الأخبار
أخبار إقليمية
تدهور صحة البشير؟ ،،بدأ صراع الفيلة؟ صار بكري حسن صالح الفرعون حتي أشعار أخر؟
تدهور صحة البشير؟ ،،بدأ صراع الفيلة؟ صار بكري حسن صالح الفرعون حتي أشعار أخر؟
تدهور صحة البشير؟ ،،بدأ صراع الفيلة؟ صار بكري حسن صالح الفرعون حتي أشعار أخر؟


رسالات اليرموك؟ هل ضربة اليرموك ( بروفة ) لضربة ايران وبورتسودان؟
11-05-2012 12:29 PM
ثروت قاسم

نواصل تلخيص بعض ملابسات وتداعيات ضربة اليرموك ( الأربعاء 24 أكتوبر 2012 ) في ثلاثة نقاط :

أولا :

1- رسالات اليرموك ؟

تميزت ضربة اليرموك بخاصيتين :

+ الخاصية الأولى كون الهدف ( مجمع اليرموك ) يقع على بعد حوالي 4 ألف كيلومتر ( ذهابا وايابا ) من اسرائيل ، وهي أطول مسافة تقطعها المقاتلات الإسرائيلية في عملية هجومية ، دون توقف ، في تاريخها ؟

+ الخاصية الثانية أن اليرموك ليس بمجمع نووي لتخصيب اليورانيم ، أو صنع القنابل النووية ، بل لتصنيع وتجميع وتخزين أسلحة تقليدية !

هذه هي المرة الأولى في تاريخها التي تقوم فيها أسرائيل بتدمير مجمع عسكري من هذا النوع التقليدي ، في غير زمن الحرب .

+ في يوم الأحد 7 يونيو 1982 ، دمرت اسرائيل المفاعل النووي العراقي ( تموز ) في عملية ( أوبرا ) أو ( بابليون) الشهيرة !

+ وفي يوم الأربعاء 6 سبتمبر 2007 ، قصفت اسرائيل منشأة نووية في مدينة دير الزور السورية في عملية أطلق عليها اسم ( بستان الفاكهة) !

ثانيأ :

2- أشارات اليرموك ؟

السؤال الذي يطرح نفسه الآن هو :

ما هي الإشارات ، المباشرة وغير المباشرة ، التي تريد اسرائيل ارسالها بقصفها للمجمع ؟

يمكن ذكر دستة رسالات ، رغم أن اسرائيل لزمت الصمت ، ولم تنبس ببنت شفة ، بخصوص هذه الإشارات !

وهي بالمحصلة اجتهادات ، قد تخطئ أوتصيب :

+ الإشارة الأساسية هي تحذير لنظام البشير لنقض وتفنيش اتفاقية الدفاع المشترك التي تربطه بايران .

هذه الإتفاقية تلزم نظام البشير ، من بين بنود أخرى تراها اسرائيل عدائية لها ، بتخزين أسلحة ايرانية متطورة ( مصنوعة في ايران وفي مصنع اليرموك أيضا ) لمصلحة ايران ، وارسالها لها عند الحاجة ( في حال ضربت اسرائيل ايران ) ؟

الإشارة تأمر نظام البشير بفض اتفاقية الدفاع المشترك وفورا .

وربما استجاب نظام البشير للأوامر الإسرائيلية ، ربما بالمغتغت ، ليضمن استمراره على كرسي السلطة .

+ الإشارة الثانية هي تحذير لنظام البشير ليفك ارتباطه بحماس في غزة ، ولا يتهور بارسال أي أسلحة ايرانية لها ، سواء كانت مخزنة اومصنعة في اليرموك !

فهم نظام البشير الكلام . وربما قال باي باي لحماس كذلك .

+ الإشارة الثالثة موجهة الى ايران ، وتحوي تحذيرا مفاده أن يد اسرائيل الطويلة يمكن أن تصلها ، بعد أن وصلت الى الخرطوم التي تبعد عنها بأكثر من 600 كيلومتر ، في الأتجاهين .

في هذا السياق ، قالت صحيفة يديعوت أحرونوت الإسرائيلية :

( مما لا شك فيه أن تفجير الخرطوم ، سيكون بمثابة مادة خصبة للتفكير، ليس فقط بالنسبة للسلطات في السودان ، ولكن في غزة أيضا ، ولا سيما في طهران) .

هذه الإشارة تؤكد أن ضربة اليرموك :

• ( بروفة ) لضربة ايران ، وقطعأ ميناء بورتسودان البحري ؟

• تدشين لحرب بالوكالة بين اسرائيل وايران ودولتي السودان ؟

+ الإشارة الرابعة موجهة الى بقية دول محور المواجهة ( حماس ، حزب الله ، وسوريا ) بأن الأمر الإسرائيلي جد شديد ، وقد أعذر من أنذر ؟

+ الإشارة الخامسة موجهة الى باقي الدول العربية والإسلامية بأن أسرائيل قد أصبحت ( صول ) المنطقة ، ولاعب أساسي لا يمكن تجاوزه !

+ الإشارة السادسة موجهة الى الإدارة الأمريكية ( ودول الإتحاد الأروبي ) بأن اسرائيل لا تزال الحليف ( القوي الأمين ) ، الذي يمكن لهما الإعتماد عليه في تمرير أجنداتهم في المنطقة ، مقابل رهان مقبوضة

!
+ الإشارة السابعة لطمأنة للشعب الاسرائيلي بأن جيشهم هو الأقوى ، وأنه قادر عندما يريد .

تذكر أن تحليق الطائرة بدون طيار ... الدرون ( أيوب ) التابع لحزب الله فوق مفاعل ديمونة الإسرائيلي ( أكتوبر 2012 ) جاء بمثابة صدمة للإسرائيليين الذين لم يصدقوا أو يتوقعوا حدوث ذلك.

+ الإشارة الثامنة موجهة لدولة جنوب السودان حاملة عبارات الشكر والتقدير أن الرئيس سلفاكير خص اسرائيل بأول زيارة له لدولة اجنبية بعد استقلال بلاده ، والأهم قراره باقامة سفارة بلاده في القدس المحتلة بدلا من تل ابيب ، الأمر الذي لم تتجرأ حتى الولايات المتحدة على القيام به ، لخرقه للأعراف والمعاهدات الدولية .

الإشارة تطمئن دولة جنوب السودان بأن اسرائيل قادرة على تأديب نظام البشير ، إذا ما تلولو وفنجط وقرر مهاجمة دولة جنوب السودان !

+ الإشارة التاسعة موجهة لدول منابع نهر النيل وبالأخص أثيوبيا ويوغندا ، التي تقيم معهما اسرائيل علاقات مميزة .

تهدف اسرائيل لتبيان دورها المحوري في حرب النيل ومقدرتها على تغيير موقف نظام البشير ، إذا حرن في مفاوضات اتفاقية عنتيبي ، ورفض الإنضمام اليها أسوة بباقي دول المنابع . يمكن لدول المنابع الإعتماد على اسرائيل القوية لتضع نظام البشير في مواعينه ، في حال تصاعد الخلاف مع دولتي المجرى والمصب .

+ الإشارة العاشرة موجهة للمعارضة السورية التي رفضت المساعدة الإسرائيلية عندما عرضت اسرائيل عليها تلك المساعدة . وأن على المعارضة السورية ادراك أن اسرائيل هي الدولة المحورية في المنطقة ، التي يجب عليها ( أي المعارضة ) التعامل معها للإطاحة بنظام بشار .

+ الإشارة الحادية عشر موجهة للمجتمع الدولي تبشره بأن احتمالات الحرب ضد ايران وحليفاتها ( السودان ، حماس ، وحزب الله ) صارت اقوى من احتمالات السلام ؟ وإلا لما تواجدت، ومنذ أغسطس 2012 ، ثلاث حاملات طائرات امريكية ، ومئات السفن والزوارق الحربية الأمريكية في مياه الخليج العربي.

كما أرسلت بريطانيا لمنطقة الخليج حاملة طائرات ، وبصدد ارسال مقاتلات تايفون التي تعتبر الأحدث في ترسانة الأسلحة البريطانية !

+ الرسالة الثانية عشر وغير المقصودة موجهة للشعب السوداني . وهي رسالة تدعو الشعب السوداني للإنتفاض ضد نظام البشير لخنوعه واستسلامه وضعفه أمام الإهانات الإسرائيلية المتكررة .

تطلب الإشارة من الشعب السوداني رفض أن يكون ملطشة وكيس ملاكم تسدد له اسرائيل الضربات ، دون أن تهب حكومته للدفاع عن التراب الوطني ،وحماية شعبها من العدوان الخارجي ، بدلا عن إنشغالها بقتله وقمعه وتشريده .


قال بريخت :


( إن مآسى الأوطان تبدأ عندما ينظر أهل الوطن إلى الأمور الخطيرة على أنها من الأمور العادية ) .

ثالثأ :

3 - الحالة الصحية للرئيس البشير ؟

في هذا السياق ، تدهورت فجأة الحالة الصحية ، هذا الأسبوع ، للرئيس البشير ، ويجد صعوبة في البلع ، دعك من الكلام . وكان قد زار الرئيس البشير السيدة الفضلي قرينته الصغري في مستشفي السلاح الطبي في أمدرمان الأسبوع الماضي ، حيث حلت مستشفية من تسمم في الطعام ؟ ولم يمكث معها سوي بضع دقائق ؟

وصل ، هذا الأسبوع ، طاقم طبي رفيع المستوي ، بطائرة خاصة ، من هايدلبرج في المانيا ، لمعاينة حنجرة الرئيس البشير وحباله الصوتية ، لأخذ عينات لزراعتها ، مجددأ ، في مستشفي هايدلبرج الجامعي .

ربما تذكر أن مستشفي هايدلبرج الجامعي هو نفس المستشفي الذي أستضاف ، في زمن غابر ، الرئيس الهالك حسني مبارك !


خلال أستراحة محارب الرئيس البشير المرضية ، أمسك الفريق بكري حسن صالح بدفة مركب الأنقاذ ، وصار الفرعون بالنيابة ، وحتي أشعار أخر .

وبدأ صراع الفيلة ؟

كما ذكرنا في مقالة سابقة هناك مجموعتان متدابرتان ، تمثلان مركزين من مراكز القوي حول الرئيس البشير :

+ مجموعة الاستاذ علي عثمان محمد طه ، وبها الصقور الشبعانة من أمثال الأستاذ كرتي ، والأستاذ أمين حسن عمر والمرحوم قوش ؛


+ ومجموعة الدكتور نافع علي نافع وتحتوي علي الصقور الجارحة من أمثال الفريق بكري حسن صالح ، والفريق عبدالرحيم محمد حسين والفريق عطا .

النجيلة في القصر الجمهوري صارت قاعأ صفصفأ من صراع الفيلة ؟

وبدأت المجرات التي كانت تدور حول شمس الرئيس البشير تعدل في مساراتها ، في أنتظار تقرير طاقم هايدلبرج الطبي !


أعطت أدارة أوباما الضؤ الأخضر للرئيس البشير للسفر الي المانيا لمواصلة الفحوصات والعلاج ! ولكن حرن الرئيس البشير خوفأ من نزوات نتن يا هو ، التي لا يمكن التكهن بها ؟

وقرر السفر الي المملكة العربية السعودية ( ألأثنين 5 نوفمبر 2012 ) ، بدلأ من ألمانيا ، لضمان عدم أختطاف طائرته ، بواسطة أسرائيل ، وفرنسا !

رددت عنقالية من نواحي جرجيرة في دارفور الاية 78 في سورة النساء :


( أينما تكونوا يدرككم الموت ، ولو كنتم في بروج مشيدة ... ) !

وختمت حديثها بترديد أخر ستة كلمات في سورة الشعراء :

( ... وَسَيَعْلَمُ الَّذِينَ ظَلَمُوا ، أَيَّ مُنقَلَبٍ يَنقَلِبُونَ )

تفاصيل أكثر في مقالة قادمة !

نواصل ...



[email protected]


تعليقات 44 | إهداء 2 | زيارات 25817


التعليقات
#505319 [سودانية]
5.00/5 (1 صوت)

11-07-2012 06:06 AM
قولوا ما بدا لكم واشعلوا ما استطعتم من نيران الفتن فنحن في آخر الزمان ونعيب زماننا والعيب فينا لكن الحقيقة الوحيدة ان اسرائيل هي دجال اخر الزمان التي ستحكم يوما كشهر وشهرا كسنة إلى ان يظهر الدجال الحقيقي ،لست ادافع عن حكومة المؤتمر الوطني فما فعلته لا يخفى على الجميع لكن التوجس من غد تحكمه إسرائيل (عياناً بيانا) وشفتوا المناظر ليس معاهدات او صداقات خفية بل اجندة واضحة يا معانا يا .........


#504789 [خالد العثماني]
5.00/5 (1 صوت)

11-06-2012 10:55 PM
ثروت بيه قاسم يروج لفكرة بديل البشير من داخل النظام.. كيب عملت شنو يعني وفرقك من اسحق احمد فضل الله ذو الوجه القبيح والطيب مصطفي المريض الفنسي والحاقد والعنصري البغيض شنو يعني؟.. ياثروت النظام الي زوال وفقا لنبؤة الراحل المقيم محمود محمد طه فالاسلاميون كما قال محمود سيفتنون فيما بينهم وينتهي بهم المطاف الي الفتنة الكبري وستكون نهايتهم مثل نهياة فرعون الذي اراه الله قدرته


#504745 [طائر الفينيق]
3.00/5 (2 صوت)

11-06-2012 10:02 PM
لا تنشغلوا بمرض الديكتاتور عن مهمام الثورة عليه !!!



+ من المهم ألا تنشغل قوى المعارضة المختلفة مدنية كانت ام عسكرية بمرض البشير وتنسى مهمامها للأساسية !!!

+ يجب أن يكون العكس ..مرض الرئيس وانسداد النظام وتصدعه وانشغاله بالصراع على خلافة البشير .. هدية أخرى جيدة للمعارضة التى لا تحسن استقبال هدايا النظام التى لا تتوقف !!!


#504703 [ahmed wdalmlka]
5.00/5 (1 صوت)

11-06-2012 05:52 PM
ابو دجانه انت جادي عليك الله ؟؟؟
اسي عليك الله عمايلو دي عمايل زول حافظ القران خاف الله عليك الله


#504680 [سلطان النيل]
3.00/5 (2 صوت)

11-06-2012 04:15 PM
الله اكبر فوق كيد المعتدي
بلا بشير بلا بطيخ
وظز في الامن الالكتروني
والله العظيم لو مات البشير
الا امشي وابول في قبرو الكلب ود الحرام


ردود على سلطان النيل
[ود الّذين] 11-07-2012 12:33 AM
مهما كان فان للقبور حرمات، ولا تبول عليها الاّ الكلاب !!!!!!!!!!!!!!!!!!!!!!!!!!!!!!!


#504626 [كرري]
5.00/5 (2 صوت)

11-06-2012 01:57 PM
بصراحة يا اخ ثروت قاسم تحليلك ما موضوعي بالمرة فتحليلك
عبارة عن شخبطة كلامية وافكار عبارة عن قصاصات لم تبني علي اسس واضحة فعندما قرآت مقالك تارة يخيل لي انك محلل
عسكري وتارة اخري سياسي لقد اقحمت نفسك في هذا المجال
والذي هو ليس بالشئ الهين فعندما تسول لك نفسك بتناول مثل
هذة المواضيع يجب ان تكون ملم المام تام بحيثيات ما انت
بصدد الحديث عنة وكفاية استهتار بعقول القراء نحن شعب
سوداني لا اقول مثقف ولكن مدرك وملم بكل ما يدور من حولة
ولك يا اخ ثروت قاسم ان تعي المقولة القديمة .القاهرة تكتب
وبيروت تطبع والخرطوم............لو عرفت الباقي صدقني
حا تعيد النظر في مقالك ...نقطة اخر السطر


#504554 [سبعه]
5.00/5 (2 صوت)

11-06-2012 12:12 PM
رحم الله حميد...حجانا زمان وقال....(حق الناس ينزل في الحلق او يتعارض شوكة حوت...دقة تفوت ولا حد يموت..انندق نندق نندق..ويفضل باقى لهيب الحق)...اهو نزل في الحلق!!..شوفتا كيف الدنيا دواره وقصيره ياعمك!!...بعد ده أمسك الخشب!!..تحليلك مكسب ياثروت..ادينا زيو كتييييير..(مايزعلوك الجداد الالكتروني..والكلاب النباحه..هم واضحيين من تعليقاتم)..وللجميع هووووي...إنتبهو للجداد الالكتروني..البدافعو عن زولهو..والبنشرو القبليات..والبدسو الكلام وسط الكلام..وتااااني برضو امسكو الخشب..زولكم..مشتت خلاص


#504536 [حلفاوي]
5.00/5 (1 صوت)

11-06-2012 11:45 AM
يا اخوانا كان قنعتو من الراجل سلموهو لى اوكامبوا عشان تبيضوا وشكم بى شي منطقي من التمانينات ... كان ما سووا منو شاورما احتمال يفكوهوا زي المقراحي وتفرج علينا فرجة القذافي في بنات ايطاليا

سلامتك يا ريس والف سلامه

لهوانت بتتعالج بره بالتامين ولا على حساب مين

ومالهم دكاترة بلادك اللي عملت عليهم حرب

فلوس العلاج وفرها عشانهم وهم يجيبوا عليك عزرائيل

ياخدك وياخد سنينك وسيرتك

وعقبال جماعتك وكل الوراك

الهي ياخدكم ويبقر بطونكم

ويمسح ريحتكم من وش العباد



مت جبارا يا بشير ... قاتلكم الله انى تؤفكون


#504497 [علي دينار]
4.00/5 (3 صوت)

11-06-2012 10:37 AM
اخر الزمن مع الزير سالم


#504416 [majeed (كابتن ماجد)]
3.00/5 (2 صوت)

11-06-2012 08:41 AM
إن كان خبر مرضه صحيحاً فاللهم اشفه شفاء لا يغادر سقما ، ولا يجوز لأي إنسان أن يشمت لمرض أخيه الإنسان لعل الله يعافيه ويبتليك .


ردود على majeed (كابتن ماجد)
Saudi Arabia [واحد] 11-06-2012 08:55 PM
يا اخ حتي في خطبه الجمعه الامام بيدعو علي الظالمين والجبابره ان يأخذهم اخذ عزيز مقتدر , يعني انت بتعرف اكثر من الامام ولا ما عارف انو البشير من الطغاة الظالمين ؟ جبال النوبه ودارفور والجنوب وقبل ديل كلهم الخرطوم تشهد عليه , القاتل السفاح منتهك الاعراض البذئ الاحمق قاصر الفكر الرقاص هذه صفاته . اللهم اذل من اذل عبادك اللهم بكتهم اللهم اجب دعوات المظلمويين اللهم انت النصير فقد تجاهلنا الجميع وصموا أذانهم عن صراخ شعب السودان , والمتأسلمون والتنظيم العالمي للاخوان المسلمين اخذوا بلادنا غنيمه اللهم انهم لا يعجزونك


#504399 [elkordofani]
0.00/5 (0 صوت)

11-06-2012 08:23 AM
اللهم اشفة شفاء تاما وارزقة الصحة والعافية


#504355 [abudigana]
4.00/5 (1 صوت)

11-06-2012 07:12 AM
اللهم اشفه شفاءا تاما ومتعه بالصحة والعافية يارب واعده الى وطنه سالما امنا

الشعب السودانى لايعرف صليحه من عدوه

الحمد لله البشير اول رئيس فى العالم حافظا للقرآن وصائما الاثنين والخميس

البشير لايسعى الى السلطة وانما السلطة تسعى اليه

رجل بسيط ومتواضع ولازال يتعشى بالفول...

الله يحفظك يالبشير


ردود على abudigana
United States [sama] 11-07-2012 06:14 AM
بالله عليك الله الخلقك الحاله البسوى فيها الراجل دا دى حالة زولا حافظ القرآن و بيصوم كل أثنين و خميس ومتواضع بياكل فول طيب لو كان دا كله مافى كان حا يعمل شنو ؟؟؟؟ الإجابة إبادة جماعية بأسلحة دمار شامل

Saudi Arabia [الهدهد] 11-07-2012 12:29 AM
يا راجل.. بياكل فول؟؟
وانت قالو ليك الفول بيورِّم البلاعيم؟؟
صاحبك دا ضارب في العلالي.. وبيتعشى تماسيح!!
اللهم لا شماتة.. لكن العملو في الناس ما شوية!

[ALIIIIIIIIIIIIIIIIIIIIIIIIIIIIIIIIIIIIIII] 11-06-2012 05:11 PM
السلطة تسعي اليه بالله وطيب عمل انقلاب سنة 1989 ليه مادامت السلطة تسعي اليه.....العب غيرك وفتح مخك اللي في اجازة ده

European Union [الجاك] 11-06-2012 02:19 PM
عليك الله ؟ قاعد معاهو في البيت ولا شنو

Sudan [الجقر] 11-06-2012 11:41 AM
عايش في السعودية ليه طيب ؟؟ تعال هنا عشان تأمن بالحياة الرخيصة
نوعكده ياهو المضيعنا
انت بتعرف للبلد شنو ؟؟ البلد بقت عبارة عن إقطاعية لناس محدودين اما البقية في 60 داهية
والقال ليك منو حافظ القرآن حفظتو سوا
والله لو حافظ القرآن كان زمااااااااااااااااااان استقال وخلاها وفكر في اخرتو
ياخي ارحمنا

France [علي دينار] 11-06-2012 10:55 AM
اول رئيس فى العالم حافظا للقرآن وصائما الاثنين والخميس احترامي ليك طيب ال 300 الف ديل حشرات؟ و حافظ القران لشنو وصائم لشنو ولا ياخي انت عائش في الكوكب الاحمر؟

Malaysia [Kmool] 11-06-2012 09:53 AM
??????
حفظ القرأن دا في خلاوي حوش بانقا ولا شنو ؟

فوووول !!!!
......
البشير متواضع صح لكن ماتكتر المحلبية قدر دا ياابودجانة

Sudan [wg3 alzaman] 11-06-2012 09:04 AM
الله يخيبك انت لو ميييت فيهو كدة الغربة ليك شنو يا وهم ولا التماسيح ما ادوك معاهم قرمة سمحة كدة تكفيك شر الغربة ناس تخاف ما تختشيش ,الله يهلك البشير وزمرتو وكل من نال من هذا الشعب المغلوب على امرو ,وهو لسع شاف حاجة لسع الدم السيلو فى السودان دة حينزفو نقطة نقطة حسع دة حلقو لسع جسمو المليان دة حيضوق الويل ربنا ينتقم منو ومن البعبدهو والالهوهو


#504343 [عباسى]
5.00/5 (1 صوت)

11-06-2012 06:51 AM
ليس الفرعون
ولكن خليفة المسلمين
اى كان البديل الى حين عودة الرئيس
فله علينا السمع والطاعة
والله من وراء القصد


ردود على عباسى
India [Alshabe] 11-06-2012 02:48 PM
abudigana انت ما شايف اللي عملوا في المؤونين ده ؟ قرءانو الحفظو ده القرءان اللي نحنا عارفنو ده ولا واحد تاني ؟ طيب نفترض انو حافظ افتراضا , فهمو بالمقلوب ولا شنو , قالوا ليهو اقتل ولا اغتصب ولا شرد ولا جوع ولا انهب ولا سب ؟ في احتمال تاني قد يكون حفظ كتاب بني اسرائيل .

Sudan [الجقر] 11-06-2012 11:41 AM
تفووووووووووووووووووووووو على المنافقين امثالك


#504277 [المشتهى السخينه]
5.00/5 (5 صوت)

11-06-2012 05:42 AM
البشير السفاح الاعرج مجرم اشر . لن نتعاطف معه ولن نتمنى له الشفاء .نبارك لاهل الضباط ال28 . استجابة الله لدعائهم . ونبارك لاهل المرحوم مجدى وخاصة والدته الكلومه الصابره و شعب دارفور والانقسنا وجبال النوبه .. السفاح يودع الحياه .. ما اجمل الدنيا بدون البشير الهالك .


#504253 [مستغرب]
5.00/5 (2 صوت)

11-06-2012 05:26 AM
قال بريخت : ( إن مآسى الأوطان تبدأ عندما ينظر أهل الوطن إلى الأمور الخطيرة على أنها من الأمور العادية ) .
فعلاً أنها لعبارة معبرة، ومن المفترض ان تكون بارزة في مكان ما حتي لا يستكين الشعب السوداني من مقاومت هؤلاء الأوغاد، ونستأنث بالمصائب والمأسي. وكأنها إمور عادية،،،
يجب ان نخطط لكيف ننتزع هؤلاء من الحكم والسودان انتزاعاً،،، كفانا محن ومآسي،، فسرنا كثيرا في مهازلهم وخيبتهم وفشلهم فيجب بدلا من التفسير التغيييييييير


#504232 [اسماعيل]
5.00/5 (1 صوت)

11-06-2012 04:57 AM
ربنا يكتب لة الشفاء العاجل يا رب العالمين


ردود على اسماعيل
Sudan [wg3 alzaman] 11-06-2012 09:38 AM
رينا ينتقم منو ومن كل البتمنوليهو الشفاء,الله ما كريم اى لاانقاذى اذى الشهب السودانى ربنا ينتقم منو فى الدنيا عاجلا ويأخذهم اخذ عزيز مقتدر ,ربنا يمهل ولا يهمل .انتو قايلين نفسكم خالدين مخلدين فيها ,يا وهم

Saudi Arabia [abuabrar] 11-06-2012 07:28 AM
الله لا يشفيه يارب العالمين


#504218 [رجمٌ بالحق]
4.00/5 (3 صوت)

11-06-2012 04:46 AM
ايوة يا ثروت خليك كدا أرجع زى زمان . أوعاك ترجع تمدح لينا فى منو فحل داك تانى عشان السخط والنقد دا كلو انت عارفو لسبب واحد بس هو الزول دا.


#504140 [ابو جاكوووومة 2]
5.00/5 (1 صوت)

11-06-2012 03:41 AM
سؤال مهم .؟.:؟
الهدف ازاحة حكم البشير فقط .؟
طيب بعد البشير البيحصل شنو ؟
وبعدين البيحصل في العالم دا مرضيكم خالص ؟
طيب لماذا تمتلك امريكا واسرائيل مايحلو لها وغيرهم لا ؟
طيب وين العالم العربي الذي اصبح لا يسمع له صوت ؟
والعالم الاسلامي المحارب من مجرد ذكر كلمة اسلام ؟
هل يرضي ان تكون منقاداً لاسرائيل من دون ابداء اي تعنت .؟
اين بلاد الله ( السعودية ) من مايحصل لشعوب الاسلام ؟
الاقرب والاحب للسعوديين ايران ام اسرائيل ؟
والله دنيا عجيبة .
انتم المعارضون للبشير . ماذا انتم فاعلون بعده ؟
تطبيع العلاقات مع اسرائيل ؟
طيب ما الجدوي منها ؟
والقبور القبور هل نسيتوها ؟
لو دامت لدامت للرسول .
ولودامت لما آلت .
الحل في الجهاد المستمر حتي يقول الله كلمته .
(ولن ترضي عنك اليهود ولا النصاري حتي تتبع ملتهم )


ردود على ابو جاكوووومة 2
Sudan [الجقر] 11-06-2012 11:49 AM
كاك كاك كاك كاك كاك كاك كاك كاك كاك كاك كاك كاك كاك كاك كاك
الله لا بشرك
انت ما بتفهم
احنا مالنا ومال اسرائيل
جيناها ولا جاتنا
هبشناها براااااااانا
ابو مازن قال ما ح يسمح بإنتفاضة مسلحة مادام هو في السلطة
ديل اهلها ما دايرين يحاربوا اسرائيل
انتو مع شنو يا ناس قريعتي راحت
والبلديت تطوروا لانها بلاد عادلة للإنسان فيها قيمة كبيرة مش زيكم يا العبيد العاملين فيها عرب
العرب زايغين منكم وانتو متلصقين فيهم خليكم في اسلامكم ودينكم السمح وطبقوها صاح بنتقدم مش نجي بعد عشرات السنين نكتشف انو الدين والشريعة عندنا كانت دغمسة
يدغمس وشك ده
قال اب جاكومة
والله انت ابو الدرداق ما تنفع
قوم لف لفاك اللفاف
قال جهاد !!انتو الجهاد ده بس في السودان بس


#504121 [ابوشرا]
5.00/5 (1 صوت)

11-06-2012 03:12 AM
الاخ ثروت كل الاسباب التي قلتها منطقية ولكن ان يتفرعن بكري فهذا طبيعي في غياب الرئيس ولا انت من صحفي علي عثمان وتتبع الي لوبي الصهاينة الضالعين في تدمير الدولة ولهم اليد العليا في ضربة اليرموك _فانت تبدا المضوع وتدس ماتريده دسا فاموركم كلها مكشوفة وان شاء الله البلد عصية علي التقسيم الذي ان علمت ام لم تعلم ام لم تعلم فانت تكتب لمن يريدون تقسيم السودان وهم في السلطة ولكن بدات امورهم في الظهور


#504099 [شاي العصر]
3.00/5 (1 صوت)

11-06-2012 03:00 AM
يا ثروت باشا يا أباظة يا فريد شوقي
يعني عملت شنو..؟؟؟؟امبارح انتقدت خالد ابواحمد باسم (شاي العصر) وبذات الطريقة اللي رديت بيها على مصطفى سري وباسماء مستعارة وقعدت تمدح في نفسك انا أحسن كاتب وانا وأنا..بختك يا اخوي..
وهسى جيت عدلت معلومة علي كرتي وكأن ما حصل حاجة..!!!!!!!!!!!!!!!!!!!!!.
انت مفتكر قراء الراكوبة ديل همج ساكن وناس رجرجة وما فهموا حاجة..عشان كده مما تنزل مقالك تجيك الشتائم واللعنات من كل الاتجاهات لأنك ما بتحترم القراء.
اوكي خليك على كده


ردود على شاي العصر
Malaysia [مخلصة] 11-07-2012 12:24 AM
عليك الله ديل لو بحترموا القراء بتهكموا على الناس وبشمتوا في المرضى ؟ياخي كلنا بنمرض انت بتمرض وانا بمرض وامك واهلك. هل معنى ذلك نحن جناة وربنا يريد منا الانتقام؟ يا اخوتي اعلموا انه اشد الناس بلاء الانبياء والذين يلونهم اعني ما كل مرض هو انتقام من الله ودي سياسة الواحد بيخطي وسصيب واقول لك حتى سيدنا عثمان الذي اشترى بئر رومة وسقى واطعم لم يسلم من السن السفهاء


#503883 [BAHAR ABU ALKUL]
4.50/5 (2 صوت)

11-06-2012 12:36 AM
سؤال أخ ثروت عن مصدر المعلومة الخاصة بإقامة سفارة دولة الجنوب في القدس المحتلة من أين لك هذه المعلومة ولماذا أحس بأنها حشرت حشرا في صدر هذا المقال ياأخي رجاء توخي الدقة في إيراد مثل هذه المعلومات التي يشتم رائحة الخبث فيها وسؤ الغرض والتعرض بإخوتنا في الجنوب وزيادة طابق في الحاجز النفسي بيننا وبينهم بدلا من هدمه لأنك تعلم تماما عاطفيتنا تجاه القضية الفلسطينية ومكانة القدس في قلوبنا.


#503869 [شخلول]
3.00/5 (2 صوت)

11-06-2012 12:28 AM
بتاعين كلام وحتظلوا لاخر عمركم بالطريقة دي والله البشير كتير عليكم


ردود على شخلول
[hosaam] 11-06-2012 03:22 AM
اللهم اهلك الظالمين بلظالمين واخرجنا من بينهم سالمين


#503844 [بيف مسالا]
5.00/5 (3 صوت)

11-06-2012 12:12 AM
في هذا السياق ، تدهورت فجأة الحالة الصحية ، هذا الأسبوع ، للرئيس البشير ، ويجد صعوبة في البلع ، دعك من الكلام . وكان قد زار الرئيس البشير السيدة الفضلي قرينته الصغري في مستشفي السلاح الطبي في أمدرمان الأسبوع الماضي ، حيث حلت مستشفية من تسمم في الطعام ؟ ولم يمكث معها سوي بضع دقائق ؟

(( الله لا كسب محنك يا ثروت قاسم ،، بتجيب المعلومات دي من وين،، فعلا الخرطوم مدينة لا تعرف الاسرار رغم كبرها))...... مقال رشيق ومليان وأسلوب جديد مخالف للسرد الصحفي الرتيب، وتناول لبعض المعلومات الهامة وإستدلالات باسلوب ظريف غير مخل بجدية المقال ((( رددت عنقالية من نواحي جرجيرة في دارفور الاية 78 في سورة النساء))،،، كثيرون لا يعلمون أن هناك منطقة اسمها جرجيرة في دارفور ولكنك أوردت الاية على لسان هذه المرأة المفترضة فقدمت معلومة للقارئ ،،،


#503830 [هارون]
5.00/5 (12 صوت)

11-06-2012 12:01 AM
الاخ العزيز/ بكري حسن صالح المقنطر
رئيس الجمهورية بالانابة
رئاسة الجمهورية
السلام عليكم ورحمة الله وبركاته
وبعـــــــد:-
لا يخفى عليكم ما الات اليه حالتي الصحية وخاصة حنجرتي التي ظللت اجعجع بها طوال الـ 23 عاما الماضية وتعلمون اهمية الجعجعة في استمرار الحكم حيث انني ظللت ابشر الشعب السوداني برغد العيش والحياة الكريمة وكان في كل مرة يصدقني هذا الشعب المغفل حتى استمريت في الحكم لهذه الفترة الطويلة. والان اصابني مكروه في سلاحي الوحيد للاستمرار في الحكم الا وهو حنجرتي - فقررت الذهاب الي السعودية لسببين:الاول هو طمأنة القيادة السعودية بان السودان لا تربطه علاقات استراتيجية مع ايران وان ارسالها للسفينتين الحربيتين الي بورتسودان كان دون اي طلب من السودان. والسبب الثاني: تلقي العلاج في المستشفيات السعودية لاظهار ثقتي وولائي الي حكومة خادم الحرمين وبالتالي ازالة الحرج الذي سببته لنا ايران.
ولا يفوت عليكم عدم ثقتي في النائبين الطامعين في الحكم:علي عثمان والحاج ادم- لذا رأيت في شخصكم خير من يتولى مهامي الي حين عودتي او استمراركم في حال مجاورتي وارجو ان تطمئن الشعب باني رغم فقدان صوتي الا انني مازلت قادر على الرقص بشكل افضل من اي وقت مضي وان البومي الجديد سوف ينزل الاسواق قريباوسوف يكون بعنوان "اداء صامت".
اخوكم الجعجاع/ عمر حسن احمد البشير


ردود على هارون
India [ابو القدح] 11-06-2012 04:27 AM
عافي منك وريتنا لكن


#503808 [عوض كدودة]
5.00/5 (3 صوت)

11-05-2012 11:43 PM
تعديل / ياسلام عليك ياثروت ياعنيد رغم الشجب والإنتقاد إلا أنك شامخ كالطودمعارض من الطراز المميز بدون يأس ومقاتل شرس على الدوامكما عهدناك واصل كفاحك ودوس للنهاية الجماعة قربوا والبلابيط بدت تظهر . نائب الرئيس قال نقاتل إسرائيل بالسواطير . نامت نواطير مصر عن ثعالبها .. عساكر الجيش بقوا ينوموا من الساعة تسعة من الفلس ونقص الفيتامينات وهم المعايش لأولادهم العيش واللحمة والسكر.. قال لى الجزار أدينى لحمة قال ليهو كيلوا قال ليهو لا أدينى مسكول يعنى شمومة على الريحة وقس على ذلك ماتسمع الجعجعة لو دخل الخرطوم أبو العفين بستلمها..الجماعة منشقين فيما بينهم .. مبسوط منك وبعدين بعرس ليك *********** ولاأى واحدة تعزلها.


#503783 [عوض كدودة]
5.00/5 (3 صوت)

11-05-2012 11:22 PM
ياسلام عليك ياثروت ياعنيد رغم الشجب والإنتقاد إلا أنك شامخ كالطودمعرض من الطراز المميز بدون يأس ومقاتل شرس على الدوام واصل كفاحك ودوس للنهاية الجماعة قربوا والبلابيط بدت تظهر . نائب الرئيس قال نقاتل إسرائيل بالسواطير . انمت نواطير مصر عن ثعالبها .. عساكر الجيش بقوا ينوموا من الساعة تسعة من الفلس ونقضص الفيتامينات وهم المعايش لأولادهم العيش واللحمة .. قال لى الجزار أدينى لحمة قال ليهو كيلوا قال ليهو لا أدينى مسكول يعنى شمومة على الريحة وقس على ذلك ماتسمع الجعجعة لو دخل الخرطوم أبو العفين ....واحدة بستلمهاالجماعة منشقين فيما بينهم .


#503760 [Heron]
5.00/5 (1 صوت)

11-05-2012 11:11 PM
الله المستعان.ياحليلك يا بلدنا


#503739 [هدهد]
5.00/5 (4 صوت)

11-05-2012 10:55 PM
لا شماتة فى المرض والموت والموت آت لا محالة لكن المصيبة الكبيرة كيف يكون استقبال الملكين لهذا السفاح فى القبر وماذا يقول لهماا فى حق هذه الرعية التى اشقاها واكل اموالها بالباطل ؟؟ قتل دمار اعدامات تعذيب وضرب للمتظاهرين والطلاب . لقد اسرفت ايها البشير الشرير فى الظلم وغرقت فيه حتى حلمات اذنيك فويل لك من عذاب القبر وعذاب لظى . يمهل ولا يهمل .


#503721 [ابو مازن]
4.00/5 (1 صوت)

11-05-2012 10:42 PM
ما عارف كلام ثروت دة وطريقتو بتذكرني بي يونس محمود جعجاع الثورة في التسعينات


#503712 [غلطة سراي]
0.00/5 (0 صوت)

11-05-2012 10:27 PM
لازم تتطور شوية يا ثروت ومهما يكون كلامك صحيح لو ما كتبت بلغة احترافية حيكون شكلك هاوي متهجم على الصحافة او تلميذ ثانوي عام بكتب مقال انشاء

حصل ليك تتطور من حيث الموضوع ولكنعندك مشكلة في العرض
اسمع كلام الببكيك الاسلوب مهم وخلي الكلام الساي واكتب بمهنية عشان تحسب صحفي


ردود على غلطة سراي
Sudan [الجقر] 11-06-2012 11:54 AM
اسمها همباتة

Saudi Arabia [ثورة محمية بالسلاح ( كاودا وبس)] 11-06-2012 12:10 AM
يا أنت (غلطة ساي)

ثروت كاتب مُميز زمخضرم وهو في خط الدفاع الأول ضد الحرامية والهنباته مثلك يا كلب والكلام حرقك ... أسمع يا كلب الدفاع الالتروني خلاص الفلم أنتهى والبشير باي باي وعصابتكم بقت تأكل بعضها وحق المساكين مُررررررررر وأنت شوف ليك لقمة نظيفة يا وسخ وخليك راجل وأبعد نفسك من العصابة التي باعت الوطن ... هل تعلم أن حلايب + شلاتين + أوسيف + أبو رماد تم بيعها لمصر بـــــ 6 مليار دولار دفعتها البعبوصة قطر وماهو رأيك في ضياع الجنوب والنيرانالمولعة في دارفور والنيل الازرق وكردفات ولسه عينكم قوية ياعديمي الوطنية أنتم ضيعتم الوطن وأنتم العملاء الكذابين بسام الدين يا حارمية ... وقت الحساب جاء ومافي داعي للجقلبة أبقوا رجال وكلم معاك نافع وخليه يركز ويلحس كوعو عشرة مرات يا معفن يا كلب ... نحن سوف نشرب دمكم يا مصاصي الدماء

Saudi Arabia [ثورة محمية بالسلاح ( كاودا وبس)] 11-06-2012 12:05 AM
يا أنت (غلطة ساي)

ثروت كاتب مُميز زمخضرم وهو في خط الدفاع الأول ضد الحرامية والهنباته مثلك يا كلب والكلام حرقك ... أسمع يا كلب الدفاع الالتروني خلاص الفلم أنتهى والبشير باي باي وعصابتكم بقت تأكل بعضها وحق المساكين مُررررررررر وأنت شوف ليك لقمة نظيفة يا وسخ وخليك راجل وأبعد نفسك من العصابة التي باعت الوطن ... هل تعلم أن حلايب + شلاتين + أوسيف + أبو رماد تم بيعها لمصر بـــــ 6 مليار دولار دفعتها البعبوصة قطر وماهو رأيك في ضياع الجنوب والنيرانالمولعة في دارفور والنيل الازرق وكردفات ولسه عينكم قوية ياعديمي الوطنية أنتم ضيعتم الوطن وأنتم العملاء الكذابين بسام الدين يا حارمية ... وقت الحساب جاء ومافي داعي للجقلبة أبقوا رجال وكلم معاك نافع وخليه يركز ويلحس كوعو عشرة مرات يا معفن يا كلب ... نحن سوف نشرب دمكم يا مصاصي الدماء


#503683 [مظلوم]
5.00/5 (1 صوت)

11-05-2012 09:21 PM
يا ثروتمع احترامي ليك
لكن كلامك ده فاضي سآكت .. يا أخوي أنا على علم بالسياسة .. وقمت بمقارنةما حللته انت مع ما موجود من معطيات وردود افعال بعد الضربة ووجدت ان تحليلك عبارة عن تنظير لخم الناس


#503656 [محب لعمر البشير]
5.00/5 (4 صوت)

11-05-2012 07:42 PM
يا جماعة هوي من اسي الزول كان مات انشاء اللة انا مرتوا حاجزة و خاتي طوبتي. بعدين ماتقولوا سيك و ميك.


ردود على محب لعمر البشير
Canada [محب لعمر البشير] 11-06-2012 12:54 PM
ابونديبو
انا غيرت رائي مش لانها دهب الجعوليين بس لانها مرة منحوسة. كتلت الراجل الاول والتاني كبير الجعليين و كبير الرقاصيين عملت ليهو و جع حلقوم. لا لا لا دي مرا منحوسة. عرسوها انتوا.

Canada [محب لعمر البشير] 11-06-2012 05:03 AM
ههههههه يا مغترب نحنا شكلنا حنضارب .

[ابونديبو] 11-06-2012 04:09 AM
يا محب تحجز منو ؟؟؟؟؟؟ انت فاكرها بايرة ولا القطر فاتها ؟؟؟؟انحنا أولاد جعل ما بنرمي
دهبنا في الواطة للغاشي والماشي ، زمان أديناها الشهيد ومن بعده أديناها كبير الجعليين
ودلوقتي لو الرئيس جاور النبي ، مرتنا بنديها لمن لايقل عن الرئيس وطبعاً ده معدوم وما شايفنه

Saudi Arabia [مغترب] 11-06-2012 01:47 AM
يازول انا رامى عودى من عمنول دحين زح من المره

Saudi Arabia [النوبي] 11-06-2012 01:02 AM
مرتو ياتا فيهن فطومة؟؟؟


#503646 [saeed]
5.00/5 (1 صوت)

11-05-2012 06:20 PM
اشاء الله حق المساكين الظلمهم هذا المجرم لن يروح سدأ وكل الارواح الاسحقها هذا المجرم باقية في رقبته الي يوم الدين والتنكر باسم الاسلام والدين دي كلها كفيله بهلاكه يوما ما باذن الله تعالي


#503641 [ربكاوى]
5.00/5 (5 صوت)

11-05-2012 06:00 PM
البشير مصاب بورم فى الحبال الصوتية يسمى بـ(ورم المطربين)أو بالانجليزية (Singers'nodule)والاسم العلمى هو ( CHORDITIS NODOSA)،ورغم ان الورم حميد الا ان علاجه صعب ويستغرق وقتا طويلا، وللجراجة تعقيدات كثيرة منها احتمال اصابة المريض ببحة مزمنة او فقدان الصوت بشكل نهائى،ولقد تسبب هذا المرض فى اعتزال عدد من المطربين المشهورين فى العالم للغناء بعد فقدانهم لجمال اصواتهم. عموما ربما لا يتمكن البشير فى وقت قريب من استخدام صوته، خصوصا بعد عودة الورم مرة اخرى بعد إزالته بعملية جراحية، نسبة لعدم إلتزام البشير بتعليمات الاطباء وعلى رأسها التوقف عن التدخين خاصة (البنقو) والامتناع عن الكلام الا للضرورة.


ردود على ربكاوى
United States [sama] 11-07-2012 07:04 AM
ياأخوى التحليل كان ماشى كويس جدا لكن قصة (البنقو) دى أنا ما بوافقك فيها قالوا البقرة لما تقع بتكثر سكاكينها


#503634 [زول عااااادي]
5.00/5 (5 صوت)

11-05-2012 05:30 PM
المجرم البشير مصاب بسرطان في الحلق وهو نفس المرض الذي قتل احمد علي الامام الذي منعه الله من نعكة الكلام في اواخر عمره لحكمة يعلمها الله وهو نفس الحلقوم الذي يفتي به للسلطان سنوات عددا ويارب ياخدو الليلة قبل بكرة


ردود على زول عااااادي
United States [sama] 11-07-2012 08:11 AM
لو كان الكلام دا صحيح و عنده نفس المرض القصة بتكون عظة و عبره من رب العالمين الحى القيوم للحلاقيم البتبولع بإسم الدين ليل نهار و بعدين قصة زوجته المريضة بتسمم غذائى و الله دى فضيحة إذا كانت زوجة الرئيس بتاكل أكل فيه بكتريا لدرجة ترقد فى المستشفى وطبعا هاك ياطراش و هاك يا إسهال و هاك يا دربات ماذا تفعل بقية الشعب الجيعان العطشان البشرب فى الموية الفيها ديدان و حشرات وريحتها مثل ريحة البالوعة

Malaysia [مخلصة] 11-07-2012 03:20 AM
كمان حتى احمد علي الامام الله لا تريحكم و الله من وراء القصد


#503633 [Radar]
4.75/5 (3 صوت)

11-05-2012 05:24 PM
I handed to you this time most of your comments have some truth. concerning the throat of the president I think this is more than a regular tumor.
keep feeding us with this encouraging news .we want those people gone


#503609 [ود قلبا]
5.00/5 (2 صوت)

11-05-2012 03:51 PM
وهي بالمحصلة اجتهادات ، قد تخطئ أوتصيب : لا بد لى ان اهنئك هذه المرة وهذا ما قصدته الاجتهاد الشخصى وليس نقل اجتهادات الاخرين .هذه اول مرة لا اجد روابطا بكتابتك وهى ملاحظة جديرة بالاهتمام.مزيدا من التفدم والاجتهاد .


#503608 [علينتود]
4.00/5 (3 صوت)

11-05-2012 03:50 PM
ظل الجمع يردد جعل الله كيد الانقاذ فى نحرها ...........
اللهم لك الحمد يا مجيب الدعوات اللهم اجعل بأسهم بينهم و قادر يا كريم
قالوا اسلاميين قالوا يمكروا على مين...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#503603 [huwidah]
5.00/5 (1 صوت)

11-05-2012 03:39 PM
سمعت من مصدر موثوق به بقوات الشعب وكوز كبير انه كان من المفترض ان يكون البشير علي راس القوة التي تحتل القيادة عند وقوع الانقلاب ولكنه جبن وادعي ان اطار سيارته العتيقة في حاجة لتبديل ولبد قرب البكري مدعيا اصلاح الاطار .... حتي اتته الاكيدة من بكري جسن صالح انو القيادة استسلمت ..لهذا البشير لا يفرط في بكري لانهم دافننو سوا...واكان فرنب بكري الساطل دايما - بعلم الريس - حيفضحوا...

رب ضارة نافعة جربنا كل شي فيها ايه لو جربنا ريس مسطول


ردود على huwidah
Saudi Arabia [شمالي جدا] 11-06-2012 11:32 PM
يا Sudani 2 ما تقعد تلف وتدّور، مرة ود نوبة ومرة شايقي، جاغوم قال ليك خلينا من المك نمر، انت رجالتك وينها مع الجماعة ديل !! تتهم المك نمر بالهروب للحبشة القريبة دي، وناسي نفسك انك شارد للقطب الشمالي. !! عالم تخاف ما تختشيش .

Canada [ود النوبة] 11-06-2012 05:22 AM
فعلا البادي اظلم و انتوا البادين.

Canada [الشايقي] 11-06-2012 05:13 AM
جاغوم. اول شي خليل دا المنو البتتكلم عنوا. لو بتقصد خليل ابراهيم بما اني ما بكرة الزول دا لكن بحترموا لانوا علي الاقل مات موتة رجال ما زي جدك المك نمر جري للحبشة. والكلام دا عجباك ما دا تاريخ. و بعدين تتعاطف مع الانقاذ ما تتعاطف دي حاجة تبخصك انت.

Saudi Arabia [جاغوم] 11-06-2012 02:35 AM
بسبب مثل هذه التعليقات، ينحاز البعض للانقاذ حتى ولو كانت شيطانا رجيما. هسي اللي جاب الجعليين و المك نمر هنا شنو ؟ ما تخليك في مشكلة اللي (دارشنك) ربع قرن ديل.. ولو عندك رجالة سويها معاهم بدل اتهام المك نمر بالجبن. هل تعلم كم استغرقت هجرة (هروب) المك نمر الى الحبشة، وكم كان معه من الرجال والنساء، انت فاكرو خت قميصو في خشمو وشال نعالتو في أيديهو وقام (صوف) زي (زولك) خليل الذي قطع المسافة من تخوم امدرمات الى حدود تشاد في ساعات وليس أيام. نخوض في نتانة العنصرية مرغمين والبادئ أظلم.

Canada [Sudani 2] 11-05-2012 07:47 PM
دي معلومات خطيرة جدا جدا. هما بيني و بينك الجعليين كلهم كدا من جدهم المك نمر وكت الحارة بيقوموا جارين. و وكت تبرد يجوكي يقدلوا و يقولا هلا هلا.


#503597 [huwidah]
5.00/5 (2 صوت)

11-05-2012 03:21 PM
الهالك جسني مبارك
المرحوم قوش
no comment


#503579 [Petro]
5.00/5 (1 صوت)

11-05-2012 02:21 PM
والله فعلا اسرائيل بقي حضرة صول في المنطقة


#503561 [Um Dur]
4.32/5 (8 صوت)

11-05-2012 01:50 PM
ممتاز اخ ثروت سدد الله خطاك ، الرجا عدم الانقطاع عن الكتابة.


#503538 [حليم-براغ]
4.88/5 (4 صوت)

11-05-2012 01:10 PM
البشير يا ثروت قاسم جعلي مابيعرف الخوف ..لا من فرنسا ولا من إسرائيل ولا من أوكمبو..راجل بيعرف ربنا ومشي أولا يزور قبر الرسول وقبور الصحابة وبسلم علي خادم الحرمين وبيرجع بلقه كلابوه البيأكلهم وبشيربهم منتظرينوه في المطار لا نو ماعندهم غير البشير وكان البشير راح هم راحوا في شبر موية..ربنا يقف بيكم الأرض يا أخوان الشيطان ..قولوه إن شاء الله.


ردود على حليم-براغ
[البعاتى] 11-06-2012 09:50 AM
دعوها فانها منتنة.. صدق الرسول الكريم (ص)

Saudi Arabia [كبسور] 11-05-2012 10:26 PM
قال شنو البشير جعلي ما بخااااااااااااااف يا عمك جدكم المك نمر مرق في المتمة بتاعة الحبشة اوعه تكون مفتكر انو مشى هناك رحلة علمية او مبتعث عشان يعمل ليو ماجستير ...فكنا من الجعجة بتاعة الجعلييين دي وكدي خلي البشير يمرق يمش يتعالج في المانيا طوالي بتكلبش يا حبيبي ده حق ناس ده ظلم ونهاية الظالم معروفة قال جعلي قال

[sudan.gov] 11-05-2012 04:08 PM
انا جعلي من قوز المطرق حكاية الخوف دي بالله خلينا منها لانو الشعب السوداني خواف بطبعو-مثال لكدا امشي المؤسسات النظامية كمواطن شوف الحقارة والظلم البمارسوهو النظاميين بحقك وممكن عادي عسيكير صغير ينهر صف كامل وزول يقول ليهو بغم ماف وعليك الله ايام قالو في مظاهرات شفت الناس بتجري من خراطيش -والله انتو كان رئيسكم بشار الاسد كان جريتوا عرايا امشي ياوهم جعلي وشايقي فوراوي نوباوي ادروب والله انتو برا بلدكم ماتسووا شي بدون اخلاق وعلم وزي مابقولو امنا حواء ولادة وبعدين هو كان ماخايف من اوكامبو الله يخليهو لينا ماكان يمشي تركيا هههههه

Sudan [ابو اسر] 11-05-2012 03:54 PM
لانو ما بيخاف الله و الما بخاف الله خافو

Netherlands [mohammed] 11-05-2012 03:35 PM
نهر النيل
عاشق السودان
**************
لن اخوض كما خضت ولكن اكتب لنا حسنة واحدة فعلها هذا الذي تمدحه
واقنعنا بالحجة والدليل إنت شايت وين يامتخلف إنك تحلق خاوج السرب
وباين عليك واحد بتاع طبلة يعني مطبلاتي جبان وماعندك شرف ياهبنقة
طز فيك وفي البشكير

Switzerland [RBG] 11-05-2012 02:49 PM
فعلآ البشير ما بخاف حتى من الخلقو, لأنو قتل شعبه


#503529 [shah]
5.00/5 (2 صوت)

11-05-2012 12:55 PM
إذا كانت هنالك فعلا إلتهابات مزمنة - وليس سرطانا - فى حلق هذا المجرم تمنعه من الكلام والبلع فلابد أن ذلك هوإلتهاب الكانديدا المزمن المصاحب لمتلازمة الأيدز.


ردود على shah
[حاتم] 11-06-2012 12:09 AM
هههههههههههههههه دي قويه ... تشخيص قوي يا شاه القصر الجمهوري عليهو التاكيد او النفي. المهم في كلام الاخ ثروت اننا نحن فى السودان دوله تعبانه وجربوعه لازم نعترف كلنا كمواطنيين و سياسيين بذلك لان السودان دايما ملطشه العرب والغرب والافارقه ونخت الكوره فى الواطه نصلح بيتنا الداخلي بمجتمع حر ديمقراطي متساوي نتكلم عن تعليمنا وصحتنا وبنيتنا الاساسيه وشوارعنا بعد 100 او 200 سنه اليجي اولادنا يتكلمو عن السياسه الخارجيه والحاجات الكبيره دي لازم اي مواطن لو مع الموتمر الوطني(الحركه الاسلاميه ) او ضده يقتنع اقتناع اصيل بالديمقراطيه ومجتمع الحرية الكامل غير المنقوص من اي طرف تحت اي بند او ايديلوجيه دينيه او سياسيه

Sudan [waiel hasan] 11-05-2012 10:42 PM
ده كلو من اللعلعه الكتيره والكضب الكتير

United States [شاز افاق رقم 1] 11-05-2012 03:34 PM
يا راجل متلازمةايدزززززززززززززززززز
دما مرض الجقمسة زاتو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.60/10 (10 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة