الأخبار
أخبار إقليمية
التيار "السلفي الجهادي" يخرج للعلن في الخرطوم
التيار "السلفي الجهادي" يخرج للعلن في الخرطوم
التيار


شاهد الصورة
09-23-2012 04:21 PM
الخرطوم – أ ش أ

أعلن دعاة سلفيون في السودان عن تكوين "التيار السلفي الجهادي" وانطلاق أعماله، وذلك عقب الاحتجاجات الدامية التي اندلعت في الخرطوم الأسبوع الماضي ضد الفيلم المسيء.

وقال ناشط سلفي جهادي لوكالة "الأناضول" للأنباء فضل عدم الكشف عن هويته إن "إعلان التيار السلفي الجهادي يأتي وفاء لدماء الشهداء الذين سقطوا في الاحتجاجات الأخيرة على الفيلم المسيء أمام السفارة الأمريكية، ووفاء لأسرى التيار السلفي في السجون السودانية"، على حد وصفه.
واندلعت موجة من المظاهرات أمام السفارات الأمريكية بعدة دول بدأت من القاهرة في 11 سبتمبر الجاري، وامتدت إلى عدد من العواصم العربية والإسلامية؛ احتجاجا على الفيلم المسيء للرسول الكريم محمد - صلى الله عليه وسلم -، وأسفرت تلك الاحتجاجات عن مقتل أربعة سودانيين وإصابة العشرات من المتظاهرين.
ونشر التيار السلفي الجهادي محاضرة على موقع "يوتيوب" لرموزه أمس السبت، شرحوا فيها أهدافهم العامة ومطالبهم.
وقال الشيخ سعيد نصر أحد القياديين السلفيين إن "مطالبنا إطلاق الأسرى (المعتقلين) من المنتسبين للسلفية الجهادية، ومنحنا حرية الدعوة في البلاد إلى كتاب الله وسنة رسول الله" - صلى الله عليه وسلم -.
وأشار إلى أن "أهداف التيار السلفي الجهادي هو إقامة دولة إسلامية في السودان، وأن تكون الرابطة في هذه الدولة هي العقيدة الإسلامية وليست المواطنة".
ودعا نصر إلى إطلاق الشباب السلفي المدانين باغتيال موظف هيئة المعونة الأمريكية (اليوسيد) جون غرانفيل في يناير 2008 بالخرطوم.
وبدأ التيار الجهادي في السودان في العقد الأخير يتبنى شعارات القاعدة وراياتها، وأصبح له وجود في المشهد السوداني، وأخذ هذا التيار في الاتساع يوما بعد يوم.

image



تعليقات 61 | إهداء 1 | زيارات 11420


التعليقات
#477372 [عمار]
0.00/5 (0 صوت)

09-24-2012 08:57 PM
عاوزين ينشروا الاسلام فى السودان ؟؟؟؟. ونحن شنو سيخ ؟؟؟؟؟؟؟؟؟


#477348 [عبدالله السنوسي]
0.00/5 (0 صوت)

09-24-2012 05:44 PM
بالنضال لا بالصراخ نتجاوز المهن ونعيد للسودان سيادته و سيرته وموقعه ودوره وللشعب كرامته و


#477321 [يسقط البشير!]
0.00/5 (0 صوت)

09-24-2012 04:08 PM
من اين اتى هولاء؟ اكيد اصدار كيزانى جديد لكنه لن يعمر كثيرا فى السودان الصوفى المتسامح المعتدل! على هذه النفايات ان ترحل بفكرها المستورد الذلى لن يجد ارضية له فى السودان فهذه البذرة لن تنبت فى ارض السودان المعتدلة


#477309 [كتمت]
4.50/5 (2 صوت)

09-24-2012 03:43 PM
صدقني الناس ديل ايامهم قريبه تجاهدوا المؤتمر الوطني في السلطة ديل اكيد ما طبعيين يامرقوا من التجاني الماحي يامرقوا من حادث عربية .. في زول بطلع بصرح بتصريح زي ده لناس المؤتمر الوطني وكمان عايزهم يمرقوا المسجونين النفذوا عملية كرانفيل والحكومة مضغوطه من امريكا والمظاهرات .. الظاهر اشتاقوا لي اخوانهم في غوانتونامو وما عندهم حق التذاكر ..الحكومة بتوصلكم بالطريقةالصح .. جهاد.. سمح الجنون.


#477286 [ود الحاجة]
0.00/5 (0 صوت)

09-24-2012 02:59 PM
لاحظت ان اغلب المعلقين شنوا هجوما شرساغير مسبوق على هذا التيار و هذه ردة فعل سلبية و ستفاقم من المشكلة ان وجدت و ستصنع الكثير من المشاكل ان لم تكن هناك مشاكل حقيقية.

لماذا لا نتناول بالنقاش الموضوعي الامور التي ننكرها من هؤلاء بالحجة و البرهان من دون افتراضات و تخيلات و نطالبهم بتصحيح مسارهم فاننا في هذه الحال ربما توصلنا الى حل وسط و حتى لو خسرناهم فسنكسب غيرهم


#477263 [دايره عريس]
0.00/5 (0 صوت)

09-24-2012 02:25 PM
يادوب اليهود لموا المسلمين فى دول الربيع و الضربه تكون واحده


#477259 [العجب]
0.00/5 (0 صوت)

09-24-2012 02:21 PM
لا شك انهم قد اجرموا مؤخرا ويخططون للدفاع عن انفسهم باعتماد الدين وسيلة حيث فرب وقت الحساب


#477251 [أبوهبة]
0.00/5 (0 صوت)

09-24-2012 01:58 PM
الدين مهنة من لا مهنة له


#477193 [man77]
0.00/5 (0 صوت)

09-24-2012 11:42 AM
كان علماء المسلمين ابعد مايكونون عن اهل السلطان ,وأين هؤلاءالذين يدعون السلفية من طواغيت هذه البلاد


#477189 [ما فضل حاجه]
5.00/5 (1 صوت)

09-24-2012 11:36 AM
ديل عواليق جديدين كرت كرتونه


ردود على ما فضل حاجه
United States [عضو حزب الأحرار] 09-24-2012 02:42 PM
كلامك في محله ديل ناس الانقاذ في نسخة جديدة لارهاب الناس وتخويفهم لانو عرفوا انو في ناس
ممكن يستسلموا للخوف ويصدقوا . عايزين يحموا أنفسهم بخدعة جديدة.


#477176 [Abu Runnat]
5.00/5 (1 صوت)

09-24-2012 11:16 AM
........... هولاء الدعاة الواهمون المسمى ب (التيار السلفى) ذوى العنف السخيف أصحاب الاصوات العالية و الهمم الفارغة التى لا تليق بمكانة الرسول و لا يتفق مع التوجيهات القرانية الكريمة.
فتعبيراتهم هذه عبارة عن عقدة نقص متراكمة و فشل فى مجاراة التطور بالاضافة على انها عملية ترحيل واقع بأئس لبلد لا تجيد حكومته غير استلاب خطط الاستهلاك و لا تنتج مناهجها غير لغة التعصب المريض.
خرجو علينا هولاء من مخابئهم تحت مسمع و مرأى الحكومة الفاشلة و بمباركة منه ليحث اصحابهم على التظاهر احتجاجا على الفلم المسئ، بدعوى غيرتهم على كرامة المسلمين، مع العلم عند هولاء يجوز اهدار دم كثير من المسلمين فى دارفور و يغضوا النظر عن المزابح التى ترتكب بالابرياء و المساكين فى جنوب كردفان و النيل الازرق بواسطة حكومتهم، بالله عليكم اين هم هولاء من ضحايا المجاعات و الحروب من ابنأ جلدتهم فى هذه البلاد و ما دورهم ان كانوا يدعون الاسلام من الذى يدور الان من موت و فقر اليس الاسلام هو الدين الذى يحث على نصر المستضعفين، اين هم و دعايتهم من كل هذا بمثل سخائهم على الدعاية و الاستثمار فى غير المشاريع الانتاجية.
هولاء مدعو الاسلام فى الحقيقة بعيدى كل البعد عن الاسلام، فاقدى البصيرة مرضى بعقد نفسية تدفعهم الحكومة الفاشلة للانخراط فى سبيل تحقيق قايتها الرخيصة بالتشبث بمقاليد السلطة دون الاكتراث حتى بالقيم الاسلامية. فالحكومة و امثالها من الغوغائين هم اللذين يسيؤن للدين اكثر من منتجى الافلام الرخيصة هذه.


#477166 [متغربه ومكتويه بنار البلد]
5.00/5 (1 صوت)

09-24-2012 11:05 AM
انتم لا تختلفوا كثيرا عن الكيزان ويبدوا انكم غيرتوا من سرقة الكيزان عايزيين ليكم كوم لكن ارتاحوا مافى طريقه ليكم لان الشعب لا يخدع مرتين باسم الدين والسودانيين كلهم مسلمين وبعرفوا الله وشرعه قبل ما يلدوكم شوفوا حته اترموا فيها مع بعض ومارسوا زواج الاطفال(النساء دون عمر18 سنه)ولبسوهن الخيام وبحلقوا فى
بنات الناس وبرضه الربا واحتكار الضائع وقروض البنوك حقتكم فقط ابعدوا عننا فقد قرفنا حتى النخاع منكم جميعا


#477150 [الشعب الفضل]
3.00/5 (2 صوت)

09-24-2012 10:42 AM
والله المتاسلمين ديل من كيزان وما يسمون نفسهم بانصار السنة والصوفية الماعارفين يعملوا اي شيئ وشعب اي حكومة بالرغم من كثرتهم كل هؤلاء كرهوا الناس في الدين ويبدو لي ان كل المتاسلمين ديل وراءهم من وراءهم ووالله سيجرون علينا كوارث اكثر مما نحن فيه
على اي حال ادع الشعب السوداني ان يهتم بعقيدته ويصلحها ويستقيم وهذه هي الفرقة الناجية اما زبالة المتاسلمين الذين جروا علينا اي مذهب ظهر خارج السودان واتوا به وكونوا لهم عصابة فكلهم عصابات نعم عصابات قد تختلف في افكارها اختلافا بسيطا ولكنها كلها تجتمع بانها ليس لديها اي فكرة عن خدمة مصالح العباد واخيرا اتضح لنا حتى علماؤهم انهم كلهم علماء سلطان يحللون للسلطان حتى الربا يعني بالعربي الفصيح ياذنون بحرب من الله علينا ويا ويلنا ان كان هؤلاء علينا
واقول لاتركونا عشنا كما نريد ان نعيش كرماء ولا عيشونا بكرامة فهل هذا هو الدين؟ حاشا وربي وكلا والله


ردود على الشعب الفضل
Sudan [nagatabuzaid] 09-24-2012 02:34 PM
ان انصار السنة المحمدية بريئين عن هذه الاعمال انهم يعملون على خدمة كتاب الله واتباع سنة الرسول الكريم وانهم ابعد مايكونون عن هؤلاء التكفيريين ولذلك ارجو ان يتعرف الناس على هذه التيارات بعمق وان لا يخلطوا ويظلموا انصار السنة وايضا الصوفية مسلمون يشهدون بان لا اله الا الله وان محمدا رسول الله وكلنا محاسبين عند رب العزة على اعمالنا وعلى مر الزمن لم يظهر من انصار السنة المحمدية او الصوفية مثل مانراه الان هؤلاء لا من دول ولا من دول وحفظ الله السودان والاسلام


#477084 [عطوى]
5.00/5 (1 صوت)

09-24-2012 08:53 AM
هذة احدى صناعات الحكومة صدقونى لام نقل بان الحركلات الاسلامية اصلها واحد وهى الوهابية وتفرعت منها عدة فق منهم الاخوان وكل فروعهم فقط يتبادلون المنافع والادوار ..
والان الحكومة تشتخدم هذة المجموعات حتى تضع امريكا والغرب فى حيرة من امرهم .. فبد شوية بعد ان (يتم امرهم بان يقتلو يفجرو ليهم كم محل من قبل رؤسائهم .. الكيزان طبعا .. تاتى الحومة نفسها وتدعى بانها هى ايضا مستهدفة من قبل الارهاب هههههههه ياخى يا كيزان يا شطاطرين بس عندك يووووووم تذكرو هذا هناك جن مغتغت انو لسا ما عارفنو حتشوفو يا كيزان فى الذمن المناسب ولاذم تدفعو ثمن تفقيركم واذلالكم للشعب السودانى بس صبرا يا يهود بنى قريظة لعنة الله عليكم يا كيزان وكل الذنادقة الوهابية المعاكم بئس بضاعتكم يا قوم الشياطين ..


#477032 [أوكامبو]
4.50/5 (2 صوت)

09-24-2012 07:45 AM
يعنى ناقصنا فقر و تخلف ، الناس تفكر فى إقامة الدول ذات المؤسسات و مجتمعات الكفاية و العدل و منظمات المجتمع المدنى التى تبنى و لا تهدم و تمارس نوع من الرقابة على الحاكم و تجتهد فى إيجاد السبل لتطوير التعليم و الإقتصاد زراعة و صناعة و الإرتقاء بمستوى الرعاية الصحية و بالفنون و الآداب و تعليم النشء أسس ديننا الحنيف القائم على الوسطية و تقوى الله الحقة ، ثم يأتى لنا أمثال هؤلا المهابيل المتخلفين الذين يودون نقل التجارب الفاشلة لأفغنستان و الصومال و لا أستبعد أن يكون أبالسة الإنقاذ من وراء ذلك حتى إذا ما أطاح الشعب بهم سلموه لهذة العصابات المتخلفة ليدخل فى دوامة لا تنتهى أبدا (لا قدر الله) و حتى يتحسر على آيام الإنقاذ (لا سمح الله) لذا نهيب بكل فئات الشعب السودانى أن يقفوا موقفا صلبا ضد هؤلاء.


ردود على أوكامبو
Saudi Arabia [مرتضى الشايقي] 09-24-2012 02:12 PM
ما اسهل الادعاء بانهم ناس اخرة ساي مصعب انت واحد من المهوسين والغوغائية المخدوعين لا ترى لانك مقيد بتقديس هؤلاء الابالسة المسمون ب ( الشيوخ ) فعلا هم شيوخ الضلال والانحراف قال بتاعين اخرة جيب لي واحد منهم مكتفي بزوجة واحدة او اتنين في اسوء الظروف ويكون ساكن مع الغبش والمساكين وبركب زي باقي خلق الله المواصلات وبعاني زي بقية المسلمين والغير مسلمين في دولة الفشل الحضاري دي ..انهم آفة الزمن الردئ وقد حذرنا النبي الكريم منهم وها هم يخرجون الينا في زمن الانحطاط الشامل لعنة الله تغشاهم صباح مساء وانت اولهم

Sudan [مصعب] 09-24-2012 09:58 AM
الناس ديل ناس اخرة ساااااااى زراعتك وصناعتك دى اشبع بيها --ده لو شفتها


#477019 [كشك]
5.00/5 (2 صوت)

09-24-2012 07:24 AM
لا اله الا الله محمد رسول الله ..... اخوتى فى الايمان : هذه نتاج ثورة الكيزان ثورة الجبهجيه واتمنى من المولى عز وجل ان يتجرع الكيزان اول كاساتها المرة بطعم الحنظل .. انها العصبيه الدينيه ... اخوة الايمان : كيف نرد على الرسومات المسيئة لرسولنا الكريم والافلام المسيئة له؟ ان الرد لا يكون بالهيجان والعنتريات والضرب وسفك الدماء , بل الرد يكون بالحكمة والموعظة الحسنه ونشر تعاليم الاسلام السمحمة فى بلاد الكفر . كما يكون الرد بالسلوك القويم لان الاسلام سلوك ومعاملة حسنة...ان الانظمة التى تدعى الاسلام ونجدها قد افسدة الحياة الاقتصاديه والاجتماعيه والسشياسيه وحتى الدينيه واصبح سلوك الناس فيها لا علاقة له بالاسلام ..هذه الانظمة قد اساءة للاسلام والمسلمين ويجب ان ترحل .


#476956 [ودالياس]
1.00/5 (1 صوت)

09-24-2012 06:26 AM
انا غايتو ناوي اكون لى جماعة اسمها الجماعة الاسلامية السلفية االانصار سنية الجهادية كل زول احس انو فيه اى شرك ولو وجدته معلاقا فى الكعبة ساحز راسه اصلوا نحن بنعلم الفى الضمير اعملوا حسابكم واي زول داير ينتمى لينا بنعمل ليه فحص الى لقينا فيه اى شرك طوالى نكتلو بعدين اى جامعه مختلطه ديا مشركين واى مره ملابسا زى البعاتى دى سبيه من سبايانا


#476932 [ود الحاجة]
5.00/5 (1 صوت)

09-24-2012 06:06 AM
اين جماعة انصار السنة في السودان من هؤلاء؟


ردود على ود الحاجة
Sudan [nagatabuzaid] 09-24-2012 02:41 PM
سؤالك تمام ونحن ننتظر رد قوى من جماعة انصار السنة وانا على ثقة ان هؤلاء لا ينتمون لانصار السنة انصار السنة مشغولون بخدمة الانسان من حفر ابار وتنمية موارد وخدمة الاقليات المسلمة ننتظر ردكم يا انصار السنة

[ابوالعنيىن] 09-24-2012 02:08 PM
انصار السنة بعيدين من ديل ، فهم لا يكفرون مجتمع ولايخرجون على حاكم لهوى ودنيا، بل يقومونه بالنصح


#476917 [ابو ابراهيم]
5.00/5 (1 صوت)

09-24-2012 05:57 AM
هل الشكلةعدم وجود الإسلام في السودان حتى نرى في كل يوم اسم جديد للإسلاميين؟ مرة سلفيين ومرة أنصار سنة ومرةأخوان مسلمين ومره مش عارف أيه حتى أن هناك جماعة أو حزب بيحلموا بعودةالخلافة الاسلامية ؟؟؟؟.يا جماعة الخير مشكلة السودان ليس عدم وجود الاسلام ولا المسلمين فلله الحمد أن جعل الله في السودان أعمدة للدين مثل شيخ البرعي و المكاشفية و مشايخ التجانية وكثيرون كثيرون ممن يعرفون الله ويعرفهم الله ولا يتبجحون بالدين بل يربون الناس عليه دون أحزاب أو إعلام أو ضجة فارغة لأنهم يعلمون أن الدين علاقة بين العبد وربة "وكلكم اتيه يوم القيامة فردا"
المشاكل في السودان إقتصادية وأمنية وإدارية من لديه طرح في هذه المحاور فاليطرحة مباشرة بدون حزب أو جماعة أو يحزنون.فكثير من الدول التي تخطت هذة المشاكل بعضها ليس له دين من أصله ارجو أن تتركوا الدين لله ودبروا لنا أمور دنيانا التي يقول الرسول الكريم أنتم أعلم بها.


ردود على ابو ابراهيم
Sudan [مصعب] 09-24-2012 10:01 AM
برعى شنو ومكاشفية شنو وتجانية شنو العندهم اسلام ياعمك انت مين القالك الحكاية دى


#476886 [أبو الناس]
2.00/5 (1 صوت)

09-24-2012 05:35 AM
في الجزء الخامس من الندوة * يتوعد الجميع في السودان، إبتداء من السلفين "سماهم ادعياء السلفية"، إنتهاء بالحكومة..
وأعترف بأنشطتهم في باكستان والصومال والسودان، وأعترف بهروبهم من سجن كوبر(قتلة الدبلوماسي الامريكي)، ولو لم تكن للحكومة فائدة منهم لكان هذا الذي يتحدث مسجونا الآن...

كان الله في عون الشعب السوداني.. عنده كل مصائب الدهر في وصل هؤلاء من الزحام؟؟؟

رابط الندوة:

ندوة التيار السلفي الجهادي -السودان-ج5.mpg
http://www.youtube.com/watch?v=VDH20XNLpoM


#476867 [مفيش فايدة]
0.00/5 (0 صوت)

09-24-2012 05:18 AM
الجبهجية (البيلد المحن لابد ويلولى صغارها ...) داه حشكم وزرع ايدكم ...
فتحتوا البلد لكل سرورى وتكفيرى ومنبوذ فى بلده لا لدين بل لتجلسون على الكرسى فقط ...!!!!
تبا وتبا لكم من لدن الافعى الماسونية (حسن البنا ) وحتى ربيب الماسونية (حسن الترابى )...
ابشركم بصوملة السودان ابكوا كما تبكى النساء على وطن اضعناه بالتفرج ...


#476849 [ود السلطان هاشم]
0.00/5 (0 صوت)

09-24-2012 05:05 AM
يا ناس الجماعة ديل زي فيلم فالسي القبطي الامريكي تافهين زي وجوههم وماعندهم موضوع ناس ملآنه عقد صدقوني لو تدرسوا حالتهم النفسية معبيين عقد للطيش ... وكان بتاعين السودان ديل المساويك والله بندقيه مايقدر يشيلها... زي مشهد صاحبنا في إقتحام السفارة الالمانية ربط جلابيتو في صلبه وماسك ليهم حديدة والشباك فيهو شبك حماية وخرصانه.. ويشيل ويضرب ويقيف مسافة ويهز كتوفه ويضرب أمكن البوهيه ما أثرت فيها ... ناس بالعقلية دي... تدوهم إعتبار خلو الكلب ينبح... بس لما يقرب منك.. أدي في خشمه وشوفوا الباقي....


ردود على ود السلطان هاشم
Sudan [مصعب] 09-24-2012 10:03 AM
قال صلى الله عليه وسلم نصرت بالرعب مسيرة شهر وكان اصلو الحكاية بالعدة والعتاد بس ما كان الاسلام وصل لاقاصي الدنيا


#476824 [بامسيكا]
1.00/5 (1 صوت)

09-24-2012 04:34 AM
السلام عليكم
يا خوانا قولول بسم الله مالكم هسي انتو
محمد رسول الله دا في ختم النبي ورايتو (عليه الصلاة والسلام)
ول انتو ما دايرين اسلام في السودان يعني؟؟؟
حتقولي دا ما اسلام دا ارهاب
يعني انتو موافقين ع الاسلام؟؟
ول موافقين ما تقولي اسلام الكيزان ؟ لو جاكم اسلام عديل زي حق الصحابة والتابعين بتوافقو عليهو؟؟
هوي يا يا خوانا في موت . قولو كلمة الحق
ياتبقي مسلم يا بلاش
ابقي ضل ول شمس
يا مسيحي ول غيرو او مسلم لو مسلم
ما اتاكم الرسول فخزوه وما نهاكم عنه فانتهو
الواحد لمن يدسو في القبر احسن يكون عندو رصيد سمح
قولو لا اله الا الله محمد رسول الله واعملو بيها ما تخلو ذكاءكم وقرايتكم تروح ساي
الهم هل بلغت ...وفقكم الله لخدمة البلاد والعباد يا شباب كلكم..بالله البلد دي انتو سويتو ليها شنو


ردود على بامسيكا
[ابكر] 09-24-2012 06:36 AM
هكذا دائما عندما ما يكونوا فى الزنقة وتعوزهم الحيلة ، المزيد من التضليل ، المزيد من التخويف ، المزيد من الارهاب الفكرى ،،، كل هذه مجرد دخان لتغطية الهروب الى الامام ،، والجرى نحو تأمين الكرسى.
اى مسلم يعرف الاسلام جيدا ، ويعرف ماعليه فعله للنجاة بنفسه ، اما هؤلاء الماكرون الخبثاء فيمارسون المزيد من الاستثمار فى الدين ، المزيد من الترهيب باسم الدين ، المزيد من الابتزاز العاطفى ،، تأملو ما يقوله (بامسيكا) ففى تعابيره دلالات بليغة مابين المكر والخبث والترهيب والابتزاز :

يا خوانا قولول بسم الله مالكم هسي انتو
ولا انتو ما دايرين اسلام في السودان يعني؟؟؟
يعني انتو موافقين على الاسلام؟؟
ولو موافقين ما تقولي اسلام الكيزان .
هوي يا يا اخوانا في موت . قولو كلمة الحق.
ياتبقي مسلم يا بلاش.
ابقي ضل ول شمس .
الواحد لمن يدسو في القبر احسن يكون عندو رصيد سمح.
قولو لا اله الا الله محمد رسول الله واعملو بيها ما تخلو ذكاءكم وقرايتكم تروح ساي
الهم هل بلغت ...
(ثم يعرج الى دنياه ومصالحه متحسسا مكان كرسيه ، فيقول)
وفقكم الله لخدمة البلاد والعباد يا شباب كلكم..بالله البلد دي انتو سويتو ليها شنو؟؟
خبث ، مكر ، احتيال ، خيانة ، تضليل ، ارهاب ، تخويف باسم الدين ،،،، ثم سرقات فى وضح النهار...


#476811 [AHMED AHLYA]
5.00/5 (3 صوت)

09-24-2012 04:18 AM
دخلت ام رقيصا شين ..


#476785 [Game is over]
3.00/5 (1 صوت)

09-24-2012 03:40 AM
بغض النظر على عقلانية افكار السلفية الجهادية ، من عدمها ،
وبغض النظر عن زيف الارضية التى يقفون عليها ام حقيقتها ،
وبغض النظر عن حصاد تجربتهم منذ اكثر من الف عام يصولون ويجولون ويكفرون ويقتلون دون ان يتمكنوا من تحقيق هدف واحد ، ودون ان يؤسسوا مجتمعا واحدا معافا ،
ودون ان يتمكنوا حتى من تطهير انفسهم ،

دعنا نقول لهم الاتى :
مهما فعلتم فلن تنالوا ثقة تنظيم القاعدة الدولى ابدا
فانتم من استوليتم على اموال التنظيم وهو فى طور ميلاده ونشأته ، وأسستم منها الشركات والفنادق والعقارات خارج السودان وداخله ،،، اليست هذه حقيقة ؟؟؟
انتم من شوهتم المشروع الاسلامى وقدمتم تجربة سيئة عفنة تزكم وتنزف الانوف ، وفسدتم فسادا عظيما مما اضطررتم الشيطان من الهجرة الى اماكن اكثر طهارة ، فلم يعد له ما يفعله فى السودان ، فقد أنبتم عنه خير نيابة ،،، فهل جنيت عليكم ؟؟؟
أنتم من قمتم بخيانة تنظيم القاعدة وعرضتم تسليم اسامة بن لادن الى الامريكان ، فرفضوا ،، وبعد كل هذا تطمحون فى ثقة الجهاديين؟؟؟
انتم من كذبتم على السلفيين الجهاديين الدوليين بان الحرب فى السودان بين مسلمين وكفار ، فتورطوا معكم ، وسمعوا الاذان يرفع فى معاقل الكفار ، فاكتشفوا الخديعة ، وتأسفوا وانسحبوا ، فهل انتم جديرين بالثقة ؟؟؟ كذب من البداية ،، اليس كذلك؟؟؟
أنتم من قمتم بتسليم 23 جهاديا ليبيا الى القذافى ، فاستقبلوهم بالتعذيب من على مدرج طائرتكم بطرابلس ، فعذبوهم وربطوا الحبال حول اعناقهم وجعلوهم ينبحون ، ويهوهون كالكلاب فى خيمة القذافى وحضرته ، فاستمتع بموتهم البطيئ تحت التعذيب ، واستلمتم انتم الثمن ،، فهل انتم مسلمين حقا ؟؟ ام انكم مجرد محتالون خبثاء ؟؟؟؟
انتم من قمتم بتسليم اسلاميين جهاديين من تنظيم القاعدة الى الامريكيين ، فأخذوهم الى غوانتناموا ومنهم من كانوا ابرياء لم يتورطوا فى اى عملية ، ومازالو قابعين هناك .
انتم من عمل جاسوسا وعميلا مرتزقا ، لمصلحة الامريكيين ، تعرضون لهم كل كبيرة وصغيرة من المعلومة ، اكثر مما يحتاجون اليها ، ومنها ما هى كيدية ملفقة من اجل الاستيلاء على اموال الضحايا مثل بن لادن ، الذى افقرتموه ، ثم عرضتموه للبيع ، فهل انتم جادون فيما تدعونه الان ؟ ، ام ان الفقر قد بلغ بكم مبلغا ، جعلكم تلجأون الى مهنة الاحتيال التى طالما اعتدتم عليها؟؟؟
كارلوس الذى كان ارهابيا شيوعيا ، ثم تحول الى ارهابى اسلامى مثلكم ، عرضتوه للبيع بثمن متدن للغاية ، مقابل تسليم طائرة ايرباص مملوكة للسودان ومحتجزة فى فرنسا ، فقط كان هو الثمن ، فأنى لكم الحديث عن العزة والكرامة والجهاد ، طالما لا تصمدون امام ابتزاز الامريكيين والفرنسيين والقطريين والمصريين والاثيوبيين والصينيين والاسرائيليين ؟
ثم ان الاعيبكم قد تكشفت ، وعرفكم السلفيين الجهاديين حق المعرفة ، ولا توجد الكثير من الاموال لتسرقوها ، بل حتى انتم فلا قيمة لكم ، ان قرر حلفاءكم بيعكم ، بالله عليكم قولوا لى كم ثمن أى من رموزكم ( محمد عبدالكريم ، سعيد نصر ، محمد عبدالكريم ، عبدالحى يوسف ، ابوزيد محمد حمزة ) ؟ كم سيدفع لكم الامريكيين ان أرادوا كل هؤلاء مجتمعين ؟؟؟
انتهت اللعبة ايها الاغبياء ، فمتى تفهمون ؟؟؟


#476782 [siddig]
0.00/5 (0 صوت)

09-24-2012 03:36 AM
كده تمام يلا قبال كل شئ انتغموا لشهداءكم الاربعه خدوا بتارهم من الحكومه
وكل حشاش يملا شبكتو ان شاء الله ما تترقع هى اصلا خربانه خربانه


#476751 [wudoof]
0.00/5 (0 صوت)

09-24-2012 03:07 AM
متى كانت للاسلام دولة .؟؟!!
ان هؤلاء الغوغاء لن يستطيعوا اقامة دولة والواقع يقول بانهم في اي بلد حلوا اصاب الانحلال ذلك البلد .؟؟!!..وتلاشى من الوجود فهم لعنة هذا الزمان .؟؟ فقد اساءوا للاسلام ايما اساءة بل ان الاساءة الى النبي المتكررة كانت نتيجة افعالهم التي لا تمت الى الاسلام بصلة .


ردود على wudoof
Saudi Arabia [قرفان سواح] 09-24-2012 04:00 AM
هذا هو المتبقي ليدخل السودان في مزبلة التاريخ (إذ ماذا فعل هوؤلاء "بقايا الدبابين" حول إنهاء مشكلة الجنوب! غير الإنفصال و الخراب و المآسي التي تجري من ضمن مسرحية (إنفصال و حرامية) الأخيرة حسبنا الله و نعم الوكيل "السودان بلد متعدد الأعراق و الطوائف و الألوان و الأشكال" لا ينفع فيه أي تطرف أو تحجيز و المواطنه أولاً أما بقية المواصفات لتذهب أدراج الرياح و الأمور الشخصية! فهمتم أيها المتخلفون السياسيون ؟ فمثل هذا النوع من التفكير المكتطرف هو السبب الرئيسي في فصل الجنوب عن الشمال في أبشع عملية طوعية إختيارية ضد الإنسانية يشارك فيها مواطني بلد لصالح خرابه !!؟ من أجل الشعور بالإنتماء و وجود الكيان المستقل !!! هل فهمتم أيها الإنفصاليون الشماليون المتعجرفون المتخلفون _ مزقتم السودان مزق الله أحشاء مكن خلفكم حسبنا الله و نعم الوكيل


#476743 [سوداني اصيل]
1.00/5 (1 صوت)

09-24-2012 03:00 AM
ظهور القعده بالسودان
ثم بدات القصه


#476737 [الزوُل الكَان سَمِحْ]
5.00/5 (3 صوت)

09-24-2012 02:56 AM
مافى حاجة إسمها تيار سلفى فى السودان..دى لعبة قذرة من الكيزان..لما أحسوا بالشعب قد بدأ يتذمر ..قالوا يلعبوها بطريقة تانية..يعنى يخوفوا الناس وكدا..عشان يقوموا يوافقوا على الدستور الجديد..هم يمتلكون خاصية التلون مع الأوضاع...الكلام واضح وما عايز إجتهاد


#476727 [عاموس]
5.00/5 (2 صوت)

09-24-2012 02:44 AM
هلا هلا بطفيليات العالم و جراثيمه الخبيثة المستبيحين لدماء الأبرياء و المستلذين للفروج و الباسطة و المدعين التدين آآآفة العالم هلا بهم في جمهورية الرقاص الإسلا-دموية


#476710 [abdu]
5.00/5 (1 صوت)

09-24-2012 02:21 AM
هذا من صنع الكيزان
ولكن سوف ينقلب السحر علي الساحر


#476694 [عبد الله]
5.00/5 (2 صوت)

09-24-2012 02:08 AM
شد ما يؤسفني تدني الانتباه والتمحيص عند الكثيرين بصورة مريعة.
الخبر به ثغرات تمرر قطيع من الافيال, ومع ذلك ابتلعه الاخوة وطفقوا يكيلون السباب واللعنات على اناس لا يعرفون من هم.
انتبهوا لما يلي رجاءا:
1- كاتب الخبر وقع باحرف فقط, ان كان صادقا فيما يقول فلم يخفي نفسه؟
2- قال ان الخبر منقول عن وكالة الاناضول, وهي وكالة تركية متمركزة في تركيا! غريب ان يصرح قادة الجماعة لوكالة تركية بينما لديهم كل صحف الحكومة!
3- الصورة المصاحبة الثانية واضح انها ليست في السودان بل في افغانستان او باكستان, مظهر الرجل الواقف في الخلف والخط الشبيه بالاردو, اظن ان من اضاف الصورة يعرف لكنه الغرض.
4- الجماعة السلفية في السودان لا علاقة لها بالتكفيريين او الجهاديين الاسلاميين, كل من يعرفهم يعرف هذا.
5- اتباع ابن لادن في السودان وداعمي القاعدة لا يحتاجون الى التخفي, هناك امام مسجد رايت له فيديو في يوتيوب يدعو فيه الى قتل الغربيين في بلادنا دون مواربة. ايضا لديه صفحة في الفيسبوك. عادة هولاء الناس لا يخافون وليس لديهم ما يخفونه يا من توقع باحرف اشك انها احرف اسمك.
6- اظن ان الخبر بكامله مفبرك, اسال الله ان يهدينا جميعا سواء الصراط.
اخيرا اتمنى من جميع الاخوة ان يتمعنوا فيما يقرأون ويسمعون, فالالة الاعلامية كادت ان تقضي على عقول الناس وتسوقهم كالانعام. حز في نفسي ان كثير من السودانيين ما زالوا مغيبين لدرجة ان يهاجموا -بامر الحكومة- السفارات الغربية ثم تقوم هذه الحكومة ذاتها بقتلهم. لكن ماذا يتوقعون ان كانوا يصدقون كل ما يقراون وكل ما يسمعون سواءا من مجرمي الحكومة او كذبة المعارضة!


ردود على عبد الله
Saudi Arabia [nabil] 09-24-2012 11:30 AM
"هناك امام مسجد رايت له فيديو في يوتيوب يدعو فيه الى قتل الغربيين في بلادنا دون مواربة. ايضا لديه صفحة في الفيسبوك"

هل تقصد الدكتور محمد الجزولي ؟ يا عبد الله

Sweden [أبو الناس] 09-24-2012 05:27 AM
كل ما جاء في المقال صحيح،

الرجاء مراجعة هذه الكارثة في الرابط التالي:
http://www.youtube.com/watch?v=VDH20XNLpoM&feature=relmfu

أو أبحث في اليوتيوب عن "ندوة التيار السلفي الجهادي -السودان-ج5.mpg"

Germany [عبد الله] 09-24-2012 04:23 AM
اتضح انني مخطيء, اعترف دون مراء.
رايت في يوتوب فيديو لندوة الجماعة في السودان, كما ان الصورة مأخوذة من هذه الندوة فيما يبدو.
لكني لا زلت اصر ان هولاء الناس لا يستخفون ولا يخافون, كما قلت هناك امام معروف بالاسم الثلاثي ولديه فيديوهات يدعو لقتل الغربيين في السودان, لا اظن ان هناك من اعترضه. حتى الندوة في اليوتوب مصورة امام مسجد وليست في مغارة!
الناس تعرف ان الحكومة كانت قد استضافت ابن لادن وجماعته, وحتى الان لا اعرف ان هناك تضييق عليهم في السودان, بل انني قرات ان الحكومة سهلت للمتهمين في مقتل غرانفيل الامريكي الهرب من السجن.

Saudi Arabia [الزوُل الكَان سَمِحْ] 09-24-2012 04:13 AM
يا عبدالله

إذهب فى اليوتيوب وأكتب (ندوة التيار السلفي الجهادي -السودان) وهى 8 مقاطع قاموا بتسجيلهافى الظلام وليس العلن كما حمل العنوان..إنهم جماعة (الكرور) وأمثاله..


#476685 [حازم]
5.00/5 (1 صوت)

09-24-2012 02:00 AM
اها بلوى جديدة في الطريق هي ناقصة خرابيط


#476642 [احمد]
0.00/5 (0 صوت)

09-24-2012 01:36 AM
يا فري ويا زول الكتابة بهذه الطريقة احتراما للفظ الجلالة بحيث يكون بالاعلى


#476641 [watan]
0.00/5 (0 صوت)

09-24-2012 01:33 AM
ياريت تدونا رابط لهذا القيديو على اليوتيوب لانو ما وجدناه


ردود على watan
Saudi Arabia [الزوُل الكَان سَمِحْ] 09-24-2012 03:03 AM
يا وطن

إذهب فى اليوتيوب وأكتب (ندوة التيار السلفي الجهادي -السودان) وهى 8 مقاطع قاموا بتسجيلهافى الظلام وليس العلن كما حمل العنوان..إنهم جماعة (الكرور) وأمثاله


#476639 [امبده امبدة]
0.00/5 (0 صوت)

09-24-2012 01:32 AM
يعني ده النافصنا من زمان ؟ يا ناس ليييه البلاوي تتراكم على البلد من فج . يلعن أبو الإنقاذ والقاعد مع الإنقاذ لو دي نتائجكم بعد 24 سنة كبيسة . سلفية قال سبحان الله ياهو ده الناقص يا عمر البشكير .


#476634 [Sudani1]
5.00/5 (2 صوت)

09-24-2012 01:29 AM
و الله ديل الا يسومونكم العذاب و يذبحون اولادكم و يستحلون نساكم و يغتصبون اموالكم و كله باسم دين محمد رسول المحبة و السلام


ردود على Sudani1
United States [Sudani1] 09-24-2012 01:09 PM
نعم يا اخي ناجي الدين الاسلامي دين المحبة و السلام دين التعيش السلمي و القبول بالاخر و انظر لتاريخ الاسلام خلال اربعة عشر قرن ستجده كذلك خصوصا في سيرة الحبيب المصطفي كثير من التسامح و العفو عند المقدرة و الرفق بالضعيف و اغاثة الملهوف و النظر للمخالفين بعين الشفقة هذا هو الاسلام و سوف يعود كذلك لان الله عز و جل و عد بحفظه و سوف ينهزم المنافقين و الجبارين طال الزمان ام قصر و غدا لناظره لقريب قال الله تعالي (و ما بعثناك الا رحمة للعالمين)صدق الله العظيم

Sudan [ناجى] 09-24-2012 08:16 AM
ولكن السؤال كيف دين محبه وسلام ينتهى الى قتل وبطش
كيف الكلام ده
الحكايه عايذه امانه وتفكير


#476592 [free]
5.00/5 (2 صوت)

09-24-2012 01:04 AM
أولا أحسنوا كتابة شعاركم فاللغة العربية لا تقرأ من اليسار لليمين كما هي الإنجليزية ولا من أسفل إلا أعلي فكيف شعاركم يكون( الله رسول محمد) هذه ليست من فنون الكتابة العربية في شيء, قد يفهمها الكبار منا لكن ما بال أطفالنا وأولئك غير العرب الذين يقرأون اللغة العربية يقرأونها( الله رسول محمد ). إن كانت جماعة بوكوحرام تكتب الشعار بكتابة صحيحة فما بالكم أنتم مدعي العروبة والإسلام تكتبونها هكذا!!! جاتكم داهية تاخدكم أصحاب اللحي الكاذبة محبي المال والنساء.


#476589 [مدحت عروة]
5.00/5 (1 صوت)

09-24-2012 01:03 AM
موساد سى اى اي وشوية دولارات والذى منه زايد بعض الجهلة والمفلسين كقادة وشوية مساكين يضوقوهم الدولارات وشوية شعارات(بعض الجهلة يصدقوها) وهاك يا قتل وتفجير واضطراب امنى فى بلاد المسلمين وليس فى اسرائيل او غيرها!!! المسلمين الجهلة والفقراء ارض خصبة للموساد وغيرها لجعل بلاد المسلمين جايطة فى الداخل ويقتلوا بعضهم البعض وهم يحسبون انهم يحسنون صنعا وما يدروا ان بنى قريظة والغرب يضحكوا من جهلهم وغبائهم!!!!


#476566 [المجاهد]
4.54/5 (6 صوت)

09-24-2012 12:41 AM
بسم الله الرحمن الرحيم
اصل الحكاية انو مافي تغير للحكومة
1/نظهر لكم كقوة من السلفية يعني للامريكان نحن طالبان
2/امريكا تفضل الحكومة علي طالبان
3/جنا تعرفو من جنا ماتعرفو
4/هرجلتكم بلوها واشربوا مويتا
5/الصناعة دى سودانية مية المية
في الختام خليكم وري الاهبل حتي لا تعقل


#476562 [احمد]
4.74/5 (7 صوت)

09-24-2012 12:38 AM
لعبه جديده من الاعيب الكيزان


#476559 [Kantoosha Khamis]
4.07/5 (5 صوت)

09-24-2012 12:35 AM
المساْلة ما مساْلة دين ي, المساْلة وراها حاجات تانية و الله.


#476555 [بيكو]
4.74/5 (7 صوت)

09-24-2012 12:33 AM
امشوا تل ابيب عدل لليهود ما تقعدو تربطزا الخرق الملونة بتاعتكم دى وتتكلموا كلامكم الما منو طعم دا الله ينعلكم دنيا واخرة يا زبايل


#476550 [ابوخالد]
4.76/5 (8 صوت)

09-24-2012 12:26 AM
.....مرحب بيكم ...ماشاء الله ...مرحب بيكم

أها نجيب ليك بارد ولا شاي ؟




وتستمر الثورة..............


#476549 [عصمتووف]
3.91/5 (10 صوت)

09-24-2012 12:25 AM
اهلا بالدوله العلمااااااااااااااااااااااانية غصبا عن انوفكم والغلبة للرجال وليس للجرزان في اجحارها ولنري وكلنا تعلمنا ضرب السلاح ولن ترهبوا يوما ما حتي لو كلب ولنري من الراكز طظ فيكم يا سحاسيح


ردود على عصمتووف
Sudan [ناجى] 09-24-2012 08:21 AM
الدور جاى عليهم وكل زول عايز يدخل الجنه بندخلو


#476541 [kola]
4.77/5 (7 صوت)

09-24-2012 12:04 AM
نحنا ناقصين ناس كفرة ذي دول والله اذا قامت لهم قايمة سوف نعلن الجهاد ضدهم ونبيدهم عن بكرة ابيهم هولاء الكفار الذين لايريدون بالمسلمين خيراً,ونرميهم في سجون سوف تكون بالنسبة لهم ان غنتنامو عبارة عن فندق خمسة نجوم


#476535 [ثائر حتى النصر]
4.00/5 (5 صوت)

09-23-2012 11:52 PM
نظام الكيزان الذي يقتل مئات الآلاف من الأبرياء ويقيم بيوت الأشباح ويغتصب النساء والرجال وينتهك الأعراض ، هذا النظام هو أسوأ إساءة للإسلام ولرسول الاسلام ،، عليهم الخزي والعار ولعنة الله وغضبه الى يوم الدين


#476493 [المشتهى الحنيطير]
4.07/5 (5 صوت)

09-23-2012 09:24 PM
مسألة متوقعة...!! بعد كل الهوس الدينى الذى مورس من قبل عصابة الجبهة. كده إرتحت يا الترابى؟


#476488 [زول]
4.19/5 (6 صوت)

09-23-2012 08:48 PM
عجيبة!
هم ليه بكتبوا (الله رسول محمد)؟


ردود على زول
[watan] 09-24-2012 01:28 AM
بكتبوها كده عشان اسم الجلاله يكون فوق وان كانت الاية غير كده فى القران قال تعالى محمد رسول الله والذين معه أشداء على الكفار رحماء بينهم تراهم ركعا سجدا يبتقون فضلا من الله ورضوان ....الى نهاية الاية الان هم عكس ذلك كتبوا الله رسول محمد مفتكرين انهم عظموا اسم الجلاله وعاوزين يكونوا اشداء علينا نحن المسلمين ويشعلوا نار الفتنة والقتل فى بلاد الاسلام وتاركين الكفار لكن لكل مقام مقال خليهم يفرفروا ونشوف البحصل شنو اولئك اقرب للكفر من الايمان وحيموتوا موت الضان

Qatar [الضعيف] 09-24-2012 01:22 AM
يا زول هذا ختم رسول الله: إقرأ من تحت لي فوق مش العكس... وقع ليك!!

صلى الله عليه وآله وسلم


#476479 [ابوبكر خليل]
4.60/5 (7 صوت)

09-23-2012 07:55 PM
ما جاء في قتل المسلم بغير حقٍّ عمداً وخطأ
قتل المسلم يكون بحقٍّ وبغير حق، يكون بحقٍّ قصاصاً وحَدًّا، والقتل بغير حقٍّ يكون عمداً وخطأ، وقد قال الله عزَّ وجلَّ في القتل عمداً: (( وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً ))، وقال: (( وَالَّذِينَ لَا يَدْعُونَ مَعَ اللَّهِ إِلَهاً آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَاماً .يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً .إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً )), وقال الله تعالى في سورتي الأنعام والإسراء: ((وَلاَ تَقْتُلُواْ النَّفْسَ الَّتِي حَرَّمَ اللّهُ إِلاَّ بِالحَقِّ )), وقال في سورة الأنعام: (( وَلاَ تَقْتُلُواْ أَوْلادَكُمْ خَشْيَةَ إِمْلاقٍ نَّحْنُ نَرْزُقُهُمْ وَإِيَّاكُم إنَّ قَتْلَهُمْ كَانَ خِطْءاً كَبِيراً )) ، وقال تعالى: (( قَدْ خَسِرَ الَّذِينَ قَتَلُواْ أَوْلاَدَهُمْ سَفَهاً بِغَيْرِ عِلْمٍ وَحَرَّمُواْ مَا رَزَقَهُمُ اللّهُ افْتِرَاء عَلَى اللّهِ قَدْ ضَلُّواْ وَمَا كَانُواْ مُهْتَدِينَ )) ، وقال رسول الله صلى الله عليه وسلم : (( أول ما يُقضى بين الناس يوم القيامة في الدِّماء )) رواه البخاري (6864) ومسلم (1678)، وقد أكَّد صلى الله عليه وسلم في خطبته في حجَّة الوداع حرمة دماء المسلمين وأموالهم وأعراضهم بتشبيهها بحرمة الزمان والمكان، فعن أبي بكرة رضي الله عنه قال: (( خطبنا النَّبيُّ صلى الله عليه وسلم يوم النحر، قال: أتدرون أيَّ يوم هذا؟ قلنا: الله ورسوله أعلم، فسكت حتى ظننَّا أنَّه سيُسمِّيه بغير اسمه، قال: أليس يوم النحر؟ قلنا: بلى! قال: أي شهر هذا؟ قلنا: الله ورسوله أعلم، فسكت حتى ظننا أنَّه سيُسمِّيه بغير اسمه، فقال: أليس ذو الحجة؟ قلنا: بلى! قال: أي بلد هذا؟ قلنا: الله ورسوله أعلم، فسكت حتى ظننا أنَّه سيُسمِّيه بغير اسمه، قال: أليست بالبلدة الحرام؟ قلنا: بلى! قال: فإنَّ دماءَكم وأموالَكم وأعراضَكم عليكم حرام كحرمة يومكم هذا في شهركم هذا في بلدكم هذا إلى يوم تلقون ربَّكم، ألاَ هل بلَّغت؟ قالوا: نعم! قال: اللهمَّ اشهد، فليُبلِّغ الشاهدُ الغائبَ، فرُبَّ مبلَّغ أوعى من سامع، فلا ترجعوا بعدي كفاراً يضرب بعضُكم رقابَ بعض )) رواه البخاري (67) و(1741)، ومسلم (1679)، وقد جاء هذا التأكيد أيضاً في حديث ابن عباس في صحيح البخاري (1739)، وحديث ابن عمر فيه أيضاً (1742)، وحديث جابر في صحيح مسلم (1218).
وعن أبي هريرة رضي الله عنه ، عن النَّبيِّ صلى الله عليه وسلم قال: (( اجتنبوا السبع الموبقات، قالوا: يا رسول الله! وما هنَّ؟ قال: الشرك بالله، والسِّحر، وقتل النفس التي حرَّم الله إلاَّ بالحقِّ، وأكل الرِّبا، وأكل مال اليتيم، والتولِّي يوم الزَّحف، وقذف المحصنات المؤمنات الغافلات )) رواه البخاري (2766)، ومسلم (145).
وعن ابن عمر رضي الله عنهما قال: قال رسول الله صلى الله عليه وسلم : (( لن يزال المؤمن في فُسحة من دينه ما لم يُصب دماً حراماً ))، وقال ابن عمر: (( إنَّ من وَرْطات الأمور التي لا مخرج لِمَن أوقع نفسَه فيها سفك الدم الحرام بغير حلِّه )) رواهما البخاري في صحيحه (6862 ، 6863).
وقال عبادة بن الصامت: (( كنَّا مع رسول الله في مجلس، فقال: تُبايعوني على أن لا تشركوا بالله شيئاً، ولا تزنوا، ولا تسرقوا، ولا تقتلوا النفسَ التي حرَّم الله إلاَّ بالحقِّ، فمَن وفَّى منكم فأجره على الله، ومَن أصاب شيئاً من ذلك فعوقب به فهو كفَّارةٌ له، ومَن أصاب شيئاً من ذلك فستره الله عليه فأمرُه إلى الله، إن شاء عفا عنه وإن شاء عذَّبه )) رواه البخاري (18) ومسلم (1709)، وهذا لفظ مسلم.
وعن ابن عمر، عن النَّبيِّ صلى الله عليه وسلم قال: (( مَن حَمَلَ علينا السِّلاحَ فليس منَّا )) رواه البخاري (6874) ومسلم (161).
وعن عبد الله بن مسعود قال: قال رسول الله صلى الله عليه وسلم : (( لا يحلُّ دمُ امرئ مسلم يشهد أن لا إله إلاَّ الله وأنِّي رسول الله إلاَّ بإحدى ثلاث: النفس بالنفس، والثيِّب الزاني، والمفارق لدينه التارك للجماعة )) رواه البخاري (6878)، ومسلم (1676).
وعنه أيضاً: أنَّ النَّبيَّ صلى الله عليه وسلم قال: (( سبابُ المسلم فسوق، وقتاله كفر )) رواه البخاري (48)، ومسلم (116).
وعن ابن عباس: أنَّ النَّبيَّ صلى الله عليه وسلم قال: (( أبغضُ الناس إلى الله ثلاثة: مُلحدٌ في الحرَم، و مبتغ في الإسلام سنَّة الجاهلية، ومطلب دم امرئ بغير حقٍّ ليهريق دمه )) رواه البخاري (6882).
وقال الله عزَّ وجلَّ: (( يَا أَيُّهَا الَّذِينَ آمَنُواْ كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالأُنثَى بِالأُنثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاء إِلَيْهِ بِإِحْسَانٍ ذَلِكَ تَخْفِيفٌ مِّن رَّبِّكُمْ وَرَحْمَةٌ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ . وَلَكُمْ فِي الْقِصَاصِ حَيَاةٌ يَاْ أُولِيْ الأَلْبَابِ لَعَلَّكُمْ تَتَّقُونَ )) وفي صحيح البخاري (6896) عن ابن عمر رضي الله عنهما: (( أنَّ غلاماً قُتل غيلة، فقال عمر: لو اشترك فيها أهلُ صنعاء لقتلتُهم ))، وقال مغيرة بن حكيم، عن أبيه: (( إنَّ أربعة قتلوا صبيًّا، فقال عمر ... )) مثله.
وفي صحيح البخاري (7152) عن جندب بن عبد الله قال: (( إنَّ أوَّل ما ينتن من الإنسان بطنُه، فمَن استطاع أن لا يأكل إلاَّ طيِّباً فليفعل، ومَن استطاع أن لا يُحال بينه وبين الجنَّة بملء كفٍّ من دم هراقه فليفعل ))، قال الحافظ في الفتح (13/130): (( ووقع مرفوعاً عند الطبراني أيضاً من طريق إسماعيل بن مسلم، عن الحسن، عن جندب، ولفظه: (تعلمون أنِّي سمعت رسول الله صلى الله عليه وسلم يقول: لا يحولنَّ بين أحدكم وبين الجنَّة وهو يراها ملءُ كفِّ دم من مسلم أهراقه بغير حلِّه)، وهذا لو لم يرِد مصرَّحاً برفعه لكان في حكم المرفوع؛ لأنَّه لا يُقال بالرأي، وهو وعيد شديد لقتل المسلم بغير حقٍّ )).


ردود على ابوبكر خليل
Sudan [يونس] 09-24-2012 01:20 AM
هؤلاءخوارج سعيدنصر وكل من كان على منهجه الباطل بتكفير المسلمين بدون شروط وموانع للتكفير


#476476 [SESE]
4.19/5 (7 صوت)

09-23-2012 07:26 PM
يلا ورونا من تبدوا جهادكم وانتم عارفين ان الحكومة هي التي قتلت جماعتكم ابدأوا من اول راس في الحكومة ونزولاً لأصغر موظف فيها ولا تبدأوا بالشعب كالذي غلبه الحمار قام اتشطر على البردعة.......


ردود على SESE
Sudan [nagatabuzaid] 09-24-2012 02:49 PM
فليبداوا بحامل المكرفون اولا


#476471 [alsudani]
4.19/5 (6 صوت)

09-23-2012 07:10 PM
هو ما صدقنا انو اللفه القبيحة بتاعت بن لادن انتهت
عايزين يدخلونا فى عماله أُخرى
التيار السلفي الجهادي ؟؟؟؟؟!!!!!!
ماذا حدث للرسول صلى الله عليه وسلم
خلوا الكذب من هو الذى يصرف لكم المال ؟؟؟؟؟
أعلموا أن اي مال تأكلونه فى بطونكم لخراب دار الأسلام هو نار
أن حيل المتأسلمين لا تنتهى ما لم يفصل الدين من السياسة


#476466 [بابكر موسى]
4.07/5 (6 صوت)

09-23-2012 06:51 PM
ابرز و بان عليك الامان .....و ياها الناقصة و تمت.....يلا قبلوا على البشير و جماعتوا و نحن منتظرين نصفق للعبة الحلوة...بعد ما يخلص الماتش بتاعكم....بعد داك انتظروا الشعب السودانى يا كلاب....والتجربة الليبية ليست بعيدة


#476457 [النيل أبونا والجنس سودانى]
4.60/5 (7 صوت)

09-23-2012 06:22 PM
التيار السلفي الجهادي من صنع الكيزان ده درب تغذيه جديد فى جسم الأنقاذ عشان أمريكا تسند البشكير وعصابته لانهم سوف يقفون لهم بالمرصاد يا سبحان الله الكيزان سبقوا أبليس فى الفتن.


#476452 [ساجور]
4.00/5 (7 صوت)

09-23-2012 06:02 PM
الظاهر شافو اخوانهم السلفيين ظهرو وبقى ليهم وجود بعد ثورات فشل العربى المزعومة التى اتت
بالاسلاميين فقالو يطلعو للنور يمكن تصدف معاهم ويحكمو االبلد المافيها كبير دى .
ارهابيين ثم ارهابيين ثم ارهابيين
نحن ما اتفكينا من الحرامية الماسكننا بى اسم الدين والشريعة 23 سنة خاربين علاقاتنا مع دول
العالم موسخين سمعتنا واسمنا رامننا فى الحضييض . دايرين تجو انتو كمان تتمو الناقصة
وتبقونا زى افغانستان اعدامات فى الشوارع شويتين يجينا ناتو يضربونا بى طيارات شويتين
تفجير فى سوق سعد قشرة .. تفجير فى السوق المركزى .. تفجير فى سوق ليبيا !!!
يعنى نحن اتكتب علينا نقع من حفرة لى دحضيرة ,,!!
مكتوب علينا نعيش مهمشين ومعزبين ومنبوزين ومكروهين وما لافين ناكل وما قادرين نعيش زى باقى
خلق الله
لو الرمم ديل طفشو ما دايرين تانى حكومة اسلامية انشالله يحكمونا الانجليز ,, نرجع الاستعمار تانى
ولا يحكمونا الاشكال ديل .


#476439 [مواطن سوداني @]
4.13/5 (8 صوت)

09-23-2012 05:25 PM
لا حول ولا قوة إلا بالله . إذا كان الفيلم مسيء بدرجة كبيرة للدين الإسلامي ، فإن مثل هذه التيارات من أكبر الإساءات للدين الإسلامي فكما نعلم ويعلم الجميع أنهم أصبحو يتاجرون بالدين ويستخدمون الشعارات الدينية ليخفو بها أعمالهم السيئة ، ألا يوجد لهم أعين وعقول ليرو ما آل إليه السودان الحبيب في فترة حكم الإسلاميين الذين يقولون أنهم يحكمون بالدين الإسلامي والدين الإسلامي بريء منهم ، ألم يروا ما حل بالسودان من حروب وفقر ومرض وفساد مادي وفساد أخلاقي طيلة حكم الإسلاميين ، وكم مات من شبابنا الذين تم غسل عقولهم وإقناعهم بالذهاب للحرب لقتال أناس من نفس وطننا ونفس معتقداتنا ولكن ينعتونهم بالخيانة لمجرد انهم اختلفو معهم في الرأي .


#476432 [Kamal Elfaki]
4.19/5 (8 صوت)

09-23-2012 05:14 PM
كان الله في عون أبناء هذا الشعب... حتى في الإرهاب مستلبين ثقافياً!


#476431 [ود كوش]
4.19/5 (6 صوت)

09-23-2012 05:13 PM
بس الحيوان دا كان وين وظهر كيف؟؟؟؟؟والله بلد فوضي.


#476419 [شهاب]
4.04/5 (8 صوت)

09-23-2012 04:40 PM
وهل سيصدق العالم طرح اسلامي سوداني بعد كذبة الانقاذ


#476416 [Omer]
2.54/5 (6 صوت)

09-23-2012 04:32 PM
مادايرين معاكم... وهم.. الله لا تريحكم..ياشواذ.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.94/10 (11 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة