الأخبار
أخبار إقليمية
وزير المالية ينتقد الهجرة ويطالب المواطنين بالصبر والتضحية
وزير المالية ينتقد الهجرة ويطالب المواطنين بالصبر والتضحية
وزير المالية ينتقد الهجرة ويطالب المواطنين بالصبر والتضحية


سخر من مقولة "السودان ظريف لكن داير مصاريف"
09-07-2016 04:29 AM
الراكوبة - الخرطوم إنتقد وزير المالية بدر الدين محمود هجرة بعض السودانيين إلي الدول الأخرى، بسبب الوضع الاقتصادي، وطالب المواطنين بالتضحية والصبر من أجل الوطن.
وإستهجن محمود خلال مخاطبته احتفال تدشين مشاريع البحوث العلمية الفائزة بالتمويل بوزارة التعليم، عبارات متداولة مثل "السودان ظريف لكن داير المصاريف"، وطالب بضرورة التحلى بالصبر.
ودعا الباحثين للنظر إلى خيرات البلاد التي تحتاج لتحريك وتوجيه البحوث لمشروعات التنمية، واشترط تناغم البحوث مع سياسة الدولة لتكون القاطرة فى نشاط الحكومة وتتسق مع الأولويات، وأعلن عن تخصيص وزارته لـ 200 مليون جنيه للبحث العلمى للعام 2016.


تعليقات 61 | إهداء 0 | زيارات 25280

صفحة 1 من 212>
التعليقات
#1517457 [Kamal Jaafar]
0.00/5 (0 صوت)

09-08-2016 02:04 PM
يا جماعة اصبرو....الناس ديل عايزين ليكم الخير بعدين فى الاخرة

[Kamal Jaafar]

#1517323 [المقدوم مسلم]
0.00/5 (0 صوت)

09-08-2016 10:57 AM
الزول ده موهوم ...او عاضاهو كديسة..يلعن......

[المقدوم مسلم]

#1517056 [بدرنورالدائم]
0.00/5 (0 صوت)

09-07-2016 10:26 PM
السلام عليكم ياجماعه الكلام المكتوب ده والتعليق هل الوزير بيقراه

[بدرنورالدائم]

#1517022 [حسان الحساني]
0.00/5 (0 صوت)

09-07-2016 08:52 PM
الهروب الجماعي القسري للسودانيين من السودان ارض الاجداد الي غياهب المهاجر في ارض الخليج او اعالي البحار بحثا عن اوطان بديلة اصبح يؤرق مضاجع المتأسلميين --- في البداية كانوا يفرحون بهجرة السودانيين و كانوا يقولون خليهم يمشوا يجيبوا لينا دولارات -- خرج السودانيون و لم تأتي الدولارات -- بل اصبحوا يقطعون الطريق علي المسؤوليين الحكوميين عند زياراتهم الي الدول الاوربية او الي امريكا و صاروا بعبع مخيف و كونوا لوبيات ضغط غلي الحكومة و اصبح تاثيرهم في الخارج اقوى يكثير من وجودهم بالداخل --
خرجت الكفاءات طوعا او كرها فانهارت الخدمة المدنية و التعليم العالي و ضاع مستقبل الاجيال القادمة و ضاع مستقبل السودان كما ضاع حاضره --
انقلاب الحركة الاسلامية البائس التعيس خلف كارثة حقيقية يجتاج الشعب السوداني لعقود لمعالجة اثارها المدمرة --
عليكم اللعنة يا كيزان الولدة الخاسرة و البيعة الكاسرة --

[حسان الحساني]

#1517021 [صلاح فيصل]
0.00/5 (0 صوت)

09-07-2016 08:52 PM
نصيحة غريبة من وزير انقاذي ..التعليق دايرلوا كلام كتيييييييييييييييير ما بستاهلوا لكن س سؤال؟ نحنا لو صبرنا و قعدنا نجيب قروش من وين شان نقدر علي مصاريف اهلنا و عيالنا في هذا الغلاء الفاحش بعدين الامل وين و يس عمر الامام من كبار قياديي الانقاذ قال السودان خلاص أناشلت عليه الفاتحة

[صلاح فيصل]

#1517018 [مواطن بيعاني]
0.00/5 (0 صوت)

09-07-2016 08:48 PM
بالله عاين الوهمي دة !!! الاسعار غالية والعيشة صعبة وخط الفقر بقى لناس حلم وانت تقول لينا اصبروا ؟؟؟ نصبر كيف وانت شخص فاشل ما قادر تدير الميزانية الاتقدت قبل تتم شهرين

[مواطن بيعاني]

#1516979 [هاشم]
0.00/5 (0 صوت)

09-07-2016 06:49 PM
مفترض البحث العلمي يكون في كيفية قتل المواطن السوداني بعدمانفد صبرو


لو كان وزير المالية يكابد من اجل لقمة عيش اويفترش الارض التي سيدخلها يوما لما طلب منا الصبر

لااله الاأنت سبحانك اني كنت من الظالمين

[هاشم]

#1516949 [mahmoud issa]
0.00/5 (0 صوت)

09-07-2016 05:22 PM
ههههههههههه زول وزير وما فاهم حاجة

[mahmoud issa]

#1516915 [ينابيع السنا]
5.00/5 (1 صوت)

09-07-2016 04:14 PM
أنا اتخرجت من 2009 ولسه ما لقيت وظيفة يعني اسي لو جاتني فرصة عمل في دولة خليجية معقوله أرفض وانتظر حلم السيد الوزير لا وألف لا طيب نحن بنسال أين أبناء الوزراء الآن يا ناس خافوا الله فينا

[ينابيع السنا]

#1516898 [واحد سوداني]
5.00/5 (2 صوت)

09-07-2016 03:25 PM
عمري 46 سنة وما عرست وبعد دا ما عايز أعرس
لقيت لي فرصة اغتراب وشغال بمرتب شهري بما يعادل 32 مليون ج (بالقديم)
وتقول ما تهاجرو !!! ..... غايتو على الأقل اخواني الأصغر مني يتموا دراستهم والعاوز يعرس اساعدوا ... ودي حال أغلب جيل العاش الإنقاذ

[واحد سوداني]

#1516879 [بكري الصائغ]
5.00/5 (1 صوت)

09-07-2016 02:50 PM
أصل المقولة:
"السودان ظريف، داير زول حريف، يعرف كيف يطلع المصاريف"

[بكري الصائغ]

#1516870 [naseh]
0.00/5 (0 صوت)

09-07-2016 02:32 PM
ودعا الباحثين للنظر إلى خيرات البلاد التي تحتاج لتحريك وتوجيه البحوث لمشروعات التنمية،
خيرات البلاد لا تحتاج تحريك و توجيه فقط إنما تحتاج أمانة و أخلاق و ضمير و تحتاج كادر متخصص و متعلم و أمين على مصالح الوطن
وبكل أسف كل أركان النظام و منهم أنت يا وزير الغفلة و الزمن الغابر كلكم و بلا اشتثناء لصوص مفسدين لا تراعون إلا و لا ذمة لا في البلاد و لا في العباد 27 عاما و كل يوم و البلاد وعلى كافة الصعد الأخلاقية و الإجتماعية و السياسية و الإقتصادية إلى الوراء و بشهادتك عن خيرات البلاد و طوال كل هذه السنسن العجاف و لم نسمع بمدان واحد في قضايا فسادكم التي مللتم منها أنتم قبل خصومكم و تقول للناس أصبروا كيف لجعان لا يجد من يسد رمقه و مريض لا يجد ما يشري به دواءه و طالب لا يجد رسوم مدرسته كيف لهم الصبر نعم المشكلة ليست في السودان السودان كان جميلا و أنتم جعلتم منه أرضا جرداء لا روح و لا حياة و لا جمال فيه لأنكم أنتم أسوء من مشى على أرض السودان و أنتم عار عليه نعم ستتوقف الخجرة و تبدأ العودة الطوعيه فقط في حالة واحدة في حالة أن لفظتكم سوءات أعمالكم و أصبحتم في مزبلة التاريخ كغيركم سنعود إن تركتم السودان وأشك أن يكون السودان من بعدكم كما كان يا أعوان الشيطان

[naseh]

#1516848 [ابونزار]
0.00/5 (0 صوت)

09-07-2016 02:01 PM
كدي بالله اشرح ووضح لينا وبصفتك احد كبراءتا وعظمائنا ومفكرينا يا سعادة الوزير هسة انحنا نعمل بابداعاتك دي.ونرفض نغترب وله نسمع كلام الحكيم الآخر سعادة الوزير الجهبز مامون حميدة ونغترب
يا جماعة انحنا نتقطع...ما ترسونا على بر

[ابونزار]

#1516846 [ابوجندل عثمان]
0.00/5 (0 صوت)

09-07-2016 01:59 PM
صراحه اصاب السيد الوزير والى عايز يعرف ماعناه الوزير دون معرفه فيعمل دراسه فى عدد السودانيين الخرجوا من السودان فى فترة السنتين واكثر لدول الخليج خاصه السعودية ودفعوا مقابل ذلك مالايقل عن خمسه الف دولار اشتروا بها فيز وهم لليوم لم يحصلوا على عمل وحالهم يرثى له يعنى لو مليون طلعوا بهذه الطريقه فقد اهدروا ما يقارب الخمسه بلايين دولار وهنا المشكة حقيقه هى هروب والله يستر

[ابوجندل عثمان]

#1516834 [المتجهجه بسبب الانفصال]
5.00/5 (1 صوت)

09-07-2016 01:41 PM
السوداني كان يرفض استبدال جوازه بجواز اي دولة في ناس في السبعينات والثمانينات رفضوا الجواز البريطاني والخليجي والامريكي لأن السودان كان فيهو رقشة ما ركشة ،،،، ناس بالالوف لانه كان عشمهم يسهموا في اصلاح البلد والعودة،، الأن الناس تركب البحر وتغرق عشان تصل فقط الى بر هذه الدول،،، بلاش نفاق معاك السبب ظاهر ،،

[المتجهجه بسبب الانفصال]

#1516818 [ام امجد]
0.00/5 (0 صوت)

09-07-2016 01:23 PM
خلال الشهر السابق كانت معمعة التقديم للجامعات صحب التقديم الالكتروني الكثير من الغموض وعدم الشفافية في محاولة ناجحة جدا لدفع الناس للتخلي عن الجامعات الحكومية وادخال ابناءهم الي الجامعات الاهلية واخف الضرر المقعد الخاص في الجامعات الحكومية لك ان تتخيل مايعانيه الفقراء عند الخضوع لهذا الدفع وما يعانيه النابهين عندما يرون محدودية فرصهم في هذا البلد الجبان الذي يراعي الا ولارحما في ابناء جلدته 'واذكر مثال علي عدم الشفافية تاخير اصدار الدليل الالكتروني الي ماقبيل التقديم بفترة وجيزة جدا مع العلم بان العديد من الطلبة لاتتوفر لديهم وسيلة الاطلاع علي الدليل الالكتروني لم يتم نشر نتيجة النسب التي قبل بها الطلاب هذا العام وكان ذللك يتم بالنشر في الصحف السيارة اوطباعة دليل ورقي

[ام امجد]

#1516817 [ام امجد]
0.00/5 (0 صوت)

09-07-2016 01:17 PM
خلال الشهر السابق كانت معمعة التقديم للجامعات صحب التقديم الالكتروني الكثير من الغموض وعدم الشفافية في محاولة ناجحة جدا لدفع الناس للتخلي عن الجامعات الحكومية وادخال ابناءهم الي الجامعات الاهلية واخف الضرر المقعد الخاص في الجامعات الحكومية لك ان تتخيل مايعانيه الفقراء عند الخضوع لهذا الدفع وما يعانيه النابهين عندما يرون محدودية فرصهم في هذا البلد الجبان الذي يراعي الا ولارحما في ابناء جلدته 'واذكر مثال علي عدم الشفافية تاخير اصدار الدليل الالكتروني الي ماقبيل التقديم بفترة وجيزة جدا مع العلم بان العديد من الطلبة لاتتوفر لديهم وسيلة الاطلاع علي الدليل الالكتروني لم يتم نشر نتيجة النسب التي قبل بها الطلاب هذا العام وكان ذللك يتم بالنشر في الصحف السيارة اوطباعة دليل ورقي

[ام امجد]

#1516797 [الـــســـيـــف الــبـــتــــار]
5.00/5 (3 صوت)

09-07-2016 12:52 PM
التضحيه التى قدمها هذا الشعب الأبى الصامد الصابر المثابر الجسور الثائر معلم الشعوب و المبتلى بكم الم يكن هذا صبرا ؟
يعيش على الكفاف و يعانى الامرين و قدم فلذات اكباده فداءا للوطن فى حروب عقدية و مخطط فاشستى و سلطو قمعيه و دكتاتورية ونظام حكم شمولى و يحكمنا نفر من اولئك الذين يحملون من الحقد و الكره و الغبينه المتأصله فى جزورهم و عاشوا حياة الذل و الفقر و لم يكن النظام الحاكم سببا بل مستوى تعليمهم و مرجعهم و منبتهم من أسر فقيرة لا تمتلك الا القليل و لا يجيدون مهن بعينها لكى ترفع من العائد و تتغير حياتهم الى الافضل و هذا ليس بعيبا و شماتة بل نذداد فخرا و اعتزازا بهؤلاء الاباء و الاجداد الذين حفزوا اطفالهم ليتعلموا و يكملوا مراحل التعليم و بدعم من الدولة التى وفرة لهم المدارس و الداخليات و الاستاذة و الكتب و الاجلاس و الدعم المادى حتى المرحله الجامعيه و ما فوق الجامعيه على نفقة الدولة التى تستقطع من الشعب ضرائب لم تكن ذات أثر و لم تؤثر فى حياتنا اليوميه و لم يختل التوازن بين العائد و المنصرفات لكل الاسرة ؟
لما كل هذا الحقد و الكراهيه لهذا الشعب المضحى و كان سببا فى انتقالكم من البؤس و الشقاء الى الرفاهيه و السكن فى ارقى الاحياء و يا ليتكم شكرتموه على ما ال اليه وضعكم من الحضيض الى القمة و من علية القوم و تحسن مشربكم و مأكلكم و من مال هذا الشعب تتجولون فى العالم الفسيح سياحة او علاج و اداء الفرائض من عمره و حج خمسه نجوم ؟
المهاجرين قسرا اكثر وطنيه منكم و لو لا هؤلاء الطيور المهاجره لمات ثلاثة ارباع الشعب السودانى و الحمد لله أن فتح لنا أبواب رزق لم توصد بعد و ها نحن نقدم الدعم الى اسرنا و الجيران و لم نكل و لم نمل بل نقدم و نقدم و نجد و نكد و نجتهد من أجل الحفاظ على اسرنا القاكنه بالداخل ولا ننتظر منهم الشكر و لا رد الجميل وهذا من واجبنا و حقوق الوالدين علينا و اخوتنا و اخواتنا و عيالهم و بية الاسرة الممتدة و الجيران لهم حقا علينا ايضا .
عدد الموتى يوميا فى المستشفيات الحكوميه و الخاصه يفوق قتلى داعش فى العراق و سوريا و نتسأل دوما لما كل هذا العدد من الموتى ؟
الكادر الطبى الشيطانى غير المؤهل هم الذين يديرون المستشفيات و يأتى المريض بقدميه راجلا و يخرج منها محمولا على الاعناق يا للعار و يا للدمار الذى اصاب كل مرافق الاستشفاء و الجامعات التى تخرج لنا فى كل صباح اطباء و صيادلة ممن لا يجيدون ابسط اجراءات الاسعافات الاوليه ؟
اما مستشفى الامل بكوبر الشهير تخصص فى القضاء على ما تبقى من روح فى الجسد و خصوصا المعتقلين المحالين للعلاج من سجن كوبر العتيق يعودون من مستشفى الامل بعاهة مستدامه او موت سريرى لفترة محدودة وهذا متعمد لكى يخرص باقى العمر ويكون من اصحاب الاحتياجات الخاصه التى لا راعى لها و لا جمعيه خيرية تتولى امرهم ؟
السلبيات تتعدد و الاخفاقات لا حصر لها و نحن صابرون و نمد فى جبال الصبر وعسى و لعل تشرق علينا شمس الحرية و نعود من الغربه لننعم بما فقدناه من شبابنا و عمرنا الباقى بين اهلينا و تحت ظلال اشجارنا الوارفات أن شاء الله .

[الـــســـيـــف الــبـــتــــار]

#1516786 [البخاري]
4.50/5 (4 صوت)

09-07-2016 12:36 PM
يعني قعادنا حيفيدك بشنو؟ عايز تتلذذ بمعاناتنا وشقانا زي القرود في القفص؟ بعدين نصبر لمتين وهل هناك ضمان لتحسن الحال؟ الدلائل تشير إلى أن الحال ماشي من سيء إلى أسوأ. انتظرنا "بشرياتكم" سنين عددا ليطل من يقول إنها ابتلاءات. بلي يخمكم.

[البخاري]

#1516766 [عاشميق الاصم]
5.00/5 (1 صوت)

09-07-2016 12:08 PM
هي لله هي لله لا للسلطلة ولا للجاه

[عاشميق الاصم]

#1516762 [التلب]
5.00/5 (2 صوت)

09-07-2016 12:01 PM
الناس هاجرت لاسباب عده المجال لايسع لتفصيلها هنا ، ولكن فقط لنذكر لك سببين او ثلاثه ، برغم التاكيد انك على علم بها جيدا ولكنك تتغابى عنها .. !! الناس تبحث عن الرزق لها ولاسرها الصغيره والاسر الممتدة حيث ضايقتم الناس فى ارزاقها بحجة الصالح العام وشردتموهم من اعمالهم وحتى من جازف وبقى فى وظائفهم استأثرتم انتم بخيرات البلد ولم تعطوهم إلا الفتات... ونسالك انت شخصيا كم مداخيلك السنويه وكم دخل الآخرين المختلفين سياسيا عنك والاكثر تاهيلا منك علما وفائدة للوطن والذى اوردتموه موارد الهلاك والضياع وضيعتم ثروات بلد من اغنى بلاد العالم من حيث الاراضى الخصبه والمياه وكان به اكبر مشاريع زراعيه على الاقل على مستوى قارة افريقيا والوطن العربى ..!!
والناس هاجرت بحثا عن الامن والامان بعيدا عن اوطانهم حيث هنا الميلشيات واجهزة امنكم تقتل الناس حتى على الهويه واشعلتم الحروب فى جهات السودان وشردتم الناس من مساكنهم وجعلتموهم مشردين فى المعسكرات واقبية وكهوف الجبال ..!!
والناس هاجرت لانها ترى من اخلاق ولاقيم له يتسيد ويتنمر عليهم ولو لم يغدر علينا بليل بانقلاب عسكرى وضيع خان فيه ما تعاهد معنا عليه لما كان ذاك الرجل الذى يقهر هذا الشعب العظيم .. ولما كنت انت ومن شابهك من تتكلم باسمنا وتسرقوا امكاناتنا !!
الشعب السودانى يريد الحياة وسوف تعود طيورنا وعقولنا المهاجرة ذات حين قريب باذن الله - بعد ان نزيل عاركم - من وطننا وسوف يعمرونها من جديد وتعود الحياة بارادة الشعب .
( اذا الشعب يوما اراد الحياه .. فلابد لليل ان ينجلى ولابد للقيد ان ينكسر )

[التلب]

#1516745 [ابو الصعاب]
5.00/5 (7 صوت)

09-07-2016 11:36 AM
شوف يامعلم نحن صابرين قريب 30 سنة وماقلنا حاجة ، تسفوا وتنهبوا في البلد وماقلنا حاجة ، ناكل البوش والسخينة وانتو تاكلوا البيرقر والهوت دوق والأكل الفاخر وارد نيويورك وتركيا ماقلنا حاجة ، نركب المواصلات بالدين والشحتفة وانتو تركبوا العربات المكندشة والمظللة ماقلنا حاجة ، ساكنين في خرابات بالإيجار وانتو ساكنين في الفلل والشقق الغالية ماقلنا حاجة ، مرضنا نقطعو في مصارينا لأنو ماعندنا حق العلاج والكشف والدوا وانتو بتتعالجوا في فرنسا والمانيا ماقلنا حاجة ، تفتكر لو فكرنا في طريقة مخارجة من الجحيم العايشنوا دا نكون غلطانين ؟ انت بتعرف لي الصبر شنو ياسعادتك ، البرقص مابغطي دقنو ، دحين امسك لسانك عليك واحترم شعبك الطلعت زيتو واخجل من كلامك ده

[ابو الصعاب]

#1516741 [عبوده السر]
5.00/5 (5 صوت)

09-07-2016 11:34 AM
أتنصحون الناس بالصبر والتضحيه وانتم لصوص وسفلة ؟!!!!
والله دى قوة عين عجيبه .!!!!!!!!!!!!!!!!!!!!!!!!!!!!!!!!!!!!!!!

[عبوده السر]

#1516736 [ريري التبلديه]
4.00/5 (4 صوت)

09-07-2016 11:28 AM
تضحيه اكتر من صبرنا عليكم تلاتين سنه
و لا صبرنا على فسادكم و جهلكم و عدم احترامكم للشعب و عدم مسؤوليتكم و عدم اهليتكم لاي شي


بتعرفو شنو انتو عن صبر المواطن

[ريري التبلديه]

#1516730 [ابوبكرنك]
5.00/5 (2 صوت)

09-07-2016 11:24 AM
نصبر لمتين سنة سنتين ثلاثة قول لينا انت حدد اجابتك يا اسود يا ابيض

[ابوبكرنك]

#1516728 [خاليت بعانخى]
5.00/5 (1 صوت)

09-07-2016 11:21 AM
قال ايه قال خصص 200 مليون للبحوث ولم يقل كان بالقديم ولا بالجديد اجزم وكمان احلف على المصحف ان المبلغ الذى يقول انه خصصه للبحوث اقل من مخصصاته الشهرية

[خاليت بعانخى]

#1516723 [محمد سعيد عبد الرحمن]
5.00/5 (3 صوت)

09-07-2016 11:13 AM
معالى الوزير حفظه الله
السلام عليكم ورحمة الله وبركاته
نحن المهاجرين مليون فى المائة نرغب العودة كيف نعود وانتاج فى البلد لم يتوفر كيف نعود وصادر مافي كيف نعود وموانئ مغلقة وكيف نعود وتحويل عملة عبر البنوك مافى كيف نعود وكثرة الضرائب وكيف نعودواصلاح مرفوض

[محمد سعيد عبد الرحمن]

#1516722 [خاليت بعانخى]
5.00/5 (2 صوت)

09-07-2016 11:12 AM
قال خصصت الوزارة 200 مليون للبحث العلمى ولم يقل جديد ولا قديم لكن بالتاكيد وهذا المبلغ بالتاكيد اقل من مخصصاته الشهرية ومستعد احلف على المصحف على ذلك

[خاليت بعانخى]

#1516719 [sasa]
0.00/5 (0 صوت)

09-07-2016 11:08 AM
اقتباس

////إنتقد وزير المالية بدر الدين محمود هجرة بعض السودانيين إلي الدول الأخرى، بسبب الوضع الاقتصادي، وطالب المواطنين بالتضحية والصبر من أجل الوطن////

////ودعا الباحثين للنظر إلى خيرات البلاد التي تحتاج لتحريك وتوجيه البحوث لمشروعات التنمية،////


اوكى يابدر سنضحى ونصبر وننظر لخيرات البلاد ؟؟؟؟ ومن ثم نستطع ان نعلم أولادنا ... رسم مدارس ومستلزمات دراسية ومواصلات واكل وشرب وملابس وعلاج وكهرباء وماء وايجار منزل او بناء منزل .... هذا كله يحصل باذن الله توجيها لدعوتك لنا بالصبر وانتظار النعيم والرفاهية التي ستجلبها لنا ادارتك العبقرية لوزارة ( التجنيب - اورنيك 15) اقصد المالية


والله الاختشوا فعلا ماتوا ومن ركض ( تخارج) عاريا كما ولدته امه نجا من الموت حرقا- ارحمنا يابدر يرحمك من في السمااااااااء

[sasa]

#1516708 [كلام في كلم]
5.00/5 (2 صوت)

09-07-2016 10:49 AM
حاضر سعادتك انا راجع حسي دي

[كلام في كلم]

#1516704 [wad haren]
0.00/5 (0 صوت)

09-07-2016 10:44 AM
Thank rakooba newspaper

[wad haren]

#1516702 [wad haren]
5.00/5 (1 صوت)

09-07-2016 10:41 AM
زى ما قال اخونا ود الغرب فى نفس اى مواطن غير الموظفين انو يقدم الغالى والنفيس لهذا الوطن لكن نفوس الفئة الاخرى الموظفين اى واحد همو نفسو كيف يمشى كيف ياكل كيف يركب آخر موديل من السيارات كيف يتعالج كيف يدوس على ابو التحتو عشان مافى زول يصل لمرحلتو اللهو فيها و. . و . .و. . الى يوم الدين

[wad haren]

#1516693 [الاستاذ]
5.00/5 (2 صوت)

09-07-2016 10:27 AM
البحوث تتناغم مع سياسة الدوله ولا سياسة الدوله تتناغم مع البحوث . الكلام ده لو من صلاح قوش كان يكون مفهوم لانو احوص لكن انت مالك

[الاستاذ]

#1516681 [كديت]
5.00/5 (4 صوت)

09-07-2016 10:11 AM
الشباب عمرهم ضاع وماقادرين يتزوجوا وانت عايزهم يصبروا يكملوا باقي العمر عزابة ومن له ابناء في المدارس والجامعات طردتوهم بسبب الرسوم اها برضوا يصبروا ويضحوا بمستقبل اولادهم ولا انتو ماحاسين بالحاصل وبتقولوا الكلام مجرد مجاملة

[كديت]

#1516676 [الهبباي]
5.00/5 (4 صوت)

09-07-2016 10:06 AM
وري الشعب بيان بالعمل واتنازل عن 25 في المائة من مخصصاتك للدوله انت والالف الوزير المعاك بعدين قول للشعب ضخو واصبروا يضحوا بيك انشاءالله في العيد الجاي دي

[الهبباي]

#1516644 [سودانى]
5.00/5 (3 صوت)

09-07-2016 09:31 AM
حريقه فيكم يا وهم انت اول واحد مفروض تضحى بى مقعدك مع تدهور حال الاقتصاد وحال البلد دا لو معاك ضمير يا عديم الذمه والضمير

[سودانى]

#1516643 [بنت الجزيرة]
5.00/5 (4 صوت)

09-07-2016 09:30 AM
واشترط تناغم البحوث العلميه مع سياسة الدولة؛

ولماذا لا تتناغم سياسة الدولة مع البحوث العلميه وتدعمها وتطورها؟

[بنت الجزيرة]

#1516636 [ابن السودان البار *****]
5.00/5 (4 صوت)

09-07-2016 09:20 AM
كيف لا يهرب الشباب وحكومتك الفاسدة تشهر السلاح وتنهب حتي ستات الشاي واطفال الدرداقة وتحطم كل مشروع منتج ؟؟؟

[ابن السودان البار *****]

#1516633 [abuemnan]
5.00/5 (1 صوت)

09-07-2016 09:15 AM
الزم الصبر انت اولا ...الناس صابرة 27 سنة اكثر من كدة يصبرو كم تاني ؟

[abuemnan]

#1516630 [مغترب]
5.00/5 (1 صوت)

09-07-2016 09:07 AM
والله الكلام ده مفروض للناس الطلعت روحنا وروح البلد وخلتنا نطير برا السمح ده عندكم انتو ناس القروش والحكومة ونحنا ما لامين ولاااا في فتافيتكم
طلعتو صليبنا في السودان وكمان نرجع ليكم عشان .....

[مغترب]

#1516629 [shingel]
5.00/5 (1 صوت)

09-07-2016 09:03 AM
يا ناس الراكوبة الخبر دا كان داير صورة النسوان البضحكن ديك٠٠٠٠٠ما صورة الوزير السنيح دا

[shingel]

#1516621 [عدو الكيزان]
5.00/5 (1 صوت)

09-07-2016 08:52 AM
صبر شنو بعد الفيكم اتعرفت

ارض الله واسعه يا عاطل

[عدو الكيزان]

#1516617 [متوكل صديق]
0.00/5 (0 صوت)

09-07-2016 08:45 AM
ي سلام ي وزير المالية عشان الناس دي تقعد في البلد دي مفروض اول شي انتو الوزراء والعاملين فيها البلد وم البلد مفروض تشتغلو مجان وبعد داك تعال انتقد انتو الواحد الحكومة مدياهو بدل عربية عربات 1) وايجار بيوت ومنح وتسهيل ليكم في كل شي 2) ومزانيتكم مفتوحة يعني مامحتاج للراتبك دا زاتو العملة الصعبة عندكم اي كمية عوزنها بتاخدوها. وضرايبكم علي بقت الف في المية بلد يومي ماشة الحياة فيهو تتصعب ومع ذلك انتو قاعدين واموركم ماشة ياخ قدمو استقالاتكم قولو ما قدرنا الناس القاعدين يهاجرو ديل انتو لو كونتو في محلم موش كان هاجرتو كان انتحرتو عديل اه يابلد يالله

[متوكل صديق]

#1516609 [أبو صلاح]
5.00/5 (3 صوت)

09-07-2016 08:39 AM
فعلا هذا الدعى يعيش فى كوكب اخر لا علم له بما يجرى فى البلاد ..
ماقلتو ال
الداير يهاجر مايهاجر طمعا فى العملة الصعبة التى سيرسلها للبلد ، وحتى قلتو ممكن تجيبو الدكاترة بالقفة بدلا عن الدكاترة السودانيين الذين تركو لكم البلد ، والان جاى تقول وتطالب المواطن بالصبر. والتضحية ؟؟
وليه يصبر عليكم المواطن لاكثر مما صبر ؟ عشان تملو بيوتكم بالعملات و تتاجرو فى قوته وتسرقو امواله ؟؟ وليه يصبر المواطن ؟ هل عشان تواصلو فى بناء الفلل والقصور ام لشراءها فى دبى ؟؟!
وعشان شنو يصبر المواطن ووزارتك ترتكب الاخطاء بعد الاخطاء فى التعامل مع الاقتصاد بسبب سوء الادارة وعدم المعرفة والخبرة فى الامور الاقتصادية ووزيرها يحمل ماجستير لايكفى لادارة مطعم ناهيك عن بلد كامل مثل السودان الذى دمرتوه و نهبتوه شردتو اهله ،،
انتو ناس لا بتستحو لا بتخافو الله وماعندكم ذرة من اخلاق لعنكم الله اينما وليتو وجوهكم الكريهة ياسفلة .

[أبو صلاح]

#1516592 [كراكه]
4.75/5 (3 صوت)

09-07-2016 08:31 AM
يا وزير الهنا الناس بتضحي لما تكون عارفه انو موارد البلد وثرواته بتمشي لمستحقينها وبتصرف في مجال التعليم والصحه وليست مخصصات ونثريات لكم وسبعين وزير ما معروف شغلهم شنو ودورهم في الحياه دي شنو، غير انو أصبحوا عاله على المواطن والبلد.
ما ممكن قريه فيها سبعه بيوت عاملين ليها معتمد بسبارة تقدر بمليارات الجنيهات في حين انو المستشفيات تشكي لطوب الأرض والمدارس غير مؤهلة للعملية التربويه والتعليميه.
عندما تضحي انت ايها الوزير الهمام وتبدأ بنفسك متجردا من كل مخصصاتك واستحققاتك وتبقى لك سياره واحده في المنزل وتتعالج في السودان، حينها سوف نضحي،وإلا فلا تتحدث عن التضحيه لأنك لم تصب بمصيبتنا.

[كراكه]

#1516571 [ابومحمد]
5.00/5 (1 صوت)

09-07-2016 08:23 AM
ها ها تضحية عشان انتو تملو كروشكم اتقوا الله وتذكروا يوم الحساب عند مولى عادل يوم لاينفع مال ولا بنون

[ابومحمد]

#1516563 [وحيد]
5.00/5 (1 صوت)

09-07-2016 08:19 AM
وزير المالية و متنفذي الانقاذ يعيشون في كوكب غير كوكبنا و ينظرون الينا من اعلى و يستخدموننا فئران لتجاربهم الفاشلة ... المنعمون الذين يملكون القصور و الاعمال و الشركات العابرة للقارات و يتعاملون بمئات ملايين الدولارات يطالبوننا بالصبر ... اقترح ان يتزل وزير المالية لمدة 3 اشهر ليعيش على راتب موظف و يؤجر بيت و يركب المواصلات و يتكفل بمصاريف المدارس و اعلاج لاسرته بعد التجربة ليحدثنا سعادته عن الصبر

[وحيد]

#1516546 [Free]
5.00/5 (1 صوت)

09-07-2016 08:01 AM
و الله يعنى حنحاول نضحى هذه السنة بى خروف املح بس السنة الجاية نشوف واحد بج(نضحى و يجى واحد زى حضرتك يستوزر و يطلع يشترة بيت بى 2 و نص مليون دولاردولار)

[Free]

#1516542 [ALGANDAWI]
5.00/5 (1 صوت)

09-07-2016 07:58 AM
27 سنة صبر وتضحية ولم نر تنمية ولا تحسن في جميع مناحي الحياة غير أن الفقراء ازدادوا فقراً والحرامية منكم ازدادوا غنى..... حسبي الله عليكم...الواحد منكم يقول كلام بدون أن يفكر في وقعه على المواطن السوداني المقهور من ظلمكم وفسادكم وتعاليكم وغطرستكم..ز

[ALGANDAWI]

#1516534 [CHOCOLATE]
5.00/5 (1 صوت)

09-07-2016 07:50 AM
كل الشعب ممكن يضحي بكل غالي ونفيس بس هل هناك من يقف معه بكل صدق وأمانه

هل اذا رجع كل السودانيين من بلاد المهجر هل الوطن ممكن يضمن لهم عيشه

كريمه هم وأسرهم ؟؟؟ ما هو الجواب يا وطني العزيز

[CHOCOLATE]

#1516526 [ابوجلمبو]
5.00/5 (1 صوت)

09-07-2016 07:45 AM
هو شعب بيعرف الصبر اكتر من السودانيين
ليهم 27 سنة صابرين على شلة لصوص ومنافقين دين

[ابوجلمبو]

#1516524 [نزارالعباد]
5.00/5 (1 صوت)

09-07-2016 07:43 AM
الشعب السودانى ضحى ب 27 عاماًً من عمره الضاع مع الامانى !!! انتو الاسلاميين ماتعرفوا التضحية ماقادرين تضحوا بالتناذل عن السلطة من اجل السودان ليوم واحد !! عما تتكلم التضحية يااخى??

[نزارالعباد]

#1516519 [سلطان]
5.00/5 (1 صوت)

09-07-2016 07:31 AM
بلد يحكمها العسكر واقتصادها يديره مصرفيون علي شاكلة حمدي واخينا الحالي هل تتوقع منها شئ؟ الله اعلم

[سلطان]

#1516512 [قلام الفقر]
0.00/5 (0 صوت)

09-07-2016 07:15 AM
يا عديم الضمير ويا منافق يا رعديد: انت؟؟ انت من تطالب المواطنين السودانين بالصبر والتضحية؟؟؟؟ انت يا سفيق؟؟؟ اولا: انت لست بالشخص الذى يطالب المواطنين بالصبر والتضحية, لانك لست فى موقع من يطالب الامة السودانية بالصبر والتضحية, لعدم نزاهتك وانت تعتبر واحد من الحرامية الكبار بهذه الدولة عديمة الوجيع.
ثانيا: نحن كسودانين ومنذ قدوم هذا النظام الفاشل صابرين مضحين. هل انت احد هؤلاء الصابرين المضحين؟؟؟؟ يا من تدعى بدر الدين والاسم منك براء, اى امل فى الافق يلوح للسودانين حتى يصبروا ويضحوا, كل مشاريع التنمية التى ما من شأنها ان يصبر ويضحى السودانى قد ابيدت عن بكرة ابيها, اذا فيماذا وعلى اى امل يصبر السودانين ويضحون؟؟؟
ولو كنت تعلم ولا اعتقد انك تعلم يا جاهل, ان للصبر حدود, وان السودانين صابرون مضحون منذ العام المشئوم 1989 والى يومنا هذا, دون جدوى للصبر والتضحية طيلة فترة 27 سنة. فاين حد هذا الصبر, ما كان للصبر حدود؟؟؟ السودانين كلهم قبضوا الريح وعموا من سراب وعودكم الكاذبة يا فسقة ياضلالية يا حرامية.
ثم ثالثا: الا تعلم, ويقينى لا تعلم, (اذا كان رب البيت بالدف ضاربا فشيمة اهل البيت كلهم الرقص), اذا كيف تطالب السودانين بالصبر والتضحية, ما كانتم كلكم ضاربين للدف.
اخيرا, اعلم يا من تضع نفسك فى مستوى المسؤول, اعلم تماما ان لارجاء ولا متوقعين اى قائدة لهؤلاء الصابرين المضحون من طرفكم, اذا انكم فشلتم فشلا زريعا فى ادارة دفت البلاد فى كل المناحى.
غايتنا ان نصبر ونضحى فقط فى الاعداد لنسفكم من سطح البسيطة, وهذا قادم, هذا قادم, هذا قادم. وبكرة تشوف.

[قلام الفقر]

#1516511 [ود يوسف]
5.00/5 (1 صوت)

09-07-2016 07:13 AM
معقولة ... بعد 27 سنة من الفشل تطلب منا الصبر ؟؟؟ وإلى متى ؟؟؟ يبدو أنه علينا أن نصبر حسب اعتقاد الحكومة إلى يوم القيامة !!!
ألم يفتخر أحدكم من قبل بأننا ( نصدر الدكاترة والنبق ) !!!
واحد يقول توبوا إلى الله وواحد يقول اصبروا ... ولا أحد يريد أن يعترف بالفشل ... قاتلكم الله ... أغربوا أنتم عن وجوهنا وسينصلح الحال بإذن الله ..
حسبنا الله ونعم الوكيل ...

[ود يوسف]

#1516509 [ساري]
0.00/5 (0 صوت)

09-07-2016 07:07 AM
وهم مرض ضيعتوا بلدنا

[ساري]

#1516508 [Hozaifa yassin]
0.00/5 (0 صوت)

09-07-2016 07:07 AM
الشعب ادرى بمصلحته ومصلحة بلاده ومامنتظر نصيحة منك عشان يهاجر ولا يقعد.انت أولى بنصح نفسك بالا تستغل نفوذك وترفض دفع رسوم النفايات لمزرعتك وإذا اصلك عازد تنصح انصح جماعتك يوقفوا النهب والفساد الظاهر والمستتر وقول ليهم لازم تضحوا عشان خاطر بلدكم وماتنهبوا أموال الشعب وبعدين يرضه انصح هم بانه يوردوا الدولارات واليوروهات والفرنكات فى المصارف ومايخزنوها فى المكاتب والبيوت.عرفت أنكم أولى بنصح انفسكم ؟التفتوا لانفسكم ردى ماقال احدكم لم يبق من العمر الا القليل فاتقوا الله.

[Hozaifa yassin]

#1516507 [sudaniii]
0.00/5 (0 صوت)

09-07-2016 07:06 AM
وزير المالية عايش في برج عال .. كوز مقدود

[sudaniii]

#1516499 [المتغرب الأبدي]
5.00/5 (1 صوت)

09-07-2016 06:45 AM
انت راتبك كم يا وزير المالية ؟؟
أحلق شنبي لو راتبك دا ما بيساوي راتب 20 طبيب على الأقل

[المتغرب الأبدي]

#1516497 [ود احمد]
5.00/5 (1 صوت)

09-07-2016 06:36 AM
انتوا يا المؤتمر الوطني جيبوا القروش السرقاوها ودخلوها البلد وبعدين المهاجرين بيجوا وراها
انت ياوزير الغفلة والله لولا حكم الميزان ماتحلم تكون وزير مالية لهذا البلد العنلاق الذي يتكم فيه اقزام مثلك
اليلد تركناها عشان فسادكم يافاسدين عديمي الضمير كل يوم نطالع فسادكم الذي عم القرى والخضر بشهادة المراجع العام وليس اعلام المعارضة

[ود احمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة