الأخبار
منوعات
فلكي سوداني يسخر من مروجي نهاية العالم بالجمعة
فلكي سوداني يسخر من مروجي نهاية العالم بالجمعة
فلكي سوداني يسخر من مروجي نهاية العالم بالجمعة
معاوية حامد شداد


12-20-2012 11:24 AM
الخرطوم : محمد شريف:

وضع شعب (المايا)، الملايين من سكان العالم في حالة استعداد وترقب وحذر مشوب بالخوف والهلع ، ويحبس الملايين انفساهم يوم غد الجمعة الحادي والعشرين من ديسمبر 2012 في انتظار نهاية العالم استنادا على تقويم المايا الذي يشير الي نهاية التاريخ وتصديقا لاتباع (نيو ايدج) الذين اعلنوا ان نهاية العالم ستكون يوم الجمعة القادم 21 ديسمبر، وبلغت ذروة الترقب في غواتيمالا وهندوراس و السلفادور المكسيك .
واعلنت السلطات الصينية مساء امس انها اعتقلت 52 شخصا يوزعون منشورات ومارس بعضهم طقوسا تتعلق بيوم الدينونة او يوم نهاية العالم في تاريخ 21/ /12 الذي عثر عليه محفورا على جزء من مسلة ضخمة محفورة في الحجر تسمي (النصب السادس) ومحفوظة في موقع موكوسبانيا الأثري جنوبي المكسيك.
وانتشرت في السودان شائعات عبر الرسائل النصية والهواتف المحمولة ومواقع التواصل الالكترونية اخبار وتقارير وصور وشائعات تتحدث عن تراص للكواكب في صف واحد واصطدام كوكب ضخم وتبادل للامكنة بين القطب الشمالي والجنوبي بالارض، وقال (اسفيريون) في الشبكة العنكبوتية ان يوم الجمعة القادم هو يوم القيامة وخصص تلفزيون السودان مساحة خاصة للحديث عن هذا التاريخ المثير للجدل.
وسخر أستاذ الفلك في جامعة الخرطوم، رئيس الجمعية السودانية لعلوم الفلك والفضاء، الدكتور معاوية حامد شداد من الشائعات التي تحدثت عن يوم القيامة ،وقال انه( لا يعلم الغيب الا الله)، وناشد وسائل الاعلام المقروءة والمسموعة والمرئية اعطاء فرص لعلماء السودان لتوضيح الحقائق ودحض الشائعات بالمعلومات الموثوقة، وقال ان خبراء حضارة المايا دعوا العالم إلى الهدوء ،مؤكدين أن لا إشارة على حصول كارثة أرضية ودمار العالم، ونهاية للتاريخ، موضحا ان للمايا تقويما قصيرا ينتهي بعد 52 عاما ويتضمن ظواهر الخسوف والكسوف الطبيعية وتقويم طويل يستمر لخمسة الاف سنة وينتهي مع الانقلاب الشتوي السنوي العادي يوم 21/ 12 ،ويبدأ المايا تقويما جديدا .
واتهم شداد، جهات عالمية بالترويج لنهاية العالم لمكاسب مادية يجنيها المنجمون والشركات العملاقة ،مشيرا الي ان فكرة نهاية العالم غذتها أفلام رعب واثارة مثل فيلم 2012، وكتب مثل نبوءة المايا للكاتب الأميركي ستيف آلتون المتخصص في الخيال العلمي ،وقال شداد ان ظاهرة تراص الكواكب في خط واحد عادية جدا وليست مخيفة وحدثت من قبل اكثر من مرة، وان ظاهرة تبادل مواقع القطب الشمالي والجنوبي تحدث طبيعيا كل نصف مليون سنة ،وشدد على عدم وجود دليل يشير الي وجود كوكب جديد اقتحم المجموعة الشمسية ويهدد سلامة الارض ويقع عليها يوم الجمعة كما يشاع ،وقال ان سقوط الكوكب ان وجد يسبقه مد وجزر عنيف وبراكين ،مبيناً ان شائعة سقوط كوكب نيبريو على الارض يوم الجمعة القادمة مع نيازك عملاقة تم نشرها من قبل عام 2003 وتمت السيطرة عليها بالحقائق العلمية.

الصحافة


تعليقات 27 | إهداء 0 | زيارات 7984


التعليقات
#540779 [zozo]
0.00/5 (0 صوت)

12-22-2012 12:19 AM
المؤكد إنو نهاية نظام الكيزان السفله الحراميه أولاد الحرام قريبة جداً إن شاء الله


#540750 [التوم]
0.00/5 (0 صوت)

12-21-2012 10:54 PM
ان امر الله آت فلا تستعجلوه . هل اعددتم انفسكم للقاء ربكم هناك الموت اقرب لكم من يوم القيامه ونهاية العالم هذه اعتبروها تذكره ولا تحسبوها لعب وضحك يجب تصحيح المواقف ومحاسبة النفس ... لما قالوا نهاية العالم يوم الجمعه أكيد اى واحد راجع نفسه بما عمل فى الدينا ولو انه يعلم هذا القول مجرد قول لا اساس له من الصحه ... ولكن كل منا يجعل ان نهايته بعد قليل وهذه النهايه الحقيقه بمعنى نهايتك عن العالم وليس نهاية العالم عنك ....


#540632 [احمد ابونصر الشمالي]
0.00/5 (0 صوت)

12-21-2012 07:19 PM
لا يعلم موعده الا الله .... ل8كن قيامة الانقاذ قريب جدا


#540533 [محجوب عبد المنعم حسن معني]
0.00/5 (0 صوت)

12-21-2012 03:28 PM
راي الدين واضح في هذه الامور لا يجب ان نخوض في امور خصها الله سبحانه وتعالى بها نفسه، لكن في المقابل يجب ان نسأل انفسنا ماذا اعددنا نحن المسلمين، نسال الله العمل الصالح لنا ولجميع المسلمين


#540441 [طائر الفينيق]
0.00/5 (0 صوت)

12-21-2012 12:28 PM
هناك نظرية الانكماش الكبير في الفيزياء لموت العالم مقابل الانفجار الكبير Big bang التى نشأ عنها العالم!!

+ عمر العالم حسب البق بانق في حدود 13 مليار سنة .. والشمس ستبرد في حدود 4 مليار سنة ..

+ هناك أيضا نظرية الانفجارات المتعدة big bangs .. مما يعني نهايات متعددة وليس نهاية واحدة ..وفي كل الأحوال الأكيد عملياًودينياً, أن العالم سينتهي يوماً ما.. على الأقل في شكله الكوزمولوجي الحالي !!!


#540289 [mohamed9913]
0.00/5 (0 صوت)

12-21-2012 08:04 AM
لا يعلم الغيب الا الله


#540125 [Asmar]
2.50/5 (2 صوت)

12-20-2012 10:43 PM
ما شاءالله ما ذال هنالك عالم فى السودان!


#540053 [التوم]
5.00/5 (1 صوت)

12-20-2012 08:47 PM
يا جماعه فى ناس قالوا ما بتوموا قبل الساعة الثانيه عشر ليلا ربما تحدث بداية النهايه فى اول دقيقه بعدها واخرين قالوا بصبحوها وما بنوموا داخل الغرف ولكن فى الحقيقه لم يحدث اى شىء انشاء الله بدليل انهم قالوا يوم الجمعه ولم يحددوا الزمن ... اقول ليهم واقول ليكم نوموا ساى واشبوعوا نومو وخموا الرماد ما رماد العصاة والعياز بالله .أعمل لدنياك كأنك تعيش أبدا واعمل لاخرتك كأنك تموت غد ربنا يطول اعماركم
ا


#540031 [اشرف]
5.00/5 (2 صوت)

12-20-2012 08:26 PM
طبعا انا قراتها فكي سوداني


ردود على اشرف
United States [من جنوبيي السودان الفضل] 12-21-2012 02:32 AM
مااااااا براك هههههههههههه شكرابيك ضحكتنا في يوم القيامة

United States [ودالحاج جابر] 12-21-2012 01:44 AM
وانا كمان ..كنت متخيل انو ما عندنا عالم فلك

United States [اااوشيك] 12-20-2012 09:13 PM
ظريف يا اشرف


#540027 [راقد فوق راى]
0.00/5 (0 صوت)

12-20-2012 08:15 PM
شوفو لينا فكى للشغلة دى
كان الكيزان يتهنو شوية بالخموهو دا
بين يوم وليلة يركبو معانا سرج واحد


#540024 [الخمجان]
0.00/5 (0 صوت)

12-20-2012 08:05 PM
القيامة ما بتقوم كان ما جا زمن شم العود ياجماعة


#539997 [مجدي عبد الرحمن]
0.00/5 (0 صوت)

12-20-2012 07:15 PM
كل ما ذكره د. شداد صحيح ولكنه منقول من موقع وكالة ناسالابحاث الفضاء (NASA ) في تقرير علمي اصدرته في منتصف الاسبوع وضحت فيه خطأ كل المزاعم حول نهاية العالم في 2012 وهذا هو رابط تقرير وكالة ناسا http://www.nasa.gov/topics/earth/features/2012.html#end


ردود على مجدي عبد الرحمن
United States [Wad Alniwel] 12-20-2012 10:35 PM
ya majde taslam 3la tatl3tak al7lwa


#539990 [دولار]
5.00/5 (2 صوت)

12-20-2012 07:01 PM
خــــبر عــــــاجل
-----------------------

تم تأجيل القيامة للجمعة الجاية

اصلو قالوا عندهم وحدة حامل وميعادها يوم السبت 22/ 12 وعاوزين الطفل يحضر القيامة عشان كدة اجلوا الموضوع للجمعة الجاية.وبيبلغوكم اعتذارهم.


المصدر :
فكي المايا (ابو جدادة) برضو
عن طريق sms على موبايلي


#539907 [ابو تمساح]
1.00/5 (1 صوت)

12-20-2012 04:18 PM
يا معلم هوي ماتلخبط لينا حساباتنا خليها تنتهى عشان نعرف فلم نهاية الكيزان بنتهى كيف


#539902 [كاربي هو الدليل]
0.00/5 (0 صوت)

12-20-2012 04:11 PM
العلم هو فيصل يا دكتور شداد


#539890 [خليل عزة]
4.88/5 (4 صوت)

12-20-2012 03:45 PM
بس انتو شوفو علماء السودان قالوا شنو وامشو عكسهم


الأن تيقنت انو القيامة بكرة .... كيتنا فيكم


كسرة:

انتو اولاد شداد ديل مشكلتم شنو مع المشط والتسريح


ولا ياربي المشكلة مع المراية


ردود على خليل عزة
United States [زول درويش] 12-20-2012 05:25 PM
يا خليل عزة لكن ما بالغت!


#539889 [عواد]
5.00/5 (4 صوت)

12-20-2012 03:45 PM
هو تانى فى قيامة غير بتاعت 30 يونيو 1989 ؟؟؟؟


#539879 [جاموس الخلا]
1.00/5 (1 صوت)

12-20-2012 03:30 PM
دحين آ جماعة في ذمتكم دي الكلام دا صحي؟ يعني بكرة بكرة كدة
إنشاء الله تقوم زي ما قال الشاعر المرحوم حسن الزبير ، الله يرحمو ويوسدو الباردة
ونشوف الناس الخايفة دي حا تعمل شنو ، ناس عملا ما لي الله
علاّ السعال البدور أسعلو ، نحن القيامة دي عملنا ليها شنو ، المعنى إنو نحن ما جاهزين ليها
الظاهر دعوة الشاعر صابت وأستجابت ، ولو صحي قامت بكرة تكون طيارتنا قامت.
(تبت لي وجه الله ورسولو)
القصيدة
إنشاء الله القيامة تقوم عشان ريدك معاي ما بدوم
ناس سهرانه طوّالي وناس طول الليالي تنوم
وأشوف أنا كيف حسابك يطول على الوعد الدوام ممطول
أنا الشايف كتير أحباب بعيشو الريدة عرض وطول
أنا الشايل دوام همك وأريدك ريدة زي أمك
وأغير من غيرتي ذاتا عليك وأخاف أنا يالخفيف دمك
إنشاء الله القيامة تقوم وكل زول يمشي في حالو
عشان ما قلبي يرجع يقول حبيب الدنيا في بالو
ألا رحم الله الشاعر الفذ حسن الزبير وأسكنه فسيح جناته مع الصديقين والشهداء وحسن أولئك رفيقاً
اللهم نقه من خطاياه كما ينقى الثوب الأبيض من الدنس ، اللهم أغسله بالماء والثلج والبرد ، وإنا لله وإنا إليه راجعون_(صدق،الله،العظيم)
في الحديث أَنَّ رَجُلا مِنَ الأَعْرَابِ أَتَى رَسُولَ اللَّهِ صَلَّى اللَّهُ عَلَيْهِ وَسَلَّمَ ، فَقَالَ : يَا رَسُولَ اللَّهِ ، " مَتَى السَّاعَةُ ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : وَمَاذَا أَعْدَدْتَ لَهَا ؟ فَقَالَ الأَعْرَابِيُّ : مَا أَعْدَدْتُ لَهَا مِنْ كَبِيرٍ أَحْمَدُ عَلَيْهِ نَفْسِي ، إِلا أَنِّي أُحِبُّ اللَّهَ وَرَسُولَهُ . فَقَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ : فَإِنَّكَ مَعَ مَنْ أَحْبَبْتَ ".
وأيضاً حديث جبريل المشهور وفيه قول النبي صَلَّى اللَّهُ عَلَيْهِ وَسَلَّمَ لجبريل لما سأله متى الساعة ؟ قال : ( ما المسؤول عنها بأعلم من السائل)
قال تعالى: ( يَسْأَلونَكَ عَنِ السَّاعَةِ أَيَّانَ مُرْسَاهَا قُلْ إِنَّمَا عِلْمُهَا عِنْدَ رَبِّي لا يُجَلِّيهَا لِوَقْتِهَا إِلا هُوَ ثَقُلَتْ فِي السَّمَاوَاتِ وَالأَرْضِ لا تَأْتِيكُمْ إِلا بَغْتَةً يَسْأَلونَكَ كَأَنَّكَ حَفِيٌّ عَنْهَا قُلْ إِنَّمَا عِلْمُهَا عِنْدَ اللَّهِ وَلَكِنَّ أَكْثَرَ النَّاسِ لا يَعْلَمُونَ ).
وفي الختام لا يعلم الغيب إلاّ الله
بلا مايا بلا خزعبلات
أستغفر الله وأتوب إليه.


ردود على جاموس الخلا
United States [زول درويش] 12-20-2012 05:27 PM
جاموس الخلا تسلم و احييك و احيي ذوقك


#539868 [زروق]
5.00/5 (3 صوت)

12-20-2012 03:07 PM
طيب العايشين فيهو السودانيين ده شنو


ردود على زروق
United States [زول درويش] 12-20-2012 05:28 PM
دي البروفات يا زروق!


#539865 [محمود عثمان]
2.00/5 (1 صوت)

12-20-2012 02:58 PM
الشى المعروف ان يوم القيامة له علامات مميزة .. مين الى شافها عشان يقول ها الكلام الفارغ؟


#539852 [الخمجان]
5.00/5 (5 صوت)

12-20-2012 02:32 PM
يا جماعة الناس خايفة من القيامة ليه ؟؟ على الاقل نرتاح من هموم كتيرة ونعرف مصيرنا وين جنة ولا نار بعدين بصراحة الجماعة ضيقو علينا الدنيا دى ضيق شديد فقدنا فيها الرغبة نهائى


#539787 [ابو زهرة]
0.00/5 (0 صوت)

12-20-2012 12:41 PM
وناشد وسائل الاعلام باعطاء فرص لعلماء السودان هو بلاي السودان فيهو علماء وين كانو وقت اسرائل ضربتنا ورجعت كانوا وين واي اختراعات قامو بيها واي ابحاث حتي نقول ان بالسودان علماء السودان دا فيهو الكيزان السراقين


#539784 [منى]
3.88/5 (8 صوت)

12-20-2012 12:35 PM
والله لو نهاية العالم كيس معانا ..نتحل من الكيزان وحكومة الانقاذ.......مدام مافي رجال في البلد يمرقو الشوارع


#539778 [دولار]
4.88/5 (8 صوت)

12-20-2012 12:26 PM
دحين يا جماعة مسعولين من الخير : الفكي (ابو جدادة) بتاع الانقلابات الفاشلة رأيو شنو في موضوع القيامة دة . ؟؟؟؟؟


#539762 [محروق الحشى]
5.00/5 (1 صوت)

12-20-2012 12:05 PM
نشد من ازرك شدا ياشداد


#539753 [مجدي عبد الرحمن]
5.00/5 (1 صوت)

12-20-2012 11:53 AM
في عصر التطور التكنولوجي وتطور العلم لا مجال للاساطير والخرافة وليعلم الجميع ان هنالك مراكز علمية عديدة ترصد كل ما يمكن ان يمثل خطرا علي الكرة الارضية واكبر المراكز العلمية هي وكالة ناسا الفضائية وهي نفت تماما تلك الخرافات والاساطير وكل خدعة باسم البحث العلمي التي تروج عبر الانترنت عن نهاية العالم في 2012 وفي الاسبوع الماضي اصدرت تقريرا فندت فيه كل هذه المزاعم الخاطئة ومن يريد ان يتعلم ويحترم ويثق في العلم للوصول للحقائق في هذا الموضوع عليه زيارة موقع ناسا بخصوص هذا الموضوع في هذا الرابط http://www.nasa.gov/topics/earth/features/2012.html#end


#539742 [دفع الله]
4.00/5 (2 صوت)

12-20-2012 11:36 AM
زادك الله علما دكتور شداد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
2.50/10 (4 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة