قال تعايش الديانات أقباط و انت قدرت تتعايش مع المسلمين ؟

القلوب بقت كعبه والثقة انتهت بنرجع كما كنا بس بشرط حاكم وطنى وأمين وعقاب لكل مخطئ انت غلطان ومن الجماعة ديل وادنت فى أى شىء من حقك رصاصة واحدة حفاظا ً لمال الدولة لانه الرصاص بقروش ومافى انصلآح من غير تطهير دموى والدين البنعرفه لما كنا عيال سنة انشاء السودان ده المطلوب وداك الجامع العائز دين امشىء المسجد اما غير الجامع البلد للجميع مع وجود دستور يحفظ لكل صاحب ديانة حقوقه امام القانون واللون وغيره لاتفرق بيننا

ي هذه السانحة أدعو الحركة الإسلامية وكل الجماعات الإسلامية والدينية إلى:
1. تقوية نسيج المجتمع السودانى بتعميق قيم التدين وتحصين الشباب والناشئة ضد غازيات الثقافة الغربية المادية.
2. مواجهة الاختراق الهدام الذى يسعى لاشعال نار العصبية والجهوية والقبلية لزرع الفتن.
3. تأهيل وتدريب الدعاة وتوسيع نطاق التوعية في المجتمعات الريفية.


الغريبة انك يا البشير كرست جهدك للعمل ضد هذه الاشياء ومزقت المجتمع السوداني الكان متماسك اصلا

وتكفيك دار المايقوما التي لم نعرفها ولم نسمع بها الا في عهدك المشئوم

الاختراق جبتوه لنفسكم براكم جوعتوا الناس حتى خليتهم بقوا عملاء لاسرائيل وغيرها كي يعيشوا بسياساتك الغبية (التمكين) والتشريد من الخدمة المدنية وكأنك مسئول عن مجرمي المؤتمر العفني ونسيت انك ظل الله في ارض السودان وان الله سوف يسألك عن الدواب والشجر دعك عن الانسان

سياساتك الغبية تنفذ الاجندة الغربية والاسرائيلية بالقبليةو العنصرية التي جلبتها لنا

أي دعاة الذين تنوي تدريبهم لقد ضيعت اخلاق الناس ضيعك الله في الدنيا والاخرة (انما الامم الاخلاق ما بقيت فان هم ذهبت اخلاقهم ذهبوا)


دائما تقول ما لا تفعل

اليس هذا هو النفاق بعينه ؟

يا شقيق ابوجهل وابن سلول ؟


لقد خسرتك اخرتك ودنياك بقبولك للصوص المؤتمر العفني وتنفيذ سياساتهم ونسيت ان الله سوف يسألك سؤالا مراً في القبر ويوم القيامة ووقتها لن تجد كلاب الامن كي يدافعوا عنك ولن تجد كلاب المؤتمر الوطني ولا الترابي رأس الحية وامامك اعمالك والجنة والنار

ضيعوك وتيسوك المنافقين وضيعت الناس والبلد والزرع والضرع ضيعكم الله جميعا يوم القيامة

والله أنا مسيحى وبتذكر ونحن صغار وفى أيام إجازات المدارس كنا كلنا أولاد الحى بالتحديد الشجرة (الخرطوم)بنمشى الخلوة وحتى أبوى كان عارف الكلام بس الناس كانوا حاجة واحدة وبنحب بعض وبنخاف على بعض وبنت الجيران كانت أكتر من الأخت وبنت الحلة برضوا فدى كانت حاجات لامن قمنا لقيناها كدا.
بس من جاء ناس الإسلام السياسى ديل قلبوا اى حاجة معكوسة إلا بس جرى موية النيل الوحيد الما قدروا ليهو فحرب الجنوب كانت مشكلة سياسية فى المقام الأول وكانت قرب الحل من دون الإنفصال بس ناس الحور العين والجنة والقرود بتقاتل معاهم قلبوا الشىء السياسى دا لحرب مقدس وإنو البيموت فى الجنوب شهيد ومعه 72 ولا كم كدا ماشين معه الجنة.
وآخر المطاف شنو وبسبب السلطة وعلشان يستمروا فى السلطة فضلوا فصل الجنوب حتى أيام المفاوضات فى التسعينات رفضو الكونفيدالية.
حسى عليكم الله خلوا الشعب السودانى دا يعرف راحة شوية بس يمرق من حرب لحرب تانى والى متى ذلك؟؟؟
الحمدلله نحن شوية مرقنا من ناس الإسلام السياسى ديل لان فى بيت أى جنوب فى كل الأديان والناس عايشة فى أمن وأمان.
وأخيراً نطلب من المولى عز وجل أن يفك قيود الشعب السودانى ويعم السلام ربوع دولتا السودان لكى نبدأ ونضع جهودنا وكل الأموال للتنمية بدلاً عن شراء السلاح لقتل إخوة لنا.
ومشكوريين ناس الراكوبة لأن بالفعل هى الظل الذى يجد كل شخص فيها راحته

الخطاب دا كان بنغمة و لا سايلانت ؟

و دا قراهوا بي صوته الرايح دا ولا بي لغة الاشارة

والله يا الراكوبه بت بالغوا اصلو قال معلقة قاطعنا كل الأجهزة المرئية والسمعية والمقروة من اجل عيونة تركبوا معلقته لنا شبعنا من درره

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش

الاكثر مشاهدةً/ق