الأخبار
أخبار إقليمية
أعطى كل حاج (7) الف دولار .. البشير يتكفل بنفقة (100) حاج يوغندي بتكلفة (700) الف دولار
أعطى كل حاج (7) الف دولار .. البشير يتكفل بنفقة (100) حاج يوغندي بتكلفة (700) الف دولار
 أعطى كل حاج (7)  الف دولار .. البشير يتكفل بنفقة (100) حاج يوغندي بتكلفة (700) الف دولار


09-08-2016 05:08 AM
الراكوبة - الخرطوم تبرع الرئيس البشير باكثر من (700) الف دولار؛ لعدد مائة حاج من حجاج دولة يوغندا؛ بواقع سبعة الف دولار للحاج الواحد.
وذكرت وكالة "الساموراي نيوز" ان الرئيس اليوغندي يوري موسفيني شكر نظيره الرئيس المشير عمر البشير على المكرمة.
واضافت الوكالة ان البشير قام بتقديم (مكرمة حج) لعدد (100) مواطن يوغندي مسلم لحج هذا العام 1437 ه- 2016 م .
واضافت: أن الحجاج اليوغنديين المائة توجهوا للأراضي المقدسة بعد أن تكفل الرئيس السوداني عمر البشير بكل تكليف حجهم من تذاكر طيران ذهاب وعودة ، وإقامة بالأراضي المقدسة.
واشارت الى أن تكلفة الحاج الواحد بلغت (6000) ستة ألف دولار ، زائدا (نثرية جيب) لكل حاج ألف دولار .


تعليقات 78 | إهداء 1 | زيارات 35093

صفحة 1 من 212>
التعليقات
#1518031 [هنادي الهادي]
5.00/5 (1 صوت)

09-10-2016 02:01 AM
في الحقيقة هذه رشوة و ليست مكرمة من البشير الي يوغندا من مال الشعب السوداني البشير يأخذ من مال و قوت و دم الشعب السوداني ليوزع الرشوة يميناً و يسارا فقدم السبت تلقي الاحد نعلم جميعا ان بعبع المحكمة الجنايات الدولية ماذال يطارده.

[هنادي الهادي]

#1517986 [أحمد محمد]
2.00/5 (1 صوت)

09-09-2016 09:23 PM
الامر مرفوع لله صاحب العدل السماوى,
الامر مرفوع لله الذى لاينام ولا يأكل الطعام,
الامر مرفوع لله من يعلم وينظر دبيب النملة
الزرقاء فى الليلة الظلماء فى الصخرة الصماء,
الامر مرفوع لله صاحب ميزان المثقالة ذرة,
الامر مرفوع لله رافع السماء بلا عمد باسط الارض
ناصب الجبال العاتيات مجرى السحاب ومسير المحيطات والانهار,
الامر مرفوع لله القوى الذى لاتضاهيه قوة ما اجتمعن
القوى ما بين السموات والارض التى لاتساوى فى قوته شئ,
شكيناك وكل مظلوم ومنكوب ومقتول وجائع والفاقد لابيه
والذى قتلتة بدم بارد وكل امراءة انت رملتها,
كلنا السودانين شكوناك لله القوى العزيز المتين,
شكوناك لله اناء الليل واطراف النهار,
شكوناك لله صاحب البأس الشديد,
شكوناك لله الذى لايرد دعوة المظلوم
اذ يرفعها الى الاعالى ويردها على رأس الظالم.
شكونا الى الله, وفوضنا امرنا فيك لله,
وحسبنا الله ونعم الوكيل فيك ولا حول والاقوة الابالله العلى العظيم).

[أحمد محمد]

#1517983 [zool123]
5.00/5 (1 صوت)

09-09-2016 09:18 PM
تكلفة الحج من المغرب ما يعادل 4600 دولار شامل السفر و الاعاشة
تكلفة الحج من تونس حوالى ما يعادل 4000 دولار شامل السفر و الإعاشة
تكلفة الحج من السودان مؤسسات 27500 ج او 2000 دولار
تكلفة الحج من يوغندا 7000 دولار
طبعا يوغندا اصبحت ابعد من المغرب او الحكاية فيها إن
المبلغ دا بيحجج اكتر من المية نفر
غايتو الحكاية دايرة محاسب عشان يشرح لينا التكاليف

[zool123]

#1517913 [القذافي 40 سنة وصدام كم وعشرين والبشير لا زال ينتظر.]
5.00/5 (2 صوت)

09-09-2016 02:59 PM
يا جماعه منو القال نحن دوله فقيره .نحن دوله غنيه وشعبها غني جدا وريسنا اغني ريس في أفريقيا واحتمال كمان يكون في كل العالم ما عدا ملوك الخليج .كدي قولوا لي منو العضو في الحركة الإسلامية والا المؤتمر الوطني والا مجلس الشعب ولا وزراء الحكومة المركزية والا حكومة الولايات مفلس والا جعان والا ماعندوا دولارات.وازيدكم من الشعر بيتا منوا من زعماء المعارضة والا الحركات المسلحة والا شيوخ الطرق الصوفية ولا شيوخ انصار السنه مفلسا. المفلسين نحن المابنهش ولا بنش نصيح ونكورك ساي مظاهرة ما قادرين نطلعها.الدولار لو مالاقي البشتريه ب 17 الف كان بار ودق الدلجه لكن أولاد العز مالين البلد وبشتروه حتي لو وصل عشرين يالا بلا لمه. والسلام.

[القذافي 40 سنة وصدام كم وعشرين والبشير لا زال ينتظر.]

#1517893 [الجنقوري]
0.00/5 (0 صوت)

09-09-2016 02:05 PM
وماذا يستفيد يوري موسيفيني المسيحي من حج 100 مائه يوغندي ، المسلمين يمثلون 12% من السكان ياطارق

[الجنقوري]

#1517883 [جبلا" أصم]
5.00/5 (2 صوت)

09-09-2016 01:36 PM
ما قولنا ؟ برجل يحتقره شعبه ويتلاعب خاصته به ويضحك أطقال هذه الأمة كلما رأوا صورته علي صفحات المنشورات الكاذبة لإعلامه المصنوع من ورق الدكتاتورية والطغاة بل - وأضحى يباع ويشترى لهوا" بأحاديث الحسان او كلما ألتقن ربات الخدور المنيعة وأرتقن مجلسا" لقهوتهن المصون ، ليتندرن في كل مرة قصة" من المجلدات الفاخرة لأقاصيص - الكاذب البشير!
لا شئ يقال لرجل أضاع شعبه، فأضاعه الشعب وأذاقه المر من ذل التندر والنكات! حيث لا شئ تبقي لهذا الرجل - سوى المحاولة من شرب وولغ المزيد من دماء هذا الشعب الصابر الأبي ومحاولة النكاية به - ولكن هيهات هيهات يا عمر !
إفعل ما شئت وأجمع ما تشاء من صنوف الويل والثبور وما أستطعت من حشد العذاب - ف بينك وبين هذا الشعب موعد - ولن يخلف هذا الشعب موعده - وإن أخلفت الشمس موعدها في الشروق كل صباح !
صبرا"، فليس بعد الصبر سوى االفرج القريب لنهاية عهدك يا عمر البشير!

[جبلا" أصم]

#1517861 [طارق]
4.00/5 (1 صوت)

09-09-2016 12:45 PM
المعلقين متشائمين وما شايفين غير السلبيات في كل حاجة.
البشير رجل ينظر للمستقبل.
بناء وتطوير علاقات قوية مع يوغندا هو مكسب لينا.
يوغندا ليها 20 سنة تحارب فينا وبيناتنا عداوة شديدة.
لكن في الاونة الاخيرة أنصلح الحال وموسيفني جاء الخرطوم ونحن مشينا ليهو.
والراجل ما قصر معانا وأحرج الأمريكان في حفل تنصيبه والبشير كان حاضر.
موسيفني قال للأمريكان: أنتو ناس ما منكم فائدة ومحكمتكم كلام فاضي.
والامريكان هربوا من مكان الاحتفال محرجين يجرجروا أذيال الخيبة.
والمكسب ليس في الاحراج السياسي وبس.
وأنما في أنو البشير نجح في تجميع الافارقة كلهم ضد الجنائية.
في قلب رجل واحد ضد أمريكا.
يعني البشير نجح في صناعة لوبي أفريقي يقدر يقول (لا) في وجه أمريكا.
ده بالإضافة للوبي الآسيوي بقيادة الصين.
ده بالإضافة للوبي السوفيتي بقيادة روسيا.
السودان شغال شغال صاح وضاغط علي أمريكا ضغط سياسي صاح.
دي مكاسب هائلة وجبارة وليها فوائد كبيرة في مجلس الأمن.
بناء العلاقات السياسية بيكون كده.
سياسة سياسة سياسة سياسة.
وأنتو ما بتعرفوا حاجة في السياسة يا أخوانا المعلقين.
السودان شغال إنفتاح علي كل الجبهات.
حتي أمريكا زاتها شغالين معاها إنفتاح لكن بشروطنا.
يعني نشتمها في حاجات ونشكرها في حاجات.
لكن نحن كسودانيين ما عندنا كبير نبوس ليهو الأيادي والأرجل.
ليس هناك عيب واحد في تبرع البشير بحج 100 حاج يوغندي.
وقبل فترة البشير تبرع ببناء مستشفي في جيبوتي لنفس الأسباب.
الحاجات دي بتكون لصالح السودان والسودانيين علي المدي القريب والبعيد.
والواحد بيقدم السبت علي الأحد.
وقبل سنين قدمنا كتير لأثيوبيا وهسع أثيوبيا ما قاعدة تقصر معانا بالكهرباء.
لكن الناس ما بيشوفو أبعد من النخرة (الأنف).
وبعدين البشير قبل شهرين تقريباً أمر بحج الطلاب المائة الاوائل في الشهادة.
يعني ما بيقصر معانا برضو.
وبخصوص مستشفي جيبوتي فالبشير عمل مئات المستشفيات في السودان برضو.
لكن نقول شنو بس للناس الفهمها قاصر.

[طارق]

ردود على طارق
[سليمان] 09-09-2016 09:19 PM
شرعا الحج لمن استطاع اليه سبيلا
من لا يملك القدرة ومنها القدرة المالية فلا حج له
رئيسك دا ما بيعرف دين بتعريفة

لو كان عاوز يفيد مسلمي يوغندا كان يستخدم القروش دي في مشروع يستفيد منه اكثر من هذا العدد من المسلمين اليوغنديين
لكن الظاهر عليه عاوز يجند جماعات لقلقلة موسيفيني زي ما عمل زمان مع افورقي

Oman [مظلوم من الكيزان] 09-09-2016 03:01 PM
الاولى يأكل الجوعى ويعالج المرضى فى السودان يا اخينا،،، اى جهل ده،،، الشعب السوداني ده كافر؟؟ الله ينتقم من الرقاص وشلته

[ايوب ذاتو] 09-09-2016 01:58 PM
كان تكتب نمرة تلفونك تحت عشان يتصلو بيك ويودوك معاهم، يا ق.....د، المثل بيقول الاكل كان ما كفي البيت حرم علي الجار، مكرمة شنو والناس جعانة وبتبيع في اعضائها عشان تاكل،، الله لا كسبك ولا كسبو العوقة القاتل اللص


#1517860 [ممكون]
4.50/5 (2 صوت)

09-09-2016 12:45 PM
والله العظيم انا للان لا املك حق الاضحيه وود الحرام دا يوزع في القروش زي حقت ابوه .طيب ما كان تديني منها 100دولار بس لخروف الاضحيه تقوم تحججهم وتدي الواحدالف دولار يا ابن ال؟

[ممكون]

#1517843 [ود اابصير]
4.50/5 (2 صوت)

09-09-2016 12:05 PM
يا جماعة الخير ريسنا شايف نحنا عايشين في رفاهية و أخر انبساطة فقال أحسن يراضي موسيفيني بتكاليف حج 100 يوغندي .

[ود اابصير]

#1517832 [حمارويه]
3.50/5 (2 صوت)

09-09-2016 11:35 AM
دى المكرمة السودانية لطرد الجبهة الثورية

[حمارويه]

#1517819 [abu adam]
5.00/5 (3 صوت)

09-09-2016 10:29 AM
يا اخوانا الزول دا متعود علي اهانة الشعب السوداني والناس افتكر بتتذكر لما دعا الفريق المصري لكرة القدم واعطاهم سيارات وكذلك عندما ارسل للمصريين قطعان من الماشية كهدية للمصريين في الوقت الذي فيه قام المصريين باحتلال حلايب وشلاتين وبعض اراضي النوبة في الشمال ولذلك نرجو من المولي عز وجل ان يزيل البلاء وان يعوض الشعب السوداني علي الحياة البائسة والفقر الذي يعيش فيه.

[abu adam]

#1517798 [المنجلك]
5.00/5 (2 صوت)

09-09-2016 09:10 AM
في عرف العلاقات الدبلوماسية المال يعتبر هدية من الشعب السوداني للشعب اليوغندي

ولكن

1- من خول لك التصرف في اموال الشعب السوداني فأنت كلب استوليت علي الدولة بقوة السلاح ولم يأتي بك الشعب رئيساً

2-شرعاً لا يجوز التبرع للحج لغير وجه الله فقد اعتدتم تجارة الدين فهذه هدية من ورائها مكاسب سياسية هل يعقل أن تؤثرون على أنفسكم ولو كانت بكم خصاصة انها ليست من شيمة صغار القوم والفاقد التربوي

3-كان الأحري ان تتبرع لفريق رياضي كعادتكم في التبرعات التي انتجت لكم فنيلة ميسي

[المنجلك]

#1517789 [sudanese]
3.00/5 (1 صوت)

09-09-2016 08:49 AM
دا فراغ بنت ام قدوم...امها عريانة وهي تكسي في الخدوم...
الاقربين اولي بالمعروف يا سيادة الرئيس!!!!

[sudanese]

#1517724 [ALIIIIIIIIIIIIIIIIIIIIIIIIIIIIII]
5.00/5 (2 صوت)

09-09-2016 01:42 AM
700.000 دولار امريكي لكي يحج 100 حاج يوغندي ليست المشكلة في ان يحج 100 حاج ان شاء لو جايين من القمر المشكلة ان بلاده خراب وغلاء وحروبات وفساد وهجرة و حدود منتهكة وغير هذا الخراب مايشيب لهوله الولدان هذا رجل معتوه بكل مافي الكلمة من معني يتبرع بالاموال الي دول الخارج...يعني كانه بيقول اها انا بسوي كده وبغيظ فيكم

[ALIIIIIIIIIIIIIIIIIIIIIIIIIIIIII]

#1517646 [متسكع]
5.00/5 (2 صوت)

09-08-2016 08:32 PM
يا جماعة
انا يوم واحد ما سمعت ان هذا اعتوه
تبرع لمرضى الكلام
ولا لمستشفي سرطٱن الاطفال

ولا لصيانة مدارس

ولا لصيانة لمستشفي

ولا لفقراء معدومين

ولا اعمل خط اخر لطريق مدني طريق الموت

ولا لتوصيل الماء لاطراف ولاية الخرطوم

ولا لتكلة المدينة الرياضية

ولا لسفلتت الطرق المتهالكة

ولا دعم الكهرباء

طيب انت قايل بتعمل خير في صرف هذا المبلغ
او منتظر اجر او ثواب من الله عز و جل لا والف لا
هذا الكلام لا تملكه وتعطيه لمن لا يستحق حتي
لو كان حج وفاقد الشئ لا يعطيه سوف يرجع
عليك هذا الفعل بالاثم لنو في شيئن اما مال الشعب
وهذا لا يجوز اما مالك وانت لا تملك هذا المبلغ
اذا انت حرامي

[متسكع]

ردود على متسكع
Saudi Arabia [متسكع] 09-10-2016 02:13 AM
معاك حق والله

Sweden [Konda Angelo] 09-09-2016 10:37 AM
الموضوع ليس عمل خير بل فتح شهية للرئيس موسفيني ليقبل بالمساومة وهذا ذكاء من إخوان الشياطين


#1517627 [قساس فادي]
5.00/5 (2 صوت)

09-08-2016 07:34 PM
السنة الجاية انشاء الله نحج من يوغندا

[قساس فادي]

#1517617 [ابوحسن]
4.00/5 (2 صوت)

09-08-2016 07:04 PM
لاحول ولاقوه الا بالله.حسبي الله ونعم الوكيل .

[ابوحسن]

#1517607 [البخاري]
5.00/5 (3 صوت)

09-08-2016 06:46 PM
على كل حال شكلك قبيح وخشمك كبير زي صلعتك (مع الاعتذار لعبد الحميد يوسف).

يا أهلنا الحج لا يجب على الإنسان إلا بالاستطاعة رغم أنه ركن من أركان الإسلام، فما بال البشكير يبعزق قروش البلد في الشو والفارغة والناس فقرانين وجوعانين. حتى الحجيح السودانيين يشكون لطوب الأرض من أكل الزبادي والعدس في أرض الخير والبركة. لقد كثر مال الحرام عند الرئيس واشتكلت عليه الأولويات والنتيجة ما ترون.

[البخاري]

ردود على البخاري
European Union [abushihab] 09-09-2016 11:03 AM
هذا المال خبيث لانه مسروق من قوت الشعب, وان الله طيب ولا يقبل الا طيبا, والله اعلم.


#1517583 [جنرال زمان]
4.75/5 (3 صوت)

09-08-2016 05:52 PM
والله لا نقول الا حسبنا الله فيكم يا كيزان، دا كله خوف من موسفيني؟ ولا دي من ورثة ابوك؟!!! لا حول ولا قوة الا بالله

[جنرال زمان]

#1517561 [بدرنورالدائم]
0.00/5 (0 صوت)

09-08-2016 05:17 PM
والله شى جميل ولكن الاقربين اولى بالمعروف يعنى كل السودانيين حجوا

[بدرنورالدائم]

#1517553 [مواطن]
5.00/5 (2 صوت)

09-08-2016 05:06 PM
ده كلو عشان يرضى موسيفنى مع أنو موسيفنى ما عندو شغلة في حج ولا حجاج, ودى أكيد من أفكار مستشارنه المتخلفين الاغبياء.

[مواطن]

#1517534 [ggg]
0.00/5 (0 صوت)

09-08-2016 04:21 PM
حسه الزول ده لو صادوه بسنارة من خشموا الواسع ومعفن ده بيفك تاني

[ggg]

#1517526 [cool]
2.75/5 (3 صوت)

09-08-2016 03:57 PM
اسفه واحقر واهبل بنى ادم انجبته حواء السودانيه.

[cool]

#1517503 [والله الكلام دا اعوج تب]
1.00/5 (1 صوت)

09-08-2016 03:23 PM
منو دا انا دي بري بري بري بري .....

[والله الكلام دا اعوج تب]

#1517495 [ممغوص]
4.00/5 (1 صوت)

09-08-2016 03:08 PM
دي حركة في شكل تحلل وكده

[ممغوص]

#1517490 [حسن عباس]
4.50/5 (2 صوت)

09-08-2016 02:59 PM
شكراً للأخ المعلق [قلام الفقر] على مداخلته .

---------------
الامر مرفوع لله صاحب العدل السماوى,
الامر مرفوع لله الذى لاينام ولا يأكل الطعام,
الامر مرفوع لله من يعلم وينظر دبيب النملة الزرقاء فى الليلة الظلماء فى الصخرة الصماء,
الامر مرفوع لله صاحب ميزان المثقالة ذرة,
الامر مرفوع لله رافع السماء بلا عمد باسط الارض ناصب الجبال العاتيات مجرى السحاب ومسير المحيطات والانهار,
الامر مرفوع لله القوى الذى لاتضاهيه قوة ما اجتمعن القوى ما بين السموات والارض التى لاتساوى فى قوته شئ, شكيناك وكل مظلوم ومنكوب ومقتول وجائع والفاقد لابيه والذى قتلتة بدم بارد وكل امراءة انت رملتها, كلنا السودانين شكوناك لله القوى العزيز المتين, شكوناك لله اناء الليل واطراف النهار, شكوناك لله صاحب البأس الشديد, شكوناك لله الذى لايرد دعوة المظلوم اذ يرفعها الى الاعالى ويردها على رأس الظالم. شكونا الى الله, وفوضنا امرنا فيك لله, وحسبنا الله ونعم الوكيل فيك ولا حول والاقوة الابالله العلى العظيم).

[حسن عباس]

#1517470 [Rajab]
4.38/5 (7 صوت)

09-08-2016 02:30 PM
بشه عارف لو ادي القروش لحجاج سودانيين و وداهم بيهم الحج. برضوا بيدعوا عليه في الحج. قال اخير اليوغندييين.

[Rajab]

#1517459 [محمد علي]
4.00/5 (1 صوت)

09-08-2016 02:10 PM
بطلوا الكلام زي العيال الصغار
الثوره الثوره
عاوزين ثوره مجان بدون تمن
انتظروا كدا ي خيابه
لحدي ما يجي يوم
السفيه دا
ما يلقى دولارات
ساعتها سيتبرع
باخوتكم وبناتكم
عشان هو ما عندو
اصبروا
تشوفوا بعدين
أعوذ بالله

[محمد علي]

#1517449 [k_alhassan]
5.00/5 (2 صوت)

09-08-2016 01:51 PM
خايب الرجا

[k_alhassan]

#1517446 [ابوجلمبو]
3.00/5 (2 صوت)

09-08-2016 01:48 PM
الغريبة الدول بتتبرع لضحايا فيضانات السودان والمعتوه بيتبرع لليوغنديين

[ابوجلمبو]

#1517441 [ابوجلمبو]
2.50/5 (2 صوت)

09-08-2016 01:42 PM
بالله الوقح ده المطرة والفيضان غرق الناس وما مشى ليهم ولا جاب سيرة مطرة
ده انسان بيتعمد الاساءة للشعب السوداني
شخص مريض ومتغطرس ومستبد

[ابوجلمبو]

#1517423 [متامل]
4.00/5 (1 صوت)

09-08-2016 01:18 PM
لالالالا اكييييد انتوا بتهظروا ههههههههههههه

[متامل]

#1517409 [حسن نقد]
3.00/5 (2 صوت)

09-08-2016 01:07 PM
مسخرة!!!
دي (مسكرا)
تجميل للوجه
قال عاوز يكفر عن ذنوبو بالشكل دا
ويظهر انو شيخوا القالوا اسمو السماني اداه الفتوى دي ويظهر قال ليهو (والله اعلم)انو يعمل "منظمة عمر البشيرالخيريةالاسلامية" لدعم اوغندا واندونيسيا والروهينقا وجيبوتي وحماس ومصر (وبقية دول العالم المحتاجة !).. من مال الشعب المتبقي والناجي من المحرقة ..
نسأل الله تعالى نهاية كنهاية القذافي ..

[حسن نقد]

#1517408 [ليدو]
4.00/5 (4 صوت)

09-08-2016 01:06 PM
حسبنا الله ونعم الوكيل فيك أيها السفيه ،، والله العظيم أنا كسوداني ما عافي ليك البتعملو فينا ليوم الدين ، و يوماتي بدعي عليك إنت و حزبك و أهلك خمسة مرات في اليوم ..
لعنة الله عليك في الدارين .

[ليدو]

#1517401 [زعتر]
1.00/5 (1 صوت)

09-08-2016 12:57 PM
اعوذ بالله منك ي شيطان الله يلعنك والحجاج اليوغنديييين ديل لو عندهم ضمير او كرامه ما كان يقبلوها منو م عارفنو دا سفاح وحرامي

[زعتر]

ردود على زعتر
European Union [abushihab] 09-09-2016 11:12 AM
اتحداهم لو كانو بيعرفو واحد اسمو عمر حسن قبل كدا......... عمك طه يكون لهف نصها.


#1517365 [تفيدة اللي عاجناكم وخابزاكم]
4.00/5 (1 صوت)

09-08-2016 12:03 PM
وانتو مالكم ؟ مش فلوسو اللي ورثها من أبوه وأبو أهله؟!!!

[تفيدة اللي عاجناكم وخابزاكم]

#1517364 [قلام الفقر]
4.25/5 (5 صوت)

09-08-2016 11:57 AM
كل دولارات الحكومة فى جيب عمر البشير ومدير مكتبة ووزرائة اللصوص الكفرة الفجرة, حتى بلغ مبلغا ليحجج الحجاج اليوغندين بمبلغ 700 الف دولار, دولارات الشعب السودانى, ((( -- ربنا يجعلهم لك شفاعة ياعمر البشير يوم الزحف العظيم--))) واللهى نحن السودانين نعلم تمام العلم الغاية من ال 700 الف دولار للحجاج اليوغندين, هو لهثا وتلهث وانبراش للرئيس اليوغندى الذى يحتقرك وينبذك ويتفهك اكثر واكثر بعد هذا العطاء السخى منك, ولكن الحكومة الهشة لاتملك ولا دولار واحد والدولار وصل فى السوق الاسود الى 17 جنية, وهذا يعنى الندرة النادرة للدولار فى السودان, وهنا البشير يحجج اليوغندين ب 700 الف دولار بواقع 7000 دولار لكل حاج يوغندى, ( بالدارجى: جبتها من وين يالص؟؟؟ مال زويك (ابوك)؟؟؟ ام البعض اليسير مما سرقته من الشعب السودانى؟؟؟ جبتها من وين عايزين اجابة؟؟؟؟ انت مكلف بالاجابة يالص.)
الامر مرفوع لله صاحب العدل السماوى, الامر مرفوع لله الذى لاينام ولا يأكل الطعام, الامر مرفوع لله من يعلم وينظر دبيب النملة الزرقاء فى الليلة الظلماء فى الصخرة الصماء, الامر مرفوع لله صاحب ميزان المثقالة ذرة, الامر مرفوع لله رافع السماء بلا عمد باسط الارض ناصب الجبال العاتيات مجرى السحاب ومسير المحيطات والانهار, الامر مرفوع لله القوى الذى لاتضاهيه قوة ما اجتمعن القوى ما بين السموات والارض التى لاتساوى فى قوته شئ, شكيناك وكل مظلوم ومنكوب ومقتول وجائع والفاقد لابيه والذى قتلتة بدم بارد وكل امراءة انت رملتها, كلنا السودانين شكوناك لله القوى العزيز المتين, شكوناك لله اناء الليل واطراف النهار, شكوناك لله صاحب البأس الشديد, شكوناك لله الذى لايرد دعوة المظلوم اذ يرفعها الى الاعالى ويردها على رأس الظالم. شكونا الى الله, وفوضنا امرنا فيك لله, وحسبنا الله ونعم الوكيل فيك ولا حول والاقوة الابالله العلى العظيم).

[قلام الفقر]

#1517354 [السوداني]
0.00/5 (0 صوت)

09-08-2016 11:42 AM
والله الايام ايام عيد ولكن عندما قراءة الخبر اعلاءه ما عارف الواحد يبكي عشان حال البلد والناس ولا الواحد يضحك من عبس حرامي دولة السودان... اللهم سلم السودان واهله اجمعيين...

[السوداني]

#1517344 [محمد الحسن عبد الباسط]
4.63/5 (6 صوت)

09-08-2016 11:27 AM
الله لا بارك فيك يا البشير و لا بارك فى نظامك يا حرامى يا وقح ..
دى قروشنا دى ال بتبدد فيها لكل من هب و دب عشان تحسن من صورتك فى الخارج .. ربنا ح يسألك منها و من غيرها من أموال الفقراء و اليتامى التى نهبتها و الله يمهل و لا يُهمل و ح نشوفو فيك فى الدنيا قبل الآخرة بإذن الله تعالى ..
شغال هَبَرى و لهطى فى اموال الناس انت و عائلتك و اخوانك و مدير مكتبك الاخطبوط و مفتكر انه الحكاية سايبة يا فرعون زمانك !!

لكن بجى اليوم الذى فيه س نسترجع قروشنا المسروقة كلها منك أو من غيرك حتى ولو هربتو لكوكب آخر سوف نأتى بكم للقصاص , و ح تشوف يا جنابو ..

لقد اصبحت شخص غير جدير بالإحترام زول ماعندو كرامة نذل .. و أموالنا سوف لن نتركها لكم يا سفلة الإنقاذ .

[محمد الحسن عبد الباسط]

#1517342 [حسكنيت]
4.57/5 (5 صوت)

09-08-2016 11:26 AM
الرؤساء البرسلوا ليك الإغاثة ما قاعدين إتفشخروا جنس فشخرتك دى ، ...مادى قرعتك تشحد يمين وشمال بإسم الشعب السودانى وتجى تتبرع بيها لى موسفينى ... ولا حتى كمان مسلمين جنوب السودان ،
...حجيت خرتمية مرة على حسابنا وحججت البرلمان وناس الحزب وعالجت ناس جيبوتى وبسطت الفريق المصرى وملس زناوى ...وقسمت الضان والبقر والأراضى ،

شلعت البلد ، ربنا يشلعك عضم عضم إنت والمعاك

[حسكنيت]

ردود على حسكنيت
European Union [abushihab] 09-09-2016 11:17 AM
لالالالالالالا....تحن عايزنو سالم بعضمو.


#1517333 [Alnasery]
4.50/5 (3 صوت)

09-08-2016 11:15 AM
سبعة الف دولار والحجاج السودانببن بشتكون فطور عدس غداء عدس عشاء عدس ولو محظوظون احيانا زبادى حسبى الله ونعم الوكيل

[Alnasery]

#1517325 [حلفاوي]
4.25/5 (3 صوت)

09-08-2016 10:59 AM
قلنا مرارأً وتكراراً ان هؤلاء يؤثرون (اخوانهم) اينما كانوا وكيفما كانوا ... ولن يبالوا بمن هم سواهم ....
فمنظمة الدعوة الاسلامية على سبيل المثال (احد روافد التنظيم العالمي للاخوان المسلمين) لها الاولوية في الدعم .... واطراف الخرطوم بها من يدفنون موتاهم بدون صلاة جنازة لانه لا يوجد بينهم من يحفظ سورة الفاتحة ..
هم يفضلون دعم حماس بملايين الدولارات لبناء منازلهم الاسمنتية ولا يلقون بالا لضحايا السيول الامطار باطراف الخرطوم وبقية انحاء السودان ....
يرسلون لحماس الاخوانية (7) سيارات اسعاف هدية ... بينما نموت نحن قبل ان نصل الى المشافي ....
هل يقبل عاقلا ونحن في مثل هذه الظروف والتشظي والغلاء وشح العملة ان يتبرع حكامنا ببناء مشفى بجيبوتي تتجاوز تكلفتها تجاوزت تكلفته (24) مليون دولار ... ومرضانا يموتون لانهم لا يحصلون (حقنة ) لا تتجاوز قيمتها الدولار .
حسبنا الله فيكم يا هؤلاء ....
دعوة ومناشدة لكل كتابنا وصحفيينا اكشفوا وافضحوا هذا النظام الذي لا يبالي بحياتنا وكرامتنا نحن كسودانيين . فالتنظيم هو الاولى ..
فلا تيأسوا وتهننوا فما تكتبون يجدا اذنا صاغية وتبنى عليه مواقف العديد من الدول والمنظمات .... فما كتبتموه هو الذي دفع هذه الدول والمنظمات ان تحرص على ان يكون دعمها مباشرا وتحت اشرافها ورعايتها ... وهذا هو المنشود وهو الانفع لضمان وصول الدعم لمستحقيه ...

[حلفاوي]

#1517316 [eddayer]
4.25/5 (3 صوت)

09-08-2016 10:49 AM
لا حول ولا قوة إلا بالله. .حرام عليك ..السودانيين كاتلهم الجوع..وانت توزع مكرمة من قوتهم..حسبنا الله ونعم الوكيل.

[eddayer]

#1517312 [محمد]
4.00/5 (1 صوت)

09-08-2016 10:46 AM
الأقربون أولي بالمعروف.


رقم الحديث: 138
(حديث مرفوع) حَدِيثٌ : " الأَقْرَبُونَ أَوْلَى بِالْمَعْرُوفِ " ، ما علمته بهذا اللفظ ، ولكن قال النبي صلى اللَّه عليه وسلم لأبي طلحة : أرى أن تجعلها في الأقربين ، رواه البخاري من حديث مالك عن إسحاق بن عبد اللَّه عن أنس قال : وقال ثابت عن أنس : قال النبي صلى اللَّه عليه وسلم لأبي طلحة : اجعله لفقراء أقاربك ، وقال الأنصاري : حدثني أبي عن ثمامة عن أنس مثل حديث ثابت : اجعلها لفقراء قرابتك ترحم ، هذا كله إذا أوقف أو أوصى لأقاربه ، وفي التنزيل قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالأَقْرَبِينَ سورة البقرة آية 215 ، و كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِنْ تَرَكَ خَيْرًا الْوَصِيَّةُ لِلْوَالِدَيْنِ وَالأَقْرَبِينَ بِالْمَعْرُوفِ سورة البقرة آية 180 .

[محمد]

#1517301 [ابو لما]
2.50/5 (4 صوت)

09-08-2016 10:37 AM
والله يا ود الذين ما تقول بتاخد اجر ؟ المائة حاج ديل يجروك من كرعيك ويرموك فى جهنم زي الكلب

[ابو لما]

#1517300 [ينابيع السنا]
5.00/5 (1 صوت)

09-08-2016 10:36 AM
والله ما عافين ليك يا البشير السودانين الحايمين ديل جعانين ومرضانين ومقطعين هم أولى من اليوغندين وقت أصلا ما مستطيعين ليه عايزين يحجو وشحت الله ياالبشير قروشنا دي تعود عليك بالساحق والماحق والبلا المتلاحق

[ينابيع السنا]

ردود على ينابيع السنا
Canada [سلوى] 09-09-2016 09:59 PM
آميين


#1517293 [حاتم سيد]
2.50/5 (2 صوت)

09-08-2016 10:25 AM
باتت واحدة من هوايات الرقاص المفضلة.. استفزاز ما تبقى من الشعب السوداني!
لعنة الله عليك يا طاغوت

[حاتم سيد]

#1517291 [المراقب]
5.00/5 (4 صوت)

09-08-2016 10:21 AM
بالله عليكم شفتوا حال مستشفى أبو عنجة للصدرية اللى بتعالج فيه الفنان الشاب الجنوبى شول مانوت - المستشفى عبارة عن خرابة لاتوجد به سراير و لا ملايات و حالتة أسوأ من كوشة والمرضى راقدين فى البلاط - هذه ال 700 ألف دولار مش كان أولى بها صيانة و اصلاح هذا المستشفى الذى يعالج الوف من مرضى السل الرئوى - و لاحول ولاقوة الا بالله ..

[المراقب]

#1517290 [الجعلي ود المتمة]
4.88/5 (4 صوت)

09-08-2016 10:19 AM
العبووبة
الشارط العين…
والخارب سوبا...
لا عز ... لا كرامة يفرحووبا
لا وطن لا هوية.. يفخرووبا..
خيبة بس
""""""
يسفروك يودوك.. بصعوبة يرجوعك بفضيحة .. يضحكووبا
من سماء الحرمين طلعووبا
بالجو ( طردوك) رجعووبا
جرجروك.. جروك في ابوجا ..
ومن جوهانس نجوك باعجوبة ..
لا رجولة.. لا شهامة... يشهدووبا
جري بس..
"""""""
خلايجة في الشرم ...جرجرووبا
سمعة وطن .... بشتنووبا..
تركولك القاعة....وفضووبا
لا افارقة ستروك .. لا عروبة
ضياع وبس..
""""""
وطنا الراح في غيبوبة.
في عهدك ضاع وبقي العُوبة..
جنيه هلكان.. راكوبة ..
والسوق فلتان لهلووبة..
لا ضبط لا ربط لا رطوبة
جفاف وبس.
""""""
سيول وامطار ...بهبوبا
مشاريع باينة ...وظاهرة عيوبا ربا وسرقة وضربات ملعوبة
بالجد بالجد….. بلد منهوبة
وما فيش مسئول داقي طوبة
لا اخلاق لا امانة.. سمعووبا
فساد وبس…
""""""
جنوبنا حليل .. واو وجووبا ..
ودارفور كردفان.. بي حروبا
نزوح ولجو لشعوبا
موت مجان…في دروبا
اطفال هيبان ضحووبا..
لا طفولة ...لا براءة ..اتهنووبا
حروب وبس.
""""""
بلد مفدية لفردا ..بحصار وعقاب مضروبة
لجبان مرهون عرقوبا
وتموت الناس .. مرعوبة
وتشيل يا بشة ذنوبا ..
يسير بشة .
على اجسادنا ... وفووقا
لاهاي لابد.. يحكمووبا
والسفر لو طال..يصلووبا..
لاهاي بس
""""""
دقسوك لبسوك بردلوبة
بقميص وفنيلة ...ينصبووبا !!!
سذاجة وعبط وفضايح يحكووبا
قلبت في راسنا الهوبا ..
لا فهم لا فكر ..يغطووبا .
جهل بس

[الجعلي ود المتمة]

ردود على الجعلي ود المتمة
European Union [abushihab] 09-09-2016 11:34 AM
مبدع........ جسدت كل مآسينا في هذه الكوميديا السوداء, ما عرفت اضحك وللا ابكي.....لله درك يا مبدع.

United Kingdom [موجوع] 09-08-2016 02:47 PM
بديع جداً .. قصيدة حاوية لكل المآسي التي يمثلها حاكم السودان بالقهر والسلاح ؛ المسمى : عمر البشير ، القصيدة مصاغة بطريفة تمزج الفكاهة بالحزن ..شيئ زي الحلمنتيش ..
شعر جميل وموجع .


#1517286 [حسونة]
0.00/5 (0 صوت)

09-08-2016 10:14 AM
لقد وصل الي مرحلة تعفن اخيه موغابي
الهطلة قايل نفسو هارون الرشيد

[حسونة]

ردود على حسونة
European Union [abushihab] 09-09-2016 11:40 AM
بل وصل الي مرحلة القذافي, لكن القذافي كان يحلس علي جبل الارصدة الليبية وفي النهاية...جلس علي خازوق.


#1517283 [جامعة الخرطوم ثكنة عسكرية]
0.00/5 (0 صوت)

09-08-2016 10:10 AM
مقتطفات من الخطاب الرئاسي
أيها الشعب السوداني الفضل
من فضل الله سبحانه وتعالي ونعمه الكتير علينا ‘ فات البترول جانا الدهب ، فات الدهب جاتنا السيول
والسيول يا جماعة رحمة وبركة من رب السماء ، والحديث الشريف بيقول علموا اولادكم الرماية والسباحة وركوب الخيل .
ونحن عشان نعلمكم الرماية فتحنا ليكم ابواب الدفاع الشعبي والشرطة الشعبية وابواب قوات الدعم السريع عشان تتعلموا القوة والشدة والرماية
اما ركوب الخيل انتو يا جماعة ما محتاجين لركوب خيل أهو انتو راكبين كرعينكم في عدم وجود بصات المواصلات
اما السباحة حكمتو بالغه يا جماعة اهو ربنا جاب ليكم السيول في عقر داركم عشان تتعلموا السباحة في السيول دي أسبحوا وسبحوا بحمدالله
واهو نحن كمان بتوفيق من رب العالمين قمنا بدفع تكاليف 100 حاج يوغندي لكل حاج 7000 الف دولار ودي واحدة من انجازات الأنقاذ الكثيرة ونعم الله سبحانه تعالي علينا ، نعم كتيييييير متالية ابشروا يا شعب السودان الفضل جايكم خير وخير وفير في الايام القادمات ، واحدة من هذه البشريات زيارة الامير تميم للبلاد اطال الله عمره وابقاه
وان شاء الله إخوانكم اليوغنديين ديل ما بينسوكم من صالح الدعاء وبدعو ليكم بالرحمة والبركة بمزيد من السيول والأمطار في المواسم المقبلة
(أمطار وسيول تعدكم نفاخ النار ان شاء الله ...شعب إبن كلب جهود) والأخيرة دي طعباً في السر

[جامعة الخرطوم ثكنة عسكرية]

ردود على جامعة الخرطوم ثكنة عسكرية
European Union [abushihab] 09-09-2016 11:46 AM
سير سير يا البشير....عدمتا الموية والطبشير...الله اكبر.


#1517276 [ابو علي]
2.50/5 (3 صوت)

09-08-2016 09:54 AM
ياناس ده كلام ده الناس جيعانه مالاقية تاكل القروش دي لوفرحت بيها شعبك واديته للناس الغلابه لو كسيت بيها ايتام بلدك لو بنيت بيها بيوت تلم الناس البيوته اتهدمت لو زوجت بيها عازب ماعارف اتزوج لو صلحت بيها مستشفى الناس بتموت فيها عشان ماعندها حق حقنه لو علمت بيها طفل ابوهو ماعندو حق الفطور لو شغلت بيها عاطل بشحد حق الفطور لو ردمت بيها شارع كتل نص شباب السودان لو بنيت بيها محطة لتنقية المياه الغير صالحه للشرب لو جبت بيها جهاز غسيل كله لي ملايين الناس البتغسل في الاسبوع ثلاثة مرات وماعندها حق الرقشة البتوديها لي مكان الغسيل لو فتحت بيها مشروع ورجعت الشباب الضايع بره السودان ومزلول في الغربة لو صلحت بيها صالة المطار واجهة البلد ماعندنا حاجه نقوله غير حسبي الله ونعم الوكيل في البحصل فينه يارب ارفع غضبك وسخطتك عنا يارب فرج هم المهمومين وابعد عنا البلاء يارب وفق ولاة امرك لما فيه الخير لعبيدك الضعفاء اللهم سخرهم لراحة شعبهم وانصرهم على القوم الظالمين .

[ابو علي]

#1517260 [صابر الصابر]
3.75/5 (3 صوت)

09-08-2016 09:34 AM
هي عريانة وتكسي في جيرانها ..عرفتوها ؟؟ دي الابرة ..اقصد الدلوكة

[صابر الصابر]

ردود على صابر الصابر
European Union [abushihab] 09-09-2016 11:50 AM
لا يا حبيبي..دي الداية.


#1517243 [Breeze]
3.50/5 (4 صوت)

09-08-2016 09:19 AM
رئيس سفيه بدرجة إمتياز من المفترض يحجروا عليه, نسأل الله الا يتقبل منه طالما يُوزع أموال الشعب هنا وهناك والشعب أولي بها , لعنة الله عليك في السموات والأرضين .

حركة حماس ,تشاد, جيبوتي , أثيوبيا, اريتريا, الصومال, نيمار,أفريقيا الوسطي , مصر, يوغندا, كل هذه الدول نالت أموال ومعدات طبية ومستشفيات وحبوب غذائية وسيارات وأبقار وِجمال وأراضي سودانية من هذا المخبول المسمي بالمشير البشير. لعنة الله عليك أيها السفيه.

[Breeze]

#1517233 [اتتتالدد]
0.00/5 (0 صوت)

09-08-2016 09:10 AM
المشكله الحج مفروض يكون من حر مال الحاج
ومال عليا مال

[اتتتالدد]

#1517231 [أبو السمح]
0.00/5 (0 صوت)

09-08-2016 09:08 AM
إنبهلت - سعادتك ألحق آلاف السجناء , آرامل , مشردين , عطالة , مرضى , معاقين
طالما من جيبك الخاص فهو خير و بركة في هذا الشهر الفضيل و الله يزيدك من فضله كمان و كمان كتل كتل دولارات و دهب و ما تنسى الأقربون أولى بالمعروف

[أبو السمح]

#1517228 [ابوسحر]
0.00/5 (0 صوت)

09-08-2016 09:05 AM
من كيسه ام من كيس الشعب السوداني

[ابوسحر]

ردود على ابوسحر
European Union [abushihab] 09-09-2016 11:53 AM
كيسو فاضي من يوم ولدوهو.


#1517224 [عصمتووف]
5.00/5 (1 صوت)

09-08-2016 09:02 AM
رد لجميل موسفيني لدعوته له لزياره يوغندامرهاخري

[عصمتووف]

#1517201 [الامير]
5.00/5 (2 صوت)

09-08-2016 08:41 AM
بسبب المحكمة الجنائية البشير مستعد يبيع البلد كلها وموش بس يبيعها يهبها هبة لكل من يسلط عليه أو يشهر عليه سيف المحكمة الجنائيه .. وكل الدول أكتشفوا الثغرة دي وصارت كرت تهديد في يدهم خصوصا المصريين

[الامير]

#1517200 [يونس]
0.00/5 (0 صوت)

09-08-2016 08:41 AM
كدا شوفوا فيهم كم دجال ومشعوذا اكبر مشكلة البشير الحري وراء الشيوخ والدجالين ليه نجيريا بس من كان يدقعها لعدد من دول انشاء الله من كل دولة 2

[يونس]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة