الأخبار
أخبار إقليمية
اكتمال مراسم زوج أخت سلفاكير من أحد أعيان قبيلة البطاحين بالخرطوم - صورة -
اكتمال مراسم زوج أخت سلفاكير من أحد أعيان قبيلة البطاحين بالخرطوم - صورة -
اكتمال مراسم زوج أخت سلفاكير من أحد أعيان قبيلة البطاحين بالخرطوم - صورة -


07-07-2011 07:02 PM
الخرطوم : أيمن عبد الله
قبل ساعات من إعلان انفصال جنوب السودان وفي لقاء سوداني جامع حوى عدداً من القبائل السودانية تحت إيقاع الدلوكة الحار رقص الشمال والجنوب في الحفل الذي شهده الطابق الثاني بفندق برج الفاتح بالخرطوم في أمسية زفاف أخت رئيس حكومة الجنوب سلفاكير ميارديت غير الشقيقة من أحد أعيان قبيلة البطاحين. الليلة التي حضرها عدد من نجوم المجتمع السوداني جنوباً وشمالاً وعلى رأسهم كبار رجالات قبائل البطاحين والدينكا والمسيرية والذين تمايلوا طرباً وملأوا المكان بهجةًً وسرور.


دار سلام كير التي جدها لأمها الراحل (علي نمر) ناظر عموم المسيرية تقدم لخطبتها عبد الواحد عبد الباقي إبراهيم ابن البطاحين وأحد أثرياء الخرطوم قبل أن يعرف أنها أخت ( سلفا كير) وتفاجأ بعد ذلك بالخبر ... العريس (الشمالي) طاف أرجاء الصالة مبشراً بيده اليمنى وممسكاً يد عروسه (الجنوبية) باليسرى ليتبادل التهاني والرقص مع أهله وأهل زوجته مع الأغنيات السودانية التي تمايل مع فنانها (حسين الصادق) كل الحضور وبلا استثناء في حالة فرح تناسى فيها أهل السودان( القديم) رهبة الساعات القادمة وجراح الانفصال، وإن من فرقتهم السياسة تجمعهم المصاهرات الاجتماعية والأنغام السودانية.. مزيج ثقافات الشمال والجنوب

السوداني

image



تعليقات 64 | إهداء 26 | زيارات 41910


التعليقات
#186094 [محمد السوداني]
0.00/5 (0 صوت)

07-27-2011 05:20 PM
ورد في الحديث الشريف : تخيروا نسائكم فان العرق دساس.
وكما يقولون عين الريد حولاء.


#184992 [salih]
5.00/5 (1 صوت)

07-26-2011 09:51 AM

ما الغريب في الأمر يعني بطحاني تزوج جنوبية عايزين تعملوا نها قضية . . هذا الإهتمام الجيب وما صاحبه من غمز ولمزيؤكد الرفض العنصري لهذا الزواج وحتى لا تفاجؤوا أنسوا كل زيجات الشماليين من جنوبيات في أم دوم كمثال التي كادت أن تتغير تماما وأحسبوا عدد الجنوبيين الذين تزوجوا من الشوايقة أولا ، ومن الجعليين ثانيا . . وأخيرا من بقية العصب الذين يكثرون من الضجيج ويتهافتون على الدينار اللامع متناسين كل ضجيجهم وعنصرياتهم . . أعرف وزراء ومحافظين من الدينكا ويقية الجنوبيينوالنوبة متزوجين جعليات وشايقيات وبمعرفتي بالدينكا والنوبة والنوير من جهة وعموم الجعليين والشوايقة من جهة أخرى فلا أرى قط أفضلية لهلاء على أولئك اللهم إلا أن بعض الطرفيين يمتاز بالإنتهازية وبيع أغلى ما لديه ليبلغ هدفه . . ولا شك أنكم تعرفون من أقصد .

وحتى تعرفوا الذين تزدرونهم أسألكم هل سمعتم بواحدة من الدينكا أو النوير أو الشلك في بيوت الديوم ذات السمعة سابقا ؟
هل رأيتم منهم بناتهم ونسائهم واحدة على طرف شارع مظلم تنتظر ذئبا عربيا في سيارته الفارهة ؟
يا ناس أرعفوا قدركم قبل أن تشتموا الآخرين بلا جريرة


#183262 [mustafa]
5.00/5 (2 صوت)

07-23-2011 06:55 PM
مبروووووووووووك عقبال للبايريييييين من الرجال والنساء


ردود على mustafa
Sudan [12578451] 07-25-2011 12:11 PM
الجنوب خلاص وكونو يرجع للوحدة دا حلم ابليس في الجنة يا ناس خليكم واقعيين زواج شنو البرجع الوحدة تاني دة إنتهي خلاص مافي رجوع ولو اتزوج البشير بي ربيكا تعالو نفكر بوحدة الجزء الباقي من السودان انا بقترح نقوم نزوج بنت علي عثمان لي ولد عبد العزيز الحلو واخت البشير لي مالك عقار وبنت نافع لي مني اركو واخت د.خليل زوجة ثالثة للبشير ونجيب من الشرق ادروبية نزوجها لولد الترابي وما تنسوني انا تزوجوني بنت وداد زوجة البشير وكدة السودان بكون كتلة واحدة وينتهي الحروبات ويبدأ التنمية


#181777 [ام محمد ]
0.00/5 (0 صوت)

07-21-2011 12:07 AM
دي دليل على انو مافى فرق بين الشمال والجنوب لكن بعد دي حيكونوا فى الجنوب والا الشمال


#181206 [سلمى]
5.00/5 (1 صوت)

07-19-2011 11:45 PM
الليل الليل العديل والزين انتو ياجماعة الخير شنو دا البسال من الدلوكة الدقاها ليهم منو ؟والعريس ماسال من اهل العروسة مالو ! انتو سالو شوفو العريس حاني راسو الارض مالو خجلان من شنو والا العرووووس مجهمة جهيمة مافي ذرة فرحة في عينى شكلو العرس تما بقرار جمهوري .


#179138 [زولة]
0.00/5 (0 صوت)

07-16-2011 12:32 PM
يعني العريس آآآآآآآآآآآآبدا\" ما سأل uروستو عن إسمها الكامل وهي آآآآآآآآآآآآبدا\" ما قالت ليهو انا أخوي من اهم عناوين الأخبار في البلد؟ وعلي رأي احد المعلقين نحن شعب بيسأل من العروسة لحدي عم جد ابو اهل جيرانها خليك من اخوها!!! مخير الله
عموما بيت مال وعيال يا دارسلام!


#178709 [عبدالحفيظ ألآفندي]
0.00/5 (0 صوت)

07-15-2011 10:31 AM
ألف ألف مبروك للاخ عبدالواحد عبدالباقي أبراهيم من قبيلة البطاحين تزوج دار سلام أخت سلفاكير ميارديت رئيس دولة حكومة الجنوب وهي ألآخت من ألأب لسلفاكير وتم الزواج قبل ألأنفصال بيومين في برج الفاتح علما بأن المذكور عند خطبته للمذكورة ما كان عنده علم هي أخت سلفاكير وعرف بعد حضوره للخطبة بيت مال وعيال ،،،


#178159 [هلا]
0.00/5 (0 صوت)

07-14-2011 10:06 AM
الطيور على اشكالها تقع


#175470 [nourjola]
0.00/5 (0 صوت)

07-10-2011 09:57 AM
الف مبروك....وربنا يهنيكم.....وتصدقو ياجماعه اخى الله يرحمه كان مزوج جنوبيه......يعنى ياجماعة الشقل عادى مثل الزبادى................................البطحانى


#175157 [حافظ]
0.00/5 (0 صوت)

07-09-2011 05:29 PM
مبروك بس متاخر (ياوحدوي)


#175143 [الساير]
0.00/5 (0 صوت)

07-09-2011 04:36 PM

بسم الله الرحمن الرحيم

يا عريس هل لك عين بها تري ؟

أم لك عقل به تفكر ؟

السترة من العين وقبل ذلك أمر رباني .


#175054 [الكـــــــــــاتم]
0.00/5 (0 صوت)

07-09-2011 01:23 PM
الناس الواقعة تباريك دي في شنوووووووووو؟
والله فعلا شعب ساذج خلاص صدقتوا عشرة الونسة دي يعني؟؟؟
فالنفرض انها بنت سلفاكير من زوجتة البيضاء اها حيغير شنو في الواقع يعني؟؟؟
بلد وانـــــــــفلــــقـــت حبتين الله يفلق رأس السذاجة.


#175038 [زول من الشعب الفضل ]
0.00/5 (0 صوت)

07-09-2011 12:41 PM
الزول الكان سمح : والله إنت بتاع مشاكل :D :D :D



يعنى الدلوكة حيكون دقاها ليهم منو ؟؟؟؟ ما أكيد واحدة من الفنانات عوضية ولا سميرة ولا إنصاف




ولا إنت قصدك ...........................؟ ;) ;) ;)


#175023 [ابو علي ]
0.00/5 (0 صوت)

07-09-2011 12:05 PM
الف مبروك وعقبال العيال


#174968 [abukrkour]
5.00/5 (1 صوت)

07-09-2011 10:40 AM
هذا هو السودان ابن سلفكير يعلن اسلامه واخته تتزوج شمالى


#174897 [mwahib]
0.00/5 (0 صوت)

07-09-2011 09:14 AM
الف الف مبروك بالرفاء والبنين ... وربنا يسعدهم وبيت مال وعيال وعقبال الشباب كلهم


#174877 [سوداني وكفي]
0.00/5 (0 صوت)

07-09-2011 08:41 AM
يا ريت العريس يزوج اختة لسلفاكير عشان تكون الوحده جاذبة خخخخخخخخخخخخخخخخخخخخخخخخخخخخخخ


ردود على سوداني وكفي
Sudan [12578451] 07-24-2011 11:27 PM
يا ناس خليكم واقعيين زواج شنو البرجع الوحدة تاني دة إنتهي خلاص مافي رجوع ولو اتزوج البشير بي ربيكا تعالو نفكر بوحدة الجزء الباقي من السودان انا بقترح نقوم نزوج بنت علي عثمان لي ولد عبد العزيز الحلو واخت البشير لي مالك عقار وبنت نافع لي مني اركو واخت د.خليل زوجة ثالثة للبشير ونجيب من الشرق ادروبية نزوجها لولد الترابي وما تنسوني انا تزوجوني بنت وداد زوجة البشير وكدة السودان بكون كتلة واحدة وينتهي الحروبات ويبدأ التنمية;)


#174643 [Atim Tayyara]
0.00/5 (0 صوت)

07-08-2011 06:39 PM
The statement in this post is mere rubbish and no way that it has relevance to truth and reality. I know the Messiria very well and theier leading family of AL Nimir Ali Algulah,they have relation what so ever with Salva Kiir.Moreover they will never let any of their women geting married to a Southerner for religion reasons and other aspects that we all know. The lady in the photo has no similarity with Sava kiir in appearance or personality.I think it is a bad joke to show real photos of people in such a way.


#174559 [deng]
0.00/5 (0 صوت)

07-08-2011 04:19 PM
I will like to said 2 my borther inlow congrazition awo mabrook in arbic and 2 my sister mabrook two beacues love is abot family isse it not haet.


ردود على deng
Malaysia [بكرى أبو صلاح] 07-08-2011 06:45 PM
هكذا هو السودان الموحد الذى لا يتجزاء بفعل هؤلاء الطقمة الفاسدة والعنصرية المقيتة لعنكم الله على حقدكم على السودان واهله , لا جنوب بلا شمال ولا شمال بلا جنوب


#174396 [عبدو]
0.00/5 (0 صوت)

07-08-2011 10:47 AM
نقول مليون مبروك مش هم مقتنعين ببعض رغم التعليقات السالبة وبيت مال وعيال وياهو دا السودان إذا كان قديم أو جديد ؟؟؟؟


#174387 [قرفان سواح شليل وين راح]
0.00/5 (0 صوت)

07-08-2011 10:23 AM
ياهو ده السودان


#174378 [الكردفاني]
0.00/5 (0 صوت)

07-08-2011 10:00 AM
رفعت راسنا يا البطحاني و رفعت راية المساواة. و الله إنت سوداني أصيل و العروس سودانية أصيلة. يا ريت لقينا زيك من زمان و ما كان إنفصل الجنوب. ألف ألف ألف مبروك و ربنا يرزقكم الذرية الصالحة.


#174375 [hasco]
0.00/5 (0 صوت)

07-08-2011 09:53 AM
التحية الى الرفيق كير كدة بس علاقة بين البت و الكمرت كير شنو


#174370 [M.E.Osman]
0.00/5 (0 صوت)

07-08-2011 09:45 AM
مبروك وبيت مال وعيال .سبحان الله نظرة العروس وثباتها وخلو وجهها من أى تعبير

وكأنه وجه سلفاكير الذى يحمل نفس الصفات ،طبعا أخوان لذلك جيناتهم متشابهة

هذه الصفات تجدها فقط فى الأشخاص البطنهم غريقة ويمتازون بكم هائل من

المكر والدهاء ويقضون أمورهم بالكتمان الشديد وفى نفس الوقت صادقين فى قولهم

ودائما تجدهم سكوتين ولكن عندما يتكلمون يقولون ما سوف يفعلونه بالضبط لا زياده

ولا نقصان يعنى ما بجعجعوا ساكت


#174364 [سالم]
0.00/5 (0 صوت)

07-08-2011 09:28 AM
دا اليوم الديرنوا ليك ياعريس مبروك عليك


#174363 [هيثم دياب]
0.00/5 (0 صوت)

07-08-2011 09:28 AM
مبارك عليكم ما قصرتو يا دينكا ومسيرية زوجتو بطاحني
اتمني ان يزوج البطاحين احي حسناوتهم لباقان اموم او اي واحد من الدينكا واخري لاحد المسيرية حتي نعشم في توحد السودان مستقبلا


#174346 [دالياتي]
0.00/5 (0 صوت)

07-08-2011 07:45 AM
في التراث الفلسطيني ان ضبعة كانت تبخ فريستها فينضبع اي يعتقد انه او انها ضبع فتتبع الضبعة التي تأخذه الي كهفها وتاكله , الجماعة ديل الظاهر ضبعونا فاصبحنا لا نري الا الجانب المادي من الحياة والا ما معني اكل الاكتاف وnice fooling .
مسألة اسهلها صعب
لا الناس تدريها ولا الكتب
حسبك منها لو شفت خسب
صغيرتي هذا هو الحب
اليس هذا ما حدث لهذين المخلوقين ام ان عتينا ابراز هويتنا حتي لاسمي عاطفة في الوجود كما طلبوا منا قبل الان ابرازها امام اغلي ما نملك : الدين


#174334 [عبدون ]
0.00/5 (0 صوت)

07-08-2011 06:03 AM
عبدالواحد عبدالباقي ابراهيم من أعيان البطاحين ؟؟ ممكن بس ما سمعنا بيهو من قبل الا يكون عينوهو في الإنقاذ ||||||| فرعك في القبيلة ياتو آآآآجنا ومبروك عليك وعندك نسيب ما شاء الله كان جاك زيارة طاقيتو من رأسو ما بنزلها بس أضبحوا ليهو وبتخارج سريع


#174307 [شمالي]
0.00/5 (0 صوت)

07-08-2011 02:47 AM
فعلاً ياهو دا السودان قبل ما ينط فيها غراب البين الاسمو البشير وخاله الهطله وشلة الارزقية، هتيفة منبر الدمار الشامل والفصل العنصري
مبروك للعروسين وإن شاء الله بيت مال وعيال


#174306 [سوداني]
0.00/5 (0 صوت)

07-08-2011 02:46 AM
انا ما شايف شئ خارج عن المالوف شنو ما كلهم سودانيين حتي لحظة الزواج بعدين العروس تابعه وين تحمل جنسية الجنوب ولا شمال السؤال موجه لبشير


#174293 [M16]
0.00/5 (0 صوت)

07-08-2011 02:00 AM
Please.


#174283 [حامد]
0.00/5 (0 صوت)

07-08-2011 01:13 AM
احسن عرس عقبال الباقين والف مبروك


#174279 [ابوعـــــــــلاء]
0.00/5 (0 صوت)

07-08-2011 12:53 AM
الف الف مبروووووووووووووووووك وبيت مال وعيال وياهووو ده السودان وانا بصفتى العريس ود عمى والعروس من اهل امى المسيريه ابارك لهم الزواج الميمون وبالرفاء والبنين
على فكره الطيب دلوكه اكيد عارف العرس ده وفايت اضانو لانو ساكن وسط البطاحين فى الدوحة امتداد حلة كوكو


#174273 [abdalla]
0.00/5 (0 صوت)

07-08-2011 12:22 AM
ألف مبروووك للعروسين وربنا يهنيئهم وبيت مال وعيال
الخبر يقول قد تفاجأ فكيف يتفاجأ عريس بأهل عروسته وعندنا العرف في السودان الواحد لما يجي يرتبط بواحدة حيكون عارف كل شي عنها ثانيا يقول الخبر ان العريس احد اعيان قبيلة البطاحين واحد اثرياء فلماذا لا يزكر ان العروس بنت احد اعيان قبيلة الدينكا وايضا من الاثرياء بحكم انها اخت لرئيس دولة الجنوب الوليدة لمتي نظل نكتوي بالتمييز والنعرة القبلية التي جعلت اخواننا في الجنوب الحبيب يختارون الانفصال علي الوحدة ؟؟


#174267 [ابوردينة]
0.00/5 (0 صوت)

07-08-2011 12:10 AM
حياتنا كدة من زمان بس جانن ارئيس وخالو بالدبابين والتكبير المزيف وانت ياالبتقول ديانا ماشفتة عرب المسيرية بي نكهة الدينكا كيف


#174266 [هندسه]
0.00/5 (0 صوت)

07-08-2011 12:07 AM
غايتو انا ح اخطب اخت عبدالواحد محمد نور من اسى ونتم المراسم بعد ينفصل دارفور .... كلمممتكم


#174262 [pilot]
0.00/5 (0 صوت)

07-07-2011 11:57 PM
لقد تفاجأ العريس بانها اخت سلفا كير !! يا جماعة الخير احترمونا شوية في سوداني بتزوج بدون يعرف عرستو من اي نحل ومحل ؟!! العريس عملها واضح


#174255 [مجوك]
0.00/5 (0 صوت)

07-07-2011 11:40 PM
مبروك بيت مال وعيال بعدين العريس ثري كما ورد في الخبر يعني كلام شماليين وجنوبيين كلام بعض العنصريين والمريضين ما ليهو داعي في الصحف والنت


#174228 [abubakr]
0.00/5 (0 صوت)

07-07-2011 10:27 PM
هذا هو العرس الذي يفرح كل السودان فيه المودة والرحمة والنماء والذرية الصالحة بإذن الله وأيضاً نهاية لعهد الزيجات المضلة والتي قامت على أجداث الأموات.


#174222 [محمد السوداني]
0.00/5 (0 صوت)

07-07-2011 10:16 PM
كلام جميل يفحم دعاة المفاصلة الكاملة لكن الاجمل لو كان لبست توب لزوم السودنة في زمن الرحيل وبرضو اليحيرك دي جنسيتها حتكون شنو ؟؟؟؟؟؟؟؟؟؟؟؟؟؟؟؟؟


#174213 [الزول الكان سمح]
0.00/5 (0 صوت)

07-07-2011 09:57 PM

ياربى ..الدلوكة الدقاها ليهم منو؟؟؟؟


#174205 [بديـــــو عبدالله]
0.00/5 (0 صوت)

07-07-2011 09:48 PM
الف مبروك والكلام ده كان مفروض يحصل من يوم توقيع الاتفاقية مش الان بعدين العروس دي ما جلدوها ليه


#174203 [المحسي ولد البلد]
0.00/5 (0 صوت)

07-07-2011 09:41 PM
هل ياتري سلفاكير موافق علي الزواج ده .ان شاء يكون زواج خير وبركه علي ناس الشمال والجنوب والف مبروك وان شاء الله يدوم وما يتاثر بالعلاقه بين البلدين.؟ واذ كان الجنوب من الان بيبحث عن تصدرير البترول عن طريق دول اخري ونحن الغلابه محتاجين للمساعده واولا من غيرنا. لو كان الجنوب جنوبنا الان ده كان حصل...اخوك في البيت مهم يزعل منك ابدا ابدا مابيضرك او يدمرك بفكر مليون مره في الاخوه وياريت الجنوب الحبيب واهلوا يهتموا بناس الشمال ويساعدهم قبل مساعده دول اخري واللهم لانسالك رد القضاء ولكن اللطف فيه..:D :D :D :D :D


#174179 [nagatabuzaid]
0.00/5 (0 صوت)

07-07-2011 09:04 PM
ما عزموا الطيب مصطفى يا ربى طبعا بعد السماء للارض بين ال نمر المسيرية وبين البطاحين وطيوبى مصطفى ديل عراقة وقبائل وزولنا قبيلته الانقاذ ديلاك ناس عز قديم واصيل وفهم وراى ثابت لا يزول وزولنا عرف مع الانقاذ وزال فبلهاولا شنو يا طيوبى عنصرية


#174177 [كوماندو]
0.00/5 (0 صوت)

07-07-2011 09:00 PM
ده السودان ياهو ده السودان....
الف الف مبروك.....


#174175 [malek chol]
0.00/5 (0 صوت)

07-07-2011 08:55 PM
A nice fooling


#174172 [عبدالله]
0.00/5 (0 صوت)

07-07-2011 08:47 PM
الف مبروك


#174167 [Rabsha]
0.00/5 (0 صوت)

07-07-2011 08:35 PM
Mabrook for both of them this is the real Sudan the Sudan we know, the Sudan we are proud off not Albashier and KIZAN Sudan. Good luck guys & Wishing yo a happy life and bright future.


#174133 [سؤال!!؟؟؟]
0.00/5 (0 صوت)

07-07-2011 07:31 PM
يعني عمنا كير ده مسلم مش كده... !!!؟؟؟


ألف مبروك عبد الواحد & دار سلام..

كل التمنيات للزوجين بحياة زوجية سعيدة

وعادي جداً المصاهرة بين الشماليين والجنوبيين..

وربنا يهدي النفوس..

وتعيش الدولتين برضو حياة سعيدة بعيداً عن الدسائس والمكايدات.. والمناوشات.. والمشاكشات.. التي تؤدي حتماً للاقتتال..


وربنا يحفظ السودان.. شمالاً وجنوباً..


#174132 [علي كمنجه]
0.00/5 (0 صوت)

07-07-2011 07:29 PM
قلنا من قبل حتي اذا انفصل الجنوب سوف تظل العلاقات الاجتماعيه متواصله وان الاتفصال لم يفعل شي سوي انه قسم شعب واحد وهنالك مئات بل الالاف مثل هذا الزواج ومن يدرس تاريخ السودان جيد يري حجم التزاوج بين المجموعات السودانيه


#174128 [Kalifa]
0.00/5 (0 صوت)

07-07-2011 07:26 PM
مبروك للعرسان بيت مال وعيال،،،،،،،،،،، وهذا هو السودان الحقيقي خليط من الأعراق والأديان امتزجت وما زالت تمتزج لتنتج ذلك الأنسان السوداني الكوكتيل الفريد من العروبة والأفريقية والديانات الروحية المتصالحة مع المسيحية والأسلام...........مبــــــــــــــــــــــــــــــــــــــــــــــــــــــــــــــــــروك


#174125 [ياسر الخالدى]
0.00/5 (0 صوت)

07-07-2011 07:22 PM
مليون ترليون مبروك ... وفعلا البطن بطرانه ... ولو داير تشوف محمد شوف فاطمه فى الصورة دى وماشاء الله ربنا يهنيهم ويسعدهم


#174121 [ali]
0.00/5 (0 صوت)

07-07-2011 07:15 PM
احتيال شماليييييين معروف عن الشماليين حب المال

لكن سلفاكير فاهم احتيال الشماليين

مبروك بيت مال وعيال


ردود على ali
Saudi Arabia [مزمل حتره] 07-07-2011 11:41 PM
مبرووووووووووووووووووووووووووووووك

Sudan [احمد عثمان محمد نور] 07-07-2011 11:14 PM
الف الف مبروووووووك للعروسين
نعبر مفتاح الجنوب عند الشماليين
لو بشير داير حاجة من الجنوب الإ يرسل دارالسلام الان(------



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.52/10 (58 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة