الأخبار
أخبار سياسية
فرض دقنية علي تلاميذ الاساس بريفي الحصاحيصا!!
فرض دقنية علي تلاميذ الاساس بريفي الحصاحيصا!!
فرض دقنية علي تلاميذ الاساس بريفي الحصاحيصا!!


01-09-2013 12:09 PM

حسن وراق

اصدرت ادارة التعليم بمحلية الحصاحيصا امر الي كل تلاميذ مدارس ريفي محلية الحصاحيصا يفرض عليهم احضار مقدار معين من عيش الذرة للدفاع الشعبي بالمحلية وقامت ادارة بعض المدارس في المحلية بتعطيل الدراسة بعد ان أخذت حقائب الكتب من التلاميذ شريطة احضار ما طلب منهم من عيش ذرة lمن ناحية اخري استنكر اباء واولياء امور التلاميذ هذا التصرف والذي وصفوه ب (الدقنية ) والجدير بالذكر ان غالبية التلاميذ من الفقراء الذين يحتاجون لدعم بتوفير ذرة ومواد غذائية وغالبية التلاميذ لا تتوفر لديهم وجبة الافطار التي لا تقدم في مدارس ولاية الخرطوم ومن ناحية اخري درج بعض المنتسبين للدفاع الشعبي الطواف علي مدارس الاساس بمدينة الحصاحيصا وفرض علي التلاميذ احضار مواد غذائية للدفاع الشعبي .


تعليقات 31 | إهداء 0 | زيارات 6369


التعليقات
#556772 [Mahmmedhassan]
0.00/5 (0 صوت)

01-12-2013 01:39 PM
سبحان الله...
وين الذرة وين الدفاع الشعبي وين وين...
كان زمان زمن نميري عبود المهدي في تلك العصور كانت كل هذه الأشياء متوفرة في كل بيت سوداني بكثرة نعم كنا نفتقد بعض الأشياء الاخرى أو هي كماليات بالنسبة للشعب البسيط، ولكن في عهد حكومة الغتاس وليس الانقاذ لأنها تعمل ع هدم الدولة السودانية واستقطاع أراضي الوطن الحبيب ومنذ تولي سيادة المشير الاقرع الحكم السودان يدور حول حلقة دائرية لم يخرج منها حتى الآن.
وإذا لاحظ المواطن ان السودان يذهب إلي تحت ولم يتقدم وإنما كل دول العالم تذهب نحو التطور والتنمية ولكن أين نحن الآن وأين الدول الأفرقية...‏


#555681 [ادم ادريس]
1.00/5 (1 صوت)

01-10-2013 08:52 PM
العن انسانيةمنظمات حقوق الانسان في كل العالم ان لم تدافع وتحاول ان توقف هذا الانتهاك الصارخ والخطير في حق الاطفال في السودان من هذه الفئه الهوسيه الضاله التي تنشر الافكار القذره والمنحطه وسط هؤلاء الابرياء واين اباء الطلاب ؟العن رجولتهم ونخوتهم ان لم يوقفوا هذا العبث والتلاعب باطفالهم وما ظاهرة انتشار الشذوذ ضد الاطفال الا تخلي اباؤهم وسكوتهم على هذا العبث الذي تمارسه الانظمه الشاذه من خدمة وطنيه ودفاع شعبي ودبابين وكل هذه المسميات هي انتهاك خطير لحقوق البشر وفقا للقانون


#555606 [جرير]
0.00/5 (0 صوت)

01-10-2013 06:21 PM
والله دا كل هين يجيبوا ذره ولا بطيخ،لكن ياجماعه شفع صغار ذي ديل يقطعوا الكبري المتهالك في اليوم مرتين،الناس دي لو بالدعم الشعبي ماقادرين يعملوا على الاقل حواجز للكبري دا،والله ناس عجيبه وين اهاليهم وكيف يفك الواحد شافع عمرو اقل من سبعه سنين عشان يقطع ترعة عميقه عبر جسر متهالك


#555546 [الواثق]
5.00/5 (1 صوت)

01-10-2013 04:13 PM
ومايقبضوا التجار. مايقبضوا القراص مايقبضوا الباعوض ايش معنا نحنا وليش نحنا الحراميين ولا البيشحدوا العيش


#555539 [الواثق]
0.00/5 (0 صوت)

01-10-2013 04:01 PM
ارحموا من في الارض يرحمكم من في السماء وانشاء الله عمروا مايرحمكم لو بتطلعوا قرارات زي دي ماتخجلوا اسي اولادكم بقروا كده حرام حرام والله


#555498 [الوطن العربي]
0.00/5 (0 صوت)

01-10-2013 02:47 PM
المعتمد الفاسد لهذه المدينة يدخل ما لا يقل عن 5 مليارات جنيه لحكومة الكيزان وفي هذه المدينة شارعين زلط لا يتجاوز طولهما 10 كيلو متر وشيدهما وزير الطرق في حكومة النميري والان تعتبر الردمية افضل منهما ولم يقم اي من مسؤولي هذه المدينة من الكيزان بصرف اي مبلغ لتحسين خدماتها مثل المستشفي والمدارس و السوق والمنطقة الصناعية والمنتزهات بل قاموا بتشييد مبني فخم للمحلية والشرطة والمرور ومباني النهب القانوني


#555272 [مراقب]
4.25/5 (3 صوت)

01-10-2013 10:32 AM
السودان فعلا مهزلة

هسي لو شافع دفر ليهو شافع ووقع في الموية وغرق تبقى مسؤولية منو ؟

الناس دي بتنوم كيف ؟؟؟


#555264 [أنا]
0.00/5 (0 صوت)

01-10-2013 10:23 AM
جهادية الاورطية جهادية الحلبونا


#555159 [max]
5.00/5 (1 صوت)

01-10-2013 08:54 AM
الدفاع الشعبي!!؟
المقصود بيهو الرد على الشعب(المجاهدين الحقيقيين)
الدفاااااع الشعبي يعني اذا شذاذ الآفاق طلعوا يطالبوا بحقوقم يتصدا ليهم
الدفاع الشعبي زمان كان بتكون من رجال باكلو الجمر وبحموا الوطن الآن بقوا نساوين عندهم حصانه بس لأنهم لابسين الكاكي الإتدنس للآخر وزيييييييير يلبس ..اهبل يلبس..مشرديييين يلبسوا...الخ
خلاصة الكلام

زي ما الاهبل نائب الخنزير قال خليهم ينزلوا لينا تحت......الخ بالسواطير
انتوا كمان ادونا سلاح وانزلوا لينا في الميدان


#555140 [Kudu]
5.00/5 (4 صوت)

01-10-2013 08:38 AM
اود التعليق على هذا الكبرى الواضح في الصورة وهو على ما اظن موجود بكمبو حاج على غرب محالج القطن حيث يربط بين الضفة الشرقية والغربية للترعة الرئيسية لمشروع الجزيرة وكما هو معلوم هذه الترعة عميقة وشديدة التيار.. واذا نظرنا لهذا الكبري ويسمى بكبري البراميل فاننا نجده يفتقر لادني شروط السلامة... أظن ان كبري كهذا لن يوجد في الصومال او في افريقيا الوسطى. كلما تمعنا في حالنا وواقعنا نجد اننا بعيدون بعيدون عن حال أسوأ دول العالم فقرا وجهلا وجهلا..


#555047 [Killer]
5.00/5 (2 صوت)

01-10-2013 02:38 AM
i am just wondering, how long is it gonna be for you people to sit on your asses complaining. It is time to do real work. ACTIONS SPEAK LOUDER


#555029 [نصيحة]
0.00/5 (0 صوت)

01-10-2013 12:51 AM
ارحمنا يا رحمان من الظلم باسمك الواحد الاحد (هي لله) هذه الصورة اقل شي من كمبوا حاج علي غرب المحالج من فيكم يا ناس المؤتمر بكل مسمياتكم وتنظيماتكم يرضي لاولاده ان يعبروا هذا الكبري والله هذا الكبري عالق فوق البراميل وتطلبوا ذرة من تلاميذ الاساس باي حق باي دين هل هذا هو الاسلام كفاية كفاية كفاية جبايات القيامة القيامة حتي لا تتنعموا


#554999 [الفارابي]
0.00/5 (0 صوت)

01-09-2013 11:07 PM
زمان لمن ودونا الجنوب سنة 2000م كانت الحرب مدوره والناس خائفه علي بلدها من العدو الجنوبي وكان في شئ اسمه زاد المجاهد وكان الناس بيدعمو زاد المجاهد من بصل مجفف وخبز ناشف و لحوم مجففه ايضا وكسره وما شاباه ذلك

لكن والله العظيم قضيت 11 شهر في الاستوائيه ومشيت توريت وتركاكا و كبويتا والله لم اكل من زاد المجاهد الا كوجة الجيش بالعدس
ورايت بام عيني بان السكر والزيت والبلح والاشياء المجففه تباع في سوق كنجوكنجو اكبر اسواق جوبا وسوق كاستوم وموقف ياي بالغالي يعني رطل السكر في الشمال كان ب 800 جنيه بالقديم في جوبا يباع ب 3000جنيه وصالح البيع يمشي الي الضباط الكبار في الجيش ويشتروا بالقروش العاج والابنوس وكتل المهوقني لصالحهم وينقلهو عبر الطائرات العسكريه الي الشمال

نسمع الان في ريفي الحصاحيصا انو الدفاع الشعبي بيشيل الذره وغيره من الطلاب الفقراء ابناء المزارعين المغلوب علي امرهم يا سبحان الله
انا ود جزيره من ريفي الحصاحيصا مستغرب في ظلم المؤتمر الوثني وعصاباته التي تسمي بالدفاع الشعبي ديل اكتر ناس كلاب والله ارحم من اسرائيل


#554982 [mohammed haroon]
0.00/5 (0 صوت)

01-09-2013 10:05 PM
سبحان الله العظيم


#554948 [جركان فاضى]
0.00/5 (0 صوت)

01-09-2013 08:25 PM
ومين قال ان الدفاع الشعبى بياكل كسرة اة بحب الكسرة؟


#554936 [العريس]
0.00/5 (0 صوت)

01-09-2013 07:56 PM
ادونا نحنا القنيه الدايرين تدوها من الجيعان للحرامى خلونا النرجع للوطن ونكمل شهر العسل


#554907 [قاعد تحت العمود]
4.83/5 (8 صوت)

01-09-2013 06:59 PM
اها العيش دايرينو فتريتة ولا دبر ولا ود عكر؟


#554890 [احمد]
0.00/5 (0 صوت)

01-09-2013 06:17 PM
ديل اولاد صغار كيف يكون عندهم دقون هذه مزحة ارجو ان لايتصدى لى احدهم بدرس ما


#554881 [سواق القطر]
0.00/5 (0 صوت)

01-09-2013 06:03 PM
الاخ حسن وراق الكلمة امانة قد تفرض دقنية ولكن ان ترهن شنط الطلاب هنا المبالغة فهل كنت امينا وحددت للقاريء ولو مدرسة واحدة قامت بذلك


#554879 [cour]
4.00/5 (1 صوت)

01-09-2013 06:00 PM
الحكومة السودانية تسير قافلة اغاثية لقطاع غزة لنصرة شعبها الممكون


#554853 [زروق]
5.00/5 (1 صوت)

01-09-2013 04:37 PM
انا مندهش من كل التعليقات عن اخلاق الكيزان 23سنة وكل يوم بنكتب ونقراء عن سوء اخلاقهم وعدم مبالتهم وبرودهم وطبيعتهم السمجة لاحظ لكل كوز سواء ان كان صديق اوموجود في منطقتك وقارن تصرفاتة برده فعلك اتجاه كل مايقوم بة عندها سوف تعرف لماذا حكموا السودان 23 سنة وسوف يزيدون ...من اين للكيزان بمكارم الاخلاق هم لايشبهون الا انفسهم فقط


#554808 [Almo3lim]
3.00/5 (2 صوت)

01-09-2013 03:21 PM
بالدراجي البسيط و بدون فذلكة ...

المسئولن بالدفاع الشعبي و المحلية ( عورا) و مسئولي التعليم أعور منهم !!!

بالله البلد دي عدمت ( الراجل العاقل) و بقي ما فيها إلا الهبل ؟؟؟

الصورة تعبر عن واقع بائس و خطير يهدد حياة هؤلاء الأطفال عند عبورهم جيئة وذهابا لمدارسهم مقابل ( إصرارهم) في أن يضمنوا مستقبلهم بالرغم من قصور الدولة المزري و لا يرحمون بل يرهقون و تفرض عليهم ( دقنية) !!!!

و الآلاف من أطفال الحصاحيصا لا يأكلون إلا وجبة واحدة و يتشارك كل 2-3 طلاب في كتاب واحد و بالرغم من ذلك ( تحتجز حقائبهم المدرسية رهينة لدى المدارس) !!

ما هو دور الدفاع الشعبي (لِيُعْصَرَ) له المواطن عصرا ؟؟؟

و الله إنها قلة الشغلة و التسلط و التجبر على هذاالشعب الصابر ...

و يا حسن وراق لك التحية بس بنسأل سؤال جاد :

ناس الحصاحيصا ديل ساكتين لمتين ؟؟؟؟ و ياربي مستنين الجبهة الثورية تجي عشان ( تقيف ليهم وقفة إحتجاجية ) ؟؟؟؟


#554801 [999]
0.00/5 (0 صوت)

01-09-2013 03:12 PM
غايتو الناس دى دايره جنازه تشبع فيها لطم
الكلام دا اقدم من الفتريته ذاتها الجد شنو
من سنة 1986 وانا فى الابتدائية بقولو لينا جيب عيش
بس داير اعرف الجد شنو
ومن المستحيلات استاذ ياخذ حقيبة دراسية بدل العيش
الاتكون ملانه نبق ولالوب ياجماعة ارحمونا شوية من التاليب بتاعكم دا
قال حقائب قال


ردود على 999
Israel [Amin] 01-09-2013 06:09 PM
داير رحمة سااااكت كدة ,free ، ملح؟

امش جيب ذرة وتعال


#554794 [Amin]
0.00/5 (0 صوت)

01-09-2013 03:00 PM
(بعد ان أخذت حقائب الكتب من التلاميذ شريطة احضار ما طلب منهم من عيش ذرة)


ما عرف في التاريخ لاحقا بفترة زرزرة الذرة


#554770 [وطني غيور]
5.00/5 (1 صوت)

01-09-2013 02:27 PM
ما هذه الدناءه من اين اتي هولاء النكره
هل انتم بشر قد تكونوا بشرا لكنكم مجردين من احاسيس الانسانية
قاتلكم الله و لعنكم في الدنيا قبل الاخرة

وايش يعني الدفاع الشعبي كيان وهمي ليس له دور
انه جهاز جبائي متطفل يستهلك موارد الدولة الله اكبر على كل ظالم


#554752 [وحيد]
4.00/5 (1 صوت)

01-09-2013 02:12 PM
دفاع شعبي؟ يدفعهم البلا اليخمهم، حرامية و مرتزقة على حساب البؤساء و المساكين، بدافعوا عن شنو؟ حلايب محتلة و بقت مصرية رجالة و حمرة عين و شلاتين و الفشقة و غيرها و الجنوب انفصل و بقى يخوفهم كل يوم و دارفور طلعت من ايدهم، يغورو في ستين الف داهية


#554736 [برعي حسن برعي]
5.00/5 (1 صوت)

01-09-2013 01:57 PM
لاحول ولا قوة الا بالله العلي العظيم


#554725 [Osman]
3.00/5 (2 صوت)

01-09-2013 01:44 PM
I can't believe


#554711 [أب طبنجة]
1.00/5 (1 صوت)

01-09-2013 01:24 PM
لا حول ولا قوة إلا بالله العلي العظيم يا جماعة تلاميذ جعانين ومكوفرين زي ديل يكابسوهم مكابسة زي دي أعوذ بالله


#554699 [المشتهي موية الفول]
5.00/5 (1 صوت)

01-09-2013 12:57 PM
أنشاءالله يمعط دقونكم يايهود والله اليهود ما بيعملوا عمايلكم دي


#554687 [مفجوع]
5.00/5 (2 صوت)

01-09-2013 12:36 PM
ناس جاعانين وفقراء بدل مساعدتهم تفرضوا عليهم أتاوات ..!!
الكيزان رجعونا للتركية السابقة ..!
الله يستر من الفلقة والخازوق ...!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة