الأخبار
أخبار إقليمية
نافع : احداث نيالا لا تعبر عن رفض شعبي للوالى المعين.. نحن مع استمرار صادر نفط الجنوب حتى ولو لم يتم الاتفاق المؤقت او النهائي لعلمنا بحاجة واعتماد حكومة الجنوب عليه.
نافع : احداث نيالا لا تعبر عن رفض شعبي للوالى المعين.. نحن مع استمرار صادر نفط الجنوب حتى ولو لم يتم الاتفاق المؤقت او النهائي لعلمنا بحاجة واعتماد حكومة الجنوب عليه.
نافع : احداث نيالا لا تعبر عن رفض شعبي للوالى المعين.. نحن مع استمرار صادر نفط الجنوب حتى ولو لم يتم الاتفاق المؤقت او النهائي لعلمنا بحاجة واعتماد حكومة الجنوب عليه.


01-24-2012 11:25 PM
أكد الدكتور نافع على نافع مساعد رئيس الجمهورية نائب رئيس المؤتمر الوطنى لشئون الحزب ان الاحداث التى شهدتها مدينة نيالا حاضرة ولاية جنوب دارفور الثلاثاء لاتعبر عن رفض شعبي للوالى المعين فى اطار اعادة تقسيم الاقليم انفاذا لاتفاق الدوحة مشيرا الى ان الوالى يجد ترحيبا واسعا من جماهير الولاية ولايعنى تجمهر وتظاهر مجموعة من البشر ان ذلك يعبر عن مواقف كل اهل الولاية .
وقال هذا الامر يمكن ان يعرض للبحث رغم اننا متاكدون جدا من وجود قبول واسع للوالى الجديد فى جنوب دارفور بذات القدر من القبول الذى وجده عبد الحميد كاشا فى شرق دارفور موضحا ان كاشا اعتذر عن التكليف لاسباب يرى انها موضوعية وقد تم قبول اعتذاره رسميا وشعبيا وسوف يعين والى بديل .

الى ذلك وصف نائب رئيس المؤتمر الوطنى لشئون الحزب ما اوردته بعض الصحف حول استقالة رئيس القطاع السياسي بالحزب الدكتور قطبي المهدى وصف النبأ بأنه ( كلام جرائد ) وزاد "اصلا التعديل فى القطاع معروف وانا كنت شخصيا قد تحدثت عنه مع قطبي " وقد كتب مذكرة طالب فيها بتعجيل التعديل نافيا ان يكون الامر استقالة او تعبير عن موقف يتمناه المرجفون .

و اكد الدكتور نافع على نافع مساعد رئيس الجمهورية نائب رئيس المؤتمر الوطنى لشئون الحزب ان التوصل لاتفاق نهائي وعادل بين السودان وحكومة الجنوب حول النفط يمثل الخيار الاول والافضل للسودان .
وامن على امكانية القبول باتفاق مؤقت عبر الوسطاء يستمر خلاله تصدير نفط الجنوب عبر الشمال مع استمرار الحوار على ان توفق الاوضاع وفقا لما يتم التوصل اليه من اتفاق نهائي واكد سيادته ان السودان مع استمرار صادر نفط الجنوب حتى ولو لم يتم الاتفاق المؤقت او النهائي لعلمه لحاجة واعتماد حكومة الجنوب عليه ، على ان نقوم بتقدير حقوقنا كاملة ويتم اخذها عينيا مقابل رسوم الخط والشحن والتصفية وقال حتى هذا يرضخ فى النهاية للتسوية وفقا لحسابات الاتفاق النهائي .

وقال نافع : نحن سياساتنا وتعاملنا مع قضية الجنوب والنفط مستقرة وواضحة جدا ولن تتاثر بموقف عارض .
واقر د. نافع فى تصريحات صحفية بالمركز العام للمؤتمر الوطنى ان حكومة الجنوب هى صاحبة القرار والحق فى تصدير نفط الجنوب او وقفه واكد نافع التزام السودان وحرصه على استمرار عمل الوساطة واعلن عن ترحيب السودان بأي جهد يبذل او مبادرة من اجل التوصل لاتفاق وامن فى هذا الصدد على حق الصين فى ان تسعى للتوفيق بين الدولتين وقال الصين مستثمر فى النفط السودانى ومن حقها ان تسعى للتوافق لانها تتأثر بالاتفاق بين البلدين .
ونوه سيادته ان الاتفاق او عدم الاتفاق حول النفط لن يكون ثمنا او سببا لحشود او اعتداء على منطقة ابيي وقال نحن نرفض ذلك وسنهزم اى محاولة للاعتداء على المنطقة .


سونا



تعليقات 54 | إهداء 0 | زيارات 12070


التعليقات
#281929 [السياسي]
0.00/5 (0 صوت)

01-26-2012 10:23 AM
ماذكره الدكتور نافع كله حقائق لا تحتاج منا للدفاع عنه رغم خلافنا السياسي معه الا اننا نؤيد ذهاب كاشا من هذه الولاية لأنه عمل في هذه الفترة لنفسه لا لولايته وذلك بالمقارنة مع ما أسس له الحاج عطا المنان في جنوب دارفور والذي عمله خدمة للولاية وأبنائها لا لشخصه كما فعل كاشا ، ان اللذين يخرجون من أجل عبد الحميد موسى كاشا ما عرفوا مصلحة الولاية انخدعوا بالمظاهر التي خرج بها عليهم كاشا بملاقاة الناس في السوق الكبير وسلامه عليهم في الطرقات ولقاؤه بالطلاب في حرم الجامعة ظنا منه أن هذا سيشفع له عند المكتب القيادي لكنه أغفل جوانب مهمة في تقييم المكتب القيادي للوطني مثل علاقاته الشخصية ودوره في السلام الاجتماعي وبعده عن الاحزاب والتنظيمات السياسية الموالية والمعارضة وحصر نفسه في محلية نيالا دون غيرها من المحليات في اختيار الكفاءات لادارة المحليات اضافة لتصريحاته الصالونية بعدم احترامه للقرارات والتوجيهات التنظيمية وآخرها عدم استجابته لاداء القسم واليا على اهله في شرق دارفور( يا ناس ، كاشا ده حقو يشوف ليهو استديو في الضعين يمشي يقعد فيه بدل اللغوسة البسوي فيها هو وأهلو في نيالا البحير) وله منا التحية


#281771 [abusafarouq]
0.00/5 (0 صوت)

01-26-2012 06:23 AM
أبو العفين لايملك إلا خبث الكلام تظاهرة ضد الوالى قال لاتعبر عن رفض سكان الولاية قال .. الراجل بقى الكلام المتزن فى جهة وهو فى جهة أخرى وأبو العفين لو كان شخص سوىء له شخصية لأستقال من جميع مناصبة فى الحزب والحكومة وجلس فى بيت أبيه إن كان أبيه يملك بيتا أصلا فى الخرطوم بعد تفشيل البشير لمفاوضاته مع عقار فى أديس لكن ولى نعمته لايستطيع مفارقته والاستغناء عنه رقم غناه الفاحش من مال الدولة وسبحان الله البشير يتفشى بإنشاء ولايات فى دارفور لتغطية نقص الولايات الجنوبية الخرجت من المعادلة السياسية والاقتصادية . من باب أولى تقسيم الولايات الشمالية الى عشرة ولايات هى الصح على حسب نسب وزراء الحكومة وحكام الولايات . وصاحب العقل يميز ماذا قصد البشير بتقسيم دارفور بهذا الكم من الولايات تصغير الخريطة الجغرافية لكل ولاية فى دارفور والتحكم والسيطرة على الولايات الغنية بالثروات لصالح الشمال أمنيا وسياسيا وتهميش إنسان درافور الذى أنتظر السنين العجاف ليتمكن من أستغلال ثروته لصالح تنمية إنسان دارفور المهمل والمتخلف أقتصاديا .. سوف يبقى ثروة دارفور كما ألة إليه الحال ثروة جنوب السودان أمتلئت به جيوب حكام الشمال دون تطور الفرد السودانى تنمويا فى أى ولاية بالسودان عدا مظاهر الكذب بمشاريع فى الشمال ..


#281697 [شجر]
0.00/5 (0 صوت)

01-25-2012 10:40 PM
من حفرة حفرة لاخيه فوقع فيه السيد موسى كاشا وصاحبه وزير الاعلام المهندس على مسار هم مسؤولون رسميا فى تقسيم دارفور
وكل كلام موسى كاشا مسجل فى التلفزيون السودانى عند ما قال انه سينتقل باسرع وقت لشغل اي منصب فى اي ولاية جديدة او اي منصب حكومى اخرى فهذا المظاهرات لها مصالح معينة لشخصيات معينة ولقبيلة معينة وعلى راسهم لسيد موسى وقبيلته فمن الاسف والمستغرب جدا عن يقتل ثلاثة مائة الفى شخصى فى دارفور وياتى رئيسهم البشير ويقول ان الرقام الذى ذكرها الامم المتحدة بشان دارفور ليست صحيحة و ان العدد الاصلى الذى قتل هو عشرة الفى شخص فقط ولم يخرج احدا من مواطنى نيالا للمظاهرة حيث يخرجون اليوم بسبب اعفاء قريبهم موسى كاشا من منصبه فيا للعار





#281683 [شاهين]
0.00/5 (0 صوت)

01-25-2012 10:11 PM
ماذا يمتلك نافع لاهل السودان حتى صارت له هذه السلطة المطلقة على السودان وشعب السودان ماذا قدم هذا الرجل وحزبه للسودان وشعبه وان استمر هذا الرجل في حكمنا فباطن الارض خير لنا من ظهرها


#281681 [سوداني سناري]
0.00/5 (0 صوت)

01-25-2012 10:03 PM
السلام على الجميع ويارب تخلصنا من هذه العصابة.
أخونا dagasha وبقية الإخوة بالله رجاء خاص إذا إستشهد أحدكم بالقرآن فليأت بالآية كما هي وإذا أتى بشيء من الحديث الشريف فليكن حديثا صحيحا.
وفقنا الله وإياكم لما فيه خير.


#281674 [قهور قهران]
0.00/5 (0 صوت)

01-25-2012 09:46 PM
يازول ما تشوف طريقه تتخارج بيها انا شايف اخير ليك من تبريراتك دي


#281668 [محمدنيالا]
0.00/5 (0 صوت)

01-25-2012 09:38 PM
الا يكفى هذا الدجال المنافق سنين الدجل والشعوزه التى قضاها مستهترا طوال السنين التى قضوها فى سدة الحكم ؟
عندما بدات حركات التمرد فى اقليم دارفور كان التصريح الاول لهؤلاء ان هذه ليست سوى مجموعه متفلته خارجه عن القانون ويجب ردعها سريعا , لكن اتت الاجابه سريعا بانهم اصحاب قضيه عادله ويعلمون من اين تؤكل الكتوف , والاَن نيالا عن بكره ابيها تطالب وبصوت عالى يسمعه كل العالم باعاده الوالى السابق الى ماكان (كاشا)
ثم ياتى هذا المنافق نافيا كل الذى يحدث ويؤكد ان كل الجماهير خلف الوالى الجديد (بالله ماتستحى)
هل يعتقد هؤلاء ان الشعوب مازالت تتلقى الاخبار من ام درمان والتلفزيون القومى ؟
اقولها وبكل صدق ان معظم الشعب ان لم يكن باكمله يتلقى ويرى كل ما يحدث حول العام من احداث بطرق اكثر صدقا ودمقراطيه
الان كل جماهير نيالا تطالب وبصوت واحد باعاده كاشا
اما غدا سوف تصبح المطالبه وبصوت واحد لكل جماهير الشعب السودانى بتغير النظام عموما
وغدا لناظره قريـــــــــــــــــــــــــــب


#281651 [سعد البركلي]
0.00/5 (0 صوت)

01-25-2012 08:54 PM
قال المدعو نافع الاتي:

######وامن على امكانية القبول باتفاق مؤقت عبر الوسطاء يستمر خلاله تصدير نفط الجنوب عبر الشمال مع استمرار الحوار على ان توفق الاوضاع وفقا لما يتم التوصل اليه من اتفاق نهائي واكد سيادته ان السودان مع استمرار صادر نفط الجنوب حتى ولو لم يتم الاتفاق المؤقت او النهائي لعلمه لحاجة واعتماد حكومة الجنوب عليه #######


ما هذا النفاق يا نافع

هل السودان مع استمرار صادر نفط الجنوب لحاجة واعتماد حكومة الجنوب عليه

ام لانكم عاوزين تستمروا في نهب وسرقة بترول الجنوب لكي تخففوا
علي انفسكم من الضائقه الاقتصاديه



#281644 [AMMAR]
0.00/5 (0 صوت)

01-25-2012 08:43 PM
لليوم الثاني والإحتجاجات مستمرة للان وفي كل التجاهات ويا منافق يا كذاب تجي وتقول كدا.... الظاهر الما نافع فقد البوصلة والجبان خايف الإحتجاجات دي تعم كل السودان ... عافرين مصيرهم ح يكون شنو....؟؟؟؟
سوق نيالا الكبير.. موقف الفاشر... كل الطرق الرئيسية بنيالا تحترق... قتل ودمار وخراب وبطش من كلاب نافع والبشير... ومع دا يا حقير تقول كدا ... ليك يوم سوف يتم حسابك والشعب السوداني يشهد علي الجرائم والعذاب والقتل والتشريد في حق هذا الشعب المغلوب علي امره....


#281628 [الفرح والحزن]
0.00/5 (0 صوت)

01-25-2012 08:25 PM
شاهدت مظاهرة مدينه نيالا وانا سعيد جد بهذه التظاهره لكن فى نفس فى الوقت حزين من بعض المواطنين اللذين يكسرون ممتلكات الشعب فاشارة المرور ومكاتب الحكومه هذه ممتلكات الشعب يجب المحافظه عليها وقدوتنا فى ذلك ثورة اكتوبر وثورة ابريل وخارجيا الثورة المصريه الحاليه


#281620 [سيف الدولة عبدالله محمد]
0.00/5 (0 صوت)

01-25-2012 08:15 PM
شبعنا من الكذب يا ضار ويانافع كل المظاهرات في نيالا ضد الوالي الجديد ومؤيد للعبدالحميد


#281619 [حظيلمة القرمندلي]
0.00/5 (0 صوت)

01-25-2012 08:11 PM
سألتك بالله .. يا نافع المشلخ ذي اختك .. انت مفتكر شعب السودان اهبل وبليد ذيك .. ايه الكلام الفارغ البتقول فيه ده .. نحن مع استمرار تصدير النفط .. لعلمنا بحاجة حكومة الجنوب اليه .. لاعتمادها عليه .. يا حيوان ايقاف التصدير اتي من حكومة الجنوب .. وليس منكم يا مشلخ .. لانها تعلم جيدا انها وضعت البدائل من اسرائيل وامريكا .. وانتوا كحكومة توافقوا او ترفضوا .. هم حسموا موقفهم .. يا خي قول كلام اتبلع للشعب السوداني .. فالاموال التي اكتنزتموها .. اكبر بكثير من اموال البترول .. وممكن تساعد الشعب في دعم السلع .. المهم انت اول المستهدفين لشعب السودان .. بسبب لسانك الذفر .. يا ذفر .. يا خي ما بتخل .. خليتوا الشعب السوداني كلو .. اما عساكر او سواقين .. ما في واحد منتج في البلد .. دمرتوا المشاريع الزراعية والمصانع .. انتظروا يومكم ..


#281605 [احمد عبدالله]
0.00/5 (0 صوت)

01-25-2012 07:41 PM
المطالب اليوم الي الشعب يرييييييييييييييييد إسقاط النظام
المظاهره الآن المغرب مستمره
من قلب الاحداث


#281591 [hassan]
0.00/5 (0 صوت)

01-25-2012 07:16 PM
نافع وزمرة القجرة معروفون بالكذب والدجل والشعوزة لقد خرجت مدينة نيلا عن بكرة ابيها منددة بالوالى الجديد ويجى نافع السجمان يسرح ويكذب بان الاحتجاجات لا تعبر عن راى الشعب الا يكفيك ايها المنافق الدجال ثلاثة وعشرون عاما من الكذب والخداع


#281573 [kadir]
0.00/5 (0 صوت)

01-25-2012 06:54 PM
no no no شوف كضاب ده http://www.alrakoba.net/news-action-show-id-42001.htm#


#281563 [هاشم]
0.00/5 (0 صوت)

01-25-2012 06:21 PM
يا نافع البشير قال 50 فى المية للشمال او نقفل الخط..يعنى البشير لحس كلامو..الظاهر جريتو واطى....عافى منكم يا ابناء الجنوب


#281531 [llollipop]
0.00/5 (0 صوت)

01-25-2012 05:32 PM
يا نافع أنت تكذب كما تتنفس. كلامك أعلاه كلو كذب x كذب. يخسى عليك. راجل كبير و كذاب. لا يزال الرجل يكذب و يتحرى الكذب حتى يكتب عند الله كذابا. أعوذ بالله منك ياخ . دة شنو الراجل الدمو تقيل دة؟


#281513 [sudani]
0.00/5 (0 صوت)

01-25-2012 05:08 PM
يا نافع تعال وشوف الشارع وبعد داك قول تصريحك دا
واليك دا ما يلزمنا نحنا خيارنا يا والينا يا انتو في نيالا



#281494 [dagasha]
0.00/5 (0 صوت)

01-25-2012 04:39 PM
يايها الضين امنوا اذا جاءكم فاساقا بنبئا فتبينو قبل ان تصيبوا قوما بجالهة فتصبحوا على مافعلتم نادمين) صدق الله العظيم
هذا الانسان الذى يدعى نافع هو ليس ماتاب من مداخلة العالم البوشى فى جامعة الخرطوم يجى ويقول كمان انوا كشا ماعندو اى تاثير فى نيالا
والله والله والله هذا بداية ربيع عربى فى السودان ولعلمك انو ناس الجنينة رافضين الوالى الجديد عداء اهل الثورة والنضال الذين ادخلو البشير زنازين اوكامبوا وحاشيته عبد الرحيم حسين سكان زالنجى هم يرفضون الشرتاى ويقبلون الدكتور يوسف تبن من حيث المبدا لحفظ النظام فقط لان هنالك فرق بين السماء والارض بين دكتور وشرتاى لكن سوف تشملهم سفينة الربيع العربى القادم من نيالا ومرثاها الخرطوم عن قريب العاجل وليس ذلك ببعيد عند الله


#281482 [حمزة عبدالعزيز]
0.00/5 (0 صوت)

01-25-2012 04:20 PM
ياشباب نافع المع نافع يتكلم كانو هو في مدنية افلاطون حكومة سقاط سقاط بدون شك اقراء تاريخ الانتفاضات في العالم غدا يخرج انسان الفاشر ووووووووووووووووووووووووو جميع السودانين ونحن الطلاب وقودة التغير الاجتماعي بناء دولة علي اسس جديد هي المواطن اساس الحقوق والوجبات


#281472 [أبو أواب]
0.00/5 (0 صوت)

01-25-2012 03:58 PM
والله الحق ولا شئ سوى الحق والحق أقول أنا الآن في تقاطع شارعي جبل مرة والكنغو بوسط نيالا والمظاهرات مستمرة والضرب نهاراً جهاراً بالذخيرة الحية . نعم والله والمظاهرات على أشدها بخاصة النواحي الشمالية الشرقية والدخان متصاعد في مناطق سوق الملجأ (موقف الفاشر) وشمالاً ناحية الفلوجة. الأسواق مغلقة تماماً . هذه صورة مصغرة جداً لما يحدث الآن الآن يوم الأربعاء 25 يناير 2012م


#281467 [ود نيالا]
0.00/5 (0 صوت)

01-25-2012 03:52 PM
نافع طلع كاااااااااااااااااااااااااااااااااااااااااااااااااااااااااااااااذب. الي الآن الأربعاء الساعة الخامسة إلا ربع مساءا المظاهرات مستمرة في نيالا ضد الوالي الجديد, و أنباء غير مؤكدة عن قتل أحد المواطنين في مظاهرات اليوم


رابط أخر علي اليوتيوب عن مظاهرا يوم أمس


http://www.youtube.com/watch?v=XMdZLJdYvw8&feature=youtu.be


#281436 [ود نيالا]
0.00/5 (0 صوت)

01-25-2012 02:37 PM
الا تتقون الله يا نافع ، حاليا مدينة نيالا تعيش اجواء اسوء مافي اي زول متوقع هذا اصوات الرصاص من


#281431 [سوسو]
0.00/5 (0 صوت)

01-25-2012 02:24 PM
ياربي الرفض الشعبي ده بيكون كيف؟؟؟؟؟ كدي فهمونا ؟بعدين انا من نيالا الي الان المظاهرات متواصلة...........استحوا الكلام البتقولوا قيه ده شافع صغير ما بيصدقوا


#281371 [التغير]
0.00/5 (0 صوت)

01-25-2012 01:04 PM
شوف الفاجر الفاسق نافع بقول شنو هو وين وشعب نيالا وين قاعد في مكتبو وبقول الشعب لا يعبر عن رفضه للوالي الجديد ، اولا كل شعب الولاية يرفض الوالي الجديد ويريد الوالي السابق كاشا وكانت تلك شعارات الجماهير ثم تطورات ورفع شعار الشعب يريد اسقاط النظام ، اما يا ضار علي ضار عندما تتكلم تكلم صادق عيب عليك عمرك 70 سنة وتكذب.


#281338 [ود نيالا]
0.00/5 (0 صوت)

01-25-2012 12:12 PM
نافع كضااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااب. ناس نيالا طلع المظاهرات رفضا للوالي الضعيف المغمور الجديد و يطالبون بعودة كاشا الذي وفر الامن داخل مدينة نيالا.
و هااااااااااااااااااااااااااااااااااااااااكم دليل المطاااااااااااااااااااااااااااالبة بااااااااااااااااااااااااااشا

الرابط علي اليوتيوب

http://www.youtube.com/watch?v=hS8Xbsm1JiQ&feature=youtu.be


#281323 [مصطفى]
0.00/5 (0 صوت)

01-25-2012 11:50 AM
اليوم الاربعاء
مظاهرات لليوم الثانى على التوالى ومبادىْ ثوره بمدينة نيالا
والان تجمهر للشباب والطلاب
والقوات النظاميه تتعامل مع المتظاهرين بعنف ضرب نار والغاز المسيل للدموع


#281321 [Me]
0.00/5 (0 صوت)

01-25-2012 11:41 AM
والله كذاب مافي اي زول رحب بية بدليل إنو الليلة الناس كلها طلعت تاني مظاهرات و الليلة بي صوت الرصاص و شكلها ما ح تقيف ولا ح يقبلو بي غير كاشا


#281316 [بخيت]
0.00/5 (0 صوت)

01-25-2012 11:25 AM
ياهو صاحبنا بدا يعترف حبة حبة لكن نقول ليك الارض تنقص من اطرافها نيالا كادقاي دمازين بورتسودان متاصير تبقي ايييييييههه تصبر بيه نفسك يعد قرار حكومة جنوب السودان دعما للمهمشين استمرار ية طفاة الانقاذ مربرطة بالنففففففففففط ياناس


#281293 [ابوكوج]
0.00/5 (0 صوت)

01-25-2012 10:53 AM
لخوتي الاعزاء لقد قال هذا العالم ببطون الامور قولا لا يدانيه هرتقات المتزمت باقان ذلك الذي ابى الا ان يكون صدام شعبه ليتوهو وسط الادغال قاتلين او مقتولين تبا له ولامثاله من المرتزقة لست ابكي على لبن سكب ولكني اتحدث من باب كنا اخوة فسرقوا وحدتنا (؟) (؟)


#281281 [عبدالواحد00 ]
0.00/5 (0 صوت)

01-25-2012 10:42 AM
لقد دأبت الحركات المتأسلمه فى السودان وغير السودان الى نسبة كلمة الشعب الى ما يفكرون فيه بكل بجاحه ورزاله وكما نلاحظ فى هذا الخبر وغيره نرى نافع ينسب كل تصرفاتهم الخرقاء الى شعب دارفور رغم ان عجزهم التام الى حسم قضية دارفور يرجع الى وقوف شعب دارفور الذين يتحدثون بإسمهم بجانب مناضاضليهم الذين يحملون السلاح لكى ينتزعوا لهم حقوقهم المشروعه ولعمرى لم نرى من قبل ولن نرى بعد شعب يقبل لنفسه الذله والخنوع لنظام يصر على إذلال شعبه وبتبجح واضح لايقبل الشك فيه فقد رأينا رأس النظام وخطبه التافهة الذى يعلن فيها تحديه السافر لشعب قبل بشروطه وحمل السلاح فى مواجهته !! ثم يسعى لكسب ود بعض الجماعات ويجالسهم خارج البلاد ليغريهم بالمناصب والمال كأن مشكلتهم مشكله شخصيه وليست مشكلة حقوق الشعب الذين يتحدثون بإسمهم،وانا شخصيا ارى ان نافعا محق طالما ليست للمعارضه بكل اشكالها وسائط اعلامية قوية تنقل للمواطنين الاحداث التى تدور فى نيالا وغيرها من المدن ولاتصل اليهم بالصوت والصوره حتى يتفاعلوا مع هذه الاحداث ولتكشف لهم كذب وزيف إدعأءات النظام الباطله وجميعنا يعلم ان الصوت والصورة هى التى أسقطت الانظمه فى الدول التى كانت قد هبت عليها نسمات الربيع العربى والذى يراهن على غير ذلك فهو واهم 00واهم00وأعجب من امثال ابوعيسى ومحمود حسنين الذان لم يدركا هذه ا(لخلطه السريه) رغم تنبيهاتنا المتكرر ه لهاويبدو انهم لا يؤمنون ألا بوقوف (قناة الجزيره) الى جانبهم فنقول لهم إذا عولتم عليها انصحكم بتوصية احفاد احفادكم فقناة الجزيره هى (عبدة) مأمور والتعليمات لم تصدر اليهم بعد ،وخاصة ان الرياح سوف تكون جنوبيه ولا حاجه لمساعدتهم فى الوقت الراهن ولا فى المستقبل 00اللهم قد بلغت فأشهد وكل عام والمعارضه ترزل0


#281228 [صبري فخري]
0.00/5 (0 صوت)

01-25-2012 09:39 AM
الاحتجاجات في نيالا تم التعامل معها بالقوة


#281225 [كاشا]
0.00/5 (0 صوت)

01-25-2012 09:26 AM
المواطن بجنوب دارفور كره القبلية النتنة والصراعات داخل المؤتمر الوطنى مابين القبائل ذات الاصول العربية والرطانة والزرقة كما يقولون ونتاج ذلك اى والى ياتى لهذه الولاية يكون شلته داخل الحزب للاطاحه بالاخرين داخل الحزب وابعادهم من مراكز صنع القرار الولائى كما يفعل نافع على المستوى المركز فموقع نافع داخل المؤتمر الوطنى له مؤشرين لا ثالث لهما الاول اما قاد الحزب للهلاك كما هو معلوم واما ان يضحى الحزب بنافع


#281220 [sas]
0.00/5 (0 صوت)

01-25-2012 09:22 AM
هو انتو مرفوضين وبرضو بتقولو نحنا مرغوبين


#281211 [نصر الدين جس]
0.00/5 (0 صوت)

01-25-2012 09:13 AM
خيتو القال ليك مخفل ما كضب الرفض اللقاه واليكم الجديد امس في نيالا ده رفض وطني انت قلت ماشعبي نحن ما ديرين فوضي تعينو اربعة ولاة في ظرف اسبوع وتسمو طواري دي مستشفي عديل كده ويخوي الرفض الشعبي ده الا نسوان ولاشنو الاف الناس مرقو الشارع وطردو الوالي والشرطة ضرب حتي دوشكة عشان يفرر الناس تقول ما رفض شعبي خيتو اصبرو لامن الشعبي يصلكم في حواكيركم


#281210 [عمر على]
0.00/5 (0 صوت)

01-25-2012 09:12 AM
واكد سيادته ان السودان مع استمرار صادر نفط الجنوب حتى ولو لم يتم الاتفاق المؤقت او النهائي لعلمه لحاجة واعتماد حكومة الجنوب عليه .................................................................


...............!!!!! يا سلام على الحنية !!! حنيييينيييين أوي !!!!!! .........................
!!!!! يا سلام على الحنية !!! حنيييينيييين أوي !!!!!! .........................................
!!!!! يا سلام على الحنية !!! حنيييينيييين أوي !!!!!! .............................................!!!!! يا سلام على الحنية !!! حنيييينيييين أوي !!!!!!


#281209 [Ahmed ]
0.00/5 (0 صوت)

01-25-2012 09:10 AM
انت يا نافع زى ما قال البوشى اكذب من مشى على وجه الارض ..... انت شفت الناس الكمية الى مادايرة الوالى الجديد ولا رفعوا ليك تقرير؟؟؟؟؟ قال الوالى الجديد يجد ترحبيا واسعا من جماهير الولاية؟؟؟؟ اي ولاية هذا يا منافق؟؟؟؟؟


#281204 [Abu Ahmed]
0.00/5 (0 صوت)

01-25-2012 09:08 AM
يا عزيز أرنا في نافع عجائب قدرتك .


#281203 [سوداني]
0.00/5 (0 صوت)

01-25-2012 09:07 AM
يعني انت بتحب الجنوب للدرجه الشديده دي يانافع .. وهاماك مصاحة الجنوب ؟؟؟؟؟؟؟؟؟؟


#281188 [saad]
0.00/5 (0 صوت)

01-25-2012 08:47 AM
أولا ألف مبروك عودة الراكوبه


#281162 [مصطفى أحمد]
4.00/5 (1 صوت)

01-25-2012 08:24 AM
والله انتم زي اليهود,بتعتبرو نفسكم شعب الله المختار.وبتتحايلو ا على الشرع,ذي بانكم بتغشوا الله,معليش مارسوا الغش على الناس,لكن الناس ذاتهم علمت ركوبكم مطيت صهوة جواد الدين وفهموا أن الدين ما عندكم الا شعارات.لكن سلوككم بعيد كل البعد عن الدين,وفسادكم اصبح العالم والجاهل يعلمه,واصلاحكم اصبح صعب يا نافع,لان السرطان انتشر فى الجسد,ولابد من أن يستأصل وانت اول من مارس الفساد عندما كنت رئس لجهاز الامن مارست المحسوبية بحزافرها ,المتوفر للشروط والفير متوفرللشروط من ابناء اهلك عينتهم,والشاردة والواردة ,والمتردية والنطيحة,قمت بجلبها,وفسادكم حتى داخل المؤتمر الوطني من له ضمير اصبح يتململ منه,والله انا حركة اسلامية,وجاهدته,في عدة مواقع والله ما بخشى الاالله, منكم تضررت كثير,والله بتمنا من الله ان يرزقني الشهاده في سبيله,والموت عندي الا نقلة من حياة الى حياة اخرى,واكيد نعيمها الا بنقطع,بحمد الله اني ما لوث ايدي مع الموتمر الوطني جري خلف لوعاع الدنيا,والله الانقاذ بعد مااصبحت مؤتمر وطني فقدت صوابها والحركة الاسلامية بعد ما اصبحت تزور الانتخابات حتى في اختيار امينها العام فيما بيها ابتعدت عن منهج الله ورسولة ,وخانت اخوة لنا نحسبهم عند الله شهداء.لكن حتما ربنا بحق الحق ويبطل الباطل,والله الموفق .:o


#281146 [امير الشرق والغرب]
0.00/5 (0 صوت)

01-25-2012 08:09 AM
ناس خرجت و هتفت كاشا خيار الشعب وهتفت لن نتماشا بغير كاشا ... تجى تقول كلامك الفارغ ده احترموا عقول الناس ياعالم


#281135 [عبيد]
0.00/5 (0 صوت)

01-25-2012 08:03 AM
شوفو الخبث بدأ يتراجع لما قفلوا النفط كل شي إلا الدولار عارفين كويس إنه الحكومة دي زي الانسان المريض الماشي بالدرب ودربهم الفلوس يوم يتوقف الدرب اللصوص الذين يحرسون النظام كلهم ينفضوا في لمح البصر ويشوفوا مكان تاني ينهبوا فيه ناس ما ليهم مبادئ ولا خلق ولا تقوى إنما عبدة المال هم عارفين الكلام دهـ كويس إنه أي فرد في هذا النظام ما هو الا لص طول ما في فلوس أنا معاك يوم واحد يتوقف الفلوس... مع السلامة..


#281092 [صالح عام]
0.00/5 (0 صوت)

01-25-2012 07:25 AM
خلاص يا ابو العفين ذى مابيقولو اهلنا ( بى مويه وكملت ) البترول وقف وحالكم وقف يلا بلا عنتريات فارغه


#281081 [مؤتمر وطنى شباب]
0.00/5 (0 صوت)

01-25-2012 07:05 AM
أحسن تسكت كلامك دا بيلغو فى جامع النور ،وبعدين تخش فى حته ضيقة


#281065 [Zingar]
0.00/5 (0 صوت)

01-25-2012 06:20 AM
والله يا أب .... لو قلت إسمى نافع على صرمه برضو مابنصدقك.


#281062 [ما مرتاح .... وما مرتاح]
0.00/5 (0 صوت)

01-25-2012 06:16 AM
واحدة من بنود ابوجا الموؤدة جعل ولاية دارفور الكبرى اقليما واحدا بعد استفتاء مواطني دارفور كافة داخليا وخارجيا .... ولكن لتداعيات الاحداث وانفصال الجنوب واستباق زبانية الانقاذ للاحداث قاموا باكبر جريمة في تاريخ السودان الا وهى تقسيم دارفور بليل بالتآمر مع شرذمة من ابنائها وذلك لقفل الطريق امام ابنائها الخلص من المطالبة بانفصال الاقليم .. وتكرار ما حدث بالجنوب ...وحتما ستعود دارفور وبكامل حدودها الى ما قبل مجئ الانقاذ .في 89 .


#281061 [أبو أحمد - سلطنة عمان]
0.00/5 (0 صوت)

01-25-2012 06:07 AM
هذا تراجع واضح ... الآن تريدون استمرار تدفق االبترول من أجل الجنوب !!!!! يا سلام على الحنية !!! حنيييينيييين أوي !!!!!!


#281059 [سانتو]
0.00/5 (0 صوت)

01-25-2012 06:00 AM
اول قرار حقيقي لحكومة الجنوب


#281058 [واحد]
0.00/5 (0 صوت)

01-25-2012 05:55 AM
حنييييييين اوي الحنيه كاتلاك


#281054 [wahied]
0.00/5 (0 صوت)

01-25-2012 05:46 AM
اذا توقف تصدر البترول فلن تستطيع هذه العصابة الحاكمة الفاسدة من الصرف على عساكر النظام والجيوش الكبيرة التى تقوم بحراسة حكومة الكيزان فقد صرفت عليها هذه العصابة اضعاف ما صرفته على التعليم والصحة فهم غايتهم الاولى الحفاظ على هذه الكراسى بأى ثمن ولو مات نصف الشعب السودانى أمــا البترول فليقف تصديره انشا الله للابد لأن الشعب ما مستفيد منه بشيىء ايرادات البترول والجبايات كلها استولى عليها هؤلاء اللصوص لصوص السلطة والثروة . لا نريد بترولا المتضرر الاول من حظر البترول هم الكيزان فقط لعنة الله عليهم الفاسدين .


#281029 [ابو محمد]
0.00/5 (0 صوت)

01-25-2012 02:27 AM
ما شبعته يا نافع لسه ساكي البترول انا والله لو مكانك استقيل البوشي مسح بيك الواطه ومنو القال ليك مافي ثوره جاية اخير ليك تخارج نفسك ولا لسه عمارات بري وكافوري ما أتشطبت واحنا لما نقوم بثورتنااي واحد كان عامل فيها قنظفر زمانو وشابكنا الحسو كوعكم والزارعنا غير الله ..............الخ بعدين نسمع رايك في طعم كوعك
وصدق القال الاختشوا ماتو !!!!!


#281018 [alitaha]
0.00/5 (0 صوت)

01-25-2012 12:40 AM
بل انتم يا نافع في حاجة اليه...الجنوب يمكنه ان يبيع نفطه تحت الارض ومن يشتريه عليه ان يرحله ولو في علب صلصه...وعندما قرروا وقف الضخ اسشاروا قبل ان يقرروا ولم تصدر قراراتهم يوم احد من داخل الكنيسة...
لديهم مستشارون حق وحقيقة لا كما مرحان ومرغان ومن علي شاكلة ريسني وتيسني


#281011 [حسن سلوكه]
0.00/5 (0 صوت)

01-25-2012 12:00 AM
صحيح ان التظاهرات والاحتجاجات يا سيد نافع لا تعبر عن رفض شعبي للوالى المعين ، ولكن تعبر ـ كما في كل مكان بالبلاد ـ عن رفض شعبي قوي للـ « النظام » ، الكتّاحه قادمه من الاطراف .

جاري واطي في موضوع (البترول) ، ما انتو كدى .. مابتجوا الاّ بالعين الحمرا .
بترول تاني مافي ، سرقة تاني مافي ، دولارات تاني مافي ، لكين في (خنق) شديد ، وارجوا الراجيكم


ردود على حسن سلوكه
Sudan [حمزة عبدالعزيز] 01-25-2012 04:35 PM
يسقاط يسسسسسسسسسسسسسقاط النظام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.11/10 (30 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة