الأخبار
أخبار إقليمية
ابراهيم محمود: البلد آمنة والمتمردين بملصو قمصانهم ويتسوقو في المنقطتين
ابراهيم محمود: البلد آمنة والمتمردين بملصو قمصانهم ويتسوقو في المنقطتين
ابراهيم محمود: البلد آمنة والمتمردين بملصو قمصانهم ويتسوقو في المنقطتين


09-21-2016 01:28 PM

الخرطوم: أشرف عبد العزيز
قطع نائب رئيس الحزب الحاكم المهندس ابراهيم محمود بأن البلاد آمنة والتمرد في انحسار، وكشف أنه تم توجيه الولاة في المنطقتين بالسماح للمواطنين بالتحرك بحرية، وأضاف: "حتى المتمردين أصبحوا يملصون قمصانهم ويتسللون الى الاسواق بجنوب كردفان والنيل الازرق، مؤكدا قيام الجمعية العمومية لمؤتمر الحوار الوطني في اكتوبر المقبل، مشدداً بأنه لن يكون هناك تفاوض بعد الحوار مع المعارضين حول المحاصصات والمناصب.
وقال محمود، في لقاء تنويري للقيادات الاعلامية بنادي النفط بالخرطوم امس، إن ارقام الفساد مضخمة، ساخراً من أن السودان بحسب المؤشرات بتذيل قائمة الفساد في العالم، "تاني الطيش"، وأضاف: "مافي دولة مافيها فساد" واردف: "ما منعنا الصحف تتكلم عن الفساد، وعندنا ناس انسجنوا وآخرين بتحاكموا"، وكشف أن الوثيقة الوطنية للحوار تم اعدادها للتوقيع بيد أنها ستظل مفتوحة لكل من يرغب بالتوقيع مستقبلاً، مبينا ان فترة ما بعد الحوار ستشهد تشكيل حكومة الوفاق الوطني والدستور والانتخابات، وقلل محمود من مبادرة الحركة الشعبية بايصال المساعدات الانسانية للمنطقتين وتفتيشها بواسطة الجمارك، وقال: "التنازل عن عشرة في المائة من السيادة يعد تنازلا.. ولن نكرر تجربة شريان الشمال حتى تصل المعدات العسكرية للمتمردين ويستطيعون عبر وسائل النقل نقل كميات ضخمة من الذهب الموجودة بالمنطقتين وبالتالي ايجاد تمويل للاستمرار في التمرد"، كما قلل من الوجود العسكري لجبريل ابراهيم ومناوي، مؤكدا أن كل المجتمع الدولي مع السلام، وان المبعوث الأمريكي لم يطالبهم بتأجيل الجمعية العمومية للحوار، وأقر محمود باشكالات تواجه الاقتصاد، مشدداً على ضرورة الاهتمام بالانتاج والانتاجية، ودعم اصحاب الدخل المحدود، مشيراً الى أن الدعم ستواجهه زيادة في الضرائب والخدمات، معتبراً أن سعر الكهرباء في مصر يزيد عنه في السودان

الجريدة.


تعليقات 8 | إهداء 0 | زيارات 3991

التعليقات
#1522528 [عدو الكيزان وتنابلة السلطان]
0.00/5 (0 صوت)

09-23-2016 01:52 AM
يا ابراهيم محمود، لو مافي فساد، هل ممكن اي واحد من الذين شاركوا في الانقاذ يعلن للشعب السوداني، ما كان يملكه قبل تولي منصب حكومي، وبعد ما شارك في الحكومة؟ ويكون هناك جهة محايدة لتدقيق المعلومات، ابتداءا من البشير مرورا بعلي عثمان ونافع وقوش وغيرهم؟ ما هو القصور والعمارات واقفة قدامنا، يعني كل الشعب السوداني موهوم؟ انت بتتكلم عن الانتاج والانتاجية!ايه الفائدة اذا في ناس بتنتج، وناس بتسرق الانتاج، الكذب حبله قصير مهما طال الزمن، والعبرة في النهايات.

[عدو الكيزان وتنابلة السلطان]

#1522520 [الشاهد]
0.00/5 (0 صوت)

09-23-2016 01:23 AM
كلامك دا يافكاك قبل ما يجو التغرى بعد اخوانهم التغراى
والامهرا من جنوب اليمن عبر مصوع وقامو اختلطو باللبط
البجا وانتجو لغتهم التغرى من القعز ولا بعد داك?? انتو
انتو ياناس تشما ليك اردك دا كنت فراعنة ونحن ماعارفين
ها يالخا...الادروبات ساكتين ليكم ساكت ماتخلوهم يقومو
على جنهم خلوكم تقعدو كمان جيتو للتاريخ.!!

[الشاهد]

#1522340 [المفترب في بلاد الحرمين]
0.00/5 (0 صوت)

09-22-2016 05:00 PM
اقول للذين لايعرفون التاريخ قيبلة ابراهيم محمود كانت تحكم من الحدود المصرية الي مصوع في اريتريا فلاتتكلمو عن ملاتعرفو
ا

[المفترب في بلاد الحرمين]

ردود على المفترب في بلاد الحرمين
[باكاش] 09-23-2016 03:47 AM
يالمغترب فى بلاد الحرمين او فكاك الكلام بتاع الكاتبو
الشاهد فوق دا رد ليك انت ومنتظر من الاجابة.


#1521995 [محمد مصطفى]
0.00/5 (0 صوت)

09-21-2016 11:32 PM
المنطقتين دى يعنى دبى وماليزيا يعنى بقو زيكم بتسوقوا فى دبى وماليزيا

[محمد مصطفى]

#1521981 [Alkarazy]
0.00/5 (0 صوت)

09-21-2016 09:50 PM
مظبوط لذا اتوقع اخطر مرحله هي ال٦شهور القادمه علما بأن هنالك تقريرا امنيا سيرفع لمجلس فى يناير٢٠١٧ فإذا كان هذا التقرير سلبي فالتدخل الامريكي سيكون فوري لن يتعدي مارس ٢٠١٧وإسقاط الدوله كما حدث في زمن التعايشه وعليه الكيزان
وكل المعارضه في حكم الباي باي وهذا السيناريو مرجح بشده لدي دوائر إستخباريه دوليه واقليميه

[Alkarazy]

#1521882 [الهام أم صباح وحمودى]
5.00/5 (1 صوت)

09-21-2016 04:17 PM
الاريتيرى بقي محترف كضب
الفاشل بقي ألعن وأظرط من أحمد بلال الكضاب الرسمي بتاع الحكومه.!!!!!!

[الهام أم صباح وحمودى]

ردود على الهام أم صباح وحمودى
Austria [كنتيباي] 09-22-2016 07:21 AM
انت بكلامك هذا لاتعترفي بقبايل البني عامر وانت قاعده في مصر ليش اذا انت سودانيه اصليه ومصر محتله جزء من ارضك


#1521846 [أبو السمح]
5.00/5 (1 صوت)

09-21-2016 02:50 PM
يا أبرهة لو ما شفناك صليت وراء رئيسك في كاودا ما بنصدق كلامك دة
البلد آمنة يالله ورينا شطارتك
يا أردول جهزوا الأباريق

[أبو السمح]

#1521836 [التلب]
5.00/5 (1 صوت)

09-21-2016 02:14 PM
هو ابراهيم محمود ( من اصول ارتريه ) مالو اليومين دى منتشر كده الجرايد ابراهيم محمود التلفزيونات ابراهيم محمود .. يتكلم فى كل شى وفى اى شى واحيانا يهدد وطبعا كلها كضب فى كضب .. يظهر ماسك دورية الكذب اليومين دى .. بالمناسبه حقيقة هذا النظام درج على مثل هذه الافعال .. فجأة كده تلقى واحد قابض الجو بعد شويه يختفى ليظهر شخص آخر .

[التلب]

ردود على التلب
Romania [أبو عزوز] 09-22-2016 02:55 PM
أنا ما عارف السودان دا حق منو الكي وافد إلى السودان والقبائل السودانية الأصيلة معروفة الواحد لو عندو حبة شعر ناعم يقول ليك أنا أهلي جايين من الجزيرة العربية ... ولما يجي إلى الجزيرة العربية يخجل يقول أنو عربي ... فإبراهيم محمود مثله مثل الآخرين السودان للجميع .... وايه المشكلة لو صار ارتري ع الأقل الإرتريين لهم تعامل خاص في الدول العربية أحسن من السوداني ... اتركوا لعنصرية والجهوية وعلى الدنيا السلام .. وأنا اسأل هل هناك نسب ارفع من نسب سيدنا يوسف عليه السلام؟ وأين هو الآن؟ الإجابة: تحت الثرى!

Austria [كنتيباي] 09-22-2016 07:26 AM
كلامك البتقول فيهو دا مابقدم البلد ركز

[حمدان] 09-21-2016 08:42 PM
كل الهرج والمرج منه وهو ديكور ساي ليس له الحق ولا حتي المشاورة في اتخاد اي قرار عالم ارخص من الملح ربنا ينتقم منهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة