الأخبار
أخبار إقليمية
الفريق والمهندس والمشجعين
الفريق والمهندس والمشجعين
الفريق والمهندس والمشجعين


09-18-2016 05:56 AM
خالد احمد

باختصار وبمتابعة ما يدور في الاسافير وما كتب عتاة كتاب المقالات للجرايد وللراكوبة ومن متابعتي الخاصة الموضوع ده انتهى وواضح انو (تمت التسوية) .. وانا واي سوداني في مكان الباشمهندس كان وصلنا الي نفس الحل.

ولكن تبقى المشكلة الرئيسية قائمة .. الى متى والى اين نحن ذاهبون وياخذنا هذا الطوفان .. فالنبدأ بي الرأس .. قصدي رأس الحية التي لا تدري ما يحيق بجسمها الطويل ولان جسمها محمي ضد اي شئ لذلك لن تعي ما يحدث للذيل او الجسد فهي مغيبة تماما .

نرجع للمواطن البسيط انا وانت وكل من يقرأ هذه الاسطر (ناس المؤتمر الوطني ما محسوبين هنا) نحنا كمواطنين عاديين وما سوبر وكدة يجب علينا ان نقرأ في الواتساب والفيسبوك كل ما يحدث في الدولة ونجي نعلق ونطلب ونناشد ونحنس ناس المؤتمر الوطني انو عليكم الله ورونا الحاصل شنو وديل (طبعا جسم الحية) التي لا تحس بما يجري ودي غلطة الحية الح توديها التوج ولمن يجي التوج الوقت داك الحية ح تتقلب وتبقى جدادة وتنسى تقلب راس الحية لي راس جدادة.

لذلك نحن السودانيين فاهميين الحاصل ومتابعين ما يجري في الساحة السياسية والاقتصادية وما آل اليه جنيهنا (دينارنا اب جناحين) وتظهر لنا بين كل فترة ممارسات من جسم تلكم الحية التي وبعد تغيير الركب ما زالت تبحث عن ركب تمكنها من ركوب الشعب من غير خجل.

الباشمهندس موضوعو انتهى بالتسوية .. وما بقي لنا الا ان ننتظر هفوات وغلطات ناس الحكومة وننشغل تاني .. ويا ريتك يا هندسة ما قبلت العرض .. لكني حاس بيك ما كان في حل غير العرض بتاع (الما محسوبين معانا) عشان نفسك يواصل كمواطن عايز يربي عيالو وتكون عبرة لكل مواطن حادب على عرضو.

ودق المسمار في الخشبة وادوهو (الذردية وقلعو) وحافظ على شرفو وشرف السودان في زمن الكيزان.

خالد احمد
[email protected]


تعليقات 16 | إهداء 0 | زيارات 29132

التعليقات
#1521148 [مغبون]
0.00/5 (0 صوت)

09-20-2016 08:55 AM
سجمكم يا سودانين وسجم رجالتكم وسجم اماتكم

[مغبون]

#1520973 [محايد]
1.50/5 (2 صوت)

09-19-2016 08:17 PM
ما في رماد بدون نار !!

[محايد]

#1520552 [Abdlla]
1.00/5 (1 صوت)

09-18-2016 08:08 PM
انا في رأيي طه برئ ؛ ليس لأنه ذو خلق بل لا يعقل أن ينتقم طه بهذه السرعة؛ أرجح أن هناك آخرون متنفذين أرادوا أن يكيدوا لطه
وبيننا الايام

[Abdlla]

ردود على Abdlla
[صابر الصابر] 09-19-2016 12:26 PM
طيب وكت بيننا الايام ليه اعطيتو صك البراءة ماكان تنتظر..


#1520458 [ام الرضوان]
2.88/5 (4 صوت)

09-18-2016 04:18 PM
الاخ احمد حقيقي كلامك في الصميم وجبت الرايحة الجماعة هددوه انوا اودوه وراء الشمس هو واولاده يعمل شنوا يعني المسكين لكن والله انا ناس المؤتمر الوطني ديل حيروني زي النسوا ان الله ده ما في السماء وهو يراهم وهو قادر عليهم اما انا وانت والمهندس احمد. وباقي الشعب السوداني فاننا نقول حسبنا الله ونعم الوكيل هو ربنا وعليه توكلنا واليه المصير وقول للجماعة ناس علي عثمان وغيرهم انتم تدافعون عن الفريق طه لانهم يمثل حكومتكم ولكن نحن لنا دعوة المظلوم في منتصف اليل ولنا رب نستنصره فينصرنا ولنري لمن الفوز لعبد الطاغوت وقوم فرعون ام لنا وهو ربنا يمهل ولا يهمل واخر قولي استغفر الله ربنا واليه راجعون يارب يارب انصرنا انصرنا يا من بيده ملكوت السماء والارض يا من لا يزول ملكه يا رب العزة عزنا ولا تزلنا يا رب لا تكلنا الي من لا يخافك ويزلنا

[ام الرضوان]

#1520419 [اصلي]
2.88/5 (4 صوت)

09-18-2016 02:44 PM
السفارة البريطانية بطريقتها الخاصة حتعرف اسماء العصابة ما حينتظروا المغفلين ناس الامن يحققوا ويبحلقوا.

[اصلي]

#1520356 [aymanaman]
3.50/5 (4 صوت)

09-18-2016 11:46 AM
براااااي يا خله
من عيني النوم قله
طبعا من سخريات القدر ان تثور السفارة البريطانية لشرف المهندس لاعتبارات حق المواطنة البريطاني ويصمت شعب فقد حقه في المواطنة لعمري هذا من كرامات اللااسلاميين في السودان

[aymanaman]

#1520344 [عبدالواحد المستغرب اشد الإستغراب!!]
3.38/5 (6 صوت)

09-18-2016 11:10 AM
إطمئن اخى خالد وأقولها لك طالما السفاره البريطانية اخدت خبر مافى مشكله وطبعا الخواجات ما بيلعبوا في المسائل الزى دى وبيكونوا سجلوا الحدث كما هو وبالتاكيد بيكونوا اضافوه (لسفر نظام الإنقاذ الاسود) وحيعرفوا أيضا الظروف التي دفعت المجنى عليه كى يتنازل عن القضيه برمتها والخواجات ديل ما بيعرفوا ليك (من عفا واصلح فآجره على الله)والذى يهمهم فقط حماية من إحتمى بهم من بطش النظام والمهندس سيعود الى موطنه البديل وسوف يروى الحكاية بالتفصيل الممل وحسنا فعل المجرم طه الذى اقر بفعلته بطريق غير مباشر يفهمها الخواجه ولم نفهمها نحن أصحاب الوجعه!! وفى مكان آخر هناك حوار مبتور او موضوع عن قصد يصف فيه المجرم طه بأنه (إبن لعمر البشير!!) والخواجات أيضا يؤمنون مثلنا (بمن شابه آباه ما ظلم!!)وتحدث عن إنتمائه للختميه ولا ندرى ما علاقة الختميه بموضوع تعذيب (مواطن سابقا) والكره الآن في ملعب الختميه وعليهم ان يوضحوا للشعب السودانى علاقة هذا السفاح بالختميه ومعلومه وصلتنى منذ ساعات من مصدر موثوق بأن عتاولة الكيزان(مكتب الارشاد) دفعوا بهذا المجرم لمكتب البشير كى يتجسس عليه وقراءة إتجاهاته للمستقبل بجانب التلصص على زواره وعلمنا أيضا بأن محمد عطا واخرين يعلمون ان طه مكلف بجمع المعلومات!!والذى يؤكد صحة ما نٌسب اليه مسارعته في إظهار ولائه لعمر البشير وإدعائه لابوته له واما الادعاء بختميته الغرض منه إبعاد شبهة المهام المكلف بها من تلقاء عتاولة الكيزان !! والكلام ده يا اخى خالد سر بينى وبينك وانت زى ما عارف الحمير الفى القصر ما جايبين خبر !!.

[عبدالواحد المستغرب اشد الإستغراب!!]

#1520338 [صابر الصابر]
1.00/5 (1 صوت)

09-18-2016 10:52 AM
رئيسك راس الحية دا... اخير منو عز مليانة لبن ...

[صابر الصابر]

#1520333 [على]
3.00/5 (3 صوت)

09-18-2016 10:45 AM
القصة دى ماركبة عدل المهندس حسب القول ذهب إلى حفلة فيها نفس خصمة اذا هو واحد منهم والألماذا تمت دعوتة وهى حفلة تجمع بنى كوز. أظن الحكاية تصفية خصومات وليس موضوع نسوان مامكن يمد ليها ورقة فيها رقم تلفونوا فى حفل عام. معقول

[على]

#1520329 [جمعة الكتاحة]
1.00/5 (1 صوت)

09-18-2016 10:31 AM
كلام الطير في الباقير

[جمعة الكتاحة]

#1520327 [السر احمد]
2.50/5 (2 صوت)

09-18-2016 10:28 AM
مقال هايف دون مستوى جريدة حائطية فى مدرسة ابتدائية انت بتكتب لالاف القراء ما فى قروب واتساب ولا ونسة جبنة يعنى خلاص انت ياالفهيم افترضت التسوية تمت مش يمكن الباشمهندس داير يعمل نظرية متحيز لفئة بمعنى يمكن يكشف كل شئ بعد ما يغادر السودان ولا يمكن داير يتمسكن لحدى مايلم فى المنحرف طه ويقطعو اربا أوربا ولا ولا ...نوعك ده وبتحليلك الفطير الانقاذ ركبت الناس 27 سنة ولسع قاعدة دايرين ناس جادين بعدين فى البلد دى فى ناس نفوسهم عزيزة مابقبلو التسوية ودونك عرمان ومناوى وفى ناس منبطحين ماتظلم المهندس خلى الامور تتضح ونشوفو لياتو فئة هو قال تسوية قال!

[السر احمد]

#1520302 [جمعة الكتاحة]
1.00/5 (1 صوت)

09-18-2016 09:28 AM
كلام الطير في الباقير

[جمعة الكتاحة]

#1520301 [مبارك محمد الفضل]
1.50/5 (2 صوت)

09-18-2016 09:26 AM
والله يا خالد قد يكون معك بعض الحق والصواب في تحليلك هذا لكن هل من العدل أن تختزل حياة الأمة السودانية المكونة من 30 مليون في هذا الحيز الضيق وتعطي كل الفهم والحق والكيكة للمؤتمر الوطني

[مبارك محمد الفضل]

#1520297 [واحد مهموووووووووم]
3.50/5 (3 صوت)

09-18-2016 09:15 AM
انتهي بالجودية ،،،،،،،
عامل التهديد والوعيد ليه اثر كبير ،،،
اها الدور جاي علي منو ؟؟؟؟

[واحد مهموووووووووم]

#1520294 [Abdelazim Mekki]
1.00/5 (2 صوت)

09-18-2016 08:55 AM
الكيزان ما محسوبين كيف
الكيزان هم خلاصة و عصير الشعب السوداني
كل صفات الكيزان هي صفات أصيلة و متأصلة في المواطن السوداني و بلاش نفاق
الكيزان ما عملوا غزو من الفضاء
مافي سوداني واحد برفض كوز أتقدم لأخته ولا بنته عشان كوز وسخان
ما بكون سعيد و مبسوط

[Abdelazim Mekki]

#1520249 [شافع صغير]
3.00/5 (2 صوت)

09-18-2016 06:59 AM
انت بتقول فى شنو هسا ....والله ما فاهمين اي حاجة

[شافع صغير]

ردود على شافع صغير
United States [الشريف] 09-18-2016 06:43 PM
صادق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة