الأخبار
منوعات
نانسي عجاج..عذراً إننا نستمع (بأعيننا).!
نانسي عجاج..عذراً إننا نستمع (بأعيننا).!
 نانسي عجاج..عذراً إننا نستمع (بأعيننا).!
نجاة غرزة


09-21-2012 08:56 AM
احمد دندش

وتسوقني الاقدار لحضور حفل غنائي تغني فيه فنانة من فنانات (الديكور)...اللاتي يهتممن بـ(قصات) شعرهن...و(لون قرنية) عيونهن وطلاء (أظافرهن) اكثر من اهتمامهن بالمنتوج الفني والاغنيات التى يقدمنها لمستمع هدت (قواه الذوقية) صولات (الورا ورا)...واغنيات (الكايلانكس) الورقية...والتى تنتهي بمجرد إستخدامها لمرة واحدة.
وشعرت بـ(غبينة) في دواخلي وأنا اشاهد بعض (الهبنقية) وهم يرقصون أمام تلك المطربة (الوهمية) والتى صنعتها بعض الاقلام (الصفراء)، ويمنحونها الاحساس بأنها (أم كلثوم) زمانها...بينما همست لصديق يجاروني وقلت له بإستياء: (هسي عليك الله الناس ديل برقصوا لي شنو يعني.؟) فرد عليَّ بعد أن جذب منديلاً ورقياً -يشابه الاغنية التى تقوم بأدائها في تلك اللحظة- من داخل ذلك الصندوق الانيق الذى امامنا وقال ببساطة: (يااستاذ..ديل كلهم مكسرين)...وقبل ان استفسر عن عبارة (مكسرين) تلك، وعن امكانية (تجبيص) مشاعر اولئك (الهبنقية)..واصل سريعاً: (ياخي انت قايل الغناء زي زمان ولاشنو..الزمن اختلف ياحبيبنا...والفنان بقى بيتصنع صناعة)..!!
ألجمتني عبارة ذلك الصديق...فحبست بداخلي كمية مهولة من الاسئلة...وغادرت المكان وانا احاول تشريح اجوبته تلك، فلم أجد غير مزيد من الاسئلة...ولعل ذلك كان ادعى لي أن اتناسى كل تفاصيل تلك الامسية (المهببة) وأصعد لإحدى المركبات العامة في طريقي للمنزل...لأتفاجأ بسائق المركبة العامة يدير جهاز تسجيلاته وينطلق بعدها صوت الفنانة (نانسي عجاج) داخل المركبة العامة وهي تغني اغنية (اندريا)...تلك الأغنية التي كانت بمثابة (بنج) كامل لكل الركاب...حتى (الكمساري) كان يدندن مع تلك المطربة الاغنية بمزاج عالٍ وبحفظ متقن برغم تعقيدات كلماتها الغارقة في التراث.
وصلت لمنزلي...ولاتزال الاسئلة تحاصرني بشدة...لكن الغريب انها فجأة تجمعت واصبحت سؤالاً واحداً فقط وهو: (لماذا تغيب فنانة مثل نانسي عجاج في الزمن المتاح لها والذى صمم خصيصاً لتربعها على عرش الاغنية السودانية..؟؟)...وهو سؤال ربما لن تجيبنا عليه الا نانسي، وربما لن تجيبنا عليه، في ظل تهتك حروفه مابين الساعات التى تفصلنا عنها والمسافات الطويلة مابيننا وبينها.
جدعة:
(مسخرة) حقيقية أن تجد (فاقدات الموهبة) كل ذلك البريق...ولاتجد فنانة حقيقية مثل نانسي القليل من الإنصاف...و(سخرية) عارمة تتملكنا عندما نشاهد أحدى مطربات (الديكور) وهي (تنشذ) في مطلع كل أغنية...أو تخذلها حنجرتها (الناشفة) في الصعود لأحد السلالم الغنائية العالية، فتكتفي بالابتسامة للجمهور وتمد نحوه المايكروفون لتواري سوءات حنجرتها، والغريب أن الجمهور يتفاعل معها..!!!!
لسعة:
لم نحافظ على نانسي عجاج ولم نبد اي حرص على اثنائها عن قرار الهجرة...تركناها تغادر البلاد والساحة الفنية في امس الحاجة اليها...ودعناها بمناديل الوداع...ومحطاته لاتزال بعيدة الوصول لتجربتها التى اعادت للاصوات النسائية ولمملكة الغناء النسوي البريق والهيبة...تركناها تذهب...ونحن أحوج مانكون لها...وتركنا فاقدات الموهبة (يسرحن ويمرحن) في ساحة فنية بلا رقيب أو حسيب.
شربكة اخيرة:
عذراً نانسي عجاج...فنحن اصبحنا نستمع (بأعيننا)..!!

السوداني



تعليقات 18 | إهداء 0 | زيارات 5053


التعليقات
#475301 Saudi Arabia [العازه]
0.00/5 (0 صوت)

09-22-2012 05:43 PM
نانسي عجاج قعد ليها هيثم كابو ومبارك البلال وام وضاح كل يوم فريه وكذبه كرهت الدنيا قبل السودان لو في محاكمه حاكمو هيثم كابو ومبارك البلال واسالوهم ليه عملتو معاها كده عايزناه تجيهم بالطريق العديل وتصاحبهم يا جماعة ديل زباله يكرهوا الذول في كل شيْ.


#474690 United Arab Emirates [يسقط البشير!]
0.00/5 (0 صوت)

09-21-2012 11:24 PM
لا داعى لشخصنة الموضوع نانسى صوت متفق عليه كل الشعب السودانى بجودته وتميزه! نانسى كان بامكانها ان تلبس (توب حرير شفاف) وكم كيلو دهب (فالصو) وكم (شكل حنة فى جسمها النضيف ده) وتبقى (قونة ) مافاضية لى ندى القلعة وايمان لندن ومونيكا وكل قونات الشوالاعلامى ديل!نانسى احلى صوت نسائى سودانى حاليالكن جات فى الزمن الغلط ! الغناء بقى( بالشحم واللحم)


#474684 Saudi Arabia [مايكل]
0.00/5 (0 صوت)

09-21-2012 11:12 PM
نانسي عجاج الفن في شكل انسانه


#474657 Sudan [عصمت وف]
0.00/5 (0 صوت)

09-21-2012 10:00 PM
وانت بتصنع في نانسي وهل اماااااال النور شيطان كانت انتم تسمعون وتنتخبون بارجلكم سلامة ال👀👀👀👀ون بالبنية قول عاجباك موت قرض


#474556 Saudi Arabia [وضح.. أبن... أفصح]
5.00/5 (1 صوت)

09-21-2012 07:15 PM
بغض النظر عن كلامك (المنطقي ظاهرياً)... بس أسمح لي بأني أسألك سؤال: هل مقالك ده جزء من صناعة (الفنانات)وألا لا؟... لكأني بك (تًلمع) في نانسي عجاج (مع الأخذ في الحسبان اختلافي معك قلباً وقالباً في رأيك تجاهها)... فهي ليست بالفنانة ذات المستوى الذي يتعدى الوسط (بل هي دونه)... وكنت سأتفق معك لو كان كلامك عن الفنانةأسرار بابكر... فإذا كان ما ذهبت إليه (أنا) صحيحاً فإنتبه يا صاحب المقال لفداحة مسؤولية الكلمة التي تكتبها... ولا تحاول أن تدس علينا السم في الدسم.


#474554 [fax]
5.00/5 (1 صوت)

09-21-2012 07:15 PM
وقال ببساطة: (يااستاذ..ديل كلهم مكسرين)...وقبل ان استفسر عن عبارة (مكسرين) تلك...
-----------------------------------------------------

يعني بصحيح إنت مش عارف كلمة ( مكسرين ) حتي تستفسر عنها محدثك ؟ إنت من ياتو قارة ياريت توضح لينا؟

ثانيا ما هي مؤهلاتك الفنية حتي تكتب وتنتقعد هذا وذاك!!!

رابعا مثلما يوجد في الفن من هم غريبين عنه نجد أيضا في الصحافة من هم غريبين عنها.


ردود على fax
Sudan [كدار] 09-22-2012 03:09 PM
خامسا: أستاذ دى حلوة شدييييد


#474537 Sweden [أبصلعة الحالق دقنو]
5.00/5 (1 صوت)

09-21-2012 06:49 PM
يكفي نانسي أنها أول من أعلن إنحيازه للشارع والثورة.... غنت لهاشم صديق حكاية الوردة والشارع... نانسي فنانة تملك كل أدوات الوصول لجمهورها... شكرًا دندش..
..
..
..
.. وماشين في السكة نمد..*


#474489 Greece [القرم تفاحة ابل]
5.00/5 (1 صوت)

09-21-2012 05:07 PM
والله اول مرة اعرف انو في فنانة اسمها نجاة غرزة الفاتح جبرة بضرب بيها المثل كنت قايلو بظهر سامحيني يا غرزة الفن في خطر


#474388 Saudi Arabia [مقرسم]
0.00/5 (0 صوت)

09-21-2012 02:20 PM
الغناء انواع....................1!!!!!!!!!يعنى مامكن فى حنة عريس تجى تغنى لى الطير المهاجر ..او فى قيلة او في حفل زفاف تجى تغنى لىمامكن تسافر لانوا العريس اول واحد حا يمل


#474384 Sudan [كتاحة]
5.00/5 (1 صوت)

09-21-2012 02:19 PM
والله انا من حنان النيل قاطعت الاصوات النسائية مقاطعة تامة لانهم كلهم بغنوا من نخرينهم

لاكين ارجعني للصوت النسائي الموهوبة نانسي عجاج و من بعدها فهيمة عبدالله

نانسي صوت مختلف غنت بعض اغاني القدماء احسن منهم ( ما بعيد برضو نكون مكسرين فيها حبة )

بي مناسبة الغنا من النخرين في فنانة كبيرة جدا دي انسب مثال لذلك و انا بتخيل

صوتا دا ياهو صوت الشيطان ذاااتو غايتو انا لمن اكون ماشي بالليل و اسمع صوتا من راديو

ولا تلفزيون بقرا المعوذتين طوالي ... خايف اقول اسما اخواني الراكوباب ديل يزعلوا

ونبقى في الشي البرضيهم لاكين خلاص انا حسمت امري اسما س..س... سمية حسن ياخ اها محل الرهيفة

التنقدا ( يا ناس الراكوبة الككو الفي الصورة دي منو )


#474369 Saudi Arabia [البريدى]
0.00/5 (0 صوت)

09-21-2012 02:02 PM
اتتو كما ن قاعدين تسمعوا فى الغتا
طيب الجماعة المكنكشين فى السلطة ديل مين حيششيلن


#474348 Saudi Arabia [خالد عثمان الرشيد]
0.00/5 (0 صوت)

09-21-2012 01:42 PM
اولا لابد لنا فى السودان ان نؤمن بالتنوع فى كل شى والاعتراف بالاخر مهما كانت تصرفاته لانها من صميمحرياته الخاصه يوجد فى السودان قبائل متنوعه وثقافات متنوعه واديان متنوعه لكن الهجوم الضيق الافق الغير شريف والاستخفاف بالناس هو ماتسبب بفصل الجنوب مثلا عندك فى مصر الجاره واثيوبيا يوجد تنوع فى كل شى الفن وممارسه الحياه لكن لايوجد هجوم قاسى مجرح


#474340 Saudi Arabia [الباشا]
1.00/5 (1 صوت)

09-21-2012 01:36 PM
عذا و سماحا يا أخى كاتب المقال لأختلاف الرأى معاك - حيث أننى لا أرى أى تميز لصوت نانسى عجاج سوى أنخفاض التون Low Tone و ليس فيه أى أشباع تطريبى - لكن أستمع الى الرائعة سميرة دنيا-صوتا و اداءا - و بعدين تعالى قول لى !!!


ردود على الباشا
Saudi Arabia [Kudu] 09-22-2012 03:03 PM
يا باشا سميرة دنيا بتكتل الغنا كتل.. مما ممكن كل الأغاني التي تؤديها تكون بنفس الطريقة الرتيبة.. أظن الآن فهيمة مرشحة لموهبتها لو كان هناك انصاف من الاعلاميين..


#474286 China [ود المهلة]
0.00/5 (0 صوت)

09-21-2012 12:19 PM
نتفق معك أن الساحة خالية إلا من عاطلي عاطلات المواهب ... بس حكاية نانسي دي زودتها شوية نانسي نفسها كيسها فاضي ما عندها أي إضافة خلاف التقليد يعني هي حقيقة صوتها حلة جدا وهي حلوة يعني كدة استايل خواجات !!! موش كدة ؟؟؟؟ بس ما قدمت شئ وبدون زعل كدة لمن سافرت ما فرقت ولو جاءت تسترزق تاني من غنا المراحيم ما حتعمر ... هي سافرت ليه؟؟؟ لأنها ما قدرت تقدم شئ وسمح الغنا في خشم سيده
نانسي بصوتها الحلو كان عندها فرصة كبيرة تملأ الساحة ولكن مرمي الله ما بترفع وما في شئ ملح.
نانسي دي زي وارغو بس النصيحة كدة وارغو شين


#474281 Sudan [سودانية]
3.00/5 (2 صوت)

09-21-2012 12:10 PM
الناس الشفتهم برقصوا ديل ما كانوا بسمعوا اصلا للبتغني دي .هم كانو بسمعوا لالة الاورغ فقط كانوا بيرقصوا وهم بيسمعوا الموسيقي لو بسمعوا الكلمات ما كان نانسي طلعت


#474279 Norway [jokersudani]
4.00/5 (2 صوت)

09-21-2012 12:06 PM
نحنا آسفين يا نانسي ياريت لو الزمن غير الزمن@


#474275 [الرجل الباتمان]
0.00/5 (0 صوت)

09-21-2012 11:57 AM
البسمع صحبك بقول انتا قايل الغناء زي زمان افتكركم عثمان حسين وابو داؤود بتناقشو ..ياخ قوم لف


ردود على الرجل الباتمان
Sudan [سامي] 09-21-2012 11:02 PM
فعلن باتمان


#474266 Sudan [الدنقلاوى]
0.00/5 (0 صوت)

09-21-2012 11:45 AM
الفن فى السودان متردى للغايه - هنالك عدد مهول من الفنانات والفنانين ليس لديهم المؤهل الاولى للغناء لا يعرفون السلالم الموسيقيه ولا التطريب وفى حاله نشاذ دائم من الذى سمح لهم بالغناء او كما ذكر فنانات ديكور هذه مهذله والاذن الموسيقيه للمستمع اصبحت خربه والناس فى حاله ضغط نفسى يرقصون مثل الذار وليس طربا اما الشابات الذين نشاهدهم فى الحفلات انهم اتوا للعرض مثلهم ومثل البضاعه البائره التى تعرض ليجدوا من يتسلوا به فالجميع فى الخلقه يتنافس من اجل الظهور باللبس الخليع والشعر المصبوغ واللون المزيف والمكياج كل هذه من اجل الاخرين وليس لجمالهم فالمراه الجميله وان اردت دموريه يظهر جمالها والشينه الله يعزكم لو لبست حرير هى ذى ماهى - مالذى جرى الفن والغناء فى هاويه يجب ان نوقف هذه المهاذل الجائره والفساد الذين يدخلون اليه بمهنه الفن لينالوا نصيبهم لعرسه لاتستمر اكثر من شهر معلنه او مسيار وبعدها الله يخلى الصينين والقابلات سمكره والسلام بوها المجتمع يتخط وينتهى هكذا .......



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة