الأخبار
أخبار إقليمية
فساد مدير مكتب أمن القصر الجمهوري 2
فساد مدير مكتب أمن القصر الجمهوري 2
فساد مدير مكتب أمن القصر الجمهوري 2


05-26-2012 08:07 PM
قدَّم العقيد ركن/ محمد محمود بشارة لدخول الكلية الحربية مرتين تم رفضه في المرة الأولى وتم قبوله في المرة الثانية بعد حمله لمذكره من السيد/ بشير محمد بشير مدير مكتب النائب الأول الزبير محمد صالح أنذاك...وهو الأن برتبة عقيد ركن الدفعه ( 39 )...
وياترى ماهو السر والقصة الخفية التي تجعل للعقيد عيون داخل مكتب السيد/ مدير هيئة الإستخبارات والأمن....
وقصته مع حرس السيد مدير الهيئة الرقيب محمد عثمان المنصوري....
وقصته مع د.مصطفى عثمان إسماعيل عن طريق وساطة والده حتى لا يقوم بتنفيذ أمر نقله إلى منطقة كوستي...
وموضوع العقيد مع سكرتير مكتب الرئيس عبد العظيم كمال ومبلغ الـ 400 مليون التي إشترى بها المنزل في الفتيحاب بمبلغ 300 مليون....المنزل مكون من طابق أرضي وسطوح....ولكن تم هدم نصفه من قبل مصلحة الأراضي لأن الأرض إتضح أنها حيازة وتم إنذار من يسكن بها حتى يتم إخلائها لأن هناك طريق يمر في هذه المنطقة....وراح المال الحرام من حيث أتى...
وقصة الشيك 40 مليون مع الهادي الذي يدير الخدمات الإجتماعية بمكتب النائب الأول لرئيس الجمهورية وسر توقيع الورق المروس باسم السيد النائب الأول قصة يرويها لنا ( الهادي عبد الله مدير الخدمات الإجتماعية بمكتب النائب الأول )............
وقصة شراء الأثاثات المنزلية من شركة المحاميد للأثاث والديكور يرويها لنا عبد الله من شركة المحاميد ...........
وقصة منزل صالحة يرويها لنا يوسف وهو جاره بصالحة وكيف تم شراء المنزل من قبل العقيد.....
وقصة بابكر من السلاح الطبي الذي يخبره بكل ما يختص بأسر الضباط الموجودة هناك حتى يقوم بأداء الواجب وزيارتهم...
وقصة الظروف التي تحوي مبلغ 5 مليون التي وصلت للأساتذة بجامعة أفريقيا العالمية لشراء شهادة بدرجة الماجستير في إدارة الوقت....والتي تم تسليمها باليد يرويها لنا كل من الأساتذة ( سفيان - عبد القادر ) وحتى زوجته التي تحمل درجة الدكتوراة أم وداعة لم تقتنع بهذه الشهادة وهي التي كانت حاضرة أثناء المناقشة...والتي قيمتها ب 51% فقط.......
وقصة الصيدلية ترويها لنا د.نضال والتي تحمل الصيدلية إسمها بأمبده...
قصة العقيد مع إحضار اللبن للأطفال من كافوري...وكل يوم المساء يطلع صلاح سلك المسكين بالموتر عشان يجيب اللبن للأطفال من كافوري...(إرحم سلك يرحمك من في السماء)
يتبع......



تعليقات 29 | إهداء 0 | زيارات 12889


التعليقات
#385368 [ود الاستاذ]
0.00/5 (0 صوت)

06-06-2012 12:26 PM
اتقو الله استغفرو الله


#385234 [ود الاستاذ]
0.00/5 (0 صوت)

06-06-2012 10:32 AM
السلام عليكم
حرام عليكم تقول كلام ما حاصل فى رجل نظيف ومن اسرة محترمة
ومن بيت كبير وراجل بخاف الله وضو قبيلة والله احلف بالله الاكلام دا مايعمل محمد محمود
حرام عليك وكيف بتقابل ربك وانت تكزب وتقول الرجل سرق والرجل اشرف من الشرف
يابتاع المقال راجع حسابك وقول الحقيقة عشان فى يوم صعب يوم لاينفع مالا ولا بنين
اتقى الله فى حق العقيد محمد محمود محمد بشارة


محمد احمد محمد على (المقاودة)


#382190 [ودالقبايل]
1.00/5 (1 صوت)

06-03-2012 07:51 AM
ياجنا شوفلك شغله ؟ محمد محمود ولده وصباح خير
محمد محمود بالجو يطير
محمد محمود رضع من ثدي لم يعرف للحرام سبيلا
أظنه قرصك قرصه حاره انا عارفو اصلو صعب والناس الملولوين زيك بيديهم علي راسهم
كلامك لايرقي للتعليق انه ونسه ستات شاي كما قال القراء


#380987 [The sudan]
5.00/5 (1 صوت)

06-01-2012 03:42 PM
فساد مدير مكتب أمن القصر الجمهوري 3
العقيد ركن/ محمد محمود بشارة
فنجد أن عيونه يتم بثها داخل أروقة القيادة العامة لقوات الشعب المسلحة...وتحديداً بين الكتبة في الإدارات المختلفة منها إدارة شئون الضباط ومكتب السيد/ مدير هيئة الإستخبارات والأمن منهم ( النوش وعبد الهادي )...فلماذا ياترى؟؟؟؟
أما القصة الغريبة فهي في سر العلاقة بين هذا العقيد وبين أبوعبيدة ( إبن السيد/ مدير الهيئة)...
وياترى من أين حصل هذا العقيد على مبلغ 300 مليون الذي يسمح له بشراء قطعة أرض مساحة 320 متر بحي يثرب بالخرطوم جوار منزل د.مصطفى عثمان إسماعيل....
وبعد أن تم هدم منزل الإشلاق قمت بالسكن بحي المهندسين بالقرب من منزل الفريق/ ........................ سابقاً...فمن أين لك هذا....
وقصة العريف ( قريبك ) الذي قمت بضمه ضمن أفراد الزواج الجماعي ( زواج الخير والبركة الثالث بالقصر الجمهوري ) وقامو بتسليمه كل المستلزمات ( ثلاجة – غرفة نوم كاملة - مبلغ 5 مليون.... وغيرها ) وهو في الأصل لم يتزوج إنما كانت مسرحية فاشلة منك...لأنه موزع بالمطار ويقوم بمساعدتك بإدخال الكثير عبر المطار دون جمارك...حتى عندما تم نقله ساهمت في إرجاعه إلى المطار.....
وعلى سيرة الزواج هناك سؤال محيِّر أين ذهبت بشنط الزواج ( عدد 100 شنطة ) التي قمت بإحضارها عن طريق عثمان السيد من الإتحاد الوطني للشباب السوداني...وقمت بتخزينها بعيداً عن العيون بمنزل بحي المقرن يتبع للقصر الجمهوري واستغلاله على أن من يسكن به من أفراد مكتب الأمن....
والمحيِّر أيضاَ في الموضوع قصة شرائك للبابور الموجود بمنزل السيد/ وزير رئاسة الجمهورية بمبلغ 500 ألف وقلت أنه بملغ 3 مليون و500 ألف...لماذا؟؟؟
وذلك الكتاب الذي بحثت عنه في العديد من المكتبات ليتك كنت قرأته واستفدت من محتواه بدلاً من أن تعطيه لإبن السيد/ الوزير هاني ( لأنك علمت بأن سيادته يبحث عن الكتاب ) وبداخل الكتاب طلب تصديق مالي بمبلغ 40 مليون لدعم مكتب أمن القصر الجمهوري ...
وقصة القافلة التي تحوي الكثير من المواد التموينية والإستهلاكية والطبية التي قمت بتسييرها لمدينة دنقلا ( إنت قايل روحك والي ) عشماً في أن تصبح معتمداً بتلك الولاية ذات يوم ....
وقصة تصديق الأدوية من الهيئة العامة للإمدادات الطبية لصيدلية شقيقته .... يرويها لنا د. علي دنقلا....
ولا ننسى عدد المحلات ( 2 ) التي توجد بسوق ليبيا..وهي محلات إجمالي لبيع الملابس الجاهزة ( شرق السوق ).... بجانب عدد ( 1 ) محل بالسوق المحلي عبارة عن مخزن للفاكهة ( شرق مستشفى الفؤاد )...


أسئلة ليست للإجابة:-
العقيد ركن/ محمد محمود بشارة بعد أن تقوم بخصم جزء من راتب أفراد مكتب أمن القصر الجمهوري لصالح صندوق الزماله الذي تعدى الـ 100 مليون لما قمت بإيداعه بالبنك؟؟؟؟وهل يوجد مكان أأمن من القصر الجمهوري لتضع مالهم فيه؟؟؟؟ ( وبعد ده ياريت لو أصحاب المال بيستفيدو منو )....
والخزانه الموجودة بمكتبك ( على يدك الشمال ) والتي تعمل بالأرقام السرية لماذا أحضرتها؟؟؟؟( عشان تخت فيها ورق مهم ...صاح؟؟؟ )....إذن وما الذي يحويه الدرج الثاني من هذه الخزانه المكونة من أربع أدراج؟؟؟؟


#380355 [ازاهر الديب]
5.00/5 (1 صوت)

05-31-2012 03:23 PM
لا حول ولا قوة الا بالله


#377224 [ابو مازن]
5.00/5 (1 صوت)

05-28-2012 11:02 AM
دليل شنوا يا وهم علي الكلام ده


#376805 [كمندر]
5.00/5 (1 صوت)

05-27-2012 10:41 PM
ده كلام ونسات وقعدات شاي ساكت

أولاً الدفعة 39 قبل الإنقاذ بي سنة تقريبا

يعني ما ممكن يكون أتوسط ليهو مدير مكتب المشير الزبير

فياااخ الزول وقت يدور يكضب بي حاجات ما صعب أنو الناس تعرفها

أول دفعة في عهد الإنقاذ هي الدفعة 40 وللعلم بدأت معايناتها قبل الأنقاذ وتوقفت للانقلاب ووصالت المعانات في شهر يوليو


#376768 [عوجة ود ديقم]
1.00/5 (1 صوت)

05-27-2012 09:59 PM
انه من أشرف وأنزه ضباط الأمن ورجل مولانا وخائف الله وأنا أعلم هذا عنه ،،استغفروا الله ياناس


#376446 [omero]
0.00/5 (0 صوت)

05-27-2012 02:19 PM
غايتو كان بتقصد ود عمك محمود بشارة اخوه صاحبنا له الرحمة والمغفرة ديل ناس عاديين وابوهم كان موظف كبير فى احدى المؤسسات الاسلامية وتقاعد عن العمل وللمعلومية يسكنوا امبدة وبعدين فى زول بسرق قروش قدر دى يسكن صالحة وعينوللمهندسين ولا يشترى بيت حيازة فى الفتيحاب وب 300 مليون يازول ان متأكد من كلامك ده ولا ده دوكو صباحى تقيل ابو 3 دفاتر المهم المويا بتكضب الغطاس هات الدليل وجيب ناسك القلتهم ديل وبنصدقك


ردود على omero
United States [ياسر كوبيل] 05-27-2012 10:01 PM
اتقو الله الاخ محمد محمود الدفعة 39 هودفعتي وابن منطقتي اولا كاتب المقال كاذب فيما يقوله بان الاخ محمد محمود رفضوه للكلية المرة الاولي المرة الثانية اخذ ورقة وساطة من السيد بشير مدير مكتب المرحوم الزبير ودخل الكلية وهذا كذب لان الدفعة 39 دخلت الكلية في عهد السبد الصادق المهدي وليس في عهد الانقاذ دخل الكلية في يناير 89 والسيد بشير مدير مكتب الزبير كان في يونيو89 وهذا كذب وافتراء علي الاخ محمدلدية اخوان بالسعودية احمد مهندس لوكان محمد بيعمل كده كان اخوانو مااغتربوحسبنا الله ونعم الوكيل كاتب الرد النقيب معاش ياسر عثمان كوبيل منطقة دنقلا العجوزة الان مغترب بالمملكة العربية السعودية


#376264 [الحقيقة]
4.00/5 (3 صوت)

05-27-2012 10:59 AM
انا مع مبداء الشفافية وكشف وتوثيق الفساد مهما كان صغر المبلغ او كبره المهم الدليل


#376101 [جيعان]
5.00/5 (1 صوت)

05-27-2012 08:42 AM
الاملاك التى سردها اخونا او اختنا (المغبون/ه) لا تساوى كثر من مئتى الف دولار .. ارحما اخونا ده ..ده زول جيعان ساكت ..معليش لو عند اكثر من ثلاث قطع فى المخططات القيمتها اكثر منمتين الف دولا وكم عماره مؤجره ..لكن برضو بالنسبه لينا ملياردير


#376034 [جنابو زماااان]
5.00/5 (5 صوت)

05-27-2012 04:33 AM
اولا مقال ركيك ... ركيك ... لمن جاب لي صداع بزكرني بونسة المشاطات في الرواكيب مع الحبوبات .
تاني حاجة ظاهر من الاسلوب والاندفاع في القا التهم بطريقه غير مرتبة نابعة من حقد او كره يعني بالعربي كده الزول ده ختاها ليك قبل كده وانت كنت شريك ودافنه ليهو اها قام عصرك في حاجه كده وانت ما قدرت تاخد حقك لانو الزول ده بقي مع الراسطه الكبير عشان كده قلت ليهو بعد ده بدق الصفائح وبطلع الفضائح ده كان في فضائح ؟؟!! ياصحبي اعقل وخلي الجقلبه دي والزول ده اربط ليهو هناااااااااااك في صالحة وراء الجامعة الاسلامية في الخلاء الاغبش داك واقلع حقك خرت يد خلي الفرفره دي والشمارات المابتجيب حقها .
وانتو ياناس المديده حرقتني طوااااااااااااالي كده وقعتو سب ساي ياخي استغفرو الله والله الموت بكره بيجي وتقعدو تجغلبو زي اخونه ده والله انا ماعارف .. وهو قال لي .. وانا سمعته .. وهناي قال وهنايه قالت جلو الفكره وخلونا نعيش بالفطره اهو ده الفاضل . ودعناكم الله

يا ناس الراكوبة النبي الرسول نزلو لي الكلام ده


ردود على جنابو زماااان
United States [ود كترينا] 05-27-2012 05:07 PM
والله ياجنابو..انت كدا.....يعنى صاحب المقال ده عديل كدا عايز يدوهو حاجة عشان يسكت!!!..زياخى اتكلم فى الطيب مختار الشال 400 مليون ريال من مال الوقاف..أموال سايبة بسز.مش زى صحبك الكحيان دا


#375991 [omer]
0.00/5 (0 صوت)

05-27-2012 12:46 AM
يا جماعة الحكاية فيها ظلم ولد العقيد بدرس معاي في نفس المدرسة والله نااااس عادين جدا جدا و والوالدة استاذة بجامعة العلوم والتقانة ناس عادية ما غنيانة انتوا ما قادرين تتكلموا على الناس الكبار جيتوا على الصغار مالكم ؟؟؟؟


#375985 [دقاش]
3.00/5 (1 صوت)

05-27-2012 12:22 AM
حرررراااامىىىىىىىى امسسسسسسك


#375968 [الدين النصيحة]
3.38/5 (5 صوت)

05-26-2012 11:33 PM
لاخواني المعلقين ارجو الانتباه الى اننا لانجزم يصدقية الوقائع ويجب ان تكون الاحكام على هذه الامور عامة . يعنى الا يكون الرد مباشر .فاخاك ان ذكرته بشئ فيه فقد اغتبته وان لم يكن فيه فقد بهته . اما ان يكون هناك فساد وتجاوزات فراعى الضان فى الخلاء يعلم بذلك ونحن لانملك الا ان نسال الله الهداية لنا ولولاة امورنا.فكل من وقع فى مفسدة فقد احتمل اثما مبيناولا نغتابه نحن اونبهته حتى نفوز فى الابتلاء والله اسال ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه انه ولى ذلك والقادر عليه.


ردود على الدين النصيحة
United States [روزى] 05-27-2012 11:03 AM
والله فعلا كلامك فى محلو عين العقل وانشاء الله بس الجماعة ديل يعملو بنصيحتك.


#375963 [شكلى ناسى حاجة]
3.50/5 (3 صوت)

05-26-2012 11:22 PM
يجيب لينا فساد ناس المنشية وكافورى والرياض وخليك من زول الصالحة شكلو كان مفلس ويادوب عاوز يشترى البيت والعفش المهم كبار اللصوص الذين لم يكن يحلموا بالتجول فى هذه المناطق قبل انقلابهم والان هم ملاك اضخم البنايات والبيوت فيها تقول لى الصالحة


#375961 [عتالي]
5.00/5 (1 صوت)

05-26-2012 11:21 PM
الموضوع كلو مشتول شتل استغفروا ربكم ياناس تذكرواالموت


#375952 [ود التوم]
5.00/5 (1 صوت)

05-26-2012 11:04 PM
سرقو نهبو قتلو اغتصبو شردو ............. وما تحمل من هذه المعانى لاذمةُ من لواذم المتأمرين على الوطن... ودخول المؤتمر البطنى ما ذى خروجه.


#375945 [elfatih]
5.00/5 (1 صوت)

05-26-2012 10:41 PM
ارح جيب من جوة


#375938 [rabeeababiker]
3.00/5 (2 صوت)

05-26-2012 10:25 PM
كتابه فارغه من زول فارغ ولديه غرض (الزول ده ادرشو يا سعادتك لانو ماعندو موضوع )معقوله بس يا ناس الراكوبه تجيبو لينا اسم بتاع اللبن


#375937 [واحد]
4.75/5 (5 صوت)

05-26-2012 10:23 PM
بالله يا حبذا لو الزبالة دي مرروها على بيتنا اصلوا الخريف قرّب وعاوزين نليس الحيط ونزبل راس البيت


#375934 [جس]
5.00/5 (2 صوت)

05-26-2012 10:20 PM
غريب انو في كل ساعة ظاهرة جديدة وربنا سيتر


#375930 [على المحسى]
5.00/5 (1 صوت)

05-26-2012 10:19 PM
لا نستطيع أن نقول أنا لله وأنا اليه راجعون .. والده بشاره رجل من الجبهجيه كان يعمل موظفا فى بنك فيصل الاسلامى .. قسم التأمين ولديه بوكس جميل يحمل جميع أولاده فى هذا البوكس وهو رجل مكافح .. ولكن لا نعلم بفساد أبنه .. لا تزر وازره وزر أخرى . والله سبحانه تعالى أن يهدى الجميع وأذا كان بهذا الفساد أن يتذكر الله , وأن الحكم ليس دائما. وبالمناسبه المرحوم اللواء الزبير ووالد العقيد هم من منطقه واحده ( قريه صراصر ) وكمان مصطفى أسماعيل .


ردود على على المحسى
United States [AYMAN AHMED] 05-26-2012 11:07 PM
تصحيح لمعلوماتك يا المحسي اولا الزبير محمد صالح من منطقة القدار ومصطفي عثمان اسماعيل من منطقة رومي البكري التابعة للقولد فأرجو عدم تضليل القراء


#375924 [حسين]
5.00/5 (1 صوت)

05-26-2012 10:07 PM
واللة دة جابة بضبانتة زاتة هاهاهاهاها يا جماعةالقبر راجيكم القبر راجيكم ..... شوفوا يا سودانيون القحط وارتفاع الاسعار والمرض والفقر دة كلة من عمايل الموتمر الوطني اللهم لا تعزبنا بما فعل السفهاء منا يارب


#375909 [الجـعـلى البعـدى يـومـو خنـق]
5.00/5 (4 صوت)

05-26-2012 09:30 PM
هذا(كتاب أسود)للمذكور أعـلاه .. انه منطق غريب وعجيب خارج المعقول والمعمول به فى(الراكوبا) ..
الفساد واللصوصية غير خافى ويعلمه الكثيرون ..لا أمل البتة طبعاً فى (نشر الغسيل القذر)فكل مسئولى وأرباب النظام كلهم حرامية صغارهم وكبارهم ..لم نستغرب المقال بل صُدمنا فى الدائره المحيطه بالرمز الاول..

* الفساد انتشر وعم ارجاء السودان كافة والمواطن مغلوب على امره والشواهد كثر ومن هنا اقولها وبصراحة يجب ان يتحرك القانونيين والصحفيين فى فضح المفسدين قبل الفاسدين وادخالهم خلف القضبان فذلك هو المكان الاصلح لهم..

والسؤال الى متى نُعدد مواطن الفساد المدمر ولا نُعد العُده لبتر واجتثاث تلكم العقرب السامه التى مزقت وسممت اوصالنا ودماءنا وعرقنا حتى جفت ولم نحصد غير الفجر الكاذب ..


* الجـعـلى البعـدى يـومـو خنـق ..


#375903 [gasim]
5.00/5 (2 صوت)

05-26-2012 09:13 PM
الزول دا مالك اتلحته كدا؟ ولا خايفه يخلى الصالحة وكمان يجيتا فى المنشية؟ كان كدة اردمه الله لا كسبه دنيا واخرة حرامى قذر.


#375894 [مظفر سيد احمد عثمان]
5.00/5 (2 صوت)

05-26-2012 08:56 PM
نطلب من كاتب المقال الكتابة باستفاضة وشرح عميق لان هذة المواضيع تعتبر توثيقا لهذة المرحلة والتى سوف ياتى بعدها الحساب المنتظر وهو ليس ببعيد ، فقط نريد الكتابة بشكل واضح مع تحديد الافعال والاسماء حتى يتم فهم الموضوع بالكامل بلاش كتابة الجغمسة دى لان ليس كل القراء يعرفون تلك الشخصيات ولا ممارساتهم وهى اشبه بكتابة الرموز او كتابة بالشفرة


#375893 [الممكون]
5.00/5 (2 صوت)

05-26-2012 08:55 PM
الناس ديل غلطانين كان مفروض ياخدوه من اول معاينه للكليه الحربيه موش يتم تاخيره سنه
كان السنه دي اشتري بيت في المنشيه حرااااااااااااام يا جندي تعمل كده تحرم حماده بالشكل ده ههههههههههه قالوا الطيور علي اشكالها تقع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
8.94/10 (7 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة