الأخبار
أخبار إقليمية
الامة القومي والوطني الاتحادي يؤمنان على وحدة المعارضة
الامة القومي والوطني الاتحادي يؤمنان على وحدة المعارضة
الامة القومي والوطني الاتحادي يؤمنان على وحدة المعارضة


اتفقا على التعبئة لتحقيق الانتفاضة حال عدم استجابة النظام للتغيير
08-22-2016 11:14 AM


الخرطوم: رابعة أبوحنة
كشف رئيس الحزب الوطني الاتحادي يوسف محمد زين، عن لقاء جمعه مع رئيس حزب الامة القومي الصادق المهدي بمقر اقامته بالقاهرة يوم امس، حول الوضع السياسي الراهن.
وقال يوسف انهم اتفقوا على ضرورة وحدة المعارضة لتوحيد جهدها من اجل ترقية العمل المعارض بهدف تعبئة الجماهير لاجبار النظام للاستجابة لتطلعات الامة السودانية في التغيير والتحول الديمقراطي بالحوار الشامل المتكافئ، والانتفاضة حال عدم استجابة النظام.
واضاف ان الحزبين أمنا على ان المرحلة الحالية هي مرحلة حزب السودان الواحد وليست مرحلة فرقة وشتات، وتابع ان اللقاء تناول الوضع السياسي الراهن والتردي المريع في الاقتصاد، بالاضافة الى اخفاقات الحكومة في الخريف وما ترتب عليها.
ونوه يوسف الى اتفاقهما على المطالبة بفتح قنوات لاغاثة المتضررين جراء الحرب، بجانب التأمين على اهمية وقف الحرب كضرورة انسانية ومدخل اساسي لبدء المؤتمر التحضيري.

الجريدة


تعليقات 11 | إهداء 0 | زيارات 3380

التعليقات
#1508479 [ودالياس]
0.00/5 (0 صوت)

08-23-2016 04:41 AM
يوسف احتكر الحزب مبكرا بقصد التحكم والسيطره ..ثم ذهب به لحوش ازرق طيبه سليل الصوفيه معتقدا أن الاسم الوطنى الاتحادى انتهى وبقى مربط ..يوسف ماضيه السياسى ضعيف ونكره لا اصل له واتباعه فى حدود عشره انفار مساكين بما فيهم عبدالله ..وهو شيخ مسكين عايش لافكار من زمن المحرك البخارى ولايعرف عن السودان شى الا شويه مواطنين غلابه مستضعفين من منطقه تقلى ...يوسف مؤتمر وطنى شغال بتكنيك غازى وحين رزق وعثمان مرغنى وبقول والله اعلم انو خريج السوربون يعنى زميل الترابى فى جمعيه خريجيها وكده..لقد شدد ص على تجنب الكذب لكن مافيش فايده ..الكضب بقى شطاره..اللهم عليك بالصوفيه والشيعه والوهابيه ..

[ودالياس]

#1508360 [Alkarazy]
0.00/5 (0 صوت)

08-22-2016 08:19 PM
طبخه.. بسم الله.. ماشاء...يسلم ليكم الامريكان...نخبه مسخره عرايا ساكت...وعلى رأسئكم الكيزان....يخسي عليكم

[Alkarazy]

ردود على Alkarazy
European Union [حسن الامين] 08-23-2016 12:47 AM
ياناس ماتتعبوا نفسكم ديل بقايا نظام اقطاعي .. منتظرين منهم حل .. ديكتاتورية متقوقعة وتنادي بالديمقراطية .. اتعودوا انو الناس يخدموهم .. بس تاني مافي شوفوا غيرها .. اهو هسي بيخدموا في الانقاذ ومنبرشين ... واحد كان بقول سلم تسلم والتاني تهتدون .. هعهعهعهع واخرتا اولادهم في القصر


#1508349 [خال فاطنه]
0.00/5 (0 صوت)

08-22-2016 07:45 PM
أي جماهير تستطيعوا أن تعبوها ، وهل الصادق المهدي يصلح لإدارة بقالة .
خليك من الكلام ده . وأعملوا مهرجان تسوق وعندكم عبد الرحمن الصادق يمدكم بالمغنيات ندى القلعة وإنصاف مدني.

[خال فاطنه]

#1508275 [omer]
0.00/5 (0 صوت)

08-22-2016 04:37 PM
ايوااا انتهت مرحلة نداء السودان وبدأت مرحلة السودان الواحد والانتفاشة الناعمة

[omer]

#1508197 [إشراقات مهنيّة]
0.00/5 (0 صوت)

08-22-2016 03:02 PM
المرحلة التأريخيّة وليست الحاليّة
كانت مرحلة كيان وليس حزباً واحداً للأمّة السودانيّة
ذلك الكيان فلسفته براجماتيّة أطلسانيّة مبنيّة على ما ينفع البريّة
ولا تتعارض مُطلقاً مع أديان الحق الذي ينفع البريّة
والأفكار الإنسانيّة الخادمة للبريّة

أمّا من حيث الوِجهة أو الهويّة الواقعيّة الحاليّة
فلقد فتننا في ديننا ودنيانا وإقتصادنا ... كيان حركتنا الإخوانيّة
الذي فرض علينا دولة إخوانيّة لا شرقيّة ولا غربيّة

على كُلّ حال مرحباً بالتعدّديّة الطائفيّة
اليساريّة واليمينيّة والوسطانيّة داخل كيان البراجماتيّة
المعنيّة بخدمة أجيال الدولة السودانيّة

و بالإضافة إلى الهويّة الأطلسانيّة
يا حبّذا لو هندسنا أحزابنا أو تحالفتنا السياسيّة
على أن تكون تماماً معنيّة بالمشاركة الإيجابيّة في هندسة الكونفيدراليّة
بين الدول النيليّة والأبيض -متوسّطيّة وشرق-الأوسطيّة
على حسب إستراتيجيّتنا الأطلسانيّة

[إشراقات مهنيّة]

#1508129 [قلام الفقر]
3.00/5 (1 صوت)

08-22-2016 01:27 PM
ياسلام: اكتفى بالاتى :- (مالى اسمع جعجعة ولا ارى طحينا). سئمنا من هذه الشاكلة من التصريحات والكلام واى كلام فارغ. وكفى

[قلام الفقر]

#1508122 [السر موسى]
0.00/5 (0 صوت)

08-22-2016 01:18 PM
الميرغنى واولادو فى لندن
الصادق حايم بين فنادق باريس والقاهره واديس هههههههههههههههههههههههههه
عاوزين الشعب المسكين الغلبان اطلع والله كلام
بالله ده كلام يعقل انسو شكلهم كل واحد بتكلم حسب ليلته الحمراء
ياخ الشعب ماقادر اطلع موية المطر والسيول والفيضانات من بيتو
من اين له المقدره ولاامكانيه ان يطلع ناس المؤتمر من القصر

[السر موسى]

#1508106 [البخاري]
0.00/5 (0 صوت)

08-22-2016 12:50 PM
كدي أول حاجة خارجو أولادكم ود المهدي وود الميرغني يعدين عبوا الجماهير لأنو الانتفاضة لمن تجي ما بتميز.

[البخاري]

#1508088 [القطر قام]
0.00/5 (0 صوت)

08-22-2016 12:30 PM
اهو حكي ... بنسمع في الكلام دة من زمن طويل
الانتفاضة اشتعلت في ٢٠١٣ كنتو وين?

[القطر قام]

#1508073 [خالد]
0.00/5 (0 صوت)

08-22-2016 12:09 PM
تعبئة شنو ياناس الجماهيرية دا ياجماعة بقت من رابع المستحيلات كونو تعملو انتفاضة بقيتو زي الحكومة تلعبو بعقول الناس دي
احلاااااااام كونو الشعب يطلع مظاهرات وينتفض مافي اي حل تاني والله الناس ديل اتمكنو ومليشيات جاهزة لاي طؤاري

[خالد]

#1508072 [نصر الدين البشير]
0.00/5 (0 صوت)

08-22-2016 12:09 PM
سمعت وبتذكر الحزب الوطني الانحادي ده ، لكن اول مرة اسمع باسم يوسف محمد زين ده.. على العموم شكرا وحاضيفوا لمعلوماتي..

[نصر الدين البشير]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة