الأخبار
أخبار إقليمية
وزارة المعادن :لا توجد صناعات حديدية بالسودان وما يتم إعادة تدوير للخردة
 وزارة المعادن :لا توجد صناعات حديدية بالسودان وما يتم إعادة تدوير للخردة


09-04-2016 10:59 PM
(سونا) - كشفت وزارة المعادن عن توفر كميات كبيرة من الحديد بالسودان وصلت الى (52) مليار طن من خام الحديد بعدد من ولايات السودان .
وكشف وزير المعادن د. أحمد محمد الصادق الكاروري عن دراسة أجرتها وزارته عن صناعة الحديد في السودان خلصت الى عدم وجود صناعة للحديد بالسودان وانما هى إعادة تدوير الخردة وإعادة تصنيع داخلى لقطع جاهزة تأتي من خارج السودان .
ولفت الوزير خلال لقائه بوزير الصناعة اليوم (الاحد) الى ان هناك بعض المحاولات مع مستثمرين اجانب لقيام صناعة حديد بالصورة المعروفة عالميا بالبلاد ، مشيرا الى ان لقاءه بوزير الصناعة يعتبر بداية تعاون بين وزارتي المعادن والصناعة لبحث قيام صناعات تعدينية بالسودان.
والمح الكاروري الى انهم وبالتعاون مع وزارة الصناعة سيعملون على اعداد قائمة بالمعادن الصناعية كالحديد والنحاس والمنجنيز والكروم توطئة لاصدار قرار بمنع تصديرها للخارج في شكل خام .
من جهته كشف وزير الصناعة عن تكوين لجنة مشتركة دائمة بين وزارتي المعادن والصناعة بغرض تقديم المقترحات والدراسات اللازمة لتطوير صناعة بعض المعادن الاستراتيجية والتى تعتبر عماد الصناعة كالحديد والنحاس والكروم والمنجنيز وغيرها من الخامات.
واوضح الوزير في تصريحات صحفية عقب الاجتماع ان اجتماعهم خلص الى ضرورة تصنيع هذه الخامات بالداخل لمصلحة الاقتصاد الوطني خاصة وان عددا من هذه الخامات تصدر في شكل خام وعائداتها ضعيفة وقليلة لكن اذا ما تم تصنيعها ستحدث نقلة كبيرة من حيث القيمة المضافة وتطوير تقنية التصنيع في السودان ، لافتا الى ان هذا التعاون بين الوزارتين سيعود بالخير الكثير على السودان .


تعليقات 14 | إهداء 0 | زيارات 2973

التعليقات
#1515562 [ود احمد]
0.00/5 (0 صوت)

09-05-2016 12:06 PM
الراجل ده فاكيهو الحزب عشان يلعب على عقول الشعب

[ود احمد]

#1515530 [الـــســـيـــف الــبـــتــــار]
0.00/5 (0 صوت)

09-05-2016 11:19 AM
المنك يا الوزير المناكف تقعد فى الواطه دى و تبطل الهترشه و تسرح بينا بخيالك الواصع ذى ذمتك دى و بعد فشل الشركة الروسيه و كمية الذهب الجاهز للتصدير فى خلال ستة أشهر و العائد منه بالمليارات وطلع كلام خارم بارم ديله ؟
حديد و منجنيز وكروم و توطين الصناعه و لا الصياعه دا موضوع أكبر من شنباتك و المستثمرين اكتشفوا حقيقتكم و فضلوا البقاء خارج الشراك المنصوبه و المعده اعدادا محكم و من دخل فيها يخرج مفلس و لا مجنون ؟
ونوعدك خير أن شاء الله خيراتنا و ما تحتويه الارض من معادن نفيسه سيظل باقى ابد الدهر الى أن يأتى رجل ابن رجل وطنى و غيور و مشبع بالوطنيه و الاحاسيس و محب للوطن و المواطن و يحمل جنسيه سودانية لا مذدوجه و راضع من سدىء أمه ما لبن بقر كيرى ميرى ؟
ومن المؤكد أن تعود بالفائدة على الوطن و المواطن أن شاء الله .

[الـــســـيـــف الــبـــتــــار]

#1515484 [ابوشوارب]
0.00/5 (0 صوت)

09-05-2016 10:26 AM
.

[ابوشوارب]

#1515426 [جار سوطو]
0.00/5 (0 صوت)

09-05-2016 09:20 AM
أها الروس قادمون تاني وللا عندك بديل ليهم يا أكذب الكاذبين ؟؟؟؟؟؟؟؟؟؟؟؟؟؟؟؟

انقلع ، كما يقول الخليجيون.

[جار سوطو]

#1515378 [زول ساي]
0.00/5 (0 صوت)

09-05-2016 08:12 AM
الوزير دا مفروض اولا حاجة تتم محاسبتة بخصوص الدهب القال الشركة الروسية حتستخرحوا
بعدين يشوفوا موضوع الحديد دا .... كلوا شغلوا غلط في غلط

[زول ساي]

#1515338 [ديشليون طن ماس]
0.00/5 (0 صوت)

09-05-2016 07:15 AM
افترض للكلام ده صحيح البترول برضو وعدتونا بيهو و كذلك الذهب و كمان الحديد و النفرة الزراعية و النتيجة بلد ما فيها حكومة حتى تصريف الامطار ما قدرتو عليها. كفاية بيع الوهم يا وهم كفاية كذب و التلاعب بعواطف السذج من الشعب السودانى ..... يا سيادة الوزير الدجال الكاذب كفاية كذب و لعب بعقول الجوعى نعم الشعب كله جعان الشعب عايز لقمة و حقنة و كراس مش اطنان حديد وهمية يا دجال يا كذاب,

[ديشليون طن ماس]

#1515326 [موسي]
0.00/5 (0 صوت)

09-05-2016 06:47 AM
لو استخرجتو الحديد دا حا يقولو عليكم بتاعين حديد وبتصلحو سراير الحديد هههههه هاهاها، شعب موهوم عايرتو الناس بنوعية شغلهم وافتكرتو انو شغل الحديد هو وضاعة وخسة، اما الحرامي واللص تحترموه وتبجلوه وتعملوه رئيسكم ووزيركم وعمدتكم وشيخ حلتكم، عليكم الله مش انتو شعب كرور؟ تفو عليكم من دا شعب

[موسي]

#1515316 [خواجة]
0.00/5 (0 صوت)

09-05-2016 05:49 AM
اليورانيوم كيف.

[خواجة]

#1515311 [عودة ديجانقو]
0.00/5 (0 صوت)

09-05-2016 05:27 AM
والله إنت بقيت مسخره يا كركر
يا عمبلوق لو كلامك صاح دائما إستراتيجيات الدول لا يعلن عنها ممكن تقول اكتشفنا حديد بون أرقام بس.
طيب رأيك شنو بمناسبة العيد نضم وزارة المعادن لوزارة الخرفان عشان يكون اسمها المعا خرفان عشان تكون كملت الاسم الكارورى البهيمه.

[عودة ديجانقو]

ردود على عودة ديجانقو
Saudi Arabia [السر موسى] 09-05-2016 11:03 AM
ههههههههههههههه والله انت لذيذ يا ديجانقو هو ده ماعارف استراتيجيه معناها شنو ولايفرز بين التوفير وبين الاكتشاف

United Arab Emirates [سرتانة] 09-05-2016 07:21 AM
اذا الرئيس نفسو مسخرة و كذاب و هوال شنو يعنى كركر ما يكضب و يهرجل كلهم عندهم نفس صيغة الدجل و الكذب (ولا شنو يا جماعة) ( عشان نغيظ المعارضين الكفرة ) (حاسديننا فى شريعتنا) حاسدين القرد فى حمرة .........


#1515307 [لحظة لو سمحت]
0.00/5 (0 صوت)

09-05-2016 05:06 AM
الشعب دخلتوه فى ... وزة دايرين تخدعوه بالوهم الولد لقى فينا ركوب الفزرة مرة اقص علينا و مرة على عوقنا الكبير
يا عمك اللعب كثروه عليك و انت تمرح فى جهلك نحن ما بتمشى فينا مثل تلك النفخات
شى طيارات تجميع وشى فنائل لعيبة و تكريم بثمنو كمان جابت ليها صناعات ثقيلة كدى دحين نور بيتك يا راجل فضحت نفسك و فضحتنا
ما اخ خلى عندك شوىة عقل يا أخينا ولدى الما دخل الروضة لا يمكن ان اغشه بمصاصة مرتين
الى متى ننتظر قدر الله و قدرنا فى ايدنا

[لحظة لو سمحت]

ردود على لحظة لو سمحت
United Arab Emirates [الوزة] 09-05-2016 12:50 PM
لحظة لو سمحت.... الوزة ما رجعت و سلكت طريق تانى الوزة ذاتها شالوها و ختوها .........................


#1515293 [ابو الخير]
1.00/5 (1 صوت)

09-05-2016 03:08 AM
الراجل دا فعلا كوز
محترف كذب

[ابو الخير]

#1515290 [كاسـترو عـبدالحـمـيـد]
0.00/5 (0 صوت)

09-05-2016 02:39 AM
الملاحظ عن هذا الوزير ظلوط " احلام ظلوط " انه يكثر من التصريحات والوعود والبشرى بثروات السودان المعدنية " ذهب , حديد , نحاس , الخ ..واذا جمعنا المبالغ التى وعد بها المواطنون من عائد هذه الثروات , لفاقت ميزانية اميركيا وأوروبا واليابان والصين . يا اخينا روق المنقة . انت قائل الوزارة دى حا يشيلوها منك علشان كده كل يوم طالع علينا بتصريح . اطمئن من الناحية دى .الناس عارفه البئر وغطاها وروق واهدأ وبطل العوارة البتعمل فيها دى .

[كاسـترو عـبدالحـمـيـد]

#1515276 [Sudany 7r]
5.00/5 (2 صوت)

09-05-2016 01:35 AM
"52 مليار طن احتياطي خام الحديد بالسودان" والله العظيم انا ما قتا الكلام دا القالو السيد الوزير.

[Sudany 7r]

ردود على Sudany 7r
Romania [km] 09-05-2016 08:47 AM
بصراحة الوزير ده شكلو كان ساقط حساب بقول فى ارقام مستحيل تكون حقيقة, هو ممكن يعوض المشكلة دى بالتعبير بالكلمات بدل الارقام ممكن يقول اكتشاف كميات كبيرة من الحديد. هو الكلام بقروش!

Qatar [ود الشريف] 09-05-2016 06:39 AM
بقدرة قادر انقلب الذهب الي حديد .


#1515264 [المتغرب الأبدي]
0.00/5 (0 صوت)

09-05-2016 12:25 AM
الدهب عملت فيه شنو ؟
بعدين عندكم غرام عجيب مع الأرقام الضخمة دي .. مليون ومليار ودشليون

[المتغرب الأبدي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة