الأخبار
أخبار إقليمية
برلمانيون يطالبون الرئاسة بتقييم اوضاعهم أو فض المؤسسة التشريعية وتسريح النواب
برلمانيون يطالبون الرئاسة بتقييم اوضاعهم أو فض المؤسسة التشريعية وتسريح النواب
 برلمانيون يطالبون الرئاسة بتقييم اوضاعهم أو فض المؤسسة التشريعية وتسريح النواب


صفقة الـ (80) سيارة المخصصة للنواب تفجر ردود افعال داخل المجلس الوطني
08-18-2016 11:14 AM


البرلمان: سارة تاج السر
فجرت صفقة شراء 80 سيارة ماركة (آي تن)، المخصصة لنواب البرلمان نظير اقساط شهرية تصل الى 4750 جنيهاً لمدة 4 اعوام، ردود افعال واسعة النطاق بين اعضاء المجلس الوطني، ففي الوقت الذي اعتبر البعض ان حجم القسط يفوق دخلهم الشهري البالغ 3700 جنيه، تساءل آخرون عن المعايير التي ستوزع على اساسها لجنة شئون الاعضاء ذلك العدد من السيارات في وجود اكثر من 250 نائباً يستغلون المواصلات العامة و(الامجاد والركشات) للوصول للمجلس، وطالبوا الصحفيين باجراء دراسة او تحقيقات،عن اوضاع النواب تبين للرأي العام حقيقة اوضاعهم الاقتصادية.
وكانت اللجنة المذكورة قد ابرمت صفقة لشراء 80 سيارة آي تن من شركة جياد لصناعة السيارات بقيمة 228 مليون جنيه للسيارة الواحدة، تخصم في شكل اقساط من النواب بواقع 4750 جنيهاً شهرياً.
في السياق طالب ممثل الدائرة 12 تندلتي النائب المستقل احمد صباح الخير الصحفيين بإجراء دراسة او تحقيقات عن اوضاع النواب وإزالة الصورة الذهنية الخاطئة عنهم بشأن تقاضيهم مبالغ خرافية واقتنائهم للسيارات الفارهة، وقال صباح الخير (نحن نتقاضى 3700 جنيه فقط فيها التزامات اسرية واجتماعية تجاه مواطني الدائرة وغيرها من المصروفات الاخرى)، واوضح ان 40% من النواب يضطرون لاستغلال المواصلات العامة للحاق بجلسات البرلمان.
وطالب صباح الخير في تصريحات صحفية امس، رئاستي الجمهورية والبرلمان بالالتفات لاوضاع النواب، واشار الى ضعف رواتب اعضاء البرلمان السوداني مقارنة ببرلماني تشاد والصومال الذي قال ان نوابهما يتقاضون 300 الف دولار، 200 دولار على التوالي.
واعتبر صباح الخير، ان السيارات التي جلبتها لجنة شئون الاعضاء حقاً وليست منحة من الدولة، وابان ان مبالغها تخصم شهرياً من رواتبهم.
من جانبه كشف النائب يعقوب السيد حامد من حزب الامة القيادة الجماعية عن وجود اكثر من 250 نائباً يستغلون المواصلات العامة و(الامجاد والركشات) للوصول للمجلس، وطالب رئاستي الجمهورية والبرلمان بتقييم اوضاع النواب بما يليق بالمؤسسة التشريعية او فضها وتسريحهم والعمل بمراسيم جمهورية، وتساءل عن المعايير التي ستوزع على اساسها لجنة شئون الاعضاء الـ80 سيارة، واعتبر ما يثار بشأن استحقاقات كبيرة يتقاضها النواب اجحافاً وعدم فهم للحقائق.

الجريدة


تعليقات 19 | إهداء 0 | زيارات 5213

التعليقات
#1506340 [ود الجزيرة]
5.00/5 (2 صوت)

08-18-2016 08:47 PM
والله العظيم انتم ركشة كتيرة عليكم .
أريد إنجاز واحد عملوه هولاء الكومبارس
هل ذهب واحد الي دايرتة .
راتب قال .من أخذ الأجر حاسبة الله بالعمل.
أنتم نايمين وتصحوا وقت الصفقة.

[ود الجزيرة]

#1506331 [برعي]
5.00/5 (1 صوت)

08-18-2016 08:19 PM
إقتباس من حديث سعادة البرلماني
"واشار الى ضعف رواتب اعضاء البرلمان السوداني مقارنة ببرلماني تشاد والصومال الذي قال ان نوابهما يتقاضون 300 الف دولار، 200 دولار على التوالي."

دا همكم يا كومبارس الحكومة؟

[برعي]

ردود على برعي
United Arab Emirates [جفال] 08-18-2016 09:38 PM
هو البرلمان باقى ليه كم ؟


#1506316 [ود بانقا]
0.00/5 (0 صوت)

08-18-2016 07:46 PM
لو تسمعوا مني ، الناس تقوم دغش وكل واحد يشيل ليهو حجر قرنيت ويتم رجم النواب بهذه الحجارة عن خروجهم من القاعة ، رجم حتى الموت.
عشان نكون أشجع من السيل الذي دمر مزرعة السفاح بالسليت.ود بانقا

[ود بانقا]

#1506261 [Free]
0.00/5 (0 صوت)

08-18-2016 05:36 PM
كل زول حسب حجم التافه يدوهو اى تن و الاتفه بدوهو برادو و اتفه التافهين لاندكروزر فأنت مفروض تسعى لانك تبقى من اتفه التافهين

[Free]

#1506213 [سمية]
4.00/5 (1 صوت)

08-18-2016 04:19 PM
مفروض يوزعوهم لشركات النضافة
لانم ما عندم اي انتاج غير النوم والصفقة

[سمية]

#1506133 [أبوهاني]
0.00/5 (0 صوت)

08-18-2016 02:03 PM
كلام غريب ياجماعة الناس ديل ما بتختشوا نحن عايزين نعرف عملوا شنوا للمواطن واستفاد منهم البلد بي شنو افتكر احسن اجلسوا في منازلهم وما في داعي الحكومة تشتري لهم سيارات لانهم ما منهم فائدة .

[أبوهاني]

#1506113 [محمد عوض]
5.00/5 (1 صوت)

08-18-2016 01:31 PM
يا جماعة ده المرتب الأساسي لكن أكيد الدخل يعني المبلغ الذي يحول للبنك فوق الـ 20ألف وهو أجاب على نفسه يخصم من مرتبه 4750 جنيه في كثير من الجهات الراتب الأساسي لا يشكل 10% من الدخل .. هناك البدلات والتي في بعض الحالات تربو على الـ 40 بند ولا إنتو مش معاي

[محمد عوض]

#1506112 [جملجس]
0.00/5 (0 صوت)

08-18-2016 01:31 PM
اقتباس
واشار الى ضعف رواتب اعضاء البرلمان السوداني مقارنة ببرلماني تشاد والصومال الذي قال ان نوابهما يتقاضون 300 الف دولار، 200 دولار على التوالي.
هههه ,, تشاد والصومال ,, مطبقين الديمقراطية يعني ؟؟؟؟!!!!
ديلك ادوهم عشان يسكتوا ,,,
ولا نسيت ,,, انتو برضو دايرين تسكتوا ,,,
المثل بقول جوًع كلبك يتبعك ,, دي من االيب التطويع ,,
تنشغل بالعربات والمرتبات وتنسى المواطن والملفات

[جملجس]

#1506098 [الجربان]
0.00/5 (0 صوت)

08-18-2016 01:11 PM
ياجماعة العضو مساء الخير يختج وله حق معقول زول شغال صفيق يدو 3700ج عازف البنقز بياخذ في الليلة الواحدة 500 جنيه في الشهر بطلع 10 حفلات ب 5000ج والعضو من ماجابو من اهله بصفق ب 3700 معقولة دي زول يومو كل يصفق يركب المواصلات معقولة دي وكمان امجادت ووركشات زول عضو دلدو جابوه صفاق ماينصفو نحن عامة الشعب نعلن وقوفنا مع النوامين السجمانين الصفاقين ونعلن عن تسير مظاهرات كبري للوقوفق مع الصفقين النوامين المعفنين

[الجربان]

#1506095 [محمد النور]
5.00/5 (2 صوت)

08-18-2016 01:07 PM
هو إنتو قاعدين تعملو شنو للمواطن حتى تقوم الدولة بتوفير سيارات لكم ؟؟

لم نعرف عن برلمان السلطان سوى الصفقة للوزراء و لمسئولى الحكومة و سوى الجلوس بالساعات بموبايلاتهم فى الواتسأب و الفيسبوك لتمضية ساعات العمل ..

و حتى ال 3 مليون و 700 الف ال بدوكم ليها دى كتيرة جداً عليكم لأن ماتقدمونه من عمل لا يساوى الأجر .
ف أخجلو و إختشو و شوفو عملكم فى محاسبة الحكومة و مسئوليها و محاسبة المفسدين و ناهبى المال العام بدلاً من محاولاتكم إنتو برضو فى نهب المال العام بطرق رسمية .

[محمد النور]

#1506092 [يوسف رملى]
0.00/5 (0 صوت)

08-18-2016 01:00 PM
النواب المحتجون .. إكتشفوا أخيراً بأنهم لا يملكون شىء .. وغيرهم من بيدهم
الحل والربط .. لديهم كل شىء ... هذا هو مستوى دولة الفساد ..
وأين موقعنا نحن كشعب ؟؟؟ أقل شىء يمكن أن نحصل عليه هو خدمات أساسيه
تحفظ لنا كرامتنا .. حسبنا الله ونعم الوكيل ....

[يوسف رملى]

#1506090 [سامر على]
0.00/5 (0 صوت)

08-18-2016 12:50 PM
كانت اللجنة المذكورة قد ابرمت صفقة لشراء 80 سيارة آي تن من شركة جياد لصناعة السيارات بقيمة 228 مليون جنيه للسيارة الواحدة، تخصم في شكل اقساط من النواب بواقع 4750 جنيهاً شهرياً.
كدى واحد يشرح لى العملية الحسابية دى , معليش انا كانوا بيطرودونى من حصة الرياضيات ,, 228 مليون على 4750 فى الشهر بتخلص فى كم سنة ؟

[سامر على]

ردود على سامر على
Saudi Arabia [الفاتح] 08-18-2016 08:01 PM
أثبت أنك ما كنت بتحضر حصة الرياضيات قالوا حيتم السداد في مدة أربعه سنوات بواقع السنة 4750 وقيمة العربه 220 مليون ... طيب أضرب 4750 في 4 سنوات وشوف الناتج كم ... وأمشي أدرس رياضيات تاني والمشكله يا أستاذ أضرب عدد العربات 80 عربيه في قيمة العربية 220 مليون بتساوي كم ... أليس هناك جهة في حاجه لهذا المبلغ أكثر من النواب ؟؟؟؟؟

Saudi Arabia [ابومحمد] 08-18-2016 03:08 PM
4 سنوات فيها 48 شهر
4750*48=228


#1506087 [ود احمد]
5.00/5 (1 صوت)

08-18-2016 12:43 PM
يجب تسريح كل المجالس والولايات والوزراء
يجب تقسيم السودان لخمس مناطق على كل منطقة حاكم منتخب والوزارات تقتصر على 15 وزارة اتحادية فقط اما المناطق فيكون هناك مساعدين للمحافظ فيً كل شؤونها اذن نحن اي الشعب لسنا في حتجة لهذا الجيش الجرار من المتسكعين لان جميع قرارات المجلس تطبخ في لجنة شوورى المؤتمر اللا وطني وانتم تمامة جيرتق
انتم عبارة عن عطالة مقنعة ماذا قدمتم للشعب وبعدين دي سيارات دي نصب واحتيال من الشركة سنتين وترقد في الواطة
من اين اتى هؤلاء

[ود احمد]

ردود على ود احمد
Saudi Arabia [برعي] 08-18-2016 08:23 PM
يا سلام عليك يا ود أحمد
جيوش من العطالة يتطفلون على أموال دافع الضريبة والجباية والرسوم من برلمانيين ووزراء ومنسقين واتحادات وأمن واجسام لا تفيد الشعب ويجب إيقافها ويتوجهون للإنتاج حتى تعود للبلاد عافيتها.


#1506074 [ابو وليد]
0.00/5 (0 صوت)

08-18-2016 12:20 PM
عوزين سيارات لي شنو..هو انتو قدمتو شنو ..والله عار عليكم ياصفيقة ياهتيفة..اختشو وخلو عندكم شوية دم ..البلد طفحت من الفساد وانتم ولا علي بالكم
وعاوزين سيارات كمان ..

[ابو وليد]

#1506064 [ابوفارس]
4.50/5 (2 صوت)

08-18-2016 11:50 AM
يب ( نوام ) المجلس التشريعي البصفقوا لرفع الدعم عاملين زعلانين وقالوا عاوزين عربات i10 . لانه النائم ما ممكن يساكك المواصلات والركشات زي المواطن العادي عشان ما يجي يحصل الصفقة في البرلمان وياخد ليهو تكية وقيلولة ويقوم تاني يرجع بالمواصلات . وبدل الجماعة ديل يصحوا من النوم وتاني ما يصفقوا لاجازة الميزانية الفشنك ورفع الدعم أخترح يجيبوا من عربات ( بوكو حرام ) المسروقة دي وتملكوها ليهم وأهو سيارات حرامية ومشت لحرامية ويبقى كلوا حرام في حرام ويا دار ما دخلك شر . كل شييء ولا زعل النواب هههههههه عالم بطالة ..,,

[ابوفارس]

#1506059 [هشام]
0.00/5 (0 صوت)

08-18-2016 11:43 AM
كلام غريب ي بتاع تندلتي انتو المفروض يلموكم ويحرقوكم بجاز وسخ تقول المرتب 3700الناس عارفا دا الاساسي والبدلات مفتوحة انتو عاملين شنو ل الشعب جابوكم ب التزوير عشان تنوموا وتاخدو رواتب بلا يبلاكم

[هشام]

#1506057 [منصورالمهذب]
0.00/5 (0 صوت)

08-18-2016 11:38 AM
كلما صغرت الكعكة كاما زاد العراك و الصراخ و الضرب تحت الحزام فعل الوحوش في الغابات.و سبق ان قلنا ان العاصمة اصبحت اكبر غابة في السودان وعليه يمكن شن حرب العصابات فيها لانها غابة بكل المقاييس.

[منصورالمهذب]

#1506053 [قساس فادي]
0.00/5 (0 صوت)

08-18-2016 11:36 AM
ماذا يستفيد المواطن السوداني من النائب البرلماني يدفع له 3700 حنية .. اقسم بالله اذا كنت نائبا لطلبت التسريح ولما تقاضيت مليما .. ولا اقبل ان استنذف المواطن الغلبان (رواتب مكيفات -مرطبات وحاجات تانية كاستغلال الموقع ) بالله كل واحد يمشي محل جاء منه واستحوا شوية

[قساس فادي]

#1506052 [كعلول]
0.00/5 (0 صوت)

08-18-2016 11:35 AM
اذا كان حسب كلام النايب راتبه 3700 جنيه زعلان ليه علي المعايير التي سيتم بها توزيع العربات التي يبلغ غسطها 4750 جنيه يعني القسط اكتر من راتبه ب 1050 جنيه. وقبل ان يسءل عن المعاير في توزيع السيارات كان يسال ماذا قدم هو وزملاءه النواب للمواطن نظير هذا الراتب

[كعلول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة