الأخبار
منوعات
تفاصيل أغرب حادثة احتيال تعرض له مواطن..
تفاصيل أغرب حادثة احتيال تعرض له مواطن..



09-04-2012 07:54 AM

تعرض سائق عربة بوكس لأغرب حادث احتيال بمنطقة حلة كوكو بشرق النيل تعود تفاصيلها الى أن المواطن المجني عليه كان فى طريقه من مكان عمله حيث يقود عربة بوكس بمخازن المنطقة الصناعية بحري متوجهاً الى المستشفى حيث كان برفقته طفله المريض وأثناء خروجه من المنطقة الصناعية أشار إليه صاحب عربة صالون فارهة وأوقفه وعندما اقترب منه قال له إن لديه مشوار ويريد نقل مجموعة من شاشات الـ(ال سى دى) من منطقة حلة كوكو الى موقف شندي بمقابل مادي مجز الأمر الذى جعل سائق البوكس يوافق دون تردد بل وغير مساره واضعاً فى نفسه أن يقضي مشواره أولاً ومن ثم يتوجه للمستشفى لعلاج ابنه.
طلب سائق العربة الفارهة من سائق البوكس رقم هاتفه الجوال ووصف له بعض المحلات بحلة كوكو مطالباً إياه بأن يسبقه إليها وبالفعل وصل الضحية الى الموقع الذى وصفه له سائق العربة الفارهة بحلة كوكو وكانت الاتصالات متواصلة بينهما ووصف المتهم للضحية محل بعينه فوقف الضحية جواره وبعد ربع ساعة برز له المتهم وكان يسير على قدميه بدون عربته الفارهة التى لم يظهر لها أثر وبعد أن التقاه سأله الضحية عن الشاشات موضوع المشوار فأكد له المتهم أن صاحب المحل ذهب للإفطار وأغلق محله وأنه سينتظر معه فى عربته وفى تلك الأثناء تحسس المتهم هاتفه الجوال فلم يجده فطلب من الضحية أن يجري اتصالاً فى رقمه وبالفعل أخرج سائق البوكس الجوال وأجرى اتصالاً برقم المتهم دون أن يسمع صوت نغمة وفى تلك الأثناء تظاهر المتهم بأنه يسمع صوت يشابه صوت نغمة هاتفه وأخذ الجوال من يد الضحية وهبط من العربة متجهاً ناحية مصدر الصوت بينما الضحية يجلس مع صغيره داخل العربة وعندما تأخر نزل يبحث عنه فى كل مكان فلم يجده وهنا تأكد أنه تعرض للاحتيال فطلب من عدة أشخاص إجراء اتصال بهاتفه المسروق إلا ان أحداً لم يعطه جواله وبعد عدة محاولات وجد شخصا قام بإجراء مكالمة له فى هاتفه ولكن كان الهاتف مشغولاً وبعد عدة محاولات وجد هاتفه قد أغلق وعند اتصاله بزوجته أكدت له أن شخصاً ما اتصل من هاتفه وأخطرهم بأنه ضابط شرطة برتبة رائد يتبع لشرطة المرور وأن الضحية قد ارتكب حادثاً مرورياً واصطدم بركشة ولكنه بصحة جيدة وقد تم حبسه على أن يدفع مبلغ (350)جنيه كتسوية تذهب لصالح صاحب الركشة وبالفعل تم إرسال المبلغ عبر الهاتف.
اتضح من خلال التحريات أن المتهم أجرى عدة اتصالات من هاتف الضحية لأقاربه استولى منها على مبالغ مالية ضخمة بسبب تعاطف الأقارب وهرب بعد أن قام بتحويل المبالغ التى تحصل عليها وبيعها لأصحاب مراكز الاتصالات وبعدها تحرك الضحية الى مركز خدمات المشتركين وقام بإغلاق الشريحة.
تجدر الإشارة الى أن هنالك أنواعا من جرائم الاحتيال قد طفت فى السطح هذه الأيام تتطلب الوعي والحذر من المواطنين وعدم الاستجابة الفورية لكل من يتصل بهم طالباً مبالغ مالية بتلك الطريقة.

السوداني



تعليقات 23 | إهداء 0 | زيارات 10363


التعليقات
#461350 [سمارا]
0.00/5 (0 صوت)

09-05-2012 08:52 AM
يا جماعة والله المجني علية ليس بغبي ولكن المؤمن صديق
وبصراحة اي انسان راكب سيارة في السودان هو مقيم
في نظر الاخرين وازيد علي ذلك هندامك برضو بقيمك
وكمان عند الشرطي لو جيت ماري بيه بسيارتك ولابس كويس
بيحييك علي طول اووة جنابو وهو ما عارفك انت منو ولاشنو
وحصلت معاي كتير وانا مقيم خارج السودان ونزلت بسيارة
وشفتا بعيني يعني ما غريبة يحصل الحصل. ودا نظام حديث للسرقة
والنشر لمثل هذة الطرق الحديثة للاحتيال جميل جدا عشان الناس
تنتبه للجايات ،ونرجع ونقول كل هذة السلبيات بسبب الحالة الحاصلة
في البلد عطالة بنسب كبيرة وفقر وعوز شديدين .نقول الله يحسن الحال


#461225 [zain]
0.00/5 (0 صوت)

09-05-2012 12:09 AM
المنى عليه رجل مادى نسى فى لحظه مرض ابنه وارهق اهله ماديا


#461126 [jo]
5.00/5 (1 صوت)

09-04-2012 07:03 PM
والله فعلا عربي دلوكة ,,,,,,,,,,,,,,,


#461113 [alx]
3.00/5 (3 صوت)

09-04-2012 06:37 PM
دا واضح انو عسكري بوليس و قديكون لسي في الخدمه


#461078 [طائر الفينيق]
3.00/5 (2 صوت)

09-04-2012 05:24 PM
هذه هى دولة المشروع الحضارى والحكم الرشيد تفوا على المؤتمر الوثنى الجذم المقطعيين

وسخ وزبالة البشر فى السودان


#461049 [Hussein Shingrai]
0.00/5 (0 صوت)

09-04-2012 04:30 PM
هذه ليست المرة الأولي التي أسمع فيها نفس القصة ببنفس التفاصيل مع شخص مختلف وقد حدثت الأولي بسوق أمدرمان يعني هذا الحرامي أصبح يستعمل نفس الأسلوب والطريقة ويا أبو عبدالله هذه القصة قد تكون حقيقة فهي مماثلة حدثت لشخص أعرفة بنفس الأسلوب


#460960 [مشكاح]
0.00/5 (0 صوت)

09-04-2012 02:00 PM
الحمدلله الجات فى الموبايل والشريحة ما جات فى العربيه والولد وكنت خايف تكون الجريمة فى العربيه والولد


#460940 [ود بلد]
0.00/5 (0 صوت)

09-04-2012 01:33 PM
ود تلودى

انا لا اوافقك بأن الضحية بيكون ضعيف الثقافة والمعرفة ولم يستفيد من مدرسة الحياة الكبيرة.

يمكن انت لم تتعرض الى مواقف احتيال لكن الشخص المحتال يستطيع التحايل على اى شخص فقط اذا وجد الظرف ملائم واستغل نقطة ضعف الضحية.

انا اعرف شخص ( تفتيحة للغاية) وكان من شدة دهاءه انه احيانآ يحتال على الأخرين. المهم كان عنده عربية وفكر يبيعها, فى يوم من الايام وهو موقف عربيته جنب بيته دق ليهو الباب شخص غريب قال ليهو انا سمعت انك عاوز تبيع سيارتك من صاحب الورشة الجنبكم فخلينى اشوف العربية. قام صاحبنا اتكيف ومشى جاب المفتاح وشغل ليهو العربية . المهم الشخص المحتال قال للراجل بالله اجلس فى كرسى القيادة و شغل لى الانوار الخلفية والمساحات وكده... وفجأة قال ليهو افتح لى شنطة العربية عشان اشوفها وبمجرد ما فتح ليهو الضهرية و كان هو لسه جالس جوة العربية فجأة نظر لقى الشخص داك فحط جرى وسرق كل محتويات شنطة العربية وفى لمحة بصر اختفى ....وعمك لما حرك عربيته يطارده ما لقى الراجل.


#460935 [عابدين]
3.00/5 (5 صوت)

09-04-2012 01:28 PM
معقوله تحصل ذي دي في السودان ولو رفعتا كراعك تلقى تحتها جهاز أمن .لكن اعتقد انو مهمتهم تأمين العرش ماتأمين المواطن


#460914 [shaza]
0.00/5 (0 صوت)

09-04-2012 01:02 PM
هههههههههههههههه الاخ العوض ضحكتني واخوك فارة علي حسابك


#460887 [ABU ABDALLAH]
4.50/5 (5 صوت)

09-04-2012 12:27 PM
استغرب من القراء تصديق كل ما يكتب - بعض القصص تكون من خيال الكاتب ليس حقيقه - الكاتب يريد اكبر قدر من الاعجاب بموضوعه لذا عليه التفنن فى سيناريو المقال واخراجه حتى يعجب القارئ ويجد اكبر عدد تعليقات - تحدث احتيال لسرقة الجوال بهذه الطريقة متكرره لكن ما لا اصدقه اتصال المتهم باقرباء المجنى عليه وتحويلهم للرصيد هذا كلام غير منطقى لا يصدقه انسان عاقل - اى حد لو سمع خبر حادثه ياخد التفاصيل ويهرول لمكان الحادث مش يحول رصيد طيب ابسط سؤال لماذا لم يتصل المجنى عليه باهله طالما كان سليم من الحادثة وطوال فتره جمع المتهم للرصيد من اهل المجنى عليه - هل يعقل ان المجنى لم يتصل باهله ويبلغهم بالحادثه من اى جوال اخر - ولا اصدق ان المجنى طلب جوال من الناس الذين حوله فرفضوا - يا اخى لا يصدق ليس من شيمة السودانيين البخل بجوال - صدقنى لو سرق منى عشرات الجوالات باحتيال وجاءنى محتاج وفى حاله ضيق وحادثه صدقنى اى انسان فى قلبه رحمه سوف يعطيه جواله - اخوانى يجب ان لا نصدق كل ما يكتب 0


ردود على ABU ABDALLAH
Sudan [مجدي دفع الله] 09-04-2012 11:44 PM
سلمك الله ابا عبد الله،كلك ذوق ونظر،وقد قيل:كل اناء بمافيه ينضح

United Arab Emirates [ابورى] 09-04-2012 02:04 PM
كلامك صحيح الاخ ابوعبدالله ( اتصال المتهم باقرباء المجنى عليه وتحويلهم للرصيد ) كلام غير منطقى


#460746 [alseeni]
3.50/5 (2 صوت)

09-04-2012 09:54 AM
يستاهل الدلوكة انت ماشي المستشفى تعالج ابنك تطمع في شغل ، ثم ثانياً شخصياً لو انطبقت السماء والارض ما بدي جوالي لي زول ايه العبط والسذاجة دي..


ردود على alseeni
Saudi Arabia [العوض] 09-04-2012 10:59 AM
امكن ما عندوا حق العلاج او عاوز يطمن ويعمل حسابوا الظروف مرات بتحكم اخوي واذا كان ولدو مريض وحالتو خطره ما كان عمل كدا لكن هو ادري بحالة ولده لكن السؤال هل في ناس لهذه الدرجه بقو نصابين وتنصب بي عربيه فارهة ونحن في السودان تتطور الجريمة والبوليس في سجموا ورمادوا بس فالحين في الكلام كشات الناس المساكين


#460735 [ود تلودي]
0.00/5 (0 صوت)

09-04-2012 09:45 AM
من يقع في مثل الحوادث غالبا يكون ضعيف الثقافة والمعرفة وربما لم يستفيد من مدرسة الحياة الكبيرة


#460734 [اب جيقة]
5.00/5 (1 صوت)

09-04-2012 09:43 AM
بتاع البوكس ربنا يعوضو ويديهو حسب نيتو الطيبة

لكن تاني حاذر. على قول المصرين: ولاد الحرام ماخلوش حاجة لولاد الحلال.


#460733 [العوض]
5.00/5 (3 صوت)

09-04-2012 09:43 AM
والله برضوا اخي عندو امجاد قال ماشي لاقاه شاب متحنن زي تقول عريس وقال ليهو انا عندي اجهزة كمبيوتر وعاوز اشيله من والي وبعدين توقفوا امام عمارة وقال ليهو اللص بس انا ما عندي رصيد جيب تلفونك اضرب للشباب عشان يجهزوا البضاعه اخوي قال شكيت قال ليهو اللص انت لو خايف تعال اطلع معاي وشوف البضاعه بي نفسك وشرب المقلب طلع العمارة فيها مخرج تاني وحتي الان اخوي ما عندو جوال قال لي رسل جوال تاني وانا من هنا بناشد كل الخيرين والمجتمع المدني وديوان الزكاة وقطر الخيريه وجمعيه الرفق بالحيوان انهم يساعدوا اخوي (الفارة) ويشتروا ليهو جوال عشان يجي واحد ويسرقوا منو مره تانيه ونحنا نرسل انتهي كلامي


ردود على العوض
India [.زهــير] 09-05-2012 04:53 AM
هههههههههههههههههههههههههههههههه

Sudan [القناص] 09-04-2012 11:58 AM
انا متبرع لاخوك بجوال جديد لكن يكون ربيكاعشان لو غفلو تانى وسرقو منو ماحيندم عليهو.

Saudi Arabia [مصعب عبدالواحد] 09-04-2012 10:50 AM
ههههههههههههههههههههههههههههه والله اضحكتني جدا
ربنا يعينك اخي العوض


#460730 [محمد دفع الله]
0.00/5 (0 صوت)

09-04-2012 09:42 AM
بدايةالمشروع الاحتيالى


#460726 [zangazanga]
0.00/5 (0 صوت)

09-04-2012 09:39 AM
القانون لايحمى المغفلين ؟


#460719 [HAMZA]
5.00/5 (1 صوت)

09-04-2012 09:35 AM
وبعدها تحرك الضحية الى مركز خدمات المشتركين وقام بإغلاق الشريحة.؟؟؟؟ ضحية دة خروف ضحية راجل اهبل وجشع وطمااااااااع ولدك عيااان وانت موديهو المستشفي في داعي لي مشوار السجم دة ياجشع .


#460686 [صادميم]
0.00/5 (0 صوت)

09-04-2012 09:15 AM
الطمع ودر ما جمع ياخي زول ولدو مريض بدل يسرع في علاجه يفكر في القروش


ردود على صادميم
Saudi Arabia [احمد] 09-04-2012 11:14 AM
ياخي الراجل ده ظروفو ما معروفة ماتحكمو ساكت ممكن محتاج فلوس لي علاج ولدو او لى ظروف تانية


#460679 [مريود]
5.00/5 (2 صوت)

09-04-2012 09:12 AM
يا جماعة الخير الشرائح في الدول عامة لا تمنح إلا بأوراق ثبوتية .
لأسباب أمنية واجتماعية. السب والشتم الحاصل عبر الشرائح المجهولة كثييييير. حدث معي ذلك.
شريحةب 50 قرش بها رصيد 2 جنيه .كيف لا يحدث ابتزاز؟ بالكوم بالقفة .


ردود على مريود
Saudi Arabia [العوض] 09-04-2012 06:57 PM
منو القال ليك في السعوديه لو داير الف شريحه بتشتريها بس الان ومن قبل رمضان قالوا اي شريحة لازم تكون بااسم الشخص ولو عاوز تشحن رصيد لازم تدخل رقم الاحوال او الاقامة لغير السعودين ودي تجارة اخوي مريود في طلب لازم يكون في عرض والناس تعمل حسابه واي حاجه ممكن الناس تستخدمه اما للخير او للشر .انتهي الكلام وياالمريود سلام


#460668 [الكردفاني العديييييييييييييل]
5.00/5 (2 صوت)

09-04-2012 09:03 AM
لا حول ولا قوة الا بالله ....... بعد ربع قرن من المشروع الحضاري ..... ضاعت القيم والشهامة... عند الكثيرين....... لان الفساد يجر الفساد..... وهل هناك فساد اكبر من فساد الارجاس.............


#460658 [الشايل المنقة]
4.94/5 (7 صوت)

09-04-2012 08:55 AM
...يعنى تانى ما تقيف تساعد زول..وما تدى زول موبايلك كلو كلو...وكتّر من كلمة معليش واذا كنت مثقف شوية استعمل آسف ومتأسف....وحاول تشك فى اى زول وزولة....واترك وانسى الاسرة الممتدة...استعمل نظام الاسرة النووية....رقم ما مخزّن عندك ما ترد عليه...شوف مصلحتك فى المقام الاول والاخير...اذا سمعت نصيحتى دى الحبة ما بتجيك...لكن ما ح تكون زول سودانى زينا..ودا عيب النصيحة الوحيد..!!


ردود على الشايل المنقة
Sudan [تختخ] 09-04-2012 07:04 PM
يالشايل المنقة زمان قال الشاعر:مررت علي المروءه وهي تبكي فقلت علام تنتحب الفتاة .............فإذا وجد أحدهم فلاتظنوهو(بعاتي)وتقولوا ليهو ما ما ما

Saudi Arabia [محمد احمد] 09-04-2012 11:25 AM
النصيحة يا الشايل المنقة دايما ردودك معبرة وفي الصميم ...قليل الاخطاء الإملائية.. تختزل التعليق في نقاط محددة ويكون الرد عليها في غاية الدقة والطرافة دون اغفال الموضوعية ... شكلك ود سغيروني ما اتربيت تحت مظلة المشروع الحقاري واذا كان العكس تبقى شاقاك المغسة منو... لك جزيل الشكر


#460622 [ود الشواك]
0.00/5 (0 صوت)

09-04-2012 08:24 AM
طمع الكلب دي كانت قصة في كتاب المطالعه زمان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة