الأخبار
أخبار إقليمية
إشتبك مع وزير المالية في مكتبه..والي القضارف يصف حكومة البشير بالعنصرية والجهوية والقبلية وإنها اضاعت معالم الشريعة والدين واصبحت ايلة للسقوط في اي وقت لانها حكومة الرجل الواحد
إشتبك مع وزير المالية في مكتبه..والي القضارف يصف حكومة البشير بالعنصرية والجهوية والقبلية وإنها اضاعت معالم الشريعة والدين واصبحت ايلة للسقوط في اي وقت لانها حكومة الرجل الواحد
إشتبك مع وزير المالية في مكتبه..والي القضارف يصف حكومة البشير بالعنصرية والجهوية والقبلية وإنها اضاعت معالم الشريعة والدين  واصبحت ايلة للسقوط في اي وقت لانها حكومة الرجل الواحد


05-04-2012 09:38 AM
متابعات -

قرر كرم الله عباس والى القضارف المثير للجدل حل حكومته على نحو مفاجئ امس عقب عودته فى الساعات الاولى من صباح الخميس الى القضارف منهيا زيارة الى العاصمة اشتبك فيها مع وزير المالية الذى رفض مقابلته فى مكتبه امس الاول ما حدا بالوالى لاقتحام مكتب الوزير والدخول معه فى مشادات وصفت بالحادة .

ووصف عباس الدولة السودانية بالعنصرية والجهوية والقبلية وقال انها اضاعت معالم الشريعة والدين وقال لوزراءه بعد قرار الاعفاء ان وزارة المالية فى الخرطوم تتمتع بسلطات اعلي من مؤسسة الرئاسة واكد الوالى ان الحكومة الاتحادية اصبحت ايلة للسقوط في اي وقت لانها اصبحت حكومة الرجل الواحد في اشارة لوزير المالية الاتحادي قائلا انه يتحكم فى المال و فى "رقاب الناس"

وارسل كرم الله في لقاء جماهيري صباح امس رسائل لمؤسسة الرئاسة قائلا ( انتم مسؤولين مننا جميعا وربنا يسالكم من مرضي القضارف والفقراء ومرضي الكلازار) واضاف "لرئيس الجمهورية اما انا الاوان لوزير المالية ان يترجل)

واضاف الوالي - عملت علي ابعاد جميع المفسدين وهذا ما لم يقبل به المركز في الخرطوم وانا لم ياتي بي نافع على نافع الي الولاية و في السابق كنا نقول للمعارضة اذهبو واغتسلو من البحر 7 غسلات لانكم انجاس ولكن والحق يقال اننا من نحتاج ان نغتسل ثلاثون غسله لاننا الاكثر فسادا" - متحدثا عن قيادات المؤتمر الوطني" - وقال - رفضت سابقا دعم الدفاع الشعبي والشرطة الشعبية والان عند نفس موقفي لانها بؤر للفساد وعملت علي تحويل مباني حكومة الولاية الي مستشفي لعلاج المرضي وعملت علي انتزاع مباني الشباب والرياضة من الدفاع الشبعي لانه عمل علي اقتلاعها عنوة من الشباب لذا اعدناها لهم.

وتابع الوالى اقول لرئيس الجمهورية انه مسؤول من كل الرعية واردف "خذوها بحق او اتركوها بحق" مشيرا الي نفاذ صبر اهل القضارف مضيفا (ما اخذ بالقوة لا يسترد الا بالقوة) مضيف"ا نحن لها" متسائلا (هل تريدوننا ان نتمرد وتابع اذا اردتموها نحن لها وانا قادر علي قيادة القضارف واهله)



تعليقات 171 | إهداء 1 | زيارات 33020


صفحة 1 من 3123>
التعليقات
#355704 United States [عشان خاطر البلد نسمع]
0.00/5 (0 صوت)

05-05-2012 11:45 PM
الملاحظ عن القيادات الانقاذية الواحد فيهم مجرد ما يخش المعارضة من اول يوم ينتقد سياسة الانقاذ من اليوم الاول يعني انت طول السنين دي عارف الكلام ده كان دفاع شعبي ولا مباني قلعوها من الشباب بالقوة ولا غيرو كنت ساكت الزمن ده كلو ليه شنو ....اي واحد يطلع من الحكومة السبت يوم الاحد بيطلع سياسة الحكومة من اول يوم غلط في غلط طيب الوداك شنو طالما هي غلط وظلم ومحسوبية وخيار وفقوس وعلى فكرة الحكومة دي اصلا ما غيرت سياستها تجاه الوطن او المواطن او السياسة الخارجية وااااااااحدة يعني مافي زول يطلع الليلة من الحكومة ويشبكنا الحكومة بقت ظالمة وبقت محسوبية وبقت قلع بالقوة دي سياسة ثااااابتة كرم الله ده بس زنقوها في بلدو قام فكوا اخرو


#355676 United States [ابو حسام]
0.00/5 (0 صوت)

05-05-2012 10:53 PM
كلكم تحرثون في البحر لا خير في هذا ولا في ذاك "اللهم أهلك الظالمين بالظالمين وأخرج السودان واهله سالمين غانمين"


#355674 United States [الكاهن]
0.00/5 (0 صوت)

05-05-2012 10:42 PM
يا كرم الله انت جنيت هي البلد فيها قروش
الصادر = صفر ،،، والبترول يادوب يسد الاستهلاك
المحلي ،،، وبعدين صدقات الاخوه العرب وقفت بأمر
امريكا ،، أه تاني في شنوا ،، وزير المالية يجيبا
ليك من وين ،، امشي جاهد الحبش وحرر القشقة تكون دخلت التاريخ
وخدمت البلد بجد بدل الهطرقة دي


#355580 United States [اكرم الامين]
0.00/5 (0 صوت)

05-05-2012 08:12 PM
قالو التور كان وقع ايش ......................


بتكتر سكاكينو


#355537 United States [احمد أهلية]
0.00/5 (0 صوت)

05-05-2012 07:05 PM
كرم الله دا لو من الشمالية ما كان حصلت معاهو المهازل دى .. زول يبقوهو مسئول من الناس ويكتفو يديهو ؟؟ يدفع من عندو ولا شنو ؟؟ دا استهبال و عنصرية بس .. امرق ساكت ووالله معاك حتى حبل المشنقة ..


#355503 United States [شمس الدين]
0.00/5 (0 صوت)

05-05-2012 06:01 PM
كرم الله لم يطور القضارف ولا القضارف تتطور فى ظل حكومة الموتمر البطنى وانا من ساكن القضارف واسكن قريه من قرى القضارف وبصراحه الكل يملى جيبه وانا قاعد فى الخرطوم اكسر تلج واكل مع الحراميه تحت تحت حريقه فى ود البشير وحريقه فى نافع الما نافع وسير سير يا كرم الله الحرامى الارهابى ههههههههههههههه


#355498 United States [الحكيم]
0.00/5 (0 صوت)

05-05-2012 05:56 PM
كرم الله داير يكون والي فعلي والمركز دايرو صوره ...... كان تسال عقار قبل ماتركب راس
في النهايه كل زول لحس لحستو.......

(ضيعوك ودروك انت مابتعرف صليحك من عدوك)


#355477 United States [اركا بركة]
0.00/5 (0 صوت)

05-05-2012 05:26 PM
عليك باسمراء فانها لك وجاء



يا كذاب


#355367 United States [اليوانسة]
0.00/5 (0 صوت)

05-05-2012 03:34 PM
ارجوان يكون بموضوعية واتساع افق


#355289 United States [محجوب عبدالله]
5.00/5 (1 صوت)

05-05-2012 02:13 PM
والي القضارف المستقيل صرح قبل حل حكومته انه لن يستقيل . لماذا الاستقالة الآن ؟


ردود على محجوب عبدالله
United States [حميدان] 05-05-2012 11:40 PM
تصرف بحكمه افضل من يركبو الطياره


#355179 United States [Mohd]
5.00/5 (2 صوت)

05-05-2012 12:32 PM
بونية كاربة لكن يا كرم الله


مافي شي كيفني غير البوكس الاداهو لحرامي المالية دا اريتوا كان كسر له انفه واللا حنكه عشان يعرف يتكلم ود الكلب


#355121 United States [ام غسان]
5.00/5 (1 صوت)

05-05-2012 11:46 AM
انا مشيت القضارف في بداية هذا الهام ولم اعرف حتي اسم واليها كانت ملاحظة ظاهرة انو هذه الولاية وسخانة لدرجة غريبة بالاضافة الي صعوبة جدا في المياه بالاضافة الي سؤ البيئة شاهدت بعيني منظر الخضار واللحمة في اماكن اجهل انسان بالصحة يقول البياكل من هنا طوالي التهاب حاد في البطن من كثرة الفيروسات والجراثييم والذباب حقيقة حزنت جدا وسألت اهلها انتو واليكم ده ما شايف الحاصل ده امرأة كبيرة في السن قالت يابتي هو قاعد عشان يشوف كل يوم في الخرطوم حقبقة واحسرتي علي ولاية الخير وا حسرتي عليك يا بلد الناس مشوا وين واحنا وين


ردود على ام غسان
United States [محمد احمودي] 05-05-2012 02:54 PM
تحية لولاية القضارف ولى ام غسسان ولك خالدواعلم الاخ خالد انك ليس من القضارف اوماشفتها اصلا او مكابر . لان كلام ام غسان عين العقل وينعدم فيها كل مقومات الصحة واساسها فكيف تذكر اكياس هل تعلم ان ايقاف الاكياس ليس حبا في المواطن وانما حبا في الارض والتي يتكسبون بها رجالات المؤتمر الوطني بي طريقة مباشرة او غير مباشرة . ولمعلومية هذا القرار لم يصدر الا في ولاية الجزيرة والقضارف فهذا لمصلحة المواطن وهل المواطن في الجزيرة والقضارف فقط (وهذا القرار جمهوري) واذا كان الحال كما تقول اين الصحة في ولاية فقيرة رقم كنوزها التى حباها بها الله اغلبية مواطنيها في الاطراف يقضون حاجاتهم في الخلا وما ادراك ما الخلاء الذباب والباعوض ومياة الحفائر والباعوض و........... اي نظافة تتكلم عنها الاخ خالد ياريت نكون واضحين لاصلاح الحال المائل وشكرا.

United States [khalid] 05-05-2012 12:13 PM
والله العظيم بالغتي عديييييييل . انت ماعارفه إنو القضارف أنظف بلد في السودان وأول ولاية منعت إستخدام أكياس النايلون وأول ولاية طبفت شعار يقول الصحة أولاً . أنا ماعارف لكن عندي إحساس إنك ماشفتي القضارف


#355060 United States [عمر عدالة]
5.00/5 (1 صوت)

05-05-2012 10:49 AM
الاخوة المتداخلين عليهم مخافة الله أولا ثم تحكيم العقل والبعدعن المهاترات والسباب والشتم والظنون ولا ترموا بأنفسكم الى الهلاك في أمور لاتهمكم ولا تخصكم .
وموضوع أقالة الوالى يخص أهالي ولاية القضارف من بواديها الى فرقانها ( وأهل مكة أدرى بشعابها ) وهم الذين انتخبوه وجاءوا به الى الولاية ويعرفون جيدا ما قدمه ولم يقدمه وهو بقراره هذا وتمليكه الحقائق أولا بأول حسب المنابر المتاحة لولايته فهو شجاع - وخاصة أن قراره جاء قبل فوات الاوان - وقد وعد في برنامجه الانتخابي بتنفيذ الوعود لابناء ولايته وقد نفذ جزء من هذه الوعود وفشل في الجزء الاخر ووجد عقبات في الايفاء بباقي الوعود والمتطالبات - وهذا أمر لايفعله الا المخلصين من ابناء الولاية - ولم يحدث من قبل فقد رأينا الكثير من الولاة ينساقون وينقادون وراء المناصب والمال وبالعامية ( يكنكشون ) في مناصبهم بالولاء الزائف والتطبيل والتزييف في سبيل البقاء مهما كلفهم الامر .
وعليه يا أهلنا في ولاية الخير والنماء فأنتم أدرى بواليكم المنتخب الذى قدم استقالته - فضعوا النقاط فوق الحروف لاسكات أى لسان أخرس يتحدث نيابة عنكم بتأييد الاستقالة أو الرفض والوقوف مع الوالي المنتخب وقبل وقوع الفأس فوق الرأس والله من وراء القصد .


#355035 United States [لطيفـــة محمود]
5.00/5 (1 صوت)

05-05-2012 10:32 AM
اللهم يا قوي يا عزيز يا سمـيع يا بصير يا عليم أرحم الشعب السوداني المغلوب على امــره واجعــل من ابالـســة انقاذ عبرة لكل الشعوب ، واجعـل كيدهم في نحرهم واجعل الشقاق بينهم وازيقهم بأس بعضهم البعض .آمـــــــــــــــــــــــــــــين يا مجيب دعــوة المظلوم.


ردود على لطيفـــة محمود
United States [Mohd] 05-05-2012 12:17 PM
آمين يا لطيفة و (نضراً) علي امشي مكة عمرة مخصوص للحكومة دي وادعي عليهم وامسك استار الكعبة ربنا يجيب اجلهم الليلة قبل بكرة كلهم واي زول فسد وسرق وضيع البلد ربنا يضيعه في الدارين


#354967 United States [الكلس]
0.00/5 (0 صوت)

05-05-2012 09:39 AM
ياجماعة خافوا الله،وبعدين صلوا على النبى،والله ماعارف كرم الله ولاحكومة البشير الا انهم حكام حكموا بغير ما أنزل الله ومعلوم كل من حكم بغير ما أنزل الله،ظالم،وفاسق أوكافر وده كلام الله،وأدعوا معاى يارب إضرب الظالمين بالظالمين واخرجنا من بينهم سالمين..أمين ووالله مافيش عدل الاتحت ظل الخلافة الراشدة لانو حكم ربنا ولان الخالق فقط هو العادل ولاعدل الا مع من بويع لتنفيذ اوامر الله العادل والله الناصر فللنصر الله لينصرنا


ردود على الكلس
United States [كلوكلو] 05-05-2012 06:23 PM
أيه رايك نبايعك خليفة للمسلمين يا الكلس ( بلتعة )؟ ... قوم داهية تاخدك يا متخلف. إذا كان شيخكم كذاب فمن ياترى سيملأ الأرض عدلا بعد أن ملئت جورا... الله ياخدك وياخد أمثالك ويريحنا منكم ما علاقة مايحدث للشعب السوداني من ذذل وهوان وظلم بالسماء؟ ... كل المصائب على الأرضومن ومنكم أنتم الكيزان وأنت وأمثالك دايما تودوهاللسماء وذلك لزوم الدجل والتضليل.

United States [أمير المؤمنين] 05-05-2012 12:58 PM
ايها الكلس المتكلس
انت أهبل و لا بتتهابل خلافة شنو؟ و وهم شنو اللي بتتكلم عنه؟ ديك مرحلة تاريخية بادت بكل ما فيها من غث (وهو كثير) و سمين (و هو قليل). لو افترضنا جدلا يعني اننا وافقنا على طرحك هذا ممكن توريني من سيصلح ممن نرى حوالينا و علينا الان ليكون خليفة الله في الارض و أمير المؤمنين؟، و بعدين خليك من الانتصار لله فهو أقدر على نصرة نفسه، أنصر نفسك بالتزام الحق و العدل و منادتك بتطبيق الشريعة يجب ان تبدأ بنفسك و بالاقربين قبل ان تجاهد في تطبيقها على الاخرين، و الا فلتصمت و بلاش نفاق و قذارة. سلوككم هذا أضر بالدين الاسلامي ايما ضرر و جعلتم منه دينا لصيقا و سببا لكل تخلف و عدم أخلاق.


#354919 United States [علي]
0.00/5 (0 صوت)

05-05-2012 09:02 AM
رجالات الأنقاذ والمؤتمر الوطني أنتهازين لا يجمع بينهم سوى حب المال والسلطة. الآن وبعد أنفصال جنوب السودان قفل بلوفة البترول في الجنوب وهجليج، بدأ رجالات مافيا الانقاذ يأكلون بعضهم البعض .. البداية كالعادة شتائم، تعارك بالأيادي ... ثم ينتقلون سريعاً لمرحلة شوووت تو كيل.


#354899 United States [منذر محمد حمد]
0.00/5 (0 صوت)

05-05-2012 08:40 AM
اللهم اجعل كيدهم فى نحرهم


#354817 United States [AHMED]
0.00/5 (0 صوت)

05-05-2012 05:22 AM
صدقتي يااختنا سودانية لو اعلن العصيان او انضم لناس لحلو كان احسن ليهو وسيجد الدعم بدلنا مايسلم ولايتو للمافقين من ناس نافع و وزير المالية؟ ما انت ذكرت انهم فاسدين ومنافقين انت نتظر شنوا ؟


#354802 United States [( اصلاحية )]
5.00/5 (1 صوت)

05-05-2012 03:34 AM
كلاااااااااااااااااام بس


#354800 United States [( اصلاحية )]
0.00/5 (0 صوت)

05-05-2012 03:33 AM
عجييييييييييييييييب ياقضرووفى


#354791 United States [AHMED]
0.00/5 (0 صوت)

05-05-2012 02:50 AM
طبعا اليوم عرفتم حكومة الموتمر الوثني انجس حكومة؟ بلاشك عليهم ان يغتسلوا ثلاثين مرة؟و لو اغسلو الف سيظلوا نجساء وانجس من اليهود امثال نافع المعفن؟


ردود على AHMED
United States [موقاوي] 05-05-2012 11:54 AM
يا احمد انت اسمك من اسماء الرسول (ص) تخلق باخلاقه ولا تسب ولا تلعن الواجب علي المسلم الدعاء للأئمة والحكام لنفع العباد والعدل والتقوي والصلاح لأنه يحكم بالشريعة وباسم الله وهو خليفته فسب الحاكم يعني سب خليفة الله


#354775 United States [اسامه]
0.00/5 (0 صوت)

05-05-2012 01:27 AM
ياكرم قولت لي هي لله هي لله


#354773 United States [الجوكر]
0.00/5 (0 صوت)

05-05-2012 01:16 AM
ده عربجي مايستحق يكون والي حوش تصرف بليد وقد تم فصله وركب التونسيه وبكره بيكون في اسمره


#354767 United States [ahmed]
0.00/5 (0 صوت)

05-05-2012 01:10 AM
والله ياشعب حكاية اسبانيا واستراليا دي حقيقة مليون في الميه وحنكو انو مشي يتطلع علي طرق وخطط الري لتطبيقها علي ارض القضارف؟؟ في حين كان المستثمرون العرب جايينو في مكانو لمشروعات ري وزراعة؟؟ عموما هو خرج عن معادلة صندوق أعمار الشرق لان الممملون أشترطو أشرافهم وتدقيقهم المباشر بعد الفضائح الملت السودلن في الفساد.عموما أنا أقترح ليهو أنو يستغفر ربو لما فعلو بأهل القضارف ويتوب توبه نصوحة ويستغفر لاخوانو بقية الحرامية تجار الدين ثم يمشي يكمل تعليمو ثم يجي يترشح للمواطن ويعرض برنامج أنتخابي للمواطن كان يفوزو.ملحوظة (في دية بتاعة واحد أدروب اصيب برصاص عساكره ورفض يدفع الدية لولا تدخل بعض الأجاويد) الله يريحنا منك ومن أمثالك وماأكثرهم اليوم


#354754 United States [( اصلاحية )]
0.00/5 (0 صوت)

05-05-2012 12:50 AM
عجييييييييييييييييب


#354752 United States [د.طه]
0.00/5 (0 صوت)

05-05-2012 12:49 AM
لا مصلحة لي مع كرم الله و لا مع البشير ... لكن حدثني من لا أشك في صدقه أن كرم الله هذا جاء قبل حوالي الشهر أو يزيد الي مستشفى رويال كير بالخرطوم و طلب ان يتم تنويمه باحدى غرف الVIP بالمستشفى بحجة أنه متعب و يحتاج للراحة و بالفعل قضى يومين في احدى الغرف الفخمة و يخبرني من أخبرني بأنه لم يكن هناك أي داع طبي لهذا التنويم ...


#354743 United States [ابوعزام وعاصم]
0.00/5 (0 صوت)

05-05-2012 12:38 AM
صراع المال والسلطة قسم السودان نصين

والباقي لي نصين

والباقي لي نصين

والباقي لي نصين

والباقي لي نصين

والباقي لي نصين

والباقي لي نصين

والباقي لي نصين

والباقي لي نصين

والباقي لي نصين

والباقي لي نصين


#354732 United States [asmeel]
0.00/5 (0 صوت)

05-05-2012 12:17 AM
السيد الوالي :اسي بقيت تعرف الله ؟؟؟ ده كان وين وقت ركبت المظلل وتسافر سياحة لاسبوعين لاستراليا وأسبانينا وشنطتك مليانة دولار؟؟؟ وناس الكالازار راجنك؟؟ ونحن عارفين مشاكلك بدت كيف وليه؟؟ بس يبدو انك ووزير الماليه الفاشل تتنافسان علي سوء أدارتكما وفشلكما.(وناس الكالازار ليهم الله وحده)


#354727 United States [ahmedl]
0.00/5 (0 صوت)

05-05-2012 12:07 AM
فعلا يجب ان يتنحي وزير الماليه الفاشل لكن انت ايضا يافاشل يجب عليك التنحي لو بتخا ف الله زي مابتنصح؟ والله انت ووزير المالية ينطبق عليكما (التعيس وخايب الرجاء)وكلاكما وجهين لعملة واحده وكلاكما مريض سلطة وطالب عرضها الزائل وق أختلف اللصان.بقي ان أكشف للشعب حقيقة ان أساس المشكله تعود لخمسة أشهر مضت أن الوالي طلب عدد 24 سياره 2012 لاندكروزر من النائب الاول لدستوريي ولايته وليس لمكافحة الكالازار كما ينعق اليوم(مع العلم انه ودستورييه يمتطون موديل 2011) وده كلو لمصلحة التيوتا اليابانية وليس مواطن القضارفوكفاك كزبا وتملقا وأدعاء مخافة الله. الله ينتقم ممن يتاجر بالدين شعارا لتحقيق عرض الدنيا الزائل.


#354722 United States [محمد مصطفى]
5.00/5 (1 صوت)

05-05-2012 12:01 AM
يا كرم الله حرك جماهير القضارف وكوِِِن مجلس إنتقالى وكل الشعب حايقيف معاك وتبقى حكاية بنغازى فى ليبيا وأكيد تكون حررت الشعب وتانى ما حاتحتاج تغتسل ولا مرة.....وكمان راضين تحكمنا فترة إنتقالية.


#354715 United States [سودانية]
0.00/5 (0 صوت)

05-04-2012 11:45 PM
ياعم كرم الله ماقلنا لك زمان اعلن العصيان علي حكومة الخرطوم ، واعلن جمهورية القضارف وصدقني لغايةما الجماعة ياخدوا خبر بتكون انت كونت حكومتك ورتبت ميزانيتك وحالك بقي عال العال
اتوكل علي الله يا رجل ، ما تخاف انحنا وراك ، هذا زمانك يا مهازل فامرحي


ردود على سودانية
United States [AHMED] 05-05-2012 05:21 AM
صدقتي يااختنا سودانية لو اعلن العصيان او انضم لناس لحلو كان احسن ليهو وسيجد الدعم بدلنا مايسلم ولايتو للمافقين من ناس نافع و وزير المالية؟ ما انت ذكرت انهم فاسدين ومنافقين انت نتظر شنوا ؟


#354692 United States [ابوالحسن دفع اللة احمد]
0.00/5 (0 صوت)

05-04-2012 11:18 PM
وزير المالية قال ليك ياكرم اللة كرهتنا زهجتنا القروش كلها عملناها ليك سدود فى البطانة
سد الشريك سيتيت و18 حفير و25 شركة جبتها من استراليا ياكرم اللة اللة يدينا ويديك انت القروش عندك 18 مليار صندوق دعم الشرق من الكويت عاوز بالفتافيت شنو واللة عاوز ليك شعبية


ردود على ابوالحسن دفع اللة احمد
United States [وطني] 05-05-2012 08:23 AM
يا أخ على كفر والله إنت قافلة معاك قفلة جد. يا أخي لو تابعت الناس ديل والله يجيك ضغط أو سكر أصلو تعليم إنقاذي ليس فيه فرق بين التاء المربوطة أو المطلوقة أو المظلوطة. الله يحفظك ويحفظنا.

United States [علي كفر] 05-05-2012 01:59 AM
ابو الحسن الله يهديك ما تكتب لينا اسم الجلالة بالتاء المربوطة ابو العلمك العربي
وانتو يا مشرفين الراكوبة عمي انتو بتوافقو على تعليق بدون قراية ولا شنو كرهتونا انتو ذاتكم زي ناس كرم ديل بلا ياخدكم وياخد يومكم


#354691 United States [Ahmed Taha]
0.00/5 (0 صوت)

05-04-2012 11:17 PM
ولعت يا حرامية وشهد فاسد من فسادها بانها دولة الفساد والاستبداد والجهوية والقبلية,, عما قريب يا كرم يا الما بتعرف الكرم سوف يجتاحكم الطوفان وعندها يكون الشعب السودانى غادر بمراكبة لانكم ابيتم الامتثال لنصائحة بالركوب معه حتى تنجو,, ولكن هيهات لانكم راهنتم على اوهام ظنا منكم ستنقذكم من الطوفان,,
التغيير قادم ولو كرة الكيزان
امجد للشعب السودانى,,
والنصر معقود بلواء جماهير شعبنا....


#354689 United States [محمد عبدالله محمد]
5.00/5 (1 صوت)

05-04-2012 11:14 PM
النار ولعت فى (قلبى) بطفيها
هى النار هى النار هى النار ولعت.
ابو الكلب؟؟؟؟؟؟؟؟؟
كرباب كييكك كروك بروووك ماردوكشان ديفوقان مرجرروك ساردينافان باجيكان كع كرع رع رع رع .
دا سريانى ولا شنو؟؟؟؟


#354671 United States [سيد الحاره]
5.00/5 (2 صوت)

05-04-2012 10:48 PM
نكره من نكرات الانقاذ..لاتفتكر عشوائيتك وهمجيتك البتعمل فيها ستنصبك بطلا بالعكس انت أكدت بتصرفاتك الصبيانيه الركيكه دي بأنك فقط سازج ومبرطع ظهرت في زمن الغفله هذا..بالله العمد زمان ما كانو بديروا اداراتهم بهكذا تصرف...والتحليل النفسي لحالاتك هذه بانك مامصدق حتى الان بان تكون حاكماومحتار كيف تتعامل مع المسئوليه...على فكره ان هذا الوالي لا يحترم اي انسان مهما كانت مكانته وهو مفتكر كل انسان عباره عن عامل معه في مشاريعه...الله يجازي الكان السبب


#354661 United States [هناى]
5.00/5 (1 صوت)

05-04-2012 10:33 PM
و الليلة اللمبى قام عليكم


ردود على هناى
United States [الزول] 05-05-2012 02:58 AM
والله دي قويه شديد


#354652 United States [سيد الحسن]
0.00/5 (0 صوت)

05-04-2012 10:23 PM
أصبروا شوية كدا ..
سوف يلحقوا القضارف بمناطق حالة الطوارىء الأخيرة.
والريحان كلو ريحته واحدة وهو واحد منهم أولا وأخيرا... الوالى بعدما شعر المركب عاوزة تغرق عاوز ينط منها.
أحييه على شجاعته والتى جبن من التصريح بما فى دواخلهم كثيرون من كوادر المؤتمر الوطنى.


ردود على سيد الحسن
United States [كوز ابن انقازي] 05-05-2012 11:22 AM
دي مركب على الله لابتحرق ولابتغرق


#354643 United States [المواطن علي حسن سلوكه]
5.00/5 (4 صوت)

05-04-2012 10:10 PM
الزول ده كان احسن له يكبر حلقومه ويطلع لينا تجريده تجريدتين من الفشقه بعد استئذان اخواننا فى العقيده الاحباش للتهليل والتكبير بانتصارات العصر ساكت لجيوش الحشرات والاصطفاف اعجابا بالاعجاز العلمى والهندسي لفلتة زمانه دكتور اداب هندسه بيوت اشباح الذي استطاع فى اسبوع اطفاء حرايق ابار ومستودعات النفط واعاده الضخ بكفاءه يحسده عليها ناس موية ام بده وشبكتهم البقت ري للشوارع بالتنقيط
واضح انو من فتره بقت عنده اعراض مرض الديمقراطيه وارتفاع فى درحة النزاهة والشفافيه ودى حاله مرضيه خطيره والكارثه انو بقى عنده هذيان بعنصرية زول الكسره ودكتاتوريته الفظه وكمان هبش شيخنا بتاع بيوت الاشباح يعنى باختصار الزول ده جن وفقد المحنه ودى فى عرف اخوان نسيبه حاله لازم يلحقوها امات عقار ومسار


ردود على المواطن علي حسن سلوكه
United States [الاقرع النزهى] 05-05-2012 08:11 AM
وووووووووووونشكر المواطن على حسن سلوكة كما قالها اب عاج

United States [محمد عادل] 05-05-2012 04:50 AM
احييك والله انت محلل بارع كدا الكلام خلي يكتبوا لينا كتابه ما نستفيد منها اي حاجه

United States [azaam] 05-05-2012 02:54 AM
احيى المواطن على حسن سلوكة


#354608 United States [ابوامل]
3.00/5 (1 صوت)

05-04-2012 09:21 PM
المشكلة فينا نحن معارضو المؤتمر الوطني ومرتادي الراكوبة اننا مازلنا نهلل لاي واحد من ناس حكومة المؤتمر الوطني شق عصا الطاعة على اسياده في المؤتمر الوطني وخلاص نعتبره حيسقط الحكومة .. ولكن في اعتقادي انو اي واحد من ناس المؤتمر الوطني لا ينتقد حكومته الا في حالة فقدانه لمصلحة شخصية وزول القضارف ده ما تكلم عن سياسات مالية واجراءات لكنه تكلم فقط عن وزير مالية لم يعطه قسمته من الكعكة وعرف الان وليس من قبل ان الحكومة عنصرية وجهوية وغشاشة ومحتالة .. وما يفتكر نفسة حاكم منتخب . هم حتى انتخاباتهم دى ما معترفين بيها ويمكن للرئيس ان يقيل الوالى حسب مزاجه


#354594 United States [ضاحي الصاحي]
3.00/5 (1 صوت)

05-04-2012 09:08 PM
في نهاية المطاف الشعب السوداني هو من يدفع فاتورة الخلافات وتلك الازمات المتتالية === ابكي أيها الوطن الحبيب ===


#354590 United States [يايا كور]
0.00/5 (0 صوت)

05-04-2012 09:05 PM
آه ياقضارف يابلد
عطشانة من ومن العنج
ممكونة لا زمن الهمج
لا بلو ريقك لا سقوك
لا فترو من كتر الخمج


#354584 United States [مريود]
0.00/5 (0 صوت)

05-04-2012 08:42 PM
القضارف لمن يعرفها وضعها القبلي هش جدا لا تقبل أي انفلات أمني .
فيا سعادة الوالي خلي سواقة الزلط في الكرب .


#354552 United States [ابوالجن الكلكي]
4.25/5 (4 صوت)

05-04-2012 07:03 PM
المتابع لتصريح والي القضارق حول التطبيع مع اسرائيل والتأكيد على أن هناك مجموعة داخل الحزب تؤيد ذلك... ومر الموضوع دون مساءلة الوالي من قبل الحزب الحاكم ومن الرئيس شخصياً..!!!!!
هذا يعني أن أمراً ما يمنع الرئيس من اتخاذ قرار تجاه هذا الوالي كرم الله عباس...!!!!!!!!!!!!!!!!!!!!!
واعتقد انه لولا هذا الأمر لكان هذا الوالي ذهب في ستين داهية من اول تصريحه عن التطبيع مع اسرائيل..
خمنوا.....


ردود على ابوالجن الكلكي
United States [Mohd] 05-05-2012 12:22 PM
كل واحد عارف فساد الثاني

عصابة الالوية الحمراء ، عصابة المافيا ، كلهم على هذا النسق

لعنة الله عليهم في الدنيا والآخرة


#354550 United States [عسولة]
4.50/5 (2 صوت)

05-04-2012 07:02 PM
وااااي وووووب ولعت


#354540 United States [كرتوت]
4.00/5 (2 صوت)

05-04-2012 06:35 PM
طيب ما تستقيل يا ثقيل


#354535 United States [ود الطيب]
3.00/5 (1 صوت)

05-04-2012 06:31 PM
ذكرني نكتة غنماية الكوشة مع الكلب (ياربي الغنماية دي جنت؟)


#354534 United States [الاقرع النزهى]
4.75/5 (4 صوت)

05-04-2012 06:29 PM
الكترااااااااااااااااااااااااااااابة !!!!!!!!!!!!!!!!!!


ردود على الاقرع النزهى
United States [محمد عبدالله محمد] 05-04-2012 10:53 PM
كتكرى هبت. ولا دى عاصفة عدييييل ! او تسونامى سودانى من النوع ابو كديس

United States [الباع جملو] 05-04-2012 10:12 PM
وهاااااااااك
دي
كراااااااااااااااااااااااااااااااااااااااااابة بي كتاحة أم عجاج

United States [سند] 05-04-2012 07:19 PM
قدر ما حاولت اداخل لم اجد ابلغ من كترااااااااابتك دى ايها القرع النزهي عشان كدة انا ذاتي اديها معاك واحد كترااااااااااااااااااااااابة!!!!!!!!!!!!!!


#354522 United States [هاشم حسن]
2.88/5 (4 صوت)

05-04-2012 06:13 PM
ارجل سوداني على الاطلاق تحية لك


#354519 United States [المر]
4.75/5 (3 صوت)

05-04-2012 06:08 PM
حكومه الجنوب شغاله تعبئه وشغل ضد القبليه عكس حكومة لحس الكوع والهع هع
وشغاله دبلوماسيه خارجيه باحتراف وتمكنت من قلب الحقائق واستصدار القرار الاخير من مجلس
الامن عكس الدبلوماسيه بتاعت تجار السجانه والاسمنت.
اتفرجو على sstv


#354517 United States [المبروك]
3.00/5 (1 صوت)

05-04-2012 06:03 PM
يا كرم الله انشاء الله تصمت في وحه الكيزان وناس المؤتمر الحرامية القروش توردها لقطبي الحرامي ونافع كذالك ووداد والمتعافن والبشير المتخلف وكلهم حرامية لوصمدته انت بطل ومابجيك اي شي


ردود على المبروك
United States [Mohd] 05-05-2012 12:24 PM
يا مريود اعذره دا تعليم الانقاذ ، دمروا كل شي الذنب ما ذنبه

ذنب ارباب المشروع الحضاري التدميري لعنهم الله اينما حلوا

United States [مريود] 05-04-2012 08:27 PM
أرى أن تتعلم أبجديات الإملاء قبل السياسة.
ولا تورطوا الرجل أكثر.
(إن شاء الله )( تصمت ) حتى ( تصمد )


#354512 United States [خلف الله عديل]
4.50/5 (2 صوت)

05-04-2012 05:52 PM
سعادة الوالى , لايوجد حكم فدرالى حقيقى فى السودان , وهنالك خياران امامك ,


الاول ان تلحق باخوانك فى النيل الازرق وجبال النوبة .

الثانى ان يكون مصيرك مثل عبدالحميد موسى كاشا .

الثالث ان تكون مخلب القط فى صراع الخفاء داخل القصر الجمهورى , او كما قال .....


#354505 United States [يحي]
0.00/5 (0 صوت)

05-04-2012 05:25 PM
ماذاينتظر الشعب من نظم


#354501 United States [مشكاح]
4.00/5 (1 صوت)

05-04-2012 05:17 PM
اخى كرم الله اديك فكرة وانا عارفك ما بتعمل بيها لانك نذيه : قم ببيع اراضى الاسواق بالمزاد العلنى مثلما فعل والى سنار واسس الشركات الخاصة وهيمن على كل المشاريع لصالح تلك الشركات الخاصة وبيع اراضى الفشقة للاحباش ودلل مشاريع زراعية لكل الاجناس والحكومة سوف لم تسالك ولكن اوعاك من بيع هجليح للجنوبيين لان ذلك خط احمر.


#354496 United States [مشكاح]
4.75/5 (3 صوت)

05-04-2012 05:11 PM
يا كرم الله اديك فكرة جيدة جدا ...انت ما شفت والى سنار يبيع فى اراضى الاسواق بالمزاد العلنى ويدر اليه بالمليارات حتى قام احتجاج شباب ودالنيل بحرق المحلية وديوان الذكاة والضرائب كما قام الوالى يتاسيس الشركات الخاصة وقضية مشروع الكناف رغم نشر فسادها بالصحف قتلت تماما ...اقول لك ياكرم الله وانت ما منهم ولكن بيع اراضى الاسواق فى كل الولاية بالمزاد العلنى وبيع الاراضى الزراعيه بالمزادات وبيع اراضى الفشقة للاحباش وزيدهم اراضى بالدولار وانقذ شعبك من الامراض المستوطنة وتاكد ان الحكومة الاتحادية سوف نكون راضية عنك لان وزير الداخليه ولكن اوعاك ان تبيع هجليج للجنوبيين لان الجنوبى خط احمر .


#354493 United States [ام الغايب]
3.25/5 (3 صوت)

05-04-2012 05:09 PM
مسرحيه هنديه
الكاتب الكيزان
المؤلف الكيزان
السيناريو الكيزان
الجرافك الكيزان
التمثيل الكيزان
المشاركون الكيزان
الابطال الكيزان
مساعدو الاخراج الكيزان
والفبركه للكيزان
والمخرج والي القضارف
بصراحه غرفنه من كله الوزير الفلاني مغ علان ووزير الدوله مغ فلان وكل هذا في هذه الايام دي بسي يامعشر الكيزان نحن اصبحنا في كفة الميزان


ردود على ام الغايب
United States [Mohd] 05-05-2012 12:26 PM
والمشاهد الشعب الجبان

الجوعان

United States [ابو الغائب] 05-05-2012 12:05 PM
الجمهورررررررر الكيزان

United States [زحوا لينا كدي ولا كدي] 05-04-2012 10:41 PM
نسيتي المشاهد وهو محمد أحمد المرارتو مفقوعا


#354489 United States [الكد مبس]
3.00/5 (1 صوت)

05-04-2012 05:07 PM
غايتو أنا أتنبأ بأن السودان حيدخل فى حروب , فى كل الولايات , وتمرد خطير فى كل أنحاء السودان ,, بسبب سياسات الحكومه ,و والظلم الذى أصبح واضحا ,, والتململ الذى بدأ يطفو للسطح ,, والفساد الذى صار يزكم الانوف , فقد طفح الكيل , ولو هب الشعب ,, فلن يتوقف أبدا ,


#354487 United States [محمد]
4.75/5 (3 صوت)

05-04-2012 05:06 PM
والي القضارف لم ينل حظا من التعليم ابدا فهو خريج الكتاب القديمه... وهو تاجر محاصيل معروف في القضارف والتصق بحكومه الانقاذ فقط ليحمي تجارته فما عرف عنه اي مبداءاو فهم . تانيااختلف مع والي الخرطوم لما كان واليا علي القضارف طبعا في الاسثمارات والعطائات التي كان الخضر يستحوذ عليها لتقع لشراكته الخاصه وده ود البلد شايف انو هو احق بها اذن كل خلافاته كانت من اجل تجارته ولم تكن من اجل القضارف وبالمناسبه الرجل ده منذ ان جاءت الانقاذ وهو متشبس بالمجلس التشريعي وما تركه قيد انمله طبعا برضو لدفاع عن مصالحه_ الان بتكلم عن مرضي الكلازار والجهويه يااخي انتا من سنه 90 كنت وين ليه صامت وساكت هسي لمن بقت في لحمك الحي بقيت تنبح زي الكلب مره تقال عايز تمشي اسرائل مره تقول بتتمرد- طبعا عبدالرحمن الخضر كبرت معاه وبكون مشترك مع وزير الماليه قالو احسن نحرق الكرت ده....... يلا اتخارج يا تور الله الانطح


ردود على محمد
United States [عجبي] 05-04-2012 09:35 PM
وكـأنة حديث من في نفسة شئ من حتي


#354488 United States [Amin]
3.63/5 (4 صوت)

05-04-2012 05:06 PM
أنا شايف إنه حايجي يوم قريب الناس دي كلها تتبرأ من الحكومة
وكل واحد يطلع نفسه إنه كان من الناصحين

الحكومة دي نهايتها تتحلل.. زي الجيفة

الشعب ما يلقى حاجة يسقطها


#354485 United States [كستكة]
4.50/5 (2 صوت)

05-04-2012 05:00 PM
شغل نضيف يا كرمة..
جادين شات مسار برا...
وكرمة نفض صاح مع علي محمود..
ويتواصل المسلسل الشيق...
بس بالله بحة بتاع الدفاع اخلصو لينا منو سريع


#354476 United States [نورالدين الجعلي]
4.50/5 (3 صوت)

05-04-2012 04:44 PM
ياخي بلا لمة الناس ديل كلهم كدا
كل مانقول موسي يطلع فرعون



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية

تقييم
9.50/10 (16 صوت)

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة