الأخبار
أخبار إقليمية
اساءة البشير لي لن تحل مشكلة السودان وهو معذور.. مالك عقار : سننقل الحرب الى المدن والخرطوم في وقت وشيك عبر اربع آليات عمل
اساءة البشير لي لن تحل مشكلة السودان وهو معذور.. مالك عقار : سننقل الحرب الى المدن والخرطوم في وقت وشيك عبر اربع آليات عمل
اساءة البشير لي لن تحل مشكلة السودان وهو معذور.. مالك عقار : سننقل الحرب الى المدن والخرطوم في وقت وشيك عبر اربع آليات عمل


01-06-2012 11:18 PM
اعلن مالك عقار رئيس الحركة الشعبية ووالي النيل الازرق المنتخب المقال بقرار من البشير اعلن عن اربع آليات للعمل من اجل اسقاط النظام وتغييره في الخرطوم وقال مالك عقار في مقابلة مع راديو دبنقا تبث السبت ان الآلية الاولي تتمثل في الكفاح والخيار المسلح الذي قال بأنه انتظم بتكوين جبهة عريضة للقتال وذلك عبر تشكيل الجبهة الثورية السودانية التي ضمت حركات دارفور (عبدالواحد وخليل ومناوي ) والحركة الشعبية واشار الى ان هذا الخيار الاول العسكري هو الذي اختاره البشير وسنذهب حتى النهاية واكد عقار ان الخيار الثاني يتمثل في العمل وسط الجماهير والشباب والطلاب والمجتمع المدني والقوى السياسية الاخرى لاحداث انتفاضة في المدن والقرى السودانية لاسقاط النظام عبر المظاهرات والعصيان المدني واوضح عقار لراديو دبنقا ان الألية الثانية تتمثل في الالية الدبلوماسية وحشدها من اجل اسقاط النظام بينما تتمثل الآلية الرابعة في الية التفاوض الذي يجمع كل القوى السياسية ويكون التفاوض فيها كاملا لكل قضايا السودان وليس تفاوضا جزئيا واكد ان كل هذه الاليات الاربعة قنواتها مفتوحة واكد عقار ان الحرب المشتعلة الان في جبهات مختلفة في السودان هدفها الوصول في النهاية الى الخرطوم .

واعلن عقار في المقابلة مع راديو دبنقا ان الحركة الشعبية والجبهة الثورية السودانية ستنقل الحرب الى المدن وستنقل الحرب الى الخرطوم واكد ان موضوع نقل هذه الحرب للمدن والخرطوم مسألة وقت ليس الا ونحن لدينا الاليات التي ستنقل الحرب للخرطوم .

ومن جهة ثانية و ردا على سؤال من راديو دبنقا حول امكانية المفاوضات من عدمها في المستقبل مع الحكومة قال مالك عقار ان الحكومة تركت الحركة الشعبية ووفدها في طاولة المفاوضات وذهبت من غير رجعة لكن ومع ذلك قال عقار في المقابلة التي تبث الجزء الاول منها السبت ان لكل حالة لبوسها وان جنحوا للسلم سنجنح لها وان جنحوا للحرب فنحن لها ولدينا كلا الخيارين الخبرة والمعرفة الدقيقة بذلك

ومن جهة اخري قال مالك عقار ردا على الانتقادات الشخصية الحادة التي وجهها له البشير في كوستي يوم الثلاثاء التي وصف فيها عقار بالتور الاعمى قال مالك عقار ان الاستهداف الشخصي له من البشير في خطاباته لن تحل قضية السودان واوضح انه لو استهدف البشير ايضا بمثل ما استهدفه ايضا فان هذا لن يحل المشكلة لان قضية السودان اكبر من البشير وعقار ومع ذلك قال عقار انه يجد العذر للبشير لانه مضغوط من الداخل والعالم ويريد ان يجد له منفذا .

راديو دبنقا



تعليقات 47 | إهداء 0 | زيارات 19832


التعليقات
#271152 Sudan [سمير هري]
0.00/5 (0 صوت)

01-08-2012 09:15 PM
يا الجعلي الاحمق انا متابع كتاباتك من بدري جدا حقيقة انت فعلا قاعد تكون لينا بطل قومي
احييك و احي كل المناضلين الشرفاء من بني وطني .

انشاء الله الايام القادمة تحمل في طياتها مفاجااااااااااااااة من العيار التقيل

رحمك الله البطل الشهيد د خليل ابراهيم انشاء الله الي جنات الخلد مع الصديقين والشهداء


#271139 Saudi Arabia [الجعلي الأحمق]
0.00/5 (0 صوت)

01-08-2012 08:46 PM
المعلق \"الفارابي\" ، هناك أمور كثيرة لا تعرفها إما جهلاً منك بها وإما تعالياً وتكبراً ظناً منك ومن أمثالك بأنكم أنتم أعلى درجة من هؤلاء، ومن ضمن هذه الأمور هي استئثاركم بالمناصب العليا في الدولة منذ استقلال السودان بل حتى الجيش كان معظمه من هؤلاء الذين تتنكر عنهم حيث كان يقحم بهم للقتال ضد بعضهم البعض مع أخوانهم الجنوبيين وذلك باستغلال حاجتهم إلى الوظائف بعد إغلاق كل السبل إليها وتسليك الطريق لهم إلى الجندية، ثم أيضاً في العسكرية اخذتم القيادة بطريقة ممنهجة بعدم قبول هؤلاء في الكلية الحربية حتى تكون القيادة لكم ويكونوا هم وقود الحرب وفي الماضي القريب كنت ترى كتيبة أو لواء كامل من القوات السودانية المسلحة من أبناء الغرب والشرق والجنوب والنيل الأزرق وقائد واحد فقط من الشمالية،،،، ماذا يعني هذا.


#271132 Sudan [سمير هري]
0.00/5 (0 صوت)

01-08-2012 08:39 PM

ان الـسـخـريـه مـن الـسـمـيـن لـن تـجـعـلـك اكـتـر نـحـافـه

ان الاسـتـهـزاء مـن الـقـبـيـح لـن يـجـعـلـك اكـتـر جـمـالا

ان الـسـخـريـه مـن الـفـاشـل لـن يـجـعـلـك بـالـضـروره نـاجـحـا

فـدع الـخـلـق لـلـخـالـق
اعـمـل مـن اجـل تـحـسـيـن نـفـسـك افـضـل مـن الـتـعـلـيـق عـلـي الاخـريـن

الكلام ده ليك يا اهبل يا فاقد المسؤلية والله دنيا اخر زمن يحكمنا واحد زي ده
الي الجحيم انشاء الله

الايام القادمة تحمل في طياتها مفاجااااااااااااااااااااااااااااات من العيار التقيل



#271124 Iran (ISLAMIC Republic Of) [Iالقبطان]
0.00/5 (0 صوت)

01-08-2012 08:17 PM
المدن ليست سوح قتال ياعقار ... ماتكون ذي ماقال البشير ...


#270809 United Kingdom [مهداوى]
0.00/5 (0 صوت)

01-08-2012 11:54 AM
كبير انت ياعقار
قال (ص) المسلم ليس بطعان ولا لعان ولا فاحش والا بذئ
وقال (ص) المسلم من سلم المسلمون من لسانه ويده


#270683 Saudi Arabia [الجعلي الأحمق]
0.00/5 (0 صوت)

01-08-2012 09:15 AM
إلى المعلق (فارابي) : أي استشهاد تقصد ومن الذي كتب التاريخ السوداني أصلاً ، التاريخ السوداني لو تعلم يا المدعو فارابي كله مزور وآخر ما تم من التزوير الواضح هو سحب مسمى \"دخول العرب إلى السودان\" واستبداله بـ \"دخول الناس إلى السودان\" ، هل هذا هو تاريخك الذي تتحدث عنه؟؟؟ التاريخ السوداني لا يذكر أمثال هؤلاء وإذا ذكرهم فإنه يذكرهم كذكر المناضلين عبدالفضيل الماظ وعلي عبداللطيف ، فإذا كنت تعرف التاريخ السوداني من من هم هؤلاء وإلى جهة ينتمون؟؟؟؟ أخيراً أخي الفارابي أريد أن أقول لك إنني فعلاً لست جعلياً وإنما تم استخدام هذا الاسم عندما ظهر البشير بعد عودته من الصين في مسجد والده صباح يوم من أيام الجمعة ناقضاً ما اتفق عليه في أثيوبياً \"بحماقة الجعليين\" مما أدخل السودان في جحيم الحرب التي لا تزال تحرق الأخضر واليابس، ومن يومها يا فارابي سار الاسم ، وإذا كنت ترى في ردي للأخ \"عبدالعزيز\" ـــــ الذين أظن أنهما شخصية واحدة (فارابي وعبدالعزيز) ودا شغل أمني طبعاً ــــ في تعليقه العنصري فأنت إذن عنصري وأريد أن أأكد لك أنه لا مجال للعنصريين في دولة السودان ما بعد نظام المؤتمرجية لأننا نسعى إلى دولة مدنية حديثة بعيداً عن التعالي والغطرسة والعنجهية التي أخرتم بها السودان ((والحماقة حقتكم إنتو))


#270559 Sudan [صباح]
0.00/5 (0 صوت)

01-08-2012 06:03 AM
على نفسها جنت براقش


#270542 Sudan [سوال محير]
0.00/5 (0 صوت)

01-08-2012 01:32 AM
بالمناسبة ... الاخوة الذين يصفون السيد مالك عقار اير بالمناضل و القيادي الخ.... اقترح عليهم ان يعطونا نبزة صغيرة عن السيرة الذاتية لبطلهم الهمام .... وبعدها من خلال تاريخة الناصع البياض نحكم علية...
اخوكم في الله مواطن. وشكرا


#270523 Sudan [دايخ فى زمن بايخ]
0.00/5 (0 صوت)

01-08-2012 12:13 AM
والله كلاهما وجهان لعمله واحده . لكن عقار ردو كان دبلماسى عن الانتقادات الشخصيه التى وجهة له من البشير


#270469 Sudan [مواطن غلبان]
0.00/5 (0 صوت)

01-07-2012 08:57 PM
وطنا عزيز علينا ما في شك , لكن كل واحد مننا بيضعو في ترتيب اولوياتو في خانة مختلفة , و بالتالي تبدا الخلافات المصلحة الشخصية اولا ام مصلحة الوطن ؟ و لا هم حاجة واحدة !, علشان نرد على السؤال دا لازم نعرف ماذا تعني المصطلحات التالية لكل مواطن سوداني : الحدود , التاريخ , الجغرافيا , العدالة , المواطنة , الاخلاق , الاختلاف , الوطن , المواطن ,,, الخ , و بعد ذلك نسال نفسنا هل الردود مرضية بالنسبة لنا ام غير واضحة و كافية , و ما السبب في ذلك ؟ انا شخصيا اتمنى للسودان رئيس لا يحكم المواطن بل يحمل مسئولية المواطن , في بلد فقير زي بلدنا لازم ما ينام الرئيس الا بعد ان يطمئن انو كل مواطن داخل حدود الوطن على الاقل تناول وجبة العشاء , دا املي من الله , السودان ما حمل حروب و مزيد من الموت , السودان عايز رئيس يهبو الحياه و يأمن المستقبل و الكرامة و الحرية لكل فرد , و عايز شعب يعترف بالاختلاف و ينبذ الخلاف و الفرقة , دستورو المحبة و الاخاء و اخلاقو العدل و الانصاف , اذا شايفين اي واحد من الموجودين في الساحة ( الحكومة , المعارضة , الحركات المسلحة ) فيهو الصافات دي ورونا ليهو و حا نأيدو بكل ما نملك , المصيبة الحقيقة لو مافي فيهم , حيكون علينا البحث عن مخلصنا زي الابرة في كوم قش !!!


#270467 United Arab Emirates [نوف محمد]
0.00/5 (0 صوت)

01-07-2012 08:50 PM
اصدر قرار جمهوري .. بمنع زوجة الشهيد الخليل .. من الحبس علي زوجها الشهيد .. وبتاعين الامن متابعين .. انفاذ القرار الجمهوري بعدم حبسها لزوجها .. واجبروها ان تتحنن وساقوها للكوفير ..



(حظيلمة) معليش لكن ده شوية كبيرة وما بتدخل الراس،الا يكون الراجل ده جنه عديل كده ولاذم حجة هدية توديه لبعشر


#270327 United Kingdom [ALTAHIR]
0.00/5 (0 صوت)

01-07-2012 03:58 PM
يا محمد يا المحسي
انت من كلامك معروف انت منو , وكت انت فالح كده وتشوف قياده ساحل كده وناس عرمان ديل ناس الفنادق وانت المعارض الحقيقي خلاص اعمل الانقلاب ولا اتلع الشاري وقول يا ناس الانقاذ انتو مجارمه ولا انت ما علي قدر دا احسن تشوف ليك محل المحس وين لانو من اسمك واحد يعرفك انت منو لانو المعارض ما بقول انا محسي ولا دنقلاوي


#270297 United Kingdom [SEEDA]
0.00/5 (0 صوت)

01-07-2012 03:02 PM
رئيسة جمهورية غير مثقف ؟؟؟ والله انا متاكد لو قريت ليك كتابين تلاتة في السياسة والاقتصاد والقانون والفلسفه كان بقيت تور مثقف... لكن شكلك كدا بتقرا كتب عرس وسجن ورقيص ...والشعب لااكل... ولاوجد مواصلات ....ولااتعالج... ولاحاس بالامان ...عفواً Malik Agar.... ARISTOTLE SAID: . .What it lies in our power to do, it lies in our power not to do....!!Wisdom is the reward you get for a lifetime of listening when you\'d rather have been talking.


#270267 Saudi Arabia [,HP]]
0.00/5 (0 صوت)

01-07-2012 02:27 PM
ياعمر البشير __ كده مالك عقار كسب الجولة بكل هدوء ورجاجة عقل __ وبحماقتك

صغرت اكثر واكثر __ الاساءات الشخصية ماخايلة مع رئيس دولة __ لكن الايام دائما

بتثبت انو الكرسى الجالس عليه وشلة الصعاليك المتخلفين الحولك كلها اكتسبتوها

فى ليل كئيب من 1989 المشئوم ___

كده حتفقد حتى البيهللوا ليك __ لانك صغرت شديد يابشيكير ____


#270262 Sudan [عبدالواحد00 ]
0.00/5 (0 صوت)

01-07-2012 02:19 PM
ارسله مرة اخرى ..... اخ عبد الواحد


#270260 Saudi Arabia [majid]
0.00/5 (0 صوت)

01-07-2012 02:15 PM
كلهم طينة واحدة


#270258 Saudi Arabia [خالد]
0.00/5 (0 صوت)

01-07-2012 02:14 PM
تفوووووووو عليك يالبشير ................ اكثر من كدا ما تستاهل زاتو


#270246 Sudan [عبدالواحد00 ]
0.00/5 (0 صوت)

01-07-2012 01:48 PM
نقول للمناضل الجسور مالك عقار عليك الصبر على كل ما يلفظ به هذا الارعن فإن كل إناء بما فيه ينضح،فالرجل مكنته الصدفه من حكم البلاد وكان هناك من هو أغبى منه ساعده فى التمكن ويتجرع الان كاس الندم والحسره وظل كماقيل فى الشعراء ففى كل قناة فضائيه (يولول) كالثكلى،وارجو من السيد/عقار إعادة النظر فى قرار حزبه القاضى بمهاجمة المدن وعلى وجه الخصوص مدينة الخرطوم وعليهم إستحضار ما جرى حينما هاجمة قوات الشهيد بإذن الله خليل إبراهيم مدينة أمدرمان وكيف أن النظام فى سبيل بعض الكسب الرخيص ضحى بعدد لا يستهان به من المدنيين وحسب تصريح (ابو رياله) كان يعلم بالهجوم الوشيك ولكنه سكت رغم علمهم بأن ثمة أبرياء سيسقطون ونأوا برجال القوات المسلحة ولم يموت منهم واحد 0


#270236 Sudan [حظيلمة القرمندلي ]
0.00/5 (0 صوت)

01-07-2012 01:38 PM
السيد مالك عقار .. اجمل تصريحاتك .. ان جنحوا للسلم جنحنا .. وان جنحوا للحرب .. فنحن علي استعداد .. حقيقة مثل هذه التصريحات .. تؤكد ان قلبك علي شعب السودان احن من البشير العوير .. بالرغم من ان الشعب السوداني علي قناعة تامه .. اذا وضعوك انت والبشير في حلقة مصارعة .. سوف تلتخ بيهو الواطه .. لكن البشير بتلكم من بروج محمية بكلاب الامن ومعتمد علي الهورات والنبذ والاساءات .. وتلك امور لا تتناسب مع رئاسة الجمهورية .. فرئيس الجمهورية مسئول امام الله عن اي فرد من افراد شعبه .. وبحكم سلطاته لا يجوز ولا يحق له اساءة اي فرد من شعبه .. بل تقتص له المحاكم ..ان كان ضرره شخصي .. وان كان الضرر قومي .. فالحكومة باجهزتها هي الكفيلة بالمحاسبة .. فيا عقار الشعب السوداني .. يرجو منك ان تمسح اساءة البشير العوير ليك .. في وجوه جميع المواطنين .. بما فيهم .. وداد مرت البشير .. وهل تصدق يا عقار .. ان البشير وامنه صادروا صيوان الفراش بتاع اولاد الشهيد الخليل .. والبشير العوير .. اصدر قرار جمهوري .. بمنع زوجة الشهيد الخليل .. من الحبس علي زوجها الشهيد .. وبتاعين الامن متابعين .. انفاذ القرار الجمهوري بعدم حبسها لزوجها .. واجبروها ان تتحنن وساقوها للكوفير ..


#270184 Sudan [SALAH]
0.00/5 (0 صوت)

01-07-2012 12:26 PM
الى المعلق الفارابي ارجو ان تتناول تعليقاتك بشي من الموضوعية اما اذا كنت تجهل شهداء النوبة والنيل الازرق ودارفورايام الاستعمار ارجع لتاريخ المقاومة السودانية للاستعمار لتعرف ثورة الفكي علي مودو مافلقو في جبال الميري غرب كادوقلي وثورة السلطان عجبنا في الدلنج وعلي دينار في جبل مرةوثورة اهالي فازوقلى في النيل الازرق


#270180 United Kingdom [SUDANI]
0.00/5 (0 صوت)

01-07-2012 12:23 PM
no doubt albashir is idiot,but we are all know 3gar is corrupted, he shared everything with them, pleaselet us say the truth, no one is inoocent, we have to get rid of all our old politcians,they got thier chance and what they did was mess.....


#270176 Saudi Arabia [Abudigana]
0.00/5 (0 صوت)

01-07-2012 12:17 PM
أنتم خونة......


#270155 Qatar [الفارابي]
0.00/5 (0 صوت)

01-07-2012 11:47 AM
ياالجعلي الاحمق ياخي الناس ديل اذكر لي واحد فيهم استشهد ايام مناهضة الاستعمار البريطاني والحاجه التانيه انت ما جعلي لان الجعليين لايصفون انفسهم بالحماقه يااحمق


ردود على الفارابي
United Arab Emirates [Kunta Kinte] 01-07-2012 04:29 PM
على عبداللطيف وعبدالفضيل الماظ ديل اشهرهم والماظ مات متكئ على رشاشو .... !!! بالمناسبة غيرم كتير لكن العيب فى النهج الاعلامى للدولة منذ الاستقلال ... النهج الفيهو اجزاء كتيرة من السودان مغيبه إعلامياً وحتى على مستوى المناهج الدراسيه

رديت عليك ولو عايز تعرف اكتر اقرأ تاريخ السودان من قبل دخول الاسلام واقرأ عن اول سلطنة اسلاميه فى السودان واقرا عن الثورة المهدية وعن فترات النضال ضد المستعمر منذ 1900 لحدى 1956

بس المشكلة انو سؤالك ما من اجل المعرفة وهو سؤال غير برئ فقط يدعو الى تقسيم السودانيين وبصفة خاصة تريد ان تزرع الشكوك حول وطنية بعض السودانيين من بعض الجهات

محاولة رخيصة جداً


#270100 Saudi Arabia [صابر]
0.00/5 (0 صوت)

01-07-2012 10:51 AM
أوضح السيد/ مالك عقار احترامه لعقلية المواطن السوداني في هذه التصريحات التي أدلى بها والتي لم يجاري رأس النظام فيها على الإساءات الشخصية \"حيث قال الرجل أن في كوستي يوم الثلاثاء التي وصف فيها عقار بالتور الاعمى قال مالك عقار ان \"الاستهداف الشخصي له من البشير في خطاباته لن تحل قضية السودان واوضح انه لو استهدف البشير ايضا بمثل ما استهدفه ايضا فان هذا لن يحل المشكلة لان قضية السودان اكبر من البشير وعقار ومع ذلك قال عقار انه يجد العذر للبشير لانه مضغوط من الداخل والعالم ويريد ان يجد له منفذا \".
من هو الثور يا ترى، الرئيس الذي يفتر ض أنه يحكم كل السودان وهو مرتاح في قصره ممتطيا لسياراته الفارهة مستمتعا بما لذ من إشباع شهوتي البطن والفرج أم المتمرد عليه الذي أحرقت أملاكه وأقيل من منصبه ورمي به في الأدغال وسط الوحوش والثعابين وغيرها؟
إنها لمأساة أن يحكم مثل هذا البشكير شعب توضح تصريحات عقار مثله وسماحته.
شكرا لك أيها القائد عقار وتأكد أنك تتمتع بكل صفات القيادة.


#270090 Bahrain [المتجهجه بسبب الإنفصال]
0.00/5 (0 صوت)

01-07-2012 10:43 AM
جارانج، خليل، عقار، عرمان رغم أنهم محاربون للنظام إلا أن لسانهم المهذب يوضح الفرق بين الرئيس واتباعه الاخرين من المؤتمر اللاوطني الذين يسبون الناس يمينا ويساراً ،،،، المركز عايز اعادة هيلكة اخلاقية ،،،


#270061 United Arab Emirates [كرار]
0.00/5 (0 صوت)

01-07-2012 10:14 AM
أنت يا المدعو عبدالعزيز
أى بلد تلك التى تتحدث عن مصلحتها؟
هل اختزلت السودان فى العاصمة المثلثة، بل فى عصابة العاصمة المثلثة؟ وتتحدث عن مصلحتها؟

ماذا تعرف عن ماسى الغرب ،الشرق،الشمال، الوسط او حتى غالبية اهل العاصمة؟
هل مصلحة السودان فى بتر ثلثه ورميه للغربان؟
هل مصلحة السودان ان تقوم مصر بإغتصاب حلايب فى ظل (إنبطاحة وبوس أرجل) حكومية مذلة؟
هل مصلحة السودان ان تستبيح اسرائيل كل الشرق وتعيث فيها فسادا دون ان تواجه حتى ببيانات تنديد لا تقدم ولا تؤخر؟

هل مصلحة السودان ان يكون بلا قانون القوى يأكل الضعيف، والواصل يأكل الفاصل؟
هل مصلحة السودان ان يكون رأسها وكبار الزبانيه مطاردون دوليا كالمافيه وعصابات النهب المسلح حتى ننعت بدولة (المطاريد)؟

الصومال ظلت بدون حكومة لأكثر من سنتين لم يصل بها الحال ما وصلنا اليه

فيا عبدالعزيز ،ان كنت انقاذى فمصلحتك الشخصية هى الدافع لكتابتك هذا التعليق
إما ان كنت معارضا فأنت عنصرى من ساسك لراسك


#270052 Saudi Arabia [ابومصعب]
0.00/5 (0 صوت)

01-07-2012 10:07 AM
كلام كبيييييييييييييييييير وكلام مسؤؤؤؤؤل ملئ بالوطنية


#270036 Saudi Arabia [محمد حسن احمد]
0.00/5 (0 صوت)

01-07-2012 09:43 AM
عمر البشير متخلف عقلياً ولايعرف غير لغة الأبقار والأغنام لأنه تربى في أحضانها بزرائب كافوري لذا فإن لغته وألفاظه تدل على انحطاطه إلى المدارك


ردود على محمد حسن احمد
Sweden [سوداني اصيل] 01-07-2012 11:52 AM
البشير قي طريقه الى ليبيا انشاء الله يحترق في الجو زي ما عملها في كتار من زملائه الضباط , او بالاحرى يتم اعتقاله بواسطة حلف الناتو وتسليمه للجنائية الدولية حتى يرتاح الشعب من شروره وتخرج انتفاضة زي ما خرج النميري الى مصر ولم يعد منها الى بعد خريف العمر علما بان النميري لم يكن مطلوبا دوليا انذاك.

Sudan [ابراهيم حمودة] 01-07-2012 10:31 AM
والله يا ناس الوحد خجل عديل كدة من مصطلحات البشير الذى بيطلقها كالعاد فى الزيارات الولائية يعنى شنو عبارة الحس كوعك جتتة كبير وعقلة صغير وكمان صاحبنا التانى عدلها شوية بعبارة بغاص الطير الله يستر هل بهذة العبارات دى السودان حيتقدم مستحيل يا شباب الكيزان والله علمونا طبائع عفنة عديل كدة الله يبدل الحال باحسن حال


#269974 Saudi Arabia [الجعلي الأحمق]
0.00/5 (0 صوت)

01-07-2012 08:26 AM
اقتباس (المعلق عبدالعزيز): \"يا ناس نحن نكره حكم البشير دى ما مشكله لكن كمان ما ممكن نقيف مع عقار ونقيف مع خليل ونفقيف مع الشعبى خلونا واقعين شويه الداير مصلحه البلد ياتو فيهم\"
هذا كلام فيهو شيء من العنصرية ، لماذا لا يمكننا الوقوف مع عقار أو خليل أو الحركة الشعبية، هل هؤلاء ليسو سودانيون أم ليسو بشر،،، شوف كم معلق علق على هذا المقال وكم منهم قال كلمات طيبة في حق هؤلاء القياديين ومن قال كلمات مثل كلماتك هذه التي تفوح منها رائحة العنصرية التي أرجعت السودان مئات السنين إلى الخلف،،،


#269968 Saudi Arabia [متفائل بسقوط النظام]
0.00/5 (0 صوت)

01-07-2012 08:20 AM

رد مفحم .. لكن من فضلك شيل الخيار الرابع ... لا مفاوضات ... المفاوضات كلمة يحبها النظام... فقط انتفاضة وثورة مدنية محمية بالسلاح والعمل العسكري ...


#269951 Sudan [SALAH]
0.00/5 (0 صوت)

01-07-2012 08:04 AM
واضح يا اخواننا عمر البشير ده من كلامه مضغوط ومزنوق وعايش في ازمات داخلية وخارجية متزايدة واخرهافقده للثقة في مدير جهاز امنه والتصنت على مكالمات ضباط الجيش كل هذه العوامل جعلته حاد اللهجة وفاقد للتركيز


#269941 Saudi Arabia [عدو النفاق]
0.00/5 (0 صوت)

01-07-2012 07:52 AM
يا من تسمي نفسك مجاهدا:

هل وفي قومك \"المتأسلمين\" بوعودهم؟ هل صدقوا الناس أم كذبوا؟ هل أدوا الامانة أم خانوا الدين وخانوا الوطن؟
أ ليست هذه صفات المنافقين؟


#269932 Sudan [gwarior]
0.00/5 (0 صوت)

01-07-2012 07:37 AM
أن لىمالك عقار ان يمد رجليه ....


#269926 Saudi Arabia [حزين جداً ]
0.00/5 (0 صوت)

01-07-2012 07:32 AM


ما أعرفه وأفهمه ... أن مالك عقار مواطن سوداني ويطالب بمستحقات المسحوقين

بالنيل الأزرق ...

وقد ضحكت لريسنا .... يصف المناضل عقار مره بالدبرة ...ومره بالثور ...


وعدة مرات يتحدث الريس عن السيارة والبيرق ...وأن عقار والي ... مالك عقار لا يريد

متعة نفسه وراحة نفسه بل يريد مستحقات مواطنيه ...وهذا حق شرعي ...

وإلي متي ينتهي الفساد وتنتهي العنصرية والمحسوبية ....

وصدقوني لك طاغية ومستبد نهاية ويوم مظلم ...





#269900 Saudi Arabia [اخو السمحات]
0.00/5 (0 صوت)

01-07-2012 06:29 AM
درس مجانى فى السمو ومعانى الوطنية الحقة والرفعة شكرا comrade عقار شكرا يا وجهنا القادم وصبحنا القرب


#269892 Saudi Arabia [wahied]
0.00/5 (0 صوت)

01-07-2012 05:59 AM
إذا أتتك مذمتى من ناقص فتلك شهادة لى بأنى كامـــل
البشير العوير ذو اللسان الطويل ترك كل شيىء بدأ بسب رموز المعارضة المسلحة بعد ان شبع ذما وشتما بزعماء الاحزاب اولا وهذه خصلة ذميمة لا تصدر الا من رجل ذميم ومكروه الشتم وطول اللسان عادة تبرأت منها النساء حيث كن يصفن بهذه الصفة السيئة . تخيل رجل مسئول ورئيس دولة يتكلم بهذه الالفاظ والتى لا تخرج الا من شخص شاذ وتافه . لقد سئمنا منك ايها البشير العوير وكل ما نرى شخصك الطاغى هذا يصيبنا القىء وهذه حقيقة لدى معظم المواطنين لأنك رجل شاذ فى كل تصرفاتك وطاغية مغرور بشرزمة من حثالة الكيزان المنتفعين والذين التفوا حولك وصفقوا لك وجعلوك ترقصا وتتراقص طربا وكبرياءا . انت اسوء رجل يحكم السودان منذ الاستقلال ولا اظن ان يأتى الزمان بمثلك بما اقترفته من قتل وتعذيب للمواطنين . تبت يداك ايها الفاسد المغرور متى تتعظ وتصحى من هذا الغرور الاعمى ؟؟ لا اظنك ذلك فلا خير فيك ومصيرك اراه اشبه بمصير القــذافى مــوت بذله واغتصاب بعيدان غليظة وسيخ يحمى بنار وتلك هى سوء خاتمتك فى الدنيا والويل لك من عذاب القبر يمهل ولا يهمل والايام بيننا .


#269880 China [عبد العزيز ]
0.00/5 (0 صوت)

01-07-2012 03:18 AM
يا ناس نحن نكره حكم البشير دى ما مشكله لكن كمان ما ممكن نقيف مع عقار ونقيف مع خليل ونفقيف مع الشعبى خلونا واقعين شويه الداير مصلحه البلد ياتو فيهم


ردود على عبد العزيز
Saudi Arabia [ود اللحوين] 01-07-2012 10:52 AM
لماذا لا نقيف مع عقار ؟؟؟؟
الم يكن اعف لسان من غيره لان الرسول الكريم صلى الله عليه وسلم قال لست المسلم بطاعن ولا بفاحش ولابذي صدق رسول الله
اين الدوله الاسلاميه التى يدعوا لها غير المسليمين الذين اذا عاهدوا نقضوا (اديس ابابا)
اذا اتمنوا خانوا (خيانه الامانه وحلف القسم حفاظ على السودان اين السودان) اذا حدثوا كذبوا اين هم من تضارب وكذب فى الكلام
لكن منذ ان سمعنا عقار بعد اتى بالاتفاقيه وشارك الحكومه لمن نسمع منه انه سب احد قط
ربنا ينصروا

Saudi Arabia [شنداوي] 01-07-2012 08:37 AM
دهـ نباحك يا امنجي يا وسخ ؟؟


#269877 United States [قاسم امين]
0.00/5 (0 صوت)

01-07-2012 02:55 AM
نطمئن الاخوة فى الحركة الشعبية ان فيلق الحرية وصل الخرطوم بسلام

وان الاسناد العسكرى والشعبى على اهبة واتم الاستعداد واجرى تجاربه

بنجاح وتم رصد المتحركات بدقة وحصر عناصر الامن من القيادة الى الجندى


وتمكنا من معرفة مكان المدعو ياسر كروم والبقية ولى قدام


#269872 Saudi Arabia [جدو]
0.00/5 (0 صوت)

01-07-2012 02:13 AM
الحرب سوف تقضي علي الخضر واليابس والن يبقي سواء اشلاء ماكان يعرف بالسودان الكل يبكي علي الحكم والكراس فمن يبكي السودان... فلا عرمانية عقار سوف تنفع السودان ولاعقارية عرمان سوف تنقذ السودان فلاالكيزان يرحمون ولا المعارضون يفهمون فيا اسفي علي بلدي ضاع ;(


#269855 Saudi Arabia [مجاهد]
0.00/5 (0 صوت)

01-07-2012 12:42 AM
يامن يسيرون بغير هدي وراء عرمان وعقار
اتقول ربكم في من لا يستطيع ان يتمتع بجنسية اجنبية ولا بعملات صعبة
ولم يرزقهم ربهم غير هذا الوطن ماؤي ان تخربوا عليهم حياتهم بالتنافس الغير شريف علي السلطة
ويا فيها الشعب السوداني انت بين خيارين صغبين اختيار بين المارركسيين الذين يبغضون كل ما في الديار حتى اسمائنا وبين الاسلاميين الذين هم منك واليك
لاتنخدع بما يرددون من شعارات ومايبثونه من اراجيف في القري والحضر فانهم لن يوفوا بوعدهم تساءل الله ان ينجي البلاد


ردود على مجاهد
Saudi Arabia [abusafarouq] 01-07-2012 05:57 AM
مجاهد عايز أعرفك مع منو وضح أم مدسوس من الامنجية لا إلى هؤلاء ولا إلى هؤلاء مذبذب بين ذلك . هنا حل وسط مافى إما مضلل أمنجى نفاقى بكلمات دينية غير صادقة أم معارض صرف لاغبار وصادق فيما تقول وشتان بينهما ..الواحد خلاص زهج من نفاق المؤتمرجية بأسم الدين والدين منهم براءة.. ومالك عقار بعد أساءة البشير بلكمات لايخرج من شخص مسؤل دولة إلا من جماعة رندوك فى حفر مجارى الخرطوم وهم يجيدون الحديث أحسن من البشير . وعقار بمثابة أستفتاح قبول كقائد للشارع السودانى لو قراءت كل المقالات والتعليقات من الجماهير
والشارع السودانى يغلى غلى المراجل ضد البشير وحكومته هو كل يوم يجمع موظفى وموظفات وطلاب أبتدائى التابعين للمؤتمر الوطنى غير الراشدين يخرجوهم قسرا من المكاتب والمدارس ليهللو ويكبرو مجبرين غير مختارين للبشير وبذاءات كلامه النتن
أرجو هذا الموقع ليس للمحبطين والمتخاذلين المنتفعين المرتشين من فضلك ..


#269852 France [صالح باريس]
0.00/5 (0 صوت)

01-07-2012 12:35 AM
الكيزان ابتدروا ظاهره ما كانت موجوده في السودان لكن فلبتحملوا عاقبه افعالهم هذه
ظاهره مش موجوده في السودان من قبل ولكن الان فلينتظروا القادم من قبل الشعب المقهور وحسب تقديري بأن نافع ,المتعافي ,طه ,خال البشير ,وعبد الرحيم في خطر وهذه مفاجأت2012 ترقبوا,,,اغتيالات بالجمله اذا ظلوا في الحكم هذا وهذا الكلام للتوثيق مني ,,,اقول لهم ارحلوا
قبل ان ترحلوا,
,,غدا اروع,,,
;(


#269851 Saudi Arabia [دنقلاااوي]
0.00/5 (0 صوت)

01-07-2012 12:32 AM
كبير ياعقار واتمنى ان ينتفض الشعب قبل وصول الحرب للمدن


#269844 United States [محمد احمد دافع الضرايب]
0.00/5 (0 صوت)

01-07-2012 12:02 AM
-البشير: عقار تور وأعمى بصيرة
-عقار: قضية السودان اكبر من البشير وعقار
سؤال بسيط...هسع الاعمى البصيرة منو؟


ردود على محمد احمد دافع الضرايب
Canada [سودانى طافش ] 01-07-2012 01:47 AM
أنحنا ديل العميانين بصر وبصيرة ! واحد زى البشير العوير دا يحكمنا ! الغريبة الكل بيعرف إنو جاء للحكم بإنقلاب عسكرى وبعد ده كله يجيك واحد يقول ليك ده رئيس منتخب من الشعب ! والأغرب من ده كلو قالو نحنا إسلاميين ولم نسمع واحد فيهم يقول للناس صلاة الصبح كم ركعة ولا يؤم المصلين يوم الجمعة وإن وقف أحدهم يصلى لابد من وجود حراسة مسلحة عليه !

Israel [ودكرسي] 01-07-2012 01:33 AM
قال البشير في خطابه يوم الثلاثاء بكوستي عقار تور واليوم عقار يقول السودان اكبر من بشير وعقار سبحان الله الفهم اقسام والله البيقول لي ابن ادم تور هو التور الله يكون في عون الشعب السوداني لو دا فهم الرئيس


#269841 United Arab Emirates [سوداني 100%]
0.00/5 (0 صوت)

01-06-2012 11:58 PM
ماذا لو تكلم عليك سفيه ؟، كثيرة هي المواقف التي نمر بها سواء كانت في عالم الانترنت والمنتديات خصوصاً او في الواقع الذي نعيشــــــه ,, وكثيرة هي الردود الجارحة او المسيئة لنا والتي قد تضعنا في موقف رد الاهانة بالاهانةاو ربما التجاهل والترفّع. يقول الشافعي رحمه الله :

يخاطبني السفيه بكل قبح .. فأكره أن أكون له مجيباً

يزيد سفاهة فأزيد حلماً .. كعود زاده الاحراق طيباً

ويقول شاعر آخر

ولقد أمر علي اللئيم يسبني .. فمضيت ثمت قلت لا يعنيني

ويقول آخر

سكت عن السفيه فظن أني .. عييت عن الكلام وما عييت

ولكني اكتسيت بثوب حلم .. وجنبت السفاهة ما حييت


#269840 Sudan [بت فداسي]
0.00/5 (0 صوت)

01-06-2012 11:50 PM
البشير وزمرته من المجرمين لا يستطيعوا أن يسموا بأنفسهم من المهاترات والبذاءات وينظروا لقضايا الوطن خارج هذا الإطار المحدود



#269826 Netherlands [حسن علي]
0.00/5 (0 صوت)

01-06-2012 11:26 PM
هكذا تكون القيادة في الترفع عن سفاسف الأمور وسفيه القول...هذا درس مجاني للدكتاتور الذي قضي 23 عام في الحكم وظل خالي الوفاض من أي وعي سياسي. لأقد ألقمته حجرا يا حفيد عمارة دنقس


#269824 United Kingdom [خالد حسن]
0.00/5 (0 صوت)

01-06-2012 11:25 PM
قال عقار (قال مالك عقار ان الاستهداف الشخصي له من البشير في خطاباته لن تحل قضية السودان واوضح انه لو استهدف البشير ايضا بمثل ما استهدفه ايضا فان هذا لن يحل المشكلة لان قضية السودان اكبر من البشير وعقار)
هسع بالذمه المفروض يكون رئيس من تو ر منه ؟ مال عقار زول حكيم وعقله كبير والبشير تور أرعن وعقله فى جزمته .. معذور ياعقار البشير عسكرى ... لازم يكون عقله فة بوتو


ردود على خالد حسن
Saudi Arabia [abusafarouq] 01-07-2012 02:42 PM
أخى المحسى أختلاف الرأى لايفسد غياتنا وكلنا هدف واحد هو خلع النظام الباغى علينا بالحديد والنار وفرض الامر الواقع . الإنفعال والهستيريا الذى ادخلنا فيه هذا النظام يتركنا نغفل بعض الاشياء وأشكرك وأعتذر لو كنت أسأءت إليك أو غيرك لأننا فى معركة ما معروف من القاتل والمقتول . لكن قولك الجلوس فى مفاوضات تخرج البلاد من الحروب والمشاكل لايلوح فى الافق ظل منشار البشيرالمسلط على أى أتفاقية مشكلتنا يا أخى البشير هو الرئيس والمشرع والقاضى والمحامى والامر والناهى لا أحد غيره يملك قرار نتعامل مع رجل جاهل لم يعى ما يقول يفعل فينا كأننا حقل تجارب سياسات فاشلة ...

Sudan [محمد المحسي] 01-07-2012 11:19 AM
الي الاخ الذي علق باسم ابو سفروق: ا
اولاً اتفق معك لا بد من الوضوح لكن وقوفنا ضد عقار وعلرمان لا يعني نحن من كلاب الجبهة بل نحن نشفق علي تاخير قيام الثورة ضد المؤتمر الوطني وحلفائه اصحاب المصالح من الاحزاب التقليدية بسبب هؤلاء لان الشعب يعلم قصر قامتهم امام ناس الانقاذ . لقد مللنا من تكرار التعليق حول تحالف كاودا وحركة العدل والمساوة بانهم لن يقودوا ثورة لان هدفهم غير واضح وممكن يدخلوا في حوار مع النظام القائم في اي لحظة كما قال عقار في مقاله . نعم ممكن المشكلة تحل بتيعينه والياً او وزيراً !!!!!!! نحن مع الثورة الواضحة التي هدفها اسقاط النظام القائم ومحاكمة رموزه وحل مشكلة الحكم في السودان بقيام دولة علمانية لا تفرق بين المواطنين دينياً ولا عرقياً ودولة ضد العنصرية و الجهوية .
اذا كانت هنالك فيادة منظمة لتنفيذ هذه الاهداف سوف ننخرط جمسعاً تحت رايتها ويمكن لعقار وعرمان وغيرهم ان يدعموا هذا النهج ولكن لن نسمح لاحد يقيادتنا لاننا لا نثق في قدراتهم خاصة فارغ الذهن سبانا الحالم المناضل من الفنادق ياسر عرمان.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.17/10 (55 صوت)

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة