الأخبار
منوعات
العشاء بوفيه مفتوح و الفنانة الواعدة التي شاركت في الغناء حملت نقطتها في حقيبة آلات الإيقاع
العشاء بوفيه مفتوح و الفنانة الواعدة التي شاركت في الغناء حملت نقطتها في حقيبة آلات الإيقاع
العشاء بوفيه مفتوح و الفنانة الواعدة التي شاركت في الغناء حملت نقطتها في حقيبة آلات الإيقاع


صحيفة الخال الرئاسي : عريس يدفع مليار جنيه لايجار صالة بالخرطوم ونقطة الفنان من فئتي مائة وألف دولار..!!
09-22-2012 08:12 AM
استطلاع: هنادي النور ــ إنصاف أحمد

حتى وقت قريب كانت العادات والتقاليد المرتبطة بمناسبات الزواج في السودان محكومة بقائمة طويلة من الاعراف تشكل خطاً أحمر لا يمكن تجاوزه، كأن تتم مراسم الزواج بالمنزل دون غيره، وقد ساهم تيار الموضة الجارف كثيراً في كسر هذه القيود التي كانت مبسطة في المناسبات التي تقام في الاحياء وسط لمة الاهل والجيران والاصدقاء والمعارف بتكاليف محدودة وتقليدية، ولكنها لا تخلو من لمسات الجمال التي يساهم في تكوينها استخدام المواد التقليدية التي تضفي قدراً من الرونق على زينة العروس. ولكن يبدو أن رياح التغييرات الاجتماعية التي اجتاحت العالم قد أثرت في مجتمعنا، فأخيراً اتجهت الأسر الى إقامة المناسبات في صالات الأفراح باعتبار ذلك نوعاً من التباهي والتفاخر، وبالرغم من ارتفاع تكاليف إيجار الصالات والأزمة الاقتصادية التي تعيشها البلاد والاسعار الباهظة، فإن الصالات تكون مزدحمة في معظم الاوقات وأحيانا لا توجد فرص للايجار.
«الإنتباهة » تجولت في عدد من صالات الافراح لمعرفة تكاليف الايجار وأغلى فاتورة دفعها عريس، وعدد الصالات الموجودة، والعديد من التساؤلات تمت الاجابة عنها بوضح وأخرى تحفظ البعض عنها، فقط طالعوا معنا التفاصيل التالية:

مواسم ازدحام الصالات بالتواريخ المميزة:
تحدث إلينا مدير صالة «كزام» للمناسبات محمد صديق، مبيناً أن ثقافة الصالات بدأت منذ عام 2000م بعدد صالتين ثم توسعت لتبلغ «40» صالة، وقال إنها اصبحت منتشرة بصورة واسعة لضيق المباني السكنية وتغير نمط الحياة وايقاعها السريع خاصة اصحاب الشقق. واضاف أن أية مناسبة في المنزل تحتاج لتغيير كامل، واذا تمت مقارنتها بايجار الصالة نجد أن الايجار افضل من حيث النظر للجهد الذي يبذل في اعداد المنزل من ديكور وغيره، لذلك اتجهت العديد من الاسر إلى الصالات رغم ارتفاع تكلفتها. وذكر أن ايجار الصالة يتراوح بين «5 ــ 6» ملايين جنيه، مشيراًَ لثبات السعر، ولكن ثقافة السودانيين «المجاملة» تؤدي لخفض الاسعار عبر الوسطاء. وتحفظ عن ذكر اعلى فاتورة تم دفعها عريس للصالة. وذكر محمد أن حجز الصالة يتم عبر دفع عربون قبل 15 يوماً من موعد المناسبة، وأبان أن اكثر المواسم ازدحاماً بالافراح موسم الخريف، والتواريخ المميزة هي «20،12» من الشهر والاجازات. وقال إن الصالة تستقبل المناسبات من غير الافراح كالمؤتمرات والاحتفالات الكبرى، واضاف أن فترة الركود دائماً ما تكون بين العيدين وفي مواسم الامتحانات. واشار إلى أن الصالات مستقبلاً ستكون متطورة وذات انتشار واسع.
٭ تكلفة الصالة يحكمها عدد المدعوين
مدير صالة الحضري عبد العظيم عبد الودود قال إن الاتجاه للصالات اصبح ضرورة لسهولة الخدمات المتكاملة التي يتم تقديمها بجانب النواحي الامنية، ونفى أن تكون الصالات مهدداً لثقافة الزواج بالمنزل باعتبارها من العادات الأصيلة التي لا تتأثر بالمتغيرات، خاصة أن أغلبية الاسر لا تستطيع دفع تكاليف الايجار. وأضاف أن إجراءات الحجز تكون دائما قبل شهر بدفع عربون يصل إلى ما بين «30 ــ50%»، اي ما يعادل ثلاثة آلاف جنيه، وقال إن متوسط الايجار يصل إلى «20» ألف جنيه، وهذا يحكمة عدد المدعوين والتكاليف الأخرى المقدمة بالنسبة للخدمات، بجانب أن اختيار الصالة يكون حسب الوضع الاقتصادي للشخص المؤجر، وهذه النسب تتفاوت في الايجار ونقوم بإرضاء الزبون.
٭ تأكيد الحجز بعربون يصل إلى «3» آلاف جنيه:
المدير التنفيذي لصالة إسبارك ستي أزهري محمد عوض الكريم قال إن الصالات موجودة منذ فترة طويلة وليست جديدة، ولكن كانت محصورة في أماكن قليلة كالفنادق والأندية، ومقتصرة على الفئات المقتدرة فقط، والآن أصبحت جزءاً من الاستثمارات التي توسعت بصورة كبيرة ومنتشرة ومتاحة لكل الفئات الغنية ومتوسطة الحال، لمساهمتها في تسهيل سبل الراحة وتقديم الخدمات المتميزة التي تحتاجها الاسر، حيث تجد كل احتياجاتها تحت سقف واحد، مضيفاً أن الأندية في السابق كانت متاحة لكنها تتأثر بالعوامل الطبيعية، مما جعل الصالات جاذبة نسبة لأنها تقدم أنشطة اجتماعية متكاملة تشمل جميع المناسبات كالمؤتمرات وأعياد الميلاد والاحتفالات. وذكر أن «الإنتباهة» احتفلت بعيد ميلادها الخامس في صالة إسبارك ستي. وأبان أزهري أن تكلفة ايجار الصالة يتراوح بين «20 ــ40» ألف جنيه، وهذا يحكمة عدد «المعازيم» بالاضافة للخدمات المقدمة، ويتم الحجز قبل فترة مؤقتة «72 ساعة» وتأكيدها بعربون يصل إلى «3» آلاف جنيه، وأضاف أزهري أن الصالة لا تؤدي لاندثار عادة إقامة طقوس الزواج في البيت، باعتبار انها عادة متأصلة في الشعب السوداني، خاصة أنها مازالت منتشرة في القرى.

٭ أعلى تكلفة دفعها عريس بلغت مليار جنيه:

وتفيد تحريات «الإنتباهة» نقلاً عن مصادر موثوق بها أن أعلى تكلفة إيجار صالة بلغت مليار جنيه سوداني دفعها عريس شاب، وقد أقيم حفل زواج بالخرطوم في صالة سياحية ضخمة بأطراف الخرطوم كلف مبلغ مليون دولار، وحكى شاهد عيان أن الحفل أُقيم بصالة بكامل حدائقها وتمت فيها كل مراسم الزواج من حفل الزواج حتى الجرتق، وكانت وجبة والعشاء عبارة عن بوفيه مفتوح ضم كل أنواع المأكولات من مشويات وخلافها، وكل المشروبات. واستمر الحفل حتى الساعات الأولى من الصباح، وتغنت فيه مجموعة من الفنانين الكبار، أما حفل «القيدومة» فقد أقيم في منتجع أنيق وضخم بالخرطوم، وهو من أجمل المنتجعات على مستوى السودان، وأكد شاهد عيان أن النقطة التي قدمت للفنان الذي تغنى في الحفل كانت بالدولار من فئتي مائة وألف دولار، كما حملت الفنانة الواعدة التي شاركت الفنان في الغناء نقطتها في حقيبة آلات الإيقاع.

صحيفة الانتباهة


تعليقات 49 | إهداء 0 | زيارات 19380


التعليقات
#475979 [Jafal]
0.00/5 (0 صوت)

09-23-2012 01:43 PM
يا أخوان ترانا مساهمين معاهو فقط ب 33 من جنيهاتهم غصبا عنا واللوم علينا ما عليهو البلقى الفرصه كلوا بيلغف فقط يلقى رضا السادة الجدد


#475570 [سيف]
0.00/5 (0 صوت)

09-23-2012 05:45 AM
عوووووووووووووووووك اناس بالله شوف السودانيين ديل مشتتتين كيف مافي بلد خالي سوداني وكلهم زعلانيين في الصرف دههاناس ها قولو بسم الله


#475508 [بنت السودان]
3.25/5 (3 صوت)

09-23-2012 12:32 AM
مشكلة الشعب السوداني بيهتم بكلام الناس لكن لو الواحد فكر القروش البيتفاخر بيها يستثمرها ويتصدق بجزء منها الله يبارك في زواجه وفي اولاده لازم كلنا نحارب البزخ الفي الاعراس ونقلل من المجاملاتواذا عندنا قروش زايده نتصدق بيها على الفقراء


#475504 [الشعراوي]
5.00/5 (1 صوت)

09-23-2012 12:27 AM
بالله عليكم في في فئة الف دولار ياخي حرااااااااااااااام عليكم.. إتقوا الله في أنفسكم ياناس.......


ردود على الشعراوي
Qatar [بننكرجي قديم] 09-23-2012 06:46 AM
فئة الالف دولار موجودة من التمانينات يا شعراوي حراااااااااااااام عليك انت

Saudi Arabia [طفشونا من البلد] 09-23-2012 06:17 AM
شعراوي يا اخوي ..دي حالتك مغترب وماعارف انو في فئة ألف دولار ..!!!
دي غرييييييييييييييييييييبه لاكين ..!!!


#475495 [عازة سودانية]
0.00/5 (0 صوت)

09-23-2012 12:12 AM
ده الوليد بن طلال بتاع السودان


#475482 [طارق الباز]
5.00/5 (3 صوت)

09-22-2012 11:41 PM
ياخى فى امريكا مافى صالة بأجروها بالسعر دا لحفل عرس لمواطن عادى وقال كمان النقطة من فئة الالف دولار دى الا يكون طبعتا ليهو حبوبتو


#475478 [Yassir]
5.00/5 (5 صوت)

09-22-2012 11:25 PM
إذا كان البيتكلم مجنون فالسامع عاقل. قصة خرافية وأصلا ورقة الألف دولار والتي يظهر بها الرئيس كليفلاند تم سحبها من الأسواق في ستينات القرن الماضي. بلاش دجل.


#475448 [Nafie]
0.00/5 (0 صوت)

09-22-2012 10:24 PM
بالله بطلوا تنظير كلكم زي بعض الواحد لو قبض خمسين جنيه بتمرد علي الفول طوالي


#475417 [ود الجزيره الاغبش]
5.00/5 (7 صوت)

09-22-2012 09:41 PM
والله العظيم انا واعوذ بالله من كلمة انا اتزوجت قبل 20 سنه قولت الخير كانت 1000 جنيه وخلاص المال ب 6000 الف جنيه والشنطه 3/3 بس وسريرين ومرتبتين وترابيز فرمايكه ودولاب 3 ضلف فرمايكه لا عندى بيت ولا قطعة ارض كان زواج مبسط ماكلف اى مبالغ كثيره والحمد لله الى الان ما حصلت لنا اى مشكله وكان فى الزمن داك راتبى 4 الف ج الحمد لله فى ال 20 سنه بنيت البيت وعملت حاجات تانيه لا اريد اذكرها لكم كلها منفعه لى ولاولادى ودى كلها من فضل الله وتعب وكدالغربه والحمد لله عايشيتن فى امان وسلام .نصيحه من اخ لكم ابعدو من الحرام وظلم الناس تعيشو سعداء.اكثرو من الاستغفار فانه دوا القلوب ويذهب الحزن والهم واغم .السلام عليكم


ردود على ود الجزيره الاغبش
United Arab Emirates [بت أمدرمان] 09-22-2012 11:10 PM
الله يفتح عليك و يخلى ليك أولادك و أتمنى إنك تربيهم متشبعين بنفس الأفكار


#475403 [عسولة]
5.00/5 (3 صوت)

09-22-2012 09:14 PM
( أما حفل «القيدومة» فقد أقيم في منتجع أنيق وضخم بالخرطوم، وهو من أجمل المنتجعات على مستوى السودان، )
هههههههههههههههههههههههههههاي جنس كضب


#475364 [الاقى ايدو]
3.00/5 (2 صوت)

09-22-2012 08:03 PM
قال مليار قال ياخى دى عروس ولا قبامة رابطة يعنى فى النهاية داير يصل لى شنو .... ديل ياهم المطلعين زيتنا ومعرقلين العرس للشباب المساكين ... الله لا جعل فيه البركة وهو اكيد ما فيو بركة لانه الحبيب المصطفى قال (أقلهن مهراً أكثرهن بركة)


#475338 [abuomer]
1.00/5 (2 صوت)

09-22-2012 06:52 PM
الشعب السوداني عنده مشكلة فى الاوليات, فهو دائما اسير التقليد و المظاهر , بالله عليكم ما جدوى ان يخسر الشخص مبالغ طائله و فى قريته او حيه مدرسة ليس فيها مقاعد للتلاميذ او ليس بها مكاتب للاساتذه او حمامات او خلافه.. تنتهي مراسم زواج الشخص و قد انفق فيه ملايين عديده و يدخل المسجد المجاور له و يجد حماماته متهالكة و ليس به مفارش...بالله عليكم لو خلد الشخص زواجه ببناء حمام فى مسجد,مكتب فى مدرسه,او اشترى مقاعد للمدرسه المجاوره له لما كان افضل و ارضى لله سبحانه وتعالى و اقرب للتقوى؟؟بدلا من ينفق الملايين فى حفل فيه من المنكر و الاختلاط ما يغضب الله و يجلب النحس للزواج برمته..طوبى لمن سن سنة ان يبدا الزواج بالتبرع لمدرسة او مسجد او اي مرفق ينتفع به..لو فعلنا ذلك ننال رضى الله و الرفعة لبلادنا


#475286 [البطحاني المشعشع]
3.00/5 (2 صوت)

09-22-2012 05:14 PM
طبعا هذه القروش لا يمكن ان تكون حلالا اما ان تكون قروش ربا والربا كما هو معروف لا خير فيه والدليل على ذلك الازمة المالية العالمية او تكزن غسيل اموال وغيرها وكما قال المعلق انه لو تعب فيها ما انفقها بهذا البزخ المفرط ودائما مثل هذه الزيجات تكون نهايتها الطلاق والفشل الذريع


#475250 [arkamani]
5.00/5 (3 صوت)

09-22-2012 04:15 PM
سمعت قبل ايام قصه عن طالبه في احدى مدارس العاصمه بانها رفضت التفتيش رفضا تاما
عندما قررت المعلمه تفتيش حقائب جميع الطالبات ﻻكتشاف منهو السارق.اصرت بطلتنا الصعيره
على ان ﻻ يتم تغتيشها اﻻ في مكتب المديره.تفاجأت المديره عندما علمت ان المسكينه كانت
تجمع ما بتبقى من فتات ما تبقى من طعام زميلاتها في حقيبتها من غيران يلاحظ احد اذ انها تخشى الغضيحه
وتصر على ان لا تترك اخوانها في المنزل يقاسون الجوع....احترمتها وشعرت بقسوتي.


ردود على arkamani
Norway [LilleSMiTH] 09-22-2012 10:25 PM
الخبر دة مستحيل يكون صحيح .. ومافي ورقة فئة الف دولار..

لكن يا انت ..

لقد أَسَلْتَ دموعي رغم ندرتها * وقد سَأَلْتُ إلاهي اللطف بالبنتِ


#475233 [sama ratib]
3.75/5 (4 صوت)

09-22-2012 03:46 PM
أولا يذهب الحرام من حيث أتى وثانيا لو القروش كانت من عرق جبينه ما كان بيبعذقها يمينا و شمالا بهذه الطريقة كان أولى بها الفقراء و المساكين و نفقتها فى أعمال الخير والأشياء مفيدة ينال بها أجرا فى الدنيا و الآخرة. نجد فى الدول الغربية أولاد الملوك و الأمراء يقتصدون و يتقشفون فى حفلات زواجهم و رحلاتهم الخارجية نظرا للأزمات الإقتصادية التى تمر بها بلادانهم و الخوف من إنتقادات دافعى الضرائب.
أين توجد تلك المنتجعات و الصالات الفخمة التى تتحدثون عنها فى السودان؟؟؟ والله دى فيها مبالغة شوية لم أر واحدة على الإطلاق ولو حتى إفترضنا و قلنا فى واحدة فإنها حتما سوف تكون محاطة بأكوام من الزبالة و الوسخ و التراب و مخلفات البناء و الروائح الكريهه و يحوم حولها الشماسة و المتسولين. أنظروا معى لشارع النيل والله الواحد يخجل من الوسخ و الكوش و الكراسى البلاستيكية الملونة و الأكياس المتطايرة هنا و هناك و الناس قال قاعدة بتشرب فى الشاى والقهوة متكيفةوفى النهاية عننا مثل بيقول: الله يعيش المساكين فى المجانين


#475230 [سوداني متقاعد]
5.00/5 (6 صوت)

09-22-2012 03:43 PM
لقد لاحظت في الرااكوبة خلال الشهر الماضي تدهور مريع في الاخبار المنشورة في الصحف السودانية -اما جرائم وفبركات او تحقيقات تافهة. يبدو ان هذه هي الصحافة التي يسمح بها جهاز الامن.
الامر الاخر نفتقد اخبار عن اشقائنا الجنوبيين وصحافتهم.


#475215 [كاكا]
5.00/5 (1 صوت)

09-22-2012 03:31 PM
شوف القروش داعة في الهواء ساكت


ردود على كاكا
Sudan [ريو] 09-22-2012 11:59 PM
ياكاكا ارحمنا ياخ ضااااااااااااااااااااااااااااعت

Saudi Arabia [ابو مازن] 09-22-2012 04:12 PM
---- ضاعت ---- الله يصبرنا بس عليكم


#475205 [سلاق بيض]
5.00/5 (1 صوت)

09-22-2012 03:15 PM
عريس يدفع مليار جنيه لايجار صالة بالخرطوم ونقطة الفنان من فئتي مائة وألف دولار..!! استطلاع: هنادي النور ــ إنصاف أحمد.. استطلاع ضعيف ومبتور لا يرقى للنشر والتحقيق الصحفي!! يبدو أنه من مهازل التعليم وافرازات الانقاذ


#475202 [makondo]
5.00/5 (1 صوت)

09-22-2012 03:13 PM
اقول ليكم العرس دا قبل سنة ونص كدة والان حصل طلاق بيناتهم والعروس رجعت الدراسة وكان فى راجل فيكم دايرها انا موافق


#475198 [ابو احمد]
3.00/5 (1 صوت)

09-22-2012 03:08 PM
هذا زمانك يا مهازل فامرحي . فهذا حرامي وسفيه جدا في بلد لا يجد فيه الاطفال حق العلاج يصرف هذا السفيه الحرامي هذا المبلغ الخرافي ايجارا لصاله. اين حكام المشروع الحضاري؟؟؟


#475192 [Kamal Elfaki]
5.00/5 (3 صوت)

09-22-2012 03:03 PM
طبعاً آخر بنكنوت فئة ألف دولار صدرت من الولايات المتحدة كان في الستينات... يا الانتباهة كضابة أو نحن عندنا قنابير و العريس إحتفظ بالعمله النادرة دي أربعين سنة عشان يجي ينقط بيها لفنان


ردود على Kamal Elfaki
United States [sama ratib] 09-22-2012 10:24 PM
والله أنا إتحيرت فى أمرى من قصة فئة الألف دولار دى !!!! وقلت بينى و بين نفسى شوف بالله عليك الله المبالغة و الضحك على الدقون زى ما بيقول المذيع فيصل القاسمى. ما نحن متخلفين عاد والله كل من هب و دب يضحك علي ذقوننا

Norway [واح خلاص] 09-22-2012 06:30 PM
يا كمال انت الوحيد الإنتبهت للحتة دي بالذات لأنو فئة الألف دولار اندثرت من زمااان والظاهر عليه بتاع الخبر ماعارف حاجة وده يخلينا نشك في التفاصيل كلها.


#475159 [ود كسلا]
0.00/5 (0 صوت)

09-22-2012 02:14 PM
غسيل اموال ياناس.


#475137 [ود كسلا]
5.00/5 (2 صوت)

09-22-2012 01:49 PM
ورقة ام الف دولار . بسم الله الرحمن الرحيم من الشيطان الرجيم.


ردود على ود كسلا
United States [واحد] 09-23-2012 05:06 AM
كضوبات ههههههه


#475130 [دا كلام ما صاااااح]
5.00/5 (1 صوت)

09-22-2012 01:41 PM
عاوزين نفهم حاجة .. اشمعنى يعنى ايجار الصالات مكتوب بالآلاف والأخيرة دى مكتوبة مليار؟؟
ليه يعنى يكتبوا كل الصالات بالجديد والأخيرة بالقديم ؟؟ واللا عشان المبلغ يظهر تمام ؟؟


#475095 [مغبون]
5.00/5 (4 صوت)

09-22-2012 01:04 PM
لو كنت رئيسا لفرضت علي هؤلاء الاغنياء المفترين ضريبة بذخ وضريبة سفه،لان هذا سفها في زمن يجوع فيه تلاميذ المدارس


ردود على مغبون
United Kingdom [خصر عمر] 09-22-2012 04:49 PM
المفروض النائب العام يفتح بلاغ في الجريدة العملت التحقيق إذا صحيح وسكتت علي ذلك وبلاغ ضد العريس المبذر. وبلاغ في اهلو وأهل العروس وبلاغ في الصالة القبضت إيجار مليار جنيه ولازم يحصل منها 46 في المائة رسوم إنتاج وضريبة ويتم تأميم جميع الصالات وتشغيلها لمصلحة الدخل القومي ما دام بتجيب دخل بي الشكل دة وأحسن من وع راس البترول ومنها الناس يكون مهجرين بدل الغازات والحرائق
بعدين العريس دة معرس شنو ؟. بنك ولا بت؟


#475079 [رهــان]
5.00/5 (1 صوت)

09-22-2012 12:48 PM
واما بنعمة ربك فحدث


ردود على رهــان
Egypt [ود المصطفى] 09-22-2012 05:52 PM
نعمة ربنا التي يحدث بها في فعل الخير ودعم الفقراء الذين وصلت نسبتهم في بلادي الحبيبه ال85% والباقي اكيد مؤتمر وطني واقطع يدي من حدها لو ان اصحاب المسخره البذخيه هذه ليسوا من فئة البذخ السياسي ياخي حراه على امكم اللي بتعملوا فيه ده الناس ما لاقيه تأكل في بطنها سيبك من تعرس تجي تقل :واما بنعمة ربك فحدث؟ ربك برضو قال: ان المبذرين اخوان الشياطين اليس كذلك ؟

Hong Kong [أوكامبو] 09-22-2012 03:16 PM
هذا ليس حديث بالنعمة و إنما بطر و سفه يوجب العقوبة من الله سبحانه و تعالى و هل ما نعانيه اليوم من ضيق فى العيش و ظلم الحكام و هواننا على الناس إلا بعض ما كسبت أيدينا بمثل هذة الممارسات الإستفزازية فى بلد أصبح معظم سكانه يعيشون تحت خط الفقر. لقد قال الله سبحانه و تعالى فى كتابه الكريم (و لا تجعل يدك مغلولة الى عنقك و لا تبسطها كل البسط فتقعد ملوما محسورا)-صدق الله العظيم.
حبذا لو أنفق هذا العريس الملياردير الشىءالمعقول الذى يليق بمكانتة الإجتماعية و تصدق بجزء من ماله الذى أنفقه بذخا فتكون له سعادة الدارين. اللهم أهدينا جميعا لما تحب و ترضى.


#475070 [بابكر]
5.00/5 (4 صوت)

09-22-2012 12:40 PM
كل حجرة ليها أجرة والعندو قروش يحنن00000000000 والخبر عادي رغماً عن إستفزاز قطاع كبير من الشعب وهذا يذكرني بأحد المغتربين جاء لأحد الجزارين وحوله زبائن يطلبون لحم منهم من يقولون أعطيني ربع كيلو ومنهم من يقول أعطيني نصف كيلو فقال المغترب للجزار أعطني عشرة كيلو وفي هذه اللحظة إلتفت جميع الموجودين ليروا من الذي طلب عشرة كيلو ورمقوه بنظرات قوية من الدهشة والأستغراب فأحس المغترب بالحرج والنظرات فتخارج من الموقف المحرج وقال للناظرين ياجماعة علي الطلاق عندي سماية


#475053 [wudoof]
5.00/5 (2 صوت)

09-22-2012 12:24 PM
الانتباهة خليناها تاني لا حقننا بيها هنا بالكضب والكلام الفارغ منبر عجوبة ده ما عندو نهاية .؟؟
كيف كانت نهاية عجوبة الاصل .؟؟؟ هل من محيب .؟؟؟


#475040 [ود الوطن]
4.25/5 (3 صوت)

09-22-2012 12:04 PM
إن كان الخبر صحيح فهذا يعتبر شيطان من الشياطين لانه من المبذرين والمبذرين هم اخوان الشياطين كما قال ربنا سبحانه وتعالى وسوف يندم على هذا اليوم الذى صرف فيه هذا لمبلغ يوم لاينفع مال ولابنون وصدقونى هذا الشخص وامثاله كثيرون فى السودان وكما قال اخ معلق قبلى يذهب الحرام من حيث اتى يعنى ياتى من الحرام ويذهب العياذ بالله فى الحرام يعنى يحرم من ان يعمله فى عمل خير يجد ثوابه يوم لاينفع مال ولا بنون لذلك يجب ان لانستغرب من مثل هذه الاخبار لانه والعياذ بالله اغلب الاموال صارت من الحرام لذلك كثر هذا البذخ الشيطانى وربنا يتولانا ويتولى الجميع برحمته .


#475008 [الزمن الأغبر]
5.00/5 (5 صوت)

09-22-2012 11:35 AM
والله انا عائش في اوروبا ١٨ سنه وشغال وبدخل ما يعادل اربعه الف دولار لكن دى اول مرةاعرف انه في الف دولار ورقه واحده يا سبحان الله ٠ده شنو القرف ده كان الخبر صاح ولا غلط


ردود على الزمن الأغبر
Netherlands [khalid] 09-23-2012 05:17 AM
يازمن يا اغبر كلنا اولاد تسعة ! وانت برضو زي صاحبنا والله مافي حد بيدخل اربعة الف دولار في اوربا الناس مالاقين شئ يرجعوا بيها
دي مشكلتنا عموما كسودانين والله البنشوفهم في اوربا في القهاوي والشوارع ديل مالاقين حق الاكل !

Saudi Arabia [واحد تانى] 09-22-2012 01:19 PM
ده دولار اسلامى.....!!


#475000 [shafya]
4.72/5 (10 صوت)

09-22-2012 11:31 AM
حتى لو صح الخبر..ما مشكلتكم؟؟
ربنا لم يخلقنا سواسية..اذا كنا
نحن نرى المليار مبلغ ضخم فغيرنا
يراه فتات..ربنا أعطاه وهو مسئول
أمام الله من أين اكتسبه وقيم أنفقه؟؟
هل سيسألكم الله عن أموال هذا العبيط؟؟
اذا كان من نقل لنا الخبر قد حضر الحفل
وأستمتع بكل ما لذ وطاب فلماذا ينقل الخبر؟؟

انقلوا لنا اخبار مفيدة..


#474996 [كتاحة]
5.00/5 (3 صوت)

09-22-2012 11:25 AM
تأجير صالة بي مليار !!

و نحنا ما قادرين نأجر صيوان بي 100 جنيه !!

شكلو الزول دا ما داقي فيها حجر دغش ولا من الجماعة الطيبين (الله يسل روحهم)

ما عارف لشنو اتذكرت غنية عم عبدالرحيم

مصنع مصنعين ناسا حالا زين .. مصنع مصنعين طين في طين ووين
ما مرابا مر بارد همها .. لا عرقا يخر لا وشا يصر
عين والله عين كلها كمها .. و عزها هاانقدر
الجنة ام نعيم الجنة ام قصر .. يا عبدالرحيم الا ورا القبر


#474990 [العينو عورا]
5.00/5 (3 صوت)

09-22-2012 11:19 AM
سمحة المقدرة


#474984 [نحن مساكين]
5.00/5 (2 صوت)

09-22-2012 11:11 AM
الكلام ده صحيح 100%

ديل ناس لاقين القروش بسهولة عشان كده بصرفوها بالشكل ده ويتفشخروا الحرامية اولاد الحرامية

ناس الحكومة كلهم شغالين تجاره ومدورين التجاره بينهم

مشاريع الحكومة كله تنفذها شركات ناس الحكومة


السوق ماسكينه ناس الحكومة ويطيعواالقوانيين لصالحهم
اولاد الوزراء وناس الحكومات المركزية والمحلية في الوظائف المرتطبه ابو رواتب ب5 مليون ولفوق

الرئيس والوزراء شغالين تجاره عن طريق اهلهم

ضباط الشرطة والجيش والامن شغالين تجاره

القضاء الكباء شغالين تجاره
90
% من ناس الحكومة جامعينه بين وظيفته والتجاره

كلهم بيستغلها الوظيفة والعلاقات مع الاخرين في الحكومة في تدوير شركاته ومصالحهم
لذلك تركز المال في يد قله حقير ليس لها اي رحمة ولا مخافة من الله .

واحد بتاع امن الامن بتاع نافع المانافع قال ضباط الامن شغالين تجاره والعساكر يهربوا البنقو في الاطواف الداخلة الخرطوم لانهم ما بيتفتشوا .

حليل السودان بقى ذكره


#474978 [بدر الشكريه]
0.00/5 (0 صوت)

09-22-2012 11:09 AM
ده دعايه رخيصه ونافذة الاستعمال من رجل جاهل وابن اخته اجهل وامى لايستحق ان يكون ضابط مجلس فى مدينه فما بالك السودان اسم كبير عليهم ؟ لسه مخلوع من السكره والسجارة من ٢٣ سنه قال بشير قال زباله


ردود على بدر الشكريه
Sudan [nagatabuzaid] 09-22-2012 03:25 PM
بدر الشكرية نرجو منك الاعتذار وبشدة لضباط المجالس لنهم علم وفهم وثقافة ووعى


#474959 [ودالشيخ]
5.00/5 (1 صوت)

09-22-2012 10:50 AM
ياكيييييييزان الله اكبر عليكم والفنانه تدواة كم الف دولار


#474955 [ود بلد]
4.82/5 (6 صوت)

09-22-2012 10:44 AM
الخبر ده القصد منه استفزاز مشاعر القراء ليس الا.... فماذا يستفيد شعب فقير من هذه الاخبار التى تزعجه؟. الشعب عاوز اخبار عن الزواج المبسط واخبار تشجع على اتباع منهج اسلامنا الحنيف عملآ بقول رسولنا الكريم اقلهن مهرآ أكثرهن بركة . يجب نشر الاخبار التى تزرع البركة فى الشعب وليس الاخبار التى توقر قلوب الشعب بالحقد والغل والحسد.

الاعلام رسالة سامية... لكنها فى السودان عبارة عن تجارة فاسدة مثل الحشيش, تفسد عقول الأخرين.


ردود على ود بلد
Sudan [nagatabuzaid] 09-22-2012 03:29 PM
بل هو اضافة لتفاهة الصحيفة التى عودتنا على كل ماهو **** خلاص كملوا التحريض والعنصرية واستقدام المجاهدين لضرب اهل السودان الحقيقيين ونهب الكنائس والاغارة على السفارات وكملوا الباقى بجنس الخبر ده عقبال عرسهم هم كمان


#474929 [ابوالهول]
5.00/5 (3 صوت)

09-22-2012 10:14 AM
قروشنا ..قروشي ...قروشنا ..قروشنا ...الله لا غزا فيكم بركة ...
ايوا بعزقوها .....قروشكم ....القروش القروش


#474926 [مصعب يوسف]
3.00/5 (2 صوت)

09-22-2012 10:11 AM
والله ياجماعه انا بصدق لكن فئة الف دولار ده شويه كذبه


#474918 [بنت البلد]
5.00/5 (3 صوت)

09-22-2012 10:04 AM
دا بذخ سسسسسسسسسسسسساى لكن موجود حتى فى السودان والناس ما تهتم بالامور دى حتى لا تحبط الشباب من الزواج (اقلهن مهرا اكثرهن بركه)


#474902 [alseeni]
5.00/5 (4 صوت)

09-22-2012 09:54 AM
غايتو الواحد لما يكذب على الاقل مفروض ما يغمبلها شديد قال شنو فئة الف دولار وين طبعت الفئة دي في مطابع الانتباهة ارحمونا يا عالم صحافة منافقة تبيع الكذب والضلال...


#474896 [برانتود]
5.00/5 (2 صوت)

09-22-2012 09:47 AM
بالله دا اسمه كلام؟؟؟يعنى بتولدوا الحسد عديل كدا .. ناس ما لاقين حق الفطور وانت جاى تقول دفع مليار لليلة واحدة ؟؟ دا المفروض يحاكموه


#474889 [الدغرى]
4.88/5 (6 صوت)

09-22-2012 09:41 AM
الخبر لا اساس له من الصحة ، السودان خالى تمااااااااما من الدولار ، وبعدين بالله عليكم دى ياتو عروس البتستاهل الدولارات دى كلها ، اخى العريس شوف ليك واحدة بت رجال تتزوجها بالمال البسيط تحترمك وتشيلك فى عيونه ، بدل هذا الفراغ من الرئيس وخاله الفارغ .


ردود على الدغرى
Saudi Arabia [اسمي كدا ( وين المشكلة)] 09-22-2012 11:17 AM
يا دغري انت ما شفت الصورة مع الخبر ولا شنو؟ زي دي بندفع فيها شقي الغربة كله مال حلال مش ما معروف من وين تأمل الصورة ولا تزايد فوق بيعي

Netherlands [بدر الشكريه] 09-22-2012 11:16 AM
والله ان تعليقك فى الصميم عن جد دغرى يا الدغرى وربنا يزيد من امثالك > مظاهرة با امبده عقبال امدرمان كلها تشتعل ولا عاجبكم الحال ياشباب

Qatar [سيد النصيحة] 09-22-2012 11:10 AM
هو العريس البيعمل كدة بكون ود رجال؟


#474879 [ابو عفان]
5.00/5 (6 صوت)

09-22-2012 09:36 AM
هو في الف دولار


ردود على ابو عفان
Sudan [nagatabuzaid] 09-22-2012 03:32 PM
ما تستغرب يكونوا عملوها ليهم مخصوص فى مصنع عملات الانقاذ


#474867 [ايام زمان]
5.00/5 (2 صوت)

09-22-2012 09:22 AM
احتمال كبير يكون غسيل اموال او مال منهوب من الدولة مستحيل قروش تعبان فيها وروحك طالعة تجي تكمله في 4 ساعات ودايما مثل هذه الظواهر منتشره بين الكيزان لانو القروش مسروقة وماتعبانيين فيها


#474847 [ود بحرى]
5.00/5 (7 صوت)

09-22-2012 09:07 AM
يا ناس الانتباهة ارحمونا يرحمكم الله تقصدوا ان العريس دفع مبلغ 1000000*5900=5900000000 خمسة مليار وتسعمائة مليون جنيه سودانى ودا منو العريس ومين العروس طيب ما كان يشترى الاستراحة وبعد يخلص العرس يبعها تانى يا ناففففففففففففففففففففففففففففوخى.


ردود على ود بحرى
Sudan [mohamad] 09-22-2012 12:22 PM
يعنى حوالى 6 مليار جنيه سودانى ؟
هذا مبلغ يبنى فيلا من 3طوابق مشطبة ديلوكس
كيف تصرف ليلة واحدة ؟ مهما فعل ؟
وبعدين هل يوجد شخص بهذا الغباء ؟ ام الغباء فى ناشرى الخبر ؟؟

Saudi Arabia [Abu Areej] 09-22-2012 09:35 AM
والله يا ود بحري كلامك منطقي جداً لكن هؤلاء نظرتهم في هذه الدنيا التباهي ليس الا .. بس حا يقولوا لرب العالمين شنو؟؟؟


#474841 [كاسنجرابى]
5.00/5 (1 صوت)

09-22-2012 08:58 AM
يذهب الحرام من حيث أتى ، كلها قروش سحت لا بارك الله فيهم وفيها


#474832 [ود الحاجة]
3.00/5 (4 صوت)

09-22-2012 08:47 AM
تبذير لا داعي له في بلد لا يجد فيه كثير من الناس قوت يومهم.

أعلى فئات الدولار المتداولة غالبا هي فئة المائة دولار أما الفئات الاعلى فقد سحبت و قليلا ما تجد فئة خمسمائة دولار فضلا عن فئة الالف دولار


#474829 [على المحسى]
5.00/5 (4 صوت)

09-22-2012 08:45 AM
بلاش من الكذب يا الانتباهه .. قال من فئه مئه وألف دولار وين ألف دولار دى..


ردود على على المحسى
United States [Sonic] 09-22-2012 08:55 PM
والله العظيم وما طالبني حليفة انا هسي عندى ورقه من فئة ال مليون دولار... قال الف دولار قال;;;;;

Saudi Arabia [اسمي كدا ( وين المشكلة)] 09-22-2012 11:16 AM
الاخ علي المحسي وقد قامت الخزانة بسحب الفئات الآتية: $ 500, $ 1000, $ 5000, $10000.من التداول وأصبحت الفئة $100 هى أعلى فئة تتم طباعتها.
السيد/ [shfshag] انت وردك الاستفزازي ما له داعي فهو حقيقة يعلم انها لاتوجد هذه الفئة للتداول وبعدين هل انت شفت فئة الف دوري يا [shfshag]

Sudan [shfshag] 09-22-2012 09:50 AM
كان ما شفتها دا ما بيعني انه مافي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
5.50/10 (2 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة