الأخبار
أخبار إقليمية
باحث «سودانى» يتوصل إلى خروف «مهجن» وزنه 160 كيلو جراماً فى عمر 89 يوماً- صور
باحث «سودانى» يتوصل إلى خروف «مهجن» وزنه 160 كيلو جراماً فى عمر 89 يوماً- صور
باحث «سودانى» يتوصل إلى خروف «مهجن» وزنه 160 كيلو جراماً فى عمر 89 يوماً- صور


10-04-2016 01:38 PM
هويدا عبد الحميد

توصل الدكتور خليفة باخت، طبيب بيطرى سودانى شاب، وهو من أبناء الضعين، ويعتبر من الباحثين المتميزين بجامعة الخرطوم، حيث يعد من أفضل خمسة أطباء في السودان في مجال التلقيح الاصطناعي بالمناظير والموجات الصوتية، إلى تلقيح وتهجين خروف إلى أن وصل وزن الحمل 160 كيلو جراماً فى عمر 89 يوماً، من أب برازيلى وأم حمرية سودانية من غرب السودان، وهى أم لعدة أجيال من عينة هذا الخروف المهجن، صرح بذلك الدكتور سفيان قيلى، المتخصص فى هذا الشأن.

وأضاف، أنه تم تسجيل براءة هذا الاختراع باسم الشركة التي يعمل بها بالخرطوم، معرباً عن أمله فى مساهمة هذا الاختراع فى تحسين نسل الماشية فى كل ولايات السودان وخاصة ولايات دارفور.

وقال إن التجربة أجريت بواسطة شركة فورتليزا فى امدرمان بتمويل من التجاني موسي والدكتور أحمد إبراهيم بمبلغ 3 مليارات جنيه سوداني طيلة الثلاث سنوات من عمر التجرية، وكان ذلك بإشراف مباشر من وزارة الثروة الحيوانية والري متمثلة في الدكتور فيصل حسن إبراهيم، وزير الثروة الحيوانية، وباشراف من معهد سفاري لتقنيات التناسل بقيادة القبطان المهار بروف اسماعيل فقيري مدير معهد سفاري.

وتم جلب مدربين من البرازيل لتدريب 10 متدرين، ثم جلب مدربين من فرنسا عبر معهد سفارى لتدريب خمسة متدرين في مجال التلقيح الاصطناعي في الضأن بواسطة المناظير كأول تقنية للتلقيح بالمناظير في الضأن السودان.

الاهرام الزراعي

image


تعليقات 27 | إهداء 0 | زيارات 34688

التعليقات
#1528617 [faris]
0.00/5 (0 صوت)

10-05-2016 08:55 PM
اولاً كل الشكر لهذا الدكتور الباحث الذي تكبد المشاق للوصول الي نتيجة هذا البحث.
ولكن هنالك عدة نقاط يكتنفها الغموض
اولاً ان يبلغ وزنة 160 كيلو جرام فهذا شي اشبة بالمستحيل ولو قيل مثلاً 60 كيلوجرام ممكن يكون كان ممكن يكون اقرب للمنطق
ثانياً ان يبلغ هذا الوزن في 89 يوماً اي ما يعادل ثلاثة اشهر علماً بان الاضحية تقبل في عمر ستة اشهر اذاً لو بلغ عمرة ستة اشهر كم يكون وزنة

[faris]

#1528512 [FAST]
0.00/5 (0 صوت)

10-05-2016 04:13 PM
بالتوفيق يادكتور والى الامام وربنا يزيدك من علمه

[FAST]

#1528473 [عتمني]
0.00/5 (0 صوت)

10-05-2016 02:31 PM
يا زول الخروف ده تاكلوا برااااااااااااااااااااااك.

[عتمني]

#1528431 [عبدالله أبوطالب]
5.00/5 (1 صوت)

10-05-2016 12:41 PM
لأول مرة نقرأ خبرا يمكن أن يمثل بصيص أمل بأن أبناء هذه البلاد قادرون على الوقوف بها في مصاف الدول المرموقة إذا توفرت الوسائل المطلوبة والإدارة الراشدة

[عبدالله أبوطالب]

#1528324 [سامي]
5.00/5 (1 صوت)

10-05-2016 09:47 AM
التحية للشباب السودانيين المبدعين في كل المجالات . الخروف دا شكلو ابوه ثور عامل زي العجل السمين .

[سامي]

#1528320 [الغروب]
5.00/5 (2 صوت)

10-05-2016 09:44 AM
خروف كلو كرش وبعدين بكرشو الكبير البشبعو شنو ....

[الغروب]

#1528253 [الحامدي]
5.00/5 (1 صوت)

10-05-2016 08:09 AM
الكائن الاسمو ME دا المغروض ما يطلعوه من مختبرالتلقيح الصناعي ويكون مع الخروف الهجين دا ....

[الحامدي]

#1528247 [Omer elfarouki]
0.00/5 (0 صوت)

10-05-2016 07:57 AM
كان الاولي اجراء مقابلة مع الباحث د. خليفة ليقدم شرح اوفي.

[Omer elfarouki]

#1528198 [alwatani]
0.00/5 (0 صوت)

10-05-2016 05:20 AM
الله يكضب الشينة الخروف دا مابوزن 160 كيلو وعمر لايكن ان يكون ثلاثة اشهر وشكله كرج وبعدين 3 مليار جنية دى قتيرة قللوها شوية وبعدين فيصل لبراهم الدخلوا شنوا (على ماعتقد بتتقابلوا فى دار الجوامعة العمارة الجوار الجامعة الاهلية بعظمة لسانه قال ماعايزين تجمعات قبلية بالعاصمة)

[alwatani]

#1528142 [مهرج]
4.50/5 (2 صوت)

10-04-2016 11:17 PM
نجرب التهجين في لعيبة الكورة عشان نفوز بكاس العالم.

[مهرج]

ردود على مهرج
United Arab Emirates [سيف الحق] 10-05-2016 07:49 AM
هههههههههههههههه اعجبني


#1528141 [مهرج]
0.00/5 (0 صوت)

10-04-2016 11:16 PM
نجرب التهجين في لعيبة الكورة عشان نفوز بكاس العالم.

[مهرج]

#1528117 [ترباس]
5.00/5 (1 صوت)

10-04-2016 09:59 PM
والله البلد دي تعمل خيرا شرا تلقي والله اشتغلنا في هذه
البلد وتعبنا وبنينا وسهارنا الليالي وفي يوم جينا نخش
الأماكن الانجزناها منعونا من دخوله علي العموم في الحاقدين
التعليقاتم زي وشحهم لكن ولا يهمك يا بطل سير وعين الله
ترعاك

[ترباس]

ردود على ترباس
Germany [fitax] 10-05-2016 11:54 AM
مبروك كلامك في محلو


#1528114 [ودالجزيرة]
0.00/5 (0 صوت)

10-04-2016 09:50 PM
يا تري الخروف ده جائز يضحي به

[ودالجزيرة]

#1528109 [NjerkissNjartaa]
5.00/5 (1 صوت)

10-04-2016 09:43 PM
اقتباس
وأضاف، أنه تم تسجيل براءة هذا الاختراع باسم الشركة

ما فهمت براة اختراع شنو؟

أقتباس
وقال إن التجربة أجريت بواسطة شركة فورتليزا

طيب السيد باخت دوره شنو خاصة وأن الخبر أكد أن الممول هم:
لتجاني موسي والدكتور أحمد إبراهيم

ثم أن الأشراف المباشر كان من وزارة الثروة الحيوانية والري متمثلة في الدكتور فيصل حسن إبراهيم، وزير الثروة الحيوانية، وباشراف من معهد سفاري لتقنيات التناسل بقيادة القبطان المهار بروف اسماعيل فقيري مدير معهد سفاري

ما أنتم الأ مجموعة من الدجاجلة الله لا كسبكم

[NjerkissNjartaa]

ردود على NjerkissNjartaa
Cyprus [ود أبرك] 10-05-2016 07:59 PM
( النجاح دائماً وأبداً له أكثر من أب .... والفشل دائماً ، يتيماً )


#1528105 [مواطن]
0.00/5 (0 صوت)

10-04-2016 09:29 PM
ابعدونا من الحيوانات المعدلة وراثيا
الخرفان الحمرية ثروة لا تقدر بثمن

[مواطن]

#1528064 [الاسمراني]
5.00/5 (2 صوت)

10-04-2016 07:52 PM
السودان لسه بخيروا....
ي جماعة ، السودان ارض خير وبركة و حدادي مدادي يشيلنا كلنا ويشيل زي عددنا دا ضعفين كمان.... بس اهم حاجة لازم النفوس تتصافى

[الاسمراني]

#1528045 [Hisho]
5.00/5 (2 صوت)

10-04-2016 07:00 PM
خطوة جيدة وطفرة فى مجال الثروة الحيوانية السودانية .. اتمنى ان يتم الاستفادة منها فى نطوير صادر الذبيح وليس الماشية نفسها.. لا اعلم ماهو قدر مساهمة الذين شكرهم الدكتور البيطرى ولكن اشك بان لدكنور فيصل حسن ابراهيم وزير الثروة الحيوانية دور ايجابى فالرجل كان يعمل بكل جهده لتصدير اناث الضان فى خطوة ابتدائية لتدمير السلالات السودانية..

[Hisho]

#1528039 [عبدالقادر ابراهيم احمد]
5.00/5 (1 صوت)

10-04-2016 06:34 PM
لأول مرة احس ان بيننا اناس يعملون عملا مفيدا وفى صمت خلال ثلاث سنوات ليخرجوا بهذا الانجاز العظيم . ارجو ان نرى ونسمع كمان وكمان انجازات فعلية و ليس انجازات واعجازات وهمية كما تعودنا

[عبدالقادر ابراهيم احمد]

#1528032 [المنجلك]
4.00/5 (1 صوت)

10-04-2016 06:27 PM
هناك فشل واضح للتلقيح الصناعي لسد الفجوة الغذائية في العالم وذلك للتأثير السلبي علي صحة الانسان والبئية وقد نتج عن ذلك ضعف في المقاومة الطبيعية للأنسان وتطور جيني للفيروسات التي تصيب الانسان اضافة لاتطراب في السلوك العضوي والاجتماعي

فأيهما افضل بطناً فارغة تعيش علي اضعف الايمان ام بطنا مليئة مريضة لا تشبع

هناك فضلُ للجوع وخشونة العيش انا كنا مؤمنيين
وبركات السماء تنزل لمن آمن واتقي

دعوا خلق الله فأنه البديع الذي ابدع في خلقه

يجب العودة للنشاط التقليدي وتطوير القري

الخرطوم اليوم هي نتاج لسياسة الكيزان العنصرية في التمكين للسلطة
فلا معني لهذا التعداد السكاني الضخم الذي لاينتج الا اوساخاً ليست لها مصارف صحية

لنبداء موسم الهجرة من المدن

[المنجلك]

#1528000 [babo]
5.00/5 (4 صوت)

10-04-2016 05:06 PM
تحية شكر وعرفان للباحث السوداني ولو ما استفدنا من العلوم البيطرية الحديثة لا تساوي الثروة الحيوانية شيئا في السودان بعد 10 سنوات لأن التربية البدائية انتهى عصرها فانظروا لدول صغيرة مثل نيوزيلندا وهولندا كيف تستأثر بأكثر من 75% من الألبان واللحوم

[babo]

#1527980 [احمد برستو]
5.00/5 (2 صوت)

10-04-2016 04:25 PM
60 وليس 160 كيلو على ما أظن .. لكن والله إنجاز عظيم

[احمد برستو]

#1527915 [زول ساي]
0.00/5 (0 صوت)

10-04-2016 02:51 PM
خروفك دا يا خليفة لو بوزن ميتين كيلو بلا ضنب انتجوه للبرازيليين خليهم يكلوه نحن ما بخارج معانا بلا ضنب ولا قرون دا حتى للضحية ما نافع! قال كلف 4 مليارات عشان التلقيح والموجات الصوتية وووو ما كان تستوردوا خروف البرازيل وتجيبوه للحمرية دي ولا تودوها ليه هناك لزوم الكلفة شنو؟

[زول ساي]

ردود على زول ساي
Romania [شنيبو] 10-04-2016 04:38 PM
انته الخروف ده عايز تاكلو وله عايز تنطح بى عمر البشير ؟ شنو القرون وضنب ورفارف ماتخلى بالمره اعمل ليك لى مرايات وصفاره اسعاف ياخى عالم تعمل ارتكاريا فى الانكل .

[زول ساي] 10-04-2016 04:20 PM
اعدالبحث دا تاني في مسعلة الضنب والقرون، ونجيز ليك الماجستير اذا نجحت


#1527908 [me]
3.00/5 (2 صوت)

10-04-2016 02:40 PM
ياتو فيهم الخروف, لابس ابيض ولا بني؟

[me]

ردود على me
Saudi Arabia [anas gismalla] 10-04-2016 05:22 PM
صدق فعلا انت الخروف يا ME

[خليك محترم] 10-04-2016 04:35 PM
لو كنت محترم اكيد تعليقك سيأتي محترم أما لو كنت شخص غير محترم اكيد تعليقك يشبهك...وإنت يا خي شخص غير محترم كيف تنعت شخص بالخروف وما هو قصدك إن كانت خفة دم فهو ليس كذلك . ليست لدي معرفة بهذا الدكتور لكن تعليقك شاذ , طيب ده دكتور درس وتعب وبحاول يفيد بلده إنت بالله خريج شنو وشغال شنو وح تفيد بلدك في شنو؟ يعني منطقيا كده الزول لما يجي ينتقد شخص أو حتي يحتقر به يجب أن يكون أفضل منه , إنت أفضل من هذا الدكتور في أيه؟

Saudi Arabia [راجى الفرج] 10-04-2016 04:16 PM
بالله نوعك دا يستحق باحثين يعملوا من اجله لا والله يستحق ناس البشير وحزبه يفعلوا فيك مايشاؤن

Sudan [مواطن سودانى] 10-04-2016 03:38 PM
يا مى انا ماعرف انت راجل و لا مرا المهم كلامك ده و الله انا لو عرفت مكانك الحقك اكفتك لمن تقول الروب
نحن فى بلد يعانى ويلات الجوع و المرض و الجهل لمن يكون هناك بصيص امل يكون رد الجميل بهذا التعليق السخيف
يا اداره الراكوبه ارجوا من سيادتكم باسم الوطن الغالى علينا كلنا ان لا تنشروا مثل هذا التعليق الذى يثبط الهمم.
و شكرا


#1527904 [عثمان الحاج]
5.00/5 (1 صوت)

10-04-2016 02:38 PM
يا اخوي خروفك الفي الصورة دي مع دكتوره ما بوزن 160ك . أو الصورة ماعندها علاقة بالخبر!!!!!!!!!!!!

[عثمان الحاج]

#1527887 [abdallah]
4.50/5 (2 صوت)

10-04-2016 02:19 PM
ماشاء الله
ونعم العلم النافع والتحية للدكتور خليفة باخت على هذا الانجاز الوطنى والعلمى الهام جدا وهو يمثل فتحا فى مجال الانتاج الحيوانى نرجو ان تتمكن الشركة المنتجة من نشر هذه السلالة فى اماكن الانتاج حتى يستفيد الوطن والمواطن من هذه الميزة التنافسية فى انتاج الضان مما يساهم بصورة مباشرة فى تحسين الاحوال المعيشية والاقتصادية للناس .
ونسأل الله ان يحفظكم من لصوص وهمباتةالاختراعات فى البلد

[abdallah]

#1527884 [القريش]
5.00/5 (2 صوت)

10-04-2016 02:16 PM
خطوه ممتازه وفقك الله.هذا هو الكلام بدل الحروب والاستقطاب والعنتريات واكل مال الناس بالباطل ومعافره طواحين الهواء يجب تشجيع واعطاء الفرص لمثل هولاء الباحثين كان تطورنا زراعيا وصناعيا بدل استيراد تفاهات المصريين المرويه بماء خرائهم!.

[القريش]

#1527866 [محسن]
5.00/5 (2 صوت)

10-04-2016 01:47 PM
للعلم فقط د.خليفة من جامعة بحرى (بحر الغزال سابقا ) و ليس جامعة الخرطوم

[محسن]

ردود على محسن
Sudan [عبدالله أبوطالب] 10-05-2016 12:42 PM
ولكنه خريج جامعة الخرطوم والمهم دا التنافس الشريف وكلوا حق السودان

Sudan [محسن] 10-05-2016 08:32 AM
يا سيد مكرم جامعة جوبا لم يكن بها كلية بيطرة فى يوم من الايام

Sudan [مكرم] 10-04-2016 06:24 PM
جوبا
وليس بحر الغزال

South Africa [عمر] 10-04-2016 02:38 PM
هذا العمل بتخطيط من مشروع سيمكس السوداني للنلقيح الاصطناعي بالاضافه للمذكورين اهلاه ولهم كل التقدير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة