الأخبار
أخبار إقليمية
«الداخلية» ترفع سجل الأجانب للبرلمان لمنحهم الرقم الوطني أو إبعادهم
«الداخلية» ترفع سجل الأجانب للبرلمان لمنحهم الرقم الوطني أو إبعادهم
«الداخلية» ترفع سجل الأجانب للبرلمان لمنحهم الرقم الوطني أو إبعادهم


وزير الداخلية: "صلاحيات شرطة تأمين الجامعات ستمتد الى مكافحة المخدرات
10-19-2016 09:14 AM
البرلمان: سارة تاج السر

كشف وزير الداخلية عصمت عبد الرحمن، عن اتجاه لإيداع سجل الأجانب منضدتي، مجلس الوزراء والبرلمان لمنحهم الرقم الوطني السوداني أو ابعادهم، وقال إن هذا الاجراء سيكون عقب الفراغ من تسجيلهم الذي رفعت ميزانيته للمجلس الأعلى للهجرة لإجازتها.

واقر الوزير، في تصريحات بالبرلمان أمس،بوجود تضارب بين السجل المدني والاحصاء حول الرقم الحقيقي للتعداد السكاني، واكد تسجيل (25) مليون نسمة بالرقم الوطني، ولفت الى ان الاحصاء السكاني لعام 2008م لايتماشى مع الرقم الوطني، مما يتطلب اجراء مشاورات بين السجل المدني والجهاز المركزي للاحصاء، واوضح ان الاسقاطات حتى الان تشير الى ان اجمالي السكان 31 مليون نسمة . وأوضح أنه رفع ميزانية لتسجيل الاجانب للمجلس الاعلى للهجرة الذي يرأسه نائب الرئيس، حسبو محمد عبد الرحمن، واضاف "عقب اجازة الميزانية واكتمال التسجيل سنرفع السجل الى مجلس الهجرة، الذي سيحوله الى مجلس الوزراء والبرلمان ليقرران منحهم الرقم الوطني أو ابعادهم". في سياق اخر اشار الوزير الى ان صلاحيات شرطة تأمين الجامعات ستمتد الى مكافحة المخدرات بالحرم الجامعي وكل ما من شأنه الاخلال بالأمن، اويشكل جريمة.


تعليقات 12 | إهداء 0 | زيارات 3972

التعليقات
#1534953 [سوداني]
0.00/5 (0 صوت)

10-20-2016 01:00 PM
الله يكون في عونك يا سودان .

[سوداني]

#1534752 [ودالجزيرة]
0.00/5 (0 صوت)

10-20-2016 12:43 AM
الكيزان يعرفون كيف يصطادون في الماء العكر وما تستبعدوا يكون بداية مشروع لبيع الرقم الوطني مثل ما باعوا الأراضي للشركات الأجنبية. والمسألة يشتم منها شبهة رائحة الفساد. فساد الله أكبر بيع الرقم الوطني للأجانب لا إله إلا الله. تهليل للأجانب تكبير لبيع الرقم الوطني لهم الله أكبر. أنا بفخر بيك يا أجنبي وفي وجودي بديك الرقم الوطني. ببساطه يستهدفون بهم الإنتخابات ما فوت عليكم دي.

[ودالجزيرة]

#1534687 [mubarak]
0.00/5 (0 صوت)

10-19-2016 07:28 PM
انا سوداني مليون في المئة رفضتو تدوني الرقم الوطني رغم الجنسية وجوازات السفر السابقة ومعي كل ما يثبت هذا مستند من مصلحة حكومية كمان مختوم و امضاء باسم المحرر بالكامل رايك شنو يا السيد وزير الداخلية

[mubarak]

#1534616 [الهام أم صباح وحمودى]
0.00/5 (0 صوت)

10-19-2016 03:41 PM
كشف وزير الداخلية عصمت عبد الرحمن، عن اتجاه لإيداع سجل الأجانب منضدتي، مجلس الوزراء والبرلمان لمنحهم الرقم الوطني السوداني أو ابعادهم، وقال إن هذا الاجراء سيكون عقب الفراغ من تسجيلهم الذي رفعت ميزانيته للمجلس الأعلى للهجرة لإجازتها.


انشاالله ماتكون نسيت تضمن اسمك واسامي أهلك وعشيرتك ياعصمت لسجل الاجانب وتتأكد برضو ان اسم ابراهيم محمود وغازى صلاح الدين وعبد الرحيم حمدى واحميدتي وباقي الاجانب الدستوريين والنواب والوزراء قبال تضع السجل فوق منضدة مجلس الوزراء والبرلمان .!!!!!!!!!!!!!! حلوه عبارة منضدتي دى .!! وبعدين برضو حلوة خالص
حكاية الميزانيه الرفعتوها دى وواضح انو باب مأكله جديد .!!!

ماابرع الكيزان السفله في ابتكار الاعمال الوهميه التي يتبعها بالضروره ميزانيه
مفتوحه ليثرى من ورائها المبتكرين .!!!

[الهام أم صباح وحمودى]

ردود على الهام أم صباح وحمودى
Saudi Arabia [ZAIDAN] 10-19-2016 06:56 PM
هوي ياصباح ديل هم اهل ابلد وكان ما عاجبك اشربي من البحر


#1534614 [الكنداكة]
0.00/5 (0 صوت)

10-19-2016 03:31 PM
صلاحيات شرطة تأمين الجامعات ستمتد الى مكافحة المخدرات هههههههههههههه مكافحة المخدرات تبدأ من المطارات والمواني البتدخل منها الكونتينرات والمزاع بتاعة الجماعة التي تصنع فيها الكيميكال .. قال مكافحة قال والكيزان هم من يستوردون ويصدرون المخدرات. وكله لله

[الكنداكة]

#1534581 [عمر أحمد حسن]
4.00/5 (1 صوت)

10-19-2016 02:27 PM
دا كلام شنو ؟؟
انتو الكيزان ديل جنوا ؟؟
كيف واحد أجنبي تقول تديه رقم وطني أو تبعده ؟؟
ليه ما تقول تديهو إقامة أو تبعده ؟؟

عشان بعد شوية تقول أديه الجواز بالمرة طالما عنده رقم وطني !!!!

[عمر أحمد حسن]

#1534552 [الاسمراني]
0.00/5 (0 صوت)

10-19-2016 01:41 PM
كلام عجيب .منحهم الرقم الوطني او ابعادهم !!!!
كيف مفروض يكونوا مقيمين بإقامات موقتة مش ي ندبهم الرقم الوطني اوتبعدهم

[الاسمراني]

#1534458 [مرتضي]
0.00/5 (0 صوت)

10-19-2016 10:53 AM
ابراهيم محمود حبشي عاوز يجنس أهله الحبش والارومو في الطريق أربعين مليون

[مرتضي]

ردود على مرتضي
United Kingdom [إبراهيم] 10-19-2016 05:34 PM
الله يعين المواطن السودانى النظام الحاكم سى جدا وللأسف الشديد البديل اسو تقول لى معارضة ديل شوية صعاليك يتكلمو فى أعراض الناس خاصة الغالبية من رواد الراكوبة واوعدك انه ده آخر مرة ادخل فيها الموقع ده أتمنى انه تعليقاتكم تكون هادفة موش كلام فارغ الواحد يرتكب إثم لمن يقرأه وتكون فى مصلحة البلد الناس مناقصة بلاوي وشكرا


#1534457 [باكاش]
0.00/5 (0 صوت)

10-19-2016 10:52 AM
ومنححهم الرقم الوطنىىىىى?????

[باكاش]

#1534451 [عمر الياس]
0.00/5 (0 صوت)

10-19-2016 10:45 AM
رقم وطني للاجانب و الله محن كيزانية... طيب اديهو اي اسم تاني... ما كفاية المرمطة الفيها الوطن!

[عمر الياس]

#1534448 [معاوية محمد]
4.00/5 (1 صوت)

10-19-2016 10:41 AM
يعني شنو منحهم الرقم الوطني أوإبعادهم؟ الفاهم حاجة إنورنا.

[معاوية محمد]

#1534436 [المتغرب الأبدي]
0.00/5 (0 صوت)

10-19-2016 10:20 AM
رقم وطني للأجانب ؟؟

طيب والأجانب ديل مواطنين ؟؟

[المتغرب الأبدي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة