة فرح عارم بالاولمبياد ونحن في حالة حرب واقتتال منذ مئات السنين، محزن ان نري العالم يحطم الارقام القياسية في مختلف ضروب الرياضة ونحن نحطم الارقام القياسية في الفشل والقتل والاغتصاب والسرقة والكذب والنفاق، انفقنا عمرنا كله في انتظار لحظة عدل ومساواة واحدة ويبدو أن انتظارنا فعلا سيطول لان هنا في السودان يوجد كمية من انانية وطمع وجشع ما انزل الله بها من سلطان، لك الله يا وطني

[ابوبكر ابو القاسم]

#1503899 [سننتصر علي الكيزان الخونة اكلي قوت الغلابة]
5.00/5 (3 صوت)

08-15-2016 04:41 AM
لايستطيع احد ان ينكر ان المعارضة بكل فئاتها جادة في الحوار للخروج بتسوية عادلة ومقبولة للكل . وبهذه الاخبار المحبطة حقا يؤكد المؤتمر الوثني ومن شايعه مرة اخري انهم غير جادين في التوصل الي اتفاق دائم للحل ازمة الوطن المستفحلة لتي خلقوها ويؤكد ذلك ايضا ان هذا التعنت غير المبرر وغير المسئول انما هو امر مبيت وشراء للوقت .. ومواصلة لمسلسل الخداع المستمر للشعب الصابر المنكوب ..

استمرأ الكيزان الوضع بعد ان احرقوا البلاد وشردوا الملايين ممن بقي .. ولكن ليعلموا ان الثورة الان اصبحت في مخاضها الاخير ..
ويسدفعون ثمنا باهظا ...

[سننتصر علي الكيزان الخونة اكلي قوت الغلابة]

#1503889 [Omer]
5.00/5 (2 صوت)

08-15-2016 03:47 AM
وهل ننتظر مني وللا جِبْرِيل ليأتوا لنا بالديمقراطية قوموا شوفوا شغلكم

[Omer]

ردود على Omer
[ابوشوارب] 08-15-2016 08:57 AM
أها فى رأيك نواصل مع ناس بشبش ديل ؟ عاجباك ديمقراطيتهم ؟!
قل خيرا أو أصمت .


#1503888 [Omer]
2.00/5 (4 صوت)

08-15-2016 03:45 AM
من فوضكم بالتفاوض نيابة عن الشعب السوداني فاوضوا من اجل ان تهبكم حكومة ما يسمى بالموتمر الوطني بعض الفتات والمناصب والمرة دي مساعد حلة يمكن ما يردوكم ليها لأنكم تفاوضون من اجل اقتسام الكعكة لك الله يا وطني

[Omer]

ردود على Omer
France [zool gadeem] 08-16-2016 01:46 AM
الأستاذ عوض
لك خالص التحية
لا أزكي نفسي أبدا على الوطن فالوطن دين وأمانة نحملها ويبدو أ، مقيم في فرنسا من الغلم المرفةع بجانبك عموما هي خيارات ولكني وانا لي رأي معلوم أن كل من يمد يده للمصالجة أو حتى الحوار مع ما يسمى بالمؤتمر الوطني عندي مرفوض مرفوض ولا زلت عند رأي لا مني ولا جبريل لم يفوضهم أحد هم أمسكوا بالبندقية وهم من يحاور الآن وهم أحرار في خياراتهم ولهم الخق كل الحق بالتحدث عن حركاتهم فقط لا باسم الشعب السوداني وانا ولعن الله أنا أرفض جملة وتفصيلا أي مشروع للحوار أو المصالحة وحركاتهم اتباعها ليسوا بالملائين كما قلت. ومني كان مفاوضا قبل ها فماذا جنى من دخوله مساعدا للرئيس شخصيا ماا جنى غبر المزلة والهوان أما كبيرهم الصادق الصديق يكفي انه عقد أكثر من اتفاق مع تلك الطغمة وقد نجح نجاحا باهرا في استرداد أمواله الخاصة وكمان بالزيادة ولم يأت للسودان بالديمقراطية
ويا أخ عوض أنا لم أتحدث باسم أحد ولكني اتساءل فقط وساكرر السؤال من فوض مني بالتحدث نيابة عن شعب السودان.
أنا من نفر نقاطع ونتجاوز كل من يحاور البشير ورهاننا على قدرة الشعب السوداني في تحرير نفسه ومرة أخرى لا اتحدث باسم أحد

Romania [Awad] 08-15-2016 09:26 AM
تحدث عن نفسك فقط.لم يخولك الشعب لتتحدث بأسمه.هؤلاء يمثلون شرائح عديدة بالملايين فأنت تمثل نفسك فقط.


#1503884 [البعبع]
5.00/5 (2 صوت)

08-15-2016 02:48 AM
يا قراء الراكوبة اليكم هذا الفيدو الخطير عن تاريخ نشأة تنظيم الاسلاميين الدولي
ونشاطه وعلاقاته وأثره في الأحداث التى تدور في العالم وبالبلاد الاسلامية بوجه خاص
الفيديو انتج معتمدا على تقرير أعده خبراء بريطانيين بفرار من رئيس الورزاء البريطاني
اسمعو وشوفو عشان تعرفو مين البحكم السودان وتزول عنكم الغشاوة التي بثتها المفاصلة
وطالوا ايضا السيرة الذاتية لعمر البشير ثم احكمو بعد ذلك اذا كان النظام الحاكم عنده قدرة على التصالح وتسوية ازمة البلد وبيع مصلحة الكيزان الدولية
رايط الفيديو
https://youtu.be/GpWb-E9AlzM
سيرة البشير
http://somra.7olm.org/t9-topic
يا ريت واحد من أهل الخبرة ينزل الفيديو مسموع عشان الناس تسمع وتعرف

[البعبع]

ردود على البعبع
[alaaza bit wad almsaed] 08-15-2016 11:27 AM
سيرة ذاتية مغلوطة / البشير ليس بديري دهمشي .. وهو من قرية صراصر اسأل عنو كويس .. وعدّل في سيرتك الذاتية وأعرف أصلو وفصلو يا

Sudan [الطيب] 08-15-2016 11:06 AM
لم أسمع التسجيل ولكنني أعرف أن السودان وشعبه من موارد الدولة الإسلامية ولا يجوز التنازل عنها, على الأقل بدون موافقة المرشد.


#1503878 [Abu]
5.00/5 (1 صوت)

08-15-2016 02:09 AM
A lie can travel half way around the world, while the truth is putting on its shoes.
~ Mark Twain

Wonder what were those people thinking off? Believe they have wasted our time
on this silly joke.
Anticipating positive outcome of this will be a sort of a self-delusion. We only hope the failure of this round will indicated to whole world that they could not dedicate how we run our affairs. The bitter relation we have with this mob will never allow any room for a peaceful solution. Hope this round fiasco will leave a lasting impact concerning the intractable and politically perilous situation we are encompassing, and will force the world to think differently at our ordeal.

[Abu]

#1503874 [باكاش]
0.00/5 (0 صوت)

08-15-2016 01:48 AM
ههههه معلم استاذ عبد الواحد قال ليكم
حتمشوا وتجو وتلقونو قاعدين هنا.. تاني
معلم

[باكاش]

#1503873 [ود المهدي]
5.00/5 (1 صوت)

08-15-2016 01:48 AM
والله كلكم منافقين كنت متأكد قبل بدايه المفوضات وعندي تأكيد موجود أتحدى أي شخص منكم موتمر وطني اوحركات الراجل اقابلني في مقابله تلفزيونية . مابتقدروا انتو مادعات سلام تجار بلد وكل واحد فيكم بحقد بالتاني وماعندكم ضمير ذمة ماعندكم نية خالصه كلامي ليكم للموتمر الوطني والحركات ياناس ياشعب والله مافي واحد اسمع أكذوبة وقش كذابين منافقين تجار قضيه وذمه والاثبات موجود تعالوا قابلوني في الجزيره في البحر في أي مكان سرطان والله بلوه مرض في جسد الامه سرطان أتمكن في جسم الامه ماعندوا علاج.

[ود المهدي]

ردود على ود المهدي
Romania [كدبكري] 08-15-2016 10:58 AM
يا ود المهدي كلامك في قمة الروعة نعم هم تجار حروب ولايهمهم الشعب السوداني الحركات عايشين في الفنادق وأولادهم في أحسن المدارس الجامعات الغربية والشعب هو الضحية وخاصة أهالينا في مناطق الحرب الله يكون في عونهم بتاجر بيهم الحركات


#1503869 [Ahmed]
0.00/5 (0 صوت)

08-15-2016 01:33 AM
السلام عليكم
حقيقة متوقع فشل المفوضات لعدم جدية الدولة في ذلك ولكن تفائلت خيرا بحدوث سلام يحل مشكلة السودان والمشكلة الكبري عدم التوصل للسلام يقود لخيارات اخري مثل التفكير الجادي بالافنصال كما انفصل الجنوب وياريت دكتور جبريل او مني او اي من كان حاضر المفواضات يحكي ماهي النقاط التي تم الاختلاف فيها حتي نكون كذلك علي دراية بما كان يدور لكن كلام مبهم حقيقة مابنقدر نلوم طرف علي الاخر
واخيرا او ان اقول رفقا بالشعب السوداني المسكين رفقا بالشعب الدارفوري رفقا بشعب جبال النوبة والنيل الازرق رفقا بالابرياء الذين هجروا وقتلوا اولادهم رفقا بالبلاد كلها الشعب زيتو طلع مافضل شي علي القوي السياسة الاتيان بحل او التنحي لوفشلت في قضية الشعب السوداني الذي اهلكته الحرب ودالدمار والحصار والنظان الحاكم

[Ahmed]

#1503865 [eifil]
0.00/5 (0 صوت)

08-15-2016 01:24 AM
دي متوقع لانو الكيزان عارفين ضعفكم بعدا وحدو الصف من اجل نهايتهم اذا اردتم السلام للمواطن الغلبان

[eifil]

#1503862 [البدوي]
0.00/5 (0 صوت)

08-15-2016 01:19 AM
فشلت جولة ولم تشفل المفاوضات .عنوان غير دقيق

[البدوي]

ردود على البدوي
Netherlands [شاسلين القفة] 08-15-2016 04:35 PM
ياريت المعارضين النفاخين البكتبو هنا ما قلنا ليكم ما قلنا ليكم كان عندهم بديل !!!!
لا قادرين يحركو الشارع ولا كمان خالين المتحركين سلما يكملو محاولاتم
طبعا اغلب الناس المعلقة ما قادره تفهم إنو فشل جولة لا تعني الفشل الكلي حتى لو وصلو للفشل الكلي بكونو اقنعو الالية والافارقة والعالم إنو الحكومة ما جادة واذا موه الكيزان في توصيات حوار الداخل يكونو كملو الناقصه والشعب يعرف إنو الدور دورو هو المحاوين قدرتهم في مواجهة النظام سواء عسكريا أو سلميا في حدود امكانياتهم بعملوا فيها وما واقفين بس انتو دوركم شنو اسالو روحكم ليه الشعب ما خازل وما هاميهو الحاصل اذا استمر خزلان ولا مبالاة الشارع بالصورة دي ما بكون وراءه غير الحل القاصم للظهور وهو الحرب الاهلية التي لن تبقى ولن تذر أتركو البكاء والنواح ونقد وشتم المعارضين المتحركين وحركو الشارع كل فرد مفروض يحس بمسئوليته الشخصية في الحاصل ويتحرك ما تضعو احمالكم على الاخرين وتقعدو في النضم والغلاط

[مهدي إسماعيل مهدي] 08-15-2016 10:54 AM
ملاحظتك صحيحة يا االبدوي، وهذا أمر متوقع!

كُل من يفرح لفشل المفاوضات عليه أن يتحسس وطنيته، مشاعره الإنسانية.

الفشل يعني عودة الحرب والدمار والموت.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة