الأخبار
أخبار إقليمية
السودان يفقد أكثر من 4 مليارات دولار سنوياً بسبب التحويلات غير الرسمية
السودان يفقد أكثر من 4 مليارات دولار سنوياً بسبب التحويلات غير الرسمية
السودان يفقد أكثر من 4 مليارات دولار سنوياً بسبب التحويلات غير الرسمية


مسئول الملف الاقتصادي بالمجلس الاعلى للجاليات :
09-02-2016 04:37 AM

الخرطوم (سونا)- أكد دكتور محمد كبار محمد نائب رئيس المجلس الاعلى للجاليات المسئول عن الملف الاقتصادي رئيس الجالية السودانية ببلجيكا أن تحويلات المغتربين تمثل الداعم الرئيسي لاقتصاد العديد من الدول والمساهم الاكبر فى ميزان المدفوعات ،مشيراً الى فقدان السودان لاكثر من أربعة مليارات دولار سنوياً من تحويلات المغتربين تتم بطرق غير رسمية .
وقال إذا تقننت هذه التحويلات عبر حوافز تشجيعية للسعر الرسمي مع طرح حوافز اخرى مثل الاراضي والمزارع والإعفاءات الجمركية لعرباتهم وغيرها فإن ذلك سيفتح آفاق جيدة للاستثمار وجذب مدخراتهم وينعكس ذلك على اقتصاد البلد.
وقال إن المجلس تصدى للعديد من القضايا التى تمس المغتربين واقترح بنك المغترب ليتم التحويل والاستلام بالعملة الصعبة ولاتوجد استجابة لذلك رغم موافقة الرئيس ولازالت الاجراءات متعسرة .
وأضاف أن اقتصاد البلد متدهور نتيجة للمقاطعة الامريكية وعدم قدرة المنتجات السودانية على المنافسة عالمياً بالرغم من تمتع السودان بالعديد من الميزات النسبية للثروات مثل محاصيل السمسم والفول السوداني والصمغ العربي والجلود والثروة الحيوانية .
ودعا الى تطوير مواعين التصدير من خلال المنتجات ذات الميزة لتعطي قيمة مضافة تستطيع ان تنافس بها خاصة وان العالم فى حاجة اليها ،كما يمكن ان تغطى حاجة الدول العربية من الألبان واللحوم البيضاء والحمراء والحبوب ،ولفت الى ضرورة ان تركز الدولة على الزراعة وتوظيف عائد البترول فى المشاريع الزراعية باعتبارها المخرج لكثير من المشاكل وتستوعب العمالة وتؤدي الى الاستقرار بالريف وتقليل الهجرة الى المدن كما يجب ان يكون هنالك ترشيد للموارد الموجودة .
وقال نحن كمغتربين ساعين لرفع الحصار الجائر عن السودان ،ولابد من وضع سياسات اقتصادية واضحة داخل البلد ليعود السودان الى سيرته فى الستينيات والسبعينيات .
وأشار الى الدراسات الاقتصادية فى العالم التى توضح ان دول السودان واستراليا وكندا تستطيع تأمين الغذاء للعالم .


تعليقات 23 | إهداء 0 | زيارات 12511

التعليقات
#1514282 [babo]
0.00/5 (0 صوت)

09-03-2016 08:42 AM
حتى تحويلات المغتربين بالسوق السوداء ما كفت اسرهم وعشان كده غالبيتهم سكنوا اسرهم في مصر وأثيوبيا وعايشين مرتاحين بتحويلاتهم عبر القنوات الرسمية وبعد ده مافي مغترب بيحول للسودان تاني

[babo]

#1514256 [موسي]
0.00/5 (0 صوت)

09-03-2016 06:58 AM
اهبل ادارتين مروا علي السودان هم ادارة عبدالله التعايشي وادارة الكيزان، نفس السياسات، الاولي شموا ريحة اباطاطهم وقالو عندنا مشروع للعالم فاهدروا امكانيات السودان في قصص عبثية كان من ضمنها قصة زواج ملكة بريطانيا من ودالدكيم بعد اسلامها ثم انتهت تلك الادارة علي يد كتشنر، ثم جاء الكيزان وقرروا نفس الفيلم بس بسيناريو مختلف فانتهوا بحصار لن يرفع حتي يتعلم الحمير من نفسهم

[موسي]

#1514208 [ود احمد]
5.00/5 (1 صوت)

09-02-2016 10:05 PM
وقال نحن كمغتربين ساعين لرفع الحصار الجائر عن السودان ،ولابد من وضع سياسات اقتصادية واضحة داخل البلد ليعود السودان الى سيرته فى الستينيات والسبعينيات .)
هذه الحكومة فاشلة بامتباز ولذلك نريد تغييرها ولعدين كل المساكل الاخرى ستحل متل الحصار والمشاكل الاقتصادية لانها هي سبب كل بلاوي الشعب

[ود احمد]

#1514186 [اندروس]
0.00/5 (0 صوت)

09-02-2016 08:05 PM
حوافز زى بتاعت مشروع سندس مثلا؟

[اندروس]

#1514171 [hussain]
0.00/5 (0 صوت)

09-02-2016 07:18 PM
ماشاء الله وبرافو عليك لأنك اول مسؤول وبعضمة لسانه يعترف ان السودان كان أفضل فى الستينيات والسبعينيات (وقال نحن كمغتربين ساعين لرفع الحصار الجائر عن السودان ،ولابد من وضع سياسات اقتصادية واضحة داخل البلد ليعود السودان الى سيرته فى الستينيات والسبعينيات)
لكن البيقنع الديك ان السودانيين ما حب شنو!!!

[hussain]

#1514148 [messi shirt]
0.00/5 (0 صوت)

09-02-2016 06:00 PM
Dirty and silly idia

[messi shirt]

#1514117 [محمد الفكى]
0.00/5 (0 صوت)

09-02-2016 04:26 PM
هذا الرجل من كلامو منافق كبير والعياذ بالله

[محمد الفكى]

#1514116 [abushihab]
0.00/5 (0 صوت)

09-02-2016 04:25 PM
المغتربين يحولو العملة الصعبة للسودان والكيزان يرجعوها لماليزيا لا يا دكتور يفتح الله....شوف حل غيرو. نحن ان شاء الله لما يذهب الكيزان, الي مزبلة التاريخ سنحول ارصدتنا علي قلتها للبنك المركزي لدعم اقتصادنا بحول الله... وعزيمة اهل السودان. هم يرونه بعيدا ونحن نري ذلك اليوم قريبا باذن الله.

[abushihab]

#1514086 [ميسي سيد الفنيلة]
0.00/5 (0 صوت)

09-02-2016 02:45 PM
الناس ديل ما بخجلوا؟؟؟؟ كرهتونا البلد خليناها ليكم كمان لحقننا .. نحول ليكم قروشنا عشان تسفوها ... احا!!!!

[ميسي سيد الفنيلة]

#1514073 [جنجا]
5.00/5 (2 صوت)

09-02-2016 02:14 PM
المقاطعه الأمريكية شماعتكم كل للشعب عرف الفيكم! !!
نحن سودانيين ما امريكان ومقاطعنكم لأنكم كلكم فاسدين حراميه . وهل يعقل أن احول لأهلي بنص القيمه في السوق الأسود عشان حتي محافظ البنك المسؤول عن حمايه العمله الوطنيه مكوش مبالغ زي دي نقدا وما خفي اعظم. تحول الأموال لتشتروا بيها السلاح لقمعنا؟؟؟ هههههههه عند الغافل
شوفوا ليكم شغله تانيه غيرنا لانو والله لو تدوني كل السودان ما احول دولار واحد عن الطريق الرسمي.

[جنجا]

#1514047 [السودانى]
0.00/5 (0 صوت)

09-02-2016 01:12 PM
اضرب المبلغ فى خمسه

[السودانى]

#1514030 [ود كرنوي]
0.00/5 (0 صوت)

09-02-2016 11:50 AM
قوم لف يا زول أربعة مليار قال ياخي نحنا في ألمانيا ساي شهريا أربعة مليارك ده خليك من ناس بريطانيا واسرائيل وفرنسا وامريكا والله لو ما أخاف الكذب السودان بقت تعتمد على المغتربين أكثر من صادرات البلد

[ود كرنوي]

ردود على ود كرنوي
Canada [ود بندسي] 09-02-2016 01:40 PM
وناس كندا واستراليا وأمريكا


#1514029 [محمد علي]
0.00/5 (0 صوت)

09-02-2016 11:42 AM
سودان الستينيات والسبعينيات
ي دكتور نحن اسفين
في الحركه الاسلاميه ما عاوزين سوداني التي تعنيه
عاوز توجعنا تاني ل ..... زي ماقال امين حسن عمر

لا لا لا
سير سير ي بشير
العلاج ي دكتور هو إسقاط النظام وإعادة هيكلة الدولة السودان
أو أي زول يشيل تكلم يعني فرقان عيشه

[محمد علي]

#1514017 [ابو الليل]
5.00/5 (1 صوت)

09-02-2016 10:43 AM
ياجماعة الناس الكبار سارقين كل البلد تخلوهم وتسكو المغتربين التعبانين...؟ خفض مخصصات كل وزير لي بي 10 % والله نعيش في راحة تامة.....اقبضو الناس الباعو خط هيثرو والمدينة الرياضية والجابو حاويات المخدرات والقبضو عمولات دفن الحاويات السامة وووووو بعدين شوفو كان الميزانية تفرق جنيه واحد...

[ابو الليل]

ردود على ابو الليل
Saudi Arabia [jAkoma] 09-03-2016 07:08 PM
كلامك صاح يا ابوالليل الوزير عندو 3عربات وبيت مؤجر يدفع من مال الشعب وبيته مؤجر للحكومة زى لمنشار ياكل من كل ناحية بالاضافة للمواد التموينية شهريا وخروفين للعيد ودفع رسوم مدارس اولاده فى ارقى المدارس الخاصة ويتعالج بمستشفى خاص ..و .. و... الكلام دا مش الوزير بس! وكيله وسكرتيره ومدير مكتبه كلهم نفس المخصصات بالذات المؤلفة قلوبهم من وزراء احزاب الفكه .. لك الله ياوطن


#1514016 [Mohsmed safaldein]
4.00/5 (1 صوت)

09-02-2016 10:41 AM
يا دكتور كبار انت عايش وين دة وضع وميؤس منة ديل ثروات النفط والذهب حوالى 70 مليار راحت سدا تقول لى تحويلات مغتربين وانت الان تعلم حال الاوضاع فى دول الخليخ وبقية دول العالم قال تحويلات المغتربين الحل كل الشعب يعلمة وانت شخصيا تعلمة حقو ترسل السهم مباشرة الى الجاسم على صدر البلد وكتم انفاس العباد وهو عين الحل للتدهور الذى تعيشة البلاد

[Mohsmed safaldein]

#1514008 [ابو الريش]
0.00/5 (0 صوت)

09-02-2016 10:16 AM
تلقوها عند الغافل تحويلات المغتربين يا حرامية

[ابو الريش]

#1514006 [S. RAGAB]
0.00/5 (0 صوت)

09-02-2016 10:11 AM
يا السيد دكتور محمد كبار محمد, أنت حبشي أكيد؟
مسألة أقتراحك هذا طبقوهاالحبش ومن قبلهم المصريين, هو أين الأقتصاد السوداني هذا الذي تتحدث عنه, بل أين دولة السودان هذه التي تريد أن تنعشها بتحويلات المغتربين حتي تكون الداعم الرئيسي لاقتصاد السودان,دوله السودان يا دكتور عباره عن: فساد، محسوبية ورشاوي، ولصوص في الأجهزة التنفيذية والتشريعية والعدلية وحتى الإعلامية والصحفية.
وكفاية ترقيعاتكم هذه من أجل حماية دولة اللصوص والفساد.

ملحوظة: شيءمثير للضحك والاشمئزاز أن تكون نائب رئيس المجلس الاعلى للجاليات والمسئول عن الملف الاقتصادي ورئيس الجالية السودانية ببلجيكا, ولا تدري أحوال المغتربين.

[S. RAGAB]

#1513987 [الداندورمي .]
0.00/5 (0 صوت)

09-02-2016 09:12 AM
أغلبية من يحولون عبر التحويل
من دون القنوات الرسميه هم كيزان
ومحمد كبار جاليات شنو إنتم مهاجرين
وليس مغتربين ؟

[الداندورمي .]

#1513959 [امدرمان الركابية]
0.00/5 (0 صوت)

09-02-2016 07:45 AM
شنو الجديد في المقال دا.....تكرار ممل...!!

[امدرمان الركابية]

#1513958 [ود الغرب ...100 علي دينار]
0.00/5 (0 صوت)

09-02-2016 07:44 AM
العقوبات الأمريكية مفروضة علي نظام طريد اللاهاي الهارب من وجه العدالة المدعوا عمر البشير رئيس الانقلابين وليس علي السودان كدولة وشعب اختطف منهم الحرية، وهذه العقوبات رد فعل طبيعي لافعال عمر البشير بإعلانه الجهاد ضد الأمريكان وروسيا والآن انقلب السحر علي الساحر...يجب القبض على عصابة الكيزان وعلى رأسهم الهارب من وجه العدالة المدعوا عمر البشير

[ود الغرب ...100 علي دينار]

#1513944 [الجربان]
0.00/5 (0 صوت)

09-02-2016 07:12 AM
ودعا الى تطوير مواعين التصدير من خلال المنتجات ذات الميزة لتعطي قيمة مضافة تستطيع ان تنافس بها خاصة وان العالم فى حاجة اليها ،كما يمكن ان تغطى حاجة الدول العربية من الألبان واللحوم البيضاء والحمراء والحبوب ،ولفت
ويحصلو علي عملة صعبه مش كده ويجو يشيلوها ناس صابر وقطبي اين ذهبت اكثر من 100مليار دولار بتاعت البترول

[الجربان]

#1513937 [zool]
0.00/5 (0 صوت)

09-02-2016 06:03 AM
ده كان زمان يا سجم الرماد....في مغتربين حسى....شكلك كوز. قال رئيس قال

[zool]

#1513933 [حاج علي]
0.00/5 (0 صوت)

09-02-2016 05:56 AM
سمسم
فول
صمغ
دخن
اسطوانة مشروخة ظل يرددها خبراء الاقتصاد من ما ولدونا؟؟؟
خلاص تركتو الكذبة بتاعة سلة غذاء العالم والمجاعة سميتوها فجوه غذائية

[حاج علي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة