الأخبار
منوعات
يطلق عروسه يوم زفافها بسبب الرقيص
يطلق عروسه يوم زفافها بسبب الرقيص
يطلق عروسه يوم زفافها بسبب الرقيص


08-03-2010 05:08 AM
شهد أحد الأحياء العريقة بالخرطوم قصة طلاق غريبة حيث قام العريس بتطليق عروسته في ليلة الزفاق .. ونجد التفاصيل المؤلمة والتي دارت بين العروسين بعد انتهاء مراسم الزيجة، وفي صبيحة اليوم الثاني والذي أعدت فيه العروس برنامجها الخاص بالرقيص حيث تفاجأ العريس ورفض ذلك لكن تدخلت بعض النساء بأداء دور الأجاويد والإصلاح لجعل العروس ترقص، دون قناعة وافق العريس وما أن اعتلت العروس المنصة التي خصص للرقص وعندما خلعت ثوبها تفاجأ العريس بما كانت ترتديه للرقص فرفض ذلك وطلب منها أن لا ترقص ولكن الحفل قد بدأ، وحدث شد وجذب في الحديث وتطور الأمر وتحول إلى نقاش حاد مما دعا لتدخل أفراد الطرفين من المعازيم ولم يكن أمام العريس سوى أن يرمي يمين الطلاق على عروسته وهي ترتدي أغلى زينة وأجمل الحلى ، وتدخل بعض الحاضرين لإصلاح الحال وإرجاع العروسة له، لكنه كان مصراً على تنفيذ رأيه وضاعت كل محاولاتهم سدى.

الدار


تعليقات 41 | إهداء 1 | زيارات 13851


التعليقات
#20589 [الهدهد الحاضر]
0.00/5 (0 صوت)

09-01-2010 07:29 PM
طيب العريس ده لو لوح بكلمة الطلاق ساكت مش كان كل قردة طلعت جبلايتها . بعدين المسائل دي بيتم الإتفاق عليها من بدري عشان الوحدة تكون جاذبة ولا كيف؟؟


#18009 [monaya]
0.00/5 (0 صوت)

08-24-2010 07:48 AM
اولا مفروض اى عروس تخطر زوجها بنوع البس اللى حاتلبسو لانو بعد ده هى عرضو ومن حقو يعرف . ثم ثانيا الواحدة شنو يعنى ترقص شبه لابسه . يابنات دى ماشيمنا .


#16495 [عبدالناصر]
1.00/5 (1 صوت)

08-17-2010 07:32 PM
رمضان كريم يا خوانا .......... والله أرجل سوداني . سوداني صح


#16205 [abood]
5.00/5 (1 صوت)

08-16-2010 03:35 PM
والله راجل و احيي الرجالة الفي قلبك والهاشمية الما انتهت من السودانيين قال شنو اجاويد هو الأجاويد ديل بعدين بكونوا معاهم في بيتهم


#15843 [ارم]
0.00/5 (0 صوت)

08-15-2010 09:46 AM
دا الكلام ، بس ياريت النساء يتعظن ويتخلن عن العادات الغير شرعية ،ويطعن ازواجهن ، وربنا يكثر من امثالك الغيورين على اعراض زوجاتهم ونساء المسلمين جميعاً . اتقوا الله في أعرلضكم .


#13046 [مهيرة]
0.00/5 (0 صوت)

08-05-2010 02:45 AM
الــــــدار يا دار المهــــــــازل

اتذكرت الدار لم جابت خبر قتل فتاة البرتقالة على يد ابن عمها وبعد يومين

طلعت المؤودة ترقص في ثلاثة كليبات اخرى :D

عشان الناس تبطل كضب عاوزين عمر فوق أعمارنا وعشان صحافتنا تبطل تخريف

وتلفيق مستحيل إلى أن تقفل أبواب التوبة يوم الميعاد

بالنسبة لحكاية الرجالة دي أنا مافاهمة هل هي بتتوجه بس على بنات حواء!!

لو كدا اخير صاحب النيافة يلبس طرحة ساي لانه الكلام بكون مع الرجال زي ما اخدة منهم
و الرسول صلى الله عليه وسلم قال ليس

القوي بالصرعة وانما القوي من يمسك نفسه عند الغضب

كفاية طراطيش هوجاء خاوية و رعناء وتخبط في الافكار الهدامة والعقيمة ،

وليأتي كل ذي دين وصاحب شهامةو(رجالة) ويعمر البلد البجد محتاجة (لرجالها)







#13034 [algayoor]
0.00/5 (0 صوت)

08-04-2010 11:26 PM
طبعا هذا التصرف من العريس قديراه البعض حماقة وبعضهم يراه رجاله ولكن في تقديري بانه من غير المعقول ان يكون فات على العريس موضوع رقص العروس واكيد اتناقش معاها لكن خالاتها وعماتها فاجئوه بسياسة الامر الواقع 0 من هنا كان يجب على العريس اما ان يثبت شخصيته ومكانته كرجل ممسك بزمام اسرته او ان يسلم دقنه ، وماكان عنده غير هذان الخياران فما كان منه غير ان يثبت ذاته ودي حادثه اتمنى ان تستفيد منها البنات عليها ان تحترم رغبات الزوج كرجل وكرب اسره وتبعد من سماع كلام الشمات لاحقا


#13018 [المجروح ]
0.00/5 (0 صوت)

08-04-2010 09:31 PM
ممكن الأغلبية تكون قرأت تكرار مثل هذا الحادث المستجد والمؤسف في المجتمع، ياجماعة الزواج
وتكوين الاسرة ليس لعب وغير قابل لعدم الجدية والمهازل والحلول الوسط للامور
خاصة في بداية المشوار واكيد متفقين معاي وذلك بناء على عادات ومفاهيم متوارثة
ومتأصلة في الشعب السوداني بغض النظر عن شرعيتها او عدمه ــ والامثال الشعبية
المؤيدة لذلك عندنا كثيرة مثل ( اقتل كديستها قبل ماتقتل كديستك ؟؟؟) ( شد واركب
اول ) بمعنى سيطر عليها بأوامر وان كانت مختلقة وعليها تنفيذها في الايام الاولي دون سؤال اوإستفسار ـ والدليل على ترسيخ هذا المفهوم هو ان لم تكن كك التعليقات على الموضوع فأغلبها بطريقة او باخرى يؤيده ؟؟ اليس كذلك .
وعليه ـ اوصى الشريكين في الحياة الزوجية قبلها وبعدها الاتفا ق على كل خطوات الزواج من الالف
الي الياء حتى لايدخل الشيطان في اللحظات الاخيرة ويكون هو المنتصر ونحن الضحية ؟؟
*


#12924 [محب]
0.00/5 (0 صوت)

08-04-2010 03:38 PM
انا بعتقد كان في الف حل وحل وكماذكرت بعض التعليقات انو الرجالة ماكده وليست لبس وشنب وعكاز وحماقة وهذا المفهوم تتضررنا منه كثيرا في جميع المستويات الاجتماعية والاقتصادية والسياسية ومايتجذر في المجتمعات من عادات صعب ان يحل بمثل هذا التصرف اسال الله العفو والعافية.


#12866 [mohamed Elmontasir]
0.00/5 (0 صوت)

08-04-2010 12:22 PM
بورك والله الطلاق عجبني ليها دي الرجاله ولا بلاش


#12860 [DYDY]
0.00/5 (0 صوت)

08-04-2010 12:16 PM
سبحان الله ... بس أكيد اي حاجة بتحصل عندها سبب و أكيد ربنا قدر انو الزولة دي تطلق ولا كان في زول صورها بموبايل و لا كاميرا و كانت انتشرت و بقت فضيحتها بجلاجل


#12791 [shakir]
0.00/5 (0 صوت)

08-04-2010 09:18 AM
عفيت منك يا ابو الرجال ,,, ما معني تبرج العروس امام المعازيم و اظهار مفاتنها ,, يوم ان من الله عليها بالستر تتكشف


#12782 [دقاش ]
0.00/5 (0 صوت)

08-04-2010 09:05 AM
مبروك يا عريس ودا درس لأولياء الأمور قبل العروس ، دائماً في مراسم العرس يكون الرأي نابع من صاحبات العروس والنساء من أهلها والعريس قال ما عايزها ترقص ، في داعي هي تصر على رأيها ،خمي وصري بقيتي عزبه ليلة الدخلة والكانو بشجعوك على الرقيص بقن يضحكن عليكي ويقولو طلقوها يوم دخلتها ، ودا كلو لبعدك عن الدين .... آمل ان يكون هذا درس لكل بنات حواء


#12770 [ابوريناد]
0.00/5 (0 صوت)

08-04-2010 08:29 AM
إييعععع..... ضكر والله..
ترقصى ل ورا...وراوراوراورا...


#12702 [ياسر]
0.00/5 (0 صوت)

08-04-2010 02:01 AM
والله يا جماعة انا بعتقد انو التعليق ساهل جدا كونو اقول العريس دا راجل ومكمل الرجالة على حسب الهاشمية اللى فينا احنا كسودانيين -ولكن الواقع عن تجربتى انا فى الجامعة وفى كتير من احياء الخرطوم عن جيل الشباب وبالاخص شابات الجيل دة عدا القليل من ما رحمهم ربى-الجو العام والغالب بتاعهم لمعظمهم وبقول بى كل صراحة وانا فى نصهم ناس بتاعين طرب ورقيص وطلعات وصداقات وحفلات وسهر على الشات والماسنجر
وده كلو من دون الاهل ما يجيبو خبر -اما عن موضوع الشجاع اللى طلق مرتو دا انا بعتقد انو عقلو صغير واشك انو ما هو اللى دفع تكاليف العرس واشك فى انو كان عندو مية واحدة قبل البت دى ويعنى شنو البت رقصت فى عرسها قدام زوجها واهلها واحتفلت بى ليلة عمرها -ما اهى دى الجامعات اغلبها الجكس بتاعها برقص الليل والنهار بدون عرس


#12692 [جوكي]
5.00/5 (1 صوت)

08-03-2010 11:38 PM
هييييييييييييييع تسلم البطن الجابتك هو لحتي الان في رقيص عروس شنو الدقه القديمه دي مرجفه وربنا يهديها كمان


#12690 [عبدالحفيظ ابوبكر]
0.00/5 (0 صوت)

08-03-2010 11:33 PM
بصراااحه تصرف سليمـ اولا علشان تصير عبرهـ لكل بنت تفكر تعمل وكده وكمان علشان كل الناس تعرف ان الشي ده غلط ... ورقص العروس بهذه الصوره حراااااااام واكيد دي عاده قديمه خاطئه لان الاسلام لما جاء اجتث من العلرب كل العادات السيئه ومفروض احنا كمان نحاول نجتث من عاداتنا سيئها ..


#12674 [حسن]
0.00/5 (0 صوت)

08-03-2010 09:18 PM
يا جماعة إنتو ما تقارنو زمان بالزمن الحاضر لانو وسائل التصوير والنقل اصبحت متيسرة جدا يعني بعد شوية تلقى رقيص العروس في أي موبايل وفي أي كومبيوتر...ومافي زول يرضى كده لمرته وهي بالمظهر دا في متناول الجميع وحتي ممكن تنزل المواقع الالكترونية.


#12672 [ابو سنب]
0.00/5 (0 صوت)

08-03-2010 09:13 PM
هذا بسبب مناقشة التفاصيل قبل الزواج ويااخوانا هناك رقيص غريب دخل السودان حيث ترقص العروس عارية والله يستر الحال


#12614 [حسبو ]
0.00/5 (0 صوت)

08-03-2010 04:02 PM
ده اسمو ضيق الافق من العريس..انا باعتبر انو ربنا ريح المراه دي من رجل حمقنجي زي ده


#12612 [ابوا مهند]
0.00/5 (0 صوت)

08-03-2010 03:56 PM
عفيت منك والله ياجدع


#12611 [السادات]
0.00/5 (0 صوت)

08-03-2010 03:54 PM
وبعدين يا اخوانا حكاية الطلاق قبل الدخلة دى شنو ........... على راى زولة لكن بكون اتعشى بصل بس


#12609 [ودالدخـــــــــــــــري]
0.00/5 (0 صوت)

08-03-2010 03:45 PM
راجل
عافي منك


#12600 [ود البلد]
0.00/5 (0 صوت)

08-03-2010 03:12 PM
المفروض يكون في إتفاق قبل عقد القران إنو مافي رقيص لكي لا يتفاجأ العريس ويحصل مالايحمد عقباه ولكن للأسف حصل ماحصل


#12555 [ودالرهيد]
0.00/5 (0 صوت)

08-03-2010 12:37 PM
خيرا فعل العريس بطلاقه لهذه العروس التى لم تطيعه فى اول يوم لزواجهما عندما طلب منها عدم الرقيص فكيف سيكون الامر فى بقية ايام حياتهما الزوجية


#12539 [emad]
0.00/5 (0 صوت)

08-03-2010 12:08 PM
العريس كلامك 100% وربنا يكتر من امثالك وهذه رساله للبنات المطلوقات قال رقيص العروس قال


#12492 [sas]
0.00/5 (0 صوت)

08-03-2010 10:26 AM
كلا عمرابي 100% صاااااااح


#12480 [حاتم]
0.00/5 (0 صوت)

08-03-2010 10:18 AM
دلوكة كبير .


#12462 [زوله]
0.00/5 (0 صوت)

08-03-2010 09:48 AM
يعنى العروس باتت القواه والعريس اتعشى فول


#12434 [عمرابي]
0.00/5 (0 صوت)

08-03-2010 09:05 AM
دا راجــــــــل حمار لانو الموضوع ممكن يتحل بي شكل احسن من كدا
ربنا لم قال ابغض الحلال عند اللة الطلاق ماساي و لم خلي العصمة فى يد الراجل ما عبث
فى ناس كتيرة هسة شايفة الزول دا رااااجل و مكمل الرجالة لانو طلقة لكن الرجالة ما علي مرا والرجالة ما بنطلون و قميص و كواريك الرجالة مواقف وعلاج لي مواقف
ويا محترم اكلمك امك رقصت و اختك رقصت و خالتك رقصت و بتك حترقص طلقم كلهم عليك اللة


#12417 [ابو حاكم]
0.00/5 (0 صوت)

08-03-2010 08:23 AM
هع عافي منك راجل ود رجال دي رجالة السوداني الغيور على عرضوا وشرفوا ;) الاخ خليفو زمن الجهل فات الله يهديك ويهدي نساء وفتيات السودان ويبعد عن الفتن والعادات والتقاليد المحرمة شرعن . راااااجل


#12414 [ود الابيض]
0.00/5 (0 صوت)

08-03-2010 08:20 AM
مبورك والله الطلاق عجبني ليها دي الرجاله ولا بلاش ...رقيص عروس وكلام فارغ وقلة ادب والله الرجال كلهم لو زيك يا بطل كانت الدنيا بخيرا .......انا امزعلن والمطلع ميتين ابو اهلي الحفلات البتقام في الانديه العامه مثلا نادي الضباط ونادي الشرطه النساء لابسات والله العظيم لبس ذي لبس النوم وتلقى رجالهن واخوانهن يعاينو ويرقصو معاهن والعاسكر بره حارسين المدخل وتلقى ازواجهن او اخوانهن الويه ورجالات نظام عام .لا اله الا الله اللهم ثبتنا على ديننا يا كريم


#12394 [أحمد]
0.00/5 (0 صوت)

08-03-2010 07:16 AM
هذا الرقص حرام100%

أي واحد يؤيد رقص العروس كما هو متبع في السودان راجل خائب وكمان ديوس .

هذه عادات قبيحة يجب أن تحارب بشدة .


ردود على أحمد
Qatar [طارق سهيل] 08-03-2010 07:48 AM
راجل والله ود رجال

رقيص العروس دا كان زمان ايام الجهل والتخلف

المفروض الحياة الزوجية ما تبدأ بمعصية زي دي

وبكرة لمن يشوف مرتو بترقص في النت

حيموت من القهر

سبحانك اللهم بحمدك اشهد ان لا ‘له إلا انت استغفرك واتوب إليك


#12391 [تحية للعريس]
0.00/5 (0 صوت)

08-03-2010 07:12 AM
تحية خاصة جداً للعريس وهو يدافع عن عرضه واحيه على قول الحق علناً فكيف تظهر المراة امام الناس تتلوى كالافعى وتظهر مفاتنها سواء بالثوب او بغيره - فالتذهب العادات والتقاليد الى الجحيم وهى تتعارض مع الدين --اتقوا الله فى أعراضكم


#12390 [sami khalifa]
0.00/5 (0 صوت)

08-03-2010 07:10 AM
بسم الله نعوذ بالله من الفتن ما ظهر منها وما بطن
نعرف ان رقيص العروس عادة سودانية اصيلة وهو خاص بالنساء فقط ولكن نحن في زمن التطور التكنلوجي بحيث اصبح من الممكن تصوير العروس وهي ترقص بثياب خاصة بالرقيص وعادة ما تكون خليعة وتنتشر المقاطع دون علم او رضا العروس واهلها لدي كل من هب ودب عبر البلوتوث والانترنت (النماذج كثيرة ومعروفة)اذا فالزمن تغير.
من ناحية ثانية يجب ان يتفق العريس والعروس علي مراسم الزواج (عقد فقط- عقد وحفل زفاف -عقد وحفل زفاف ورقيص عروس ) كل حسب قناعاته قبل فترة كافية ويتم ذلك عن قناعة بحيث لا يتدخل الاهل تفاديا للمشاكل وعلي الاهل ان يكونوا عقلاء بعيدي النظر والعروسات عليهن الاهتمام بالامور المهمة وعدم الالتفات الي البوبار والامور السطحية
وربنا يحفظ ولايانا وولايا المسلمين


#12385 [قباني]
0.00/5 (0 صوت)

08-03-2010 06:52 AM


العمليه بايظه من اولا


#12384 [محمد صلاح]
0.00/5 (0 صوت)

08-03-2010 06:52 AM
رفض العريس لرقيص العروس بشبه ملابس موقف سليم يجب ان تنتهي عادات رقيص العروس اذا كانت الملابس شاذة بالذات اذا كان من الحاضرين رجال حتى وان كانوا بالطريقة السودانية ديل ما غربا ديل اهل وجيران وزملاء واصدقاء بس !!
في هذه الحالة تدخل الشيطان بقوة حيث كان يمكن ان تعالج بشكل او باخر بهدوء ولا حول ولا قوة الا بالله


#12378 [موسى الكاهلي]
0.00/5 (0 صوت)

08-03-2010 06:34 AM
و الله العظيم راجل و ود رجال و وارث الرجالة من جدودك دا الكلام الصاح بلاش مسخرة و قلة أدب قال رقيص عروس قال لو كانت بترقص بتوبها البطن ما فيها وجعة لكن الشفناهو نحن يخلوهن يرقصن عرينات يا ناس أتقوا الله في عروضكم الواحد يخلي بنتو و أخته ترقص عريانه وسط الملايين يخص عليكم و الله العريس دا رااااااااااااجل و إن شاء الله دي تكون عبرة للباقيات الهايفات


#12377 [خليفو ]
0.00/5 (0 صوت)

08-03-2010 06:31 AM
زول غبي و دي عادات سودانية , وتلقى امك زاتة رقصت


#12352 [ابو احمد ]
0.00/5 (0 صوت)

08-03-2010 05:31 AM
والله راجل ودا مفروض يحصل لغلية ماتنتهى فكرة تجارة الأجساد المقننة الوجودة فى السودان ، وهل ينفع العرض بعد ما الواحد يكون خلاص إتورط وعقد ودفع ولا هو بس شيطان المعاصى الوجود فى راس المرأة السودانية.
وإذا كان الرجل الداخل على المرة جديد شعر بالنخوة وين دور الأب والأم ولكن دور الأب دائماً بيهمش بإنو دى مواضيع نسوان علماً بإنو الطلقوها دى رجع يصرف عليها الأب الغلبان من جديد ويشيل همها وبقى إسمها فى المجتمع ثيب أو بالبلدى عذبا


#12349 [ود السودان]
0.00/5 (0 صوت)

08-03-2010 05:21 AM
دهـ كلام صاح يطلقا طوالي ,, واي بنت ماتسمع الكلام تاخد علي راسا ,, بنات اخر زمن دايرات الفشخره وقلت الادب ,, والله ينتقم من العملو رقيص العروس والكلام الفارق ده ,,
زول داير يعرس يمشي يعقد في الجامع وشوال بلح وكان الله يحب المحنسين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
8.80/10 (63 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة