الأخبار
أخبار إقليمية
أطرافها حيران شيخ الأمين وشباب الحي .. (بـيـت المـال) لـيالي إختلاط الذكر بالـدم...
أطرافها حيران شيخ الأمين وشباب الحي .. (بـيـت المـال) لـيالي إختلاط الذكر بالـدم...



05-02-2012 11:23 AM
أم درمان: عباس محمد إبراهيم:

وكأن مياه النيل الازرق سريعة الجريان حملت معها من على جنباته المطلة على جنائن الجريف غرب الوارفة غضب النفوس، لتلقي بها على ضفاف نهر النيل شرقي حي بيت المال الامدرماني، لكنها تحولت الى مواجهات هذه المرة بين شباب الحي العريق ومريدي شيخ الطريقة العركية المكاشفية التي تتخذ من الحي مقرا لها منذ عقدين من الزمان،أسبوع فقط هو المدة الفاصلة بين مواجهات الجريف التي استهدفت الكنيسة الانجيلية المشايخية، ومواجهات الحي العريق. اذن المواجهتان احدى طرفيهما هو مقار تخص مجموعات دينية، متابعاتنا كشفت عن ان دوافع الامر في كليهما متضاربة والمسببات التي وقفت خلف عود ثقابهما يلفها الغموض، ان استبعدنا عقل المؤامرة والتدبير المسبق فواجب التحذير وضرورة التحرك السريع لاحتواء الازمة هو مايجب ان نطالب به وبالصوت العالي.
جمعة الشرارة
نملك ثلاث روايات يتمسك من قاموا بنقلها انها هي من أشعلت نار المواجهات بين المريدين والشباب بالحي ، الرؤيات الثلاث انحصرت في الاعتداء من قبل مريدي الشيخ على امرإة ابنائها من مرتادي الذكر وانصار الطريقة المكاشفية شكت من تمردهم وعصيانهم لامرها، هناك من يصمم على ان عود الثقاب اشعله عراك نشب بين احد المريدين وشاب من ابناء الحي، لكن قد تجد من يقول انه من المشاركين في الاحداث بعد ان اصيبت احدى النسوة بحجر قام بقذفه احد انصار الطريقة، بين كل تلك الروايات تبقى حقيقة من اشعل نار المواجهة غائبة، ومبعثرة مثل خيوط البخور الندي الذي يلف المكان «الصحافة» في ساعة متأخرة من ليل الجمعة انتقلت الى موقع الحدث، بامدرمان حي ود البنا، والجانب الشمالي لحي بيت المال العريق، وقتها كانت المواجهات في اولها ولا احد يتوقع ان ينحدر مسارها الى صورة اعنف في اليوم التالي وعشية اليوم الذي يليه، فامدرمان التي قصدناها عبر شارع ابوروف الجديد او شارع النيل امدرمان كما يسميه ابناء العاصمة الوطنية مؤخراً لم تكن مختلفة عن ذي قبل، شوارعها هادئة كما عرفناها والفناها في هذه الاوقات، فامدرمان يسكنها الصمت كلما توغل الليل في جسدها ليتنفس نيلها دون رقيب، لا ضوضاء او حركة عالية فالمدينة التي تجاوز عمرها المائة سبعة وعشرين عاماً لاتعرف السهر، يمكن ان تعيد الامر الى شيخوخة اصابتها لكن عنفوان شبابها واسهامهم في الحياة بمختلف ضروبها يدفعك للتراجع سريعا، في ليلتنا تلك التي كنا نتوقع ان نجد فيها المنطقة تغلي كالمرجل تمسكت بعادتها وحتى الشارع الفرعي المؤدي لمقار زاوية الطريقة القادرية ومنزلة شيخها الامين كما هو، حركة قليلة بخطىً سريعة من المواطنين بين محلات الطعام في سوق الشجرة، اذن لاشئ ينذر بان المدينة الكهلة تفجر فيها حدث سيقلق مضاجعها ويحرك اركانها لايام طوال، عندما اقتربنا من مدخل زاوية الشيخ الامين في تلك الليلة لم يخطر على البال ان ليالي الايام القادمات هي موعد سوف تسيل فيه الدماء، رغم ان حركة من يمشون فوق المكان كانت تشير الى ان هناك شئ غير طبيعي قد وقع، اعداد متفرقة من الشباب كانت متجمهرة،تحدثنا الى احد شباب الحي يدعي محمد عبدالرحمن»بودي» قال لـ»الصحافة» اخبرنا بانه شاهد عيان لماحدث وتابع المنطقة شهدت عراكاً ومشاجرات عنيفة بين مريدي الشيخ وشباب الحي بعد ان اقدم احد المريدين بضرب واحدة من النسوة تقطن الحي وزاد هذا الزجاج المتناثر يخص بعض السيارات التي تم تحطيمها، لكن في ذات المكان يقول آخر يدعى مهند احمد وهو من اتباع الطريقة ان المشاجرة لا تقف خلف اسبابها امرأة وتابع هو شجار بين احد الفقراء وشاب من الحي، هذا ماكان في ساعات متأخرة من ليل الجمعة التي انطلقت فيها شرارات المواجهات ومعها روايتان مختلفتان، لكن مواجهة الجمعة لم تنتهِ هناك لتنفجر مرة اخرى ليل الاحد ومساء الاثنين التي كانت اقل حدة غير ان الثلاثة ايام التي خلت حصيلة المصابين حتى ليل أمس الاول فيها كانت 36 شخصاً موزعة بين الطرفين، مريدو الشيخ دونوا 28 بلاغاً تتعلق بالاذى الجسيم في مضابط شرطة امدرمان شمال، هذا ما قاله الشيخ الامين لـ»الصحافة» في مقابلة قبل ان يلفت الى انه طالب بعدم المضي فيها الى التقاضي حتى يبقى باب الوصول الى حلول وتراضي بين المجموعتين مشرعا، ،في الطرف الآخر هناك اخبرونا شباب المنطقة عن وجود عشرة مصابين من بينهم من تم نقلهم الى المستشفى، لكن جميع الاصابات التي لحقت بالطرفين لم تكن خطيرة بجانب آخرين اوقفتهم الشرطة قبل ان تخلي سبيلهم.
المواجهة الدامية
ليل الاحد هو موعد ثابت للذكر بزاوية الشيخ الامين كما اخبرنا بذلك مرتادو الذكر ومريدو الطريقة وعدد من ابناء الحي، فالرجل له اتباع من ابناء الحي لكن اغلب اتباعه يأتون من مناطق خارجية، لنعود ليوم الاحد الماضي الذي لم يكن كمن سبقوه في السنوات الماضية بل الاسابيع التي جرت، ما ان تقف على مطلع شارع الشجرة المتفرع من شارع ابوروف شرقا او وددرو غربا، يمكن ان تقول بلا تردد ان هذه الليلة لن تمضي هادئة، اعداد كبيرة من المريدين يرتدون مرقوعة باللون الاخضر والاحمر تشبه في تفصيلتها الجلباب الذي اشتهرت به طائفة الانصار، في الجانب الآخر حشود من شباب الحي تمركزوا جميعهم في الاتجاه الجنوبي للزاوية، الشرطة شكلت حضورا لافتا وضربت سياجاً امنياً على كل المداخل المؤدية لمكان الذكر، ناقلات الجنود ودوريات الشرطة والعمليات كانت موزعة بكثافة، يقودهم ضابط برتبة عقيد وهناك اعداد من الضباط برتبة الملازم، اذن هناك ما يجب التحسب اليه، مرافقي عندما تجاوزت الساعة العاشرة بعشر دقائق وحينها المريدون يملأهم حماس الذكر يتاأرجحون في حلبته وشيخهم يلوح بعصاء ويطوف بين المريدين قال لي لن تحدث مواجهات، وافقته الرأي وكدنا ان نغادر، لكن لم تمضِ سوى دقائق انفجر فتيل العنف، هناك عبوة ملتوف تم رميها داخل منزل الشيخ وارتفعت بعدها هتافات «الشعب يريد اسقاط شيخ الامين» واطلقت الشرطة الغاز المسيل للدموع، قبل ان تقوم بتوقيف عدد من الشباب و تحرك المريدون الى داخل الزاوية سريعا وفيهم من غادر المكان لتتحول المواجهة بين الشرطة والشباب داخل ازقة الحي الامدرماني العريق.
غداة ليلة عنوانها الدم
نهار الاثنين تجولنا داخل المنطقة كان برفقتي الزميلتين» هند رمضان وهويدا المكي» والتقينا عدداً من الشباب فيها توقفنا داخل زاوية الشيخ الامين وتحدثنا الى من وجدناهم هناك، كنا نسعى لمقابلة الشيخ نفسه، لكن من استقبلونا طلبوا منا الانتظار او العودة في وقت لاحق مساء، فالشيخ حسب قولهم لم يدخل للنوم منذ ليلة البارحة التي شهدت مواجهات عنيفة ، فضلا الذهاب على ان نعود في المساء وهو ماتم وسنتعرض لها لاحقا، لكن نهار الحي الدامي الذي تجولنا فيه كان يختلف عن ليلته التي خلفت من المصابين عدداً يفوق الثلاثين، ووضعت مسار الازمة في منحى متصاعد لا يمكن الوقوف امامه ان لم يتم التحرك الآن وسريعا، يقول (أي) التقيناه امام زاوية الشيخ ان شباب الحي لازالوا متربصين بالمريدين والفقراء ، واتهم جهات بترتيبهم لكنه لم يسمها واشار الى ان الجهات التي تؤلبهم ضد الذكر والشيخ الآن تقوم بالاجتماع بهم لتحرضهم، غادرنا محدثي وتوغلنا داخل الحي شوارعه الداخلية يصعب حركة العربة فوقها فالحجارة موزعة في كل مكان هي مخلفات ليلة كانت حامية الوطيس، هناك حواجز من الحجار الضخمة احد الصبية كان يرافقنا ليدلنا على عدد من الشباب ممن شاركوا في المواجهات قال انها صنعت حتى تعيق حركة الشرطة وتؤخر المطارده، من حديثه ظننا قبل ان نلتقي بالشباب ونتحدث لهم بانهم مجموعة مرتبة ومنظمة وتعمل لهدف وتقف خلفها جهات بعينها كما اتهمها طرف النزاع لكن ظنوننا واتهاماتهم يبدو انها لم تكن في مكانها، فمن تحدثنا اليهم امام مساكنهم التي تقع بالشارع الثاني للزاوية، هم عبارة عن شباب لا يحركهم سوى الغضب والاحساس بالغبن كما اجمعوا في حديثهم لـ»الصحافة» وتمسكوا برواية التعدي على امرأة وضربها لكن بينهم من لا يجزم بان سبب تفجر الاوضاع هو الاعتداء الذي تم على احد نساء الحي، ويتفق مع الرواية التي تقول ان الشعلة سببها عراك بين احد الشباب والمريدين تطور واتخذ هذا المنحى لكن لا ينفي تعرض إمرأة اخرى للاصابة بحجر ويضيف محدثي تم اصابتها بحجر في وجهها عندما ارادت ان تصل الى بناتها داخل الزاوية بعد تفجر الاوضاع لكن (ع/ب) قال لـ»الصحافة» جازما ان هناك إمرإة تم ضربها بالسوط من احد المريدين وهي سبب تفجر الاوضاع وتابع الآن هناك خلط بسبب تلاحق الاحداث فهناك امراتان احداهن ضربت من قبل فقير بواسطة سوط عنج بعد ان اشتكت من عصيان ابنائها وتمسكهم بالمجئ للزاوية، واخرى اصيبت بحجر لكن من اشعل عود ثقاب الازمة هو الاعتداء الاول على المرأة بالسوط من احد المريدين وهو ما اثار حفيظة الشاب بجانب حديث بعض الشباب عن استفزازات سابقة قالوا انهم تغاضوا عنها كثيرا وشكوا من تحركات مريدي الشيخ داخل الحي دون التفاتة للقاطنين وتسببهم في الازعاج وقالوا ان مطالبهم هي ان يأتوا باحترام ويخرجوا باحترام لكن التعدي والضرب يعني ان لا يأتوا الحي مرة اخرى.
حسنا.. فالمواجهات بين انصار شيخ الامين وشباب بيت المال لم تنتهِ وفتيل ازمتها لم يجد له احد نازعاً بعد، فالخلاف حول اسباب الازمة هو احد العقبات هذا ما قاله محمد بابكر الذي قال انه يتابع الامر منذ اشتعال الشرارة الاولى، وكشفت جولتنا داخل الحي العريق أمس وأمس الاول عن آثار المواجهات التي حدثت ووقفنا على تهشيم وتحطيم زجاج احد البيوت ويقول شباب الحي ان من اقدموا على ذلك هم مريدو انصار الطريقة ومريدو الشيخ، لكن في المقابل هناك اتهامات ايضا من جانب المريدين تتعلق بتهشيم زجاج سياراتهم وتحطيم طال هياكلها.
الا ان التحركات المتسارعة التي تعمل لاطفاء ما اشتعل من نيران بالمنطقة يمكن ان تأخذ بيدها الى بر الامان، وهي بالطبع بدأت مساعيه منذ ليلة الاثنين التي شهدت تحرشات هنا وهناك بين شباب الحي ومريدي الشيخ ،وتابعت «الصحافة» لقاء جمع الشيخ الامين وعدداً من شباب الحي وكباره يتقدمهم مستشار رئيس الجمهورية دكتور الصادق الهادي المهدي الذي كشف في حديث مع «الصحافة» عن ان تحركاتهم تأتي لضرورة احتواء الامر واضاف « الطرفان اهل وكلهم من ابناء المنطقة ولا شك ان فتيل الازمة بينهم يمكن نزعه والذهاب خلف الاحداث برمتها» وتأتي تحركات الرجل بعيدا عن دوره السياسي والتنفيذي بالدولة فهو احد ابناء المنطقة.
هذا ما قاله الشيخ
كان لابد من مقابلة الشيخ الامين عمر الامين لاستجلاء بعض الحقائق ، فالرجل الذي تجاوز العقد الرابع بسبع سنوات، قرر ان يلتقينا مساء الاثنين بدلا من ساعات نهاره هذا ما افادنا به احد مرافقيه الذي تحدثنا معه من داخل مباني الزاوية الفارهة، عدنا الى مقار الصحيفة لنعود في المساء ونجلس الى الشيخ الامين، اربع ساعات هي المدة التي قضيناها داخل مضيفته، تحدثنا حول الاحداث ووجهنا له العديد من الاسئلة والاتهامات، لكن قبلها رصدنا تحركات واسعة من شخصيات مختلفة بجانب نقاشات بينه وعدد من مشائخ الطرق الصوفية بالطبع تطرقت للامر لكنها ايضا تحدثت عن امور اخرى لا تعني الامر الذي نتقصى حوله في شئ لكنها جعلت ابواب ضفاف اخرى يمكن طرقها مشرعة امامنا، اما في مايخص مسار الاحداث واسبابها فالشيخ الامين يرى ان الازمة التي انفجرت ولازالت تداعياتها مستمرة ونيرانها لم تخمد بعد ان من اشعلوها جهات ترمي وتريد من خلفها خلق فجوة بين ابناء المنطقة الواحدة لكنه شدد على انهم في الزاوية قادرون على جمع الشمل وطي صفحة الخلاف وان الاسباب التي اندلع من خلالها هذا الخلاف البسيط والذي قطع بانه عراك بين اثنين من الشباب احدهم من مريديه وآخر من ابناء الحي، وكذب اي حديث عن ضرب امرأة واضاف ان الخلاف تفجر بعد ان اقدم احد الشباب على مغازلة احدى بنات الزاوية وعندها تم حل الخلاف ولكن والحديث للشيخ الامين _هناك بعض اصدقاء هذا الشاب استطاعوا ان يثيروا حفيظة الآخرين وسارع هؤلاء الشباب من منطقة بيت المال على احداث هذه الخلافات وقاموا بالصعود فوق المنازل المجاورة للزاوية وعملوا على رمي الذين يوجدون في الزاوية بالطوب كما قاموا بتحطيم بعض عربات الحيران الذين كانوا في تلك اللحظة في الزاوية مما خلف 28 مصاباً بين الحيران بعد ان تم ضربهم بالطوب، وتابع المشكلة في ذاتها بسيطة جداً ويمكن احتواؤها ولكن هناك من روج لاثارة الفتنة بين ابناء المنطقة الواحدة وكان القصد هو اغلاق هذه الزاوية التي امتد امدها الى عشرين عاماً وهذا هو اصل الخلاف، هذا ما قاله الشيخ الامين الذي غادرناه لحظة دخول وفد يسعى للوصول الى شواطئ آمنة تخرج المنطقة من ليالي لم تعتادها لكنها كانت دامية وستبقى في ذاكرتها الى ايامها السابقات.
هناك العديد من التساؤلات لابد من الوقوف عندها فالروايات الثلاث ومطالب شباب الحي بجانب تدخل اللجنة الشعبية وعقدها هدنة وتسوية كانت مرضية للطرفين لكنها لم تصمد لتنفجر بعدها الاوضاع هي ما سنأتي اليه قبل ذلك ، يمكننا التوقف عند ما قاله الشيخ الامين عمر الامين لـ»الصحافة» في مقابلتها التي امتدت لساعتين اوقفناها مرتين فقط ولسببين الاول عندما دارت اشتباكات في فناء الزاوية واحتواها الشيخ بنفسه طرفها شباب الحي والمريدون ومرة اخرى لاستبدال شريط الكاسيت داخل المسجل، لكن من هم من يتهمهم شيخ الامين بالوقوف خلف الاحداث وهل يعمل الشيخ لمحاربة الشيوعية بالمنطقة ولماذا لم يلتحق بالدراسة في موسكو ومتى سيغلق هذه الزاوية ويوقف فيها الذكر؟

الصحافة


تعليقات 43 | إهداء 1 | زيارات 14303


التعليقات
#354029 [zool]
1.00/5 (2 صوت)

05-03-2012 11:20 PM
لاكين الحسس ماعندك يا ابوصوفة بشابيش وجكس نضيف


#353562 [عمرابي]
3.88/5 (4 صوت)

05-03-2012 11:35 AM
اولاد قلبـــــــــــة يا واولاد بيت المـــــــــال


#353501 [المهند]
1.00/5 (1 صوت)

05-03-2012 10:47 AM
اللهم صل وسلم وبارك على اشرف خلقك سيدنا محمد وعلى آله وصحبه وسلم

وبعد
من اقوال شيخ الامين
افرش البرش وادي القرش واملا الكرش واذكر رب العرش

ولا والف لا للفتنة ناس الانقاذ وبالامس القريب محاولات لكسر قباب الاولياء.

بس خلاص


#353446 [زول فى الغربة]
3.50/5 (2 صوت)

05-03-2012 10:06 AM
شارع سوق الشجرة الفيهو سبيل خلف الله *** خاى يدنسو لينا اللمين الما بخاف الله
اللمين وليس الأمين لانو مابستاهل الاسم ده
طبعا بالنسبة للساكنين فى الحلة والناطق المجاورة ود البنا السناهير ابو رووف عارفين تاريخ الزول ده كويس جدا جدا وكيف دخل فى الشغلانة دى مع دجالوا الكبير المدعوا ود العجوز وعلاقة ود العجوز بيهو (ابو النسب ).
والله يا شباب دى المحريا فيكم ورقم انو جات متاخره قبل كدة حصلت مشكلة فى المسجد لمان المريدين الضلالية ديل جروا قدام شيخهم الضلالى ده وعاوزين يلبسوهو الشبشب بتاعو وأحد الاباء قاليهم يا اولادى البتعملو فيهو ده غلط الرسول ما كان بعملو ليهو كده وانهالو عليهو بالضرب وتدخل شباب الحلة ولقنوهم درس فى الادب منها وبقو قاعدين فى الزاوية المهم المره دى مافى اقل من ان يرحل الراجل ده من الحلة او يترك ضلالو ده مهما كانت الوساطات ده دجال وضلالى وبخوف اتباعو بقول ليهم الناس الشغلناهم فى الامم المتحدة وفى زين وين وين يعملو حسابهم يعنى كانو هو ليهو يد فى رزقهم والاعاذة بالله من ذلك ، وبعدين حتى الضلالية البقولو عليهم مريدين ديل قاعدين فى دكان ود الراجل المجاور للزاوية ويدخنو فى السجاير ويعاينو فى البنات المحذقات الاتباع دى داخلة ودى ماشة بالله ديل ناس جاين يذكروا ربنا خالقين فوضى زيادة عن الازم والله الناس ما قادرة تاخد راحتا فى بيوتهم وشن الذكر كلام ماتعرف عنو اى حاجة وعبارة عن حفلة ، طبعا الضلالى ده متعود على الحفلات دى ماقادر يخليها، والكلام ده دجل فيهو شرك واضح والبموت عليهو مات على الكفر ومن واجب العلماء والمشايخ المقربين من السلطان وهم معروفيين ان ينصحوه بايقاف هذا العبث والله مشاكلنا دى كلها سسببهاضعف الايمان الفى النفوس والدجال ده مستغل جهل الناس وضعاف النفوس وقال هو حارب الشيوعية اى شيوعية الحاربتها انت يا ضلالى الشيوعيين افضل منك لانك منافق والنافقين اعظم درجة والشيوعيه ليها فكر ومبادئ واضحة يا ضلالى واكيد بعد شوية حتقول ديل انصار السنة لكن هم اشاوس بيت المال وود ارو وحدك قريب انشاء الله ، بالله شقفتو الدجال ده عامل كيف وراكب شنو دى شغلة زول زاهد وورع؟ مرة كنت ماشى البيت وبمحازة سوق الشجرة اشوف سيارة شبح مسرعة جدا فنزلت من السلط بالرغم من ان شارع مسارين يعنى المسار الاخرفاضى وهو يتوسط الشارع من بعيد شايف الزول لابس الشال السعودى فقلت السعودى ده الجابو هنا شنو وسايق براهو فلما قاصدنى عرفتو ده الدجال اللمين واعوذ بالله منه المهم ياشباب لاشرطة ولاغيرهم المره دى الزول ده لازم يتخارج ، وبقول لود الدامر ده انت جيت متين من البلد خلاص خليت شيخ المجذوب وجيت للدجال ده الظاهر عليك من المجددين انت وكلامك يدل على انك منهم لانك شكلك فارغ المحتوى واسلوبك شماسى وشوارعى خالص وربنا يهديك


#353435 [امدرماني أصيل]
4.50/5 (2 صوت)

05-03-2012 09:55 AM
جميع الروايات التي سمعناها غير مقبولة من هذا المُدعي و وأتباعه الصعاليك
و من المعلوم انها ليست المُشكلة الأولي في امدرمان التي يتسبب فيها هذا الأرعن
حيث دنس هو و صعاليكه مسجد السادة الختمية و أشهروا فيه اسلحة نارية
و من وقتها لا يصلي هو و أتباعه في المساجد...

حان الوقت لإيقاف هذه الظاهرة التي اضرت كثيراً بالتصوف و سُمعته
خصوصاً عندما نشاهد برنامج عن التصوف في السودان و يكون المتحدث هو الأمين عمر

ارجو من المواطنين الشرفاء مواصلة التوقيعات و العمل مع اللجنة الشعبية
لأخراج هؤلاء الشرزمة من ام درمان و تطهيرها...


#353406 [كودو]
5.00/5 (1 صوت)

05-03-2012 09:35 AM
ياشباب من زمان بنعرف الصوفية في السودان بسيطين ولهم نشاطات محدوده ولا تزعج احدا اغلب ممارسين شعائر الصوفية من الرجال كبار السن(وليس الشباب) وفي مناسبات معلومة.. بعد مجئ الانقاذ وفي عهدها الأول اتجهوا بقوة للتشدد وفتحوا ابواب البلد للارهابيين والمتشددين الاسلاميين وبعد ان خوفتهم الدول العربية وامريكا طردوهم ولكي يأكدوا ان اسلامهم ليس رادكالي اتجهوا لتقوية وتشجيع الطرق الصوفية واعطائها فرصة كبيرة في الاعلام ببث المدائح طول اليوم بل وتخصيص قتاة ساهور لبث المدائح الصوفية الأمر الثاني تشجيع الشباب للانخراط في الطرق الصوفية لإلهائهم عن همومهم وفقرهم وصرفهم عن نشدان التغيير في حالهم وحال البلاد.. من يسعى لتحويل شباب واطفال البلد لأمة من المداحين؟؟؟؟؟ نحن شعب اكبر من هذا بكثير.. نحن شعب اقوى من نساق... أفيقوا


#353290 [karlos]
3.00/5 (3 صوت)

05-03-2012 07:19 AM
شيخ الامين صناعة انقاذية لتجميع ابناء المسؤليين اللصوص . ما اسخف هذ الشيخ القذر.


#353284 [abdallah]
3.00/5 (1 صوت)

05-03-2012 07:05 AM
اولا وجود زاويه بالتجمعات الكبيره وفى مكان ضيق فى وسط ام درمان فيهو ازعاج للمواطنين الساكنين بالقرب ثانيا فيهو تعطيل للحركه اصلا المنطقه ماناقصه ثالثا العنجهيهيه البتعامل بيها كتير من الاتباع والتى ماشفناها قبل فى ادبيات الصوفيه كلها دواعى لمثل هذه الاحداث مالم يتم اعاده النظر فيها ووين الدوله ودورها؟


#353252 [سامر]
4.00/5 (1 صوت)

05-03-2012 03:46 AM
ياكوكي انا قلت ليك امين عمر امين ده او (الشيخ )الامين عمر الامين حاليا قريب كان فنان عديل برقص وبغني في الحفلات وبعدين هو شوه صورة الصوفيةوالله والناس ممكن تسال منو ناس مدني بعرفوه كويس


#353230 [كوكى]
4.00/5 (1 صوت)

05-03-2012 02:10 AM
يا شيخ الامين فى ذكر يوم الاحداولاد الشيخ قريب الله ذكرن بعد صلاه الجمعه
شيخ الامين حاتى الرقيص قرض فى عرس ود البنا لحدى ما عبايتوا وقعت منو
مدد يا شيخنا
حيران لابسين ضيق ومحزق ومكياجات وسستم
الذكر عندكم لاكين
من صفات الصوفيه
الجوع والصوم لكبح جماع النفس
السهر فى التسبيح واقامة الليل
التواضع لرفع المكانه عند الله
انتو شبعانين مغرورين وبتساهروا فى الهجيج


#353209 [سامر]
1.00/5 (1 صوت)

05-03-2012 12:58 AM
هو متين بقي شيخ قريب ده كان بغني في الحفلات وكان ............. سبحان الله مغير الاحوال من حال الي حال وكان اسمو امين عمر امين


#353160 [السر طه]
2.50/5 (2 صوت)

05-02-2012 10:45 PM
اللهم لا حسد

لشيخ الفاتح والشيخ التقي ابناء الشيخ المكاشفي ديل اتوا لمساندة الشيخ الامين بزاويته بود البنا


#353143 [ام غسان]
3.00/5 (1 صوت)

05-02-2012 10:13 PM
بصراحة لو كان الصحفي اتعب نسه قليلا وسأل عن الازعاج ونوبة شيخ الامين اذكر احدي صديقاتي اشتكت من عدم وحود ابنائها ايام الامتحانات لانو من الازعاج والنوبة بالميكرفون ولو سأل الصحفي احدي نساء الحي لشرحت له لبس الحيران من البنات والسلام بالتقبيل علي كفة اليد علي الحيران الذي لاتربطهم الا علاقة الزواية سبحان الله شيخ الامين شنو لعلم وورع دكتور الشيخ حسن قريب الله انني لا انتمي للصوفية ولكن استوقفتني محاضرة د/شيخ حسن قريب الله لمدة ساعتين اسلوب راقي جميل يخاطب كل العقول وما يفوتكم مال وحاه وعربات وعيش رغيد وين ده في الصوفية والاغرب اخوات شيخ الامين لهم تسمية الشيخة فلانة ولا يمكن مقابلته الا بعد طلبات وواسطات شئ عجيب ما نمشي لوراء ومانتحارب مع الجنوب وما يتدهور التعليم وما ينهار الاقتصاد وما يضيع الشباب وماوماالخ:::::::::::::::::::::::::::::::::::حسبي الله ونعم الوكيل


#353141 [mohammad saad]
4.00/5 (1 صوت)

05-02-2012 10:10 PM
حسبي الله ونعم الوكيل من كل من دعا لمثل هذه الأوهام والدجل واستغلال جهل الناس وكل من هب ودب عامل شيخ وعامل ليهو طريقة وهو لا يفقه في الدين. اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه


#353137 [نوف محمد]
5.00/5 (2 صوت)

05-02-2012 10:03 PM
ود ابزهانة ياخوي ود الدامر ده الله يهديه شكله بعيد عن الدين، لكن بقول ليهو حاجة لاذم يعرفها ويمشي يسأل عنها في الدنيا الخلقها ربنا ده يا ام انك تكون انسان عادي او اما انك تكون شيطان رجيم. والله العظيم لولا ان ربنا امر بالستر لكنت قلته ليه كلام عن شيخه الضلالي لمن كان يتحير من مصر الى دبي الى امستردام الى كندا وهو بعرفني كويس زي جوع بطنه،لكن ان شاء الله اولاد ود البنا يريحونا من دجالين اخر الزمن ده


#353131 [مغبون]
4.00/5 (1 صوت)

05-02-2012 09:57 PM
سوء فهم ..وحبه أصبحت قبه..نآمل أن يسود العقل والحكمة ..إستعيذوا من الشيطان الرجيم من الفتنه والبغضاء ..بالتفاهم والتسامح..ادفع بالتى هى أحسن


#353034 [ام الغايب]
4.00/5 (1 صوت)

05-02-2012 07:03 PM
اوقفو الفوضي ياناس الحكومه والبحصل ده بودي السودان للهاويه وحسبي الله ونعم الوكيل


#353020 [بومدين]
4.00/5 (5 صوت)

05-02-2012 06:23 PM
" كل محدثة بدعة وكل بدعة ضلالة، وكل ضلالة في النار " بوضوح وبدون لف ودوران ، هذة الاشياء ليست من الدين في شيئ ، هذه البدع لاعلاقة لها بالدين ، تجار الدين أدخلوا المجتمع في هستيريا الدين الشكلي ، ولذا إنتشرت عصابات الضلاليه ، وأباطرة الشعوذة والدجل ، والإفك والرياء ، كل هذة المظاهر والظواهر ماهي إلا ( مَا تَعْبُدُونَ مِنْ دُونِهِ إلا أَسْمَاءً سَمَّيْتُمُوهَا أَنْتُمْ وَآَبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ إِنِ الْحُكْمُ إلا لِلَّهِ أَمَرَ ألا تَعْبُدُوا إلا إِيَّاهُ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لا يَعْلَمُونَ ) ؟؟؟


ردود على بومدين
United States [الكوماج] 05-03-2012 01:10 PM
ماتستدل بئايةالابعد ان تعلم اسباب نزولها وفيما نزلت ياجاهل امش اقرا&كما انني انصح هذاالشيخ بأن يترك هذا المكان فأرض الله واسعة

United States [ابو احمد] 05-02-2012 07:47 PM
الله ينصر دينك


#352986 [ود ابزهانه]
3.75/5 (4 صوت)

05-02-2012 05:33 PM
انت ياود الدامر الأمين ده يبقي ليك شنو ناطى لكل واحد في حلقه راجل تاريخه معروف ولأئمة للمشيخة بصله ولا للصوفيه بنسب وبعدين ربنا قافل بابه عشان نوسط صوفي وترك لينا الرسول الكريم طريقة ذكر الله بدون نوبه وطار وبدع ما انزل الله بها من سلطان البت تقول ليك الله قال والرسول قال. تقول ليها ما عنندك موضوع والله انت ألما عندك موضوع


ردود على ود ابزهانه
United States [نوف محمد] 05-02-2012 10:02 PM
ود ابزهانة ياخوي ود الدامر ده الله يهديه شكله بعيد عن الدين، لكن بقول ليهو حاجة لاذم يعرفها ويمشي يسأل عنها في الدنيا الخلقها ربنا ده يا ام انك تكون انسان عادي او اما انك تكون شيطان رجيم. والله العظيم لولا ان ربنا امر بالستر لكنت قلته ليه كلام عن شيخه الضلالي لمن كان يتحير من مصر الى دبي الى امستردام الى كندا وهو بعرفني كويس زي جوع بطنه،لكن ان شاء الله اولاد ود البنا يريحونا من دجالين اخر الزمن ده

United States [ود _ الدامر] 05-02-2012 07:49 PM
ع الطلاق بالتلاتة يا ود أبزهانة إنت عديم شغلة اللمين ده أخوي في الله
قوم لف


#352977 [مراقب]
3.50/5 (2 صوت)

05-02-2012 05:27 PM
على العموم هذه الهيصات و الدروشة اهدار و تبديد لطاقات الشباب فى أشياء لا فائدة منها, فبدل أن توجه طاقات الشباب لأشياء عملية مفيدة كالاعمال التطوعية لرفع المجتمع و تطوره على سبيل المثال اقامة فصول و دورات لمحو الامية تنظيم نشاطات ثقافية و توعية من مسرح و غيره , نجد الشباب منغمس فى دائرة خاوية رتيبة لا تفيدهم و لا تفيد مجتمعهم فى شىء.


#352965 [ابورازان]
4.50/5 (5 صوت)

05-02-2012 05:15 PM
اقسم بالله ده واحد دجال وشيطان رجيم ده ياتو اسلام واحد يلم شويه جكس واولاد سحاسيح بالله ارحمونا بلا شيخ الامين بلا بتاع والله ده المشيخه فى بلد والشيطان الرجيم فى بلد


#352931 [عبدالله]
4.00/5 (1 صوت)

05-02-2012 04:36 PM
شكرا لناس الانقاذ ... عارفين عاطفة الشعب السوداني قدر شنو كل مره يلهوهم عن الامور البتهم المواطن ومستقبل البلد ... اشتباك عادي بيحصل في اي حته ...الدار تكتب المنتديات تكتب الشرطة النجدة والعمليات ...مش الصوفية بشهدوا ان لا اله الا الله محمدا رسول الله كذلك السلفين وبقية عامة المسلمين ...ربنا بسألك في قبرك عن صلاتك ..صومك ..باقي المفروضات عليك ...
* هسي لو حفلة لمحمود عبدالعزيز ولا حماده بت ولا ناس دق الباب وجانا وانا مشيتي لي حفيانا ما قصدي الخيانة قصدي يقيل معانا .ولا رجال المره حلو حلا ..... ولا حبشيات في الديم ولا ... في باقي اطراف العاصمة ..ولا وزير اكل نص قروش الناس التعبانين والمراضا ..لا زول بطقع ولا زول بجيب الحجارة ...


ردود على عبدالله
United States [ود الجنيد] 05-02-2012 07:50 PM
حسه الحبشيات الدخلهم في الموضوع دا شنو؟ ما عندك موضوع والله


#352930 [mohmd]
5.00/5 (1 صوت)

05-02-2012 04:33 PM
سبتك من السطر الثالث .


#352908 [وجع بطن من الوضع]
5.00/5 (2 صوت)

05-02-2012 04:05 PM
والله انا شيخ الامين وجماعته من زمان عندي فيهو راي كيف بسيطه اوضح ليكم انت شين وشكلك ما جايب حقو ما بتبقي من الحيران لو طنطط ماعندك سياره فارهه وعمارة حتي لو حقت ابوك برضو
اولاد مملسين وممسحين اسئلو اولاد المنطقه من الباقي


#352901 [dag401]
4.50/5 (2 صوت)

05-02-2012 04:00 PM
شيخ مين هذا الذي يدعي المشيخة حضر الي امدرمان وكان يتجول في امستردام برداء فوق الركبة والله لقد زار بترينات امستردام وامكان القاذرة بلا شيخ بلا قرف هذا الامين دجال مثل شيخهم الكبير الحلاج الذي قال من رآني فقد رآي الله اهل في السودان جهلاء لم ميسئل احد عن ماهي اقطاب الارض الاربعة والوتد التي بشعر شيخهم البرعي الذي يؤمن بوحدة الوجود والا تحاد اي ان الله يمكن ان يتجلي في خنزير او كلب والعياز بالله التصوف هو مثل التشيع كفر وشرك حتي لو ظاهره جيد باطنه كفر


ردود على dag401
United States [مشطب البيشطب] 05-03-2012 11:35 PM
يا سيدي لا شيخي و لا حتي بعرفو و للمعلومية اول مرة اسمع اسمو و لسة بردد قول افضل الخلق (ص) ( فقد باء بها احدهما ) بالله اسي في داعي لي كدة

United States [ما مهم] 05-03-2012 06:03 PM
ياخوانا ممكن اعرف حكايه شيخكم البجرتق العرسان ده شنو طبعا ده بعد مع العريس ما بقبل يدو وهو سيادتو يخش حضن في العروس .......

United States [مشطب البيشطب] 05-02-2012 08:07 PM
( فقد باء بها احدهما ) ليه مدخل نفسك في حتة ضيقة كدة


#352892 [AHMED ELMARDI AHMED]
3.00/5 (2 صوت)

05-02-2012 03:47 PM
يكفى شيخ الامين بان الله هدى على يديه من لم تستطيع الشرطة ايقاف شره من الحى ومن خارجه وكفى .


ردود على AHMED ELMARDI AHMED
United States [مقهووووووووووووووووووور] 05-03-2012 02:42 PM
احلى حاجة عندهم القروووووووووووووووووووووووووووووش
والدين واضح ما عايز ليه دراسة جدوى
الله يهديه هو نفسه

United States [dag401] 05-02-2012 09:13 PM
انصحك بالاستماع لشيخهم التآئب الشيخ حامد موسي ولديه سلسلة فديوهات علي موقع اليوتوب تحت عنوان كيف تعلمنا السحر وللمسلم العاقل هذا المدعو شيخ الامين يحلل الاختلاط والعبادة بالرقص والدجل وانظرو لهذا الشيخ ماذا يفعل http://www.youtube.com/watch?v=nPToGrJagwg هل بربكم هذا هو اسلام سيدنا محمد وهل تعبد الصحابة بهذه الصورة للشيخ ريموت يفعل اي شي عندهم كرامات لاكنها كفر وشرك واستعانة بالجن


#352890 [jac]
4.00/5 (1 صوت)

05-02-2012 03:41 PM
الشيخ عبد الباقي المكاشفي العالم الزاهد الطبيب المادح الورع كانت تقدم اليه الجيوش والمريدين وطلاب العلم واصحاب الحاجات الدينية والدنيوية من مشارق الارض ومغاربها،كانت لديه جلابية واحدة بدون جيوب وكان يعيش وياكل مع ضيوفه وحيرانه وله مؤلفات في الفقه والتوحيد وله قصائد في مدائح ابلغ من ما قاله لبيد. وكذلك ابنائه واحفاده وعاصمتهم الشكينيبة من اراد ان ينتهل او يتاكد من الطريقة المكاشفية عليه بالذهاب الى الشكينيبة لمقابلة الخليفة الشيخ الفاتح والشيخ التقي ابناء الشيخ المكاشفي فهم الاصل والفصل.


ردود على jac
United States [امدرماني أصيل] 05-03-2012 10:03 AM
يا سلام عليك يا Jac إن ما يقوم به الأمين عمر عكس هذا تماماً حيث شوه صورة الجلابية المرقوعة و اصبحت بدلا ان تكون دليل علي الزهد انما هي دليل علي البزخ
و يستدل علي ذلك هذا الجاهل بالآية الكريمة : واما بنعمة ربك فحدث

طيب لما انت تلبس ليك جلابية تمنها ممكن يُطعم 10 أُسر و تركب ليك عدد من العربات ثمنها ممكن يكفل عشرات الأُسر لعشرات الشهور
و تمشي تتفسح في هولندا
و تشحد في دبي
و تدجل علي الناس

تاني الناس كيف ح تسمع للمتصوفة ؟


#352878 [ود بيت المال]
3.00/5 (7 صوت)

05-02-2012 03:18 PM
غايتو يا كاتب المقال ده لو كان ممكن نسميه مقال لو كان بحجوك حجى كنت تعرف تكتب . ضيعت المضمون و الخلاصة من الموضوع . مواضيع زى دى دايره ناس يتقنوا الخبر و نقله باحترافية شديدة. أنصحك بعدم الخوض فى هذا المجال من الكتابة


ردود على ود بيت المال
United States [المحترف] 05-02-2012 05:08 PM
اوافقك الراى تماما، فكاتب المقال كانما يقص علينا رواية غرامية او دراما وليست احداث عنف وتفجر واصطدام ، يجب الابتعاد فيها عن العبارات القصصية مثل (وكأن مياه النيل الازرق سريعة الجريان حملت معها من على جنباته المطلة على جنائن الجريف غرب الوارفة غضب النفوس...) وخلافه من التعابير التى ارى ان كاتب المقال تعمد ادخالها فافسدت الخبر


#352875 [محمد شريف اسماعيل]
2.25/5 (3 صوت)

05-02-2012 03:16 PM
هل من المعقول ان يحدث ذلك فى امدرمان المهدى والازهرى والسيد المكى والخليفة عبد اللة


#352872 [مقال ركيك]
4.50/5 (5 صوت)

05-02-2012 03:13 PM
والله بصراحه مقال ركيك منزوع الدسم.. فى سطرين عرفنا انه دار شجار وانو (امدرمان الوادعه) صارت غير وادعه.. لكن باقى المقال مضيعه للوقت لاغير دون ان نعرف سبب الشجار او اصل الروايات الثلاث اللتى ظل يبشرنا بانه سيسردها(على ما اعتقدقريبااو فى الحلقه القادمه)لماذا تم ضرب المرأه بالسوط ؟؟؟وفيما كان شجار المريدمع الشاب؟؟؟؟؟ ياخى حرقت روحنا( وبعت لينا موية فول بس بدل الفول)


#352826 [وحيد]
3.00/5 (4 صوت)

05-02-2012 02:19 PM
ظاهرة ازدياد الشباب و الشابات في " حلقات الذكر" في العقدين الاخيرين تحتاج لدراسة،و الاخوة الصوفية اذا كانوا جادين في مشالة الدين و ذكر الله كان عليهم استثمار هذه الظاهرة و الاقبال على الاقل في تثقيف و تعليم هؤلاء الشباب، و اعظم الذكر تلاوة كتاب الله و التفكر فيه و شرحه و تفسيره و تحفيظه، ودراسة سنة الرسول صلى الله عليه و سلم ... النوبة و الطارات و المدائح يمكن تكون " للترويح" بعد نهاية الدروس: كده تكون الصوفية فعلا قامت بذكر الله، لا ينفعنا شاب او كهل او شيخ و لا ينفع نفسه اذا كان يحفظ مدائح الحقات هذه و لا يحفظ كتاب الله و لا احاديث رسوله عليه الصلاة و السلام، و يجهل المعلوم من الدين بالضرورة...
المقال ركيك و لغته سيئة و غير مترابط و لا يوجد به تسلسل و لم نفهم منه شيئا، و كان يمكن اختصاؤ كل اللف و الدوران و ركيك العبارات بخبر من سطرين انه حصلت شكلة بين اولاد الحي و حيران الشيخ بسبب جلد حوار لامرأة تشكو من ولديها"
اما السادة المسئولين في دولة المشروع الحضاري الذي يتمسح بالدين - فيلوث ثوم الدين الناصع- فهم يكرهون الصوفية و يلعنونها سرا، و ينافقونها جهرا، و يضحكون على السلفيين سرا - بحسبان انهم تفتيحة و حضاريين و كده - و يداجونهم جهرا ، و اكبر مصائبهم فتح الباب على مصراعيه للتكفيريين و الضالين و الخوارج، و يستخدمونهم كمخلب قط و ادوات لتهديد خصوم النظام و اذا دعى الامر تكفيرهم و اهدار دمهم .. و ما غاب عن النظام ان هؤلاء التكفيريين ينظرون شزرا لجماعة النظام و بعد ان يستقووا سينقلبون عليهم تكفيرا و اهدار دم، معلوم ان تكفير اهل النظام لا يحتاج لكبير جهد او تخريجات فقهية و لا اجتهاد، رقصة الرئيس فقط تكفي لاهدار دمه!
نريد وطنا يضم الصوفية الزاهدة الرشيدة صماما للامان و تزكية للارواح، و نريد سلفية تدعو بالحكمة و الموعظة الحسنة و تؤلف و لا تفرق، و لا نريد خوارج و لا انقاذ


#352817 [ود البلد]
4.38/5 (6 صوت)

05-02-2012 02:10 PM
هذا رجل دجال بلا شيخ بلا لمة و عامل لينا زحمة فى الحى و هو ما معروف شغال غسيل اموال ولا بجيب القروش دى من وين و لذلك ادعو كل شباب الحى يلا يا احمد موسى و عباس و ود الشيخ و عمار و ابو الزيك فرتقوا اللمة دى عشان تقدروا تسوقو عربياتكم بارتياح امام بيوتكم و يجيكم هوا نظيف بدل الحناكيش ديل قال شيخ قال لفة تلفك .


ردود على ود البلد
United States [ود _ الدامر] 05-02-2012 03:25 PM
مافي دجال أكتر منك خلي الخلق للخالق


#352815 [السودنة]
3.00/5 (2 صوت)

05-02-2012 02:09 PM
يا ناس إحترمو عقولنا وإنسانيتنا شويه... ياتو أيدلوجيه سواء كانت شيوعية ولا غيرها بحاربوها بالطريقه دى. رجال ونساء يغنو ويرقصو ويلتحمو مع بعضهم البعض , ويقولو ليك ده ذكر وتقرب.
ثقافه كيزانية إنقاذية بحته لإنقاذ الشيطان ونشر ثقافه عدم إحترام الله وقدسيته.


#352811 [ودالفاروق]
4.50/5 (3 صوت)

05-02-2012 02:06 PM
تقرير اكثر من ردى وفيه فلسفه اكثر من الازم وتطويل للموضوع بدون داعى


#352784 [عبد الحليم]
4.50/5 (2 صوت)

05-02-2012 01:40 PM
يا جماعه هو ذكر الله عايزليهو شيخ وحولية وظيطة وظمبريطة
ما كل واحد يذكر ربو براهو في بيتو أو في المسجد من غير ازعاج
يا جماعة نحنا ما ناقصين بلاوي


#352779 [نوف محمد]
5.00/5 (2 صوت)

05-02-2012 01:39 PM
عودو الى ربكم فوالله الواحد الاحد الفرد الصمد ما هذا كله إلا دجل،هل كان الرسول صلى الله عليه وسلم او صحابته الكرام يفعلون هذه الخلاعة،توبو الى ربكم،اللهم هل بلغت اللهم هل بلغت اللهم هل بلغت.
سبحانك ربي رب العرش العظيم وسلام على المرسلين والحمدلله رب العالمين


ردود على نوف محمد
United States [ود _ الدامر] 05-02-2012 03:23 PM
صدقي ماعندك موضوع


#352744 [بت ملوك النيل]
3.00/5 (10 صوت)

05-02-2012 01:07 PM
ياهو ده شيخ الامين المحايتوا بيبسي وحيرانوا جكسي ولالوبوا جالكسي...عجبي


ردود على بت ملوك النيل
United States [غاندي] 05-02-2012 01:48 PM
ياهو زااااااااااااااااااتو .... تعيشي كتير تشوفي كتير

اللهم لاتمحنا ولاتبلانا


#352733 [omer]
3.99/5 (8 صوت)

05-02-2012 12:53 PM
كل اهل امدرمان الذين يسكنون ابوروف وبيت المال وودالبنا وجهة سوق الشجرة وودرو ومكى ود عروسه يعرفون الفوضى التى يسببها من يسمى نفسه شيخ الامين ومعه مريديه من شباب اصحاب السيارات الفارهة يسمون حوار وبعض البنات تبع الطريقه من الحوريات ومعروف انها اصبحت مش حوليه او يوم زكر يوم الاحد بل هو يوم للتواعد بين الشباب والشابات..كلنا كاهل امدرمان نتضرر من وجود الطرق داخل الاحياء تسبب الازعاج والمضايقات لاهل الاحياء ولاسرهم ..هذى فوضى ولابد ينقلو الطرق دى للخلاء والداير يزكر يطلع اطراف المدينه ..يهاجر للذكر والاجر اذا كان فى اجر او محصله من الهجيج والضجه بتاعت الطرق دى


ردود على omer
United States [امدرماني أصيل] 05-03-2012 10:06 AM
فعلاً هي مكان للمواعدة والأختلاط
و هذا ما يفتخر به هذا الجاهل عندما يُصرح بأنو حيرانو (جكسي)

و لو فعلاً صحت رواية أنو سبب المشكلة في واحد غازل او شاغل واحدة من بناتهم
تستاهل لانو لو كانت محترمة الشارع و لبسها محترم لما شاغلها او غازلها أحد

United States [mohmd] 05-02-2012 05:19 PM
والله ياعمر كلمة هجيج دي انا قريتها هجليج معليش اصلو الحكاية جايطة في راسنا

United States [ود _ الدامر] 05-02-2012 01:13 PM
قوم لف إنت بتعرف للذكر شنو


#352724 [الحسن]
4.00/5 (4 صوت)

05-02-2012 12:43 PM
بصراحة تقرير ردئ جدا جدا ... ليس له بدايه ولا موضوع ولا نهاية ... اتحدي اكبر صحفي ان يختصر لي التقرير اعلاه ... ياعالم امشوا اقروا صحافة ومراسلة صحفية .. اتعلموا من بعض مراسلي الصحف والفضائيات العالمية والعربية .. الموضوع هو سمك لبن تمرهندي ... وختامه ان الشيخ يريد ان يحارب الشيوعية .. وموسكو .. كفاية استهتار بعقول الناس .. والله لحد مابكتب التعليق ده ... بحاول اعصر التقرير واطلع منه بمعلومة ومااااااااقادر يعلم الله آآآآخ من قراية الشبابيك ... ياربي يكون ده الحصان الرفس العسكري والجنن عبد القادر .. ؟؟؟!!!!!!


ردود على الحسن
United States [الصليحابي] 05-02-2012 02:58 PM
والله أنا زيك تماما ، تعجبت أن يكون هذا التقرير كتبه صحفي متمرس في الصحافة والإعلام ، كل هذه الأسطر المحشوة ( بالرز واللحم المفروم ) يمكن اختصارها كخبر صحفي في ثلاثة أسطر فقط ، ولكن ......

United States [ود _ الدامر] 05-02-2012 01:15 PM
هههه صدقتا


#352699 [الهادى بشاشة]
3.50/5 (4 صوت)

05-02-2012 12:15 PM
بصراحة مفروض شيخ الأمين يحول الزاوية من الجخاخين دى لى شارع 15 العمارات
ونخلص من الكبسيبة دى لانو شارع الزاوية ظنى مسكون من أيام ضبايح ((الكيرى))
حقت ود السنهورى الله يرحمو ويسكنو الجنة


#352692 [Ali]
3.50/5 (4 صوت)

05-02-2012 12:11 PM
هو مافي شي ضيع السودان غير المتصوفة ديل مرقو لينا مسوخ زي ناس الحكومة ديل الواحد يسرق وراجي بعدين الشيخ يدخلو الجنة


ردود على Ali
United States [ahmed] 05-02-2012 02:47 PM
يا على انت عارف بتقول فى شنو؟؟ يا راجل اتقى الله

United States [انا بكره راجل وداد] 05-02-2012 02:07 PM
خليك في ه الحكومه و ما عندك دخل او علي الاقل ما تععم اصابع اليد ما واحده

United States [ود _ الدامر] 05-02-2012 01:03 PM
مافي شئ ضيع السودان الإ الناس الزيك ديل اسي الصوفية عملوا ليك شنو و لا بس داير تعلق و خلاص


#352647 [صالح عام]
3.00/5 (1 صوت)

05-02-2012 11:40 AM
حتى الصوفية دخلتهم نار الغضب ،،،، سبحان الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
9.00/10 (3 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة