الأخبار
أخبار إقليمية
في اتصال هاتفي من مقر إقامته بأمريكا الحسن الميرغني يكلف أحمد سعد بلقاء والده في القاهرة
في اتصال هاتفي من مقر إقامته بأمريكا الحسن الميرغني يكلف أحمد سعد بلقاء والده في القاهرة


08-20-2016 01:39 PM

الخرطوم:
يغادر وزير رئاسة مجلس الوزراء أحمد سعد عمر إلى القاهرة فجر غد (الأحد) لإطلاع رئيس الحزب الاتحادي الديمقراطي الأصل محمد عثمان الميرغني على أوضاع الحزب بالداخل والملفات السياسية المشرف عليها من خلال شراكته في الحكومة، في وقت نفى فيه الحزب إلغاء تكليف مساعد رئيس الجمهورية الحسن الميرغني بأمر الحزب.

وأشارت مصادر إلى أن الحسن الميرغني أجرى أمس من مقر إقامته بالولايات المتحدة الأمريكية اتصالاً هاتفياً بوالده الذي وصل إلى القاهرة الأربعاء الماضي بيَّن فيه كل الخطوات التي تمت بشأن الشراكة مع الحكومة.

وأوضحت المصادر أن الحسن كلف من خلال اتصال هاتفي أحمد سعد عمر بالتوجه للقاهرة للقاء رئيس الحزب وإطلاعه على الملفات السياسية والوضع التنظيمي داخل الحزب على أن يلحق بهم بنفسه في منتصف الأسبوع القادم بالقاهرة قادماً من الولايات المتحدة الأمريكية.

الصيحة


تعليقات 9 | إهداء 0 | زيارات 3533

التعليقات
#1507501 [حسن الامين]
0.00/5 (0 صوت)

08-21-2016 11:47 AM
حليلكم بقيتوا تمشوا على تعليمات الاولاد .. الى متى الاقطاع والاستعباد ... عاشوا وتذعرعوا على اكتاف المساكين بوهم البركة وامتلكوا الاراضي .. الديناصور وهم الناس بمعارضة الحكومة .. وكان يردد سلم تسلم بين القاهرة واريتريا . واخيرا سلم اولادو للقصر .. ههههههههه.. ينتهي الجيل المتخلف ده تاني مافي حاجة اسمها ميرغني او مهدي... تاريخ مزبف وسيادات مخلفات الاستعمار الميرغني الكبير اتي مع المستعمر ..

[حسن الامين]

#1507275 [منازلهم]
0.00/5 (0 صوت)

08-21-2016 06:21 AM
يا ربى الجيل الجديد بيعرف الواحد زمان كان بيمتحن الشهادة السودانية من منازلهم يعنى ما يمشى الحصص لكن يجى يمتحن اخر السنة طبعا بيكون شاطر و خبرة فى الامتحان هسع زولنا ده كاشف الامتحان عديل و البخرات فى الامتحان بيجيبها ليهو احمد سعد عمر؟.,,

[منازلهم]

#1507236 [ابو مصطفى]
0.00/5 (0 صوت)

08-21-2016 12:17 AM
انا مستغرب في الجهلاء الذين يتبعونهم. السوان بلد مقسمه خيراته ع ثلاثة يا صادق يا مرغني يا مؤتمر وطني. خلينا ليهم البلد

[ابو مصطفى]

#1507206 [ود الريف الحريف]
5.00/5 (2 صوت)

08-20-2016 10:22 PM
المهازل تتواصل فى زمن العيال الذين وجدوا البلد مستباحة من قبل شرذمة لا أخلاق وخلاق لهم ،،،
البلد تحكم بالرميتول كنترول وهؤلاء يتلاعبون بمصيرها ،،،
هذا الأخنس الخيس ألم يقل بأنه سوف يحل مشاكل البلاد فى 181 يوما
هذا الصايع الذى تربى على أكتاف وصدقات الشعب السودانى منذ أن تم تعيينه فى هذا المنصب الهلامى لم يمكث داخل البلاد 181 يوم
البلد راحت يارجالة
البلد ضاعت فى شربة موية
البلد راحت شمار فى مرقة
البلد عصارها لاوى
البلد ينقصها الكفن لكن لا يوجد مكفن
البلد إتنهبت واهلها قاعدين فراجا
البلد نهبوها الحرامية من أهل الأموال والدثور ( قاطرات السكة شاهد وعلامة )
البلد من المفترض أن يصلوا عليها صلاة الإستسقاء
البلد،،، البلد،،، البلد ،،، يا حليل البلد وأهل البد ..............

[ود الريف الحريف]

#1507198 [زول مراقب]
0.00/5 (0 صوت)

08-20-2016 09:53 PM
هههههههههههههههههههههه

و الله غايتو جنس غايتو ..

الخبر كلو على بعضو كدا عبارة عن نكتة سمجة تنتزع منك ضحكة محشرجة بلا معنى.

واحد في امريكا قال لي واحد في السودان امشي قابل ابوي في مصر عشان توريهو احوال البلد و السياسة.

خليك من الاحداث الواردة في الخبر . الزول الكان بيكتب في الخبر في جريدة الصيحة و بعدين وداهو للمطبعة و مر بي كل الاجراءات كان شاعر بي شنو ؟ المفروض يكون لي هسه بيضحك.

خاتمة :
ميرغني بتاع فنيلتك !

[زول مراقب]

#1507136 [الخزين]
0.00/5 (0 صوت)

08-20-2016 07:47 PM
الحسن الميرغني يكلف احمد سعد ليلتقى محمد عثمان، طيب نحن مالنا؟ محمد عثمان والمطارزيه بتاعننو زى سيدنا سليمان ومنساته او عكازه، مات وزول عارف مافى
لما دابة الارض او الارضه اكلت العكاز وسليمان دق الدلجه، نفس المنظر، أهل الكهف،

[الخزين]

ردود على الخزين
United Arab Emirates [liglig] 08-21-2016 10:52 AM
استغفر الله يا يا الخزين اعمل حسابك من الجماعة ديل يقوموا يسخطوك بجن اميركى يخليك تكورك ذى المرشح المجنون داك اسمو منو كدة ترررررم

Niger [Alkowm] 08-21-2016 02:33 AM
ياسيد الخزين تأدب فى حديثك عن الانبياء ديل ما ناس نافع ولا الحكومه ظاهر من كلامك جاهل والله كلامك دا من ملحد مايطع استغفر الله وتوب


#1507074 [Zombie]
4.25/5 (4 صوت)

08-20-2016 05:26 PM
ههههههه الأب في لندن والإبن في أمريكا هذا حزب يرأسه أجانب ,لو كان الأمر بيدي لشطبت هذا الحزب نهائيا ولحرمت علي الميرغني وأولاده من دخول السودان مرة أخري,ماالذين يدرينا علي أنهم عملاء لهذه البلاد, والسؤال يوجه للشعب السوداني هل يقبل برئيس أجنبي عليه؟
المضحك إبن الميرغني ترك ملف الأمن الغذائي وراح يقيم بالقرب من مجلس الأمن الدولي .

[Zombie]

#1507034 [جنرال زمان]
3.75/5 (4 صوت)

08-20-2016 03:59 PM
طيب هو كلف أحمد سعد دا يمشي يقابل أبوه الدجال الكبير في مصر! السؤآل مين حيدفع تكلفة سفر الوزير دا، هل من قروش الحزب واللي هي قروش الغلابا السودانيين ولا من خزنة الحكومة اللي هي قروش الشعب السوداني المسكين!!! حريقة فيكم يا حرامية يا نصابين

[جنرال زمان]

#1506986 [الحقيقة]
4.50/5 (4 صوت)

08-20-2016 02:26 PM
بالله دة مش مسخرة

والود دة أعلن قبل أسابيع عن عودته للبلاد لكن ظاهر عليه فضل الترطيبة في أمريكا وعلى حساب الشعب الصابر على الفيضانات والبعوض والأوساخ وأكاذيب الحوار الممجوج.

[الحقيقة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة