البشير إضينة
البشير إضينة


10-10-2016 01:00 AM
شوقي بدري
المثل بيقول الاضينة دقوا واتعضر ايه . او دقوا في زفة واتعضر ليه في غرفة . هذا هو حال البشير الاضينة . يكتسح المصريون حلايب ويسفكون الدم السوداني . ويكمل السيسي الموال باحتلال شمال حلفا، ويذهب البشير بكل هبالة الي مصر ويتعمد حسني مبارك اجلاسه تحت بساط يمثل حلايب داخل الحدود المصرية . وكأن الامر لا يهمه .
قبل ايام ذهب لمصر وباعوا له الترام مرة اخري واعطوه وساما . ان للمصريين الحق في الاستخفاف بالسودان والسودانيين . وقبلها البس الاثيوبيون البشير طرطورا في عملية لن يقبل بها طفل . وتجاهل اغتيال المزارعين السودانيين داخا اراضيهم بواسطة الاثيوبيين ...صارت شيءا معتادا . ماهي مشكلة البشير ؟ يكون رايحة ليه حفلة تكريم ؟
مصر ترفض مناقشة مشكلة حلايب لانها تعرف ان مجلس الامن والامم المتحدة لن تكون في جانب مصر . في القانون يقولون ان الاعتراف هو سيد الادلة . لقد اعترفت مصر بحدود السودان عندما انضم الي الامم المتحدة ومنظمة الوحدة العربية وجامعة الدول العربية . والخرط والمساحة وكل شئ سلم هذه المنظمات العالمية . البشير لو ما اضينة منتظر شنوا ؟ قبل فترة كتبت مواضيع تحت عنوان ... هل السوداني اضينة ؟ يمكن قوقلتها . الاجابة السوداني ما اضينة لكن البشير وناس الانقاذ اضينات .
هل يمكن مقارنة البشير بقادة السودانيين قديما عندما تطاول الارزقي هيكل علي السودان وامام السادات لطمه النميري . قكرامة السوداني قبل كل شئ . اين البشير من المحجوب الذي كان يصيب الرؤساء العرب بمركب النقص بسبب علمه وبلاغته . وكان المحجوب يتكلم في الامم الماحدة والمؤتمرات باسم العرب . عبد الله خليل لم يكن يعرف المسخرة . حتي عندما استدعوه لنافذة في رئاسة الوزراء لمشاهدة مظاهرة مؤيدة انصرف قائلا .. دي ناس ما عندها شغل . عندما ارسل ناصر رجاله لحلايب ارسل الجيش السوداني بامر واضح بالقتال . وتراجع ناصر . عندما حضرت الملكة البريطانية بعد اكتوبر للسودان كان رأس الدولة هو العلامة الدكتور التجاني الماحي الذي كان ينادمها ويناقشها مع زوجها . وكانوا مبهورين بعلمه وشخصيته . وفي نفس الفترة كان علي رأس مجلس السيادة في احدي دوراته الاستاذ لويجي ادوك. الذي استقال بكل اباء ورفس المنصب عندما ارادو تغيير الدستور ورجع لملكال ومارس التجارة في دكانه . والوزير الانقاذي الذي طرد صار يبكي وابكى معاونيه وكانه طفلة انتزعت منها بعض الحلوى . والسودانيون كانوا يتقدمون للمشانق وهو يعرضون . ومش ذي عرضة البشير وسط الحروم . والناس تنجلد بسبب اقل من ده .
البشير الاضينة يرفض التفتيش حتي بعد الاتهام باستخدام الاسلحة الكيماوية . يكاد المريب ان يقول خذوني . من المفروض ان يرحب البشير بالتفتيش لانه سيبرئ ساحته ويعطيه شهادة براءة .
بعد حادثة الشكابة في 1899كان عبد الرحمن المهدي جريحا . وعرفنا ان ود كمتور هو من حمله على ظهره اولا ثم علي حمار واخذه الي ود شقدي في جزيرة الفيل . وود شقدي اشتهر بالاقدام والشجاعة والكرم . ويقال عنه ود شقدي النايم وايده بتدي . وقتها كان عبد الرحمن المهدي في الرابعة عشر من عمره . وخبأ ود شقدي عبد الرحمن المهدي في جزيرة الفيل كأحد افراد عائلته . وبعد فترة اتهم تاجر يوناني في مدني الشاب اليافع عبد الرحمن المهدي بسرقة صابونة وطالب بالتفتيش . ورفض ود شقدي والمرافقون واستعدوا لمواجهة بسبب الاهانة . فخلع عبد الرحمن المهدي العراقي . وانتهت المشكلة باعتذار الخواجة . وقال عبد الرحمن المهدي الذي اشتهر بالحكمة والمعقولية لمن لاموه ، ان الامر بسيط وليس هنالك لزوم للمواجهة .
اذا كان البشير متأكد من عدم استخدام الاسلحة الكيمائية فعليه الترحيب وارسال تذاكر لمسؤولي الامم المتحدة لتحرير شهادة براءة واعتذار . ولكن البشير الاضينة لا يعرف ما الذي يحدث في دولته . والكل يسرح ويمرح والاضينة قاعد يتلفت . وعملية التهبيل مستمرة . هل كان في امكان الاثيوبيين او غيرهم وضع طرطور علي رأي الازهري او عبد الله خليل الذي كان ينزل في قصر الامبراطور . ويحيطة الاميراطور بالود كصديق؟
عندما رجع عبود من مؤتمر باندونق مر على مصر . وهلل له ناصر واكرمه . وعندما قال بعد رجوعة ، ان ناصر ابن ناس ، قال لة اللواء احمد عبد الوهاب الرجل القوي الذي ارسل الجيش لحلايب ... ايه يعني عمل ليك عزومة نعمل ليك عزومة عزف ليك مزيكة نعمل ليك مزيكة هني في الخرطوم . واحمد عبد الوهاب هو الذي ارغم عبود على استلام السلطة من عبد الله خليل . لقطع الطريق علي عبد الناصر بخصوص اتفاقية النيل المجحفة . ودبر ناصر الانقلاب الناصري الرابع في السودان والذي نجح لاول مرة بقايدة شنان ومحي الدين احمد عبد الله . وكان احمد عبد الوهاب قد ارسلهم مع قوة مسلحة لبناء طريق بري يربط حلايب مع بقية السودان ومحي الدين مهندس . ورجعت القوة ووجهت السلاح لصدور ابناء الوطن . وتخلصوا من احمد عبد الوهاب وقدموا حلفا في طبق من الذهب لناصر .
قبل ان تنتهي الاحتفالات بإنتصار اضراب الاطباء فلنفتخ اعيننا جيدا . والتاريخ يعلمنا ان الطغاة قد يحنون راسهم قليلا . ولكنهم ينتغمون . والمشكلة ليست البشير الاضينة ، ولكن الذئاب التي حوله . ففي حركة ما عرف بالاشراف في المهدية . اضطر الخليفة بالقبول بالشروط وان يتقاسم السلطة والقوات والاسلحة والمال مع الخليفة شريف والخليفة ود حلو . ولكن طلب التحفظ على القيادات التي شاركت في القتال لفترة الي ان تهدأ الاحوال وسيطلق سراحهم .وبعد ان استتب الامر واطمأن الخليفة شريف ابن عم المهدي . زعم الخليفة ان النبي قد اخبرة بأنـه يجب قتل المعتقلين . وارسلوا الي الرجاف وقتلوا هناك . وجر الخليفة شريف واهين ووضع في سجن الساير الي ان شارف الجيش البريطاني امدرمان.وطلب منه ان يستنهض الناس للقتال . واعتقل خالد زقل ابن عم المهدي وحل جيشه واضيف الي ال راية الخليفة .الكيزان سيغدرون بالاطباء ولو بعد حين . هذا طبعهم .الم تشاهدا كيف يتربصون ببعضهم البعض . اسألوا شيخ الامين .
في بداية التسعينات وسيطرة الانقاذ علي الخطوط البحرية السودانية اتت الباخرة امدرمان الي ميناء مالمو وابلغت عنها . فاحتجزها السويديون وطالبو بدفع مرتبات كاملة لكل الطاقم . وكان مرتب البحار عالميا يقدربأكثر من الف وخمسمائة دولار في الشهر زائدا ساعات العمل الاضافي . ولم يطلق سراح الباخرة الا بعد تسلم الجميع حقوقهم امام السويديين . ولكن بعد انصراف السويديين وابحار الباخرة ارجعت الفلوسي . الكوز ابدا ما ترقد ليه على امان . الغدر جزء مهم في المقرر بتاعهم.
قالوا المرعفين قالوا ليه يسرحوك بالغنم بكا . تصوروا اكبر مخخنجي في البلد يمسكوه مكافحة المخدرات ! محنة مش كدة ؟ مامون حميدة من اسوأ الاخوان الكعبين . عندوا جامعة بناها من انقاض جامعة الخرطوم الشلعها . وعنده مستشفي خاص وجضومو دي من حق المرضى. كيف يسلموه وزارة الصحة . وهذه المسخرة حدثت في زمن الصادق سلم حضرة الوزارة المسئولة من الاراضي والاسكان . وحضرة كان من اكبر تجار وسماسرة الاراضي .ولاننا ما غرمنا الصادق الديك حصل علينا الحصل . القصة ان بعض اهل البادية نزلوا بالقرب من مجموعة اخرى . وقام الآخرون بذبح ديك يخصهم . فقال لهم عجوزهم .. امشوا غرموهم الديك فرفضوا لان الامر بسيط . وبعد فترة ذبحوا احد حملانهم والعجوز يطالب ويشدد ثم تطور الامر لذبح تور ثم جمل . واخيرا كتلوا احد ابناءهم فتسلحوا للحرب فقال لهم العجوز ما صار مثلا . كان من اول تغرموهم الديك . نحن لم نغرم الصادق ومبارك الديك . مبارك مع الاخوان الكعبين صاطوا البلد في الديمقراطية . ومبارك باع المولاس لاولاد الشيخ مصطفي الامين بدون عطاء لأن اولاد الشيخ مولوا انتخابات حزب الامة . ومبارك جاب البترول والزيوت من شركة فال في الشارقة وهم سماسرة فقط . مديرهم سوداني هو م . ع .. ورفع اسعار اللساتك لي ناس عبد ربه 40% وهم كانوا طالبين 17 % ووزارة التجارة رفضت وطالبت بدراسة تشمل المواد واجرة العمال واستهلاك الماكينات وشهادة الضرائب وضريبة الاستهلاك الدفعوها الخ . وقتها انا في السوق ، وكل الناس عارفة وبتتكلم والكلام وصل الصادق . وفي منزل يوسف بدري قالت حسب سيدة بدري للصادق . يا سيد الصادق انت يا تكون عارف ود عمك مبارك بيسرق وده مصيبة او ما تكون عارف ودي مصيبة اكبر .. وقبلها استخرجت اعداد هائلة من الاعفاءات للسيارات قالوا هذه لمناضلي حزب الامة الذين حاربوا وبسبب العدد الضخم قلنا اصلوا محاربي الامة بعدد جنود الرايخ . وهذه الاعفاءات لن تذهب للانصار مع الاراضي التي وزعت لناس لم تضع قدمها في امدرمان . استفاد منها مبارك واصحابه الكيزان .
والوزيرابو حريرة طيب الله ثراه الذي اراد ان يقف مع المستهلك المسكين . طرده الصادق لمصلحة الاخوان الكعبين وقال . ابو حريرة شما شطة وعطس . وانت كنت شامي عفن الكيزان وابن عمك وساكت . ودلوكت متشاكلين لانه مبارك رفض ان يقاسم . كلكم كيزان .
ويرجع مبارك بدون اي حياء او خجل لحضن الاخوان الكعبين . وبعد الملطشة واساءة الجاز له والسجن يعود ود المهدي لمن اهانوه . ان اللصوص لا حياء عندهم . فلنسأل انفسنا . من هو الغلطان الصادق ام مبارك ؟ ام الاثنان معا ؟ انا شوقي ود امينة اقول الاثنان .
هل يحلم مبارك بمنصب رئيس الوزراء ؟ ان رئيس الوزراء هو اهم من رئيس الدولة . وهذا سبب المشكلة التي مارسها السودانيون في مؤتمر المغرب فبعد مؤتمر الخرطوم كان مؤتمر المغرب . وبعد جلسة الرؤساء والملوك كانت جلسة رؤساء الوزارات . وحضر الازهري وتحكر في المؤتمر ورفض المحجوب وجود الازهري . وكانت الشمطة . وطلب البعض من ناصر التدخل . فرفض ناصر لانه قد تلقي درسا قديما عندما كان يسكن في اشلاق عباس في الخرطوم مع صديقة عبد الحكيم عامر . وقام احد السودانيين بتحطيم اسنان سوداني آ خر امام سينما كوليزيوم . وعندم تدخل الظابط ناصر بهيبة الظابط التي ينصاع لها المصري ، قام السوداني المعتدي عليه بشتم ناصر ووصفه بالحلبي وافهمه ان الامر بينه وسوداني آخر لا يخصه ولا يقبلون تحشره . هل يتصوراي انسان عاقل ان ان البشير يمكن ان ,, يوظف ,, رئيسا للوزراء وله سلطة ؟ ان عند البشير الكثير من الطراطير زائدا الطرطور اللبسوه ليه في اديس . سمعنا بي قصة لبيس الكديسة جرس . لكن طرطور البشير ده الاثيوبيين لسة بيكونوا بيشربوا في الانشة والكلوميت وبيضحكوا علي السودانيين وطرطور الرئيس .
لا ادري لماذا صار السودانيون يتسابقون علي المال . هذا ليس بطبعنا قديما . المثل السوداني كان يقول ... الحضر حضر والما حضر المال سدر . وهذا المثل قاله خبير القاقلة التي حضرت لمشرع رفاعة . وكان من عادته وعادة كل القوافل السماح للسكان من حلب النوق بدون مقابل . وتأخر البعض . فقال الخبير الحضر حضر والما حضر المال سدر . لقد كان من العيب قديما بيع اللبن . ولقد قال الوالد عبد الله البنا طيب الله ثراه في قصيدته التي تقارن سكن البادية مع سكن المدينة . علي ما اذكر .
اذا سكنت معنا البطانة
يكيف من دنياك كلب صيد
يكون للغزلان مثل القيد
وبقر الحي لها دوي
كانما قرونها العصى
ولبن المعزى عندكم يباع
وهن في بيتكم جياع
في الثمانينا وانا عائد من كسلا مع عبد الله النهيان ابن عم اولاد شيخ زايد ومحمود مدير شركة الشرق التي اسسها الرجا العظيم المحافظ شاش ، توقفنا في الطريق وقدم لنا انقيب صغير السن حليب الناقة من ضرعها مباشرة . فاردت ان اعطيه بعض المال فرفض رفضا باتا لان اللبن لا يباع .واستغرب عبد الله النهيان .
والآن يتقاتل السودانيون للمناصب والتكريم والمال. والبشير خير مثال . بعد اجتهاد ود العتبانية في اتفاقية السلام مع الجنوب احس علي عثمان بأنه احق بالتكرم وهو ود القبايل ... الخ وقام بزحلقة ود العتبانية . وبدأ يحلم بجائزة نوبل للسلام . وتخيل نفسه في اوسلو في النرويخ لابسا الجلابية والعباية الما خمج وقابض المليون دولار. مرات في سودانية عندهم شطحات واحلام ظلوط ديك الجدة ست البنات .
علي عثمان مجرم وسفاح وانسان حاقد على البشرية. رجل خطط لقتل رئيس جمهورية في بلد آخر وقرر تصفية من اعطاهم الامان ووضع يده على يدهم ، يحلم بجائزة نوبل للسلام . ان اول من منحت له الجائزة في العالم في 1901 قد رفضها لاعتقاده بانه لم يقدم اي شئ يستحق علية التكريم وكان يسكن في منزل العجزة . انه السويسري هنري دونانت مؤسس الصليب الاحمر ... الهلال الاحمر . وهو خلف ميثاق جنيفا وقوانينن الحرب وشعار الرأفة في الحرب . هذا الرجل كان ثريا وصاحب بنك واستثمارات ضخمة في فرنسا والجزاائر . ذهب في 1856 بحثا عن نابليون الثالث بسبب استثماراته . وكان نابليون الثالث في معركة سولفرينوا التي اشترك فيها 600 الف مقاتل في شمال ايطاليا. وكان مع النمساويين الشيك والمجريين والكروات وقوميات اخري ومع فرنسا الافارقة والجزائريون الايطال . وكان الجرحي في كل مكان . ونظم دونانت المدنيين لانقاذ حياة الجرحي . واستوعبه العمل التطوعي لدرجة انه ضحي ببنكه وثروته . وصار يتوقف عن الكلام في مؤتمرات السلام بسبب الجوع ويصبغ ساقيه بالحبر حتى لا تظهر الثقوب قي جواربة وهو يخاطب الملوك . ويرفض الجائزة والمال الكثير الذي يتبع الجائزة . وعلي عثمان تاها. اغضب ود العتباني لدرجة انه حرد وهو الآن يعادي الانقاذ ليس بسبب جرائمها، ولكن للمغصة الشخصية من تاها الذي تاه .
قبل ايام اعطيت الجائزة للرئيس الكولمبي وهو يستحقها لانه واجه كل الامة لكي يوقع اتفاقا انهي الحرب التي استمرت اكثر من نصف قرن وقتلت 100 الف . يعني 2 الف في كل سنة . ديل ناس علي عثمان تاها بيقذقذوا بيهم . 2 مليون جنوبي يا مفتري ولسة طمعان في جائزة نوبل للسلام . ده عشم ابليش في الجنة او عشم ابنيني في الضان . ودارفور وجبال النوبة وجنوب كردفان والشرق وكجبار وانتفاضىة سبتمبر عبارة عن هوادة ولسة طمعان في الجائزة ؟ كنت اتمني لو ان الجائزة قد ذهبت لميركل الالمانية . لان الجائزة كما اظن ذهبت لحوالي عشرة من النساء فقط منهم ماتاي الكينية لتاعة البيئة و ملالا وشيرين عبادي والام تيريزا التي رفضت الاكل في الحفل الفاخر لان الجياع في الهند لا يجدون ما يأكلون وتوك كرمان الخ اين علي عثمان تاها من هؤلاء ؟ لقد ترجمت اجزاءا من كتاب دونانت .. ذكري سولفرينوا ... يمكن قوقلتها تحت عنوان .... رجل الالف سنة .
قالوا طروا الحديد نطت الابرة . الشيوعي وعسكري البوليس سبدرات . بعد ما شبع وقبض حتي من مسرحية التحلل والتملص بدا في الهجوم علي الاخوان الكعبين بعد ماكان دلاكة النظام . بقى ينتقد في النظام كمان ... خسارة دراسة البيان الشيوعي واللائحة والديالكتيك والاممية . طيب من اسي نبدأ نحسب بعد قوش والبقية من هو المرشح للهجوم علي الانقاذ بعد طرده. كنت عايز ارشح نار القصب مصطفي عثمان شحادين . لكن ده ما عنده قدرة علي الشدايد . ما بحب التعب ولا الاكل الكعب . ارجوا ان يبدأ البعض بالترشيح !
في الديمقراطية الاخيرة كل الاحزاب والهيئات وقعت علة ميثاق موجود في الامم المتحدة وكل المنظمات العالمية .... اي اتفاقية مع اي دولة او منظمة الحكومات الديمقراطية غير ملتزمة به . دخيل اولاد الصادق والميرغني والحزب الشيوعي الخ القصد منه توريط الجميع حتي لا تكون هنالك مراجعات وقلع ما كسبه الكيزان . من منطلق كلكم كنتوا معانا والدليل شراكتكم والناس دي كلها عارفة . وبعدين مايجو يسو لينا اذا كان ولو ان . الزبون زاغ من ست العرقي لمن الحساب كتر . مشت ليه في الصباح بعد ما ضربت ليها نصية . دقت ليه الباب وبدا التملص والكلام المنمق . قالت ليه ... شوف اذا انت اذا كان... انا لو كان واذا انت جان انا بخور لبان . واذا انت الخرطوم انا امدرمان .

الاضيتة لسة بيقول ادوني اثبات . المثل بيقول عينو في الاسد قال وروني دربو . لقد كتبت عن مشروع الدنماركيين في تزويد اهل الجزيرة بالمياه النظيفة . وبعد اكتمال الجزء الاول من المشروع اصرت الانقاذ علي دفع المستهلكين وبالرغم من اصرار الدنمارك علي المجانية لان الامر هدية من ملكة الدنمارك التي تحب السودان فلقد كانت تزور السودان وهي في السادسة عشر مع جدها الملك السويدي قستاف عالم الآثار . رفض الاخوان الكعبين لان البلوشي بالنسبة لهم حرام . وهذه مشكلة الدنمارك مع الكيزان وليست الرسومات . يمكن قوقلة غبينة الانقاذ مع الدنمارك .
ابن الخال الزراعي الدكتور حربي . وهو من كوادر الاخوان المسلمين الاوائل والذين كانوا يؤمنون بعقيدة صماء وهو من همش لبعده عن السرقة . وكان من المسئولين عن موضوع مياة الجزيرة ورفض تغول الانقاذ . ارسلوه لاهله في الشمالية ليكون مسئولا عن الاستثمار . وكلما يضع يده على اي ارض او مشروع يحذرونه بأن الارض او المشروع ملك لاسامة بتاع السدود . فنفض يده عن الامر . والبشير لسة عاوز دليل . وبعدين ايه حكاية كل مسئول عامل ليه حماية ربع دستة على اقل تقدير . طيب انتتو لو ما ظالمين وحرامية المخوفكم شنوا . الوزراء زمان بنشوفهم ماشين في الشارع بيدخلوا السينمات ودار الرياضة عصاية ما عندهم ... دنيا .
قبل حميدة كان في وزير كوز العمل التطوعي والمجاني عمل ليه بقاق . بدون مناسبة وجدت جامعة الاحفاد ان مركزرعاية الطفولة والامومة مقفول بالشمع الاحمر . والمركز قفل بالجرم المشهود واعتراف المتهمين . لان المركز مجاني وكمان بيجيبوا كفار بيشتغلوا فيه لا تعريفة لا مليم . منتهى الاستهتار !! وممارسة الحرام بقانون الاخوان الكعبين. وما لدنيا قد عملنا .
وبعد شهرين من البحث عن المسؤول الذي لم يظهرالمركز كسر قاسم الاختام . وقال علشان نعرف منوا البجي يسأل . ولم يظهر اي ود مقنعة . وبينما قاسم في اجتماع مع وفد من الامم المتحدة لكي تقوم الاحفاد بتدريب كوادر طبية من ايران الى المحيط . تأتي الشرطة لاعتقال قاسم مدججين بالرشاشات ومش اقلام التروبن والباركر . ودي جامعة ومش حلايب او الفشقة . . واراد الدكتور اشرف بدري ان يتفادي الفضيحة فقال انه قاسم بدري . ولكن الظابط خارج الجامعة قال ده ما قاسم قاسم طويل . ورجعوا واقتحموا قاعة المؤتمر . وارادوا ادخال قاسم العربية لكنه رفض بالرغم من الرشاشات . وهجم الطالبات بالطوب والحجارة تتقدمهم طالبات الجنوب عندما قالوا ان قاسم مطلوب بسبب عدم دفعه للزكاة ، كن يقلن .... يدفع ليكم زكاة من وين انحنا بندرس مجاني . الدراسة لبنات الهامش مجانا في الاحفاد ودي بتقوم نفس حميدة والكيزان .
الوزير الكوز استدعي قاسم وعمل اجتماع كبير وبدأ التريقة . ليه الاحفاد بيجيها دعم من الخارج ؟ فقال له قاسم الدعم بيجي عن طريق الحكومة لجامعة الاحفاد . فقال الوزير ... ليه انا ما كلموني ؟ فقال له قاسم دي مشكلتك مع حكومتك . فغضب الوزير وترك مقعده واخد لفة ورجع وقال طيب ما بناتكم بيتدربوا في مستشفياتنا . لاحظ مستشفياتنا ! طيب وكت مستشفياتكم بتجففوا فيها مالكم . وطالبات الطب ديل يتدربوا في السلخانة ولا المنطقة الصناعية؟ ثم طالب الوزير بأن تدفع الاحفاد للتدريب في مستشفيات الاخوان الكعبين . فقال له قاسم ورونا سعركم علشان نفكر فيه . وبعد فترة قطع الوزير وشه . وارتاحت الاحفاد .... الى حين .
لقد اراد الشيوعيون تغيير المواطن في شرق اوربا . والبداية كانت الهجمة الشرة علي الدين . وصار المسيحيون يعقدون زيجاتهم سريا في الكنائس ويعرض القسيس نفسه للسجن بسبب ذالك النشاط ,,الاجرامي ,,. الاسكندنافيون تركوا الكنيسة في حالها . والكنيسة في الشارع الكبير قدام حينا هدموها قبل كم شهر ودلوكت محلاها عمارة سكنية كادت ان تخلص . والكنائس مافي زول بيدخلها غير السواح . واراد الروس تغيير الانسان . وقدم طفل كبطل للإتحاد السوفيتي لانه بلغ عن والده المزارع الذي اخفى جزءا من المحصول . وكانت الناس تبلغ عن اهلها وجيرانها . وبعد انهيار المعسكر الشيوعي عادت الكنيسة بقوة .
صديقي ايفان كرنا الكرواتي رجع من الاجازة وهو غاضب . اصدقاءة لم يكن عندهم وقت للذهاب الي البحر معه لانهم يعملون كمتطوعين في ترميم الكنيسة وبيت القس . وعندما قال ايفان لصديق طفولته .. انت لست بمتدين ولا تذهب للكنيسة لماذا تعمل بدون اجر . والجواب كان ان للقس اليوم سلطة كبيرة . وانا نجار اذا طلب القس من السكان مقاطعتي فلن اجد عملا . الانقاذ ارادت ان تعيد صهر الشعب السوداني . والنتيجة هي الزعزعة التي حدثت للمجتمع السوداني . ودار المايقوما
وسجن النساء خير دليل .
قديما كان العميد يوسف بدري يقول لنا عندما يجمعنا في الاجازة من اوربا.... ما تفتكروا لانكم مشيتوا اوربا بتعرفوا اكتر من السوداني البسيط . وما تحاولوا تنتقدوا اعتقاد الناس في البصير والفكي والكبار . الانتقاد ساهل . وانتو كده بتزعزعوا الناس وانتو ما عندكم البديل . انتو اعملوا الشفخانة وجيبوا الدكتور او مساعد الحكيم . الناس براها بتبعد من علاج البصير . وحتخلي بخرات ومحاية الفكي . لمن تجيبوا المدارس والناس تتعلم . انتو كده بتحرموا الناس من الامان اللي هو اغلى شئ . وما بتدوهم بديل . والآن الفكي والمشعوزون داخل القصر الجمهوري والناي بتتعالح بالاعشاب لان الدواء مغشوش او معدوم .
حاجة غريبة ومحنة جديدة سمعنا بالعساكر البيقبضوا الناس ويجلدوهم بسبب عدم التواجد في المسجد اثناء صلاة الجمعة . اولا العساكر الحايمين ديل ما مسلمين ؟ ولا بيصلوا في العربات . وبعدين عند اكتمال النصاب ممكن الناس تصلي الجمعة في الباخرة مثلا ذي ما شفنا زمان . الاخوان الكعبين ديل هو زاتهم ما بيفتكروا الحاصل ده بيكره الناس فيهم . العملوا حميدة في تجفيف المستشفيات وتخزين المعدات الطبيبة ، ضميروا ما بيحاسبوا ؟!!
اقتباس ..,... من موضوع فكة صلاح سالم في السودان .
غلطه صلاح سالم انه استلم ملف السودان لانه كان يظن ان مشكله السودان وانضمامه الى مصر ستجعل منه بطلاً . وستحمله الجماهير فى البلدين على اعناقها وقد يقيمون له تمثالاً . وكان يحسب انه سيكون طرزان الذى يأتى الى السودان بلد الوحوش والزنوج الاغبياء . وسيبهرهم ببياض لونه وذكائه وحقائب الجنيهات التى سينثرها على رؤوس البرابره . ولكنه وجد فى السودان رجالاً ونساءاً يفوقونه ذكاءً وحنكه, ودرايه بالعالم وإلماماً بالسياسه والعالم الخارجى .
وجد السودانيين يجلسون في مقهى لورد بايرون فى المحطه الوسطى ويحفظون اشعار اللورد بايرون ويحفظون اشعار جين اوستين ويقراؤون جون اوستين . وجونسون ويعرفون كل كبيره وصغيره عن برنارند شو وبلتراند رسل . وبعضهم قد قابله شخصيا .
وكانت المحاكم تدار باللغه الانجليزيه . والقاضى يلبس الباروكه والعباءه الحمراء والمحامون يرتدون العباءات السوداء . والحاجب يطرق الارض بعكازه ويعلن عن انعقاد الجلسه باللغه الانجليزيه . والمحامون السودانيون يحتدون ويفحمون القضاة الانجليز باللغه الانجليزيه . وجلسات البرلمان تدار باللغه العربيه ويقوم عمنا فوراوى بالترجمه الفوريه الى الانجليزيه . ويتعمد صديقه المحجوب فى ايراد بيوت الشعر الجاهليه التى تحتاج لشرح باللغه العربيه والآيات القرآنيه والعم فوراوى يترجمها بسلاسه وسهوله . والحكومه المؤقته والمعارضه يلتقون فى المساء ويتسامرون ويتزاورون ويتراحمون بطريقه حضاريه . وليس هنالك لغه بذيئه فى المجتمع السودانى . والكل يحترم الآخرين ولا يحتقر السودانى حتى ولو كان فراشاً فى وزاره . والوزير ينادى الفراش بعم محمد وعم ابراهيم . وليس هنالك القاب والكل يتخاطب مع الآخرين بالاسم الاول . عبد الله خليل يخاطب جاره اسماعيل الازهرى باسماعيل والازهرى يناديه يا عبد الله . ووجد صلاح سالم ان امامه الكثير لكى يتعلمه فى السودان . .
كركاسة
ما يميز الاعداء من الاصدقاء ، هو ان الاعداء لا يصيبونك ابدا بخيبة الأمل .
ود امينة


[email protected]



تعليقات 67 | إهداء 0 | زيارات 76499

صفحة 1 من 212>
التعليقات
#1535537 [Larry Fox]
0.00/5 (0 صوت)

10-22-2016 04:28 AM
وقد حاولت الحصول على قروض من البنوك دون جدوى؟ في أمس الحاجة إلى المال للخروج من الديون؟ بحاجة الى المال لتوسيع أو إنشاء الأعمال التجارية الخاصة بك؟ الحصول على قرض من أحد شركات القروض الرائدة في المملكة المتحدة. لمزيد من المعلومات، يرجى الاتصال عبر البريد الإلكتروني: [email protected]

[Larry Fox]

#1531823 [ابو محمد]
0.00/5 (0 صوت)

10-12-2016 08:08 PM
مهما كانت درجة الخلاف والإختلاف فكلمة (إضينة) لا تليق !! نحن نتحدث عن قضايا جوهرية تمس تراب الوطن ومكتسباته ومقدراته وموروثاته من جميل الخصال وكريم الفعال وعن كرامة المواطن المهدرة !! ولا نريد أن ننزلق إلى مستوى لحس الكوع فتضيع معالم الطريق أمامنا ونحيد عن حقيقة السودان الوطن الذي فيه يرقى العيب إلى درجة الحرام !!

[ابو محمد]

#1531427 [بنت البلد]
0.00/5 (0 صوت)

10-12-2016 08:01 AM
البشكير يا استاذنا ود بدري اضافه الى انه اضينه هو كمان مجرم حرب قتل ملايين الاشخاص بدارفور والجنوب وجنوب كردفان والنيل الازرق وشرق السودان وشمال السودان كما تسبب في تهجير ملايين اخرى من ديارهم بينهم الكبار والصغار والنساء وغيرهم من الجرحى. البشير اكبر مجرم فقد تسبب في فقدان الوطن جزء رئيسي منه الا وهو الجنوب بمساحه تقدر ب سبعمائة الف كلم مربع. البشير مجرم **** تسبب في فقدان الوطن اراضي اخرى بحلايب والشرق وغيرها.. لعنة الله تغشاه اينما حل..

[بنت البلد]

#1531382 [طه علي]
4.07/5 (5 صوت)

10-12-2016 02:38 AM
شوقي يعرف كيف يوصل المعلومه. ده ود امدرمان لعب الكره قدام مدرسة العباسية بنات وعمك لوري قاعد في الكرسي قدام باب المدرسة بتفرج عليه.

[طه علي]

#1531208 [اسامة على]
2.77/5 (7 صوت)

10-11-2016 05:42 PM
طيب مالو يااستاذ لو الحكومة جابت اكبر مخخنجى لمحاربة المخدرات؟ مش الشاعر قال
.... وداونى بالتى كانت هى الداء
ومش قالو فى المثل (( لايفل الحديد الا الحديد ))

[اسامة على]

ردود على اسامة على
Saudi Arabia [ابو محمد] 10-12-2016 07:42 PM
هل يقوى المخخنجي على محاربة المخدرات ؟؟


#1531160 [عدو الكيزان]
4.18/5 (7 صوت)

10-11-2016 04:19 PM
نشكرك أستاذنا شوقي على أسلوب السهل الممتنع ، دايماً مقالاتك دسمة مليئة بالمعلومات نسأل الله أن يمتعك بالصحة والعافية لتواصل في هذا الطريق ونتمنى أن تقوم بتجميع هذه المقالات في كتاب واحد ...
كما نتمنى ألا تؤثر فيك المداخلات السلبية المحبطة من بعض المحبطين .

مع الشكر ،

[عدو الكيزان]

#1531116 [انا السودان]
4.19/5 (6 صوت)

10-11-2016 03:25 PM
لك التحية ياود الاصول . ونرشحك لحكومة ما بعد الانقاذ لوزير ثقافة واعلام

[انا السودان]

ردود على انا السودان
Bahrain [ود امدرمان] 10-11-2016 05:06 PM
.


#1531086 [ود رفاعة]
4.07/5 (6 صوت)

10-11-2016 02:36 PM
لمسرح الافتراضي
الطريق مزدحم، بل مغلق والسيارات لم تتحرك لاكثر من نصف ساعة..
انتي يالتومة الليلة الحاصل شنو؟ الخرتوم مالا زحمة كدا التقول يوم الوقوف بعرفة.
شن عرفني انا... علا الحركة دي مي طبيعية.. الخوف ما يكون ناس داعش عملو ليه شئ..
تتدخل شابة في الحوار
لا يا خالة الليلة يوم الحوار الوطني..
شنو يعني الحوار الوطني يابتي؟ يعني دا شئ جديد زي الرقم الوطني؟
تتدخل التومة
ها الغبيانة دي .. الرئيس قال خلاص عايز يطلع من الرياسة.. قام قال للسياسيين كلهم تعالو اقعدو نتفق عشان نسلمكم رياسة البلد دي..
اجي اجي يا التومة.. البشير شوطن وللا شنو؟ الزول دا بي صحو عايز يطلع من القصر ويخليهو للجماعة ديل..
لا لا هو قال يجو يتلمو يعملو حكومة وهورئيسها..
كل ركاب الحافلة يصمتو ويستمعون للحوار الكوميديا بين التومة وبت المنى
اها يا التومة ويعمل كدي في شان شنو؟
قال عشان البلد تعبت خلاص وعايز ينقذها
اجي اجي.. تاني !! هو دحين لمن جا أول مرة ما قال جنس الكلام دا..
بعدين يالتومة لو المتحدث غبيان حقو السامع يكون واعي
قصدك شنو يا بت المنى؟
قصدي واضح.. اسع النقول الحافلة دي لاست وما عرفت الدرب .. اها البستحق التغيير منو؟ السواق وللا الركاب؟
دا سؤال عايز لو رد؟! طبعا نغير السواق..
وينفجر ركاب الحافلة بالضحك.. والسواق يقول للكمساري
عليّ بالطلاق ترجع للحاجات ديل حقهم

[ود رفاعة]

#1531077 [ياسرحمد الدول]
4.07/5 (5 صوت)

10-11-2016 02:09 PM
دققت اكثر فى تعليق عثمان شبونة وحكاوى الاموات هذا الشوقى مخضرم ولو شفعت له مقامه ووصل الى البشير ونصحه وحاضره افيد للوطن اما هذا السرد الجميل لابد ان يتبعه بخطة عمل للافادة ومقال متداخل على عثمان وجاىزة نوبل ومبارك الحرامى واضراب الاطباءوهلمجرالكن متعة كبار فعلا ترحمت كثيرا على العزيز محمود ابوالعزايم عليه الرحمة

[ياسرحمد الدول]

ردود على ياسرحمد الدول
Bahrain [ود امدرمان الفهلوى] 10-11-2016 05:09 PM
.


#1531063 [اوكامبو الضكر]
4.58/5 (11 صوت)

10-11-2016 01:21 PM
يا زنكلوني قول كوع ما عندك.... موضوع وللأسف فهمك تعباااان عمنا العزيز شوقي بدري سوداني أصيل ومأصل وبتكلم بلغة ساهلة وسمحةومعلومات صحيحةو ثقافة غزيرة هذه الأخطاء ليست عدم معرفة لأنه موسوعة في اللغة بس هي مجرد أخطاء الكيبورد نتيجة للسرعة وكبر المقال

[اوكامبو الضكر]

#1531054 [عبدالله الشيخ]
4.58/5 (11 صوت)

10-11-2016 12:51 PM
شكرا لك يا استاذ .. شكرا لهذه الحروف النابعة من القلب ومن محبة للبلد ولأهلها..

[عبدالله الشيخ]

#1530968 [القعقاع]
4.58/5 (11 صوت)

10-11-2016 09:38 AM
لاحل الا اسقاط الكيزان من سدة الحكم (فساد... فساد رشاوي لعن الله الراشي والمرتشي
ديل حرامية ... نحن شعب يستاهل ضرب الجزمة ... متساهلين متسامحين لكن في الارض مفروض وقفة عمر الاهبل دة طرطور ساي دة البلادة بعينها مرة قميص ميسي ومرة يرقص ومرة ومرة .... اين انت يا شعبنا العظيم

[القعقاع]

#1530962 [المشتهي الكمونية]
4.59/5 (13 صوت)

10-11-2016 09:24 AM
لله درك يا عم شوقي ، سياحة تاريخية في القديم الزين وفي زمن اليوم الشين ، بالله يا عم بدري عايزين كم مقال زي دا ويكون عنونه برضه البشير الإضينة ، عايزين وصف ولقب الإضينة يترسخ في أذهان جيل الإنقاذ ،، والله فعلا إضينة وعوير ، أديلوا ياعم شوقي وما ترحم عوارته ، الإضينة العوير

[المشتهي الكمونية]

#1530883 [Le derno]
4.59/5 (12 صوت)

10-11-2016 05:51 AM
كالعادة استاذ شوقي ممتع حد الثمالة!
مع انه طوالي في ناس ماراضية يقولوا ليك الزول ده لسانه بذيئ وبيرمي درراب غير مراعي للذوق العام و بيسيء لشخصيات اعتبارية
عجبي عجبي!!
يعني في زول فيه حبة نصاح متابع للتمرمط والتمرغ في الحضيض بتاع بلدنا لايشعر بالبذاءة!
بعدين الاستاذ طوالي بتكلم عن شخصيات عامة يعني منطق منطق ملكنا نحن وجات لخدمتنا نحن جات بالتصويت ولا جات بالدبابة ولا تحت عباية دين ولباس طائفية او كندم ايديولوجية ولا خشت بالشباك والناس نايمة زي ناس حماده! ده طبعا المنطق لكن الناس دي جات لاغراض حقتها وعلى مر السنين بعد الاستقلال او قبله زي ما بنستمتع بيه من قلم استاذ شوقي وحرمونا حقنا في المجابدة الانسانية خلونا نسمع عنهم ونستمتع.
بعدين حنك المصادر وانه بيرمي الكلام على عواهنه من غير ادلة وبراهين باللهي خلاص يالانجليز والتحري يا ال KGB ياتو تحري في دولتنا من قمنا سمعتوا بيه من قديمها لحدي هس! مجتمعنا بدائي ومعظم تفاصيله معرفة منقولة نضمي الاستاذ لمن يربطها ليكم بذاكرته الحديدية وثقافته وتجاربه الناس تسمع بعداك البيهبشه الكلام في بيته ولا في حزبه يمشي يبحت هنا بندور نعرف من البيعرف. ويا كتر مؤرخينا الزييفو حقائق ناسها لسع حيين وماشين بيناتنا. في ناس لببدو الحقائق لاصحابهم في ناس لاسرهم وناس لاحزابهم!
بعدين دياهو الناس الواحد يتلدغ من حزبه طوالي يعمل مؤرخ ويطلع لينا بكتاب من مجلدين يمطنا بيه منصور خالد عندك المحبوب عندك القدال في ناس حتحنبق هس طبعا! مع انه احداث تاريخية غييرت مجرى السياسة السودانية للآن الناس ماعارفة عنها شي ناس ماتت وبس!! وكلها احزاب جات تغيير فينا وتخت بصمات وعي في شعب في النهاية امراض الشعب الاجتماعية خشتها ونخرت عودها!
لكن استاذ شوقي سؤال كده هس انا من جيل قمت لقيت الشغلانية انبرشت تماما وسكيتها شويتين قلت نعرف ونساهم لقيت العفنة في العضم زي مابقولوا.
طيب الكيزان ديل هس السودانيين مامحملين عليهم زيادة ؟ماكل الاحزاب دي ضاقت المييتة دي وضاجعتها بس ديل حظهم لقو قدامهم تجارب كتيرة بتاعة فشل مرقو منها بحاجة تقعدهم فترات اطول كل الفظائع اتعملت قبل كده ومقالك ذاكر كتير من الامثلة وياهم موضوع دين وبسكويت هم ذاتهم عافوهو من مخارجة الترابي ودخلو معاهم ناس كتار شراكة ونسابة ناس جهابذة في فترات خلت جايين يفتشو الماضي ويلقو ليهم مجد حتى لو زائف ؟ والترابي بقى معارضة وحليف للشيوعي كمان!!
وناس سبدرات والصادق والمرغني ولسع بيتفسحو فينا!!!
بعد ده في ناس خيال المآته ديل يقولو ليك حفظ ماء الوجه والالفاظ النابية البذيئة والاساءة للشخصية السودانية!!!
محن تجنن مشكور كتير استاذ شوقي على السرد اللطيف الخفيف والمعلومات الهبطرش ومتابعينك للكداش على سنة جمهور محمود عبدالعزيز بعوارة كمان

[Le derno]

#1530867 [الاسمراني]
4.16/5 (10 صوت)

10-11-2016 02:18 AM
ياخي انا راسي لفه من موضوع لموضوع
ركز في حاجة واحدة خلينا نتم الموضوع لنهاية

[الاسمراني]

#1530861 [الفقير]
4.60/5 (15 صوت)

10-11-2016 01:29 AM
ربط محكم بين الماضي و الحاضر ، و دروس و عبر و خلاصة للتجارب في كل سطر و كل فقرة.

[قبل ان تنتهي الاحتفالات بإنتصار اضراب الاطباء فلنفتخ اعيننا جيدا....] ، إنتهى.

يمكننا أن نحكم بكل إطمئنان ، بحكمة و وعي القائمين بأمر إضراب الأطباء ، و حسن إدارتهم للقواعد و مدهم بالبيانات التنويرية و توضيح الملابسات ، و هذا ما نجح قضيتهم و جعلهم كيان واحد (قيادة + قواعد).

رغم أن بعض تصريحات و بيانات بعض الكيانات ، سارت في غير وجهة الإضراب ، و بعضها على سبيل المتاجرة و الشو السياسي ، و كان لهم أن يقتدوا ببيانات الأطباء المتواجدين بالخارج ، التي لم تخرج عن المبادئ التي نادت أعلنتها اللجنة المركزية للأطباء.
إلا أن اللجنة المركزية ، لم تنساق وراء هذه الدعوات ، لأنهم حددوا الغرض من الإضراب بكل وضوح (مصلحة المواطن) ، و كان لهم أن يقتدوا ببيانات الأطباء المتواجدين بالخارج ، التي لم تخرج عن المبادئ التي نادت أعلنتها اللجنة المركزية للأطباء.

تحذير الإستاذ شوقي أعلاه ، من المؤكد أن لجنة الأطباء ، قد وضعت له كل الإعتبارات و الحسابات ، لكن لا بد من أن يتكاتف الشعب مع الأطباء الذين قاموا بالإضراب من أجله ، و يجب أن نحرص على ألا يتضرر أي طبيب مهما كان ، و حتى إن كان نقل تعسفي أو آجحاف في حقه (دراسات ، ترقيات ، ...).

أقر بإنني أتابع بشدة مقالات و روائع الأستاذ شوقي ، و أتعلم و أستلهم منها ، و مشكلته الكبرى صراحته غير المعهودة ، حتى إن كان على نفسه ، و نحن في المجتمع لم نعتاد على هذه الصراحة ، رغم أهميتها.

شفرة شوقي!!!

* عندما يشير الأستاذ شوقي إلى نفسه ب (شوقي ود أمينة) ، فآنه بذلك يكرم جميع أمهاتنا ، و يدعونا للتمسك بالجذور و أن نكرم الوطن إكرامنا لأمهاتنا ، و هذا ما يفرقنا عن كوادر التنظيم الحاكم و خوازيقه.

* أي مضطلع لمواضيع الأستاذ شوقي ، يجد إنه أمسك أو صمت عن أشياء ، كان يتوقع أن يشير إليها أو يدلي برأيه فيها ، و صمت الأستاذ شوقي عنها فيه رسالة و حكمة! و كمثال في هذا المقال ، نجد إنه لم يأت بكثير كلام عن إضراب الأطباء ، إنما ركز رسالته في المفيد المختصر ، و هذه رسالة للذين أصدروا بيانات و مزايدات و جنحوا إلى دريبات (سياسية) لا تخدم القضية ، رغم أن نجاح الإضراب و إلتفاف الناس حوله ، إنه حصر القضية في تهيئة البيئة الصحية لمصلحة المواطن.

* حكم الأستاذ شوقي على الزعامات و الشخصيات السياسية/التاريخية ليس مطلق ، و يعطي كل ذي حق حقه حسب المواقف!! كنميري مثلاً ، فهو هنا قد بين موقفه مع هيكل ، ليوصل رسالة واضحة لكلا النظامين (السوداني و المصري) ، و المغزي! أن القارئ لمقالات الأستاذ شوقي يجب أن يكون لديه طول النفس ، و لا يحكم عليه في مقال أو مقالين ، و يحمد له إنه دائماً يشير لمقالاته السابقة.

* رغم أن الأستاذ شوقي يكسب مقالاته لغة سهلة مبسطة ، إلا إنها تحمل بين طياتها دوما دروس و عبر للأجيال للإستفادة من التجارب السابقة ، كما أن لها معاني عميقة للمجتمع لتعزيز العمل الجماعي و التكاتف ، و البعد عن التفرقة و العنصرية.
و يعطينا الكثير من الامثلة عن تجارب القادة محلياً و خارجياً ، الإيجابية و السلبية ، لتعزيز مفاهيم القيادة في المجتمع ، سواء ممارسة أو إختيار ، لنتخلص من تقديس الشخصيات في العمل العام و رهن مصائرنا لغير الجديرين بذلك.

و نشكر إدارة الراكوبة ، لتكريم روادها بوضع مقال الأستاذ شوقي في الواجهة.
*

[الفقير]

ردود على الفقير
Sweden [shawgi badri] 10-11-2016 06:37 PM
العزيز الابن ,, الفقير ,, ارتبطت مع الطالبة الجامعية افا فيبرق لاكثر من عشرين عاما . وبعد دراستها فوق الجامعية عملت في مجال التدريس . كانت مثالا للاخلاق واللطف . كانت تحب السودانيين بدرجة الوله . ولكنها كانت تقول انهم شعب عظيم ولكن ينقصنا التنظيم والاهتمام . بالرغم من انها لاتدخن او تشرب الا انها كانت تحتفظ في حقيبتها بولاعة . وعندما تعود من سفراتها تشتري الخمور . والسبب ان السودانيين عندما نذهب في الرحلات مع الشواء ينسون الولاعة مع ان الجميع يدخن وعادة ما يبحثون عن الولاعة التي نسوها في المقهى او المسكن. ولا يخططون لشراء المشروبات التي نباع في مناجر الدولة التي تفتح لساعات معينة فقط . وبما انني لا اشرب فكانوا يتصلون كثيرا للسؤال اذا تتواجد عندنا مشروبات لانني الي اليوم لم اتذوق الخمر. وتتكرر الغلطة كل مرة ويضطرون لدفع السعر المذدوج من اصحاب المطاعم الاجانب . لاننا لانخطط او نتعلم من غلطاتنا .ولم يكن تتعامل مع السكر ولكنها تحتفظ بعدة انواع من السكر ... الاحمر المكعبات والفلت . لكي تكون مستعدة للسودانيين . لا تخرج الا ومعها لستة بما تريد شراءه او انجازه . تعمل لنفسها جدولا بكل شئ . كنا بعد انزال الحلة او الطوة ننسي ان نقفل البوتاجاز . كانت تقول انه من المفروض ان نقفل البوتاجاز قبل انزال الحلة حتي لا ينسي الانسان . وعندما ابدا ابحث عن المفتاح لمدة طويلة تقول ان الانسات يقفل الانسان الباب بالمفتاح من الداخل . ولهذا لا ينسى الانسان مكان المفتاح او يقفل الباب وينسى المفتاح بالداخل ويكلف الامر 200 دولار لفتح الباب . اغلب السودانية كانوا يمارسون هذه الغلطات . السبب هو اننا لم نتعلم النظام .


#1530817 [hayderidress]
4.17/5 (15 صوت)

10-10-2016 09:23 PM
هناك فتن ضد السودانيين لكن المهم انو السودانيين هم ناس كرم وجهد والاكس صحيح لذالك الاعور الرقاص

[hayderidress]

#1530811 [الزنكلونى]
4.17/5 (17 صوت)

10-10-2016 08:58 PM
كلام ركيك وغلطات املائيه ماقدرت افهم حاجه

[الزنكلونى]

ردود على الزنكلونى
United States [عودة ديجانقو] 10-12-2016 09:33 PM
لو كنت من امدرمان كان فهمت
مشكلتى الاساسيه فى الدنيا دى مع نوعك البجم ده..

Saudi Arabia [نورة] 10-11-2016 11:42 AM
خليك من مبارة الدجاج عشان تكبر
ولو كبرت ان شاء الله تفهم

Saudi Arabia [نورة] 10-11-2016 11:38 AM
تكبر تفهم


#1530773 [محمود حسن عبد الكريم]
4.60/5 (22 صوت)

10-10-2016 06:43 PM
الشكر و التحية لك أستاذ شوقى بدرى على المقال الرائع .

هى بقت على حلايب لوحدها فى إنبراش البشير للمصريين ؟؟
لعل الجميع قرأ عن إصرار البشير(خلال زيارته الاخيرة لمصر قبل ايام) على تفعيل اتفاقية الحريات الأربع التى نصت على حرية التنقل، وحرية الإقامة، وحرية العمل، وحرية التملك بين البلدين. و التى يطبقها السودان لوحده ولا تطبقها مصر .. و لم يعطوه المصريين أى أمل فى تطبيق الحريات الاربعة التى مضو عليها قبل اكثر من 12 عاماً و لم يفعلو بها بل يقوم بتطبيقها هذا القشير المنبرش .

[محمود حسن عبد الكريم]

#1530771 [ود الحله ابو حميد]
4.17/5 (15 صوت)

10-10-2016 06:23 PM
نسيت ليلى كوهين و ازمرلندا شوبرمان والزبير ود ال نهيان و اسامه بن جابر بن الصباح ما كان معاكم برضو.

خلى الكضب يا شوقى كبرنا خلاص

[ود الحله ابو حميد]

ردود على ود الحله ابو حميد
United States [عودة ديجانقو] 10-12-2016 09:42 PM
فعلا ود الحله يعنى حتكون جاى من وين...هل تعرف معنى الحله فى ثقافة اولاد امدرمان..

أستاذنا شوقى صعب أستعابه لو ماكنت امدرمانى عشان كده انا ح أجى عليك فى الحله اديك دروس خصوصيه

Saudi Arabia [عبد الله م] 10-11-2016 08:31 AM
يا اخي يا شوقي طيب ذنبه شنو سعى لصداقتك وانت قبلت مالك قايل فيه كدة الان ؟

Sweden [shawgi badri] 10-11-2016 01:37 AM
ارجو ان تتخلص من عقدة الشعور بالنقص . من هم النهيان ؟ انهم بشر. شيخ زايد كان يعمل دريوي او سائق . بعد التخلص من اخيه المشاغب الشيخ شخبوط جعلوا منه شيخا. الامارات في الستينات كانت رواكيب . شيخ زايد اتي للخرطوم . واخذ 7 من الاداريين لاداره البلديات . وكان يقول انه يريد ان تكون ابوظبي مثل الخرطوم .
عبد الله النهيان الذي كان سفيرا في امريكا وابن عم اولاد زايد لا يمكن ان اقارنه بأقل انسان في العباسية. لم اسع لصداقته لقد سعى لصداقتي .
الحمد لله كنا نحس باننا كسودانيين مافي زول بيلحقنا . قوقل شوقي بدري وعبد الله النهيان .. لقد نرت صورا له وهو في السودان . والجنوب الافريقي والسويد الخ . نحن ياسيدي عبسنجية عندنا الكبير الجمل .


#1530758 [زول مراقب]
4.17/5 (17 صوت)

10-10-2016 05:33 PM
((ما يميز الاعداء من الاصدقاء ، هو ان الاعداء لا يصيبونك ابدا بخيبة الأمل .))

[زول مراقب]

#1530757 [كاكا]
4.17/5 (19 صوت)

10-10-2016 05:32 PM
شكرا يا شوقي ! ما تكتب اجمل ما اقرأ
عجبني لي سبدرات الحاسب روحو مع الحديد يا ريت يلقي زول يوصل ليه التشبيه ده عشان نفسو الفاتحة دي تنقفل !
اول مرة اشوف رئيس مسيخ زي البشير ده لا طعم لا لون لا رائحة "جبور" ساي علي قول جهاد الخازن !

[كاكا]

ردود على كاكا
Saudi Arabia [جركان فاضى] 10-10-2016 07:59 PM
لاطعم له ولارائحة ولامذاق....يعنى صافى كالماء!!!!!!


#1530751 [زهجان]
4.17/5 (18 صوت)

10-10-2016 05:21 PM
سياحة ممتعة و ثرية يا عّم شوقي ربنا يحفظك. أنا عندي حبة تحفظات علي اول جيل بعد الاستقلال المحجوب زروق الخ اي نعم كانوا قدوة في الاخلاقيات و كدا لكن ما يمنع انو رسخوا مفاهيم مغلوطة أدت بشكل او اخر اما نحن عليه الان ..مثلا استسلموا اكتر من اللازم للطاءئفية و شايفك كمان جبنا سيرة تغيير الدستور دا غير موضوع حل الحزب الشيوعي.. يا ريت تكلمنا اكتر عن الحاجات دي في الوقت المناسب لكن for now ركز لينا مع الاضينات وسخ الارض. لا تفوت لا تموت يا عّم شوقي!

[زهجان]

#1530747 [ود البلل]
4.17/5 (15 صوت)

10-10-2016 05:16 PM
يا شوقي صلاح سالم دة ما ياهو الرقص عريان أمفكو في الجنوب؟

[ود البلل]

ردود على ود البلل
Sweden [shawgi badri] 10-11-2016 01:25 AM
صلاح سالم مولود في السودان واخوه اسمه جمال سالم . كان ينافس جمال عبد الناصر في البداية . ولكن ناصر اطاح به ووضعة في الحبس المنزلي . اخذه العم عبد الله والد اخي دنفرين من الدينكا الاقر للنقارة في رمبيك التي كانت مسكننا قديما . حاول ان يجاري الدينكا . وكان بالنسبة للدينكا بلباس الفنلة مضحكا مثل حفاض الاطفال .


#1530733 [الفاروق]
4.17/5 (16 صوت)

10-10-2016 04:42 PM
الله عليك والله اليوم بس عرفت معنى اضينة لانك ضرب المثل مظبوط وفعلا اضينة . أأمل مثل ايضاحك هذا يصل الفيس بك . انقلوه للفيس بك لكى ينتشر اكثر واكثر فالناس حقيقة يريدون معرفة معنى الاضينة وما هو الاضينة فالمثل الذى اورده اكثر من مناسب لكى الناس تفهم معنى الاضينة .

[الفاروق]

#1530718 [هميم]
4.18/5 (18 صوت)

10-10-2016 04:21 PM
الأستاذ شوقي يسأل "ألا يعذبه ضميره؟" يقصد مامون حميدة! وهل لإنقاذي ضمير؟ شوف البشير ظلم كم من الملايين وقتلهم وشردهم وعذبهم وأفقرهم فهل يبدو على البشير عذاب ضمير؟ لا بل هل يبدو على البشير أن له ضميراً؟

[هميم]

#1530715 [مان]
4.17/5 (16 صوت)

10-10-2016 04:15 PM
ْْْاضينة دي شنو؟

[مان]

ردود على مان
United Arab Emirates [Salah Ibrahim] 10-11-2016 08:43 PM
أعني أن صيغة السؤال ليست موفقة. ولا يهمك وأعتذر لك عن هجومي

United States [القائد] 10-11-2016 03:46 AM
اضينة تعنى الرجل السميع الذي يصدق مايقال له دون تفكير او مراجعة

" ومنهم الذين يؤذون النبي ويقولون هو أذن قل أذن خير لكم يؤمن بالله ويؤمن للمؤمنين ورحمة للذين آمنوا منكم والذين يؤذون رسول الله لهم عذاب أليم "

[مان] 10-10-2016 09:22 PM
صلاح ابراهيم؟ من هم أمثالي؟؟ دا سؤال عادي لانو الكلمة اول مره اسمع بيها!

شكرا اخي عبدالباقي علي المعلومه

Romania [abdulbagi] 10-10-2016 07:07 PM
اضينه بعنى زول امره هين اى واحد ممكن يلعب عليه ذى الطفل

United Arab Emirates [Salah Ibrahim] 10-10-2016 05:24 PM
ليس أمثالك من يستفز دكتور شوقي بدري. مفهوم


#1530708 [برعي]
4.17/5 (16 صوت)

10-10-2016 03:53 PM
لك التحية العزيز شوقي دايما ننتظر مقالاتك
من اجمل ما في المقال المقارنة بين الخليفه عبد الله وفترته السوداء المظلمه وهوؤلاء الاوباش ...

اقتباس :

بل ان تنتهي الاحتفالات بإنتصار اضراب الاطباء فلنفتخ اعيننا جيدا . والتاريخ يعلمنا ان الطغاة قد يحنون راسهم قليلا . ولكنهم ينتغمون . والمشكلة ليست البشير الاضينة ، ولكن الذئاب التي حوله . ففي حركة ما عرف بالاشراف في المهدية . اضطر الخليفة بالقبول بالشروط وان يتقاسم السلطة والقوات والاسلحة والمال مع الخليفة شريف والخليفة ود حلو . ولكن طلب التحفظ على القيادات التي شاركت في القتال لفترة الي ان تهدأ الاحوال وسيطلق سراحهم .وبعد ان استتب الامر واطمأن الخليفة شريف ابن عم المهدي . زعم الخليفة ان النبي قد اخبرة بأنـه يجب قتل المعتقلين . وارسلوا الي الرجاف وقتلوا هناك . وجر الخليفة شريف واهين ووضع في سجن الساير الي ان شارف الجيش البريطاني امدرمان.وطلب منه ان يستنهض الناس للقتال . واعتقل خالد زقل ابن عم المهدي وحل جيشه واضيف الي ال راية الخليفة .الكيزان سيغدرون بالاطباء ولو بعد حين . هذا طبعهم .الم تشاهدا كيف يتربصون ببعضهم البعض . اسألوا شيخ الامين .

[برعي]

#1530699 [كمال عبد المنعم]
4.18/5 (20 صوت)

10-10-2016 03:38 PM
شكراً يا عم شوقى بدرى على كل هذه الحقائق التاريخية و هذا السرد الرائع .
بالفعل ماحدث ويحدث للسودان بالنسبة لأرضيه الراحت شمار فى مرقه بفضل هوان و عدم وطنية هذا النظام و رئيسه لا يمكن أن تجدها فى أى مكان آخر على كوكب الارض .

و هل ياترى لو كان الامر معكوساً بمعنى لو إحتل السودان كيلومتر واحد من دول الجوار هل ستسكت تلك الدولة على إحتلال السودان لأراضيها ؟؟ الجواب أكيد لا . سوف تعلن تلك الدولة التعبئة العامة و سترسل جيوشها لتحرير الاراضى التى إحتلها السودان .
لكننا نعيش فى نظام أرخص شيئ فيه هى أرواح مواطنيه و تراب أراضيه ..

[كمال عبد المنعم]

#1530695 [جريه]
4.17/5 (17 صوت)

10-10-2016 03:30 PM
الديك الدقش العدةالبشير الله يبشرك بالنار وفى الدرك الأسفل منها.

[جريه]

#1530694 [مبارك]
4.59/5 (18 صوت)

10-10-2016 03:26 PM
الاضينة ما البشير الاضينة الشعب السوداني الوضع ما عاجبكم اعملو إضراب عام او اطلعو في مظاهرات بس زي ما قالو أهلنا السكوت رضا

[مبارك]

ردود على مبارك
Qatar [sasa] 10-10-2016 09:10 PM
صدقت يامبارك نحن الشعب الاضينات.... اطلعوا الشارع ازيلوا البشير لتحرروا حلايب


#1530685 [صلاح حسن]
4.59/5 (23 صوت)

10-10-2016 03:06 PM
كلام روعة و قيافة و فايت الناس مسافة .
الله يديك العافية يا ود أمينة .

[صلاح حسن]

#1530682 [عبده]
4.58/5 (20 صوت)

10-10-2016 02:57 PM
شكرا استاذ شوقي
هي محاضرات باسلوب شيق ..
حفظكم الله

[عبده]

#1530670 [جديد لنج]
4.59/5 (19 صوت)

10-10-2016 02:10 PM
(قبل ان تنتهي الاحتفالات بإنتصار اضراب الاطباء فلنفتح اعيننا جيدا . والتاريخ يعلمنا ان الطغاة قد يحنون راسهم قليلا. ولكنهم ينتقمون . والمشكلة ليست البشير الاضينة ، ولكن الذئاب التي حوله.).
دا كلام مهم، ويجب ليس على الأطباء فقط أن يفتحوا عيونهم، بل على الشرفاء من مجموع الشعب السوداني أن يقف وقفة حقيقة، لكل من يلمس أي طبيب بسوء، بل كان من المفترض أن تقف الجموع من المواطنيين حول المستشفيات تضامنا مع هذا الأضراب الذي يخصهم في المقام الأول، لأن الإضراب لم يكن لمنفعة الطبيب الشخصية أو الذاتية، بل كان من أجل المواطن السوداني الذي تضرر وفقد الكثير مما كان عليه سابقا، من الخدمات الطبية، والعلاجية، والصحية، بعد أن كانت الشفخانة الصغيرة قديماً، والتي كانت في القري والأرياف دعك من المستشفيات، ما كان فيها وعليها من عناية، وخدمات علاجية، وأدوية وغيره، تفوق ما هي علية كبري مستشفيات الخرطوم اليوم.
كنا إضينات وفعل فينا الطغاة ما فعلوا، سرقوا الديمقراطية ودمروها، سكتنا، قتلوا أطفالنا في العيلفون، سكتنا، شنقوا مجدي وجرجس من أجل حفنة من الدولارات، سكتنا، شردونا من الخدمة المدنية، وخربوها، سكتنا، عزبوا وقتلوا واعتقلوا المعارضيين والساسة، سكتنا، خربوا الأحزاب، ودمروها، سكتنا، شردوا ملايين من الشعب السوداني باللجوؤ والهجرة والإغتراب، سكتنا، خصخصوا كل الخدمات التي يحتاجها الناس، سكتنا، خربوا التعليم ومناهجة، سكتنا، حولوا كل اموال الشعب السوداني لمصلحتهم الخاصة، وجنبوها في شركات ومؤسسات تابعة لأفراد، سكتنا، دمروا مشروع الجزيرة، والسكة حديد، والخطوط الجوية، والنهرية والبحرية، سكتنا، قتلوا اطفالنا وطلابنا في سبتمبر بدم بارد، سكتنا، مارسوا كل اصناف ألا إنسانية في دارفور من حروب وقتل وتشريد وجربوا فيهم كل انواع الأسلحة بما فيها الكيماوي، وحشروهم في معسكرات واغتصبوا أراضيهم ونسائهم، سكتنا، وغيرها وغيرها، فسكتنا.
وإذ كان يحصل كل هذا وغيرة فلا لشئ إلاّ لأننا خضنا معاركنا كأفراد وكمجموعات صغيرة وكأن البقية ليست لديهم أي هم فيما يحدث حتي ولو كانت هذه القضايا وطنية وتهم الجميع،
وحتي لا نكون إضينات، ونُضرب على قفانا مرات ومرات،، وحتي تكون أعيننا مفتوحة مع الأطباء، فلماذا لا يكون:
- التضامن عملي وفعلي بأن يتجمع العشرات أو المئات من الجماهير الشرفاء امام كل من المستشفيات الكبيرة تضامنا وحماية للإضراب،
- وأن تلحق بعض من النقابات المهنية والتي اصاب مهنتها الضرر والتخريب، مثل (المعلمين) و (اساتذة الجامعات) وغيرهم، باعلان اضراباتها،

[جديد لنج]

ردود على جديد لنج
Sweden [shawgi badri] 10-10-2016 04:55 PM
لك التحية . مداخلتك ذكرتني مداخلات الابن ,, الفقير , التي تقزم الموضوع .واتعلم منها واحتفظ بها . لك الشكر علي هذه المعلومات .


#1530636 [إبراهيم الحاج]
4.17/5 (18 صوت)

10-10-2016 12:40 PM
والله ياعمو يا (ود أمينة).. إنت حكَاي..وحجاي.

[إبراهيم الحاج]

#1530633 [ود الأسد]
4.17/5 (16 صوت)

10-10-2016 12:31 PM
تعليق خارج الموضوع .

لك الشكر والتقدير أستاذنا الموسوعة شوقي بدري.

ورد في الأخبار أن حكومة السودان اتجهت هذه المرة الى المجر للاستعانة بها بخصوص رفع العقوبات.سؤالي لك ، وأنت الخبير الكبير بعوالم دول أوروبا الشرقية من لدن هونفيد المجري وبوشكاش الى يومناهذا ، هل المجر تمثل قوة يمكن اللجؤ اليها لفعل شئ ، أمأن الجماعة رايح ليهم الدرب .أرجو أن تتحفنا ولو بتعليق قصير على هذا الموضوع.
برضو كمان ، حكاية عشم الضان في ام نيني دي ما وقعت لي.أشرح.

لك الشكر والتقدير.

[ود الأسد]

ردود على ود الأسد
Sweden [shawgi badri] 10-10-2016 02:09 PM
ود الاسد لك التحية ز النيني وابو دميعة من الامراض التي تفتك بالماشية في السودان ز ابنيني او النيني يخلي البهايم تنوني من الالم . تمتلئ البادية بالاغنام الميتة ولكن الضان عنده مناعة طبيعية ,
الغزلان والنمور والقرود وكل الحيوانات المتوحشة لا تصاب بمرض النوم الذي تسببه ذبابة التسي تسي ، لان عندها مناعة طبيعية . لكن الانسان والماشية تصاب بهذا الداء .

Sweden [shawgi badri] 10-10-2016 01:53 PM
العزيز ود الاسد لك التحية . المجر من الدول الضعيفة جدا في المجموعة الاوربية لا تزال تعيش علي الاعانة والدعم من المجموعة الاوربية . المجر تمارس الانكفاء منذ زمن الاشتراكيةوحتي قديما كانوا لا يتقبلون دخول الاجانب لبلادهم . زكنا نحتاج لكبشة فلوس و6 صور لعبور بلادهم في الستينات . ولقد كانوا تحت الامبراطورية النمساوية ثم الاتحاد السوفيتي . ابدى رئيسهم العداء للاجئين والمسلمين خاصة ورفض السماح لهم بالتواجد في بلادهم . وهددت اوربا بقطع الدعم في حالة رفضهم لتقبل مسؤوليتهم .
المجر يتكلمون لغة غير اوربية تشابه اللغة الفنلدية . انهم مهاجرون الي اوربا . كانوا مركزا لشعوب الهان التي اتت من آسيا واختلطت مع القبائل المجرية . من ملوك الهان اتيلا الذي استعانت الامبراطورية الرومانية بجيوشه . وانقلبوا علي روما وعاثوا تقتيلا في اوربا . الي ان قتلت زوجة اتيلا الالمانية اتيلا بسبب قتله لاهلها . وضعفت الدولة. وذاب الهان في المجر ولكن تركوا الكثير من عاداتهم وجيناتهم والشعر الاسود .
المجر مغلوبة علي امرها اقتصادهم ضعيف وعددهم قليل . لا حول لهم ولا قوة في اوربا . لكن البشير الغرقان يتمسك بالقشة .اذا كان البشير مسلما لما تعاون معهم فلقد جاهروا بالعداء نحو المسلمين .


#1530620 [Dr abdulhay]
4.17/5 (20 صوت)

10-10-2016 11:41 AM
شكرا أستاذنا شوقي عيني عليك باردة ما اجمل هذه السياحة وهذا السرد الموسوعي الذي أتمنى أن يطلع عليه كل الشباب حتى يعرفوا الكثير عن سودان الزمن الجميل انهم بحوجة ماسة لهذه المقالات فهي منهج دراسي متكامل ينظف عقولهم من وسخ مناهج الكيزان دمت زخرا تحياتي لك

[Dr abdulhay]

#1530618 [ابو محمد]
4.17/5 (18 صوت)

10-10-2016 11:39 AM
مقال جميل وشامل

[ابو محمد]

#1530616 [خشم الموس]
4.17/5 (15 صوت)

10-10-2016 11:34 AM
وفقدت الراكوبة البوصلة و اصبحت حيطة للبكاء و مرثيات للوطن ..، وعاش كفاح الشعب السودانى مسكين الشعب السودانى الراجى منكم تغير

[خشم الموس]

#1530614 [احمد على]
4.17/5 (18 صوت)

10-10-2016 11:30 AM
المشكلة انو الاضينة فلاحتو فى تهديد الشعب المغلوب على امرو وياحليل عزة النفس وكبرياء السودانيين

[احمد على]

#1530595 [المشاكس]
4.17/5 (15 صوت)

10-10-2016 11:03 AM
والله يا ود امينة حيرتنا بجيب الكلام ده كله من وين !!!!! إنت يا مصاحب يا مسطول لكن كلامك عدل بس إضينة دي فيها إساءة كبيرة وارجو الا يفهمها اولاد بمبة فيزيدون كيلا وخبلا.

[المشاكس]

#1530594 [abdulbagi]
4.17/5 (15 صوت)

10-10-2016 11:03 AM
اخونا شوقى كان اهلنا اهم شىء يحرصوا على زيارته لما اجوا الخرطوم هو البرلمان ولما يرجعوا الناس تسألهم بشغف ( اها ياشيخ فلان شوفتوا شنوا فى الخرتوم ؟ فيرد الواحد منهم ( والله انا مابعرف الكلام الكتير لكن المحجوب وزروق ختوا قرض). ياحليل القرض ياشوقى حسه بقى العلاج الوحيد المتوفر . زمان احول عليه الحول وهو فى صرتو .لك التحيه

[abdulbagi]

ردود على abdulbagi
Sweden [shawgi badri] 10-10-2016 01:58 PM
مبارك زروق والمحجوب كانا محامين وصحبان شديد جدا لا يفترقان ويسهران سويا . زروق كان وزيرا للخارجية وتبادل الوزارة مع المحجوب زروق اتحادي والمحجوب حزب امة . هذه هي الديمقراطية الحقيقية تقبل الآخر .


#1530591 [مالك الحزين]
4.17/5 (17 صوت)

10-10-2016 10:59 AM
كلامك كله في محله ,, بارك الله فيك ,, وجزيت خيرا

[مالك الحزين]

#1530588 [ابوعكاز]
4.17/5 (16 صوت)

10-10-2016 10:54 AM
جد السودانيين يجلسون في مقهى لورد بايرون فى المحطه الوسطى ويحفظون اشعار اللورد بايرون ويحفظون اشعار جين اوستين ويقراؤون جون اوستين . وجونسون ويعرفون كل كبيره وصغيره عن برنارند شو وبلتراند رسل . وبعضهم قد قابله شخصيا .
وكانت المحاكم تدار باللغه الانجليزيه . والقاضى يلبس الباروكه والعباءه الحمراء والمحامون يرتدون العباءات السوداء . والحاجب يطرق الارض بعكازه ويعلن عن انعقاد الجلسه باللغه الانجليزيه . والمحامون السودانيون يحتدون ويفحمون القضاة الانجليز باللغه الانجليزيه . وجلسات البرلمان تدار باللغه العربيه ويقوم عمنا فوراوى بالترجمه الفوريه الى الانجليزيه . ويتعمد صديقه المحجوب فى ايراد بيوت الشعر الجاهليه التى تحتاج لشرح باللغه العربيه والآيات القرآنيه والعم فوراوى يترجمها بسلاسه وسهوله . والحكومه المؤقته والمعارضه يلتقون فى المساء ويتسامرون ويتزاورون ويتراحمون بطريقه حضاريه . وليس هنالك لغه بذيئه فى المجتمع السودانى . والكل يحترم الآخرين ولا يحتقر السودانى حتى ولو كان فراشاً فى وزاره . والوزير ينادى الفراش بعم محمد وعم ابراهيم . وليس هنالك القاب والكل يتخاطب مع الآخرين بالاسم الاول . عبد الله خليل يخاطب جاره اسماعيل الازهرى باسماعيل والازهرى يناديه يا عبد الله . ووجد صلاح سالم ان امامه الكثير لكى يتعلمه فى السودان . .

اين نحن من هذه الاخلاق

[ابوعكاز]

#1530585 [MOHMDNOUR]
4.17/5 (16 صوت)

10-10-2016 10:45 AM
كلام الطير فى الباقير . لماذا لم تتحرى المنطق والعقل بابراز الحقائق الجوهرية من غير توجيه اساءات لان هذا المنطق هو منطق المفلس المتحمس الطائش لدرجة افقدته عدم القدرة على اصابة الهدف المحدد وهو اقناع من يخاطبهم بالحجة والمنطق وليس بتقديم الحجج الممجوجة المتوترة لدرجة الاضطراب والتوهان بين السطور فى صياغة اساءات وليس تقديم معلومات تثبت اتهامات ضد قيادات محددة . المقال طويل ولغتة ركيكه لا تلتمس فيه ذرة جوهر فهو عظام نخرة واصداء غير لامعة لا روح فيه . هل اتيت من متردم الافلاس والفشل؟؟؟. ننصحك بالاختصار واستخدام العبارات الاكثر وقارا احتراما لعقل القراء, نحن ما ناقصنك ,نريد نقدا بناءا فقط ولا نريد تهريجا .

[MOHMDNOUR]

ردود على MOHMDNOUR
United States [عودة ديجانقو] 10-13-2016 01:51 AM
تعرف يا محمد نور المشكله الوحيده بتاعة الانترزفت دى بتساوى الاكتاف عشان كده لمتنا معاك...ياخى أمشى شوف ليك تمباك سفو

Saudi Arabia [انجليزي ده يا مرسي] 10-11-2016 11:38 PM
يازول أنت عايز تكتب شعر ولا توصل فكرة ... قرف يقرفك ايه اللغة المتقعرة دي

Saudi Arabia [Dr abdulhay] 10-10-2016 06:38 PM
MOHMDNOUR من يك ذا فم مر مريض يجد مرا به الماء الزلالا
رسالة السوداني الرايع شوقي واضحة وزي الشمس والجحود والنكران ليس من شيمنا تحياتي لك

Sweden [shawgi badri] 10-10-2016 05:00 PM
لك التحية يا استاذ . يسعدني اختلافك لان القصد هو النقاش , لكن ارجوا ان توضح لي الغلط بالتحديد حتي اتفاداه في المستقبل . ولكنك هاجمت هجوما عاما . ولم اعرف ما هو الغلط ارجو التوضيح ولك الشكر .

Romania [عبده] 10-10-2016 02:52 PM
محمد نور روق المنقة

كلام سمح وواضح ورسالته وصلت للعايز يفهم ..
غايتو نحنا استاذ شوقي اقنعنا .. الكلام انت ..!!

اسال الله لي ولكم الهداية .

Canada [al»kiran] 10-10-2016 01:50 PM
Not : just to swearing him > my nice friend Mohamed, we can send him to death if it possible.. don't be so sensitive like her


#1530557 [جمعة الكتاحة]
4.17/5 (15 صوت)

10-10-2016 09:44 AM
قطعت نفسي يا ود امينة فذلكة تاريخية عجيبة انت بتجيب الكلام ده من وين ولكن لا عجب فانت من عائلة بدري العريقة وكفى ---- وفقك الله أستاذ شوقي بدري

[جمعة الكتاحة]

#1530554 [الداندورمي .]
4.17/5 (17 صوت)

10-10-2016 09:36 AM
صواريخ طويلة المدي تدك حصون الطغاة
تسلم بطن أمينه الجابتك الله ينعم عليك بالصحه
والله فشيت غبينتي.

[الداندورمي .]

#1530545 [امجد]
4.17/5 (15 صوت)

10-10-2016 09:19 AM
العم شوقي لك التحيه...
كل اول وليه اخر تست الاطباء نجح وبعد ده منتظرين حقنة الحديد بنملاها كلنا ونطعن...

[امجد]

#1530544 [شمام]
4.17/5 (18 صوت)

10-10-2016 09:19 AM
لعم شوقى تمنيت الا ينقطع هذا السرد الرائع الله يديك العافية

[شمام]

#1530537 [abdulbagi]
4.17/5 (15 صوت)

10-10-2016 09:07 AM
على ذكر ابوحربره فقد كان رجل وطنى من طراز فريد وكان ينحاز للغلابه الغبش التعابه لدرجة صار اسمه يكتب على اللوارى والبصات ووسائل المواصلات .كان ملتزما حزبيا ولكنه كان وطنى الهوا . وعندما لم يستطع الصادق ابعاده خدمة لكبار التجار قام بحل الوزاره, هذا الرجل يجب ان يكتب تاريخه خدمة للاجيال القادمه

[abdulbagi]

#1530533 [اليوم الأخير]
4.12/5 (19 صوت)

10-10-2016 09:00 AM
ياختضار يا عم شوقي ، المشكلة ليست في البشير ولا غيرو من الحكام الأغبياء الهبل ، وإنما في هذا الشعب العبيط ،، بصراحة الشعب عبيط لدرجة بعيدة ، أنا عارف في ناس بتزعل من هذا الكلام ، لكن بكل أسف دي الحقيقة ، شعب يحكمه في يوم من الأيام عبدالله التعايشي لابد أن يكون عبيطاً ، شعب ينخدع بالدين عدة قرون لا بد أن يكون عبيطاً ، في ناس الواحد فيهم يمشي مصر يتعالج و يموت و يجيبوهو في صندوق عشان بس يقولو مات و جابوه في صندوق من مصر ،،العلة في الشعب يا جماعة ، غيرو الشعب العبيط دة ،غيروا مناهج التعليم ، يجب ايقاف تدريس التربية الاسلامية واللغة العربية التي وضعها الجهلة من خريجي الخلاوي ،، كفاية و إلا فالطوفان هو أن تذهب هذه الأمة غلى مزبلة التاريخ

[اليوم الأخير]

ردود على اليوم الأخير
Sudan [سحس] 10-10-2016 02:38 PM
شخصت مرض السودان و اساس مشكلتو يا اليوم الاخير سلمت و سلمت يداك


#1530532 [محجوب عثمان]
4.17/5 (15 صوت)

10-10-2016 08:59 AM
والله ضيعوك ودروك يالبشير وبوسام المهزلة خدروك وأنت ما بتعرف صليحك من عدوك وباسم وشاح الأخوة خدعوك وكان جزاء الشعب السوداني تجاه ما قدمه إلى مصر الصدود والهوان واحتلال حلايب, والله يأخذ حقوق الشعب السوداني ويجازي الظلموه

[محجوب عثمان]

#1530530 [Omdurmani]
4.17/5 (15 صوت)

10-10-2016 08:55 AM
رائع ياودأمينة ،، إنت موسوعة.. ويعجبني قصصك وحكاويك التي لم نسمع بها من قبل عن أبطالنا وروادنا من السياسيين العظام، المحجوب والأزهري وعبدالله خليل.. أنت فخر للسودان ..

طبعاً اضف للكيزان المطرودين قطبي المهدي وعوض الجاز ونافع لحس الكوع،ومحي الدين الجميعابي ومحمد حاتم سليمان (دبروا له جريمة إعتداء على المال العام)

بالله يااستاذ ماتكتب لينا عن ظاهرة الإخطبوط مدير مكتب الرئيس طه الحسين ، داء قالوا عمل غسيل مخ للبشير واصبح الوحيد الذي يسمع كلامه البشير، حتى عبدالرحيم وبكري حسدوه على ذلك والآن يدبرون له مكيده لإبعاده من القصر.

[Omdurmani]

#1530526 [د. خليل عبدالله الجليل أخصائي المخ و الأعصاب]
4.18/5 (16 صوت)

10-10-2016 08:50 AM
.

[د. خليل عبدالله الجليل أخصائي المخ و الأعصاب]

ردود على د. خليل عبدالله الجليل أخصائي المخ و الأعصاب
Romania [مشاكس] 10-12-2016 01:38 PM
معقول يا دكتور خليل الكلام ده كله صفر وخارم بارم(انصحك بفحص مخك واعصابك)


#1530522 [وحيد]
4.17/5 (16 صوت)

10-10-2016 08:47 AM
دوما تبدع و تمتع و تعلم ... متعك الله بالعافية

[وحيد]

#1530510 [خاليت بعانخى]
4.17/5 (18 صوت)

10-10-2016 08:21 AM
قام سافر تاه فتش فتش تاه عطش وقع والجائزة تارت يا تاها ...الله يعطيك العافية يا شوقى يا ود امينة ويخليك لينا الى ان ياتى الوقت الحميل الذى مضى والذى تزينه بكتاباتك لمن لم يرى ..ارجو ان تفرد مقالا كاملا لمستشفى الخرطوم فقد قال احدهم زار المستشفى قريبا ان بعض الغرف الخالية يتخذها بعضهم مكانا للتبرز تماما كما فعل العربى بقليص ابرهة فى صنعاء

[خاليت بعانخى]

#1530504 [salah]
4.17/5 (16 صوت)

10-10-2016 08:06 AM
الله يفتح عليك دنيا وأخره. عاد نعلق نقول شنو؟....

[salah]

#1530502 [ابومجمد]
4.17/5 (17 صوت)

10-10-2016 08:04 AM
المصريين عارفين البشيرما بقدر يقاوم دعوت السفر و التكريم بسبب عقدة الجنائية سكت عن حلايب وحلفا وبعتو ا رسالة لاثيوبيا.‏ كان ولعت ن البشير في جيبنا .‏ الغريبة دبلماسينا هللو للتكريم.

[ابومجمد]

#1530501 [مجنووووووون]
4.17/5 (16 صوت)

10-10-2016 08:04 AM
وكيف لاضينه ان يحكمكم لاكثر من 28 سنه يظهر انتم الاضينات ولكن لا تعلمون؟

[مجنووووووون]

ردود على مجنووووووون
Romania [داعشي] 10-10-2016 01:34 PM
واله كلامك منطقي جدا


#1530489 [Omer]
4.17/5 (17 صوت)

10-10-2016 07:44 AM
السمح عمنا شوقي سماحة بلدي و ناسا السمحين سماحة ريحة الدعاش و المطر و الطين الكيزان كابوس جانا حول البلد لي خراب شردت الخلق و نشفت الضرع و قلعت الزرع لي وين حنوصل ما عارفين و أخرتا جابت ليها كيماوي الله يستر علينا مايبقى مصيرنا زي العراق.

[Omer]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة