الأخبار
أخبار إقليمية
عملية سطو غريبة على صراف آلي بامدرمان
عملية سطو غريبة على صراف آلي بامدرمان
 عملية سطو غريبة على صراف آلي بامدرمان


08-27-2016 09:52 PM

الخرطوم:

تمكن مجهول من السطو على صراف آلي خاص ببنك شهير بأمدرمان وسرقة جهاز تسجيل الكاميرات إلى جانب كاميرا التصوير، وتلقت شرطة الأوسط بمحلية أمدرمان بلاغاً من موظف بالبنك أفاد فيه بأن مجهولاً تمكن من فض أقفال الصراف الآلي بأمدرمان قام بإتلاف تغذية الخزنة وسرقة كاميرات المراقبة وإن جملة المسروقات وقيمة التلف تقدر بحوالي(70) ألف جنيه، ودونت الشرطة بلاغاً تحت الماده (174) من القانون الجنائي والمتعلقة بالسرقة ضد مجهول واتضح من التحريات بأن الصراف لا توجد به حراسة.

آخر لحظة


تعليقات 11 | إهداء 1 | زيارات 14516

التعليقات
#1511183 [ALIIIIIIIIIIIIIIIIIIIIIIIIIIIIII]
5.00/5 (3 صوت)

08-28-2016 02:43 PM
اصلا اجهزة الصرف الالي تكون مزودة بكاميرات موصولة بالشرطة او باجهزة حماية البنك نفسه حتي لو كان الصراف موضوع في صحراء الربع الخالي او صحراء كلهاري او حتي في كوكب زحل البلد الوحيد اللي في عسكري بيحرس ليهو صراف موجود في بلد العجائب الاسمو السودان لانو ناسو ذاتهم اعجوبة من عجائب الدنيا وفلتة من فلتاتها

[ALIIIIIIIIIIIIIIIIIIIIIIIIIIIIII]

ردود على ALIIIIIIIIIIIIIIIIIIIIIIIIIIIIII
[فرعون] 08-28-2016 10:53 PM
اتفق تماما مع آخر جزء من تعليقك، نحنا فعلا شعب أعجوبة!


#1511043 [ابو شهاب]
0.00/5 (0 صوت)

08-28-2016 11:18 AM
الراجل سرق الكميرات وجهاز التسجل وفض اقفال الصراف واتلف تغذيه الخزنه بس ماذكرت انه سرق محتويات الصراف طيب كيف قدرت المفقودات ب 70 الف الا يكون الراجل شال الجمل بما حمل

والصراف يفترض ان لايكون هنالك حارس يحرسه اذا كان المواطن مقتنع بوضعه المعيشى والسودانى معروف فى كل دول العالم بالامانه والصدق والشهامه بس المواطن فى السودان اصبح مضطر ان يعيش دون مراعاه لهذا حلال وهذا حرام ولماذا ؟؟؟؟؟؟؟؟؟؟ نسال العنبه الراميه فوق بيتنا

طيب اعملوا صراف خاص بالمساعدات واصدروا بطاقات صرف الى لكل مواطنى السودان على ان لايتجاوز الحد الائتمانى للسحب عن 100 جنيه عشان يقدر الواحد يمشى نفسوا فى بلد فيه ناس تتكلم بالمليارات واخرى لاتملك قوت يومه

اين العدل فى هذا ؟؟ والسودانى لايسرق ولايمد يده شوفوا الخرطوم التى اكتظت بالاجئين من دول الجوار وما خلوا لينا صفحه نتكل عليها

شيلوا صرافاتكم من الشوارع وختوها فى البنوك حفاظا على سمعه السودانيين

[ابو شهاب]

#1511031 [عمادالدين]
5.00/5 (1 صوت)

08-28-2016 10:48 AM
الصراف ما محتاج حراسة بدائية، عسكري ولا حارس أمن قاعد طول اليوم الموضوع بسيط جدا وأقل تكلفة من الحارس وأكثر فاعلية. في الدول المتقدمة وحتى في الأمارات القريبه دي جهاز الصراف بكون موصل مباشرة مع الشرطة أقل حركة فيه : لمس القفل ولا فصل التيار الكهربائي عنه بدي إشارة للشرطة وفي ظرف ثواني بتلقي الشرطة حاضرة. لكن اساسا خزينة الدولة سايبه أكان بقت على جهاز الصراف هينه.

[عمادالدين]

#1511005 [مبارك]
5.00/5 (1 صوت)

08-28-2016 10:21 AM
سرقة غريبة شنو يا ابن العم والله عندنا هنا بيشلو الصراف الالي زاتو و يهربو زي كانو ما حصل شئ عادي يا شباب

[مبارك]

#1510990 [ميسى بدون فانيلة]
0.00/5 (0 صوت)

08-28-2016 10:06 AM
الصراف الالى فى البلاد المحترمة بيكون فيها كاميرا مراقبة لاربعه و عشرين ساعى الصراف الالى لزوموا شنو فى بلد معظم سكانها جيعانين بلا صراف الى بلا وهم اى واحد بيقدر يسرق الصراف الالى نشجعه على ذلك

[ميسى بدون فانيلة]

#1510971 [shackle]
5.00/5 (1 صوت)

08-28-2016 09:32 AM
70 الف جنية يعني يعني 16الف ريال يعني راتب شهر شوية

[shackle]

#1510965 [محمد علي الشيخ]
0.00/5 (0 صوت)

08-28-2016 09:24 AM
الاخ منصور جعان وليس جيعان اذا فرضنا انه بالفعل جعان فهل لهذا الجعان ان يسرق مسروقات تقدر بسبعين مليون جنية بعدين الحرامي ماسرق رغيف ولا كشة فول ولا طرقة كسرة دا سرق اجهزه مراقبة وكميرات لامبرر لمثل هذه السرقات بتاتا البتة

[محمد علي الشيخ]

ردود على محمد علي الشيخ
European Union [ابو الخليفة] 08-29-2016 08:13 AM
جائع

European Union [ابو الخليفة] 08-29-2016 08:12 AM
الصحيح جايع وليس جعان ..


#1510950 [ابو جقادو]
4.00/5 (1 صوت)

08-28-2016 09:05 AM
اكيد أن السارق له دراية كبيرة باجهزة الصراف الالي، ولا يستطيع شخص عادي معرفة اجزاء الصراف المهمة حتى يمكنه من سرقتها.

[ابو جقادو]

#1510888 [زول الخلا]
5.00/5 (1 صوت)

08-28-2016 07:22 AM
بلد لسه شغلها هبتلي ..طيب لما بقيتو تعرفو الصراف الآلي أعرفوهو علي أصوله و أربطوهو بالشرطة عن طريق إنذار يعمل تلقائيا عند حدوث أي عبث...

[زول الخلا]

#1510870 [منصور القندب]
5.00/5 (1 صوت)

08-28-2016 05:54 AM
لو واحد جيعان سرق هل تقيم عليه الحد؟؟؟

[منصور القندب]

#1510817 [الداندورمي.]
5.00/5 (1 صوت)

08-27-2016 11:21 PM
إرسين لوبين السوداني .

[الداندورمي.]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة