الأخبار
أخبار إقليمية
نظام البشير : (6) مليارات جنيه جملة تحويلات المغتربين خارج النظام المصرفي
نظام البشير : (6) مليارات جنيه جملة تحويلات المغتربين خارج النظام المصرفي
نظام البشير : (6) مليارات جنيه جملة تحويلات المغتربين خارج النظام المصرفي


مطالبة بسعر صرف تشجيعي للمغتربين لتمكين تحويلات المغتربين،
08-25-2016 11:30 AM
الخرطوم: تقوى موسى
كشف ممثل جهاز تنظيم شؤون السودانيين بالخارج حسن بابكر عن جملة مبلغ تحويلات المغتربين خارج النظام المصرفي البالغ (6) مليارات جنيه، ولفت الى انها تتوجه الى الصين لاستيراد سلع هامشية.
وطالب بابكر في ندوة (الجنيه السوداني الى اين؟) بمركز التنوير المعرفي أمس، بسعر صرف تشجيعي للمغتربين لتمكين تحويلات المغتربين، وقال (لا بد ان تدعم الحكومة تنفيذ مخرجات اقتصاد الهجرة)، واشار الى انحراف الجهاز عن دوره الاساسي، ورأى انه اصبح جهازاً إجرائياً بالحكم والتسلط وفرض الضرائب والرسوم والجبايات.
واضاف ان البرنامج الخماسي للدولة لم يشر الى اقتصاد الهجرة الذي ظل منسياً، وتابع ان سياسة التحرير حررت الدولار، ونوه الى تحويلات المغتربين بالطريقة غير الرسمية، وابان انها وصلت خلال العام 2015م الى 3 مليارات ونصف المليار دولار، وزاد (الآن تراجعت التحويلات ففي بداية العام بلغت 100 مليون دولار)،وأردف (لا بد من إجراءات تحفيزية لتحويلات المغتربين بالقنوات الرسمية).

الجريدة


تعليقات 21 | إهداء 0 | زيارات 4278

التعليقات
#1510219 [ALIIIIIIIIIIIIIIIIIIIIIIIIIIIIII]
0.00/5 (0 صوت)

08-26-2016 12:47 PM
لصوص وحرامية وهمباتة وعينكم قوية....للمرة البليون سياساتكم ونفاقكم ونهبكم وحلولكم الغبية هي من اوصل الدولار الي 16 جنيه مالم يتوقف النهب والحلول الغبية لن ينصلح حال البلد اطلاقا...ودونكم مفاوضات (((مشاكسات)) اديس ابابا

[ALIIIIIIIIIIIIIIIIIIIIIIIIIIIIII]

#1510143 [الدنقلاوي]
0.00/5 (0 صوت)

08-26-2016 07:28 AM
والله كان نططو قرش واحد يتحول بي بنك من بنوك السودان مافي هو بالله دي بنوك خدمات زي وشهم وحسابك انت يتصرفو بي هم تسحب على كيفهم تقول داير المبلغ الفلاني بالدولار يقول ليك ده كتير الا كده يا ود ده حسابي لا والعجب مره عديل قال لي ما حنديك عملة صعبة حولنا حسابك عملة سودانية ان شاء الله تتحرك البنوك بي جاااز مستفيدين شنو عشان كده كرهت السودان وخليتو ولو اتباع نصيبو بتبرع بي لي سفلته شارع الله اكبر الله اكبر الشرف البازخ

[الدنقلاوي]

#1510065 [مغترب]
0.00/5 (0 صوت)

08-25-2016 10:21 PM
لو اديتونا في الريال 100000جنيه ما بنحول ليكم لانكم سفهاء غير مرشدين و ان شاء الله نحول بالطرق البنعرفها بس الشي الوحيد الممكن تكسبو بيه نقد اجنبي ادو اي مغترب فرصة استيراد سيارة بغض النظر عن الموديل و ما تلزمو الواحد بالخروج النهائي من البلد الهو فيه لانه احتمال وقت الخروج النهائي ظروفه ما تسمح ليه بالتكاليف و الجمارك و ندفع ليكم الجمارك بالنقد الاجنبي يا سفهاء

[مغترب]

#1510047 [KOZE KADDAB]
0.00/5 (0 صوت)

08-25-2016 08:42 PM
نا كوزير مالية ولائي سابق، اعلم ان ميزانية الدولة تعتمد اساسآ على
المغتربين. يقوم المغتربون بامداد التجار بالعملة الصعبة لاستيراد كل
شيء من الابرة الى القطارات وتباع البضاعة اضعاف تكلفتها الحقيقية
بما نفرضه من رسوم وجمارك وضرائب، فالبضاعة التي تكلف مليون
دولار تدٌر علينا خراجآ اكثر من ٤ مليون دولار.الحكومة تشجع استيراد
كل شيء لانه يدر دخلآ لنا .
لجذب مزيد من اموال المغتربين قررنا زيادة اسعار منتجاتنا المحلية
من فول وخرفان وجداد وبرسيم ومنقة وبقر وزيت سمسم وعيش فتريتة وغاز،
لان من يدفع هو المغترب فسيطلب اهله في السودان زيادة التحويل من ٢٠٠
دولار الى ٣٠٠ دولار.
الدليل على صحة كلامي ان نسبة ارتفاع اسعار السلع تفوق كثيرآ نسبة
ارتفاع الدولار.......
انتو يا ناس الراكوبة قايلين الاقتصاد والمالية حاجة صعبة فالمدعو
عبد الرحيم حمدي بخبرته في جرد الدخل اليومي لدكان بيع الثياب
السودانية بشبردبش بلندن صار يدير السودان وعمل مثلث كمان

[KOZE KADDAB]

#1509912 [أحمد برستو]
0.00/5 (0 صوت)

08-25-2016 03:06 PM
يا أخوانا البركه فيكم .. أصبروا شويه .. ويا غندور ماتصبر أبو رياله ده.

[أحمد برستو]

#1509896 [شمنتود]
5.00/5 (1 صوت)

08-25-2016 02:41 PM

حوافز للمغتربين حسب تحويلاتهم .. وهل تماسيح النيل يوافقون على ذلك لا أعتقد لأنهم لا يسعون لشىء يفيد المغترب تكلمنا عن هذا الموضوم مرارا وتكرارا وكتبنا الكثير من الرئيات في مقالات سابقة .. يجب أن يكون للمغترب دور كبير في بناء إقتصاد البلاد يسمح للمغترب إستيراد مواد البناء وإستيراد السيارات وإسيراد بعض المواد الغذائية الضرورية للبلاد وأخرى .. ولتكن ذلك برسوم جمارك معتدلة ( مخفضة ) على أن يكون للمغترب نقاط تحتسب له النقاط عن كل مبلغ يتم تحويله للبلاد بالقنوات الرسمية بالسعر التشعيعي المعقول.. وعند وصوله لعدد متفق عليه من النقاط يسمح له بإستيراد السلعة الضرورية أو سيارة خاصة له بقيمة جمركية مخفضة (إسمية) .. بذلك قد يتحصل المغترب على نقاط يتم إعتماده من قبل وزارة المالية خلال سنوات إغترابه.. وعند الحوجة يتم تعويض النقاط بقيمة السلعة التي يمكن إدخاله للبلاد .. أو تعويض نقاطه مادياً .. كده ممكن المغترب يشجع نفسه بالإلتزام بتحويل جميع مدخراته أو جزء منه داخل البلاد ... ولكن أن يحول المغترب أمواله دون جدوى ودون مردود مادي أمام الجنيه التي ينهار أمام أعيننا يوميا بسعر أقل فلا يمكن ذلك .. إطلاقاً ..

[شمنتود]

#1509893 [شليل]
0.00/5 (0 صوت)

08-25-2016 02:31 PM
--- و اضاف انها وصلت خلال العام 2015م الي 3 مليار و نصف و زاد الان تراجعت و بلغت 100 مليون دولار .
اكييييييد غلطاااااااان ؟؟؟؟؟
و الان زادت الي ما يقارب 5 ملياااااار .
كيف لها ان تتراجع و الدولار في صعود مستمر مقابل الجنيه.

[شليل]

#1509886 [ود الفاضل]
0.00/5 (0 صوت)

08-25-2016 02:18 PM
من أين لكم هذه الاحصائية لتحويلات المغتربين ؟؟؟؟؟؟ وقيل لولا تحويلات المغتربين لباتت البلد كلها فى الشارع ، كما عبر بذلك الكاتب الفاتح جبرا ( ساخر سبيل ) مبالغ المغتربين المتوجهه الى الوطن السليب خارج النظام المصرفي ( البائس المنهوب ) تتجاوز هذا المبلغ المزعوم عشرات المرات ،، فهي الطعام والعلاج والضرا والحج والتعليم وتحرير المساجين واعالة الايتام ورعاية الارامل ( ضحايا صيف العبور الكاذب ) وتحويلاتهم الشهرية للاسف هي احدى اسباب بقاءكم فى حكم لاخير فيه ( المغتربون ،) لانهم حمالين التقيلة وقشاشين الدموع وهم خريف الرتوع ، وهم الضرائب على مدى اربعين عاما ولا تزال الساقية مدوره وما من مواطن الا واصابه من غيثم مطر غزير !!!!!!! ورغم هذا الايثار لم ينالوا من تراب الوطن الا الحسد ونكران الجميل الرسمي والشعبي ومن يعترض على قولي فاليأتي بما لديه واتحدى رئيس البلد نفسه ان يقول غير هذه الحقيقة .هذا اذا كان يعرف حقيقة واحدة من مأساة البلد ( فهو ربع قرن فى غيبوبة وسكرة الحكم الذي نزل عليه وما كان فى احلامه ، حيث كان اقصى مايتمناه نزول المعاش وشراء لوري لنقل البصل من نهر النيل الى السوق العربي!!!!... وعلى الرغم من كل عطاء المغتربين المبذول ...... حكام آخر الزمان ، الذين استولوا على سدة الحكم حين وجدوا الدهر اعمى والزمان مغفلا !!!!! لازالوا يغازلوا فى ابناء السودان الذين ابت انفسهم الضيم والمهانة والمذلة وشتوا فى بقاع الارض من اسكندنافيا الى البرازيل يقاسون مرارات الاغتراب وتحمل المشاق من اجل الذين لايجدون حبة الاسبرين بدون مقابل فى بلد المهدي الامام !!!! لازاولو ا حكام الغفلة كلما ضاغت عليهم الارض وروعهم شبح الفقر والسقوط ، يطالبون المغتربين بتحويل مدخراتهم ومصاريف الاهل والعشيرة عن طريق بنوك افضلها ( حرامي ) محترف ويحرمون المغترب مجرد قبول فلذة كبده فى جامعات وطنه الا مقابل مئأت الملايين ، ويحرمون اباه مجرد اعفاء لعربة صغيره تقيه شر المسألة !!!! لاأعتقد يوجد مغترب واحد مغفل فى الثمانية مليون مغترب الذين فروا بجلودهم من حفرة النحاس يقوم بتحويل ريال واحد لمن لاأمانة لهم ... لذا ابحثو عن مورد غير اموال المغتربين وهيهات !!!!

[ود الفاضل]

#1509884 [المخدوووووووووووووووع]
0.00/5 (0 صوت)

08-25-2016 02:12 PM
خلاص نشفتو البلد عايزين تقبلو على قروش المغتربين ؟؟؟؟؟ الله لا غز فيكم بركة

لو نخسر ما ح نرسلها عن طريق بنوك الكيزان ، تباً لكم يا وهم

[المخدوووووووووووووووع]

#1509876 [تأشيرة خروج]
5.00/5 (1 صوت)

08-25-2016 01:59 PM
تشموها قدحة

[تأشيرة خروج]

#1509871 [سلام يا بلادي]
0.00/5 (0 صوت)

08-25-2016 01:50 PM
اعطوا المغتربين اراضى سكنية او تجارية او زراعية او صناعية فى مواقع استراتيجية فى الخرطوم وفى الولايات بشرط تكون ذات قيمة حقيقية وواضحة تشجعهم على تحويل مدخراتهم للوطن وتشغيل الاف الشباب الباحثين عن وظائف لان الاغتراب برضو الان بات صعبا خاصة فى الخليج بسبب التوطين ولكن قبل كل شىء على الحكومة اصلاح المنظومة الاقتصادية بالكامل باعادة الهيكلة وطرد الكم الهائل من الدستوريين والموظفين الذين لا حاجة لهم وترشيد الصرف وقتذاك المغترب يطمئن ويحول الدولار من اجل مصلحة الوطن.

[سلام يا بلادي]

#1509859 [عبد الحميد صديق ركابى]
5.00/5 (2 صوت)

08-25-2016 01:38 PM
لا لا ولن يلدغ المغترب من جحر مرتين فما بالكم بمئات التى خدع فيها المغترب فى الوادى الاخضر وسندس والمندره والتحويلات التى تحولت من عمله صعبه الى جنيه سودانى مهلهل ومن لم يتعظ فذنبه على جنبه

[عبد الحميد صديق ركابى]

#1509852 [عدو الكيزان]
5.00/5 (1 صوت)

08-25-2016 01:22 PM
المغتربين كانو منسيين لانو فى نقاطه البترول بعد راح والقروش خشت الجيوب قبلتوا علي المغتربين لكن نسيتو انو اصبح هناك عدم ثقه بين الحكومه والشعب السوداني الذي اصبح يترك بلدة غصبا عنه ويهاجر برا وبحرا وجوا

المغتربين ماااااا بتلقوها منهم تاني

[عدو الكيزان]

#1509845 [الفاروق]
0.00/5 (0 صوت)

08-25-2016 01:05 PM
الدولة تنهار اقتصاديا رجعوا ما نهبتوه وسيروا فى طريق الاصلاح بصدق وامانة ليرى المواطن عملكم ويقتدى بكم فانتم كبراءنا وسادتنا هل تعلمون انكم هالكون اخرويا بدليل الحال ان اقلق الباب وانتم هكذا .

[الفاروق]

#1509829 [سوداني]
5.00/5 (1 صوت)

08-25-2016 12:45 PM
قروش المغتربين ما حتشوفو منها ولا هللة ياحرامية ..

[سوداني]

#1509822 [kako kiko]
0.00/5 (0 صوت)

08-25-2016 12:36 PM
ههههههههههه وبيلو دا قاعد يدكس وبحول رسمي ولا شنو يا ود كسلا ؟؟؟؟؟؟؟

[kako kiko]

#1509815 [تاجر عملة]
0.00/5 (0 صوت)

08-25-2016 12:29 PM
والله يا المغتربين شيلو شيلتكم الجماعة دولا ختوكم في خشم المدفع

[تاجر عملة]

#1509814 [hamed]
0.00/5 (0 صوت)

08-25-2016 12:29 PM
لو عملو الجمارك 10% وفرضو تحويل ما قيمته 25% من سعر شراء السيارة المشتراة حينها يمكن زيادة عرض الدولار مع ترشيد الانفاق الحكومي يمكن للدولار أن ينخفض

[hamed]

#1509813 [ود احمد]
5.00/5 (1 صوت)

08-25-2016 12:28 PM
تلحسو كوعكم لو عايزين التحويل على بنوك الاخوان المسلمين
الدايرها يجي يقلعها
ههههههه

[ود احمد]

#1509802 [واحد قرفان جدا]
5.00/5 (1 صوت)

08-25-2016 12:10 PM
تبكو بس ....

[واحد قرفان جدا]

#1509788 [ودكسلا]
5.00/5 (1 صوت)

08-25-2016 11:42 AM
لما اعرف حقوقى وتيسره امرى وتنزيل الجمارك زى كل دول العلم 10% واهم شي تشيلوا التماسيح الواقفه فى بوابة الدخول ده بعدين نحول ليكم اما كده ابقاء بلوا

[ودكسلا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة