الأخبار
منوعات
الشاعرة نضال حسن الحاج : هذه أسرار القصيدة التى أغضبت المريخاب مني
الشاعرة نضال حسن الحاج : هذه أسرار القصيدة التى أغضبت المريخاب مني
الشاعرة نضال حسن الحاج : هذه أسرار القصيدة التى أغضبت المريخاب مني


06-03-2012 05:45 AM
حوار: عمران الجميعابي

الشاعرة نضال حسن الحاج صوت نسائي عرف كيف يشق طريقه جيدا وشعريتها العالية ساعدها في ذيوع صوتها داخليا وخارجيا التقيناها على عجالة من خلال مشاركتها في ملتقى شعراء السودان بولاية الجزيرة ممثلة شاعرات الولاية مؤكدة أنه متى ماجاء نداء الجزيرة تسقط باقي النداءات ، موضحة أن النجم يصنعه الجمهور وليست المؤسسات والمحافظة على إيقاع الجماهير هي كامل النجومية. تطرقت الشاعرة نضال الى العديد من المحاور فإلى مضابط الحوار :
* كيف وجدتم ملتقى شعراء السودان بالولاية؟
نحن سعيدون بالملتقى ونتمنى أن يصبح سنوي وهذا جهد تشكر عليه وزارة الثقافة والإعلام بالولاية والمثل السائد في الخرطوم (انو الجزيرة بتلد والخرطوم تربي) والمبدعين كلهم من مدني والخرطوم تقوم برعايتهم وتقدم لهم المنصات التى يمكن لهم من خلالها تقديم إبداعاتهم، منهم من تنطمس فيه ملامح الجزيرة وفيهم من يحافظ عليها وأنا مبسوطه انو يكون في محفل في ولاية الجزيرة على أساس أنها تحافظ على مبدعيها ومهما جار بيهم الزمن يعودا لولايتهم. ومتين ماجاء نداء الجزيرة تسقط باقي النداءات.
*هنالك مؤسسات إعلامية لها الإمكانيات في صناعة النجم؟
صناعة النجم أنا ضدها تماما والنجم بيصنعوا الجمهور مابتصنعوا مؤسسة مهما اجتهدت المؤسسات في الشخص عشان يبقى نجم مابيبقي زي زول وهبو الجمهور النجومية وبأكد انو المحافظة على إيقاع الجماهير هي كامل النجومية.
* حدثينا عن تجربة تقديم برنامج وطني يجمع شعراء الدوبيت والمسادير لعكس قيم ومضامين الشعب السوداني ؟
مثلما ماوافقت على برنامج ( قهوتنا) لانو بيحافظ على تراثنا وبيشبهني لأني زولة بسيطه وبالتالي كانت الموافقه على برنامج (مواسم ) لأنو مابيدخلني في توب ماحقي لأنو في النهاية برنامج هادف بيمس كل المجتمع السوداني ولسة في البداية أتمنى أن ربنا يوفقني.
* إذا عرض عليك برنامج بزي معين في فضائية رؤيتك ؟
لم أمر بمثل هذا الموقف بعد، وأنا مازلت ( بت الجزيرة ) وزول قدر يحافظ على لهجتو كيف مايقدر يحافظ على قيمو السمحة. وبعتقد أن أي زول يدير نفسوا أفضل مما تديروا فضائية ولا يديرو مدير وبالتالي الزول بيمش بدون مايحرج روحو ومجتمعو ومديرو.
*الشعر لغة غنائية والشاعر مهندس حاذق لصناعة القصيدة أين تجدين نفسك بين ضروبه الفصحى والعامية ؟
الفصيح له ناسه المبدعين في مجاله والأمثلة كثيرة وأنا بكتب الفصيح لكن مانال كثير من اهتمامي لأني لاقية روحي في الدارجية لأني بديت بالدارجية وبالتأكيد دا مابمنع أن أكتب فصيح وكانت مشاركتي بيهو في بيروت ورفضت أن أشارك بأكثر من نص واحد باعتبار أني أتيت الى بيروت لأمثل الدارجية السودانية وعشان أجبر الناس البرة يفهموا الدارجية السودانية.
*هل نظمت نضال شعر غنائي ؟
وأنا بردد على طول ان مافي زول بيكتب قصيده غنائية لكن بيجي فنان بيلقى فيها روحو عشان يغنيها. وكتبت الكثير من القصائد البسيطة الممكن تتغني اتغنت منها واحدة غناها ضياء السر واتذاعت في القنوات السودانية.(والقصيدة عروس متين مالقت العريس البناسبه حتكون ليلة زفافه).
*إدارة التنوع الثقافي والاجتماعي في الأجناس الإبداعية المختلفة هل يمكن أن يكون معبر قوة يوحد أهل السودان ويحل كثيرا من المشاكل السياسية ؟
بالتأكيد لأن بنقول الثقافة هي الوعاء البيجمع كل السودانيين فبالتالي بيكون دافع قوي يساعد على توحيد السودانيين لأنهم متوحدين بي قلوبم حتى لو كان في كثير من الحاجات الطرأت عشان الناس تطلع بره وعشان الناس تتمرد لكن ساعت الحارة بنبقى واحد والحارة بنجيبا بالثقافة.
*انقسام القاعدة الجماهرية تجاه نضال في الوسط الرياضي بسبب القصيدة المنتشرة مؤخرا عن نادي المريخ هل هذا لا يؤثر على القاعدة الجماهرية لنضال ؟
نعم الحديث بيعتمد على الكثير من المبررات اولا القصيدة الانتشرت بواسطة mb3 اتسجلت قبل اربعة سنين وهي كانت رد في مسرح بين شاعر هلالابي وشاعر مريخابي وأنا كنت بمثل الهلال لأنو ماكان في شاعر بيمثل الهلال (لكن اليقول أنا قريت القصيدة في وسط مافيهو شاعر مريخابي عشان يرد وعشان يستمتع الجمهور يكون كضاب ) وكانت القصة متعة جمهور ومشت لأكبر من كدا وامكن أكبر دليل اني الآن ماعندي علاقة بالوسط الرياضي بس المسألة شلاقة مسرح.

السوداني


تعليقات 23 | إهداء 2 | زيارات 8852


التعليقات
#382956 [الكردفاني]
3.00/5 (1 صوت)

06-04-2012 12:58 AM
عسل أنتي يا نضال ربنا يحفظك أنشاء الله


#382910 [safe adam]
0.00/5 (0 صوت)

06-03-2012 10:58 PM
اولا بسم الله الرحمن الرحيم .نتمنى للجميع التوفيق (مااهانهن الا ؟؟؟؟؟؟؟؟؟؟؟؟؟ .


#382799 [بت النيل]
0.00/5 (0 صوت)

06-03-2012 08:06 PM
الله عليك يانضال اشعارك مافيها كلام بس خليك محايده في الكره خلينه من الكره ده يابت انتي عرسوك
ولاالحنه ده اسمه كن راجل تمه


#382749 [MAHMOUDJADEED]
0.00/5 (0 صوت)

06-03-2012 06:21 PM
والله ما شاء الله على بنات الحاج ( روضة الحاج ونضال الحاج ) الله يحججكم وما يهججكم.


#382595 [محمد]
0.00/5 (0 صوت)

06-03-2012 02:42 PM
في واحده بتغني بالدمام في المملكة العربية السعودية جات البحرين وقالت لينا
البلد المافيها المريخاب يقدل فيها الهلالاب قمنا فضينا لها حفلتها خليناها تغني لوحدها ولبقية جنون المريخاب
فانتي يا نضال طوالي تعالي البحرين وغني للهلالاب ذي ما عاوزة وحفلتنا ما يدخلها مريخابي من هسع ممنوع دخولكم ..... ومعاكم السلامة وانتي يا بت عمي غني في الهلالاب ذي ما أنتي عايزة نحن بنحميك من شرور الجن والجنون والكهنة المريخابية


#382557 [حرقة وألم]
0.00/5 (0 صوت)

06-03-2012 02:06 PM
يا نضال أنا قاعد أحس إنك بنت عمي... لكن ليه أناماعارف.


#382542 [موسى البشارى]
3.50/5 (3 صوت)

06-03-2012 01:53 PM
المبدعة نضال ... انت اكبر من الهلال والمريخ خليك مع القلوب والريد والشوق
والوطن والمسدار والبادية وطيبة الغبش واصالة طبعهم ... وفتك عافية ياطيبة ...


ردود على موسى البشارى
United States [سس] 06-04-2012 05:45 AM
اكبر من الهلال والمريخ ديل تاريخ بلد يا متخلف رقم كل شي مين نضال وشعر ايه الي بتقول فيه نضال يا دلاقين

United States [man] 06-03-2012 07:13 PM
واكبر من البشير والمؤتمر البطنى

انت والبشرى ابعدو من حرامية المؤتمر الواطى

ماتبقوا ابواق

نصيحة من زول بحبكم وبستمتع بشعركم الهادف


#382536 [شلال]
0.00/5 (0 صوت)

06-03-2012 01:46 PM
نضال شاعرة مهذبة كلماتها رصينة ومعبرة وواقعية.ولكنها لم تقدم اشعار جديدة فاشعارها مكررة فى كل البرامج التى تشارك فيها.اتمنى ان تقدم الجديد.


#382529 [زووووووووووووول]
0.00/5 (0 صوت)

06-03-2012 01:40 PM
الاخت نضال الحاااااااااااااااااج اري ان تبتعدي عن الكووووووووره نصيحه لكي لاتخسري اسياء وايده وانتي في بدايه طريقك واتمني لك التوفيق


#382460 [محمد]
0.00/5 (0 صوت)

06-03-2012 12:42 PM
بت الحلال بتنا نضال الفارسة الفي رأسك تاج مزين بالهلال
خيب الله المريخاب من مدني للخوجلاب
أرفعي راسك نحن الهلالاب كلنا رجولة وقوة شباب
قولي للمريخاب هوي أبتعدوا عن عرين الاسد الهلالاب
أنتم يا المريخاب التبعكوا خايب رجاء خاب
امشوا شوفوا ليكم شغلة وكونو عتالاب يا اهل المريخابل


#382443 [سوداني مغترب مظلوم]
0.00/5 (0 صوت)

06-03-2012 12:26 PM
نضال إنتي بالطرحه الحمراء أحلى - كيف تسيئي للرمز النادي الزعيم - فهو نادي الوطن - فاليكن ميولك للوطن - عندما لبست ندى القلعة شعار الهلال أساءت لجمهورها بغض النظر عن الميول . فالشاعر سلوكه قومي غير محايد .


ردود على سوداني مغترب مظلوم
United States [kabo] 06-03-2012 06:07 PM
ارجو مراجعة طبيب العيون لفحص النظر ربما تكون مصاب بعمى الالوان لان الطرحة ليست حمراء .!

United States [حنين] 06-03-2012 04:47 PM
الطرحة عنابية وليست حمراء ارجو فحص نظرك !!!!!!!!!!!!!


#382440 [شاكر]
0.00/5 (0 صوت)

06-03-2012 12:19 PM
ناس الظل عليهم جنس غيره , كون الشاعره نضال تتغذل في الهلال تتحرقو
لكن عندما تتغذل الشاعره سعاده في المريخ ناس الهلال ما اعترضو


#382426 [naji]
0.00/5 (0 صوت)

06-03-2012 12:00 PM
ردها مقنع كلام مسرح ومجادعة فقط فهي شاعرة كل الوطن وفقها الله لأنها سودنية أصيلةوبنت بلد كما قالت, ياريتك تستمري كذا أفضل، إستايل خاص بيك. فقك الله.


#382388 [عماد الطيب]
0.00/5 (0 صوت)

06-03-2012 11:27 AM
بعيدا عن الهلال والمريخ والكورة .. نضال بت بلد وزوله اصيله واخت للجميع .. ماعايزين الكلام الفارغ والتعليقات البايخة الاتكتب فيها على اليوتيوب بنفس القصيدة يتكتب هنا ..

وعاطر الود


#382364 [هناء]
0.00/5 (0 صوت)

06-03-2012 11:02 AM
سلام يا نضال
سمعت ليك اكتر من عمل
شاطرة رقيقة المعاني قوية التعبير مفعمة بالاحساس
وعاجباني مفرداتك السهلة الممتنعة
خليك كدا ومافي اجمل من كدا


#382349 [روزى]
1.00/5 (1 صوت)

06-03-2012 10:47 AM
الشاعرة نضال شاعرة ممتازة واشعارها جميلة. لكن بصراحة ياجماعة كترت الطلة بتمسخ خلق الله. والشخصية لمن تظهر كتيييير فى التلفزيون بتبقى مسيخة.


#382280 [جامايكى]
1.00/5 (1 صوت)

06-03-2012 09:37 AM
سيد البلد دخر السنين الشينة
توجناك امير تملا الفرق لى عينة
ياعشم الوطن ساعات جفاف والعينه
ده الاهلى البطل ما شربو قالو روينا
جبناو بالحلال ما بالكجور واللفة
عاجبنا الهلال ملك النشاط والخفة
ناس واحد اغسطس كا مروقم صدفة
يشربو فى الوجع ولسه الالم ماخفة
والناس الحمر شايفين الهلال ما بجيبة
شغالين مواجع وغايتو حاجة عجيبة
ويا المريخ دحين اسكت نستو السباعى الكبه فيكم سمو
لو تبدو الكلام والله نحن نتمو ولو نضم الاسد حقو الحمير ينطمو
شن جاب القمر للنجمة


ردود على جامايكى
United States [د سامي احمد] 06-03-2012 01:42 PM
نضال حسن الحاج بنت السودان الرايعة من النرويج مليون تحية لنضاااااال


#382275 [ابومنيب]
0.00/5 (0 صوت)

06-03-2012 09:29 AM
ابعدى موهبتك ... من شغل الحكامات ... وتجار الحروب ... ... لا تغمسى حروف ابداعك بدماء البسطاء .. وكتائب الموت المغيبة ... بدعاوى الكيزان الباطلة ومحارق الموت فداءا لنفوسهم الضالة .. .. فلا دين أو وطن يوما قد عملوا ....


#382271 [كوك]
3.00/5 (2 صوت)

06-03-2012 09:26 AM
ما شاء الله على بت الاصول وبنت السودان نضال حسن الحاج حقيقة انتي راقية وجد شاعرة ولا كلمة مافي زول يقول فيك وجد معجب بشعرك وربنا يوفقك والي الامام يانضال


#382254 [ودالوالي]
0.00/5 (0 صوت)

06-03-2012 09:10 AM
نضال حسن الحاج مبدعة حدالادهاش ولكن عليها الابتعاد عن هلاريخ
من اجل الحفاظ علي جمهورها


#382202 [سامى عبد الحميد]
0.00/5 (0 صوت)

06-03-2012 08:11 AM
على الفنان ان الذى يريد ان يحتفظ بشعبيته ان يبتعد الى الاساءة هذا اوذاك الجمهور واعنى الوسط الرياضى...


ردود على سامى عبد الحميد
United States [ابراهيم البية] 06-03-2012 09:57 AM
انتى مصدقة انك شاعرة؟؟؟؟؟؟ البلد فاضية بس


#382195 [مصطفي]
0.00/5 (0 صوت)

06-03-2012 08:00 AM
لك كل التحية يااستاذةنضال ــ صاحبة الكلمة المفعمة بالدفء والحنين الي الجزورـ والي الأمام

وربنا يوفقك في شاعريتك الي ماهو خير لدينك ووطنك


#382191 [أبوعثمان]
0.00/5 (0 صوت)

06-03-2012 07:56 AM
مبدعة يابت بلدي الله يحفظك ويرعاك ويخليكي لينا
واحد بلدياتنا من منطقة المناقل إتونس ليهو مع ناس من الشمالية و الخرطوم كانو بفتخروا إنو عندهم فلان وعلان في الحكومة والثقافة والفن والرياضة سألوهو عندكم منو إنتو قال نحن عندنا نضال حسن الحاج


ردود على أبوعثمان
United States [Tato] 06-03-2012 02:00 PM
والله ياعبدالله لكن لقيتك فرررررررررررحاااااااااان فرح شديد خلاص.

United States [عبدالله] 06-03-2012 10:03 AM
يا زول...هوي..هوي...نضال دي بتنا نحنا ناس امدرمان امدرمانية صرفة وهلالابية بالميلاد ...بعدين
يا صديقي ...الجمال ده حصري ... حصل شفتا مريخية بالجمال ده.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.35/10 (6 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة