الأخبار
منوعات
حواء الطقطاقة في ذمة الله ... تم التشييع من منزل الازهري (شاهد الصورة)
حواء الطقطاقة في ذمة الله ... تم التشييع من منزل الازهري (شاهد الصورة)
حواء الطقطاقة في ذمة الله ... تم التشييع من منزل الازهري (شاهد الصورة)


12-10-2012 12:17 PM
توفيت مساء امس الفنانة حواء جاه الرسول محمد الطائف الشهيرة بـ (الطقطاقة ) عن عمر اقترب من الـ 90 عاما
بعد مسيرة فنية ونضالية عامرة بدأت منذ أيام مواجهتها للاستعمار الإنجليزي وهي في سن مبكرة، وتعد حواء هي الأم الروحية لما يعرف بأغاني البنات في البلاد.

ولدت حواء في منطقة الرهد أبو دكنة بولاية شمال كردفان في العام 1926م، وانتقلت إلى الخرطوم منذ وقت باكر، وأصبحت منذ ذلك الحين وعمرها (14) عاماً فنانة تغني في بيوت الأعراس.

وانضمت الطقطاقة إلى النضال ضد المستعمر الإنجليزي، إلى أن تم استقلال السودان في العام 1956، حيث ارتدت في ذلك اليوم ثوباً يحمل ألوان أول علم وطني، ولا يزال العلم يرفرف عالياً على مدخل منزلها بحي الضباط في العاصمة الوطنية أم درمان.
واعتقلت من قبل الاستعمار وتم نفيها إلى مدينة بربر في ولاية نهر النيل، وأطلق عليها المفتش الإنجليزي في أيام الاستعمار لقب (الطقطاقة)، نسبة لوجودها في جميع التظاهرات التي خرجت في ذلك الوقت بكل مدن العاصمة الثلاث، الخرطوم وبحري وأمدرمان.

هذا وقد تم تشييع المرحومة من منزل اسماعيل الأزهري
image

نسال الله لها الرحمة والمغفرة وانا لله وانا اليه راجعون



تعليقات 72 | إهداء 2 | زيارات 21746


صفحة 1 من 212>
التعليقات
#543907 [samra]
0.00/5 (0 صوت)

12-25-2012 04:24 PM
اللهم ارحمها واغفر لها وادخلها واسع رحمتك يارحيم


#536837 [نادريوسف]
3.25/5 (3 صوت)

12-16-2012 11:01 AM
اللهم ارحمه واغفرله وسكنه فسيح جنتك


#536356 [عكر]
3.00/5 (1 صوت)

12-15-2012 03:17 PM
اللهم ارحم الحاجةوالوالدة امنا حواء الطقطاقة واحسن اليها بقدر ماقدمت وناضلة من اجل السودان


#534528 [دوشكا]
2.01/5 (21 صوت)

12-12-2012 02:26 PM
وبشر الصابرين الذين إذا أصابتم مصيبة قاوا إنا لله وإنا إلية راجعون
المرحومة الحاجة حواء الطقطاقة لها الرحمة والمغفرة واسكنها فسيح جناتة مع الصديقين والشهداء اولئك رفيقاً خالص التعازي لآسرته ( إنا لله وإنا إلية راجعون )


#533919 [خالد]
3.25/5 (16 صوت)

12-11-2012 08:40 PM
اللهم إرحمها وأغفر لها ماتقدم وما تأخر من ذنبها وتقبلها عندك قبولاً حسناً


#533694 [عبد القادر]
1.76/5 (17 صوت)

12-11-2012 03:22 PM
انا لله و انا اليه راجعون
اللهم ان كانت محسنة فزد فى احسانها و ان كانت مسيئة فتجاوز عن سيئاتها


#533681 [حرقة وألم]
1.68/5 (11 صوت)

12-11-2012 02:51 PM
اللهم إن كانت محسنة فزدها احساناً وإن كانت مسيئة فتجاوز عن سيئاتها، اللهم وسّع مدخلها، اللهم أكرم نزلها، اللهم لا تحرمنا أجرها ولا تفتنا بعدها.


#533345 [المهضرب]
2.74/5 (14 صوت)

12-11-2012 09:30 AM
اللهم ربي ارحمها واغفر لها واسكنها فسيح جناتك


#533326 [كمال الدين]
2.46/5 (18 صوت)

12-11-2012 09:18 AM
اللهم اغفر لها وارحمهاواجعل الجنة مثواها


#533148 [ABDALLA]
1.87/5 (17 صوت)

12-11-2012 06:35 AM
ربنا يرحمها ويجعلها من اهل الجنة ، لقد تاسفت عليها ، كانت تستحق جنازة تليق بيها ومن حقها فى جنازة عسكرية ومهيبة كمان لكن مع ...... والله بلاش ؟؟ ربنا يتغمضها برحمته


#533131 [Al prof ]]
4.33/5 (17 صوت)

12-11-2012 05:40 AM
نسأل الله لها الغفرة ، لكن المحيرني وين الرجال ، عدد الحريم أكتر منهمز


#533077 [عمر]
3.12/5 (29 صوت)

12-11-2012 12:24 AM
ياجماعة ارجو ان يتصدر هذا التعليق التعليقات فقط لاننى ارجو الاجابه
اين هو ذلك الرجل خفيف الدم الظريف الذى يسمى الخزين ؟ كنت اشاهده فى سوق ابو جنزير شايل خريتو وينكت....
هو من اول من عرضو الانغاذ بصراحه مره لقيتو مفرش شوال وقاعد جمب اكشاك ابو جنزير ويقول ( ياجماعه نحن شايفين النناس بتسمى الغذافى وعبد الناصر وعرفات والنتميرى لكين يطرشنى ماسمعت بى زول سمى الترابى ,,,, دجا دليل على اشنو ياخوانا والناس تموت ضحك ,,, مثل هولاء الغلابه المهمشين المحبوبين كلماتهم لديها وقع خاص ولايهابون السلطه لان الحياة والموت ما فارقا معاهم يتقبض يتسجن يضرب كل واحد
ارجو ان اعرف هل هو موجود؟


ردود على عمر
Israel [Basha] 01-09-2013 02:04 PM
ربنا يغر ليه ويرحمو ادعو له

United States [واحد من الناس] 12-11-2012 10:46 AM
الله يرحمهم ويغفر ليهم
الاخوان سامي وعمر وكل الشباب ليكم التحيه والله رجعتوا بينا لي زمن الخزين الجميل الله يرحمه كان زول خفيف الدم وصاحب طرفه انا كنت بمشي الليق في الخرطوم وملعب الديوم الشرقيه والساحه الشعبيه لو لقيت الخزين ما موجود بسيب الكوره وامشي واذكر تماما تعليقاته الظريفه ومقارنته بين حفل تكريم عبدالعظيم قاقارين وطارق احمد ادم الله يرحمه كان شخصيه محبوبه

United States [السنجاوي] 12-11-2012 10:14 AM
يا عمر الخزين مات ربنا يرحمه وهو أصلاً من سنجة وربنا يرحم حواء الطقطاقة وموتانا وموتى المسلمين ويرحمنا إذا ما صرنا إلى ما صاروا إليه

United States [سامي] 12-11-2012 08:17 AM
ياسلام عليك ياعمر والله ذكرتني شخصية لطيفة جدا اين الخزين والذي كان يسكن بالديوم الشرقية قرب الساحة وصال وجال ولكن البعد من السودان لسنوات طويلة وعدم وجودنا فى ارض الحدث . اضم صوتي الى صوتك ومافي حد سمي الترابي او البشير كمان فقط انور ونميري وقذافي ونجيب

United States [الجعلي] 12-11-2012 08:04 AM
اللهم اغفر وارحم حواء الطقطاقة ....

واللهم اغفر وارحم الخزين ..شيل ليهو الفاتحة يا عمر الراجل اتوفي من زمن
الخزين صاحب المقولة كل صباح بالسوق الافرنجي بالخرطوم "يا ناس انتو ماشين وين ...سوقوني معاكم محل ماماشين"


#533023 [Raoof alsudani]
2.12/5 (13 صوت)

12-10-2012 10:24 PM
اللهم أرحمها وأجعل الجنة مآواها أنها لحق رمز وطني سنفتقده كثيراً. وأقول لكل من تدعي الفن والتطريب أن أمثال هؤلاء هنّ من ملكن وجدان كل السودانيين أذ لم تسعي الا أن تري السودان في مكانه الطبيعي الرائد فكانت نقيبة لكل السودان


#533018 [عابرة سبيل]
2.37/5 (17 صوت)

12-10-2012 10:21 PM
رحمها الله واسكنها فسيح جناته مع الصديقين والشهداءو حسن اولئك رفيقا


#533009 [محجوب عبد المنعم حسن معني]
2.77/5 (24 صوت)

12-10-2012 10:13 PM
توفيت يوم الاثنين الفنانة حواء الطقطاقة وينطلق موكب تشييع جثمانها من منزلها بـ(حي الضباط) إلي مقابر حمد النيل إذ تقرر أن تواري الثري في تمام الساعة الثالثة من عصر يوم (الاثنين) خاصة وانها ملأت الساحة بمشاركتها في المناشط المجتمعية المختلفة التي تستدعي أن يكون موكب التشييع مهيباً ويليق بالمكانة الاجتماعية التي حازتها من خلال تلك المشاركات التي ظلت تقدمه في الفترة الزمنية الماضية.
فيما تعد الفنانة الراحلة حواء الطقطاقة من رمزاً من رموز بلادنا الفنية والغنائية بل والنضالية، فقد جاهدت ضد المستعمر الإنجليزي البغيض ولا تزال وصمة الشرف التي وصمها لها المستعمر تجسِّد وتحكي عن ذلك، كما تجسّد ملحمتها الوطنية ولاءها القومي وعزة وطنها.. العلم السوداني بألوانه القديمة يرفرف عالياً خفاقاً على مدخل منزلها.. وتعتبر الضيفة الأم الروحية للفن السوداني، فهي حلقة وصل ما بين زمن ماضي وزمن حاضر وزمن جاي، كما تعتبر إرثاً أصيلاً لتاريخ الفن السوداني الأصيل وما زالت تواصل مسيرتها العطائية الفنية بنفس الحماس والنشاط في كل المحافل والأنشطة.. التقيتها في افتتاحية المنتدى الثقافي لمحلية ام درمان، وكانت فكرة اللقاء، وسجلت لها زيارة لمنزلها بام درمان حي الضباط ووجدتها تحتفل مع جاراتها وصديقاتها باليوم العالمي للمرأة وما بين حلاوة قهوة العصاري والبن المعتّق خرجت كلمات ونستنا هذه مع ضيفتنا الفنانة المناضلة حواء الطقطاقة..

* أول حاجة يا «الطقطاقة» ورينا اسمك الحقيقي؟
- أنا اسمي حواء جاه الرسول محمد حمد.
* انت أصلاً من وين؟
- أنا من مواليد الرهد ابو دكنة ولاية شمال كردفان، لكن والدي جاه الرسول من العركيين ووالدتي آمنة حسين من الجوامعة.
* متين بدأت تغني؟
- بديت أغني وأنا طفلة صغيرة لكن أهلي منعوني وشاكلوني قمت هربت من الرهد لام درمان مع الدكتور بابكر بشير من أولاد بيت المال وسكنت مع زوجته فاطمة حسين من بنات ود نوباوي وبقيت أغني في الحفلات وعمري كان «14» سنة.
* لقيتي منو من الفنانات بغنن في الفترة ديك؟
- لقيت صديقتي الفنانة عائشة موسى طبعاً عشان أهلها منعوها سمَّت نفسها عائشة الفلاتية، ولقيت آمنة خير الله سمَّت نفسها منى الخير، ولاقيت مهلة العبادية، وفاطمة خميس ودي أول فنانة سجَّلت اسطوانات، قمت غيَّرت اسمي من حواء جاه الرسول لي حواء حمد.
* كنت بتغني تقولي شنو؟
- يعني بغني أغاني مع بنات الحلة في الحفلات وأغني أغاني رقيص العروس ذي: (اللول لولك يا العروس)، و(من فريع البان)، و(العديل والزين)، و(الشيخ سيرو)، و(المقدرة)، و(يا عيني يا عيني سمحة المقدرة يا عروسنا عروس الهنا)، و(يا عيني حلاة البنية مهرة دنقلا المسافة ثابت، دسا لي أكتافا يحيى لي عريسنا الشافا)، و(الكابي ديسا العروس العجبت عريسا)، و(يا عروسنا الغزلية عينك ساحرة وفنية سنك فضة طليانية شلخك جدول المالية)، و(المهندس رسم البنا والدكتور نسيب ستنا سد مالها مية مدبسة).. والمية المدبَّسة دي أغلى مهر في الزمن داك لأن السيد عبد الرحمن كان يعقد لي بنات الأنصار بي (12) قرش ونص!
* أول مظاهرة شاركت فيها كانت وين؟
- سافرت عطبرة مع الدكتور أبو بكر واشتغلت في شركة سويرس بخيّط زراير البدل كان بدوني تمانية قروش وكان معانا الفنان حسن خليفة العطبراوي، أها، حصل إضراب العمال وقامت مظاهرة طلعت أهتف وأقول: «يسقط الاستعمار» اعتقلوني ونفوني لي بربر والفنان العطبراوي نفوه للدامر وسجنوني ستة شهور بعدها رجعت ام درمان.
* الوقف معاك منو في بداية مسيرتك الفنية؟
- ساعدني ووجهني الفنان ابراهيم الكاشف ودا الأب المربي لي أي فنانة أهلها طردوها أو منعوها الغناء، وكان فاتح لينا بيتو وكان ساكن في شارع الحرية محل بنك البركة وكان أي حفلة يسوقنا ليها ويسوق معانا زوجتو.
* قالوا أسنانك دي كسروها ليك الإنجليز الكلام دا وين؟
- كان في مظاهرات في الخرطوم شاركت فيها مع العازة زوجة البطل علي عبد اللطيف وخالدة زاهر أول طبيبة سودانية والأزهري ومبارك زروق وإبراهيم المفتي.. أها طلعت المظاهرة أهتف أقول:«يسقط الاستعمار يسقط الحاكم العام لا حاكم عام على السودان».. لاقاني القائد العام للجيش الإنجليزي اسمه مستر دروين قال لي: «الحاكم العام دا سيدك».. قلت ليهو: «لا سيدك إنت ويسد عقابك».. طوالي مسك البندقية كسر لي بيها أسناني وضربني رصاصة واحدة في الرقبة -تشير بيدها- ياها دي لي هسه ظاهرة، وواحدة في رجلي -تشير إليها قائلة- «ياها دي أثر الطلقة شوفو عشان تعرف الخواجات ديل عذبونا كيف».
* تسمية الطقاطقة جات من وين؟
- في الخرطوم كان في شجرة.. التمر بتاعها كتير فيه صوت طقطقة وكنت محل ما ألقى مظاهرة أشارك فيها يوم يسجنوني ويحلقوا لي شعر رأسي لاقاني المفتش الإنجليزي قال لي إنت محل ما نمشي نلقاك في الخرطوم وبحري وام درمان انت عاملة زي الشجرة الطقطاقة ومن ديك الاسم سار عليَّ.
* عائشة الفلاتية غنَّت للجنود السودانيين في الحرب العالمية إنت غنيت ليهم؟
- الخبر لما جاء كنت مع الفلاتية جاتنا صاحبتنا اسمها ذلال عبود من كسلا قالت لينا: «انتن يا حواء حمد وعائشة الفلاتية قاعدات هنا والطليان احتلوا كسلا أمشن غنن وشجعن الجيش».. طوالي سافرنا ولقينا من الضباط طلعت فريد ومحمد البحاري وحسن الزين وإبراهيم سميحة وعوض عبد الرحمن صغيرون وحسن بشير نصر ومعانا الفنان حسن عطية كان لابس هدوم الضباط. عائشة الفلاتية قالت: «شوف الطليان وسختتهم في باب الضريح جبخانتهم طلعت فريد اثبت جريتهم».. والضريح دا الفلاتية قاصده بيه ضريح سيدي الحسن.
* دا غنا الفلاتية انت غنيتي قلتي شنو؟
- انا قلت: «غني ليهم يا حوة ديل الاظهرو القوة ساعة السلاح دوى عدوهم خاف واتحوى». وغنينا ليهم «السوداني الغيور ما يقبل الذلة والراجل بموت بي حمى أو علة سمح الزول يموت بين قنبلة وجلة».. وأغنية «الراديو يا الضربو جاب خبرهم قال ما جروا وحات روحي العدو استلموا».. وقلت: «في بيوتنا ونوادينا في قرانا وبوادينا أثبت لي يا جندينا أمّن لي وادينا».
* وأغنية «يجوا عايدين غنيتوها متين»؟
- بعد ما الطليان دخلوا حته اسمها بارنتو جنب كرن ونحن انتصرنا وجابوا الأسرى عملوا ليهم سلك شايك.. عشة الفلاتية قالت: «يجوا عايدين إن شاء الله عايدين يا الله.. يجوا عايدين الدخلو كرن بينين».. «فكري انشغل دمعي النزل أسبابي السهر السهر أبقى كنبة جوه القطر أبقى ساعة في ايد اب عكر».
* ابو عكر دا منو العشة الفلاتية عايزة تبقى ساعة في إيدو؟
- ما بتعرفوا؟ دا كان ضابطاً كبيراً وسودن السلاح الطبي بعد ما مشوا الإنجليز وعشة غنَّت وقالت: «ريدي الشديد أملي الأكيد قائد الفرقة طلعت فريد».. وقالت:«يجو عايدين بحاري وعثمان حسين» ديل ما بتعرفهم ديل ضباط كانوا في الحرب وكان معاهم عبد الرحيم شنان ومحيي الدين محمد عبد الله.. طبعاً هسع بنات الزمن دا بقن يغنن يقولن: «يجوا عايدين أحبابنا المغتربين».
* غناء البنات الزمن دا بنرجع ليهو بعدين، انت شاركتي وين بره السودان؟
- أيام مؤتمر الخريجين كنت دايرة أسافر مصر مع الأزهري لكن قالوا: «مافي بت تسافر» مشيت براي على حسابي ركبت القطر سمعت بي عرس الملك فاروق والأميرة ناريمان قالوا لي ما بدخلوك القصر ما سمعت كلامهم مشيت الحسين اشتيرت لي طبلة طبعاً مافي «دلاليك» وركبت تاكسي ودخلت مع الصعايدة وأول مرة أشوف لي فستان زفاف وبديت أغاني السيرة وقلت «يعيش الملك فاروق» و«ناريمان ملكة تمام».. وبعد ما سيرتهم أدوني دهب وملابس و(500) جنيه.. بعدها غنيت في عرس ناس حسن إبراهيم مالك ورسّل لي الباقر بتاع جريدة الخرطوم والسر قدور وسجلوا لي أغاني هناك.
* يا الطقطاقة كلمينا عن اليوم الرفعوا فيه علم السودان؟
- قبل يوم الاستقلال سألت عن ألوان العلم قالوا لي: اللون الأخضر يرمز للزراعة والأصفر للصحراء والكحلي للنيل قمت مشيت اشتريت القماش وفصلتو توب ومشيت شارع النيل بالرجلين وبتنا اليوم داك ونمنا في الشارع عشان الزحمة.. وكنت لابسة توب عادي لما أصبح الصبح مرقتو ورميتو في النيل ولبست التوب الفيه العلم.. المذيع قال المرأة دي لبست العلم قبل ما يرفعوه في السارية وجاء صورني المصور العم جاد الله جبارة.
* يجيبوك في التلفزيون رافعة يدك وتهتفي كنت بتقولي في شنو؟
- كنت بقول: «حررت الناس يا اسماعين.. الكل بقى سيد يا اسماعين.. ولا تعريفة ولا ملين عاش الشعب مع اسماعين.. وابوكم مين اسماعين».
* كنتِ وين يوم رحيل الزعيم الأزهري؟
- الأزهري كان معتقلنو ناس نميري في سجن كوبر أنا غنيت ليهو والمعاه وقلت: «الأسود ساعة الجد بناديهم الرسالة أدوها والشجاعة أبدوها في الميدان تحدوها».. بعد ما فكوه عشان يحضر مأتم اخوه علي الأزهري وقع ونقلوه مستشفى الخرطوم مشينا معاه أنا وزوجته وبناته وابنه المرحوم محمد الإزهري ومحمد دا ذي ولدي إنا حضرت ولادتو ورضعتوا البزازة المهم رحل الزعيم وشيعوه ناس الاسماعيلية والشيخ الفاتح بن الشيخ قريب الله وجيت معاهم بالإسعاف والشيء الزعل الناس انهم ذاعوه وقالوا الأزهري كان معلماً بالمعاش.
* قلت شنو بعد رحيل الأزهري؟
- عملنا مظاهرة ومشينا وزارة الإعلام ومسكت الميكرفون وقلت:
«يا زعيم الوطن حارقة القلوب نارك..
عظماء الرجال حين يسمعوا أخبارك..
بدموع الحزن بكوك لأفكارك..
لأنك غيور للضعفاء تتدارك..
والوطن إتحرم من درة أفكارك..»
وبعدها اعتقلوني أنا ومجموعة من المناضلات عشان قلت القصيدة دي في الأزهري.
* الفرق شنو بين الخرطوم زمان والآن؟
- زمان الأحزاب ما كتيرة كدي يعني في حزب الأشقاء والشيوعي الجبهة المعادية للإستعمار فيه ناس عبد الخالق وأحمد سليمان وواحد من أولاد عطبرة الداخلة نسيت اسمه.. والجرائد ما كتيرة في (الصباح) الجريدة البتجيب أخبار الفن.. والعمارات دي بنوها الخواجات اشتروا أراضي ناس المقرن وما قدروا على ناس توتي وبنوا الهيلتون.. في محلو دا كان في بساتين كنا بنجيب منها الخضار «بالقفاف» ونعدي بالمراكب.. ودار الرياضة الخرطوم دي كانت سلخانة والمطار كان جملون زنك وما في شوارع ظلط إلا شارع الحاكم العام والشريف الهندي، وام درمان ما فيها عمارات إلا سرايا الحاكم العام والسيد علي والسيد عبد الرحمن.. وأول سرايا بنوها سرايا ابو العلا دي اشتراها الإمام الصادق المهدي عملها دار الأمة والعربات شوية.. ومن الشعراء حسين عثمان منصور وعمر البنا وعبيد، ومن الفنانين ابو داؤد وعثمان حسين والخير عثمان ورمضان حسن، ومن العازفين بدر التهامي وبرعي محمد دفع الله وحجازي والسر عبد الله. والآن يعجبني إنارة الشوارع في ام بدات والحاج يوسف وعد حسين والبلد هسي بي خيرها وبناكل ثلاثة وجبات نحمد الله!
* غنيتي لي منو من الرؤساء الزاروا السودان؟
- قابلت الملك فيصل والأمير عبد الله بن عبد العزيز وسالم الصباح وصلاح سالم وغنيت للقذافي ويوم مشيت القصر الجمهوري قابلت الرئيس ياسر عرفات وهتفت قلت ليهو: على استعداد يا عرفات نحن وراك يا عرفات» قام شال الشال بتاعو رماه فوقي وقال لي:«انت قلت على استعداد شكراً يا امي على هذه الكلمات».. ولما جمال عبد الناصر جاء غنيت ليهو وقلت: «مرحبتين يا جمال مرحب يا بطل القتال
مصر الكانت قفار عماها النيل والخضار
أضحت بهجة ونضار».
وقلت: «يا الرئيس جمال زرتنا هتف حياك شعبنا والمحبة ليك برهنا».
وقلت ليهو: «التلاتة الجوك أعادي عشان يسرقوا خير الوادي لقوك بالضرب بادي».
* لاقيتي الفنانة ام كلثوم لما زارت السودان؟
- آي كنت لافة معاها وحضرّتها عرس عند ناس السيد علي وناس ابو زيد أحمد أبو زيد وعجبها العرس السوداني ورقيص العروس وضاقت ملاح الروب والتقلية بالملعقة ولما ودعناها سألوها فنانك منو قالت: النعام آدم وحواء «الطأطائية».. كانت مسمياني الطأطائية.. بالمناسبة عجبتني زيارة الممثلة ليلى علوي وانها جابت اللبن لأطفالنا وكنت أتمنى أشيلها حاجاتنا السودانية البخور والدلكة ذي ما شيَّلت ام كلثوم.!
* إنت مع منو مرة تغني للهلالاب مرة تغني للمريخاب؟
- أنا هلالابية من عمري (25) سنة لكن ما مختلفة مع ناس المريخ.. زمان اللعيبة ناس حسن عوض الله أول وزير داخلية وترنة وابو الريف وود ضيف الله وود الديم لما الهلال يغلب المريخ يضبحوا الخراف ونجي أنا والفلاتية ناكل المرارة ونغني ونبتهج ولما ناس المريخ جابوا كأس الشارقة ختوه لي في رأسي وسيرتهم وغنيت ليهم رغم أني أحترم المرحوم الطيب عبد الله كنت أغني ليه «هلالك هلا يا ود عبد الله».. وبَقدِّروا من كان في وزارة الداخلية.. كذلك غنيت للحكيم طه علي البشير وغنيت لي جمال الوالي مهتم بالأزهري.. وغنيت لي صلاح ادريس وأتمنى يصل لحل لمشاكل نادي الهلال.
* رأيك شنو في غناء البنات الهابط البغنوه الرجال؟
- في أغاني ما بتشبهنا ما بنقولها يعني مثلاً أغنية «راجل المرة حلو حلا زول مدرّب راجل المرة زول مجرّب». دا كلام فارغ وأغنية باسم دكتور الأسنان عوض دكام دا راجل فاضل عرض عليَّ طقم أسنان مجاني وبحب المساكين يجي فنان يقول: «بنات الاحفاد كلهن فاشلات بركبوا الأمجاد بيجكسوا الأولاد» ويجي فنان تاني يغير الكلمات يغني في التلفزيون سنتر الخرطوم يا عوض دكام وللمعلومية بنتو د. سارة متألمة جداً من أغنية طه سليمان.
* بتغني أغاني السيرة في الأعراس ولا وقفتي؟
- بغني وغنيت «العديل والزين» في عرس بنت الدكتور حسن الترابي.
* منو من المسؤولين وقف مع المناضلة الطقطاقة؟
- ناس السودان ما مقصرين كرمني الرئيس المشير البشير كان ماسك الحكم جديد بي وسام الجمهورية ولبسني الدبوس -كدي نجيبوا ليك تشوفو-، وأدوني معاش ولما رقدت في سرير المرض كتبت الصحافة والناقد البكري انو الطقطاقة عيانة «لا حيلة ولا قدرة».. أين وزير الإعلام طوالي جوني وقفوا معاي الوالي والمعتمد وهارون والدقير والسماني الوسيلة وغيرهم يا ريت أرد ليهم الجميل.
* منو من النساء شايفة إنها تستحق التكريم؟
- في نساء فاعلات خير كتار جداً والإعلام ما جايب ليهن خبر.. منهن حرم الرئيس الأزهري، وبنات الشيخ قريب الله، وبنات ابو العلا، وسيدة سنهوري، وناس البرير، ونسوان عبد المنعم محمد وزوجة يوسف شبيكة، وزوجة أمين محمد سعيد اخو بشير محمد سعيد، وبنات حاجة حياة زوجة مجذوب علي حسيب القاضي، وبنات النفيدي، وأعمال النساء كثيرة ياما شيَّدن مساجد وياما وقفن مع المحتاجين والفقراء وأتمنى أن اتحاد المرأة يتعاون مع النساء في ام درمان ويعرف أخبارهن.
* في النهاية أمنية تتمنين تحقيقها في 2007م؟
- أنا فنانة ميرغنية العقيدة ومن زمان أهلنا مع السيد علي، وحزب الأشقاء ونحن مع السيد محمد عثمان لأنو ماشي على الدرب دا.. راجل لا عدمان بيت لا عدمان جاه لا عدمان محبين، لكن مشى المعارضة نتمنى الحزب الاتحادي يتوحّد وما نتفرّق وأتمنى برضو ناس حزب الأمة ما يتفرقوا لأنهم من بيت واحد.. وعجبني الكلام عن جمع الصف الوطني وأتمنى أن أزور دارفور وأغني للنازحين.. وبقول لي ناس نقابة الفنانين نحن لو عملنا حفلات ممكن نساعد بي القروش المحتاج ودارفور دي بلد السلطان علي دينار، دارفور الكانت بتجي منها كسوة الكعبة.. وأتمنى السلام للسودان والله يكفينا شر الإنجليز والأميركان وكل الخواجات الدايرين يدخلوا بلدنا وياخدوا خيراتنا.
منقول.
كل يوم بيمشي واحد مبدع من بلادنا بس كل واحد فيهم بيبدع بطريقته، لكن ما نقول الا ما يرضي الله
محجوب


ردود على محجوب عبد المنعم حسن معني
United States [محجوب عبد المنعم حسن معني] 12-21-2012 12:30 PM
اختي العزيزة واحدة
حواء تاريخ سوداني عريق دخل كل البيوت
مع مؤدتي

United States [واحدة] 12-13-2012 06:57 AM
سلام الاستاذ محجوب
مشكور على الطرح الجميل الله يجزيك خير
وضحت جوانب كتيرة مضيئة في حياة المرحومة حواء غير الغنا ، يعني المرحومة كانت موسوعة اجتماعيا وسياسيا وفنيا ، وكانت مناضلة جاعة ،ألهم أرحمها برحمتك الواسعة

United States [محجوب عبد المنعم حسن معني] 12-11-2012 06:59 PM
لا شكر على واجب يا عمدة، الاستاذة حواء عندنا معاها علاقة خاصة نحنا عائلة معني

United States [imad] 12-11-2012 08:24 AM
thank you very much dear ...


#532995 [حمدالنيل]
3.49/5 (18 صوت)

12-10-2012 09:41 PM
اللهم اغفر لها وارحمها وادخلها فسيح جناتك يا ارحم الراحمين


#532969 [Saeed]
3.61/5 (17 صوت)

12-10-2012 09:02 PM
إضافة
من منكم يعرف عم سيد, الرجل البسيط الذي كان يقف في تقاطع شارع القصر والبلدية جوار نادي ناصر وتقاطع البلدية وشارع المك نمر(صينية التاكسي التعاوني سابقا) ؟
هذا الرجل كان يعمل خفيرا في بنك الشعب التعاوني سابقاً بنك الخرطوم حالياً في تقاطع شارع الجمهورية مع القصر. كان عم سيد ثائر بأسلوبه الخاص, إذ كان يقف صباح كل يوم بعد انتهاء عمله ويهاجم حكومة الرئيس جعفر نميري من خلال حديث مباشر, ينتقد فيه نظام نميري والمارة والركاب يستمعون إليه وهم عابرين , كانوا يعتقدون أنه مجنون ولكن عم سيد كان في كامل قواه العقلية, كنا نداعبه أحيانا عندما نلتقي به أثناء تناولنا وجباتنا بجواره.
عم سيد مضى هادئاً مثل حواء الطقطاقة التي هي أيضاً فيها ثورة عم سيد, لكن الفرق بينهما أن المرحومة حواء وجدت اهتمام من الأنظمة المتعاقبة بينما العم سيد طواه النسيان. لقد تذكرته في هذه اللحظة.
فآلتكن سيرتهما أيضاً نبراس لشباب الثورة القادمة مع رفقائهم الأمجاد الذين وجدوا شهرة وهم في القلوب دائماً.
أخيراً لهم الرحمة والمغفرة جميعا وجعل الله قبورهم روضة من رياض الجنة.
.


#532968 [كاسترو عـبدالحـمـيـد]
2.84/5 (15 صوت)

12-10-2012 09:00 PM
الله يرحمها ويغفر لها ويسكنها فسيح جناته ونرجو من معتمد امدرمان الذى يقع منزل المناضلة المرحومة حواء فى دائرة مسؤلياته ان يسمى الشارع الذى يقع فيه منزلها باسمها ويقيم احتفالا بذلك لسكان الحى .


#532949 [كمال أبو القاسم محمد]
2.61/5 (16 صوت)

12-10-2012 08:40 PM
اللهم إرحمها وأغفر لها ماتقدم وما تأخر من ذنبها وتقبلها عندك قبولاً حسناً


#532930 [rami]
1.97/5 (9 صوت)

12-10-2012 08:22 PM
اللهم ارحمها واغفر لها واسكنها فسيح جناتل برحمتل يا أرحم الراحمين وعزاؤنا لاسرتها الكريمه .


#532916 [أبو الغيث]
2.89/5 (15 صوت)

12-10-2012 08:08 PM
اللهم ارحمها وارحم جميع موتي المسلمين


#532902 [عنيد]
3.21/5 (22 صوت)

12-10-2012 07:57 PM
الف رحمه ونور عليكى 00 بس ليه النسوان اكتر من الرجال


#532887 [طارق الباز]
4.25/5 (8 صوت)

12-10-2012 07:35 PM
رحمها الله, فقد الوطن رمز فنى وركن من اركان التراث الفنى


#532880 [الامين]
1.27/5 (12 صوت)

12-10-2012 07:25 PM
اللهم ارحمها واجعل قبرها روضة من رياض الجنة كانت وطنية حقا


#532876 [امين]
2.58/5 (10 صوت)

12-10-2012 07:23 PM
اللهم ارحمها واجعل قبرها روضة من رياض الجنة


#532873 [عزو الطيب]
1.84/5 (14 صوت)

12-10-2012 07:18 PM
انا لله وانا اليه راجعون الله يرحمها بواسع رحمته


#532859 [ALIIIIIIIIIIIIIIIIIIIIIIIIIIIIIIIIIIIIIII]
2.11/5 (13 صوت)

12-10-2012 06:54 PM
اللهم ارحمها واسكنها فسيح جناتك مع الصديقين والشهداء ...وارحمها يارب وارحم جميع موتي المسلمين...انا لله وانا اليه راجعون ولاحول ولاقوة الا بالله


#532825 [أخو سودانى]
2.79/5 (15 صوت)

12-10-2012 05:57 PM
اللهم اغفر لها و ارحمها و ادخلها فسيح جناتك يا أرحم الراحمين يا الله...


#532813 [Abdelazim H. A. Karrar]
4.36/5 (14 صوت)

12-10-2012 05:26 PM
RAHAMAT ALLAH AAIHA WA ALHAM AALAH WA ZAWEEHA ALSABER WALSALWAN


#532811 [حسان أحمد إبراهيم فقيشة]
4.59/5 (17 صوت)

12-10-2012 05:17 PM
الموت مصيبة كما وصفها ربنا،والما بموت وين بفوت ؟ و رحيل حواء رحيل فجع كل حواء في السودان و فجع أبناء حواء و بناتها و هم شعب السودان في الداخل والخارج و الطقطاقة وطن كامل عرف العلم بألوانه وعرف النضال و هي أم كل سوداني وسودانية من الرعيل الأول و إلي الآن وذي ما بنقول رحلت الخشم طابل و المقنع سابل،إتفق كل أهل الراكوبة في سرادق العزاء الأطفال ،الكبار،الصغار،بنياتنا وحبوبات و الضيوف و ما في سوداني ما بعرف حواء ، الصيوان باكي و الأباريق باكية و التفكير العميق في هذا السفر الأبدي مغطي علي الراكب حافلة و ناس الملاكي و قعدات الونسة وبدل أغاني السيرة و أغاني البنات مخيم الحزن ولا نقول إلا ما يرضي الله.وختامه : الطبيب يفكر ما دام في أجل الإنسان تأخير ، فإذا جاء الأجل خار الطبيب و خانته العقاقير.(كل من عليها فان).‏[email protected]‏ 00249126267120


#532810 [dougokoper]
2.80/5 (11 صوت)

12-10-2012 05:14 PM
اللهم أغفر لها وأر حمها وأجعل الجنة مثواها يا أرحم الراحمين .. وإنا لله وإنا إليه راجعون.


#532807 [المنذر بن ال عوض ديدي]
2.50/5 (12 صوت)

12-10-2012 05:11 PM
رحمها الله واسكنها فسيح جناته مع الصديقين والشهداءو حسن اولئك رفيقا


#532799 [ابوفاتن]
3.11/5 (15 صوت)

12-10-2012 05:01 PM
اللهم ارحمها ياارحم الراحمين واسكنها فسيح جناتك


#532795 [الشعب الفضل]
4.18/5 (11 صوت)

12-10-2012 04:51 PM
اللهم ارحمها واغفر لها واجعلها من اصحاب اليمين


#532790 [احمد ابوبكر]
2.52/5 (20 صوت)

12-10-2012 04:40 PM
نسال الله ان يتغمدها بواسع رحمته كل من عليها فان ويبقى وجه ربك ذو اللجلال والاكرام


#532789 [faisal]
3.80/5 (13 صوت)

12-10-2012 04:39 PM
اللهم ارحمها واسكنها فسيح جناتك يارب العالمين


#532787 [دورشيد]
2.31/5 (9 صوت)

12-10-2012 04:38 PM
رحمها الله


#532784 [naila]
2.30/5 (16 صوت)

12-10-2012 04:32 PM
تغمدها الله بواسع رحمته و أسكنها عالي الجنان و موتانا و جميع موتي المسلمين


#532783 [المشتهي موية الفول]
2.59/5 (20 صوت)

12-10-2012 04:28 PM
اللهم ارحمها واغفر لها واسكنها فسيح جناتل واجعلها من اصحاب اليمين يارب العالمين
إنا لله وإنا إليه راجعون


#532754 [كان زمان]
3.94/5 (15 صوت)

12-10-2012 03:55 PM
تغمدها الله بواسع رحمته و أسكنها عالي الجنان و موتانا و جميع موتي المسلمين


#532730 [Saeed]
3.09/5 (24 صوت)

12-10-2012 03:32 PM
تغمدها الله بواسع رحمته, أنها لامرأة سودانية كاملة الدسم في الوطنية و التعبير عن رأيها.


#532729 [أبو علي]
3.51/5 (15 صوت)

12-10-2012 03:27 PM
تغمدها الله بواسع رحمته وغفرانه وإنا لله وإنا اليه راجعون


#532721 [جركان فاضى]
1.67/5 (23 صوت)

12-10-2012 03:22 PM
اللهم ارحم الحاجة حواء واسكنها فسيح جناتك وارحم جميع موتى المسلمين-لقد كانت الفقيدة حبيبة الى قلوب الشعب السودانى


#532715 [مع الحق]
4.07/5 (15 صوت)

12-10-2012 03:17 PM
انا لله وانا اليه راجعون
اللهم ارحمها واغفرلها وتقبلها قبول حسن واجعل قبرها روضه من رياض الجنه
واحم لموتانا وجميع موتي المسلمين يا رحمن يا رحيم


#532704 [ابو محمد]
2.87/5 (25 صوت)

12-10-2012 03:05 PM
اللهم اغفر لها و ارحمها و اغفر و ارحم لجميع اموات المسلمين و صلى الله على سيدنا محمد و على اله و صحبه و سلم


#532690 [Abu Areej]
4.37/5 (24 صوت)

12-10-2012 02:44 PM
نسأل الله العلي القدير ان يرحمها ويجعل قبرها روضة من رياض الجنة ويسكنها فسيح جناته .. ويلهم ذويها الصبر


#532687 [مدحت الهادي]
4.24/5 (13 صوت)

12-10-2012 02:41 PM
نسأل الله العلي القدير أن يسكنها فسيح جناته وأن يغسلها بالماء البارد والثلج وينقها من الذنوب كما ينقى الثوب الأبيض من الدنس ...وإنا لله وإنا إليه راجعون ...


#532683 [عبدالعظليم]
2.18/5 (23 صوت)

12-10-2012 02:37 PM
رحم الله حواء جاه الرسول وجعلها من اصحاب اليمين. انا لله وانا اليه راجعون


#532680 [الهدهد]
3.49/5 (12 صوت)

12-10-2012 02:34 PM
رحمها الله رحمة واسعة وأسكنها فسيح جنانه وألهم ذويها والشعب السوداني قاطبة الصبر وحسن العزاء.
وإنا لله وإنا إليه راجعون..


#532672 [دولار]
3.24/5 (12 صوت)

12-10-2012 02:27 PM
اللهم ارحمها واحسن اليها واغسلها بالماء والثلج والبرد وتجاوز عن سيئاتها يالله واجعل البركة في من خلفوها .


#532667 [قطيم ابو النيم]
1.38/5 (18 صوت)

12-10-2012 02:26 PM
البهم ارحمها و ارحم ايام الانجليز فقد كانوا والله اكثر رحمة من كل الحكومات الوطنية


#532650 [مواطن]
2.91/5 (21 صوت)

12-10-2012 02:05 PM
اللهم ارحمها رحمة واسعة واجعلها من اصحاب اليمين.


#532649 [ابو ضراع]
3.42/5 (16 صوت)

12-10-2012 02:05 PM
لها الرحمة وامغفرة اللهم ارحمها واغفر لها واعف عنها واسكنها فسيح جناتك


#532624 [فوزي الصياد]
2.63/5 (21 صوت)

12-10-2012 01:41 PM
لها الرحمة بقدر ماقدمت مايرضي ربنا ــ


#532621 [ما عارفين اى حاجة]
1.41/5 (17 صوت)

12-10-2012 01:38 PM
اللهم ارحمها واغفر لها وادخلها واسع رحمتك يارحيم


#532619 [ركابي]
1.69/5 (22 صوت)

12-10-2012 01:36 PM
انا لله وانا اليه راجعون ...ربنا يرحم الحاجة حواء جار الرسول ويسكنها فسيح جناته
المرأة السودانية البسيطة دي كانت صاحبة تاريخ نضالي ضد الاستعمار ...قالوا ايام انقلاب عبود حلقت شعرها للتعبير عن اعتراضها علي سجن ابوالوطنية اسماعيل الازهري


#532617 [muaz]
2.23/5 (18 صوت)

12-10-2012 01:35 PM
اللهم ارحم جميع موتى المسلمين وتغمدهم بواسع رحمتك ياكريم


#532614 [بدر]
2.84/5 (21 صوت)

12-10-2012 01:32 PM
ربنا يرحمها و يغفر لها (هادم اللذات) لامفر منه هم السابقون و نحن ان شاء الله اللاحقون


#532604 [muaz]
3.54/5 (11 صوت)

12-10-2012 01:24 PM
اللهم ارحم جميع موتى المسلمين وتقبلهم قبولا حسنا


#532599 [محجوب عبد المنعم حسن معني]
3.17/5 (20 صوت)

12-10-2012 01:22 PM
/ حواء جاه الرسول(الطقطاقه) وهي من الرعيل الأول وأول

من تغنت للاستقلال ولبست ثوب به الوان علم السودان .. تعرضت للضرب من قبل المستعمر

الانجليزي وكسرت سٍنها وهي من الرائدات في النضال الوطني وغنت للجيش والحركة الوطنية

... لها اسهاماتها في الاغاني الوطنية السودانية

نسأل الله لها الرحمه والمغفرة بقدر ما قدمت للوطن من تضحيات وتركت لنفسها بصمات خالده

في مسيرتنا الوطنية ... إنا لله وإنا إليه راجعون ولا حول ولا قوة إلا بالله العلي العظيم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
6.82/10 (17 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة