الأخبار
أخبار إقليمية
حميدتي : عرمان شخص مُتملق (وزول خاشي بالعرض) سنفاوضه بالبندقيه...من هو عرمان حتى نتحدث عنه ...والله ما قاعدين نهدد زول ولا قاعدين نشيل حق أحد
حميدتي : عرمان شخص مُتملق (وزول خاشي بالعرض) سنفاوضه بالبندقيه...من هو عرمان حتى نتحدث عنه ...والله ما قاعدين نهدد زول ولا قاعدين نشيل حق أحد
حميدتي : عرمان شخص مُتملق (وزول خاشي بالعرض) سنفاوضه بالبندقيه...من هو عرمان حتى نتحدث عنه ...والله ما قاعدين نهدد زول ولا قاعدين نشيل حق أحد


الديمقراطية التي أعرفها هي الشورى ولا تعني (انو الناس تمشي عريانه)...
08-25-2016 01:35 PM
*قائد قوات الدعم السريع اللواء محمد حمدان دقلو (حميدتي)

كُل من يتحدث سلباً عن الدعم السريع بيننا وبينه القانون


ماعندي شغله بالمفاوضات ولا قاعد أتفاوض أصلاً


حُكم وتحنيس الإتنين ما بتلمو والصيف القادم سنحسم التمرد في كل السودان.
انا شخص عسكري أعمل بالتعليمات وكلام الرئيس عن المتمردين صحيح.
مافي شئ بمشي بدون دفر ويداً تحمل السلاح وأخرى تعمر

منذ ان تم الإعلان عنها كقوات تتبع لجهاز الأمن والمخابرات الوطني ظلت الدعم السريع حاضرة في المشهد السكري والسياسي ، عسكرياً تمكنت القوات التي يقودها محمد حمدان الشهير بحميدتي من تحقيق إنتصارات على التمرد في دارفور وسياسياً اقتيد بسببها الإمام الصادق المهدي الى غياهب الجب سجيناً جراء إنتقاداته الحادة للدعم السريع قبل عامين من الآن في ذات الوقت يدور لغط كبر حول القوات التي اصبحت زائعة الصيت والإتهامات التي توجه إليها (الأهرام اليوم) جلست لقائد قوات الدعم السريع دون خطوط حمراء فخرجت بالحصيلة التالية .

حوار:أبوبكر مُختار – ميسون البصير


نبدأ حوارنا من حيث إنتهت المفاوضات ؟
قبل أن نبدأ الحوار نحن نُرحب بكم ترحيب حار في مكاتبنا إخوتي (ميسون) و(ابوبكر) في رئاسة قوات الدعم السريع وسعيدين بمقابلتكم ونشكر مجيئكم إلينا في مكاتبنا ...
الأمين العام للحركة الشعبية ياسر عرمان طلب أن يتفاوض معك ؟
من قبل رديت على عرمان ولكن لا يمنع ذلك من أن أرد عليه مره أخرى .. المفاوضات انا غير مُلم بتفاصيلها ..
أليس لديك علم بأسباب فشلها وإنهيارها؟
لا أعلم أسباب فشلها،لأنني في ذلك الوقت كُنت في الصحراء لا أعلم بما كان يجري في غرف التفاوض ...
إذن بماذا ترد لياسر عرمان؟
ردي لياسر عرمان بأنني ليست لدي علاقة بالمفاوضات لا من بعيد او من قريب .. من هو حميدتي فحميدتي هو جُزء من الدولة وجُزء من الجيش الذي يتحدث عنه ياسر عرمان ...
مقاطعه ... لكنه يتهمك بأنك من تحاربه في مناطق العمليات في المنطقتين؟
(لو قال بأنه انا احاربه او الجيش في النهاية المسألة واحده ) ولا أعترف به مُطلقاً من هو عرمان حتى نتحدث عنه ...لا أعترف بعرمان كشخص رئيسي في المفاوضات او كشخص رئيسي في الحركة الشعبية قطاع الشمال او حركات دارفور ...
لكنه الآن هو امين عام للحركة الشعبية ويتحدث بإسم قضايا المنطقتين؟
لا أعترف به مُطلقاً وأعتبره شخص مُتملق (وزول خاشي بالعرض) ...ومصيره سيكون مثل مصيره عندما كان مع الحركة الشعبية في الجنوب او مع عقار وعبدالعزيز الحلو فنهايته ستكون معروفه ..عندما وقع الجنوب إتفاقية (نيفاشا) وإنفصل الجنوب ( طلع عرمان ساكت وطلع يفتش ليهو في مكان ولمه في عقار)...

عرمان وعقار والحلو جبهة واحده ولديهم وجود وسط أبناء النيل الأزرق وجنوب كردفان ويحظون بدعمهم ؟
(ماعندو قيمة وسطهم) وإذا إفترضنا أن أبناء جنوب كردفان والنيل الأزرق يُطالبون عن قضايا ما الذي يطالبه عرمان...
يطالب بحل كُل قضايا السُودان والهامش العريض؟
قضايا السُودان مكانها الحوار الوطني (خليهو يجي الحوار الوطني) والحركات المُسلحه الآن تُحارب في جنوب النيل الأزرق ودارفور (ما قاعدين يحاربوا في الجزيره او في شمال السُودان)...
لكنه يتبع لتلك المنظومات التي تقاتل في مناطق الصراعات؟
يعد من ضمن العُملاء التابعين للحركة الشعبية،وليس ضمن المنظومة ...
الا تعد الحركة الشعبية منظومة تطالب بحقوقها؟
المنظومة هي مجموعة قبائل وأبناء جنوب كُردفان والنيل الازرق وانا اعتبرهم اصحاب القضية اما ياسر عرمان اعتبره ضمن العُملاء المنضمين للحركات المُسلحة فقط لا أكثر (إذا وقع عقار بجي عرمان ينط مع الحلو) وهكذا.
اليس لديك أي علاقة بالمفاوضات؟
(ماعندي شغله بالمفاوضات ولا قاعد اتفاوض أصلاً هناك دولة تفاوض (انابة عني شنو يسوي حميدتي للدولة في النهاية انا زول عسكري بتبع للدولة وشغال بتعليمات الدولة سواء كان سياسياً او عسكرياً)...
لكنك تبدو رافضاً لفكرة التحاور مع قيادات الحركات وتطالب بتجاوزهم والنزول عند أهالي المناطق المتأثره هل يبدو ذلك ممكناً؟
(ممكن طبعاً ... لو فعلاً ناس عندهم قضية بناضلوا من أجلها مش من أجل مصالح) من الممكن جداً أن نتجاوز من يدعون بأنهم قيادات للحركات في المنطقتين ...
كيف هي الأوضاع الأمنية الآن في دارفور؟
دارفور الآن ليس بها أي تمرد فقط هناك معارضين في الخارج مني مناوي وجبريل إبراهيم وقواتهم مرتزقه في الجنوب كما هو الحال لدى جبريل إبراهيم ونفس هذا الأمر ينطبق على مني مناوي موجود في ليبيا...فالآن قواتنا تُغلق الحدود تماماً سواء كان الحدود التشادية او المصرية كُل الحدود مُغلقه (مني موجود في ليبيا مافي ليهو طريقة تاني يخش دارفور كل المنافذ مُغلقه) ..
إذن ... هل يُمكننا القول بأن التمرد في دارفور إنتهى تماماً؟
دارفور خالية من التمرد ..
مقاطعه ... لكن مازالت هنالك مناوشات؟
لا نُستطيع أن ننكر بأن هُناك جيوب بسيطه (عربيتين ثلاثة او حرامية مثلاً تابعين لمني في إتجاه مناطق (مُسبت وأمبرو) بصطادوا المساكين (زي التُجار الجايين من الطينه) ...
لكن مازال هناك وجود لقوات تتبع لعبد الواحد بجبل مره؟
جبل مره فيه جيوب صغيرة .. لأن الجبل منطقة شاسعه (وممكن واحد من أولاد المنطقة يندسا مع أهله ويعمل زعزعه ) لكن ما اود أن أقوله ليس هناك تمرد في دارفور على الإطلاق...
تقول بأن التمرد إنتهى في دارفور إذن لماذا تذهب الحكومة إلى المفاوضات في أديس ابابا؟
(أمشي واسأل الحكومة انا ذاتي مُحتار) ..
لكنك أنت تمثل الحكومة؟
( الحكومة هي قاعده تتفاوض انا ما قاعد افاوض ولا حاجة) فهي الجهة السياسية صاحبة القرار تتفاوض في ماذا هذا هو أمر مُحير ...
البعض يقول بأن حميدتي صوته عالي ويمتلك تأثير كبير على الحكومة؟
(صوت شنو يا اخوي) انا إنسان عسكري وفي نفس الوقت إنسان محدود ...
تنفي بأنك لم يتم إستشارتك في قضايا كثيره؟
(انا عسكري أشتغل بتعليمات) وليس هناك شخص يشاورني ولا موجود في صورة المفاوضات أصلاً ...
وماذا عن مناطق جنوب كردفان والنيل الأزرق هل يمكن ان نقول بأن التمرد فيها إنتهى ايضاً ؟
التمرد موجود في جنوب كردفان والنيل الأزرق ومن يقول بأنه إنتهى في تلك المناطق معلوماته ليست صحيحه التمرد موجود بكمية في النيل الأزرق وجنوب كردفان معاً هذا أمر لا يستطيع أحد أن يُنكره ...
الرئيس البشير قال بأن هذا العام هو آخر عام للتفاوض،هل برأيك (البندقية) ستكون هي حل لمشاكل السُودان؟
ما يقوله الرئيس نحن ننفذه وحديث الرئيس البشير صحيح والدليل على ذلك معركة (قوز دنقو) فالتمرد إتحسم في دارفور الآن إنتهت قضية دارفور ...
رغم ذلك المفاوضات قائمة مع الذين يحملون السلاح؟
في النهاية إنت دولة (حُكم وتحنيس الإتنين ما بتلمو)
بمعنى؟
الحُكم قالوا فيه اهلنا العرب ( لا لبن ولا عيش)، بمعنى مافي مُجامله ...
تقصد الحسم بالبندقيه؟
ممكن ان تعطي مجالاً للديمقراطية ولكن في نفس الوقت ماذا تعني الديمقراطية
هي الإحتكام لحكم الشعب؟
الديمقراطية التي أعرفها في القُرآن هي الشورى قال تعالى (وَأَمْرُهُمْ شُورَى بَيْنَهُمْ (وليس الديمقراطية هي الفوضى (والناس تمشي عريانه)...
الا ترى بأننا الآن مُحتاجين إلى الديمقراطية والإنفتاح أكثر على قضايانا السياسية؟
أمامنا إثنين (مافي شئ بمشي بدون دفر وزي ما بقولوا يداً تحمل السلاح تُقاتل وأخرى تعمر إذا جونا بالسلام حبابهم ولو ما جو نحنا جاهزين)..
جاهزين لحسمهم عسكرياً ؟
المهم ... نحن نبشر الشعب السُوداني بأننا جاهزين لأي شئ سواء كان في النيل الأزرق او جنوب كردفان (وفي دارفور شغالين عدييييييييييييل في أرض الواقع)...
حسم التمرد في كُل عام حديث تكرر كثيراً؟
كُل شئ بأمر الله لكن نعتقد بأن الصيف القادم سيكون حاسم وينتهي التمرد في كل السُودان ...
قوات الدعم السريع تتُهم بأنها قوات متفلته والبعض يطالب بتسريحها؟
(نحن ما شغالين بالحاجات دي وكلام الواتساب ما فاضين ليهو وما شغالين بيهو) بنقبل النقد اما التسريح (اذا سرحونا يكون ريحونا ذاتوا) ولكني احب أن تعلم بأننا لسنا (ميالين) لما يُقال عننا ...
لكن الإتهامات التي تواجهكم كثيرة في الآونه الأخيرة؟
كل من يتحدث عن الدعم السرييع بيننا وبينه القانون واود انا اذيع لكم سراً بأننا الآن القينا القبض على ثلاثة أشخاص أساءوا وتحدثوا عن الدعم السريع ...
ماهو شكل القانون الذي تقصده هل هو قانون خاص بالدعم السريع ام ماذا؟
عن طريق الشُرطة ندون بلاغ في النيابة ويُلقى عليه القبض بواسطة الشُرطه ونذهب معه إلى المحكمة والقانون يقول كلمته، من يتحدث عنا جزافاً سندون في مواجهته بلاغاً مثله ومثل أي مواطن..
مقاطعه ... هناك من يقول بأن كثرة الإتهامات الموجهه إليكم تعني بأنكم لستم في الطريق الصحيح؟
(والله ما قاعدين نهدد زول ولا قاعدين نشيل حق زول).
(الأهرام اليوم)


تعليقات 26 | إهداء 0 | زيارات 46029

التعليقات
#1510222 [عبوده السر]
0.00/5 (0 صوت)

08-26-2016 12:57 PM
من هو حميدتي فحميدتي هو جُزء من الدولة وجُزء من الجيش الذي يتحدث عنه ياسر عرمان ...!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

حرامي الحمير كاتل حيله أكيد راقد ليو فوق رأى أنشوف آخرتا.!!!!!!!!!!!!!!!!!

[عبوده السر]

#1510214 [المنجلك]
0.00/5 (0 صوت)

08-26-2016 12:29 PM
اهداء يا حميدتي عسكرية شنو وقوات شنو انتو ملشيات اسأل الناس الخدعوك ديل وطالب يتسليح وتدريب عسكري

بعدين تعال اتكلم مسكين استغلوا جهلكم

[المنجلك]

#1510159 [eze]
0.00/5 (0 صوت)

08-26-2016 09:17 AM
شخص لا يعرف اسلوب التحدث يتحدث بلهجة عامية كيف لشخص مثل هذا ان يكون قائد لقوات الله يرحم الجيش السوداني

[eze]

#1510141 [مستغرب]
5.00/5 (1 صوت)

08-26-2016 07:12 AM
مفاوضات شنو البفهم فيها السيكوبات المتخلف ده, أسألوه عن نوعية الحمير الصالحة للسرقة, عن طرق السطو وفنون القتل والاغتصاب, عن الصعوت والعرقى الجيد, قال لواء قال, الله يلوى رقابكم يا الكيزان.

[مستغرب]

#1510111 [الله ينتقم من الكيزان]
0.00/5 (0 صوت)

08-26-2016 01:35 AM
كان الاولى ان تسأله عن الفشقة تحديداً وعن حلايب

لانهم الان هم قافلين الجزء الشمالي الغربي من الحدود فقط ماذا عن الشمالي الشرقي وماذا عن الحبش الاحتلوا الفشقة وكل يوم يقتلوا في الناس

[الله ينتقم من الكيزان]

#1510092 [sudani]
0.00/5 (0 صوت)

08-26-2016 12:37 AM
مُتملق (وزول خاشي بالعرض) سنفاوضه بالبندقيه...من هو عرمان حتى نتحدث عنه ...والله ما قاعدين نهدد زول ولا قاعدين نشيل حق أحد
field marshal Hemity made an statement .
Boy AK47 and convey of cars would not make you a hero enjoy the leftover .that is given to you cause if you step again in Nuba mountains .you will be fed to Hyenas.

[sudani]

#1510087 [أحمد برستو]
0.00/5 (0 صوت)

08-26-2016 12:17 AM
أممممممممممممممممممم ..... كلام جميل

[أحمد برستو]

#1510061 [ود الجزيرة]
0.00/5 (0 صوت)

08-25-2016 09:58 PM
طيب كدي امشي لينا علي القضارف شوف لينا المليشيات الاثيوبيه دي فهمه شنو انشوف الرجاله دي

[ود الجزيرة]

#1510034 [الفارس]
0.00/5 (0 صوت)

08-25-2016 08:16 PM
حمدتي دا زول ماش صاح و كلامو واضح .. زول راجل عديييييل و ما بخاف لاهو و لا قوات الدعم السريع الناس ديا العملو الجيش ما قدر يعملو خلونا نكون واضحين ..

[الفارس]

#1510028 [الخرطومي]
5.00/5 (1 صوت)

08-25-2016 07:48 PM
دا اسمو حمارتي حرامي حمير كيف يصير لوائ الله يرحمه الجيش السوداني مفروض
يلبسوا ثيب نسائ

[الخرطومي]

#1510025 [حمدي]
0.00/5 (0 صوت)

08-25-2016 07:44 PM
الحقيقة تثبت و الواقع يدل علي ان المناضل ( ياسر هرمان ) صار أمل السودان -
الرجل سياسي محنك و مفاوض قدير و وطني غيور --
الرجل نزيه و شريف و طاهر اليد و عفيف اللسان لا سرق و لا خان --
اللصوص و الحرامية و المنافقيين و تجار الدين و الارهابيين اصحاب الاعطاب و العلل النفسية و الوسات و الهلوسات العقلية و اشباه و انصاف المتعلميين امثال ( حميدتي ) سارق الحمير و المرتزقة الاجانب و المحليين يرتجفون و ترتعش اياديهم و تجف حلوقهم و تزيغ ابصارهم عند ذكر اسم فارس السودان ( ياسر عرمان ) --
الشعب السوداني شيب و شباب نساء و فتيات يقفون خلف ( ياسر عرمان ) بحق و حقيقة --
اتحداك يا لواء اركان نهب حامل شهادة اكمال الصف السادس الابتدائي -- اتحداك ان تقيم استفتاء انت و البشير و بقية الرهط الفاسد في كفة و ياسر عرمان وحده في كفة حتما سوف ترجح كفة عرمان -- و هذه نبوءة للحقيقة و التاريخ ان ياسر عرمان سوف يكون رئيس السودان المنتخب -- بعد انجلاء الليل البهيم و ان غدا لناظره قريب --

[حمدي]

#1510011 [sasa]
4.25/5 (4 صوت)

08-25-2016 06:48 PM
قاتلكم الله يا اشباه الصحفيين ... ياصحفى الالغاز ... ياارزقجية


هذا المجرم المجرم النكرة الامى لواء اركان حرب سادسة ابتدائى .... نكرة مهما حاولت تعريفها فهى نكرة بحكم اللغة وتاريخ العسكرية السودانية


تفووووووووووووووو

[sasa]

#1510010 [مجروس]
0.00/5 (0 صوت)

08-25-2016 06:46 PM
وضح يا حميدتي انك مخدوع ومغشوش وماداري ولا عارف بالحاصل في البلد شنووو والجماعة عاملنك راكوبة وقاعدين في ضلك انت ياحميدتي بتحمي في الخونة والعملاء وهم ماضين في الخطة اليهودية لتدمير البلد وانت ومليشياتك الضامن الاول لاكمالها اصحي يارجل وخليك ملم بالحاصل في البلد بلا تغيب وتعتيم ولف بالصحاري ابقي قريب من الاعلام عشان تعرف انت في اي سكة تسير قبل فوات الاوان حيث لاينفع الندم

[مجروس]

#1510009 [AAA]
2.00/5 (1 صوت)

08-25-2016 06:45 PM
هناك ملاحظة في السؤال "جريدة الاهرام"..وهو:
*(الأمين العام للحركة الشعبية ياسر عرمان طلب أن يتفاوض معك) ؟
فهل حقا طلب ياسر عرمان ذلك!!..بل جاء حديثه بمعنى ان المليشيات الحكومية هي التي تحارب ولا يوجد جيش سوداني)..أدناه مقتطف ما قاله ياسر عرمان في مؤتمره الصجفي في اديس اواسط هذا الشهر..

*((فالحرب تستهلك أموال السودانيين وتستهلك أبناء السودانيين وإستهلكت القوات المسلحة السودانية، الآن لا توجد قوات مسلحة سودانية، ونحن يجب أن نتفاوض مع (حميدتي) ويجب أن لا نتفاوض مع هذه الحكومة لان الذي يحارب الآن هو (حميدتي) والذي يحارب يجب أن يفاوض ليس إبراهيم محمود أو غيره، لأنه الآن لا يحارب ، فالحرب الآن تقوم بها مليشيات تدمر النسيج الوطني السوداني، لأنك لايمكن أن تأتي بمجموعات من دارفور لتحارب في النيل الأزرق، لماذا تخرب العلاقات بين أهل دارفور والنيل الأزرق وبين أهل دارفور وجنوب كردفان / جبال النوبة)).

** اما باقي كلام حميدتي فهو نوع من "الونسة السخيفة".. في الحقيقة هو ومليشياته القبلية الجهوية اكثر ممن يتضرر من السلام ووقف الحرب!!
لأنه البلف حيقفل..والنهب حيقيف !!!

[AAA]

#1510005 [عدو الكيزان]
4.00/5 (3 صوت)

08-25-2016 06:27 PM
انت لا تساوي رباط حزاء ياسر عرمان يا رباطي
انت بتحارب بالوكالة اي أجل المال وقواتك مرتذقه واتحداك انك لا تعرف حتى تاريخ ااستقلال السودان
ياسر عرمان وغيرة من المناضلين سواء بالخارج او الداخل او حتي طلبه الجامعات وحتي الشعب السوداني لنا قصيه وطن مسلوب ومنهوب من قبل اقليه أتت بك من لتحمي مصالحها لذا القضيه ليست ياسر وحدة هناك مئات امثال ياسر عرمان
لكن انت عار عليك انت تقتل النفس التي حرم الله قتلها وتغتصب وتحرق قري وتهجير قسري وما خفيه اعظم
ونعلم جيدا لماذا أتت بك الحكومه وبالاصح البشير الي الخرطوم لانهم يخافون من اي خروج للشارع او تحرك الجيش
لذا اصمت ايها الروبيضه الجاهل

[عدو الكيزان]

#1509994 [كاكا]
3.00/5 (2 صوت)

08-25-2016 06:03 PM
هوي يا حمتي ما تتذاكي علي الكيزان وتعمل فيها مسكين وعبد المامور ! سمعت بقصة جزاء سمنار ولا ما دخلت مدرسة ؟ الكيزان ديل ترا خوافين وشكاكين ! اصلا هم خاتين عينن عليك من بقيت تتنبر ! وياسر عرمان تم ليهم الناقصة ! هسه انت سعادتك تهديد محتمل لرئيس الجمهورية.الترابي وعلي عثمان وبكري والصادق المهدي حلمهم الرئاسة دي منهم من قضي نحبه ومنهم من ينتظر اللتخ ده يتخارج ! جاي انت تحلم طوالي من حرامي حمير لرئيس جمهورية ؟؟؟ ليه ؟؟؟ ... مهما تجعجع وتعمل فيها كوز اكتر من الكيزان بلبدو ليك بلبدو ليك ... احسن من هسه تدرب جملك علي الحبيان

[كاكا]

#1509989 [ذكرى شهداء سبتمبر]
3.50/5 (4 صوت)

08-25-2016 05:48 PM
يتسائل من هو ياسر عرمان!! ومن أنت!! فأنت ليس الا صعلوك قاطع طرق لص مرتزق جاهل أمى, قبيح خلقة وأخلاقا ولا تنتمى لاصالة هذا البلد بأى شكل من الاشكال, أنت مجرد مسخ أتت به عصابة الإنقاذ لينفذ انتهاكاتها القذرة.

[ذكرى شهداء سبتمبر]

#1509950 [واحد قرفان جدا]
5.00/5 (1 صوت)

08-25-2016 04:13 PM
أنا لم اقرأ الموضوع ... وقبل ما اقراه عايز اعرف من أي كلية تخرج (اللواء) حميدتي ... وأي دفعة كان و من هم ابرز زملائه في الكلية الحربية مصنع الرجال سابقا... العندو معلومة أو دفعة اجاوبنا ....

[واحد قرفان جدا]

#1509935 [ود شندي]
5.00/5 (1 صوت)

08-25-2016 03:41 PM
ههههههههه سبحان الله
ههههههههههههه سبحان الخالق
ههههههههه سبحان الله الذي جعل السماء بناءا
هههههههههههه دا من وين دا ؟؟؟؟؟؟؟؟

[ود شندي]

#1509925 [نافع]
4.00/5 (5 صوت)

08-25-2016 03:22 PM
الروبيضة لص الحمير يفتي في ديمقراطية الرقاص
زمن التمرجي طه وحميتي

[نافع]

#1509919 [السطان ابراهيم قرض]
5.00/5 (3 صوت)

08-25-2016 03:15 PM
بالله عليك يا حمتدبي اذاما استقطاب القبلي ؤالعنصري من حكومتك الجهلة الفسق العهر داه بقطاع التائبين من النهب المسلح في بديت تكون قوات قريش في اطار التجمع !!!!القبلي والعنصري المعروف في نطاق دافور اي حديث ان انك عسكري دا كذاب وافتراء صريح العسكريه منظوم لها مدراس ومعاهد بمستوي الافراد والقيادات وميادين تدريب بقونين وعقيدة قتالية واضحز باالله انت دفتكه في العسكرية ناس ياتماحريج يتو مدرسة تدريب يا سعات اللواء التجمع

[السطان ابراهيم قرض]

#1509913 [الساعوري السعران]
4.50/5 (2 صوت)

08-25-2016 03:06 PM
اذا كانت هذه القيادة التي يعتمد عليها البشير قول للبشثر واطاطك اصبحت ...

[الساعوري السعران]

#1509904 [THE DOVEABOVE]
3.88/5 (5 صوت)

08-25-2016 02:55 PM
Himati is a mercenary and he is waging war by proxy. he is uneducated man used and abused by al-bashir.

[THE DOVEABOVE]

#1509899 [فيلق]
5.00/5 (1 صوت)

08-25-2016 02:47 PM
هههههههههههههههههههههههههههههههههههههههههههههههههههههههههههههههههههههه
الغف ياالبشير

[فيلق]

#1509895 [Alkarazy]
5.00/5 (3 صوت)

08-25-2016 02:40 PM
كلام زول بسرق في الحمير...ياهو ولا زول غيروا؟ افيدونا

[Alkarazy]

#1509879 [زول]
3.75/5 (4 صوت)

08-25-2016 02:06 PM
وطيب رأيك شنو يا حميدتى الرباط في الدولار العامل مجمجة! أوع الكيزان يغشوك ويدفعوا ليك بألجنيه الضارب المخستك.

[زول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة