الأخبار
أخبار إقليمية
صديق ودعة : «فى ناس واقفين ضدي»
صديق ودعة : «فى ناس واقفين ضدي»
صديق ودعة : «فى ناس واقفين ضدي»


09-18-2016 02:38 PM

الفاشر : محمد البشاري


اتهم رئيس مجلس ادارة شركة صادق للطرق والجسور ،صديق ودعة ،جهات “لم يسمها” قال انها تقف ضده وضد إكمال الشركة لطريق (الفاشرـ كتم) ، وقال “ فى جهات كتيرة واقفة ضد المشروع وفى ناس ما دايرين المشروع ده يمشي وفى ناس واقفين ضدي انا”، وأقر ودعة فى تصريحات محدودة بالفاشر بتحديات تواجه الشركة فى اكمال طريق الفاشر كتم قال انها تتمثل فى تأخر الدفعيات من وزارة المالية للشركة بجانب ارتفاع الدولار والحظر المفروض على البلاد، وصوب ودعة انتقادات هى الاعنف على الاستشاري المسؤول عن الطريق، واضاف” الاستشاري معاكسنا معاكسة كبيرة وشغال ضد المشروع وفرضته علينا وزارة الطرق والجسور”، وزاد” المشروع نحن شغالين فيهوا خدمة للبلد ومع ذلك لاقين فوقوا معاكسات” ، وتعهد بالمضي قدما فى اكمال الطريق مهما كلفهم الامر، وطالب ودعة وزارة المالية بسداد دفعيات الشركة المتاخرة، وخير ودعة الاستشاري بين الوقوف مع المشروع او المغادرة، وقال “ الاستشاري ربنا يهديهوا اما يقيف مع الناس او يفوت من ضميره”. من جانبه توقع مدير مشروع طريق الفاشر كتم المهندس أبوبكر محمد الحسن أن ينتهي العمل فى الطريق بحلول أغسطس من العام 2017م ، مشيرا إلى أنه تمت سفلتة الطريق حتى كيلو (20) ، واشار الى انهم سيبدأوا فى سفلتة (20) كيلو أخري فى العشرين من الشهر الجاري، مؤكدا ان طول الطريق يبلغ(108) كيلو، وقال محمد الحسن أن التكلفة الكلية المتوقعة للطريق تبلغ (600) مليون جنيه، كاشفا عن ان خسائر الشركة فى المشروع لا تقل عن (167) مليون جنيه.

اخر لحظة


تعليقات 14 | إهداء 0 | زيارات 14456

التعليقات
#1521217 [د هاشم مختار]
0.00/5 (0 صوت)

09-20-2016 11:12 AM
تعقيب علي الذين يتهموني بدكتور الإنقاذ.

انا معارض لحكومة الانقاذ علي ما فعلتها في دارفور والسودان قاطبة.
انا لا أمت بصلة بأركان هذة الحكومة الفاسدة واتبوا مقام متقدم في المعارضة وفي القوائم السوداء منذ 1997 عند خروجي مكرهاً.

انا اعرف تاريخ صديق ودعة في افعال الخير، لذلك أدافع عنه، هذا لا يعني انني دافعت عنه في أخطاءه.
انا استشاري كبير وأمارس مهنة الطب التي تأهلت اليها بجدارة وتفوق وحالتي مستورة والحمدلله وعايش على عرق جبيني ومن عمل يدي واعمل في بريطانيا
منذ حوالي عشرون عاما. ولا أمارس التزلف والارتهان ولا ادين لأحد بالنعمة سوي والديي وربي الذي خلقني وأنعم علي بنعمه التي لا تحصى.

انا مع تنمية البلاد باي صورة وطريق الفاشر كتم يعني لي الكثير الكثير.

[د هاشم مختار]

#1520961 [عصمتووف]
0.00/5 (0 صوت)

09-19-2016 07:41 PM
حرامي خدمه للبلد و
منتظر سدادالماليه يفهموها كيف

[عصمتووف]

#1520913 [ميسي]
0.00/5 (0 صوت)

09-19-2016 05:41 PM
108 كيلو مسافة ساعة وعليها

[ميسي]

#1520766 [sudani]
5.00/5 (2 صوت)

09-19-2016 12:27 PM
يقيفوا ضدك ليه؟؟؟؟
ان كنت جادا فأرجو أن تجيب على هذه الآسئلة؟
1/ متى رسى عليكم العطاء لتشييد هذا الطريق؟
2/ هل رسى عليكم العطاء وفقاً لاجراءات العطاءات المعروفة؟
3/ ما هى مصادر تمويل هذا العطاء الضخم تشييد 100 كلم؟؟
4/ هل قدمت الضمانات الكافية لجهة التمويل ان كان التمويل من جهة ممولة؟
5/ هل قمت بتوظيف التمويل لصالح العطاء؟
6/ هل تفهم دور الآستشارى فى مثل هذه المشروعات؟
7/ هل تفهم بان الدفعيات لمثل هذه المشروعات مرتبطة بما يسمى بشهادات الانجاز؟؟

[sudani]

#1520673 [كريم بن الكرماء]
0.00/5 (0 صوت)

09-19-2016 08:50 AM
حرامية واقفين ضد حرامى يعنى الضائع هو الطريق

[كريم بن الكرماء]

#1520660 [الحرامى]
0.00/5 (0 صوت)

09-19-2016 08:27 AM
اى حرامى فى السودان يقول ليك انا مستهدف انا محسود انا مسحور حتى شيخ الترابى يقول ليك الغيرة السياسية و الحسد يحسدوكم على شنو يا رمم يا حرامية يا اولاد الكلب.................واحد ذى طه عثمان ولا غيره...بعدين ظاهرة التطبيل للاغنياء كانت غير موجودة التملق و كسير التلج من العادات السيئة دخلت مجتمعنا السودانى لانو الفلوس عند الجهله هسع واحد يجى ناطى يدافع عن الحرامى الفى الصورة دة و يمشى يشيل منو كم مليون...

[الحرامى]

#1520627 [Any Ayoub]
1.00/5 (1 صوت)

09-19-2016 06:12 AM
سدد الله خطاكم شدا حيلكم .اذا كان طريق ماشي علي شمال كان مشي بدون عقبات لكن ماشي لفربنا الحبيب آكيد سيواجه عده عقبات منها مصطنعة وآخري حقيقيه ولكن عزيمة الرجال والنساء ﻻ تجده حدود.شكر ا السيد ودعه علي الجهد الجبار خدمه للأهلك وطنك وكشفت الحقيقة وأحرك علي الله

[Any Ayoub]

#1520608 [adambaboor]
0.00/5 (0 صوت)

09-19-2016 02:27 AM
الزول دا ماسح كريمات ولا ضارب حقنة؟

[adambaboor]

ردود على adambaboor
United Arab Emirates [hassan] 09-19-2016 08:11 AM
هههههههههههههههههههههههههههههههههههههههههههههههههههههههههههههههههههههههه


#1520590 [د هاشم مختار]
1.50/5 (2 صوت)

09-18-2016 11:39 PM
دَنَوتَ تواضعا وعلوتَ مجدا
فشأنك انخفاضٌ وارتفاعُ.
كذاك الشمسِ تعلو اذا تسامى
ويدنو الضوُ منها والشعاع.

التحية والاحترام لابن دارفور الأصيل رجل البر والاحسان ورجل المساعي الحميدة ربّاي اليتامى ومسند الضعفاء، الحاج صديق اَدم عبدالله (ودعة).

ونحييه وهو يحمل معاول البناء والتعمير لوطنه ووفقه الله في إتمام طريق الفاشر_كتم رغم كيد الحاسدين.

لاقيتة مراتٍ عديدة بلندن ووجدته ذلك السوداني الأصيل، صافي السريرة ذو تواضعٍ وادبٍ جم، يحب الخير والتوفيق للجميع.
هذا الرجل العملاق يستحق احترام الجميع لانه فعلاً اضافة حقيقية وكنزٌ مكنون للأمة السودانية، له إسهاماتٌ لا تخطاءة عين في بناء السودان بطريقته وأسلوبه المتميز في الوصول الي الحلقات الضعيفة للمجتمع.
ولعل قطاع كبير من الشعب السوداني يدين له بالتقدير والثناء على ما قام به من بناء مدارس وسفخانات ودور الأيتام.
هذا يجعلنا ندينُ كل من يريد النيل منه بصورة كيدية وحقيرة.
أقول للحاج صديق ودعة امضي فيما ما انت فيه ووفقك الله في إتمام مشاريعك التنموية التي تعود بالصلاح والنفع للشعب السوداني ولا تلتفت لهولاء الحاقدين.

[د هاشم مختار]

ردود على د هاشم مختار
[اخمد] 09-19-2016 12:27 PM
ههههههههههه رجل البر والاحسان قلته لى ده مايهو زول الدجل والنصب بتاع الامارات ان الله طيب لا يقبل الا طيب لو ماله حرام بضيع فى زمنه

Saudi Arabia [الجعلي الفالصو] 09-19-2016 11:00 AM
دكاترة آخر زمن !
صديق ودعة أو صديق ود ميمة ، مجرد لص سرق أموال الإماراتيين وجاء ليستثمر بها في السودان بعد أن قدم الرشاوى لزعماء الإنقاذ ابتداء من الرئيس ميسي صاحب الفنيلة مروراً بعلي عثمان محمد طه انتهاء ببعض ضباط الأمن الوطني. وها هو يتبجح على المهندسين المختصين ويتفاصح عليهم ، صديق ودعة قبل الإنقاذ كان مجرد سمسار في عمارة الضرائب يمشي في الأسواق بجلابية مقطعة ومركوب نمر مقدود من فوق ، ثم صار بقدر قادر من رجال الأعمال ومنحه الرئيس اللص عمر البشير وسام ابن السودان البار
احترم عقولنا واحترم الدرجة العلمية التي تحملها يا دكتور هاشم مختار ويا خوفي تكون مجرد سمسار سياسة ولا تحمل من هذه الدرجة إلا هذا الخواء ! تباً لك

Saudi Arabia [ابوزول] 09-19-2016 08:49 AM
سبحان الله الذي جعل من الدخالين والمشعوزين رجال اصيلين....

United Arab Emirates [دكتوراة فى الحيض و النفاس] 09-19-2016 08:46 AM
دكتور بتاع فنلتك انت زول متملق و مرتزق الله ينعل الدكترة البتخلى الواحد يطبل عشان شوية فلوس انتو جابوكم من وين...

فى واحد رمتالى فى حلتنا و عاطل و قاعد اليوم كلو قدام دكان الحله ينقل فى الشمارات و النميمة رجعت السودان لقيت الناس بنادوهو بالدكتور سالت احد الاصدقاء فى الحى قلت ليهو ده لقب جديد قال لى لا اخد دكتوراة و المصيبة لسع عاطل؟ حتى الجرائد ما بيقراها؟ ده اكيد عندو دكتوراة فى النميمة و الشمار يعنى قاعد قدام الدكان ...الظاهر موضوع الدكتوراة بيخليهو يقعد قدام الدكان بحث ميدانى و كده

European Union [محب الأكواز .. !] 09-19-2016 12:58 AM
طبعا إنت من دكاترة الإنقاذ .. ! ودعه بتاعك ده تاريخو معروف و غير مشرّف .. عايز تشكرو عشان علاقتك بيهو .. الناس كلها و حتي ناس الخليج عارفين تفاهتو و حراميتو


#1520551 [Abdul Elata]
5.00/5 (2 صوت)

09-18-2016 08:06 PM
هذا زمانك يامهازل فامرحي شوف الحرامي ده ياخي انت لو راجل امشي سلم نفسك لي سلطات الإمارات عشان تفك ولدك المسجون بدون ذنب وذنبه الوحيد المقبوض بيه انك انت والده ده ابو ده

[Abdul Elata]

#1520495 [الاسمراني]
4.00/5 (1 صوت)

09-18-2016 05:24 PM
ي جماعة صديق ودعة دا مش هو السرق قروش ناس الإمارات مع ابن عمر ولا واحد تاني ؟

[الاسمراني]

ردود على الاسمراني
Saudi Arabia [مدحت عروة] 09-18-2016 07:55 PM
ياهو ذاتو!!!! وكمان ادوه وسام ابن السودان البار!!!
معقول ده السودان الانجب الازهرى والمحجوب ومبارك زروق وبقية الكوكبة الفريدة ينجب بشر زى ناس الحركة الاسلاموية؟؟


#1520493 [الاسمراني]
4.00/5 (1 صوت)

09-18-2016 05:22 PM
ي جماعة صديق ودعة دا مش السرق ناس الإمارات مع ابن عمر بواسطة الدجل والشعوذة ولا واحد تاني ؟

[الاسمراني]

#1520492 [علي عثمان طه]
3.00/5 (1 صوت)

09-18-2016 05:20 PM
وانت يا ودعة ماعارف انو اهل المؤتمر الوطني بيقفوا ضد التنمية وشغلهم تدمير اكثر من تعمير

[علي عثمان طه]

#1520436 [استشارى نساء وولادة]
4.00/5 (2 صوت)

09-18-2016 03:26 PM
عليك الله الحمار ده العرفوا شنو بالاستشارات الهندسية واحد حمار ذى ده يعمل ليهو طريق اسواء من الموجود ده اهدار للمال العام الاستشارى هو الحمشيك حسب المواصفات و انت العرفك شنو يا بتاع غسيل الاموال....

[استشارى نساء وولادة]

ردود على استشارى نساء وولادة
[شف شفه] 09-18-2016 05:47 PM
هههههههههه الاستشارى ده شغلو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة