الأخبار
منوعات
المتسابق الذى أبكـى لجنة تحكيم نجوم الغــد:..محمد بدوي أبو صلاح: ليس الفتى من يقول كان (جدي)..!!!
المتسابق الذى أبكـى لجنة تحكيم نجوم الغــد:..محمد بدوي أبو صلاح: ليس الفتى من يقول كان (جدي)..!!!
المتسابق الذى أبكـى لجنة تحكيم نجوم الغــد:..محمد بدوي أبو صلاح: ليس الفتى من يقول كان (جدي)..!!!


05-03-2012 07:00 AM

حوار: يوسف دوكة
من مواليد امدرمان نشأ وترعرع فى العباسيه... لاح نجمه فى اندية العباسيه والدورات المدرسية، قبل ان يلتحق ببرنامج نجوم الغد فى عام 2006، والذى كان له بمثابة سلم يصعد به الى عالم النجومية، وهو من أسرة فنية معطونة بالابداع ووالده فنان تشكيلى ويقرض الشعر، وجده غني عن التعريف فهو الشاعرالهرم (أبو صلاح).. نعم..انه الفنان الشاب محمد بدوى عبد السيد ابو صلاح صاحب الصوت الشجي والحنجرة الطروبة المفعمة بالحنين، وعازف العود الذى حير لجنة التحكيم، واطلق العنان لدموعها.. (السوداني) التقته في دردشة سريعة، فماذا قال.؟
بداية..متى كان بزوغ نجمك الفنى.؟
منذ الصغر.. وكنت أغنى فى اندية العرضة بامدرمان، وحينها كنت يافعا وشاركت فى الدورات المدرسية عندما كنت فى مرحلة الاساس والثانوى.
مامدى صحة مايقال عن استغلالك لنجومية جدك ابوصلاح.؟
من حيث الاسم لا احتاج الى ابوصلاح.. وليس الفتى من يقول كان ابى، وفى بداياتى اتجهت الى عزف العود وحصلت على الجمهور، والاغانى التى غنيتها للهرم ابوصلاح ليس هدفى ان احصل منها على نجومية جدى، بل بهدف التوثيق له، حيث قمت بتسجيل ثلاثين اغنيه له، وعملت توزيعا جديدا لأغنية (خلى العيش حرام) ونالت قبول المستمعين.
هل قمت باجازة صوتك.؟
اكيد.. وانا قابلت اللجنة فى عام 2006وحينها كان عمرى اصغرمن العمر المحدد لاجازة الصوت وقامت اللجنة باستثنائى واجزت صوتى فى اللجنة القديمة والجديده معاً.
صف لنا شعورك وانت داخل الى اللجنة؟
كنت واثقا من امكانياتى ولم يمتلكنى الخوف وكنت عاديا جدا جدا وانا مستعد لاية لجنة لاجازة صوتى.
كيف توفق مابين الدراسة والغناء.؟
توقفت عن الغناء فى مرحلة الاساس والثانوى ولاسيما ايام الامتحانات، وكنت اغنى فى ايام الاجازة فقط وعند دخولى جامعة السودان كلية الفنون اصبحت اغنى فى الاسابيع الثقافيه واحتفالات الجامعة، وعملت جمهورا داخل الجامعة، وهى اضافه حقيقية بالنسبة لى اكاديميا وفنيا وانا اوزع زمنى بصورة جيدة.
التحاقك بجامعة السودان كلية الفنون هل هذا يعنى انك تسير على خطى والدك.؟
نعم.. هو نفس مجال الوالد و ليس تقليدا له ولكن لحبي لهذه المجال، والفن التشكيلي والشعر والرسم والغناء توجد صلة بينهما، فالرسام يمسك الريشة ليرسم لوحه تشكيلية جميلة، اما المغنى فيعبر عن هذه اللوحة بريشة العود، والفرق بين المغني والرسام هو ان الثاني يعبر عن احاسيسه عن طريق الالوان، اما المغنى يكون عن طريق الكلمات، وكلاهما يمتلك احاسيس مرهفة، وانا عايز اعبر عن احاسيسي بالطريقتين ديل.!
ماهو جديدك الان؟
لدي حصيلة كبيرة من الاغانى الجديدة، مايقارب العشرين عملاً، من ضمنها اغنية للشاعر الكبير تاج السر عباس وهى (الجرح الثانى) واغنية (دنياي) للوالد بدوى ابوصلاح.
اين انت من الحفلات الجماهيرية.؟
قمت بالغناء في حفلات جماهيرية خيرية، وسوف اقوم فى مقبل الايام القادمة برحلة خارج السودان اقدم فيها اغانى جديدة للجاليات السودانية المتعطشه للفن السودانى، وشاركت فى مهرجانات امدر الثقافية، ومثلت السودان فى الدوحة عن طريق وزارة الثقافة وقمت بإحياء حفل فى النادي السوداني بدولة قطر.
اين محمد بدوي من الاغاني الوطنية.؟
قدمت اغنية وطنية للوحدة من كلمات حسن فضل المولى، وحاليا سوف اقدم اغنية ارضنا الخضراء وهى من كلمات العميد محمود توفيق.
برنامج نجوم هل اضاف الى مسيرتك الفنية.؟
بالطبع هو اضافة حقيقية، و اضاف لي جمهور، وانا اعتبره الطائرة التى اقلعت بى الى مطار الشهرة، بالرغم من اننى كنت اغنى قبل هذا البرنامج، واذا تحدثت عن هذا البرنامج فلن اعطيه حقه وانا من هنا اتقدم بالشكر لقناة النيل الازرق والاستاذ المبدع بابكر صديق ولجنة التحكيم.

السوداني


تعليقات 27 | إهداء 0 | زيارات 10269


التعليقات
#355192 [بهاء]
4.00/5 (1 صوت)

05-05-2012 12:44 PM
كيف حالك يا اخ السنجاوي وهلا بيك : والله أنا ما عندي علاقة لا بي ود أبو صلاح ولا غيره والفن بهذه الطريقة في نظري حرام : بس بشوف السودانيين بيفتوا في أي شى عشان كدة أنا سألتك , وصراحة ما أقتعتني على أي أساس الجمهور بميز ولماذا الجمهور عندو المقدرة للتمييز ولجنة الصوت ما عندها هذا الحس ؟؟ هذا هو الذي أسأل عنه .. يعني ما هو الضابط المتفق عليه لتقييم أي تجربة صوت حتى نحكم على أسس علمية أرجو أن يكون كلامي واضحاً يا أخ السنجاوي مع خالص الشكر

بهاء


#354093 [fax]
0.00/5 (0 صوت)

05-04-2012 01:32 AM
أنا وأعوذ بالله من هذه الآنا بعزف علي العود والكمان والطنبور والناي والجيتار والحمد لله كمان برسم و صوتي لا بأس عليه لكن ما بغني وما إتمنيت أكون فنان مغني لكن عزف ورسم نعم إتمنيت ... طبعا ما درست الفنون دي لكن هي هواية ورغبة ... محمد صلاح مجيد في العزف علي العود إلا أحيانا ( بشطح ) وما بتقيد بالزمن .. لكن صوت لا لا لا وألف لا , ولو صوتوا كان جيد كان ظهر بعد سن البلوغ خاصة وهو الآن بالجامعة زي ما بقول.


#354079 [كمال]
0.00/5 (0 صوت)

05-04-2012 12:55 AM
وكان رسمه زي غناه أحسن يدخل معهد والمسيقى والمسرح ويتخصص في آلة العود إمكن ينجح


#354075 [شهاب الدين النعيم]
2.00/5 (3 صوت)

05-04-2012 12:50 AM
وهو الجن دا لم عرضو صوتو على الفنان عثمان حسين قال ليهو شنو لو بتزكرو الكلام دا
(( صوتك هسع جميل لكين لم تكبر ما اظن يكون كدا ))
وانا فى راى كلام الفنان مش وجى والود دا هسع صوتو ما جميل واتغير ما بق زى ما دخل التلفزيون من الاول


#354023 [حاجة غريبة]
0.00/5 (0 صوت)

05-03-2012 11:00 PM
سبحان الله .. والله قريت الخبر دة ونمت بالنهار.. حلمت بالود دة بالتفاصيل الاتية:
انا شغال اكنس البيت وناس امي قاعدين واخواتي الكبار..(جزء حقيقي)
شوية شوية جو اخواتي من المدرسة(حقيقي) وقفت قت يتموا شغل البيت هم اصلو انا اكبر منهم
نفضت يدي كدة شربت موية قعدت وجا خاشي محمد بدوي سلام يالخالة وشرب موية وين صاحبي دة (قاصد اخوي الاصغر صحبو) قات ليه مافيش.. يا ولد انت بتاع الغنا في التلفزيون دة انت ودمنو.؟؟
قام قال ليها اسم امه (بينة) ما معروف دة اسم امو الحقيقي ولا لا ؟!!!
فالت لا حول ولا قوة الا بالله انت ما ولدي كان كدي.. اتبسم ودقر راسو ومشي قعد ..
قعدت قت ليهو انت ما عندك اغانيك الخاصة .. عندي اغاني اديتم لي زول وهسة خلى الغنا بقى بتاع كمبيوترات وبلاوي زي دة (الجزء دا حقيقي ) .. قال لي مافي عوجة يازول.. المهم جا واحد خاشي ما عرفتو لكن دخولو بينتا عادي معناهو قريبنا .. المهم انا بتكلم في التلفون بيهظروا وداك اداة علقة كدة .. انتهيت من المكالمة وكلي حنية عليه .. شنو الحاصل ؟؟ قال لي عوارض بس يا قرابة .. ونفس الزول الاداه العلقة وواحد برة في الشارع اتلموا كدة ماشين مشوار .. وقت شنو يا اخواننا ماشين ..؟؟؟ اي ماشين وجايين .. رجعت جوة البيت قفلت الباب كدة وصحيت زهجان زهجة وكاتمة وسخانة ..
مش حاجة غريبة ؟؟؟؟
الجدير بالذكر انو حضرت تصوير الحلقة اللى فاز فيها مع ابتهال في والبقية .. وعرفتو اليوم داك ومنها تاني الا في السوق العربي جاي من مدرسة ولا جامعة ما عارف؟؟ وتاني الا الخبر دة
دة معناهو شنو؟؟ حاجة غريبة


#353924 [ياسر يوسف]
0.00/5 (0 صوت)

05-03-2012 07:58 PM
عشان شعرو مسبسب وناعم


#353916 [ابو الليل]
0.00/5 (0 صوت)

05-03-2012 07:48 PM
أنتو يا جماعة الجنا دا سوداني ولا اندونيسي*** أنا أول مرة في حياتي اشوفوا هنا في الراكوبة دي ** التلفزيونات بتاعت الغناء دا كلها ما شفتوا قاعد يغني*** وهل هو من برنامج تشاهد غدا بتاع النيل الازرق***


#353860 [الجعلي]
0.00/5 (0 صوت)

05-03-2012 06:06 PM
بصراحه انا ماشايف ليه صوت اللجنه دي الظاهر بتاعة مؤتمر وطني عايزه تكسب الاطفال ديل


#353836 [sama]
1.50/5 (2 صوت)

05-03-2012 05:33 PM
بس بقول للشافع دا إنتبه لدراستك و مستقبلك و غنى شنو البتغنيه إنت؟؟؟؟؟ الغنى راح مع أهله. و بطل زيوت الهنود الفى شعرك دا. شايل ليه عود أكبر منه. أين دور الأب و الأم


#353833 [مستمع جيد]
0.00/5 (0 صوت)

05-03-2012 05:27 PM
فنان تشكيلي آه
موسيقي آهين
مغني لعععععععععععع


#353830 [sama]
0.00/5 (0 صوت)

05-03-2012 05:24 PM
والله أنا لوكنت والدة الشافع دا كنت شلت مفراكة و دقيته بيها. أولا دى حنجرة صغير و بعد يومين بتتأثر بالغناء ما تفرح ياشافع و بعدين غير تسريحة شعرك دى عامل كدى زى و لد الهنود كابى زيت أملا فى الشعر. أمشى أقرأ و ذاكر و شوف ليك مستقبل


#353829 [سوداني]
0.00/5 (0 صوت)

05-03-2012 05:22 PM
ليست اجازة الصوت جواز مرور..الحكاية دي ذكرتني وردي الله يرحمو....لقي عبد الوهاب ولدو يغني في البيت قاليهو ياعبد الوهاب ولدي انت القاليك بتعرف تغني منو؟ قاليهو اجازو صوتي يابوي....قاليهو غشو عليك ومابتعرف تغني ممكن توزع او تعزف لكن ماتغني....ودي شهادة من اب لابنو واب زي وردي...عشان كده ياجماعة ما اي زول اجازو صوتو بيعرف يغني..اهو محمود عبد العزيز صوتو مجاز لكن صدقوني مابعرف يغني ولو ناس الاصوات عندهم معايير محددة للصوت الجمهور ليهو زوقو الخاص...عشان كده يا محمد البدوي خليك في عزف العود.


#353708 [فضل الله بابكر حماد]
4.00/5 (1 صوت)

05-03-2012 02:03 PM
حرم فنان مافيهو كلمة


ردود على فضل الله بابكر حماد
United States [ودالرقعت] 05-03-2012 06:09 PM
ياود حماد اسال يوسف دوكه عنو لو قال فنان انا معاهو


#353598 [ema]
5.00/5 (3 صوت)

05-03-2012 12:05 PM
ما عندو اى شى لا صوت لا حضور لاغنا ..........والدو زمان حاول يغنى لكن فشل غايتو ربنا يصبرنا على كل المصايب الجاب لينا برنامج نجوم الغد


#353586 [ابوكرنك]
0.00/5 (0 صوت)

05-03-2012 11:53 AM
شوف قرايتك يا ابني والله الغناء ما بفيديك وما فيهو مستقبل خاصة في السودان وقروشو ما بدوم ولا بتقعد شوف الفنانين الكبار اعمامك او جدودك بماذا طلعوا الواحد بس لمن يموت يجوا الجماعة يعددوا في محاسنه كان اول من لحن الاغنية الفلانية وكان اول من غني لشاعر الهامة فلان وكان اول غزف السلم التماني وكان صديق للأولاده ما كان بضربهم . وكان يصلي مع ناس الحلة وكان يتفقد جيرانه وكان صوت متفرد وكان كافل يتيم .


#353492 [سلمان الفارسى]
4.96/5 (7 صوت)

05-03-2012 10:43 AM
محمد بدوى عايش على امجاد جده ابو صلاح ودى مافى عنزان بتناطحو عليها
يعنى (متسلبط) ساى فى الفن وصوتو اجش لكن للامانة والتاريخ (جضام)فى العود ..


#353486 [بهاء]
0.00/5 (0 صوت)

05-03-2012 10:42 AM
إلى الإخوة فاروق وحمد عابدين وعمرابي وابو قصي وكودو وغيرهم : اذا كنتم بتفهموا في الأصوات ليه ما تدخلوا في لجان إجازة الصوت عشان تقوموا بالواجب ؟؟!!

اللجنة اجازت صوته خلاص إنتهى الكلام وانتو ما بتفهموا في الأشياء هذه لذلك لا تدخلوا في موضوع أكبر منكم .. محمد بدوي أبو صلاح فنان غصباً عنكم واللجنة ما أجازت صوته من فراغ بل هي ترى ما لا يراه الآخروة


ردود على بهاء
United States [السنجاوي] 05-03-2012 01:47 PM
يا بهاء دع عنك هذه الحمية والتسرع هذه اللجان ليست خاتمة المطاف الجمهور بالرغم من أنه ما دارس لكن بميز الغث من السمين الولد ده أحسن أواصل دراسته وما أضيع زمن ساي

United States [Abu Hadi] 05-03-2012 01:34 PM
ليس كل من يفهم في الاصوات بامكانه ان يدخل في لجان اجازة الصوت .. وليس بالضرورة ان يكون المعلق دارساً وانما لكل شخص اذن موسيقية واحساس يقدر الواحد يظبط ويعرف الصوت واللحن والموسيقى - فكل المعلقين اجمعوا على انه لا يملك الصوت الذي يؤهله كفنان ولم يسبه احد...

نتمنى ان لا تكون من جيل اليوم الذي يستمع لاي فنان ويصفق لاي فنان ..


#353466 [فاروق]
4.50/5 (3 صوت)

05-03-2012 10:26 AM
الود دة بكورك ساي


#353460 [حامد عابدين]
5.00/5 (1 صوت)

05-03-2012 10:19 AM
لاتوجد لدى هذا اليافع اي مقومات سوى انه عازف ماهر للعود ولكن صوته مملا ونشازا ، وهو معجب بتسريحة شعره الجميل فعلا
جده ابو صلاح كان شاعرا مخضرما ولكن ليس معنى هذا ان يتعاطف معه الجمهور استنادا على قيمة ابو صلاح الفنية
عليك ايها الفتى بالاتجاه الة الموسيقى والفن التشكيلي فربما صنعت من نفسك نجما في هذه الفنون اما الغناء فلا اعتقد ان بالامكان ان تستمر فنانا جماهيريا
واسمع نصيحة هؤلاء المعلقين الذين اجمعوا جميعا على عدم جمال صوتك


#353425 [عمرابي]
1.00/5 (1 صوت)

05-03-2012 09:52 AM
كان بدورك الحس المكوة ياخ بي وشك الزي الضفر دا


#353401 [Abu Hadi]
5.00/5 (3 صوت)

05-03-2012 09:32 AM
صحيح ليس الفتي من يقول كان جدي ولكن الم ترى ان لجان التحكيم قالتها له (كان جدك)..!!! وصحيح انه عازف ماهر على العود ولكن صوته لا يؤهله ان يكون فناناً البتة.. ولكن هذا هو السودان كل واحد صار فناناً وعازفاً وصحفياً وكمان جابت ليها (محلل سياسي) مع انه الواحد بعد تعب يكتب عمود في صحيفة ..!!!!!!!!! مش غريبة


#353377 [القرصان]
4.75/5 (3 صوت)

05-03-2012 09:14 AM
المشكلة البلدكلها اصبحت فنانين وشعراء وبتاعين دوبيت وبتاعين نفرة .. الشى (( تكساس )) .


#353354 [ابوقصي]
5.00/5 (3 صوت)

05-03-2012 09:06 AM
بتعزف اه اما تغنني لا بعدين قصة البكاء ما معناة انك بتغني وربنا يوفقك في حاجات تانية غير الغناء


#353350 [Shah Humaidah]
5.00/5 (2 صوت)

05-03-2012 09:03 AM
لو توجه هذا الشاب ليكون موسيقيا أو عازفاأو ملحنا لأصبح له شأن. أما فى مجال الغناء فهو يغنى كالأطفال.


#353317 [كودو]
5.00/5 (4 صوت)

05-03-2012 08:35 AM
كيف اجازت اللجنة صوتك. صوتك فيه نشاز واضح جدا... نصيحه لله ركز على الرسم.. الغنا ما بحلك..


#353297 [almo3lim]
5.00/5 (3 صوت)

05-03-2012 08:06 AM
الله يتولانا برحمته ...
الناس في شنو و الحسانية في شنو و هل البلد ناقصة فنانين و ( رقاصين) ..
يا ناس الراكوبة فضلا و ليس أمرا أتحفونا بما يفيد و لا تجعلوا من راكوبتنا حائط يتبول عليه
( البقر ) و إن تحدثنا عن الفن فوالله لا يملك هذا اليافع أي من مقومات الفن حتى تفرد له المساحات للحديث عن موهبته ..
أتمنى أن نتابع أخبار الشباب الفاعل أكثر من ( الحناكيش ) و و الله لو كان هذا أبني و أبوصلاح والدي لما سمحت له بالغناء ..
و برضو نتوقع أن يغير الله من أحوالنا ، لكن كيف و نحن نصدر أبناءنا ( للفارغة) ..!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
1.57/10 (5 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة