الأخبار
أخبار إقليمية
الجيش السوداني: مقتل 10مواطن في قصف جديد على كادقلي
الجيش السوداني: مقتل 10مواطن في قصف جديد على كادقلي



10-23-2012 08:09 PM
قصفت الحركة الشعبية لتحرير السودان قطاع الشمال يوم الثلاثاء مدينة كادقلي بولاية جنوب كردفان للمرة الثالثة خلال هذا الشهر وقالت الحركة ان استمرار القصف على كادوقلي هو رد لهجمات الجيش السوداني على قواتها.

ومن جانبه اعلن الناطق الرسمي باسم الجيش السوداني العقيد الصوارمي خالد في تصريح لوكالة السودان للأنباء عن مقتل عشرة من المواطنين بينهم طفلان في قصف الثلاثاء من الجيش الشعبي التي استهدف مواقع للقوات المسلحة خارج مدينة كادقلي لكن قال ان بعض القذائف سقطت داخل المدينة.

وأكد الناطق الرسمي باسم الحركة الشعبية ارنو نقوتولو في تصريح لسودان راديو سيرفس يوم الثلاثاء من كينيا ان قواتهم قصفت مواقع للجيش السوداني حول مدينة كادقلى.

صوت ارنو " انحنا دايريين ناكد انو الجيش الشعبي قاعد يرد علي القذف القاعد يطال المواطنين في المناطق البتقع تحت سيطرة الحركة الشعبية , وبالتالي الجيش الشعبي قاعد يستهدف القواعد بتاعة المؤتمر الوطني معسكراتهم ودفاعاتهم . اما بخصوص فانو في مواطنين قتلوا ولي ده ,فدا ما كلام صاح. انحنا دايريين نقول انو المؤتمر الوطني اكتر من غيرو قاعدين يستهدف ويقتل وبضرب زي ما دايير والجيش الشعبي رده اليله."

شاهد عيان من مدينة كادقلي وصف لسودان راديو سيرفس يوم الثلاثاء ما جري بالمدينة.

صوت – المرضي - من كادقلي: " من الساعة 6 صباحا ناس المدفعية قاموا ضربوا دانات من داخل كادقلي بالرباعي في القري بتاعت جبال النوبة برا في المناطق بتاعت الحركة الشعبية حوالي الساعة 8: 30 ناس الحركة الشعبية ردوا بدانات واحدة وقعت جنب قاعة الشهيد عبدالسلام وواحدة في حي المصانع واثنين في المحلج بتاع مؤسسة جبال النوبة الزراعية ما في قتلي شنو لكن في ناس اتجرحوا وهسي في المستشفى والمواطنين طبعا اصابهم هلع كدا فيهم جزء من الناس طلعوا, لكن هسع الوضع استقرة وجزء من الناس رجعوا بيوتهم الساعة عشرة كدا يعني من الساعة 8:30 لحدي الساعة عشرة في نفس الفترة بتاعت ملتقي السلام الاتعملت في كادقلي كان برضوا في قذف بتاع مدفعية من بره بعداك وقفت وتاني اخر قذف ياهو بتاع الليله ناس الجيش قاموا ضربوا من داخل مدينة كادقلي لبرا بعداك الناس ديل قاموا ردوا لحدي الان ناس الحركة الشعبية ما في حاجه لكن الحكومة بس قاعدين يقولوا انو المواطنين يرجعوا وكدا من ضمن المواطنين في ناس مشوا الي اتجاه الصعيد هسه الوضع بقي امن وقاعدين يقولوا للناس يرجعوا بيته".

ويذكر ان هذه هي المرة الثالثة تتعرض مدينة كادقلي بولاية جنوب كردفان لقصف مدفعي من الجيش الشعبي في خلال هذا الشهر بالقصفين التي صادف انطلاقة وختام ملتقي كادقلى للتشاور حول قضايا السلام.


Sudan Radio Service


تعليقات 5 | إهداء 0 | زيارات 3221


التعليقات
#495085 [سواق القطر]
1.00/5 (1 صوت)

10-24-2012 09:38 PM
يا جماعة الكلام دا عيب ويعد جريمة فكيف تضربوا الناس في بيوتهم هناك مناطق عسكرية وهي معروفة لديكم فكيف تضربو هؤلاء المساكن ومع اني معارض لنظام البشير والآن انتم سيان ويجب ان تحاكموا امام المحاكم السودانية لان المحكمة الجنائية ليس فيها حكم الاعدام اسال الله ان يقيض لنا حكاما يقوما بمحاكمتكم متمردين وحكومة


#494453 [سوداني اصيل]
1.00/5 (1 صوت)

10-24-2012 08:14 AM
العالم في شنو؟ والسودانيين في شنو؟
الله يرحمك يا سودان!


#494351 [مبشر]
0.00/5 (0 صوت)

10-23-2012 11:17 PM
البشير ما قال بيصلي في كاودة كده خلي يقدر يصلي في كادقلي هو قايل الحكاية رقيص و جعجعة وطلاق كاذب وبس


#494342 [Mahdi]
0.00/5 (0 صوت)

10-23-2012 10:51 PM
الحكووومه وحاملي السلاح كلهم سبب مشاكل المنطقتين .. تبا ليهم جميعا


#494298 [شوشرة]
5.00/5 (1 صوت)

10-23-2012 08:24 PM
من اقذر الاساليب فى الحروب الاهلية قصف المدنيين ,والمراد منه دايما الكسب الرخيص وذلك من خلال تحريك الغلابة والمساكين لخلق حركة نزوح وتحريك الراى العام العالمى ومنظمات الاغاثة والمنظمات الانسانية ,والضحية هو المواطن الغلبان تبا للسياسيين اينما كانوا واى كانت انتماءاتهم فهم شركاء فى القتل والتشريد وحب السلطة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
5.00/10 (1 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة