الأخبار
أخبار إقليمية
"تقرير مراقبة " : اليوغندي "ماتسانغا" إستخدم أوراق مزورة وإدعاءات كاذبة في إتهامه لرئيسة المحكمة الجنائية في قضية البشير
"تقرير مراقبة " : اليوغندي "ماتسانغا" إستخدم أوراق مزورة وإدعاءات كاذبة في إتهامه لرئيسة المحكمة الجنائية في قضية البشير



ضربة قوية لنظام البشير..المحكمة الجنائية تدرس مقاضاة مهندس الكذبة
08-15-2016 02:13 PM
ترجمة : الهادي بورتسودان

نقلت "صحيفة لندن ايفنيغ بوست " الشهر الماضي إدعاءات عبر مستندات قدمها الناشط ضد المحكمة الجنائية اليوغندي ديفيد ماتسنغا المستشار السابق لزعيم جيش الرب جوزيف كوني ، والتي إتهم فيها رئيسة المحكمة الجنائية بسداد و نقل أموال لجماعات ضغط وناشطين وحركات مسلحة ودفع رشى وشراء شهود أسهمت في توجيه التهم للرئيس عمر البشير ، واتهمها أيضاً بإخفاء أموال في حسابات بنكية مختلفة "
تعليقاً على ذلك قالت محكمة الجنائية الدولية "ICC" إنها تلقت رسالة من ديفيد ماتسانغا بتاريخ 28 يونيو 2016 وهي تحتوي على ادعاءات ضد كبار المسؤولين بها . وهي مرفوضة بشكل قاطع . وتشير المحكمة إلي إنها ليست هي المرة الأولى التي يهاجم السيد " ماتسانغا " المحكمة أوموظفيها.
وبناء على طلب عاجل من رئيسة المحكمة الجنائية الدولية القاضي "سيلفيا فرنانديز غورمندي " و مدعى عام المحكمة " فاتو بنسودا" ، أحيلت تلك التهم من قبل المسجل إلي " آلية الرقابة المستقلة " المخصصة للمحكمة الجنائية الدولية Independent Oversight Mechanism"IOM"
و آلية الرقابة المستقلة: هي جهاز أنشأته الجمعية العمومية للدول الأعضاء في ميثاق روما الذي أنشأ المحكمةASP) Assembly of States Parties) ، بإعتباره آلية التقييم والتفتيش والتحقيق الذي يراقب المحكمة الجنائية الدولية.
أصدرت تلك الآلية تقريرها في 3 أغسطس 2016، وذلك بعد إجراء تقييم أولي لتحدد ما إذا كانت تلك الإدعاءات تستحق المطالبة بتحقيق كامل. وخلُصت إلى إن الادعاءات الموجهة ضد رئيسة المحكمة كاذبة تماماً ، بل وبنيت بعض أجزائها على تزوير واضح . ولذا خلُص التقرير إلي إنه لا توجد أدلة كافية تبرر إجراء تحقيق موسع في تلك المزاعم.
- وفي تفاصيل التقرير : " تقول المزاعم إن رئيسة المحكمة القاضية " سيلفيا غورمندي " مرتبطة بشركات ومؤسسات نقلت أموال كبيرة لقائمة من المنظمات وجماعة الضغط وجماعات سودانية متمردة تنشط في السودان أو دارفور" ، وعند النظر فيها وجد بإنها بنيت على أدلة " مزورة" وبالتالي هي غير صحيحة بشكل لا لبس فيه ، بل وفي الواقع إن الدليل الوحيد الذي قدمه السيد "ماتسانغا" هي فاتورة أكدت الجهة المصدرة إنها مزورة حيث إن التفاصيل في تلك الفاتورة للعميل وعنوانه والتي تشتمل الآن على إسم رئيسة المحكمة الجنائية الدولية قد جرى تزويرها على الفاتورة .
وبالإضافة إلى ذلك وجدت " آلية الرقابة المستقلة " إن واحدة من الشركتين التجاريتين اللتين ذكرهما السيد "ماتسانغا" كوسائط لمدفوعات مزعومة لا علاقة بالسودان. بينما الأخرى من الواضح أن لا وجود لها.
- ذكرت تلك الإدعات أيضاً إن "رئيسة المحكمة تحتفظ بمبالغ ضخمة مودعة في عدة حسابات بنكية" - تؤكد الآلية إن مجرد وجود وفتح حسابات مصرفية لا ينطوى بحد ذاته إلى أي شكل من أشكال سوء السلوك. وعلى الرغم من ذلك أكدت رئيسة المحكمة إنها بأي مسمى وتحت أي ظرف ليس لديها أي حسابات في المصارف أو جهات المختصة التي وردت أسماءها في التقرير .
تجرى آلالية الرقابة تحقيقاً بشأن المصارف المعنية من أجل تحديد ما إذا كانت كشوفات الحسابات المصرفية هي أيضا احتيالية ، أو كانت بيانات حقيقية من حسابات مصرفية إنشئت بغرض تشويه سمعة الرئيسة .
تدرس الآن المحكمة الخطوات المقبلة التي يمكن إتخاذها والتي قد تنطوي على إجراءات قانونية وسيؤخذ في الاعتبار إستنتاجات هذا التقرير أو أي معلومات قد تظهر " لألية الرقابة المستقلة " في المستقبل.

- المصدر : نقلت هذا الرد من وحدة العلاقات العامة بالمحكمة الجنائية الدولية العديد من الصحف الأفريقية الأسبوع الماضي ، تقول الناشطة السودانية "مريم عيسى" إنه وصلها أيضاً عن الطريق البريد الإكتروني من المحكمة الجنائية الدولية
المحرر : تأتي هذه الأخبار في خضم الحملة المبتكرة التي إبتدعها مستشارو عمر البشير لتحسين صورته والتي بدأت " بفنيلة ميسي " ثم مؤتمر رجل الكرامة الأفريقية في أديس أبابا . فلا يمكن إستبعاد فرضيىة وجود ممول ومفبرك لمثل هذه الإدعات من داخل السودان ، خصوصاً كثييراً ما إتهمت الحكومة اليوغندية في السابق حكومة البشير بعلاقات بجيش الرب وجوزيف كوني ، إذا ما عرفنا إن مطلق هذا التهم ضد المحكمة الجنائية الدولية كان مستشاراً لكوني وقاد مفاوضات السلام بإسمه مع الحكومية اليوغندية. كما إن "ماتسانغا " واحد من أكثر الأفارقة إثارة للجدل وحباً للظهور له منتدى نصب نفسه رئيسه يسميه " Pan African Forum خصصه لمهاجمة المحكمة الجنائية الدولية

بعض المصادر

http://www.standardmedia.co.ke/artic...-against-judge

http://www.theeastafrican.co.ke/news...pvz/index.html



تعليقات 18 | إهداء 0 | زيارات 28584

التعليقات
#1505213 [منتصرابراهيم]
0.00/5 (0 صوت)

08-17-2016 08:11 AM
......

[منتصرابراهيم]

#1505054 [المهندس سلمان إسماعيل بخيت على]
3.75/5 (3 صوت)

08-16-2016 10:07 PM
نافع على نافع فى ورطة نتيجة لشهادة الكلب البوليسي الميت على قناة الجزيرة ونافع وعلى عثمان وقوش ومطرف ومجموعة اخرى فى حاجة ماسة للحماية من الدولة والدولة هى القصر والقصر هو البشير
تانى مافى دولة
نافع بيرأس مجلس البرلمانيين الأفارقة عملها كيف
اليكم الموال
هذه الوظيفة الجديدة لنافع بتبعد شره من القصر لقوا حاجه يشغلونه بيها وكمان نافع بيجيد لعب المقالب وممكن بعلاقة ببرلمانيين افارقة عرفوا بحب المال الحرام ناس قدر يخرج لنا مسرحية بن سودا الحرامية والمره دى مؤلف السيناريو افريقى يوغندى عشان اللعبة تصدق
المثل بيقول حبل الكذب قصيروقريبا ستصدر اعترافات اليوغندى ماتسانغا وسيعترف بكل شىء وحيطلع ماتسغانا هو المرتشي
مين اللى رشاه ؟ وبكم من الدولارات ؟
ياخبر اليوم بفلوس بكره ببلاش
وخليكم متابعين كلامى دا
نافع سمى بنافع لانه يصلح فى مهام لايصلح فيها غيره
وعوض الجاز كلف بمهام تلغى مهام وزارة الخارجية والتجارة والتعاون الدولى والأستثمار
انا بقترح للبشير يقفل مجلس الوزراء بالطبل ويشيل مفاتيحه ويجيب حوله كم جاز يدير بهم دولاب الدولة المينشر دا
وزير للرياضة وماشفنا فى ريو 2016 غير مصارع حظه العاثر رماه مع امريكى أنتهت المباراة فى 17 ثانية
برضو تقولوا الكسرة والويكه مو كسارة عضام
والله زول البيرقر والبيتزا زولنا لو طول معاه كان مشى المقابر

[المهندس سلمان إسماعيل بخيت على]

#1504880 [البخاري]
4.82/5 (5 صوت)

08-16-2016 03:36 PM
يا أخوانا دي محكمة وألا بعاتي؟ الجماعة مش شيعوها في أديس قبل كم يوم؟ دي طلعت بسعة أرواح.

[البخاري]

ردود على البخاري
[kajo] 08-16-2016 06:53 PM
كيه كده ل-(بﻻل البعاتي )هى اصلها قربية( بلال البعاتى.)


#1504866 [ودالنيل]
4.00/5 (2 صوت)

08-16-2016 03:22 PM
سؤال للبشير رجل الكرامة الافريقية انت ولا نلسون مانديلا؟

[ودالنيل]

ردود على ودالنيل
European Union [الفاروق] 08-17-2016 05:34 AM
يوهموا انفسهم ونحن الشعب نعلم بالحقيقة لكن المسدسات مصوبة علينا من الكلاب الجوعى رجال امن الزمرة الحاكمة . لو لم نقتل الكلاب السعرانة لا نستطيع الوصول للذئاب . راجع ناشونال جغرافك .


#1504786 [احمد البقاري]
3.50/5 (4 صوت)

08-16-2016 01:43 PM
واتسع الفتق على الراتق

[احمد البقاري]

#1504692 [الناهه]
4.00/5 (3 صوت)

08-16-2016 11:08 AM
وهكذا قد اتسع الموضوع واصبح اخطر من اي وقت مضى
حتما سيقوم قضاة المحكمة الجنائية والمدعي العام بنسودا باقامة دعوى اشانة سمعه لاتهامهم بالرشوة
جوا يكحلوها عموها
وبذلك تكون المحكمة الجنائية الدولية امر واقع اكثر من اي وقت مضى بل واكثر تعقيدا
كان الموضوع بسيط جدا وكما فعل الرئيس الكيني بالمثول امام المحكمة يمثل الرئيس البشير امامها ويقدم دفوعه القانونية ويعود بكرامته مرفوع الراس يستطيع السفر الى اروبا واسيا دون ان يطارده احد على نهج ما حصل في ابوجا وجوهانسبرج وما ينطوي ذلكعلى إهانة بالغه لشخصه ولشعبه

[الناهه]

#1504513 [باكاش]
4.00/5 (5 صوت)

08-16-2016 02:31 AM
اول ايام الهوجة بتاعة الجنائية جاهم واحد
عاطل من امريكيا وجاب معاهو واحد من
لندن قالو الموضوع بسيط نعمل ليكم petition
بمليون توقيع ونقدمو للجنائية وطوالي يقومو يشطبو
البلغ انقر..شالوا منهم مليون دولار كاش واتخارجو
وبعدها عييييك الفقرا مايدوك الدرب من مالي وتشاد
وبنين نهايتة ب ناس بلة الغايب وشيخ الالمين وماخفي
اعظم دا غير شركات المحاماة واللوبيات في امريكا وبريطانيا
عشان يوجد ليهم معادلة للجنائية الجن دي ودا غير رشاوي
الرؤسا والشخصيات الافارقة الجنائية السوتو في مال الشعب
السوداني ما سوتو في البشير.

[باكاش]

ردود على باكاش
South Africa [AAA] 08-16-2016 12:22 PM
وتاني برضو يا اخ [باكاش] قبل كم شهر كدا جاء واحد "طلع بيهم العالي قال ليهم اعملوا petition (عريضة/استرحام) نقدموا للبيت الابيض راس ولاوباما شخصيا بخصوص رفع الحظر الاقتصادي..الرفع من قائمة الارهاب والجنائية...قلنا ليهم يا جماعة عريضة/ايترحام زي دا خاص بالامريكان في شئونهمالداخلية الخاصة..قالوا سيبك من كلام المعارضين الصعاليك الخونة..جابوا جماعتهم وقالوا لكل واحد منهم وقّع وارسل قدر ما تقدر وبأي اسم.. العريضة وصلت لمكتب اوباما..اول حاجة اكتشفوا التزوير وثانيا وضعوها في الرف ان لم اقل سلة المهملات لانها غير مستوفية للشروط!!!لك تحياتي..


#1504512 [طه على]
3.00/5 (4 صوت)

08-16-2016 02:30 AM
ماتسانغا انت تنفع تكون قاضى محكمة عليا في السودان "في عهد الانقاذ طبعاّ"

[طه على]

#1504508 [صلاح حسن]
5.00/5 (4 صوت)

08-16-2016 01:45 AM
بالتأكيد ستقوم الجنائية الدولية بفتح بلاغ ضد هذا اليوغندي ديفيد ماتسنغا بإشانة السمعة و تعطيل العدالة .
و نرجو ان يفتحو بلاغ جديد ضد البشير بإشانة السمعة و تعطيل العدالة ايضاً حيث انه هاجم الجنائية فى مؤتمر القمة الافريقى الاخير برواندا "ووصف قضاتها ومستشاريها بالمرتشين وقال إنهم تسلموا "17" مليون دولار نزلت في حساباتهم الشخصية لتلفيق التهم ضد السودان."

كل الخبر فى هذا الرابط:
البشير : الجنائية مسيَّسة وقُضاتها مُرتَشون وهي في طريقها للزوال
http://www.alrakoba.net/news.php?action=show&id=241380

[صلاح حسن]

#1504482 [Free]
1.00/5 (1 صوت)

08-16-2016 12:15 AM
اذا اتتك مزمتى من ناقص فهى الشهادة بانى كامل.. و عندما تعكس البيت يصبح اذا اتتك برائتي من ناقص فهى الشهادة بأنى مذنب ...رئيس جيش الرب هو زاتو ما مطلوب للجنائية؟؟؟؟

[Free]

#1504373 [الطيب]
5.00/5 (3 صوت)

08-15-2016 06:44 PM
الزول ده ناقصاهو الشهادة ويكون كوز كامل الدسم.

[الطيب]

ردود على الطيب
Saudi Arabia [abu husam] 08-16-2016 07:59 AM
هو الكيزان عندهم شهادة عشان ماتسنغا يكون معاهم؟؟؟؟؟


#1504322 [الفاروق]
5.00/5 (1 صوت)

08-15-2016 05:16 PM
امس القوات المسلحة احتفلت بعيد ميلادها ال .... ام هو تأبين . سمعنا شكر ومدح ونفخ وحميدو او حمتو بتاع الجانجويد يكون شنو ؟ اللهم دمر الاحزاب اين ما وجدوا خاصة الخوارج .

[الفاروق]

#1504279 [كشيب]
5.00/5 (3 صوت)

08-15-2016 04:21 PM
ما قالو الغرقان بتمسك بالقشه
أي اهبل ممكن يعمل ليه تمثيله يتمسك كبير الهبل وصحبه
المرة الجايه حايلبسوه لبسة فرعون ويصفقوا ليه
خزي في الدنيا وعذاب الاخره شديد

[كشيب]

#1504255 [عبدالواحد المستغرب اشد الإستغراب!!]
4.88/5 (5 صوت)

08-15-2016 03:29 PM
وعثمان ميرغنى يقول ليك عندنا جيش يجب أن نعتز بيهو!! طيب لو كان المبهدلنا ومُضحك علينا الافارقه وكل من هب ودب صاحب أرفع رتبه في الجيش امال الأقل منه حيجيبوا عزتنا وكرامتنا كيف وسكوتهم عليه علامة رضا؟!! وصدق من قال (كل إناء بما فيه ينضح)وهنا المشير هو الاناء يا عم عثمان!!.

[عبدالواحد المستغرب اشد الإستغراب!!]

ردود على عبدالواحد المستغرب اشد الإستغراب!!
[sasa] 08-16-2016 08:30 AM
عثمان ميرغنى ده مع الاحترام زول (( بيريد خانقو))) لذلك المتاسلمين قبل كده ضربوا كتحذير أخير ... وماعايزين يصفوا لانه صفق وطبل وزمر ورقص وساعد في انقلاب وتسلط المتاسلمين على السودان ارضا وشعبا (( تذكروا نبذه وصفاقته وهو يكتب بصحفهم الصفراء؟؟؟؟؟؟؟؟)).... وهو مهدد في عيشته ورزقه وبالتالي بقى زى نسوان زمان المرأة الراجل بقدر مايفترى عليها ويبهدلها ويظلمها ... لاتطلب الطلاق ولاتشتكى لاهلها او اهل الزوج .... هذا جزاء الانسان الذى يذل نفسه لانسان اخر لئيم وصفيق ومجرم ولايخاف الله زى تجار الدنيا والدين عصابة الإنقاذ - اسف - اعنى الالغاااااز

تذكر ياعثمان كيف ذلك واهانك ((( كمال عبيد))) في حوار تلفزيونى؟؟؟ والله وتالله لو ده انا كان امام المشاهدين واحد فينا الى المشرحة والأخر الى الاعدام


#1504248 [مهدي إسماعيل مهدي]
4.71/5 (8 صوت)

08-15-2016 03:21 PM
لو تعلمون حجم الأموال التي تهدر في مناهضة المحكمة الجنائية الدولية وتحسين صورة البشير، لسقطتم مغشياً عليكم.

مؤتمرات تعقد في الخرطوم، وهدايا ورشى تقدم لمسئولي المنظمات والمؤسسات الإفريقية، ومحاولات إختطاف لتلك المنظمات وزرع عملاء النظام بها، وحفلات تكريم للمسئولين والمسئولات السودانيات، وإستضافة لوفود وفعاليات بلا أي فائدوة منها للشعب السوداني وغيرها،،،، وغايتو رزق الهبل على المجانين.

[مهدي إسماعيل مهدي]

ردود على مهدي إسماعيل مهدي
United Kingdom [عبدالحميد البراري/ شعب جاهل] 08-16-2016 12:18 PM
يا اخونا bakee
فوضه اكثر من الدولار يصل 15 الف عليك الله انت مصدق عندك حكومه ود وله وشعب . ياخوي عصابه الحراميه ديل لو مامشت السودان كده كده رايح مشتت وممزق والي زوال طال الزمن او قصر. شعب جاهل

[sasa] 08-16-2016 08:37 AM
الأخ مهدى انا برد على الأخ BAKEE واظن باكى وزارف الدموع على البشكير وعصابته ؟؟؟؟ ماذا تعنى بقولك محاكمة البشير فوضى عارمة ؟؟؟ فوضى وعارمة بتاعة الساعة كم ياسيد ياجيد؟؟؟

هل كلاب البشير ومليشياته المستورد من الأجانب لهم القدرة والقوة للوقوف في وجه العدالة ؟؟ لو كان ذلك كذلك لفعلها هؤلاء الوسخ والوهم منذ سنوات؟؟ لاتثبطوا الهمهم وتبثوا سمومكم الالغازية المجرمة ......

بعدين انت من اين ظهرت زى البروس تابع متاسلم مندس والله من امنجية نظام الخرطوم وكافورى قرف

Romania [الدولي] 08-16-2016 01:03 AM
يا bakee أنت ما متابع شكلك البشير صدرت ضده احكام من المحكمة الجنائية بتسليم نفسه وتوجيه للدول بإعتقاله الكلام دا ما كلام المعارضة وإكون في علمك الحكومة السودانية موقعة على ميثاق تكوين المحكمة الجنائية سنة 1991 يعني ياهم كيزان السجم ديل نفسهم الوقعو على ميثاق المحكمة الجنائية وأصلا المجتمع الدولي أو فلنقل بصراحة امريكا والدول الاوروبية م عاوزة البشير إتحاكم عاوزين إستخدموا المحكمة كفزاعة ضده لمزيد من التنازل والانبطاح لو عاوزين اجيبوهو بجيبوهو

Saudi Arabia [bakee] 08-15-2016 06:49 PM
طيب بالواضح كدا يعني يتحاكم البشير عشان المعارضة ترتاح ولا شنوا ياجماعة انا ملاحظ انو في ناس بتصدر احكام وموضع قضايا السودان المعارضة تسعي لتدويلها عشان يسقط النظام وارجو تكون الناس واعية حجم الموضع لان محاكمة البشير معناه فوضة عارمة ارجو حل الموضوع بالطرق السلمية بدون تدخلات اي كان نوعها والمعارضة لازم تكون شريفة ونزيهت في قضاياها واطروحاتها مش همهم اسقاط النظام باي شكل كان انا ملاحظ بعض القراء والتعلقيات بتصب غضبها بدون وضع اعتبار انو المتضرر في الاول والاخير هو الشعب السوداني .


#1504245 [AAA]
5.00/5 (3 صوت)

08-15-2016 03:15 PM
اليوغندي ده زاتو يكون الكيزان أدوه رشوة كبيرة (دولارات) وزورا ليهو المستندات (لانهم اكبر مزورين) وقالوا ليهو قول كدا!!هههه
اهلنا الافارقة يموتوا في الدولارات !!!

[AAA]

#1504234 [زول ساي]
4.75/5 (7 صوت)

08-15-2016 02:54 PM
ودا كمان ما يطلع غاش للبشكير وقال ليهم عندي مستندات تورط رئيسة المحكمة الجنائية الدولية وقاموا دفعوا ليهو عشان يسود وش بنسودا ويبيض وجوه مجرمي الحرب؟! تكون دي الفضيحة التالتة بعد قميص ميسي والفركة الحبشية

[زول ساي]

#1504224 [هههههههههه]
4.99/5 (13 صوت)

08-15-2016 02:38 PM
العبووبة
الشارط العين…
والخارب سوبا...
لا عز ... لا كرامة يفرحووبا
لا وطن لا هوية.. يفخرووبا..
خيبة بس
""""""
يسفروك يودوك.. بصعوبة يرجوعك بفضيحة .. يضحكووبا
من سماء الحرمين طلعووبا
بالجو ( طردوك) رجعووبا
جرجروك.. جروك في ابوجا ..
ومن جوهانس نجوك باعجوبة ..
لا رجولة.. لا شهامة... يشهدووبا
جري بس..
"""""""
خلايجة في الشرم ...جرجرووبا
سمعة وطن .... بشتنووبا..
تركولك القاعة....وفضووبا
لا افارقة ستروك .. لا عروبة
ضياع وبس..
""""""
وطنا الراح في غيبوبة.
في عهدك ضاع وبقي العُوبة..
جنيه هلكان.. راكوبة ..
والسوق فلتان لهلووبة..
لا ضبط لا ربط لا رطوبة
جفاف وبس.
""""""
سيول وامطار ...بهبوبا
مشاريع باينة ...وظاهرة عيوبا ربا وسرقة وضربات ملعوبة
بالجد بالجد….. بلد منهوبة
وما فيش مسئول داقي طوبة
لا اخلاق لا امانة.. سمعووبا
فساد وبس…
""""""
جنوبنا حليل .. واو وجووبا ..
ودارفور كردفان.. بي حروبا
نزوح ولجو لشعوبا
موت مجان…في دروبا
اطفال هيبان ضحووبا..
لا طفولة ...لا براءة ..اتهنووبا
حروب وبس.
""""""
بلد مفدية لفردا ..بحصار وعقاب مضروبة
لجبان مرهون عرقوبا
وتموت الناس .. مرعوبة
وتشيل يا بشة ذنوبا ..
يسير بشة .
على اجسادنا ... وفووقا
لاهاي لابد.. يحكمووبا
والسفر لو طال..يصلووبا..
لاهاي بس
""""""
دقسوك لبسوك بردلوبة
بقميص وفنيلة ...ينصبووبا !!!
سذاجة وعبط وفضايح يحكووبا
قلبت في راسنا الهوبا ..
لا فهم لا فكر ..يغطووبا .
جهل بس

[هههههههههه]

ردود على هههههههههه
Sudan [Negreo] 08-16-2016 09:17 AM
يا أخي إنت صاحب أجمل تعليق......بس بلال موسى حايشتكيك لناس لاهاي أقصد لناس الملكية الفكريةههههههههههههههههههههههه

United Arab Emirates [الغاضبة] 08-16-2016 07:21 AM
Like ya هههههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة