الأخبار
أخبار إقليمية
نافع على نافع يشن هجوما عنيفا على الجبهة الثورية والمعارضة واميركا والحركة الشعبية..ناظر عموم البطاحين : 90% من قبيلة البطاحين في زمرة حزب البشير
نافع على نافع يشن هجوما عنيفا على الجبهة الثورية والمعارضة واميركا والحركة الشعبية..ناظر عموم البطاحين : 90% من قبيلة البطاحين في زمرة حزب البشير
نافع على نافع يشن هجوما عنيفا على الجبهة الثورية والمعارضة واميركا والحركة الشعبية..ناظر عموم البطاحين :  90% من قبيلة البطاحين في زمرة  حزب البشير


05-13-2012 12:26 PM

نافع : نعلم باجتماعات بعض الأحزاب مع الجبهة الثورية بلندن

الخرطوم :حمد الطاهر: أكد نائب رئيس المؤتمر الوطني، الدكتور نافع على نافع، أن الحكومة على علم تام بالاجتماعات التى تعقدها بعض الأحزاب فى لندن مع ما يسمى بالجبهة الثورية لمحاربة الحكومة التى حققت الانتصار عليهم فى هجليج، وتشن الهجمات عليهم الآن فى كاودا وفى كل المواقع التى يتجمع فيها الخونة والمارقون.
وقال نافع لدي مخاطبته أمس أمام القيادة العامة للقوات المسلحة نفرة وقافلة قبيلتي البطاحين بشرق النيل والجميعاب بالريف الشمالي لمحلية كرري دعماً للقوات المسلحة، بأن هؤلاء أكثر غباءً من الحركة الشعبية؛ لأنهم ظنوا أن الحركة يمكن أن تكون لهم طوق نجاة من هذه الحكومة المتمكنة،وأضاف ان موالاتهم لـ عقار والحلو وعرمان لن تكسبهم شيئاً؛ لأن هذه الاسماء أصبحت منبوذة من الشعب السوداني. ووجه نافع حديثه للأحزاب المشاركة فى هذه الاجتماعات بقوله هم يعلمون أننا نعرفهم فرداً فرداً .
واعتبر نافع، ادانة أمريكا للحركة الشعبية عقب الاعتداء على هجليج ليس ذلك (حباً) فى السودان إنما خوفاً على الحركة الشعبية لان واشنطن تدرك بأننا سنرد للحركة الشعبية الصاع صاعين، مشيدا بتدافع أبناء قبيلتي البطاحين والجميعاب واللتين عرفتا بالشجاعة، وان حضورهما بهذه الكثافة فيه رسالة واضحة للقوات المسلحة بأن وراءها رجالا، وأن تمضى فى سبيل تحرير كل الاراضي السودانية كما ان هذا الدعم هو بمثابة الدانات التي تغيظ الاعداء .
وشدد نافع ،على ان من «لايقف مع القوات المسلحة ليس منا «،مشيراً الى ان مواقف القبائل والادارات الاهلية تعبر عن رسالة «انه لامكان للخائنين بين الشعب « ،وجاهزيتها للذود عن الوطن.
وهاجم نافع من اسماهم بالطابور الخامس بالعاصمة البريطانية ودمغهم بـ»الاغبياء والمنبوذين «،وقال هنالك مجموعة بلندن تجتمع الآن مع مايسمي بالجبهة الثورية للترتيب لاسقاط الحكومة ،»هؤلاء نعرفهم بالاسم الان»،
وتابع بالقول»ان كانت الحركة الشعبية غبية فهم اكثر غباء منها لانهم اعتقدو انها ستكون طوق النجاة من حكم الانقاذ ولم يدركوا ان من يوالي باقان اموم والحلو وعرمان سيكون منبوذاً من قبل الشعب»، وزاد: ان المرجفين في المدينة اعتقدوا ان هجليج ستكون انتفاضة ضد الحكومة ولكنها اتت علي غير مايشتهون، وقال ان القوات المسلحة قامت «بجز رقابهم واطرافهم في هجليج « .
وسخر نافع من ادانة احزاب المعارضة الهجوم علي هجليج ،وقال امريكا رغم انفها ادانت الهجوم وليس دفاعا عن السودان بل لتحول دون رد الصاع صاعين للحركة الشعبية ،وان احزاب جوبا ادانت الهجوم في محاولة لتزيين الوجه بالمساحيق لحماية الحركة الشعبية متجردين من المروءة والوطنية.
من جهته، قال ناظر عموم البطاحين، الشيخ خالد الزبير طلحة، ان قبيلته تقدم عهداً وميثاقاً للرئيس البشير علي الموت ،واعلن عن فتح باب التجنيد الطوعي للقبيلة، مبيناً ان 90% من البطاحين هم في زمرة المؤتمر الوطني.
وقدمت قبيلة البطاحين مايقارب الـ 40 دفارا محملا بالسكر والدقيق ومواد غذائية اخرى.

الصحافة



تعليقات 41 | إهداء 0 | زيارات 5533


التعليقات
#363359 [Adrob2]
0.00/5 (0 صوت)

05-14-2012 02:09 PM
اذهب الي الجحيم


#362783 [عبدالباقي عثمان]
5.00/5 (1 صوت)

05-14-2012 07:06 AM
الاعزاء في الراكوبة سلام من الله علي المؤيد والمعارض ، وكلنا سودانيون ، سؤال صغير جدا ، هلا نعف انفسنا عن النبذ والشتائم ، لماذا نشتم بعض ، البطاحين قبيلة معروفة ، بالكرم والجود ، واغاثة الملهلوف ، والله ما يحزنني الشتائم ، لماذا ايها الاخوة الكرام معارضة وغير معارضة ، ياجماعة الخير ، مهما كان الاختلاف ، هناك الادب ،


#362744 [دنقلاااوي]
5.00/5 (1 صوت)

05-14-2012 02:24 AM
والله يالبطاحين انتو صحيح بطاحين اسم على مسمى خلوكم كده منبطحين لي يوم الدين بطحه تاخدكم


#362694 [قريب من البطاجين]
0.00/5 (0 صوت)

05-13-2012 11:41 PM
اهلنا البطاحين سلامات والله ما أرى الا انكم تنكرتم لأصلكم وساسكم الأول في السودان الرجل الذي صنع اكبر اسم لقبيلة البطاحين على مستوى السودان وخارج السودان الشخ محمد صديق طلحة الاسم الذي لو ذكر لاي سوداني تذكر قبيلة البطاحين واليوم شيخ خالد صار اسمو غير اسم الاخدر بالدال وليس الضاد :خالد الزبير طلحة" ما اظن الاسم دا صحيح نحنا بعرف ابو الصديق" ابو الصديق رحل حزنا بالفرقة خلي العيون تدمع والقلوب حرقة.


#362688 [جس]
5.00/5 (1 صوت)

05-13-2012 11:31 PM
الجبن عار والشجاعة هيبة والحرب ثبات والموت في شان الاله حياة ومن المعروف ان نافع وزمرته من الموتمرجية هم اجبن من وطاؤ قدمهم علي الارض بدليل ان الرئيس خاف من المصور في اسمرة واتخلع من الطائرة الفرنسية في قطر وهذا خير دليل علي ان الموتمرجية وعلي راسهم رئيسهم لا يستطيعون ان يضحطو شخص واحد في ساحات الحرب وهجليج ليست برامج وطني لان بترول هجليج ما كان يتعدي جيب البشير ونافع والجاز واهلهم لزا ما لا يفيد السودان يجب ان نكون بعيدين عنه حتي نزيل العفن قبل تلق الجزء البافي من السودان ثم نبدا في التطور البشري بدل عن الخواء الفكري والزج بالجيل في الحروب وياجماعة انتو عمركم انتهي حسب اعمار امة النبي صلي الله عليه وسلم خلو الشباب يتمسكو بزمام الامة الاسلامية وخلونا من الدنس كفانا يا شياطين الانس


#362645 [mkgn al-akhwan]
0.00/5 (0 صوت)

05-13-2012 10:30 PM
والله الناس دي دجالين لدرجة يحار معها ذو اللب!.
والله اصح نسبة تقال ان 99% من ارزل افراد القبائل السودانية اجتمعوا وكونوا هذا الكيان الجامع للرزائل ...
ما دام خشمك البذي دة ما بستحمل بليلة الحصحاص في اخرها ما الذي اطلق لهاتك لبق الشهد بالماء الانقع ...لا تعرفون اهلنا الا في
مواسم الانتخابات ولعلة الدانات ...
وهذا الحاقد لم تربه القبائل السودانية وانما رضع من سموم الماسون الاخواني وكرع من احواضها النتنة فتجشا الكراهية ....
اقول ذلك واعرف ابناء عمومته المباشرين ابناء المربي العفيف (ح.ن)
لم يلوثوا انفسهم واكتفوا بالقليل ...والله والله لقد رايت هذا الاستاذ قبل
عامين وحاله كعهدي به سنة 1995 ...والله الابرة والخيط علي ملابسه
القديمة ...خبرتني سر البر لدي ابنائه النشامي.
حان الوقت لمحاربة التخندق الكيزاني خلف قبائلنا الكريمة
الجعلي االديمقراطي ...من مهاجر الشجعان.


#362617 [ود الحضري]
5.00/5 (8 صوت)

05-13-2012 09:39 PM
والله للأسف الشديد في ناس تلقى اسماهم كل يوم في تعليقات الراكوبة ومن اشد الناس كرها للكيزان لكن الي الان لم يستطيعو ان يفهمو الكيزان ...الراكوبة دي رغم الجهد الوافر والواضح ما اضافت ليهم شي
لما اجي واحد يبني علي كلام كوز وخصوصا نافع ويبدا يهاجم اخوانو من السودانيين المظلومين تبقى مصيبة وابقى لسة ما عارف يعني شنو كوز
والمصيبة انه النمازج الذكرها نافع او ما سمى نفسه ناظر البطاحين ديل متوفرين في اي مكان اذا اخذنا مشكلة دارفور تلقى جزء من اولاد دارفور متورطين
اذا قلنامشكلة المناصير جزء من اولاد المناصير متورطين
اذا قلنا مشاكل الشرق تلقى جزء من اولاد الشرق متورطين
اذا قلنا مشروع الجزيرة تلقى جزء من اولاد الجزيرة متورطين
اذا قلنا مجزرة كجبار تلقى جزء من اولاد المنطقة متورطين
اذا قلنا جنوب كردفان والنيل الازرق جزء من اولاد المناطق دي متورطين
كل الخونة ديل بأي حال ما ممكن تنسبهم لقبيلة معينة هم كيزان وبس
بعدين انا قبل كدا طالبت الراكوبة واحملها جزء من المسؤلية طالبتها بعدم نشر اي مقال فيه عنصرية اذا كانت العنصرية والقبلية دي واحدة من اهم اهداف الكيزان مفروض نحن كناس حادبين علي مصلحة الوطن ننأ بنفسنا بالخوض في الامور القبلية دي وانا اكرر تاني الطلب من الراكوبة عدم نشر اي تعليق بسيئ لقبيلة او جنس معين
بعدين مشكلة المواقع انه الواحد بيقول ما بداخله دون مراعاة او حياء في حين انك لو قابلت الشخص وجه لوجه ما تقدر تقول ليه الكلام الانت كتبته خصوصا في موضوع القبيلة
نحن يا جماعة مفروض نوحد جهودنا ضد الكيزان ما ضد بعضنا هم فرقونا ما فيه الكفاية عاوزين نحافظ علي الحاجات الما حصل فيها شرخ
وانا ما عاوز الراكوبة تصبح منبر للتفريق ونحن شفنا قبل كدا ما كان يكتب في المشاهير والراكوبة لو منعت التعليقات العنصرية تجبر الناس اتوقفو وتكون هدمت واحدة من اهداف الكيزان


#362611 [wedhamid]
3.00/5 (2 صوت)

05-13-2012 09:26 PM
لقد كنت فى حيرة من أمرى لمعرفة الجهة الجغرافية و القبيلة التى ينتمى إليها هذا المدعو نافغ بن على النافع و حتى توصلت الى تعليق بتاريخ 13.3.2012 بالراكوبه للأخ أبو مدين ......ذكر فيه الجهة التى ينتمى إليها هذا البائس و زال عنى التعجب كله فهل من يؤكد يا إخوة ؟؟ تعليق أبو مدين يذكر .......(( اخـونا نافـع مـن مـواليد حـلـة ( أم ظـق ) ريفي ود أبولاكـوعـة .. وهـي مـن قـري شـمال كردفـان الـبسيطـه الـوادعـة ، وتسـمي هـذه المنطـقـة ( دار الـريـح ) وسـميت بهـذا الاسـم نسـبه للكتاحـه والغـبار والـرياح الـعـاصـفـة .. .....
والـده عـم عـلي مـن أقـدم وأشـهـر حـلاقي ومـعـالجـي الحـمير فـي تلك المنطـقـة .. الـغـبش فـي تلك المنطقه لايـعـرفـون لا تاريخ ولا جـغـرافيا ، ناهيك عـن تاريخ مـيلاد .. يرجح أن نافـع مـن مـواليد عـام الجــرادة أم جـعـز .. وهـو عـام غـزو جـراد فـريد وغـريب فـي نوعــه ، يأكـل حـتي تتدلـي أحشـائه مـن بين رجـليه ، ممـا إسـتدعـي أهـلـنا الـغـبش إطـلاق هـذا الاســم الـقبيـح عـليـه .. أقصـد الجـراد !!! ))
فنعم الجهة و الأسماء و تاريخ المولد ....متوافقه مع خلقه تماما


ردود على wedhamid
United States [شوق] 05-14-2012 10:15 AM
الاخ (wedhamid) ..اعتقد ان نافع من منطقة ريفي شندي ودا ماالمهم من اي المناطق هو ..لكن قولك (فنعم الجهة و الأسماء و تاريخ المولد )؟؟؟؟؟؟؟؟؟؟ عذرا وين العيب في الجهة والاسماء وتاريخ المولد ,عندك تحفظ على شخص نافع عادي لكن لا تاخذ بذنبة الجهة والاسماء..


#362603 [المرضي]
0.00/5 (0 صوت)

05-13-2012 09:10 PM
شـيل شـيلتك يا نافع.. الحقيقة المؤكدة أن معظم مواطني شـمال السودان مع الجنوب عديل كده والله أكبر عليكم ياكيزان يا حرامية.


#362600 [جيعان]
5.00/5 (1 صوت)

05-13-2012 09:04 PM
على الحلف كان لقيت لى فرصه فى الذول ده انا وهو برانا كده الا اشبع من كبدتو


#362592 [ibram]
1.00/5 (1 صوت)

05-13-2012 08:43 PM
أبشروا يا أهل السودان ...... لم يتبق للقوم سوى القبيلة ..... أنها و ربى بداية النهاية ..... قاموا يتفكيك السودان جهويا ... و ضربوا احزابه فأحالوها شظايا .... و هدموا مؤسسات الدولة فصارت ركاما.... والآن -بعد خراب سوبا – يريدون الاحتماء بحصن القبيلة .... ارتكسوا بنا ألف عام للوراء، الى ما قبل السلطنة الزرقاء لا و ألف لا.... سينهض المارد من بين الركام


#362544 [ادروب شراب الروب]
5.00/5 (1 صوت)

05-13-2012 07:33 PM
يانافع انحنا برضو اولاد قبائل

لكن انحنا 100% ضد المؤتمر الوطني

وانت ماارجل مننا لاتفتكر انك محتمي باالانقاذ ...... لكن جاينك جاينك

جيانك بي سفروكنا وشوتالنا


ردود على ادروب شراب الروب
United States [badr] 05-13-2012 10:33 PM
بى شنو؟


#362531 [البطحاني]
5.00/5 (4 صوت)

05-13-2012 06:53 PM
باسم قبيلة البطاحين والاحرار من ابناء شرق النيل الذين نهبت الانقاذ اراضيهم وشردت ابناءهم وسلمتهم بعض القيادات كصانديق مغلقة للمؤتمر الوطني .. اعلن ان الذين تبرعوا للقوات لمسلحة اشخاص بالعدد هم المستفيدين من المؤتمر واسر بعينها .. واعلن ان البطاحين الاقوياء الاشداء لا يوالون الحكومة واننا برءاء منهم ... والنسبة المذكورة معكوسة تماما ...
اننا بيوتنا وقرانا .. وابناءنا في المهجر ننظر للفجر ان ينبلج وان يزاح ستار الانقاذ الكثيف المدلهم عن اعينننا لنرى الحق وندحض الفساد والنفاق .... حتى في داخل قبيلتنا .. واننا ظللنا ننبذ القبلية ونجود بابناءناواموالنا واراضينا للوطن ... عندما كان الوطن نموذجا ورمزا عزيزا ... وانتماءا نفاخر به ... اما الان وقد تسلق جماجمنا الفئران امثال نافع وعبد الرحيم ومجرمي الحرب وسارقي المال العام .. فلا نملك الا "حسبنا الله ونعم الوكيل " حتى ان يزيحهم الله بقدرته ..ز وللعلم ... معظم حروب الانقاذ ضد ارجاء الوطن الاخرى لم يدخلها الا القليل جد القليل فقط من ابناء البطاحين ... لكم التحية .. ونرجو الا يساء الظن بقبيلة تمثل وتجسد الوطنية والاستقلال والشهامة والصفات السودانية القديمة .


ردود على البطحاني
United States [النورس] 05-15-2012 02:11 AM
ياسلام عليك ايها الوطني الرائع

United States [المبارك] 05-13-2012 07:29 PM
مشكور يا لذيذ ياريت يكون معظم البطاحين فعلا كده


#362507 [تكتيك]
5.00/5 (5 صوت)

05-13-2012 06:09 PM
بنعرف البطاحين اكثر الناس حبا للوطن وفيهم الكرم والشهامة فاما من يزكرهم نافع قد يكونوا الصف الثاني منهم غير المتعلمين والمستدرجين بمنافع خاصة فاتذكر رواية شخص ان اسرة من البطاحين متزوجين جنوبية فيوم الاثنين الاسود كما يقول البعض قاموا بتوفير حماية كافية ان لا يقترب اي شخص لهذه الجنوبية والنيل منها غير ذلك رجل الاعمال البطحاني الذي تزوج جنوبية في ايام انفصال الجنوب عن السودان الام فهذا يدل على شهامة هولاء الرجال فيا نافع انكم اغتصبتم اراضي البطاحين واخذتوا منهادولارات فاول شيء اعادة اراضي البطاحين لانهم حركة شعبية قد يقدرون بكم قبل بلوغ الجبهة مشارف الخرطوم


#362505 [yass]
4.25/5 (3 صوت)

05-13-2012 06:06 PM
انا واثق ان هؤلاء ليس بطاحين..وقديكون هناك منبطحين من البطاحين وهذا حقيقي في عهد الانبطاح العام الذي نعيشه.


#362498 [علي دينار]
5.00/5 (2 صوت)

05-13-2012 06:03 PM
هههههههههاي يامنافع داير تقول لشعب السوداني انا قبيلتي البطاحين


#362487 [خلف الله عديل]
5.00/5 (2 صوت)

05-13-2012 05:46 PM
نافع على نافع بدا يستشعر خطر القبيلية القادم , وبدا يتظاهر بانه ياوى الى ركن شديد


لذلك قام بتدبير افواج البطاحين تحت مظلة دعم القوات المسلحة , وذلك لارسال اشارات


الى اركان حزبة بانه صاحب حشد قبلى وانه اولى بوراثة عمر البشير من على عثمان زعيم بزعمة


رئاسة الحركة الاسلامية , وكذلك اولى من عبدالرحيم محمد حسين مطلوب العدالة الدولية !


#362484 [السودنة]
3.00/5 (2 صوت)

05-13-2012 05:44 PM
نافع ... فلتذهب الى الجحيم ايها البذئ


#362481 [ahmed gam]
1.00/5 (1 صوت)

05-13-2012 05:37 PM
هن البطاحين ام المنبطحين ؟؟

اشان كدا هذة هي الكلمات الشهيرة الكان بينادي بيهاء او يقوقي بيهاء الخلخال الرياسي ((اي خال الرييس الفرندقبس الذي يشبة التيس )) لا للمنبطحيين ....


#362438 [محمد مصطفى]
4.00/5 (3 صوت)

05-13-2012 04:54 PM
فى الألفية الثالثة ورأس البلد يتكلم عن القبيلة كمؤسسة رسمية فى الحكم . هذا يعنى أن للقبيلة الحق فى تدريب جيش وإستيراد أسلحة وإعلان طوارئ.

بقينا نخجل من الجنسية السودانية.


#362417 [سوداني]
3.00/5 (2 صوت)

05-13-2012 04:36 PM
نافع دا سمسار حروب نهايتك اقتربت ياجرز مصير القزافي يانتن جاييك


#362386 [علي]
1.50/5 (2 صوت)

05-13-2012 03:57 PM
نافع علي نافع من عهد الرخاء والوفرة إلى عهد الضيق والشح، من مهرجانات الاحتفاء ببراميل النفط إلى أستقبال الدفارات المحملة بالسكر والدقيق ومواد غذائية اخرى"

ما وصل إليه نافع من أنحدار في النعيم وضيق بذات اليد وإنحطاط في الخلق والأخلاق وتافه القول من شاكلة ما يخرج من السبيلين، كان بعد الله بفضل الحركة الشعبية لتحرير السودان. هذا التنظيم الوطني الجسور (الحركة الشعبية)الذي أستطاع بحكمة وصبر وجسارة وشجاعة قادته من تركيع أخس وأحط مافيا شهدها تاريخ البشرية من أمثال نافع، عمر البشير، الطيب مصطفى وعلي عثمان وبقية رهطهم القمي.

التحية للحركة الشعبية لتحرير وقادتها الأشاوس من أمثال الرئيس سلفاكير، باقان أموم، عبد العزيز الحلو، مالك عقار وياسر عرمان، الذين ثأروا للأرامل والأيتام والثكالى من ضحايا نظام الأنقاذ العنصري.

سودان جديد ويييي .. حركة شعبية ويييي ... سودان موحد ويييي


#362373 [omer]
5.00/5 (1 صوت)

05-13-2012 03:43 PM
لأن هذه الاسماء أصبحت منبوذة من الشعب السوداني
ليس هناك شخص منيوذ أكثر منك يا أبو العفين والدليل هنا في الراكوبة كل مايكون هناك موضوع يذكر فيه اسمك لم أجد شخص يقول فيك خير ولو من أولادك الأمنجية ياكريه


#362361 [Mastoora]
5.00/5 (3 صوت)

05-13-2012 03:31 PM
حريييقه فيك ياابوالعفيين وفى المنبطحين وفى الرئيس الرقيييص وخاله العنصرى وابو رياله الكان واقف معاك


#362355 [شلهمة]
5.00/5 (3 صوت)

05-13-2012 03:26 PM
كما قال من علق امامي
90% من رخاص البطاحين مع حزب البشر
ده صحيح 100%
هؤلاء مجموعة من اللصوص ولا يمثلون قبيلة البطاحين ذات الارث الثابت في مقاومة الاستبداد وعشق الحرية.
90% من الافاقين الكذابين المزيفين لارداة الجماهير يقفون مع حزب اللاوطني
اذا كان رئيس الحزب يدعي ان 98% من الشعب السوداني مع الانقاذ فكيف لا يدعي هؤلاء ان 90% من افراد قبيلة ممتدة وشاسعة مع حزب البشير.
البطاحين يقفون مع الحق
مع اهلهم في دارفور وجبال النوبة ضد المزوراتية من كل صنف ونوع


#362328 [سعد البركلي]
5.00/5 (2 صوت)

05-13-2012 02:57 PM
..... وقدمت قبيلة البطاحين مايقارب الـ 40 دفارا محملا بالسكر والدقيق ومواد غذائية اخرى .....

من اين لهم بكل هذا
هؤلاء كلهم تجار المؤتممر الوطني
يريدون ان ينهبوا المزيد بعد ان يقدموا هذه الهديه المسمومه

اتقوا الله يا هؤلاء


#362323 [adil a omer]
1.00/5 (1 صوت)

05-13-2012 02:52 PM
هن البطاحين ولا المنبطحين ؟؟؟؟

اصلكم بتحبوا الانبطاح زى عيونكم والخيبه واحده


ردود على adil a omer
United States [بدر الشكريه] 05-13-2012 03:55 PM
الانبطاح مشهورين بيه المؤتمرجيه بدايه من راسكم حتى الشريف بدر هههههههههههه


#362308 [كمال علي]
3.00/5 (2 صوت)

05-13-2012 02:39 PM
أبو العفين قام ثاني فكه واحدة من ديار البطاحين غطت على سكان البطاحين وما حولها، أيها الضراط أنت غير الكلام والفتن ما عندك شيء ويقيني إن كرام البطاحين ابعد ما يكون عن الذي تهزي به وتطرشه يا معفن، يجب عليكم أن تتعظوا مما يجري في جبال النوبة ألا ترون مناظر القتل ونوم السكان في الكهوف،، خوفي من عذاب رباني يطال الجميع على جرائمك أنت بالذات،، يا أتفه إنسان في هذا الكون،، لعنة الله عليك،، وأرجو كل من يقرأ هذا التعليق أن يدعو بهلاك هذا المأفون.


#362305 [muatin sudani]
3.00/5 (2 صوت)

05-13-2012 02:38 PM
نافع الما نافع ده زول مابيعرف الا النبذ وطولة اللسان والجعجعة وديل تجار الدنيا والدين وبعدين اصبح كل الشعب يعرف انو نافع ده زول كذاب وفقد مصداقيته لدى كل السودانين
اما بالنسبة ل90% ف دي اباطيل اعلامية تعودنا على سماعها
وانشاءالله نافع ده نهايتو ح تكون ابشع من القذافي


#362284 [تصحيح]
5.00/5 (2 صوت)

05-13-2012 02:12 PM
هو يقصد 90% من كلاب البطاحين ، مثلنا تماما فان 99% من كلاب النوبة مع المؤتمر الوطنى ، اما رجال البطاحين ورجال النوبة ورجال الجعليين والحلفاويين والمسيرية فموضوعهم مختلف.


ردود على تصحيح
United States [الكتمة] 05-13-2012 03:09 PM
نحييك على التصحيح


#362276 [أبو ناهد]
2.00/5 (3 صوت)

05-13-2012 02:04 PM
والله يا أبو العفين أنتم الذين اصبحتم منبذين من قبل الشعب السوداني ولكن لأنكم تملكون السلاح والسلطة يحذر الشعب أن يصارح بما يكنه لكم من كره وبغض وذلك لأن الشعب على قناعة من انكم فاسقين مارقين لا تتورعون من قتل الروح التي حرم الله.

بعدين يا أبو العفين ما هو العيب في أن تجتمع الاحزاب بالسوار الاحرار في سبيل كنسكم من الحكم؟؟؟ هل أنتم عندما صادرتم سلطة الشعب وخياره وجثمتم على صدر الشعب السوداني باستخدام أخس أنواع القدر والخيانة للوطن والذي تمثل في محاربة حكومة الديمقراطية من خلال تأجيج السرعات ودعم النهب المسلح في الغرب بواسطة بولاد، وبتخزين القمح حتى النفاد في سبيل خلق الضائقة المعيشية وشراء الاستخبارات وقطع اخبار الجيش ليموت في الجنوب جوعا وعطشا، ألم تجتمعوا لذلك ولم تخططوا له؟؟؟ فحلال عليك يا أبو الغفين وحرام على الآخرين؟؟؟

وبعد أن أستوليتم على خيار الشعب لم يرى الشعب منكم سوى الفساد والقتل يا سفلة يامجرمين ولكن الله يمهل ولايهمل ولن يغفر الله لكم اللعب بدينه الحنيف يافاسقين.


#362275 [واحد]
2.50/5 (2 صوت)

05-13-2012 02:03 PM
نافع غير النباح والشتم ما ب ستريح , كل ال علمه له السافاك والشاباك من تعذيب وتقطيع كوم ولسانه الزفر كوم , الحرب ما يوم ولا يومين ويا ريت لو خليت الانبطاح للبشير وخالو اللعين والرتب العليا من الجيش المستفيده من الحرب وب تقبض العمولات علي صفقات الاسلحه وكان اصررت علي اتفاق اديس , الحرب استنزاف للبلاد =مال وانسان وعمران = ووقف للحال وفي الحروب الداخليه الكل خاسر . انت تجتهد والامر بيد الله من قبل ومن بعد .


#362263 [KALIFA AHMED]
4.00/5 (3 صوت)

05-13-2012 01:47 PM
أبو العفين ينفث سمومه !!!!! ليك وحشة ولينا زمن ماسمعنا صوت الرجالة المنبرية بتاعتك دي... فالح في ياسر عرمان ورفاقة لكن الطيب مصطفي ياجبان لمن شتمك عيان بيان وبلعك توقيعك سكتا زي بنات الثانوي العام...ما فضليهو إلا يلبسك طرحة زيهن.. أهلنا ناس البطانة الرجال عندهم مثل بقول (الراجل ..يكو ولا ..نيك كلامو !!) ناهيك عن توقيعو أمام كل العالم....إختشي يازبالة ماك راجل ولو خطبت ألف سنة !!!!!


#362257 [ود تلودي]
5.00/5 (1 صوت)

05-13-2012 01:43 PM
طيب يا منبطحين قاعدين تفعلوا اش في الخرطوم - ما تمشوا وتحرروا كاودا - عشان البشير يمشي ويصلي هناك

من ياتي منكم ونتاكد بنه بطحاني سوف نبطحه اولاً في الارض ومن ثم معروف بعد داك شنو

كلاك فارغ معاكم وعرفنا اليوم الطابور الخامس


ردود على ود تلودي
United States [adil] 05-13-2012 04:17 PM
با ود تلودي أرعي بقيدك إنت ما بتعرف البطاحين ،، تأدب.

United States [الكتمة] 05-13-2012 03:07 PM
خلاص وقعت في شركة الكيزان ،مخصوص عملوا الحكاية دي عشان انت تقول في البطاحين كدا ،طيب حتى لو فيهم انتهازيين أكيد ما كلهم فماتجمع القبيلة باكملها،ودا غلط ودا المسقط حجرنا ،مع العلم انا ما بطحاني لكن سوداني .
لك التحية اخي ود تلودي ز
يجب ان ننتبه لانو الناس ديل محتاجين فرص زي دي عشان بعد كدا يجيك واحد من البطاحين ويسئ ليك منطقتك والحكايو تكبر والعواطف تشتغل ودا العايزينو الجماعة ديل.
ارجو ان تكون فهمتني أخي .


#362252 [Almor]
3.50/5 (3 صوت)

05-13-2012 01:37 PM
شيخ خالد كضاب وسمسار ومفلس وحرامي حاياخد الفيها النصيب من اغبيا الحكومه ويعمل نايم والموضوع مامستاهل اكتر


#362233 [ادم دلدوم أبكر]
5.00/5 (1 صوت)

05-13-2012 01:17 PM
ما شاء الله ، ما شاء الله ، على الجميعاب و البطاحين . يا ناس ، الكتب العندى ده ناقصة ، بالله ، زودونا بما عندكم من مساهمات اخواننا الجميعاب و البطاحين و ذلك فى مجاهدة الاستعمار التركى و الاستعمار الانجليزى و كرري . كما نرجوا الانتباه بان الجهاد الحلقومى و بالكلام المسمى شعر ، بخلاف لمن هم فى ساحات المعارك ، لا يعتبر عندنا جهادا.


الله اكبر و الله اكبر و العزة للمثلث


#362227 [Shah]
5.00/5 (2 صوت)

05-13-2012 01:09 PM
يا بطاحين هداكم الله ألا تتعظوا بما يحدث للمسيرية؟


#362204 [zoal saii]
3.00/5 (2 صوت)

05-13-2012 12:49 PM
الما معانا ضدنا كما قال بوش لاذم تقدم كل قبيلة القرابين لينعم شيوخها بفتات موائد الانقاذ وضمانا للولاءات قسم المجتمع واثيرت النعرات القبلية وتقسم السودان ومازال


#362200 [عبدالقادر البطحاني]
3.38/5 (4 صوت)

05-13-2012 12:47 PM
ناظر قبيلة البطاحين هو الشيخ خالد محمد صديق طلحه وليس خالد الزبير طلحه كما ورد. ولكم الشكر أجزله.


ردود على عبدالقادر البطحاني
United States [مقهووووووووووووووووووور] 05-13-2012 03:22 PM
اتركوا القبلية انها نتنة وفتنة وعفن ضد الاسلام
يا نافع عيب احترم شيبك وخليك سوداني وخاف الله في البلد
كده البلد تتقسم قبائل


#362198 [امبده امبدة]
4.75/5 (4 صوت)

05-13-2012 12:43 PM
هؤلاء إنبطاحيين وليسوا بطاحين . البطاحين نعرفهم رجال اقوياء واصحاب عزة وكرامة لا يمكن يقفوا مع هذا الكابوس الذي دمر البلاد وأذل العباد وتاجر بدين الله من اجل البقاء على كراسي الحكم ونهب قوت ومقدرات البلد .


#362193 [عصمتووف]
4.75/5 (3 صوت)

05-13-2012 12:40 PM
انا البغيظني ويقطع عصيباتي الواحد يتكلم بالانابة عن الناس هل معقوووووووول90% وكيف عرف مشكلة الشعب الوداني اضينة بتاع كل حكومات الا مارحم ربي بتشيلنا العاطفة قال ايه كل

** قال ناظر عموم البطاحين، الشيخ خالد الزبير طلحة، ان قبيلته تقدم عهداً وميثاقاً للرئيس البشير علي الموت ،واعلن عن فتح باب التجنيد الطوعي للقبيلة، مبيناً ان 90% من البطاحين هم في زمرة المؤتمر الوطني.**

** والله الحكومات تباري الشعب السوداني الا تسقط حجره ديل ممكن يؤيدو الليكود ولا كاديما زاتو
****** حليل الباع عنقريبو وقام بليلو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
1.00/10 (1 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة