الأخبار
أخبار إقليمية
شاهد صور عمارة وزير المالية الجديدة
شاهد صور عمارة وزير المالية الجديدة
شاهد صور عمارة وزير المالية الجديدة


10-31-2011 04:34 PM
أمدرمان: عائشة خليل :


انتقل السيد وزير المالية للسكن في عمارة جديدة تم تشييدها خلال ثمانية اشهر.
حول العمارة توجد حاوية - container - للحراسة وعدد من السيارات اللاندكروزر من الموديلات الجديدة مظللة، بالأضافة إلى بوكس حراسة.

يتساءل المواطن البسيط؛ كيف تسمح للوزير نفسه بأن يصرح قبل فترة قصيرة ويطلب من الشعب السوداني التقشف واكل الكسرة متعللاً بأن السودان يمر بازمة اقتصادية ولابد للشعب السوداني أن يربط الاحزمة لمواجهة الضائقة المالية!! بينما صاحب التصريح يعيش في ترف وبزخ ولديه اكثر من عمارة وهو يتقلد منصب وزير مالية لفترة اقل من سنة واحده، هل هذا يصدق!!

الي اين أنت ذاهب أيها الوطن العزيز؟!

هل اهداف ثورة الانقاذ الوطني هي نهب الشعب السوداني، وبيع ممتلكاته وفصل جنوبه، ونشر الموت في دارفور، وجنوب كردفان، والنيل الازرق، والشرق؟!!

عمارة السيد وزير المالية الجديدة:

image
image


تعليقات 92 | إهداء 9 | زيارات 28543


صفحة 1 من 212>
التعليقات
#235062 [معاذ]
0.00/5 (0 صوت)

11-02-2011 02:16 PM
يا ناس عمارة شنو وكلام فارغ شنو
لو الف عمارة والله بسيطة نحنا بنتكلم عن دولة كاملة وميزانيتها وين بتمشي والله لو العمارة دي وعشرة زيها بتكفيه حلال عليه وعلي غيره بس يشبع ويلتفت للشعب المنتهي دا ....
يعني نحنا نربط اقتصادنا بي كم واحد حرامي ولمن نجي نفتش حل للمشكلة نمشي لي شخص نتدين منو (الوليد بن طلال ) هو السودان دا بقى قدر حلتنا ولا شنو


يعني باختصار خربانه من كبيرها لي صغيرها وما اظن تتصلح قريب
يا جماعة الفساد عمانا بقينا ما بنشوف شئ كويس


#234588 [مظلوم]
0.00/5 (0 صوت)

11-01-2011 07:07 PM
يالصوص .. اللة يمرضكم مليتو البلد اللة يجازيك ياعمر البشير عليك لعنة اللة ابتليتنا بكل من هب ودب


ردود على مظلوم
Sudan [yuot] 11-01-2011 09:46 PM
معقولا;( ;( ;( ;( ;( ;( ;( ;( ;( ;( ;(


#234549 [المهندس]
0.00/5 (0 صوت)

11-01-2011 05:50 PM
في سنة 2007 م كان يمتلك وزير المالية بيت في جبرة (طه الماحي ) عبارة عن دور ارضي من الطوب و الدور الاول طوب بالسقف الزنكي وكان وقتها وزير مالية جنو ب كردفان والان يمتلك هذه العمارة وهذا هو جزء من فساد الانقاذ وما خفية اعظم --- وحسبنا الله ونعم الوكيل


#234508 [الضربان]
0.00/5 (0 صوت)

11-01-2011 04:49 PM
يا أخوانا...إجتروا الذاكرة معانا...وشوفوا


#234488 [يا ريت لو ما كنت سوداني]
0.00/5 (0 صوت)

11-01-2011 04:22 PM
الاخ المعلق ( حزين جدا )

والله كفيت وافيت .... وانصح الجميع بالدعاء في هذه الايام المباركة لحين حدوث امر رب العالمين ما بين ( كاف ) و ( نون ) حينها صدقوني لن يجد هؤلاء الصعاليك دولة واحدة علي وجه البسيطة تساعدهم


#234486 [الفنان منانق]
0.00/5 (0 صوت)

11-01-2011 04:18 PM
ما تنسي يااااا حرامي تعمل انابييب صرف صحي عشان الثوار جاين قريييييييييييييييييييييب


#234430 [احمد عثمان]
0.00/5 (0 صوت)

11-01-2011 03:00 PM
متين جيينا ونسرق اموال الشعب . اذا كان وزير مالية اتحادى يسرق اموال الشعب مابالك وزير مالية ولاى يعمل شنو


#234429 [محمدنيالا]
0.00/5 (0 صوت)

11-01-2011 02:59 PM
نــــــــــــــــــــــــــــــــــــــــــــــــــــــــــاس بالايجار ما لاقيه جحر


#234412 [الفنان منانق]
0.00/5 (0 صوت)

11-01-2011 02:39 PM
واللة العمارة دة لو عندنا في جنوب السودان نبقي مجمع للوزارات يحوي بداخلة تلاتة وزارات بجميع اقسامها سبحان اللة ودايرين الجنوب يساعدكم كمان؟
بعدين العمارة دة بينفع منصة للثوار قريبا
الوزير الزير من شدة الاستعجال رحل العمارة بدون ما يوصلوا الكهرباء


#234398 [ود الجد]
0.00/5 (0 صوت)

11-01-2011 02:19 PM
ياجماعة من سياسة هذه الحكومة انها بتعين الوزراء عشان ترفع من مستواهم الاجتماعي فكلهم بم فيهم الكبير بتاعهم طالعين من اسر تعباتة والكل يعرف ذلك لذا ما تخافوا بكرة حتتعينو وزراء ويكون لكم بيوت جميلة زي بيت الوزير أو الحرامي ده وكلو بالدور كلو بالدور لحين قيام الساعة


#234393 [سوداني قديم]
0.00/5 (0 صوت)

11-01-2011 02:10 PM
ده الزول القاعد يوصينا على الكسرة، لكنو أداها .............كًسره ؟!
-أتامرون الناس بالبر وتنسون أنفسكم وأنتم تتلون الكتاب أفلا تعقلون- طيب ماتقولو الزول قاعد يبني فى بيتو عشان كده بطمن فى الشعب السوداني انو الاقتصاد السوداني بخير، حتي يكتمل البناء.


#234374 [Mohamed Gadim]
0.00/5 (0 صوت)

11-01-2011 01:29 PM
سبحان الله!! بالأمس القريب سيدي الوزير كان يتحدث لنا عن \"عواسة الكِسرة\" وسياسة التقشّف وترشيد الصرف
متي جاء لهذه الوزارة إلا أن يعمل هذا القصر الذي يكلف مليارات الجنيهات
لا ندرى من أين أتوا ومن أين ورثوا هذا الكم الهائل من الخداع والكذب والنهب غير المحدود علي المال العام بأى صورة من الصور لا يردعهم ضمير أو أخلاق فأصبح السودان يسبح فى مستنقع كبير من الفساد بل أصبح سلة فساد العالم فحيث وليت وجهك تجد المجرم واللص الذى يرتع دون حسيب أو رقيب فى مال دافع الضرائب المغلوب على أمره فاكتنزوا الذهب والفضة وتطاولوا فى البنيان وعددوا فى الزوجات والسيارات دون أن يطرف لهم جفن بينما الغالب الأعم من الشعب السودانى لا يستطيع توفير لقمة عيش


#234364 [راجي]
0.00/5 (0 صوت)

11-01-2011 01:16 PM
وزير الكسرة ده الله يكسر رقبته ان شاءالله .. بعدين الزوجة الرابعة (ن ح) هو ما عارف البسنس بتاعها و امورها بتمشي كيف في الوزارات - لكن يظهر عليه حرامي و مجرد من نخوة الرجال .. اكل مال الحرام بيقتل القلب و يسوي الراجل ديوس و الوزير دة اتعدى المرحلة دي خلي بالكم .


#234290 [سوداني]
0.00/5 (0 صوت)

11-01-2011 11:41 AM
الراجل أظن لما حريمو الثلاثه في مكان واحد لزوم سهولة الحركة والتنقل من مكان الي آخر ؟؟؟؟؟؟؟؟؟


#234277 [حزين جداً]
0.00/5 (0 صوت)

11-01-2011 11:26 AM

أقسم بالله أمس من الغلب من حرامية الإنقاذ برد على بوستات بعض المواضيع الساخنة حتي إرتفع ضغطي ، وبديت أرتعش ، وإرتحت شوية حتي تمالكت نفسي .
لعنة الله على كل فاسد ولعنة الله على البشير وبطانته الفاسدة .
يا وزير المالية بختك : عمارة ناصية ، وحراسات ، وسيارات فارهه ، وما خفي أعظم ، كده حبة شماااار ياربي داخل العمارة دولارات ولا إسترلينيات ، لأ السيد الوزير الظاهر شغاااال يورو بس .
وياربي كم شغااااالة ، أسيوية ياربي ولا من أفريقيا !!!؟ إتمتع يا عم بمال الشعب المسكين التعبان الغلبان الغافل المغفل .
لكين الله موجود .
وين تهرب من القبر ، هناك يا سيدي ولا عمارة ولا فيلا ، ولاكونتينر ولا حراس أمن ولا سيارات فارهه .... منكر ونكير بس وإنت عريان تتبكي . واي واي ، وارحموني تاني ما بسوي كدي وما باكل حق الشعب المسكين ، بس المره دي ، وتوباااااااااا
ونحنا ما بنعفي حقنا ولا ذرة ما بنعفيها .
وصدقني بعد ما تموت رجعه مافي عشان تحسن أعمالك ، ونصيحتي ليك رجع أموال الشعب ، شعب مظلوم ، مقهور ما قادر ياكل أو حتي يركب مواصلات ، وإنت يا مفتري عندك 7 سيارات وتقول تقشف ، إنت فاكرنا نحنا هنود .
وشكراً أختي العزيزة الكريمة : الصحفية : عائشة خليل ،
وكدا إشمري شوفي لينا باقي الحرامية : وزير الدفاع ، وكرتي دا حرامي كبير فتشيهو كويس ، وخلينا من المتعافنين والمنافغين (نافع والمتعافي ) لعنة الله عليهم ، وما تنسي رامبو شغاااال تحت تحت وعامل ليه علامة صلاة يا موس أبو جنبين تاكل بجاي وتاكل بجاااي . ويا حكومة البشير الشعب السوداني أصبح واعي وناقش ...بس زمان أبهاتنا كانوا داقسين ، بس نحنا صاحين وليكم بالمرصاد .
والتحية والإحترام لكل صحفي ومحرر ، ولكل طاغية نهاية ذليلة .


ردود على حزين جداً
Qatar [الموجوع] 11-01-2011 04:09 PM
انتو صاحيين حا تعملو شنو ؟ حترجع كيف الاموال دي للشعب المسكين

Belarus [محمد احمد] 11-01-2011 12:14 PM

تسلم يا حزين وتسلم البطن الجابتك


#234273 [من الجذور إلى البذور]
0.00/5 (0 صوت)

11-01-2011 11:25 AM



01- يا ( قاسم خالد ) سلام عليك ، أعرف أنّك تريد أن تقول إنّ ( منصور خالد ) وحده هو القادر على صناعة الثورات العسكريّة ... ... والحركات المًسلّحة .... كما يدّعي .. وأنّ أيّ كلام غير ذلك هو محض إفتراء ، ومُجرّد فساء ، كما يحلو لمنصور خالد أن يصفه في كتاباته ....... لكن أنا رأيي أنّ منصور خالد ليس مُفكّراً ..... إنّما هو مُجرّد سكرتير للإمام الصدّيق رحمه الله وطيّب ثراه .... زرعه من زرعه في تلك الوظيفة ...... ولكنّه على كلّ حال كان سبباً في تدمير حزب الأمّة .... وقد أسهم ذلك في تدمير السودان ؟؟؟


02- أمّا العملة فئة الخمسين جنيه .... فقد كانت موجودة عندما هرب منصور خالد من السودان في آخر أيّام مايو ...... وكان يطبعها عمر الطيّب ... والمطبعة وجدت في مكاتبه .....ووجدت معها ربط كثيرة من تلك الفئة .... وقد كتبت الصحف عن ذلك في حينه ..... عندما ذهب منصور خالد إلى حيث أمره من أمره من مهندسي الحركات المسلّحة ....... التي كانت تتعاطى ميزانيّة شهريّة من الدولارات الأمريكيّة .... وتعيش خارج السودان ..... ولا حاجة لها بالعملات السودانيّة ؟؟؟


03- المعروف أنّ مايو قام بها السيوعيّون ..... وأنّ الإنقاذ قام بها الإخوان ..... ولكن منصور خالد وحده ..كظاهرة فريدة .... أو كجزء من مؤّسسة عالميّة عريضة وضليعة .....أو لحاجةة أو علّة أو عُقدةٍ في نفسه... ، يقول .... بل يجترُّ إنّه هو المسؤول الوحيد عن تدبير ثورة مايو .... وعن كلّ ما ترتّب عليها ..... وأنّها ليست شيوعيّة ...ولكنّه هرب قبل المحاكمة....تاركاً بهاء الدين وعمر الطيّب وغيرهم ...... يظهرون على التلفزيون وهم يلبسون ملابس المساجين ؟؟؟

04- الدقّة في هذه الأشياء غير مُهمّة ....... لكن المهم أنّ زيداً من فلاسفة مايو كان يطبع العملة بدون تغطية ..... وأنّ جعفر نميري كان له برنامج بهذا الإسم وكان يقول مثل هذا الكلام .......... ولذلك يجوز أن يقول الراوي عنه .... أو كما قال ....... وهذه ما أفعله .... والكمال لله .......... لأنّ المعلومات من الذاكرة ..... وهي قابلة للخطأ والنسيان .......... وذلك ليس عيباً ........... طالما أنّك ختمت روايتك عن صاحبها ... بقولك : أو كما قال ..... ومعناها .......... يا أيّها القارئ عليك أن تذهب بنفسك وتتأكّد من هذا الكلام إذا ما كان يعنيك ..... في ما يفيد النّاس ...... وهذا ما لا يستوعبه قاسم خالد عندما يقرأ تليقاتي ..... ويركّز على تكذيبها .... لخدمة أغراضه المُكلّف بها ..... ؟؟؟

05- التحيّة للجميع ..... ونأسف لتضييع الوقت في المُغالطات التي لا علاقة لها بالفائدة من التعليقات...... التي نحاول من خلالها إثبات أنّ الإنقلابات العسكريّة قد أحرجتنا ودمّرتنا كأمّة سودانيّة ( لا كأمّة أمريكيّة ) ..ولكنّنا نحترم الأمريكان ونحترم كلّ العالم ... ونحترم كلّ الأفكار الإنسانيّة ... ونحترم الخصوصيّات الإداريّة السودانيّة.. وهذا ما لايريد أن يفهمه الكذّاب الأشر المُغالطاتي الأفّاك ( قاسم خالد )...... ولا يريد لمثل هذه الثقافة أن تنتشر ...... هو يريد أن تنتشر ثقافة مايو ..... وأن تنمحي الطائفيّة إلى الأبد ............. وهذا لم يحدث ...... والدليل محاكمة مدبّري إنقلاب مايو .... ولبس تصفيتهم ؟؟؟




#234255 [عزير]
0.00/5 (0 صوت)

11-01-2011 11:02 AM
ده السودان بس تقول اللهم اعطنا من حلالك ومن حرامك


#234252 [ابو عاقله]
0.00/5 (0 صوت)

11-01-2011 10:54 AM
لو دامت لغيرك ما ............بكرة بتفووووووووت وتخليها للغيرك ( مادايمه ليك ) يا اخونا الوزير لو بنيت ليك مستوصف خيري للمساكين ماكان احسن ناسي انو في حساب يوم الحساب ::::::::::::::::::::: يا اخوان ما نراه اليوم من فوضي للسياسيين ناتج من تكالبهم وحبهم للدنيا نسو الموت نهائيا .................سبحان الله


#234245 [سونا]
0.00/5 (0 صوت)

11-01-2011 10:51 AM

.......................... وما خفي أعظم .............................


#234241 [زههير نديم]
0.00/5 (0 صوت)

11-01-2011 10:48 AM
ولسع في هبل ومغفلين وعبطاء بصدقوا أنو ديل ماحرامية


#234235 [sas]
0.00/5 (0 صوت)

11-01-2011 10:42 AM
بصراحة انا ما فهم ليه بجيبو وتكتبو عن وزير عمل عمارة او قصر هناك من هم اقل من وزير موظفيين بس تابعين للحكومة بنو بيوت اجمل من الانتو شيفنو دة - بس خلاص


#234231 [شايقي حر]
0.00/5 (0 صوت)

11-01-2011 10:39 AM
برضو ياوزير الكسره يا بتاعين الكتاب الاسود تقولوا الشوايقه انت الحاله ماتميت السنه في الوزاره لوكنت من البدرين كنت عملت شنو حسبنا الله ونعم الاوكيل


#234209 [سوداني حر]
0.00/5 (0 صوت)

11-01-2011 10:08 AM
هولاء كلاب سعرانا تنهش في لحم وقوت المساكين ماعليها من يموت من الجوع أو المرض
، ورب العزة سوف يكون الحساب عسير ، ولهم يوم وقريب إنشاءالله .


#234202 [ابوعبدا]
0.00/5 (0 صوت)

11-01-2011 10:04 AM
لا حول ولا قوة الا بالله . حرامية عينيك يا تاجر


#234191 [الاشعرى]
0.00/5 (0 صوت)

11-01-2011 09:37 AM
هاك الشريعة دى بضو ناكل الكسرة وانتم تاكلو اللقيمات بالزين
حسبنا اللة ونعم الوكيل
فساد
فساد
فساد
فساد
لو كان ياهو دة الاسلام مادايرنو ورجعونا لما قبل مجيئكم


#234182 [tag]
0.00/5 (0 صوت)

11-01-2011 09:05 AM
هى لله, هى لله, هى لله,هى لله.


#234162 [المريخابى السعيد]
0.00/5 (0 صوت)

11-01-2011 08:08 AM
و بعد النهب ده كلو تلقاهو لسه بصرف بدل السكن 5 مليون زى ما براهو اعترف
حسبنا الله ونعم الوكيل


#234157 [قاسم خالد ]
0.00/5 (0 صوت)

11-01-2011 07:19 AM
يا من تكتب باسم (من الجذور إلى البذور) ياخ ده انت كضاب ، كضاب ... عينات من كضبك ;(- الله أعلم بالسبب .... ولكن الشاهد أنّ النائب الأوّل لرئيس الجمهوريّة في عهد نميري ، كما إعترف عند محاكمته ، بتاعة مُدبّري إنقلاب مايو .... ، كان يطبع العملة السودانيّة بدون تغطية ، في مكاتب الأمن ( فئة الخمسين جنيه ) انتهى ... أولا أعلى فئة للعملة زمن نميري كانت فئة العشرين جنيه ، ثانيا : النائب الأول لم يحاكم في محكمة مدبري انقلاب مايو ، ثالثا : لم يرد في مضابط أي محكمة اعتراف لأي كان بأنه كان يطبع العملة في مكاتب الأمن ببساطة لأن في ذلك الزمن لم تكن هناك مطابع عملة في السودان إنما كانت العملة تطبع في الخارج ... و قس على ذلك كضوباتك عن طباعة نميري للعملة و أنه قال في برنامج تلفزيوني موش عارف إيه ، و لمعلوميتك مايو لم تكن شيوعية في أي يوم من الأيام ... انت شارب حاجة ؟؟؟ كضب بس كضب معقول ، الله يرحم والديك ارحمنا من الهضاريب ... تقريبا كل ما رويته من أحداث تاريخية هي من وحي خيالك ..


#234137 [Mohamed elsharif]
0.00/5 (0 صوت)

11-01-2011 03:45 AM
كم من الابقار والاغنام والجمال والافيال والغزالان اتى بها وزير المالية من قريتة حتى يبنى بها هذة العمارة


#234129 [نايف]
0.00/5 (0 صوت)

11-01-2011 02:47 AM
هذا الرجل مفتري ومتعجرف ويسلم برؤوس أصابعه وذلك لا يشبه صفات أهله في دارفور مطلقا ،وواضح جداً انه يعاني من عقدة نقص
والا فما الداعي للزواج من ثلاث نسا من شمال السودان وإصراره علي امتلاك العمارات والغالي من السيارات وأهله لم يزلوا يحضروا ما الشرب علي الحمير .هذا الرجل لا يقرر في شي في وزارة الماليه وهو عباره عن صراف ينفذ ما يؤمر به فقط.
علي محمود يعد أسوا وزير ماليه مر علي السودان بالرغم من انه تخرج في جامعة الخرطوم وذلك لانه عمل إداريا في القطاع المصرفي ليتفرغ للعمل السياسي ولذلك تعوزه الخبره لإدارة بقاله ناهيك عن اقتصاد دوله .وياهو دا السودان جيش وكيزان .


#234122 [اوكامبو]
0.00/5 (0 صوت)

11-01-2011 01:55 AM
يا ناس نحن فعلاً شعب بسيط الى درجة السذاجة كل هذه التعليقات والهيلمانة عشان هذه العمارة ام طابقين دي شي ربنا يبني ليك بيت في جهنم والله لا كسبك وهكذا بهذه الطريقة لما يقرأسيدنا الوزير الحرامي هذه التعليقات حيكون اخر انبساطة ويخلف رجل على رجل ويولع سيجارة امريكية فاخرة وينفس دخانها عاليا على طريقة الافلام الهندية ويضحك ملء شدقيه ويقول في السر والعلن والله ديل ناس داكسين بشكل غير متوقع قولوا لي ليه ايواااا اوريكم ليه لانو هذه المبلغ الذي بنى به العمارة يكون لطشو في اقل من ساعة ومابالكم لما يكون ليه سنين يبلع يكون عندو كم في ماليزيا وكم في الدوحة وكم في دبي وهلم جرا يعني في امكان اي موظف صغير حرامي تابع للمؤتمر البطني ان يبني مثل هذا المبنى العادي عشرة او عشرين تقولوا لي عمارة او ثلاثة عمارات ديل نهبوا بترول السودان 13 سنة بالتمام والكمال يعني باختصار في استطاعة كل واحد منهم ان يبني مدينة من الفلل الفاخرة مش عمارة نصف كم حولها اكوام من الرمال والنفايات والاوساخ التي لا تفارقهم حتى في مسروقاتهم . لله درك ياوطن


#234113 [ود عبود ]
0.00/5 (0 صوت)

11-01-2011 01:06 AM
يا شعب السودان بداعو في الناس مالكم انتم ما انقاذيين يا جماعة الرجل وزير ماليه وبني العماره من حر ماله طبعا دى من قروش النثريات ما ليها علاقة بالراتب والحوافز يجي قطب المهدى تكوركو يجي المتعافن تجوطو يجي كرتي تسكلو يجي الجاز ما عارف تعملو شنو تجيكم اللبؤة وداد تجرسو عديل انت قايلن الناس ديل لمان جو واستلمو السلطة دى حبا في السودان والله في المشروع الحضارى ديل الواحد فيهم ما امين علي نفسو يكون امين علي دولة بمساحة السودان انسو المسالة الان بس بعد الجماعة ما يتكلو ويتوكلوا الناس يموتو في خرزة حلقوموا واصلو ما يفك عشان نعرف نرجع المال المسروق دا كلو من عيون كلاب السودان وسبق وقلت ولاكثر من مره مافي سياسة عفي الله عما سلف اوعكم ياجماعة


#234108 [more]
0.00/5 (0 صوت)

11-01-2011 12:46 AM
كان حلال الله يذيده من فضله...................وكان حرام الله يتكفل به دنياء واخرة؟؟؟؟؟؟؟؟؟واي تسهيل له بصفة كوز يدخله في دايرة الحرام لانو بقية ابناء الشعب السوداني لم يحصلو علي هذا التسهيلات؟؟؟؟؟؟؟؟؟؟؟؟؟والله اعلم بي المفسد من المصلح.......................والله يمهل ولايهمل...........حسبناء الله ونعم الوكيل...........................


#234105 [ادم صبي]
0.00/5 (0 صوت)

11-01-2011 12:37 AM
حرامية المشروع الاسلاموي الله يكفينا شرهم حسبنا الله ونعم الوكيل


#234103 [ابوعلى]
0.00/5 (0 صوت)

11-01-2011 12:27 AM
حسبنا الله و نعم الوكيل منكم جميعاً يا أهل الإنقاذ , يا أهل السرقة و الفساد ..
قال أرجعو للكسرة قال .. عالم لا حياء لها ولا إخشاء .
و قصة مرتب مدير سوق الاوراق المالية الذى وافق و مضى عليه و الذى فاق المليار جنيه ليس ببعيد ..
بل قام بسجن الصحفى الذى كشف هذا العقد المُذهل ..
http://www.youtube.com/watch?v=1d3Trrgt3-g

و هناك الكثيرين الذين خسرو تجارتهم , و الكثيرين الذين توفو لرحمة مولاهم بسبب الغلاء و الجوع والمرض , والكثيرين الذين ماتو من الحسرة و غيرها بسبب سياسات هذا الشخص وحكومته الظالمة !!

وكل هؤلاء ذنبهم معلق فى رقابكم إلى يوم الدين , وستسألون عنه يوم لا ينفعكم لا مال ولا بنون ولا اعداد طوابق .. و قبل ذلك ستحاسبون هنا فى الدنيا قبل الآخرة و سنأتى بكم الواحد تلو الآخر حتى ولو ذهبتم إلى آخر بقاع العالم أو دخلتم خيران القذافى ستطالكم يد العدالة و حكم الشعب المقهور منكم و من أفعالكم الدنيئة و من حكمكم المستبد الظالم , لأن شعب السودان أصبح لا يعرف \"عفا الله عما سلف\" و سيأخذ كا حقوقه المسلوبة بضراعه و سيرجع كل قرش سُرِق منه و من أباءه و ابنائه ..

وفى الحوار الذى أجراه لصحيفة السودانى قبل شهور اجاب على سؤال:
كم يبلغ رصيدك فى الحساب الخاص بك؟

= 2800 جنيه، واليوم قمت بتحويل 1400 جنيه لأحد معارفي.

http://www.alsudani.sd/index.php/news/3-flash-news/3715-2011-06-22-12-43-07.html


الله ارنا فيهم عجائب قدرتك وعظمتكـ وعظيم سلطانك وجبروتكـ يارب العالمين .. آمين آمين آمين


#234092 [أبولعازة]
0.00/5 (0 صوت)

11-01-2011 12:11 AM
يا عمر انت قريبي والوزير قريبي بصورة واخري ...قول لي وارث من منو ؟ وابوه املاكو وين ؟ ما شهدنا ليهم اي راحة انت بتتكلم عنها .....


#234091 [سوداني اهلكه الفساد]
0.00/5 (0 صوت)

11-01-2011 12:09 AM
المزواج باموال الشعب وزير المالية علي محمود يتاهب للزواج بالزوجة الرابعة ( ن ح ) سيدة الاعمال بالدوائر الحكومية فالمعروف عنها ان تجارتها الشاطرة تتعلق فقط بعطاءات الوزارات الحكومية والقطاع العام ما سهل اجراءاته حصريا وغلا عائده ماليا !! وقد افادت مصادرنا الخاصة جدا ان ثمن الشقة الجديدة للعروس 350 الف ثلاثمائة وخمسون الف دولار بمجمع ابراج مشهور بالخرطوم ربما لقضاء شهر العسل !! العروسة ( ن ح ) لها بنتان هدية كل واحدة منهن عربة علي zero .. العروس لم تعجبها اثاثات السودان فاشترطت جلب الاثاثات من الخارج والتي يتم تخليصها الان عبر شركة msc للملاحة البحرية ويقوم بالاجراءات مورد عربات معروف بمدينة بورتسودان على ان تساعده في التسهيلات اللازمة باخراج دفعة عرباته القادمة بالبحر


#234085 [abutilal]
0.00/5 (0 صوت)

10-31-2011 11:53 PM
الاخ كاتب المقال انت حاسد الراجل ده ولا شنو يازول خليه ياكل اصلو اول الناس ولا اخر الناس .تستاهل البلد دى خليهم ياكلوها ويكملوها كلها لانها بلد ما عندها وجيع بلد خيراتها سايبه للصوص واراضيها سايبه بوضع اليد لعامة الناس والقروش الفى البنوك سايبه لما يسمى بالراس ماليه الوطنيه واهل الحظوه العملوها مليارات وعمارات ومشروعات ودفارات وقلابات وزيجات والحكومه عاوزه ترضى ناس قريعتى راحت من عامة الناس بالتمويل الاصغر عشان يعملوها هايسات وامجادات وركشات وعجلات وطلاقات.


#234084 [محمد عبدالله محمد]
0.00/5 (0 صوت)

10-31-2011 11:52 PM
ان كانت من مال حلال فليبارك الله له فيها.
وان كانت من حرام فسيكفيكهم الله وهو السمبع العليم.وسوف يحملها على عنقه يوم القيامه .


#234077 [واحد من الناس]
0.00/5 (0 صوت)

10-31-2011 11:37 PM
الزول القال انو قريب وزير المالية وقال انو من اسرة غنية بالله هل يوجد فى حلتهم المسماة عد العجول شخص واحد غنى ؟؟؟


#234073 [من الجذور إلى البذور]
0.00/5 (0 صوت)

10-31-2011 11:28 PM


إقتباس :

( يتساءل المواطن البسيط؛ كيف تسمح للوزير نفسه بأن يصرح قبل فترة قصيرة ويطلب من الشعب السوداني التقشف واكل الكسرة متعللاً بأن السودان يمر بازمة اقتصادية ولابد للشعب السوداني أن يربط الاحزمة لمواجهة الضائقة المالية!! بينما صاحب التصريح يعيش في ترف وبزخ ولديه اكثر من عمارة وهو يتقلد منصب وزير مالية لفترة اقل من سنة واحده، هل هذا يصدق!!...... ) .

تعليق:

01- المهندس أو الطبيب أو الإقتصادي السوداني ، إذا ما قدّر الله له أن يغترب للعمل في دول الخليج مثلاً ........ يحتاج تقريباً إلى 20 سنة من الإغتراب والعمل المُتواصل ، لكيما يتمكّن من بناء مثل هذه العمارة ...... ؟؟؟

02- المُغترب يدخل عملات حرّة إلى السودان ....... إذا ما تمّ توظيفها لمصلحة في بناء ( مُطلق ) الإقتصاد السوداني...... ولمصلحة (مُطلق) المواطن السوداني .... لتحوّل السودان إلى جنّة الله في الأرض .... ؟؟؟

03- وأذكر أنّ الرئيس الراحل جعفر نميري ، رحمه الله وغفر له وطيّب ثراه ، قال لمُستمعيه في برنامج إسمه ( لقاء المُكاشفة الشهريّة بين المواطن ورئيس الجمهوريّة ) : أنا المهندسين والأطبّاء والمهنّيين الصعاليق ديل ، ما عيزهم يقعدوا لي هنا ..... أنا عاوزهم يمشوا الخليج ويجيبوا لي العملات الحرّة عشان أنا أقدر أبني بيها البلد دي ... ؟؟؟

04- الصعاليق ديل ، يا مصدّق يا مُؤمن ، ذهبوا إلى الخليج مُنذُ ذلك الحين ، ورسّلوا كترة دولارات ، ومازالوا يرسلون..... طبعاً دا كان قرار طيّب جدّاً ؟؟؟

05- لكن لنتيجة ذلك القرار كانت أقلّ من المُتوقّع .... يا تُرى ماذا كان السبب في ذلك ؟؟؟

06- الله أعلم بالسبب .... ولكن الشاهد أنّ النائب الأوّل لرئيس الجمهوريّة في عهد نميري ، كما إعترف عند محاكمته ، بتاعة مُدبّري إنقلاب مايو .... ، كان يطبع العملة السودانيّة بدون تغطية ، في مكاتب الأمن ( فئة الخمسين جنيه ) وقد شيّد لنفسه عمارة سكنيّة في شرق مدينة كوبر بالخرطوم بحري ...... وظهرت عمارة سكنيّة أخرى في مدخل كبري شمبات على يدك اليمُنى وأنت داخل على الكبري من أمدرمان إلى بحري ...... وقد قام جعفر نميري بمصادرة مشروع كافوري وخطّطه سكن فاخر لرجال الثورة المايويّة ...... وكذلك مدينة الررضة ومدينة النيل بأمدرمان ..... أمّا مدينة المهندسين بأمدرمان فكانت للمهندسين بتاعين سلاح المُهندسين ..... ما بتاعة المُهندسين المهنيّين الصعاليق ؟؟؟

07- لكن مايو ( الشيوعيّة ) كانت في البداية حريفة شويّة ، كانوا كلّما دخلت عملة حرّة إلى السودان ، عبر المُغتربين أو عبر الديون ، أو عبر الصادرات ، .... كانوا يعتبرونها هي التغطية ، ويطبعون لأنفسهم ما يعادلها من العملات السودانيّة ....... ويشيّدون بها عماراتهم ومصانعهم ومزارعهم ويترسملون بها في السوق .... ويشترون المساكن خارج السودان ........ لزوم الملجأ عند الهروب الأخير ؟؟؟

08- ولكن عندما تحوّلت مايو إلى ( إسلاميّة ) قال جعفر نميري ، لنفس مُحدّثه في نفس البرنامج المذكور أعلاه : إنت عارف أنا إبن كلب جدّاً ، قول لي كيف ؟؟؟ فقال له كيف ؟؟؟ فقال جعفر نميري : إنت عارف أيّ حرامي ماشّي في الشارع دا ، أنا سرقت منه طرّادة ..... قول لي كيف ؟؟؟ فقال له كيف ؟؟؟ فقال جعفر نميري : القروش العندي طبعت 25% من مُجملها ، بدون تغطية ؟؟؟ فقال له مُحدّثه : لكن ياريّس كِدة ما حتخرّب الإقتصاد ؟؟؟ فقال له جعفر نميري أعمل شنو التجّار ما دفعوا لي الضريبة ..... بيوت رجال مايو دي أنا أبنيها ليهم بي شنو ؟؟؟ لو ما بنيت ليهم بيوت ما حينقلبوا علي ؟؟؟ ..... فقال له طيّب الشعب دا ما حيثور عليك بقادة المعاضة ؟؟؟ فقال جعفر نميري ...ديل ما عندهم حاجة .. أنا البيثور علي أمّو لي هسّع ما ولدتو ... ؟؟؟

09- الإقتصاد السوداني إقتصاد قوي جدّاً .... وقد صمد أمام كلّ هذا الفساد والحصار والعناد..... ولكنّه الآن..... للأسف الشديد جدّاً ، قد إنهار تماماً ...... ولا سبيل إلى إصلاحه .... لأنّ القائمين على أمر البلاد الآن لايريدون إصلاح الإقتصاد السوداني ..... إنّما يريدون إصلاح الإقتصاد العسكري الإخواني ..... وهذا مُمكن جدّاً .......... وكان مُتوقّعاً أن يحدث .... عندما تربّع عبدالرحيم حمدي على شاشة القناة الفضائيّة السودانيّة ، وقال بكلّ الشفافيّة ، أنا جاءتي تعليمات من السيّد رئيس الجمهوريّة ، أن أوظّف إمكانات البلد الماليّة وديونها الخارجيّة ، لتحسين إقتصاد الحزب الحاكم ، حزب السيّد رئيس الجمهوريّة ، وعبيده من الحركة الإخوانه الحراميّة الإجراميّة ، الذين دخلوا إلى حزب السيّد رئيس الجمهوريّة ، بعقيدة سياسيّة ، إسمها ، حسّنوا أوضاعهم الماليّة ، بدخولكم إلى حزب السيّد رئيس الجمهوريّة وعساكره الكرام الأمناء الأقوياء الأمنجيّة ....... الحارسين حدود الوطن ..... وطن الجدود ..... الحافظين للأموال والأعراض والأرواح والأغراض ....بتاعة البني آدمين السودانيّين ؟؟؟

10- التحيّة للجميع ........ لكن الأمل هو الحياة ...... الأمل في الفرج من عند الله ...... أمّا السودان فلابُدّ أن يعود إليه أهله ..... لكيما يبنونه بعقولهم وسواعدهم وأموالهم ..... والله المُستعان ؟؟؟




ردود على من الجذور إلى البذور
Sudan [.زعلان] 11-01-2011 11:01 AM
يأخوان المعلقين منو فيكم ما داير الدنيا كلكم دايرين الدنيا وكل مواطن لو بقى وزير بعمل ليه عمارة قولوا لى ليه الشعب السودانى داير الدنيا لانو كل واحد ماداير يخرج الشارع مجاهداً فى سبيل الله لقتال المنافقين الإسلاميين قاتلى الشعب السودانى تجار العملة والفاسدين وتجار المخدرات والسلاح لانو خائف من الموت وما جاهز للأخرة ليس هنالك فرق بين المسئولين والمواطنين بس الفرق المناصب.
نقول ياايها الشعب السودانى إختار الأخرة تسعد فى الدنيا والعكس صحيح .


#234068 [أنس]
0.00/5 (0 صوت)

10-31-2011 11:09 PM
واللة يا جماعة عندما يكون المرء محروم فى حياتة اليومية و بين يوم وليلة يقوم من النوم و يلقي لية كوم بتاع قروش فى السهلة ساكت لا رقيب ولا حسيب يقع فوقة ذي الكلب الذى يلعق الأناء بعد عطش طويل دا حال الوزير القال الناس ترجع للعواسة


#234066 [الغائب ]
0.00/5 (0 صوت)

10-31-2011 11:07 PM
نقول حسبي الله ونعم الوكيل في الكيزان


#234062 [قلبى على بلدى]
0.00/5 (0 صوت)

10-31-2011 11:00 PM
هى مالها مايله من الان كانها بنتيت على شفا جرف هار


#234054 [سوداني]
0.00/5 (0 صوت)

10-31-2011 10:40 PM
طيب يا جماعة ما خلاص فترنا من الكتابة والتعليقات الكثيرة دي في الراكوبة وغيرها من المواقع عن الحرام والمال الحرام والحرامية الى نشفوا البلد وريق الشعب ومصوا البلد مص لمن جف من البترول والموية والسمك والبقر والاغنام المهدية للمصريين كل شهرين يتبرع ابوجاعورة بيها ونشف ريق البقارة والمسيرية والفلاتة امبررو اصحاب المواشى وناس المويلح فضل شنو للتصدير الا البرسيم والحمير بتاع اخواننا الرباطاب الحل الوحيد الشارع الشارع الشارع الحقوا باخوانكم في كسلا والنيل الازرق وجبال النوبه وحركة قرفنا وكفاية خلاص الدلع الكثير للحرامية وهنالك عدد عشرون حركة مقاومة مسلحة فى دارفور في الانتظار وحسنين وكات للتغيير وتحالف كاودا اليس هم من الشعب السودانى يناضلون من اجل الغلاء والفساد والاستعباد والمحسوبية والانعتاق للحرية والمساواة والتنمية وتحسين المعيشة. الله ينصرنا جميعا على الظالمين تجار الدين امين.


#234051 [abu mazen]
0.00/5 (0 صوت)

10-31-2011 10:29 PM
This mister is very weak that why he get this assienment so that the strong crocodiles can do what they want to do with our money he can not object and .he is doing same what they are doing .


#234048 [شمالي]
0.00/5 (0 صوت)

10-31-2011 10:24 PM
ما شاء الله
عيني باردة عليك يا سعادة الوزير الحرامي
كدة البنعرفوا نحنا بس.... عندك 4 عمارات في الاحياء الراقية كمان
دا غير الفارهات آخر موديل والنسوان التلاتة
وبرضو يا كيزان جايين عشان تثبتوا الدين.....هههه
ياتو دين؟؟؟؟
طيب لو جيتوا لحاجة تانية كان سرقتوا شنو بالضبط؟

الغريبة الوزير ملهوف خالص خالص، يعني جاء ليهو سنة واحدة وهمبت الهمبتة دي كلها
أتوقع لو كان من الأول قاعد كان سرق الأكسجين اللي في الجو زاتو

كدي قول بسم الله يا وزير الكسرة
مافي زول ساكيك....عملتها شينة وواضحة

ماتنسوا يا كيزان هتاف لا لدنيا قد عملنا أو هي لله هي لله
والله العظيم لو إنتوا محظوظين في الدنيا دي نحاسبكم نحنا شعب السودان
يوم القيامة، ربنا ما بيغشوه .....ولا تخفى عليه خائنة الأعين...ولا جهاز أمنكم ح يشفع ليكم ولا رقيص رئيسكم ح ينجيه من حساب الله


#234022 [الاشيقر]
0.00/5 (0 صوت)

10-31-2011 09:49 PM
حرام واللة يسكت الشعب السوداني لهولا الحرامية يارب صاروخ ذى بتاع مصنع الشفاء يهدها في راسو والمعاة


#234014 [مجنون]
0.00/5 (0 صوت)

10-31-2011 09:28 PM
اللهم ابنى له بيت فى جهنم وواحد فى لظى وواحد سقر وواحد فى الحطمة وواحد فى الجحيم وواحد فى السعير لكل منها جزء مقسوم ، الناس يدعوا ان يبنى الله لهم بيتا فى الجنة وانت تعمر فى النار الدنيا فانيه والله وتندموا اشد الندم ، شهقة واحدة تشوف عماراتك ديل مسيخات لاحول ولاقوة الا بالله


#234007 [الريفى]
0.00/5 (0 صوت)

10-31-2011 09:04 PM
يا دوب عؤفنا معنا ان نأكل كسرة ونقتسط فى الصرف


#234006 [سعيد]
0.00/5 (0 صوت)

10-31-2011 09:02 PM
لا ابومحمد اختلف معك ان من يحكمنا الرجال ونحن انصاف الرجال نستاهل كل هذا الزل والهوان هنئيا لكلاب الانقاذ بالعيشة الرغيدة ياسيدي نحن شعب خنوووووع رضي بالزل والهوان ..لانلومهم لانهم ملكو العمارات وركبو السيارات الفاخرة اننا من من طبل لهم طيلة ال20 عاما فلماذا نبكي وننوووح .الشعوب من حولنا تحررت واخري تناضل وتقاتل لكي تقهر الزل ونحنا نتفرج ونبكي.......................ملعونة ابوها بلد شعبها حقير وحكامها فاسدين


#233997 [ahmed]
0.00/5 (0 صوت)

10-31-2011 08:48 PM
اى مواطن ماقدر يضحى السنه دى يقول حسبى الله ونعم الوكيل فيك ياابو صلعه وانشالله ربنا اكبر من الجيش والشرطه والامن
سؤال الدفاع الشعبى والشرطه الشعبيه ديل عشان شنو؟؟؟؟


#233994 [منعم سلمان]
0.00/5 (0 صوت)

10-31-2011 08:42 PM
نعم أخي خليل , اهداف ثورة الخراب الوطني هي نهب الشعب السوداني وبيع ممتلكاته وفصل جنوبه ونشر الموت في دارفور وجنوب كردفان والنيل الازرق والشرق ..


#233992 [emad]
0.00/5 (0 صوت)

10-31-2011 08:40 PM

العمارة لونها مش ولا بد
لو كان لونها أبيض كان تكون أحلي


#233990 [د.الحسيني]
0.00/5 (0 صوت)

10-31-2011 08:39 PM
عمارة حلوة و الشارع امامها حلو بس ينقصها شوية نظافة للمنطقة التي خلف الحاوية و ازالة شجر المسكيت و عمل حديقة حلوة و بعدها اخدو صورة ستجدون المنظر يهبل لان مثل هذا المنظر يحرجنا في الخارج معقول وزير مالية البلد يسكن وسط زبالة .يلا يا شباب شدو حيلكم و نعمل حملة نظافة و تشجير حول بيت الوزير و ما تخافوا مش حيجيبوا ليكم كسرة للنفير!!!!!!!!!!!!!!!!!!!!!!!!!!!!!!!!!!!!!!!!!!!!!


#233985 [omer]
0.00/5 (0 صوت)

10-31-2011 08:38 PM
الوزير علي محمود هو احد اقربائي وهومثال للامانة وهومتعلم ويمكن لوسافر الي الخليج يتولي اكبر المناصب وهو من اسرة عريقة وغنية وغي محتاج للتعدي علي المال العام وكفاية انو تولي ادارة اقتصاد بلد وجده علي الهاوية وطبيعي لاي وزير ان يكون عنده عمارة وكفاية بهتان


ردود على omer
Belgium [Rrashid] 11-01-2011 02:16 AM
الاخ : عمر ..القاصى والدانى.. يعرف أسرة( دوسة) تجار الصمغ العربى !!..وماتجرجر الناس لعلاقات شخصية نحن هنا فى محفل(الوظيفة العامة ) قريبك ياعمر نسى أهلهة فى دارفور..النائمين فى العراء والملتحفين بالسماء ..النائمين على لحم بطونهم ..لو قريبك صحيح متعلم ..لما نظر للدنيا بمنظورة اللذى لايتعدى ( عظم انفه )..ولفعل خيراً لو أنه وهب مانهب لاهله فقراء دارفور ..مالكم كيف تحكمون ؟؟

United Kingdom [خالد حسن] 10-31-2011 10:31 PM
قريبك حرامي وان شاءالله نهدها في راسه راس زوجاته واولاده زي ماعمل الثوار مع القذافي واولاده حانعمل مع اي حرامي بما فيهم قريبك الحرامي الكبير ومابعيد تكون انت زاتك حرامي ومنتفع من قريبك ... عشان مده حانحاسب مل اقرباء حرامية الاتقاذ ونسترد منهم ماسلبوه

Sudan [موبادون] 10-31-2011 10:06 PM
الاخ Omer انت كذاب و منافق اولا قريبك دة لو من اسرة غنية و عريقة يعالج ابنه على نفقة الدولة ليه ... و بعدين انا عارف انو كان موظف بنك فى دارفور ثم تانيا لو سافر الخليج يعنى ح يشتغل شنو...؟ وزير مثلا ... بالله بطل الكضب و كفايه علينا انو قريبك قدم اطروحة العواسة و الكسرة و هو يعيث فى الارض فسادا .... كذابين و حرامـــية عليكم اللعنة

United Arab Emirates [على] 10-31-2011 09:44 PM
افضل ليك ترجع تدير ليه ثروته افضل ليك من اوروبا عشان تتفادى الربا والتعامل مع الكفره لو كان نزيه ومقتدر كان رفض تولى ادارة المال العام فى ظل حكومه شموليه فاسده استحى وقل الحق ولو على نفسك

Sudan [wahid] 10-31-2011 09:40 PM
قلت لي قريبك؟؟؟؟ والله صحي القرد في عين امو غزال. انشاءالله بس يكون قاعد يديك كويس علي قدر نفاقك ليو ده...............


#233982 [Khalid Alfahal]
0.00/5 (0 صوت)

10-31-2011 08:34 PM
The minister of finance was making money out of a transportation contract in western Sudan, he passed the contract to one of his friends, who didn\'t had nothing at that time 2008-2009. If president Basheer is corrupted, then the rest of the cabinet are working for the sake of living!


#233970 [ابومحمد]
5.00/5 (1 صوت)

10-31-2011 08:24 PM
نحن نستاهل اكثر من هذا لان من يحكمنا من انصاف الرجال


#233968 [ema]
0.00/5 (0 صوت)

10-31-2011 08:21 PM
قالوا حى الراقى ده كلو قسموا بينهم تقول هم راقيين
المراة التالتة يعنى المروة مقسمة على تلاته ههههههههه حاجة عجيبة
شنو قصة السادة ديل مع النساء وشنو تفاهة النسوان البتخليهم يلفحوا فى رجال عواليق زى ديل الواحد ما حفظ عشرة زوجتو الاولى


#233967 [وطنى ]
0.00/5 (0 صوت)

10-31-2011 08:19 PM
هذا اللص اخذ اكثر من 32000 دولار من اموال الشعب لمعالجة ابنه من الام اذن وانا والدى توفى بسببهم افلسوه واصبح لا يملك شى حتى العلاج كنا بنسلف عشان نعالجوا وواالدى قبل ما يتوفى قال لينا انوا ما عافى ليهم وربنا ياخذ حقو فى الدنيا والاخرة ونحن كمان ما عافين ليهم هولاء الانجاس الابالسة ويومهم قرب وصدقونى ما بتدوم ولو بدوم لدامت لغيرهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
4.63/10 (69 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة