الأخبار
أخبار سياسية
صحيفة " الخال الرئاسي " : القبض علي صقر اسرائيلي (جديد)!
صحيفة " الخال الرئاسي " : القبض علي صقر اسرائيلي (جديد)!
صحيفة


01-17-2013 07:10 AM
كتبت صحيفة الخال الرئاسي امس الاربعاء: تمكن مواطنو منطقة خور السكر شرق مدينة زالنجي من القبض علي صقر اسرائلي كان يحلق في المنطقة من ثلاثة اخرين بعدما اطلقت عليه الاعيرة النارية وبعد فحصه تم التأكد انه يتبع لاسرائيل يحمل اجهزة "تنصت " وكاميرا .

والجدير بالذكر ان هذا هو الصقر الثاني الذي تشير الصحيفة الى انه تم القبض عليه " بالثابته " متلبسا بالجرم المشهود بدارفور
وكانت الصحف الاجنبية قالت بشأن الصقر الأول : " رفض عالم البيئة أوهاد هاتزوفي من سلطة الطبيعة والمتنزهات الإسرائيلية، مزاعم الحكومة السودانية، قائلا إن النسور، والتي يمكن أن تطير مسافة 600 كيلومتر في اليوم، كانت مجهزة بمعدات لدراسة نمط الهجرة.

وأضاف هاتزوفي إن "هذه الاتهامات السودانية غير صحيحة.. المعدات المثبتة على هذه النسور تخبرنا أنها فقط طيور، ولا شيء آخر."

وتابع قائلا: "أنا لست خبيرا بأعمال المخابرات، ولكن ما الفائدة من وضع كاميرا على نسر لا يمكنك التحكم به؟ إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟"


تعليقات 38 | إهداء 0 | زيارات 7395


التعليقات
#586695 [علوووش]
0.00/5 (0 صوت)

02-16-2013 01:04 PM
صقر؟؟!!!!! زالنجي؟؟!!!!! والله تمااااااااام يعني خلاص الاستخبارات امنت الخرطوم تماما ........ ياخ بالله ياالطيب الماك طيب اسي الجماعه ديل لو نزلو مشاه عديل كده في زالنجي ناسنا ديل بجيبو خبر....طيب الصقور الضربت بورتسودان والشجره خبرا شنو؟؟؟ ولا الكلام ده بتكتبو عشان تكسر بيهو تلج لصقور(كم).


#579142 [عمر البشير ارقص سوداني]
0.00/5 (0 صوت)

02-07-2013 11:22 AM
هذا سخف ومحاولة للتضليل من الجبهجيه اولاد أم ...


#562197 [mohammed]
0.00/5 (0 صوت)

01-18-2013 07:25 PM
ىهر النيل
عاشق السودان
**************


بالله اها وتاني شنو كمان ؟
ده كل القدرتو عليهو !!!!!!!!! وخبر الطيارات الكندكت وجوهكم بالرماد
ورجعت سالمة الى قواعدها ما وريتونا خبرها شنو لى هسي ولا فاكرين نسينا
اخخخخخخخخخخخخخخخخخخخخ خخخخخخخخخخخخخخخخخ تفو على وجوهكم ياعفن ياوسخ يامنافقين .
الفجر الجديد جاكم


#561795 [محمد مكاوي]
0.00/5 (0 صوت)

01-18-2013 12:45 AM
يعني كل يوم نثبت للعالم انو نحن ناس عايشين في عالم متخلف هذه الثلة التي تحكمنا في قمة التخلف والغباء اين علماء البيئة اين علماء الكائنات الحية الا يدرون ان العلماء يضعوا اجهزة لمعرفة حركة الطيور لدراسة هجرتها وكيف تتحرك للمحافظة عليها من الانقراض ولن حاكومتنا الرائعة حطمت الانسان فما بالك بالحيوان ردو يا علماء البيئة وفهمو هذا الخال وجريدته .


#561757 [الصاروخ]
4.88/5 (6 صوت)

01-17-2013 11:09 PM
ياشباب انا موجود في زالنجي ولتوضيح الحقائق اصلاً الصقر ده تم اصطياده من قبل الصيادين ولما شافوهو غريب شوية قاموا جابوهو لينا في البيطري وبعد الفحص تم التاكيد بانه صقر عادي تم اعداده لدراسات علمية ولكن ناس الامن مااقتنعوا بالكلام ده المهم اتفاجانا الصباح انو جهاز الامن اطلق اشاعة انو قبض صقر عن طريق رادراته الخاصة والصقر رائد في جهاز الموساد ولابس كاكي ومزود باجهزة تصنت وتصوير حديثة وحاجات تضحك


ردود على الصاروخ
United States [ali] 01-18-2013 12:27 PM
ههههه والله كضاب وظاهر في كلامك,

Saudi Arabia [دولار] 01-17-2013 11:45 PM
وقطعت جهيزة قول كل خطيب !!!


#561694 [Petro]
5.00/5 (1 صوت)

01-17-2013 09:08 PM
صقر وقابضنوا بالثابتة ومتلبس كمان !! دة اعدموا طواااااااااالي انشاء الله في شهود ولا الصقر اقر بجرموا !! انا خائف اسرائيل ترسل قوات خاصة ( كمندو) لإطلاق سراح الصقر ( عالم غجر)


ردود على Petro
United States [ali] 01-18-2013 12:28 PM
الحشرة تطير وانت وراها

United States [ماهر بدرالدين] 01-17-2013 10:45 PM
احييك اخي Petro ويمكن وصفهم اضافة الي كلمة غجر بانهم عالم وهـــمفهم يعتقدون بان اسرائيل تريد التجسس علي السودان بواسطة صقر وفي نفس الوقت يعلمون بان سماءنا مفتوحة لما هو اكبر من صقر


#561651 [مدحت عروة]
0.00/5 (0 صوت)

01-17-2013 08:20 PM
بالله دى جريدة محترمة او تحترم عقول القراء؟؟؟
اسرائيل هى الآن فى حدودكم الجنوبية وعندها سفارة فى دولة جنوب السودان وتستثمر فى كل شىء هناك فهى واجهزة استخباراتها ايها المخابيل لا تحتاج لصقر لا يمكن التحكم فيه!!!
هى اسرائيل دى ما ضربتكم عديل كده ثلاثة او اربع مرات فى ولاية البحر الاحمر والاخيرة فى الخرطوم عملتوا ليها شنو؟؟؟
بس فلا حتكم فى السودانيين فقط ايها الفشلة؟؟؟
انتوا ذاتكم ماعندكم الرجالة لمحاربة اى اجنبى ايها الجبناء الغير وطنيين عكس جيوش بنى قريظة وامريكا والغرب والدول الديمقراطية التى لا يفكر اى اجنبى على الاعتداء على شبر من اراضيها عكسكم انتو بالضبط جيشكم وامنكم ما عندهم شغلة غير الحروب الداخلية!!!!!
عليكم الله ما بتخجلوا من نفسكم ابدا؟؟؟


ردود على مدحت عروة
Netherlands [فراشات وعلب الليل] 01-17-2013 10:20 PM
ياعالم ياوهم المعنى بالصقر الاسرائيلى ده اسحق فضل
كاتب عمود قطار الليل بجريدة مصفر الاست خال البشير
علب وفراشات الليل بشارع عبيد ختف


#561650 [ود كردفان الغرّاء أم خيراً جوّة و برّة]
0.00/5 (0 صوت)

01-17-2013 08:20 PM
زالنجى؟؟.. دا صقر ما عندو موضوع ساكت.. مالو ما حام فوق جدادة الانقلابية السمينة ام سواسيو مدغلبين ديلك كان يطلع بى فايدة.. صقر خيبان، هسى لو كان تابع لبتاع الترحيل ابو 11 وللا الاستاذ ابو 26 كان نقول اعدموه طوالى!!


#561612 [بي كرت]
5.00/5 (1 صوت)

01-17-2013 07:39 PM
هي البلد ناقصه صقور عشان اسرائيل ترسل صقورها ؟


#561558 [أسوسا]
5.00/5 (2 صوت)

01-17-2013 06:29 PM
يمكن ده إسرائيل بقول ليكم دخلوها وصقيرها حام


#561524 [siyam]
0.00/5 (0 صوت)

01-17-2013 05:39 PM
ياخوانا الجماعه ديل طاير ليهم صقر فى راسهم ده ومالاقينو ولاشنو ...كل يومين طالعين بقصه صقر


#561459 [cour]
0.00/5 (0 صوت)

01-17-2013 04:29 PM
ماذا بزالنجى حتى تتجسس علية اسرائيل وكمان بواسطة طيرة وهى القادرة على ارسال الطائرات تسرح وتمرح بسماء الخرطوم


#561412 [Abu Kanddaka]
5.00/5 (1 صوت)

01-17-2013 03:27 PM
خلونا من صقر اسرايئل العنصرية يا طيب مصطفي الما طيب اهون من الصقور المدعاة تريدون بالعطف الشعبي والله ناس دارفور ما بقتنع بكتابات الي يوم الدين.الان كرهت اهل الجنوب وانفصلوا والان استعد لنحر الجمال الي اصلاً جدك ولا ابوك ما ملكته.الان اهل دارفور في مقام اهل الجنوب الاصليين.


ردود على Abu Kanddaka
China [جعلي وفخور] 01-17-2013 07:26 PM
اولا اذا حبيت تنتقد شخص دعك من جدو او قبيلتو والله انتو اكتر ناس عنصريين وما بنتعايش معاكم عشان كده نسالله ان تنفصلو ويكون بينا حسن الجوار


#561339 [محمود العبيد]
0.00/5 (0 صوت)

01-17-2013 02:06 PM
انتم هنا عندكم آلآف ابو طيرة كن جاء صغر واحد بسوي ليكم شنو ، ولا ابوطيرة دول بغاث الطير .



انتو طبعاً لو جات ريح شديدة بتقولوا استهداف خارجي طيب امس اسرائيل فجقتكم عديل اي واحد داس ضنبه تحته الداعي شنو بتسب اسرائيل بدون اي فعل وانتو ماتستهدفوا امريكا وسرائيل .طيب ابوعصاية والحاج ساطور كرسوا لي شنو .


#561336 [دولار]
5.00/5 (4 صوت)

01-17-2013 02:05 PM
كدي خلونا من صقر اسرائيل
صقركم الاتحرش بي 26 تلميذ علملتوا ليه شنو ؟؟؟؟


ردود على دولار
Saudi Arabia [فرقتنا] 01-18-2013 04:29 AM
بحفظ في صورة بفظ في صورة المسد للتكفير والعتق من الشنق والتدرب علي استعمال السواطير

Saudi Arabia [Shah] 01-17-2013 07:54 PM
لكن ما لذيذ يا دولار


#561334 [المشتهى السخينه]
5.00/5 (1 صوت)

01-17-2013 02:04 PM
انتو الصقر الحايم ده .. وروه هيئة علماء السودان ب وين ؟


#561329 [ود السر]
5.00/5 (1 صوت)

01-17-2013 02:02 PM
(صقر) عديل وزالنجي فيها شنو.


ردود على ود السر
Sudan [عصمتووف] 01-17-2013 07:02 PM
مدرسه خاصة بها26تلميذ وبص حمولة 11تلميذ


#561295 [Citizen]
5.00/5 (1 صوت)

01-17-2013 01:29 PM
يا ترى متى سيتم القبض على صقور البحر الأحمر و اليرموك؟


#561294 [سعد اصيل]
5.00/5 (1 صوت)

01-17-2013 01:27 PM
مشكلة الصقور معانا شنو صقر داير يطير بمنو بعداك حقو الصحف دي تحترم عقلية القاري ولا بكون كلام عيال والصحيفه لو اتناولة مشكلة جبل عامر كان احسن


#561288 [أبو الكجص]
5.00/5 (1 صوت)

01-17-2013 01:22 PM
الطيب مصطفى شأنه وشأن بقية الكيزان يخاطبون الناس من علي وكأن الشعب السوداني يعيش في العصر الحجري (إنها جنون العظمة واستغفال الناس). أيها المنافق المتحاذق عندما كنا طلاب في الثانوية وكان ذلك في أواخر السبعينات عندما كان المنهج منهج جامع يزودك بالمعرفة في كل مجال درسنا في كتاب المعرفة في اللغة الإنجليزية هجرة الطيور وكيف يتابعها علماء الطبيعة من مكان إلى مكان بالوسائل التقليدية إما بربط طوق حول رقابها أو في جزء من أجسامها أو أي علامات أخرى . الآن تقنيات العصر تطورت ولا غرابة في حمل مثل هذه الطيور أجهزة للمتابعة.


#561217 [جنا الوزين]
0.00/5 (0 صوت)

01-17-2013 12:21 PM
ده صغرك خليك منتبه هههههههههههههههههههههههههههههههههههههه


#561210 [مسكين ساكت]
5.00/5 (1 صوت)

01-17-2013 12:16 PM
متعودين من عموعبدالرحيم الهترشات دي ومن عمو عمر الخطرفات دي كمان يطلع لينا خالو.يا اخوانا كلموهو يحضر قناة اشيونال جيغرافيك عشان يتعل حاجة


ردود على مسكين ساكت
United States [ابو معاذ] 02-04-2013 08:22 AM
(الود خال)


#561147 [ابو محمد]
5.00/5 (2 صوت)

01-17-2013 11:41 AM
بالله اتفرجو على قناة ناشيونال جيوغرافيك واتثقفو شوية شوف العالم بعمل في الشنو ، عادي جدا كميرات مركبة في طيور في سمك في سلاحف لغرض البحث


#561102 [عاصم]
5.00/5 (2 صوت)

01-17-2013 11:18 AM
صقراً يعاف جتتكم.


#561021 [أوكامبو]
5.00/5 (3 صوت)

01-17-2013 10:36 AM
الصقر دا طوالى مفروض يرسلوا لشيخ الترابى هو الوحيد اللى بيقدر يعرف نواياه و يجيب ليكم الخبر اليقين.


#560963 [فرقتنإ]
5.00/5 (5 صوت)

01-17-2013 10:14 AM
صقر الم فيك واكنكش فيك زي كنكشتك انت ود اختك كنكشكم بلا اخمكم وبعدين هلوسة الصقور دي شنو والرجفة شنو دا مرض نفسى مزمن


#560951 [kuwal]
5.00/5 (3 صوت)

01-17-2013 10:04 AM
هذا دليل على مدى حالة الافلاس كما يدل على جهل المتلقي لمثل هذه الاخبار الضاربة في الصطحية والجهل والتجهيل ولا تختلق كثيرا عن اساطير قصص البعاتي . كما يدل على مدى النزعة الاستغلالية لدى صحيفة (عجوبة)...ويبدو ان اخبار الجنوب والقوى الثورية اصبحت رتيبة..؟؟!!


#560936 [حنكوشي]
5.00/5 (5 صوت)

01-17-2013 09:55 AM
ده شكلو صقرك يا خالو الحايم بي كمرتو ده


#560913 [karama]
5.00/5 (4 صوت)

01-17-2013 09:42 AM
وأضاف هاتزوفي إن "هذه الاتهامات السودانية غير صحيحة.. المعدات المثبتة على هذه النسور تخبرنا أنها فقط طيور، ولا شيء آخر."

وتابع قائلا: "أنا لست خبيرا بأعمال المخابرات، ولكن ما الفائدة من وضع كاميرا على نسر لا يمكنك التحكم به؟ إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟"
اهنا ناس قريعتي راحت فهمناها لاكن البيفهم الخال فاطمة اقصد خال عمر دا منو قال دكتور قال؟!!!!


#560908 [أوعى الصقر]
5.00/5 (6 صوت)

01-17-2013 09:38 AM
الأقمار الصناعية تصورك في الحمام يا الخال ، انت لسه من زمن دخلوها و صقيرا حام ؟ يا حليلك ... الله يشفيك ... يا ربي الناس الكان بيركبو العجلة زمان نسوا ركوب العجلة ؟


#560898 [karlos]
5.00/5 (2 صوت)

01-17-2013 09:29 AM
الله ينعلك يا الطيب و يصقر راسك كمان و كمان


#560882 [سوداني سيوبر]
5.00/5 (4 صوت)

01-17-2013 09:13 AM
أنا أقترح أن يتم التحقيق مع هذا الصقر حتى يقر ويعترف من الذي أرسله --
عالم وهم


#560852 [taj alsafa]
5.00/5 (4 صوت)

01-17-2013 08:49 AM
من الخبر ظننت أن اسرائيل دخلت و صقيرها حام.


#560840 [محموم جدا]
5.00/5 (2 صوت)

01-17-2013 08:41 AM
كل يوم تطير عليك آلاف الأقمار الصناعية منها 500 أمريكا لوحدها و إنت نائم في آخر نومك داير تقول الصقر اسرائيلي و ما لا قاه صقر من السودان و ين صقور الجو الغنينا ليهم زمان و وين صقريتنا و عكاكيزنا و سيوفنا و تلب يا صقر طير الرخم مني و الصقر إن وقع كترت البتابت عيب و زمان الشاعر قال للطير:
يا طير إن مشيت سلم على البتول ما تفوته
مطرق خيزران من السبيط مخروته
فوق للمدرسة و ورا لرفاعة بيوته
لماذا وجد الصقر الاسرائيلي في دارفور ؟ و لماذا جاء للسودان ؟ و ما هي الأجهزة التي يحملها؟ و كيف عرف أنه إسرائيلي؟ و كيف يتم توجيهه من على البعد إذا اقتنعنا أن الأجهزة للتجسس ؟ لا بد من Remote sensors على هذا الصقر يعني شرحوا حتى عضامه!!!


#560815 [بنياس]
5.00/5 (4 صوت)

01-17-2013 08:24 AM
ياخي داهية في الخال الرئاسي وود اخته.!!!!!!
عليكم الله في زول بيتجسس بي طيرة في زمان القوقل ايرث و الستلايت؟؟؟


#560782 [jangy]
5.00/5 (5 صوت)

01-17-2013 07:49 AM
كدى خلينا من صقر اسرائيل وشوف دجاجة قوش ضبحوها وللا لسة


ردود على jangy
[مقهورة] 01-17-2013 11:51 AM
هي قبضوهاماطارت من العربيه قالوعالم غلبه البتعملوبس اشغلوفي الناس بالصقوروالدجاج


#560765 [الصقر جاكم !!]
5.00/5 (7 صوت)

01-17-2013 07:34 AM
وعرفوهو كيف إنو صقر ( الله يكفينا شر الصقور والصقرجية )؟؟؟ واللا خلاص كتمت وبقوا بفتشوا عن حاجة يلهوا بيها الناس ؟؟؟ مرة الشريعه ومرة صقر !!! ياخى أقول ليكم حاجة أعملوا ليكم كاس سموهو كاس الفجر الجديد وفيهو لعبة واحدة بس هلال مريخ وبشرط البرنس وعلاء الدين يشاركوا حاتعملوا غاغة تنسي الشعب دهـ السياسة شهرين لى قدام !!!! قال صقر قال !!!


ردود على الصقر جاكم !!
Sudan [دلدوم حجر التوم] 01-17-2013 10:50 AM
تعالو شوفو واسمعو اللعجب صغر شنو من اسرائيل لزالنجى ده بتزكرنى بمقولة الواحد قيل يطارد فى الأسواق المحلية قبل المشاكل بيلملم فى الكبير والصغير لا ترك بصلة ولا ام فتفت ولا كريشة ونزل ضيف مع ناس إتفاجأ بأن الغرفة اللنازل فيه حارة جداً ومليئة باعوض (ناموس) يعنى متغطى بالبطانية وقام زرط اخينا لاقادر يطلع رأسه من البطانية لالاباعوض ولا قادر يتركه بالداخل فى البطانية من العفن هذه اشبه بقصة الصغر طيب لمن مسكتوه اتحرو معاوه ولا جيبوه للجنجويد والباشمرقة يعزبوه علشان يعترف ودوه شرطة الحياة البرية كفانا صقور ما لاقين لهم حل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة