الأخبار
أخبار إقليمية
مريم السعودية : ربتني أسرة تشادية وتبناني سوداني جزاه الله خيراً وتزوجت سوداني بالسفارة السودانية - شاهد الفيديو -
مريم السعودية : ربتني أسرة تشادية وتبناني سوداني جزاه الله خيراً وتزوجت سوداني بالسفارة السودانية - شاهد الفيديو -
مريم السعودية : ربتني أسرة تشادية وتبناني سوداني جزاه الله خيراً وتزوجت سوداني بالسفارة السودانية - شاهد الفيديو -


01-20-2013 01:32 PM
ناشدت السعودية التي تُدعى “مريم” المسؤولين بالمملكة بضرورة التدخل في حل قضيتها، حيث روت الفتاة قصتها خلال حديثها مساء أمس في برنامج “الثامنة”، الذي يقدمه الإعلامي داوود الشريان، وأضافت أن والدها رجل أعمال سعودي قام بالزواج سراً بعقد عرفي بأمها هندية الجنسية، وبعد إنجابها خاف الأب أن ينكشف أمره فقام بإبعاد زوجته الهندية إلى خارج البلاد، وسلمها وهي ابنة يومين لأسرة تشادية تحت كفالته لتتولى مهمة تربيتها بأحد أحياء جدة القديمة حتى وصل عمرها إلى 27 عاماً.

وأضافت “مريم” إنها تحمل ايضا جواز سوداني وتزوجت مقيما سودانياً ،.وأشارت إلى أنها تزوجت عن طريق صديقة سودانية من أخيها وهو مقيم سوداني بجدة بعد أن ضغط عليها الرجل التشادي الذي رباها ليتزوجها، وقالت ان السوداني سافر الى السودان وحكى لرجل قصتها وتبناني سوداني يدعى احمد المصطفى وتم استخراج جنسية وجواز سفر سوداني لي وأكدت أن زوجها كان عوناً لها على نوائب الدهر وأنجبت منه طفلاً. وأوضحت أن والدها رفض الاعتراف بها خوفاً على اسمه وسمعته وأن إخوتها منه يعلمون بقصتها. هذا وقد ناشدت “مريم” خادم الحرمين الشريفين ووزير الداخلية الأمير محمد بن نايف إنصافها وأن يُجرى لها ولإخوانها من أبيها تحليل الحمض النووي DNA، لإثبات نسبها لوالدها الذي توفي قريباً.

http://www.youtube.com/watch?v=YgZC3p-hmqQ


تعليقات 68 | إهداء 2 | زيارات 40908


صفحة 1 من 212>
التعليقات
#575172 [حكاية سطر]
0.00/5 (0 صوت)

02-02-2013 11:41 PM
انا أتعجب ممن قام بالرد عليّ !!
وكأني أشتم السودان وأهل السودان .. (معاذ الله) ..
انا لم أقل شيء يغضبكم أيها الأخوة .. كل ماقلته هو من غيرتي على دولة السودان .. وتعجبي بخصوص الجنسية أعتقد أنكم توافقوني عليه . فلماذا كل هذا الكلام وهذا الخطأ في حقي !!
غفر الله لي ولكم .. وأقسم بالله أني محب لأهلي في كل دول العالم ومنها دولة السودان .. أنا مسلم ياناس مسسسسسسسلم .


#565476 [ودالعوض]
0.00/5 (0 صوت)

01-22-2013 12:59 PM
ياشعبنا الطيب الي درجة الهبل والعبط ليس الموضوع هو تجنس هذه المسكينة المظلومة بالجنسية السودانية لأنه وببساطة شديدة لو تيسر لها الحصول علي اي جنسية اخري لرمت جنسيتنا في وجوهنا ورغم انسانية المشكلة الا انها كانت مضطرة للحصول علي اي جنسية يسهل الحصول عليها تبعا لللترتيبات النظامية في المملكة حتي تتمكن من البقاء فيها! ولكن نحن السذج الغافلين عن بلادنا وهوية شعبها اللذي مرمطت ووطئت بألأقدام ليس فس السفارات السودانية ولكن داخل الوطن الأريتريون يحصلون عليها بأسهل من شربة ماء من طوكر وانتهاءا بالخرطوم جنسية وجواز سفر ورقم وطني تركوا بلادهم بل هربوا منها واستقروا في الشرق وحصلوا علي المواطنة الكاملة ويسافرون من بلادنا علي انهم سودانيون وتعالوا انظروا كيف هي سمعتنا في الخارج! بل ادهي وامر هناك منهم من حصل علي الجنسية السودانية ويقيم في السعودية وغيرها علي اساس انه اريتري بجوازه الأريتري ثم يسافر الي السودان المغفل المغافل بجوازه الأريتري وهناك في السودان يستخدم جنسيته السودانية يشتري ويتملك لأنه سوداني ثم يسافر الي الخارج علي انه اريتري وهناك وفي الخليج يتآمر علي السودانيين ويحيك ضدهم المؤامرات والكيديات ويبرز حقده الدفين علي السودانيين لأنهم اكثر تعليما وثقافة موضوع هذه البنت اساسه انساني اما موضوع جنسيتنا فأساسه جنائي ضد الشعب السوداني واجرامي ضد هويته وهكذا وبسبب سقط الأجناس الدنيا يضيع السودان كما انفصل اهله الأصليون في الجنوب وعملية الأنفصال مستمرة ان لم ننقذ وطننا


#565020 [سامي]
5.00/5 (1 صوت)

01-22-2013 04:05 AM
ياجماعة انتظروا نتيجة التحقيق والامر بيد السلطات .ماتستعجلوا المسالة بسيطة وبعد يعطوها الجنسية السعودية بترمي ليكم جنسيتكم دي بلوهاو اشربوا مويتها. لو في سجل مدني من زمان ماكان حصل الحصل .


#565015 [ود الجبل]
1.00/5 (1 صوت)

01-22-2013 03:53 AM
ياخى الجنسية السودانية دى خلى يدوها لاي زول حبشى صينى كورى بنقلاديشى هندى لانو جمهورية السودان كلهم اجانب يايين من نيجيريا وتشاد واليمن ومافى زول سودانى اصلى الا النوبة والانقسنا والدينكا والفور والمساليت اماغيرهم فهم قبائل وافدة وهسى قعدين يقولو لينا عندهم مكان ومناطق فى كردفان ودارفر ناس بتحشمو


#565012 [الحالم]
5.00/5 (1 صوت)

01-22-2013 03:52 AM
ليس من المعيب ان نخطئ ولكن من المؤسف ان نعالج الخطا بالخطا وهنا القي بلائمة على كل رجل لايتمتع بالشجاعة الكافيةان لايقدم للزواج سرا او تحت اية مسمى من انواع الزواج لانو ثمرة هذا الزواج ابناء يولدون ليس لهم ذنب ان يتحملو اخطاء اباءهمواذا كان الجواز السوداني يعالج مشكلة انسانية فما العيب في ذالك


#565007 [kuwal]
5.00/5 (1 صوت)

01-22-2013 03:50 AM
هذا الحدث امنداد لعادة واد الابناء الضاربة باطنابها في المجتمعات الجاهلية .....؟؟..




#564979 [حرقة وألم]
4.00/5 (3 صوت)

01-22-2013 03:29 AM
Soldiery is stupidity
العسكرية هي الغباء نفسه
Nine soldiers out of ten are born fools
تسعة من عشرة من العساكر ولدوا أغبياء
They are successful in four W's
War
Women
Wine
Wickedness
العساكر ناجحين في أربعة أشياء فقط تبدأ بالحرف w دبليو
1- الحرب.
2- النساء.
3- الخمر.
4- الوقاحة.
عبارات مأخوذة من كتاب ( الرجل والسلاح) اتذكرها دائماً كلما كانت هنالك قدرة على الادهاش من هؤلاء النفر.
حسبي الله ونعم الوكيل
حسبي الله ونعم الوكيل
حسبي الله ونعم الوكيل


#564659 [المشتهي الكمونية]
3.50/5 (2 صوت)

01-21-2013 11:24 PM
السلطات في المملكة العربية السعودية قادرة على معالجة مشكلة مريم وهويتها ولكن السؤال الذي يجب طرحه هو ماذا فعلت وزارة الداخلية السودانية لمعرفة كيف حصلت مريم على الجنسية السودانية وجواز السفر ، هذا الأمر يجسد روح الفساد الذي يمسك بتلابيب هذه الوزارة التعيسة ، هذه الوزارة التي تمارس أقسى أنواع التعذيب على المواطنين وتفرض عليهم الأتاوات في كل إجراء ، جنسية وبطاقة شخصية ورقم وطني وجواز سفر ورخصة سواقة ورخصة عربية وما عارف أيه ،،، عشرات الملفات والأرانيك ومئات الأوراق والطوابع والدمغات وعشرات من شبابيك الرسوم والأتاوات والرشاوي والسرقات ، إجراءات طويلة وعقيمة ومرهقة وسرقة مقننة يخرج منها المواطن لاهثا متعبا ومفرغ الجيوب وفي كثير من الأحيان يخرج بخفي حنين لأنه نسي ورقة هنا أو هناك أو لأنه لم يمنح الشرطي الكائن في الشباك شيئا يعينه في تمشية أموره ، كيف حصلت مريم على جنسية وجواز بلدنا وما هي مسئولية الوزير ومديرإدارة الجوازات تجاه هذا الأمر ، كيف سيتصرف الرئيس مع وزيره وكيف سيتصرف الوزير مع مدير الجوازات ، بالطبع لن يحصل شيء لكليهما لأننا نعيش في دولة تحكمها عصابة ، الوزير سيظل وزيرا والمدير سيظل مديرا وسيتمتع بالراتب والحافز والمكافئات والعلاوات وربما تتم ترقيته مكافئة على فشله وخيبته وربما لجأت الوزارة وادارة الجوازات للبحث عن كبش فداء وفي هذه الحالة فإن موظف صغير يفي بالغرض ، ليس هذا فحسب فيمكن ألا يتخذ أي إجراء واعتبار الأمر شأن سعودي لا يهم الوزير أو المدير أو الخفير


ردود على المشتهي الكمونية
United States [الغاضبة] 01-22-2013 08:56 AM
سلام المشتهي الكمونية، تصور جوازي مضت عليه أكتر من عشر سنوات وجدد لفترة ثانية يعني لمدة سنتين بحجة انو ما عندهم ورق جوازات، عشان يطلعوا لي جواز جديد، وبعد داك اكتشفت انو الموضوع محتاج دفع واشتريهو من السوق الأسود على حسب تصريح واحد منهم وفيهم، واني ما اخدت جواز جديد عشان ما دفعت .... .


#564657 [أبو أحمد]
0.00/5 (0 صوت)

01-21-2013 11:23 PM
القصة دي كلها رغم قساوتها
لكن لفت نظري ( حصولها على الجواز السودانى)

كيف ؟؟؟؟؟؟؟؟؟؟؟؟؟؟؟؟

واحد من الجوازات يرد
الله المستعان


#564545 [ود الجبل]
0.00/5 (0 صوت)

01-21-2013 04:30 PM
اصلا كلام ادم دا نفس كلام عرب كردفان ودارفور وما عمايستبعد بيكون من عرب تشاد وهم نفس العرب التشادين الموجودين فى دارفور


#564511 [moa]
0.00/5 (0 صوت)

01-21-2013 03:05 PM
may god be with u


#564458 [الحلفاوي القرفان]
5.00/5 (1 صوت)

01-21-2013 01:32 PM
لنكن واقعيين اكثر ...البنت ما عندها ذنب ...وربما للذين لا يعرفون

السعوديه في كل مدينه بها آلاف الضائعين والضائعات من امثال مريم ..

في الملاجئ وعندما هاجم بعض الناس تصرفات جماعة الامر بالمعروف في شخص

رئيسهم السابق ...صرح رسميا وعبر كل وسائل الاعلام باننا سنضطر لجمع اللقطاء

من الشارع العام بدلا ..من زبالات المستشفيات واقسام الشرطة ..يعني قصة

مريم الذي يتباهي هذا المتخلف الحاقد داوود الشريان بانه نقله للاعلام ..

ليست سوي نقطة من محيط ...اما حكاية الجواز فهو شئ طبيعي ...امريكا تعطي

جوازها بالهبل لمن هب ودب ...هذا اوباما يحكم اكبردوله في العالم .واخوه

مقدم للجواز المصري اكثر من 40 عاما ...(هل هي فلاحه ان تمنع جوازك للناس )

وهل مريم هي الوحيده الغير حاصلة علي الجواز السعودي ...

الموضوع كله فبركه اعلاميه للفارغين ..يا اخوانا رجعونا لمواضيع الوطن المعروض

للبيع ..والشارين ...اخوان مريم ...


#564413 [حران أجمد]
3.50/5 (2 صوت)

01-21-2013 12:14 PM
هذه البنت تستحق جواز السفر السودانى لأسباب إنسانية ويشكر زوجها السودانى على الزواج منها وحمايتها ولكن الموضوع يثير قضية أخرى هى سهولة الحصول على الجواز السودانى لدرجة ( العهملة ) وهذا دليل على وجود فساد فى الشرطة يجب إجنثاثه...الشىء الثانى هو إجراءآت التبنى لشخص موجود خارج السودان كيف يحدث ذلك ؟؟؟ أغلب الظن أن زوج هذه البنت وكما ذكرت كان يعمل بسفارة السودان فى المملكة فلا بد أن عمله فى السفارة سهل هذه المهمة وربما بل حتماً إن الموضوع به إستغلال نفوذ أو شبهة فساد ورغم إنسانية القصة ولكن على السلطات أن تتحرى كيف تم الموضوغ بهذه السهولة ؟؟؟؟


#564376 [الغيث الماطر]
0.00/5 (0 صوت)

01-21-2013 11:42 AM
لمازا رفعت الشكوي عند هزا الزمن الامر بة لقط


#564371 [Amin]
1.00/5 (1 صوت)

01-21-2013 11:31 AM
انشاء الله ربنا يوفقك


#564361 [ود الحاجة]
1.00/5 (1 صوت)

01-21-2013 11:17 AM
يا ليت الامر توقف على منح الجنسية السودانية لانسانة ظلمها ابوها و ساعده على ذلك شخص من بني جلدتنا, لكن المصيبة ادهى من ذلك و أمر فارض الوطن العزيز و مقدراته تباع تباعا و بالمزاد الخفي و ابناء السودان اصبحوا مرهونين لعبودية وذل القروض الربوية و لم نقرا الا القليل من التعليقات على ذلك .
اذا كانت مقدرات البلد تباع و تدمر فالنتيجة الطبيعية تدني قيمة الجنيه السوداني و الجواز السوداني و القيم الاصيلة و اخيرا الانسان السوداني


ردود على ود الحاجة
United States [ayman] 01-21-2013 11:54 PM
الجواز السوداني ما ذا يعادل بالنسبة للجواز الأمريكي اوبا يحمل الجواز الأمريكي مع العلم انه ليس من سكان امريكا الأصليين نحن نقول ديل تشاديين وديل نجيريين ما نديهم الجواز دا تخلف ايه يعني يمكن الحصول على الجواز السوداني بسهولة دي ميزة يابقر


#564341 [mohamed]
5.00/5 (3 صوت)

01-21-2013 10:29 AM
يا شباب الجواز السوداني اصبح زي الجرائد تباع في الطرقات
السعوديون لا يريدون الجواز السوداني حتي لو كان بالبلاش ومعاها شوية قروش اما مريم المسكينة
حالتها فريدة نسأل الله في عونها
السفارة السودانية في القاهره يقوم بتوزيع الجوازات للمصريين بصورة مبالغة.
بدليل ان المصريين يقولون أستخراج الجواز السوداني اسهل من ركوب الاتوبيس


ردود على mohamed
United States [مصطفي دنبلاب] 01-21-2013 11:26 AM
ياريت .


#564329 [السودااني الخطر]
0.00/5 (0 صوت)

01-21-2013 10:02 AM
آدم تشادي وليس سوداني

للتوضيح فقط ؟

يا عـــــــــــــالم

والقانون سيأخذ مجاراهو


ردود على السودااني الخطر
United States [ود الجنقو] 01-22-2013 01:37 AM
قانووووووووووووووووووووووووووووووووون يا


#564321 [Elmansoor]
5.00/5 (1 صوت)

01-21-2013 09:49 AM
ما كنت أعتقد انو الموضوع ده يلاقي كل الاهتمام دا من المعلقين مع احترامي لكن موضوع فارغ وهمنا اكبر منو. في كل يوم بيموت سودانين من مليون مصيبة واحنا همنا ادي منو جواز وحصل شنو والمشكلة محللة وهي نظام فاسد ولابد من اسقاطو فالمشكلة معروفة والحل معروف والغائب هو الفعل.


#564317 [محمد]
4.50/5 (2 صوت)

01-21-2013 09:36 AM
ما لقيته الا قضية هذه المسكينة عشان تعلقوا عليها بالعشرات. يعني شنو لو أنها أخدت جواز سوداني ما هي عربية وأنتم تدعون العروبة ما تخلوها سودانية عشان تزيد في عروبتكم وهم شوية اللي أخدوا الجنسية السودانية. سبحان الله مافي واحد دعي ليها ولنفسه دعوة طيبة تقيه وأبنائه وأهله شر تصاريف الدهر في نفسه وفي أبنائه من بعده.


#564272 [بلدينا]
0.00/5 (0 صوت)

01-21-2013 08:05 AM
للاسف من السهل جدا استخراج الجنسية السودانية؟ ه>ه الفتاة ولدت من اب سعودي وام هندية.سلمت لاسرة تشادية وكان عمرها حسب الرواية شهرين.اختفي والدها واختفت امها.تم استخراج جواز سفر لها وهي جالسة بالسعودية بعد ان اتفق معها شاب سوداني وهم بالزواج لانه ليس لها اثبات شخصية.(يعني بالواضح هي بنت حرام)ل>اك اختفي والدها السعودي الجنسية وامها الهندية.منتهي الفوضي.وبرضو نقول كتر خير من قاموا بتربيتها الي ان وصلت عمر الزواج.ولكن الاشكالية في الفوضي التي لدينا في منح الجنسية وهم لا يحصون ولا يعدون والله المستعان.


ردود على بلدينا
United States [جعلي حر واحمق] 01-21-2013 11:17 AM
نعم عندنا اذبل شرطه في العالم لمن استلمها محجوب حسن سعد الافراد ملابسهم بقت نظيفه لاكن للاسف نظام الانقاذ لا يقبل امثال محجوب حسن سعد وبعد تنقلت رئاسة الشرطه من جنازه لي جنازه والله المستعان رجال وضباط الشرطه الاغبياء همهم الوحيد دعاية الانجاز والفشخره والبوبار لا هم وطني لهم
والمعلوم ان تعاملهم مع المواطن حتي في الاجرائات العاديه تعامل رف جدا ولا يفلحون في اي شئ غير ذلك
وللاسف الشديد حتي مظهرهم يخجل ولا يحترمون الحق العام عندما يتجولون بسياراتهم بغرض او بدون غرض
ولا حسيب ولا رقيب لهم وفي الختام اللهم يا رحمان افتح لنا بي شرطه زي شرطة دبي


#564257 [راجل المرا]
5.00/5 (1 صوت)

01-21-2013 07:42 AM
مالكم يا جماعة زعلانين على الجواز السودانى؟؟؟؟
وارغو الماسورة ادوهو الجوازخليك من المزة العجيبة دى...
ياخى دى مش مفروض يدوها جواز بس مفروض تبقى وزير دولة......


ردود على راجل المرا
United States [ابو علي] 01-21-2013 09:11 AM
ما يتساهل الرد شطبته


#564251 [سودانى طافش]
5.00/5 (4 صوت)

01-21-2013 07:31 AM
عندما بدأت موجة ( اللجوء ) للسودانيين فى أمريكا وكندا وأستراليا وبريطانيا وأورزبا .. رأينا كثيرا من التشاديين والأرتريين والحبش يقدمون للجؤ بالجواز ( السودانى ) أما المصريين ( النوبة ) فكانوا يحملون الجوازات السودانية بالتواطؤ مع جماعتهم المحس والنوبيين وكلنا نعرف ذلك ..!


#564243 [عجيبة الدنيا]
4.00/5 (2 صوت)

01-21-2013 07:15 AM
قال الشاعر لبيد ويأتيك بالأخبار من لم تزود . الجنسية السودانية عملتها واحدة طبيبة لشغالتها وهي اريترية احضرها زوجها لها من بورتسودان لأن زوجته تعمل طبيبة واخيراَ تززوجها أريتري . كل شىء في ارض المليون متر مربع ممكن يكون . وايش هو الصعب وحتي ايام حكم أبعاج النميري مافيش حاجة مستحيلة ناس باعت اراضي بالغش أوراق مزورة وأخذت فلوس من المغتربين بالعملة الصعبة تحت غطاء السفارة كي منحهم عمولات .نحنا دائما ما المتبرعين بالسلاح لفلسطين وبالبترول للجنوبيين وأصبح شعبناجوعانين و مشردين
طيب سؤال : لو ما كان هذا البرنامج (الثامنة)تم ظهورة في هذه السنة ماذا كانت تفعل (مريم)؟
هل ستسكت على هذه الحالة الى مدى الأبد؟ أم فكر زوجها في بعض الطمع.


#564241 [محمود العبيد]
3.25/5 (4 صوت)

01-21-2013 07:07 AM
لو في واحدة زيك انا شخصياً دايرها بالحلاااااااااااااااااااااااااااااااااااااااااااااااااال .


ردود على محمود العبيد
United States [ود الجنقو] 01-22-2013 01:42 AM
عليك بالمايقوما تقوم بيك واحدة من داخل البلد امها حبشيةوابوها سوري او اردني وكمان ضابط شرطة


#564236 [المؤكوك الفضائي]
2.25/5 (3 صوت)

01-21-2013 07:00 AM
ياجماعة الخير كلكم زعلانين عشان الجواز (ماسمعتو بالجواز بالنظر والدفاع بالنظر)ونمتلك حق الرد في اي وقت (وا000 الفاتح جبرا)0


#564235 [كجمجم]
5.00/5 (1 صوت)

01-21-2013 06:58 AM
اعتقد ان القضيه تمت تسويتها بين ادل ووالد البنت وضابط الشرطه عندما ارسلت مريم الي السجن ومكثت به 21يوم بدليل تسليم ادم المستند الوحيد للشرطه لدذلك شإنا ام ابينا ان شريك اساسي في فذه القضيه


#564213 [زول]
5.00/5 (3 صوت)

01-21-2013 06:19 AM
الموضوع سيكون حله كالاتى 1/ الموضوع تدخل فيه الان الامير خالد الفيصل امير منطقه مكه وهو رجل قوى جدا - سوف يتم استدعاء مريم وادم والاستماع للقصه من الاول بكل حذافيرها وسوف يتم احضار الورقه الاصليه المكتوبه بخط يد الوالد ويتم استدعاء اخوان مريم بحضور ادم - لو اعترفوا باختهم سوف تنسب لوالدهم وتحمل اسمه ولو طالبوا باجراء الفحص سوف يتم وفى الاخير سوف يتم نسبها لوالدها واسرتها - المستفيد الاول الزوج السودانى والخاسر هو ادم لسبب بسيط الان تتوجه الانظار اليه كونه شريك فى هذه الجريمه وواضح انه زول بسيط غير قادر عن الدفاع عن نفسه ولكن انه قام باكبر دور وهو رعايته وتربيته لمريم -- اتوقع تتم مسالة السودانى عن كيفيه استخراج الجنسيه والجواز عن طريق السفاره بعدما تكشفت الامور ولو بصورة ديكوريه -- فى الاخير ستكون مريم سعوديه وزوجها سودانى


#564211 [سوداني]
3.00/5 (2 صوت)

01-21-2013 06:16 AM
بعد الإعاذة بالله من التحدث بما لا اعلم.

لا اعلم لمذا كلنا نتحامل على الشاب السوداني والجهة التي استخرجت جواز سوداني لتلك الفتاة "الضحية"؟؟
يبدو اننا نجهل الكثير من قوانين الهجرة والتجنس في بلدنا! فهنالك فقرات مضمنة في القانون تمنح حق الجنسية السودانية لغير السوداني المتزوج من مواطن سوداني وايضا هنالك قوانين تعطي حق التجنس لكل انسان مُتبنى ولا اود الخوض في ذلك.
يجب علينا ان نفتخر بإنسانيتنا لان معنى الانسانية كبير، لا تجسده لنا نظم الكفالة والرق المعروفين عند جارتنا وغيرها من الدول التي تقبع في جهل مهيب، تردٍ خُلقي وعماً افقي.

الاخ سعودي الجنسية، انت تتحدث عن السودان، فعلينا اولا وعليك التريث والإلمام بحيثيات ما نود التحدث عنه، فالاشكالية تقبع في والد تلك الفتاة "الضحية " والأسرة التي لا تملك اي وازع ديني ولا خلقي ولا تملك ضميرا إنساني بل ربتها طمعاً في الدنانير ونسيت ان هنالك خالق يحاسب على الكبيرة والصغيرة.

فشكري الى بلدي وكل انسان بلدي


#564185 [خالد]
2.94/5 (7 صوت)

01-21-2013 05:48 AM
التعليقات كلها تدور في كيفية حصول مريم على الجنسية السودانية !! يا جماعة الحضري حارس المريخ طلعوليهو الجنسية السودانية قبل ما يصل السودان !!! واللاعبين الافارقة في الهلال والمريخ تتوزع عليهم الجنسيات السودانية زي كروت زين وفي نفس السنة يشطبوهم !! .. يعني الشغلانة فوضى علنية .. على الاقل مريم متزوجة سوداني


#564173 [مممم]
0.00/5 (0 صوت)

01-21-2013 05:44 AM
طلعتي الجنسيه السودانيه بهل السرعه58


#564160 [حسنين]
0.00/5 (0 صوت)

01-21-2013 05:33 AM
.....
القصة دي فيها كمية بتاعت حاجات خفية ومريبة جدا ....كثير من الاخوة تطرقو لي موضوع سهولة حصولها علي الجواز السوداني ودي حتة غريبة جدا ....
تاني حاجة ....كيف البت دي ماعندها اي ورق او اثبات شخصية لحدي ماعرست السوداني دا ؟ ...كانت بتقرأ كيف ؟
تالتا : الفترة بعد ماهربت من ادم دي كانت قاعدة وين وبتصرف من وين وعايشة كيف لحدي ماعرست ...
....
الايحاء العام التركه البرنامج انو ادم دا الشخصية السيئة ومحرك الشر ...لكن انا شخصيا شايف العكس ....لانه مضغغوط والخيارات قدامه مامتاحة لانو شكلو ابوها السعودي دا بخوف لدرجة انو عمك بتاع البرنامج دا شاطب اسمو !!! ....
.....


#564128 [اقرسكتى]
4.63/5 (5 صوت)

01-21-2013 05:04 AM
حضرت الحلقة وللاسف المقدم متحامل جدا على ادم المسكين والذى لايستطيع ان يبرر موقفة بطريقة جيدة وواضحة ولم يذكر هذا المقدم بسؤ ولو مرة هذا الرجل السعودى التافة الذى يرمى بنت فى عمر يومين ويطرد امها الى دولتها ولايعترف بغلطتة ولاببنتة الى ان يموت..سبحان اللة
وفى الاخر سوف ترمى كل البلاوى على المسكين ادم حسبنا اللة ونعم الوكيل


#564093 [الى وزارة الداخلية]
4.79/5 (6 صوت)

01-21-2013 04:13 AM
انا لما مشيت السفارة انا وابني عشان نطلع جنسية اوراقنا تامة وجواز اابوه وجنسيته معانا وانحنا من منطقة بعيدة قال الضابط لازم يجي ابوه وقطع الاب شغله وجا اوانحنا سوداانييين كيف اطلعت لمريم جنسية وهي لم تر السودان وانحنا السودانييين نطلعها بعد تدقيق


ردود على الى وزارة الداخلية
United States [الشمتان] 01-22-2013 03:47 PM
ايه الحكاية يا Karrar داير تورينا انك عندك انجليزي رابط؟
ياخي النبي عربي ،،،بعدين قدرتنا قد تلاتة مرات تنزل نفس الرد لي تلاتة تعاليق مختلفة؟
باين عليك متخلف وأول مرة تشارك.
يا إخوانا البتكتبو بي الانجليزي اذا ما بتعرفوا عربي أمشوا اتعلموهو. والله دة كلو كلام استهبال وحركات مراكبية. يعني دايرين تقنعونا أنكم بتقروا عربي وتفهموهو ولمن تجئ لي المشاركة تردوا بي الانجليزي ؟ يا مرضا نفسيين يا متدسين بيناتنا ً،،، والله مهزلة قال ديل الدايرين يغييروا النظام ويحكموا الشعب بي عدل وادوهم حقوقهم ،، والله الا تعلموهم انجليزي او تتعلموا كيف تتخاطبوا معاهو بي لغتو
لعنة الله علي دك نوع من البشر البتنكر لي ناسوا ولغتو وبيدعي الوطنية والانتماء

United States [Abdelazim H. A. Karrar] 01-21-2013 07:00 AM
Asalam Aalaikum Brother. To get the Sudanese Nationality like Maryam is not that difficult since The THUGS of Alingaz seized power in 1989. They changed the Immigration Law to permit the Dual Nationality to enable them to grant the Sudanese Nationality to the AFGHAN ARABS who did fight the Russian in Afghanistan and were welcomed by Alingaz( INCLUDING ALTURABI) to live in the Sudan and have their training camps in the Sudan. They issued them Sudanese Diplomatic Passports, the less fortunate from them who did not get this valuable Document were given a letter from the Palace Of Khartoum to the Immigration Authority at Khartoum International Airport not to stamp on their Passports when they enter the Sudan via Khartoum Airport and also not to stamp their passport when they were leaving The Sudan via Khartoum Airport returning to their countries, so their Country Authority will not know they were in The Sudan. They will remain as sleeping cells to act at the right time. Some of them we women. Maybe our Sister Maryan was in the same system.


#564077 [الكردفانى]
3.50/5 (4 صوت)

01-21-2013 03:49 AM
السؤال العجيب ------- كيف تحصل السودانى بسهوله على الجنسيه والجواز وكيف تم الزواج فى القنصليه بهذه الاوراق -----------------


ردود على الكردفانى
United States [cour] 01-21-2013 11:17 AM
يا كردفانى الحكومة عندها عقدة اسمها اللون والعروبة فلمى الستغراب

United States [Abdelazim H. A. Karrar] 01-21-2013 07:05 AM
Asalam Aalaikum Brother. To get the Sudanese Nationality like Maryam is not that difficult since The THUGS of Alingaz seized power in 1989. They changed the Immigration Law to permit the Dual Nationality to enable them to grant the Sudanese Nationality to the AFGHAN ARABS who did fight the Russian in Afghanistan and were welcomed by Alingaz( INCLUDING ALTURABI) to live in the Sudan and have their training camps in the Sudan. They issued them Sudanese Diplomatic Passports, the less fortunate from them who did not get this valuable Document were given a letter from the Palace Of Khartoum to the Immigration Authority at Khartoum International Airport not to stamp on their Passports when they enter the Sudan via Khartoum Airport and also not to stamp their passport when they were leaving The Sudan via Khartoum Airport returning to their countries, so their Country Authority will not know they were in The Sudan. They will remain as sleeping cells to act at the right time. Some of them we women. Maybe our Sister Maryan was in the same system.


#564069 [طائر الفينيق]
4.00/5 (2 صوت)

01-21-2013 03:44 AM
مطلوب من السفارة السودانية التحرك العاجل تجاه آدم وتوكيل محامي له:



+ القصة مؤسفة جداً وتشبه سيناريوهات الأفلام الهندية كما علق بعض الأخوة.. وكما قال اوسكار ويالد فان الحياة هي التى تقلد الفن وليس العكس !!!

+ المسئولية على المستوى الكبير تقع على عاتق نظام العمل المتخلف المسمى (الكفيل) وهو نمط انتاج أشبه بعهود الاقطاع والرق في صورة حديثة !!

+ القانون كما هو معروف لا يتطابق دائما مع قيمة العدل.. آدم هو الطرف الوحيد الموجود بالاضافة لمريم.. ومن الواضح أنهم سيجعلونه الضحية الأولى ولن يلتفتوا للدور الانساني الذي قام به في رعاية هذه البنت ومحاولة حل الاشكالية في حدود قدراته( زواجها منه أو من سوداني) !!

+ السفارات في كل مكان تدافع عن حقوق رعاياها.. وسفاراتنا تدافع عن حقوق جباياتها .. المطلوب التحرك العاجل من قنصلية السودان بجدة وتوكيل محامي كفء لآدم... لحفظ حقوقه .. وان كان النظام القضائي السعودي لا يزال بعيداً عن معايير التقاضي العالمية.. ونظام المحاماة عندهم جديد ومحدود جداً !!!

+ الذي يهمنا كسودانيين- بالاضافة للتعاطف الانساني مع مريم- هو حقوق آدم أيضاً !!!

+ في مث هذه الحالات قد يدفع التعاطف الانساني العارم مع مريم, الى التحامل على آدم وظلمه... فالرجاء الحذر !!!


#564065 [saifeldin]
5.00/5 (1 صوت)

01-21-2013 03:41 AM
الجواز السوداني في إيد كل من هب ودب والمسؤلين عن هذا الجواز أكيد ما سودانيين انا معاي هنا أرتريين وبالاسم سعديه الشفا داؤد وناصر الشفا داؤد يحملين الجواز السوداني ويملطشوا باسم السودان وأكيد عندهم الجواز الجديد أرجو من القائمين علي هذا الامر ان يراعوا للسودان الحبيب بلد الجدود يا وطني وبلد أحبابي


ردود على saifeldin
United States [saifeldin] 01-22-2013 09:56 AM
إلي مواطن غيور وHisham طرف السوط ضربكم ولا شنو حقيقه جنسيتنا في يد كل من هبه ودبه كانت عند كارولس الارهابي والغنوشي والجماعه الذكرتهم ديل وتشاديين أناشد ألمقدم شرطة آدم عبدالله بخيت إجراء ألازم قال حبش قال

United States [مواطن غيور] 01-22-2013 02:24 AM
أولاً ياسيد يافاهم لا تتلكم عن شيء لا تدري عنه ماشدني للرد عليك هجومك على الجنسيه السودانيه التي لا تمنح لاي شخص بالهين وهناك قوانين ولوائح مفترض انت كسوداني ولو كنت سوداني الاصل والجذور فعلا مفترض انك تعرفها وتحافظ عليها وتدافع عنها في المقام الاول قبل مهاجمتها في منبر مفتوح واذا كان عندك احقاد ومرض نفسي داخلك تجاه اشخاص بعينهم مافي داعي لذكر اسماء مباشرة اذا غرضك فعلا الخوف على السودان واشك في انك غيور على السودان او قوانينه
لانو القانون السوداني لا يمنح الجنسيات الا بشروط مدروسة وموثقة وكل من مكث في السودان سنين معينه او والده موجود في السودان قبل ميلاده من حقه منحه جنسيه البلد التي ولد فيها وهذه قوانين عالمية وبالعكس اي دولة توجد فيها اكثر من 5 سنوات تحمل جنسيتها الا السودان صعب فيهو الحصول الجنسيه ومثلا في امريكا ماذا يحمل كل من مكث هناك او ولد في امريكا يعني القصة قوانين دولية معروفة ومافي داعي الواحد يرمي الناس بالباطل وتذكر انو في رب كريم يحاسبك على الفاظك ومافي داعي لمراقبة الناس ورميهم بالباطل
لكن يبدو انو الفراغ يعمل بالواحد اكتر من ذلك من انت وماذا قدمت لبلدك السودان ودي مشكلتنا كسودانين نتكلم اكثر من مانعمل ولو كان كلامنا وانتقاداتنا دي في عمل مفيد ماكان حايكون في احسن مننا.
وأخيراً يشهد الله انا لا اعرفك ولا من قريب ولا من بعيد ولااعرف من تتحدث عنهم لكن طريقة كلامك استفزتني ودعتني للتحدث عن ذلك وواجب عليك تقديم عذر للناس ديل لانك يبدو انك ظلمتهم والظلم ظلمات.

United States [Hisham] 01-21-2013 05:42 AM
يملطشوا باسم السودان ؟؟ نعم نعم يادلعدي انت !!! جنسيتنا بشيلوها لعيبة الكورة ناس وارغو وجارغو وزفت الطين ديل قبل مايطأو ارض السودان ياشاطر .. جنسيتك تباع وتشتري لمن يدفع ويبيعوها ضباط داخليتك الوسخين قال يملطشوا بيها قال


#564045 [حكاية سطر]
5.00/5 (4 صوت)

01-21-2013 03:18 AM
صحيح أني سعودي ولكن والحق أقول بانه يزعجني أن أسمع مثل هذه القصة التي لم يشدني فيها غير أمر واحد فقط ! كيف حصلت على الجواز والجنسية السودانية بكل سهولة ؟!! هل من السهل حقاً أن يحصل أي شخص على الجنسية السودانية ؟! بصراحة قد تكون هذه القصة بداية لكشف قصة أكبر تتعلق بدولة السودان والسودانيين أنفسهم .


ردود على حكاية سطر
United States [خضر عمر ابراهيم] 01-22-2013 04:13 PM
يا حكاية سطر باين عليك داير ليك درس عصر عشان تفهم بان السودان وطن للجميع وفاتح ذراعيه لكل من أضاع حقه وطنه الحكاية مش حكاية حصلت علي الجنسية السودانية كيف ؟ اسأل نفسك واسأل الكثيرين من السعوديين أمثالك كم طفل وطفلة مثل هذه التي أعطاها السودان ما لم يعطه اليها من خلفوها. وبعار كمان كم أم مثلها تم أخذ اعز ما تملك منها وأخذ منها ما انجبته الخطيئة فمنهم كم موودة وموود؟ والله اعلم بالأحياء اين هم الآن فهذه التي تحصلت علي الجنسية السودانية كانت أكثر حظا من غيرها وأحسبها انت يا ناقص كم مثلها وراء الجدران لم ير الشارع او الشمس وجعلوا خدما من وراء جدر الي ان يفعل الله بهم أمرا كان مفعولا
تخيل انت مقيم يربي مواطن؟ فأيهما هنا الكفيل الكافل أم المكفول؟ اذا كنت تفهم هذا المعني،،،
قل كلامك هذا للأمير الذي أثارته القصة وفتح تحقيقا ولا تقله انت. وغدا ستري خطابات الشكر التي ترسل الي السودان علي حسن تفضله بإعطاء الاسم والهوية لهذه المظلومة التي رمي بها من هو من شاكلتك حتي وان كانت الطريقة التي تحصلت بها علي جواز السفر خاطئة ولا تجوز وليست قانونية ولكن اذا ما نظرنا اليها بمنظور اليوم من الناحية الإنسانية فملايين البشر تحصلوا علي جوازات سفر وجنسيات في بلاد اللجو بمعلومات كاذبة ويعلم الذي منحها انها معلومات كاذبة ولكن الناحية الإنسانية تلزمه بان يمنحها حماية وحفاظا علي قدسية وكرامة ذلك الانسان الذي لفظه بلده فكيف بالله سيفعلون لمن لفظه والده؟ لا شك أنهم سيكرمونه ويعطوه وطنا وهوية وكذلك أبا حتي يحسسونه انه ليس بإنسان وإنما هو أقيم من في بني الانسان لانه ظلم ممن أنجبه ولم يعطه ابسط الحقوق التي يفرضها عامل الأبوة وهي التربية والرعاية. ،، ولا شك انك يا لا سطر تحتاج الي تربية وليست هوية حتي تفهم معني ان تكون إنسان وكيف يجب ان تعامل بإنسانية
ولا أزيد أمثر من ان أقول انك فاقد إنسانية
اما فيما يتعلق بسؤالك عن ما يتعلق بدولة السودان والسودانيين؟
فهم اشرف ممن هم اشرف منك والسودان اعطي لهذه المظلومة ما لم تعطه لها السعودية دولتها الأصلية فيجب أمثالك ان يخرصو ويحسسوا رؤوسهم عندما يأتي ذكر السودان والسودانيين بغض النظر انها تحصلت علي ما تحصلت علية بصفة غير قانونية ولكنه كان بنخوة ومروءة فبدلا من ان يشكر أمثالك السودان والسودانيين ممن حفظوا لكم شرفكم هاهو يسال بسخف واستخفاف عما قدموه ليواروا سواءة أحد مثلك. ،، وصحيح والله الاختشوا ماتوا واعتقد ان السعودية يحب ان تتبرأ من أمثالك وتجردهم حتي من المواطنة لانك لا تتصف حتي بالإنسانية

United States [خضر عمر ابراهيم] 01-22-2013 04:05 PM
يا حكاية سطر باين عليك داير ليك درس عصر عشان تفهم بان السودان وطن للجميع وفاتح ذراعيه لكل من أضاع حقه وطنه الحكاية مش حكاية حصلت علي الجنسية السودانية كيف ؟ اسأل نفسك واسأل الكثيرين مت السعوديين أمثالك كم طفل وطفلة مثل هذه التي أعطاها السودان ما لم يعطه اليها من خلفوها. وبعار كمان كم أم مثلها تم أخذ اعز ما تملك منها وأخذ منها ما انجبته الخطيئة فمنهم كم موودة وموود؟ والله اعلم بالأحياء اين هم الآن فهذه التي تحصلت علي الجنسية السودانية كانت أكثر حظا من غيرها وأحسبها انت كم مثلها وراء الجدران لم ير الشارع او الشمس وجعلوا خدما من وراء جدر الي ان يفعل الله بهم أمرا كان مفعولا
تخيل انت مقيم يربي مواطن؟ فأيهما هنا الكفيل الكافل أم المكفول؟ اذا كنت تفهم هذا المعني،،،
قل كلامك هذا للأمير الذي أثارته القصة وفتح تحقيقا ولا تقله انت. وغدا ستري خطابات الشكر التي ترسل الي السودان علي حسن تفضله بإعطاء الاسم والهوية لهذه المظلومة التي رمي بها من هو من شاكلتك حتي وان كانت الطريقة التي تحصلت بها علي جواز السفر خاطئة ولا تجوز وليست قانونية ولكن اذا ما نظرنا اليها بمنظور اليوم من الناحية الإنسانية فملايين البشر تحصلوا علي جوازات سفر وجنسيات في بلاد اللجو بمعلومات كاذبة ويعلم الذي منحها انها معلومات كاذبة ولكن الناحية الإنسانية تلزمه بان يمنحها حماية وحفاظا علي قدسية وكرامة ذلك الانسان الذي لفظه بلده فكيف بالله سيفعلون لمن لفظه والده؟ لا شك أنهم سيكرمونه ويعطوه وطنا وهوية وكذلك أبا حتي يحسسونه انه ليس بإنسان وإنما هو أقيم من في بني الانسان لانه ظلم ممن أنجبه ولم يعطه ابسط الحقوق التي يفرضها عامل الأبوة وهي التربية والرعاية. ،، ولا شك انك يا لا سطر تحتاج الي تربية وليست هوية حتي تفهم معني ان تكون إنسان وكيف يجب ان تعامل بإنسانية
ولا أزيد أمثر من ان أقول انك فاقد إنسانية

United States [جعلي حر] 01-21-2013 11:29 AM
اولا اشكرك اخي العذيذ علي اهتمامك السودان من اعرق البلدان الافرو عربيه حينما كانت بلدان كل العرب صحاري ومراعي فقط كانت مدن السودان تنعم بالمدنيه والتحضر وارجع الي تاريخ السودان ستعرف ذلك لاكن حق علي اهل السودان ان تحكمهم فئة طفيليه ضاله جاهله منافقه تكذب باسم الله ورسوله
هي التي اوصلتنا الي ما تراه

United States [ود السارة] 01-21-2013 07:07 AM
ياخي انت حكايتك سطر وبس انت حكايتك دايرة ليها كتاب عديل كدا. شنو ياحبة دخلت فينا يزعجني وما يزعجنيي.. كدا روق المنقة شوية( ما تخلينا ندق الصفائح ونطلع الفضائح)

United States [Abdelazim H. A. Karrar] 01-21-2013 07:07 AM
Asalam Aalaikum Brother. To get the Sudanese Nationality like Maryam is not that difficult since The THUGS of Alingaz seized power in 1989. They changed the Immigration Law to permit the Dual Nationality to enable them to grant the Sudanese Nationality to the AFGHAN ARABS who did fight the Russian in Afghanistan and were welcomed by Alingaz( INCLUDING ALTURABI) to live in the Sudan and have their training camps in the Sudan. They issued them Sudanese Diplomatic Passports, the less fortunate from them who did not get this valuable Document were given a letter from the Palace Of Khartoum to the Immigration Authority at Khartoum International Airport not to stamp on their Passports when they enter the Sudan via Khartoum Airport and also not to stamp their passport when they were leaving The Sudan via Khartoum Airport returning to their countries, so their Country Authority will not know they were in The Sudan. They will remain as sleeping cells to act at the right time. Some of them we women. Maybe our Sister Maryan was in the same system.

United States [سودانى طافش] 01-21-2013 06:52 AM
أسئلتك نحن أنفسنا السودانيين نسألها وهى كيف حصول الآخرين على الجنسية السودانية .. ليكن فى علمك أخى أن وزير داخليتنا مشكوك أيضا فى جنسيته وقس على ذلك .. كثير من التشاديين والأرتريين وصلوا إلى الأجهزة الهامة فى الدولة وسهلوا منح الجنسية لأهلهم وأقاربهم وقبيلتهم وهولاء موجودون فى كل السودان وحتى السفارات ..! السودانيين بمجرد النظر والتحدث إلى سودانى اخر يعرفون من أين هو وماهى أصوله .. صدقت فى أن هذه القصة وغيرها تقود لكشف أكبر فلا تعتقد بأن أى سودانى فى ( السعودية) هو سودانى ..!

United States [اقرسكتى] 01-21-2013 05:41 AM
الم يشدك ان سعودى رمى فلذة كبدة ذات اليومين وطرد والدتها الى دولتها
يشدوك بحبل يارب دى فهمتها ياسعودى..!!!!


#564040 [ود الجبل]
5.00/5 (2 صوت)

01-21-2013 03:13 AM
والله حشمتو السودانيين فى القناة الفضائية جننتونا نحن عرب نحن عرب اها هسى الرجل ادم عبدالله دا عربى رايكم شنو واصلا الرجل دا بيكون من عرب كردفان او من عرب دارفور عربى مكسر وما مفهوم وما عارفين قال شنو حتى كتابة هذا التعليق. ومنكن الزول دا بيكون اخذ مبلغ كبير من اخوان مريم لاخفاء لحقيقة ولو لا وجود السودانى الاخر الذى تزوج الاخت مريم والسودانى الذى تبنى مريم لقمام السعوديين بحزف السودان من الجامعة العربية واخيرا اتمنى للاخت مريم وزجها حياة زوجية سعيدة وحتما ستحل قضينهم بعد تدخل الامير فى الخط الساخن وستاخذ مريم حقها فى المواطنة


ردود على ود الجبل
United States [الحسامي] 01-21-2013 07:22 AM
يا معفن خليك عالق فوق جبلك ده و انطم و ما تجيب سيرة كردفان و لا دار فور، أنت لا تعرف عن هاتين المنطقتين غير إسميهما

United States [ود الضل] 01-21-2013 07:10 AM
انت ود جبل شنوووو يا..

مالو الزول ادم الدنيا كلها اتفرجت فيهو... نوبي.. عربي من يا حبة... ديل بعيشوا بكرامتهم وبموتوا بكرامتهم لا كفيل ولا غيره الازراق بيد الله.

بعدين العرب في اي مكان عزة وانفة وكبرياء وكرامة افهم المعلومة دي كويس وفتح عيونك ديل قدر الريال ابو عشرة بتعرفوا ولا لسه صغنوووون ياعسولي

United States [wadnas] 01-21-2013 06:17 AM
يعني سبب بلاوي السودان في عرب كردفان ودارفور المكسر . هو الانسان لازم يكون عربي عشان ترضو عنو ..افترض انو سوداني وما بعرف عربي لامكسر ولانصيح ( هل يمثل لنا عارا بعدم فصاحته ) . عالم عجيب . يفترض انتقاد سلوك الشخص وتصرفاته ولا دخل لعروبته من عدمها


#564036 [ابو العز]
0.00/5 (0 صوت)

01-21-2013 03:08 AM
اولا هذه المراة ليس لديها اي ذنب ارتكبته وهي ضحية لاي شهواني وام ساقطة ليس لديها قيمة غير الفلوس..والشكر والثناء للاسرة التشادية,والرجولة والشهامة للرجل السوداني الجرئ...لكن المؤسف حقا كيف يتم استخراج المستندات الرسمية السودانية بهذه السهولة...؟؟؟؟ انت مولود في السودان ابا عن جد اذا مشيت تطلع جنسية يطلعوا روحك.بس بالبساطة دي يطلعوا لاي واحد وهو عمروا ماشاف السودان مستندات لان دف مبلغ كذا.والله انا عارف واحد اردني طلعوا ليه جنسية وجواز وهو في اليمن.المتندات الرسمية يجب ان تكون لها حرمة


#564034 [الحردان]
5.00/5 (2 صوت)

01-21-2013 03:06 AM
قانون الجنسية السودانية يعطي لكل من تزوج بغير سودانية الجنسية حال ثبوت قسيمة الزواج وتصديقها من المحكمة الشرعية علي ان يكون هناك اولاد منها(والحته دي بلعبو فيها ضباط الجوازات بالطول والعرض.. خلو الحبش والتشاديين كلهم سودانيين .. بعض الاحيان بقسائم زواج مزورة ) ، لكن قانون الجنسية لايعطي بطاقة الجنسية الا بحضور طالبها شخصيا امام المتحري ووضع البصمة والتحري معه حتي لو كان رضيع عمر يوم، ورفع طلب غير السودانيين طالبي الجنسية لوزير الداخلية ويوقع عليها بنفسه بعد الاطمئنان لحالته .. ودي بتاخد وقت طويل جدا دائما ... وقانون الجنسية السوداني يمنع التبني بنص الدستور ، يعني مفروض يكون مستحيل للشخص المتبني ان يخرج اوراق رسمية لطفله الاجنبي ..الا للمتبني لطفل سوداني وذلك بمعرفة دار الرعاية او وزارعة الشئون الاجتماعية (بموافقة منها) وشغلانة طوييييييلة ... يعني بالمختصر البت دي لو جبناها بالشنقيطي ولا بي لفة القبة ولاسنار التقاطع جنسيتها صعبة شديييييييييييد ... لكن مع وزير داخليتنا ده جيب لي اي خواجه عيونو زرق ولا فلبيني واقعد اشرب ليك كباية شاي مع ست الشاي وانا بخش اجيب ليك الوزير زااااااتو من اضانو يقول ليك انت سوداني مش بطاقة جنسية للأجنبي ..


ردود على الحردان
United States [صلاح] 01-21-2013 12:36 PM
الحردان, كسرة صغيرة,,,انشاءالله تحرد عشاك,,هسع سنار التقاطع دى الجابها شنو,,,انتوا ياناس اماسى امدرمان واللى منه,, ماعندكم اى جدية فى نقاش مثل هذه المواضيع وهى بالتالى اكبر من فهمكم والواحد فيكم ماعندوا اى وازع دينى,,هذه المريم ضاقت بيها كل السبل طيلة هذه الفترة وهى بت غلبانة بتبحث عن الحقيقة وده من حقهاالكفلو ليها الشرع,و وابوها اللفى لحظة لذة لم يتوقع يوما ان يولد له طفل يقوم بمثل هذه البلبلة والصراع من اجل حقوقه. التحية لمريم وانشاء الله ربنا ينصرها, والرجاء من امير منطقة مكةان يتابع ويحكم فى هذه القضية بما يرضى الله. تخيل انو فى اللقاء مع المذيع لما سالها انوبتعفى عن ابوها,, وهى قالت ليه انا عافية عنه,,يا اخى دة درس كبير لليفهمه ويستوعبه جيدا,, وليس بالمال وحده يمكن ان تشترى هؤلاء الضعاف والذين يساء اليهم فى كل النواحى وكل مرافق الحياة . انحنا هنا بنطالب بالمعالمة بالندية والحق لازم يأخذ مجراه,, وليس لان هنالك حفنة من المال ياخد عليها الواحد جاه ومنزلة ,ووووو وخوف على مكانة وعائلة واسم,,والسعودى دة ليه رب بيسأله وبيحاسبه,,,وو الظواهر دى كتيرة. بس ياريت لو يكونوا فى ناس متخصصين فى المجالات دى وياريت قانونيين ورجال دين ما من ناس الانقاذ..وان عدتم عدنا


#564011 [RBG]
5.00/5 (2 صوت)

01-21-2013 02:27 AM
لا يهم جنسيتها, الأهم أن تلقي الإحسان الذي يجب,
آدم عبدالله آدم, سوداني إنتهازي مراوغ تسبب في
إيذاء مريم بإخفاءه دليل نسبها وحقها في السعودة,
الساكت عن الحق شيطان اخرس.


ردود على RBG
United States [الحمد لله] 01-21-2013 03:00 AM
إقرأ الخبر جيدا ادم ليس بسودانى, وبرضو نقول جزاه الله خيرا رباها واعتنى بها واراد ان يتزوجها و برضا والدها


#564007 [almdih]
5.00/5 (2 صوت)

01-21-2013 02:23 AM
بلد الكيزان وشرذمة من أهل الفاقه واصلوه ماحنكي عن حال البلد بل نحكي عن سفارتنا بالسعودية
جابت مريم السعودية الاب والهنجية الهندية الام وذات النشأة التشادية وذات البعل السودان وتم منحها الجواز الكيزاني وافساد ضارب السفارات هل تعلم عزيزي القاريء السفير ليس له هم اهل السودان بدول المهجر بل الوال عن الدولار وسفارتنا باديس حفلات الدعارة والوساخه والكيسه وسفارتنا
بالقاهرة تحكي كل الدعارة والتجسس علي المعارضين لنظام الهوس الديني البغيض والحال كثير


ردود على almdih
United States [جعلي حر] 01-21-2013 11:22 AM
سفاراتك يامعلم الريس بتاعها علي كرتي اجهل من دب علي ارض السودان

United States [alii] 01-21-2013 03:04 AM
AM
اود طرح اسئلة :
1: هل دخلت الروضة و المدرسة وكيف تم تسجيلها اي باي مستندات من جواز وإقامة وووووو؟
2: قالت السوداني جاب ليها جواز من السودان ومشو السفارة وعقدو طيب الجواز هل فيهو تاشيرة خروج من السودان وتاشيرة دخول للسعودية ؟؟
تشاد برائه من عمائل السودانين البنت بتاعت مصلحه ومحمد مصطفي الظاهر ما سوداني الظاهر نوبي مصري ليس من شماه السودانين وهي تحمد الله ان السودانين ربوها وبقت تتكلم في الفضائيات لولاهم كان تكون زيها وزي لقيطه واحتفظوا ليها بالبيانات والمستندات سواء كان سوداني او تشادي في النهايه قاموا بتربيتها ولقوا ليها راجل ازوجها يا سودانيين خليهم روؤسكم مرفوعه احسنت فيها المفروض تدافعوا عن انفسكم بالجد دي زله للسعوديين لانه دي عمايلهم


#564002 [hmamizo]
0.00/5 (0 صوت)

01-21-2013 02:17 AM
اود طرح اسئلة :
1: هل دخلت الروضة و المدرسة وكيف تم تسجيلها اي باي مستندات من جواز وإقامة وووووو؟
2: قالت السوداني جاب ليها جواز من السودان ومشو السفارة وعقدو طيب الجواز هل فيهو تاشيرة خروج من السودان وتاشيرة دخول للسعودية ؟؟ وعند الزواج في السفارة هل تاكدت من هذة المستندات


ردود على hmamizo
United States [mohammad saad] 01-21-2013 02:56 AM
حسبنا الله ونعم الوكيل
هذه المشكلة نموذج من الكثير من المشكلات التي يطيح فيها الأخوة من المغتربين السودانيين في أي مكان سواء في بلادهم أو بلاد المهجر بسبب التعامل الفطري والتعاطف الزائد عن الحد في كل شئ. وبعد متابعتي للمأساة وجدت أن الكل مذنب فالأول الأب عفى الله عنه وثانياً الأخ آدم نور الله قلبه وعقله وكمان الأخ الشجاع المتهور أبو وليد (زوجها الذي يعيش معها) مع طرحي لنفس الأسئلة أعلاه تتحمل القنصلية في جدة نتيجة التجاوزات في إجراءعقد النكاح بدون التأكد من كافة الوثائق اللازمة وصحتها.
الموضوع الآن بيد أكبر سلطة في المنطقة وهو أميرها ونتمنى أن يأخذ القانون مجراه كما نتمنى أن يعوضها الله عن كل ما كان وهذا ابتلاء نحند الله عليه ونسأل الله للجميع العافية وزالمعافاة في الدنيا والآخرة.


#563989 [عادل]
0.00/5 (0 صوت)

01-21-2013 02:04 AM
سبجان الله اى زواج غير شرعى يكون نهايته الفضيحة والعار
الراجل اموالوا كتيرة بس بدل ما يتصدق بها على الفقراء ينفقها فى الزواج
العرفى كم زيو دا فى السودان هنا ياربى من اثرياء البلد دى الحق واضح
والبركة فى التشادية التى تكفلت بالتربية ربنا يجعلها من اصحاب الجنة رغم فقرها
تحملت تربية هذه البت التى لا ذنب لها فى القصة او زواج المتعة الذى اتى بها الى الدنيا
الفانية نرجو من القائمين على مراعاة حقوق هذة المظلومة وهى دين فى رقاب المسئولين فى المملكة ....


#563970 [ابو النصر]
5.00/5 (2 صوت)

01-21-2013 01:32 AM
المشكلة التي تهمنا كيف اصبح الجواز السوداني سهل المنال


ردود على ابو النصر
United States [الناس ديل] 01-21-2013 03:30 AM
انت اسى لو ادوك جواز سعودى بتقول لا ما دايرو؟ .... ما فى ملايين من السودانيين شايلين جوازات اوربية وكندية وامريكية ...حصل سمعت ليك خواجة قال لأ ما تدوهم ...التجنس حاجة عادية ياخى ..بس خلو العنطظة بتاعتكم دى .... الزولة مزنوقة وما عندها ذنب فى الحصل وكتر خيرو الحل ليها المشكلة قال جواز سودانى قال.


#563947 [khaldi]
4.88/5 (4 صوت)

01-21-2013 01:13 AM
( وتبناني سوداني يدعى احمد المصطفى وتم استخراج جنسية وجواز سفر سوداني لي) الجواز ياربي مكتوب فيه سودانيه بالتبني والله بالميلاد والله مهزله هي هنا في السعوديه والجنسيه والجواز يصدران من السودان (يا سفارتنا هولب لب - ويا داخليتنا هولب لب - يالبلد المقسم بين الخلوق هولب لب ) وبعدين تم عقد زوجها في السفاره السودانيه على أنها سودانيه (وشلت من النيل صباه ومن جمال النيل بهاه)وانت سوداني بالميلاد لو مشيت سفارة السجم دي المرمطه تلقاها في الباب
وطن كلو ازيه


#563942 [معذرة اهلنا في تشاد]
5.00/5 (2 صوت)

01-21-2013 01:08 AM
الراجل طلع يا محسي ولا دنقلاوي ولا حفلفاوي من لهجتو ومن عربيهو المكسر دا ونحنا من الاول اهتمنا الراجل بأنه تشادي فليسامحونا اهلنا في تشاد لأننا تجننينا عليهم كثيرا


ردود على معذرة اهلنا في تشاد
United States [حران أجمد] 01-21-2013 12:16 PM
إنتا مسطح ياخوى ...البنت نفسها التى رباها قالت أنه تشادى

United States [الرشيد فضل] 01-21-2013 08:02 AM
المشكله إبتدت بتجنيس أمثالك من سكان القبائل الحدودية(بين السودان وتشاد)

United States [المحسى] 01-21-2013 07:25 AM
المحس والدناقله والحفاويين يكسروا راسك انشاء الله

United States [سوداني وطني وطني وطني] 01-21-2013 07:02 AM
فعلا الزول من السوداني اللي اسم ادم من شكلوا نوبي. لانه قفل ما عندها رأس
أنا الكفيلة ادتني الولد دا امسكها يوم أو يومين بأيدين يجي يشيلها.. بالله العالم الوهم دا.

الترجمة كالآتي: أنا الكفيل اداني البنت دي امسكها ليهو يوم أو يومين بعدين يجي يشيلها.

قاعدين في جدة مسكرين وعاملين ليك فيها شعب الله المختار- الصفرجية

أخونا اللي بعتذر لاهل تشاد/ احيك على قولك وعلى شجاعتك فعلا كلنا اعتقدنا انه تشادي وناس المعلق المدعو/ البرش واللبروش وهو في وهم اكثر من منهم. الله يحلنا ويخلصنا

United States [!!] 01-21-2013 05:17 AM
و مالك زعلان يااللريوش , ده اللي قاعدين تعملوه لبقية السودانيين كانهم اجانب
ولمن تجي الحارة تقبضوهم من الحافلات و ترسلةهم للجبهة عشان يموتوا و تدسوا اولادكم

United States [اللريوش] 01-21-2013 03:17 AM
يعني محسي ولا دنقلاوي ولا حلفاوي ما هم سودانيين يا وهم انت، هؤلاء هم السودانيون الحقيقيون إذا كنت لا تدري شيئاً كان عربيهم مكسر أو غير ذلك ، ويكون في علمك عربي السودانيين كلهم هنا في الخليج بشوفوه مكسر والكثير من مفرداته غير مفهومة في الخليج العربي..........


#563938 [khalifaalsudani]
0.00/5 (0 صوت)

01-21-2013 01:01 AM
كده نترك قضيتها للمختصين والأهم عندنا عاوزين نعرف شخص ابوها سعودي وامها هندية (باعترافها) كيف تحصلت علي الجنسية والجواز السوداني ؟؟؟؟ ألا يدل هذا اننا الدولة الوحيده في العالم التي حدودها مفتوحة ليدخلها ويخرج منها كل من هب ودب دون ان يعترضه اي مسؤل ثم وثيقة الجنسية التي وبالدول الاخري لايمكنك الحصول عليها حتي وان ظللت مقيما بعشرات السنين إلا في هذا السودان فاي وافد يدخل السودان فبعد اقل من اسبوع تجده قد حصل علي الجنسية والجواز السوداني !!!!!!!!!!!!!!!!القي نظرة علي مكاتب الجوازات وبالاخص ببورتسودان ستجد ان 90% من المتقدمين للحصول علي الجنسية أو الجواز السوداني هم احدي رعايا دول الجوار !!!!!!!!!!!!!!!!!


#563928 [بلبل المغرد]
0.00/5 (0 صوت)

01-21-2013 12:50 AM
كيف صار هذا والحكايه شنو


#563925 [sewkit bin radi]
4.50/5 (2 صوت)

01-21-2013 12:44 AM
أهم ما فى القضيه كيف تحصلت على الجواز السودانى وهى ليست سودانيه ,وقد جاءها من السودان جاهز .. من المسؤول ؟؟؟؟هذه فضيحه للسودان , التحقيق , التحقيق , فى هذا التلاعب واجب وطنى ,, السعوديه ,, لاتعطى جنسيتها بسهوله بل الموضوع يخضع عندهم لاجراءت طويله ومعقده


ردود على sewkit bin radi
United States [الـسبف البتار] 01-21-2013 03:12 AM
عثمان ماهل .
تمنح الجنسية السودانية بموجب قانون الجنسيه السودانيه المعمول به للشخص الذى ولد فى السودان من اب و ام من خارج السودان اولا و للشخص الذى و فد الى السودان و يحمل جنسيه و جواز سفر من بلده والذى قدم منه بتأشيرة واقام فى السودان خمسة سنوات متواصله يحق له التقدم بطلب مشفوعا بحسن السيره و السلوك من الحى و كان فى السابق رئيس المجلس المحلى للحى و اليوم اللجان الشعبيه ؟
الزوجه وبعد عقد القران وبعد سنه من تاريخ الزواج تستحق الجنسيه السودانيه و الجواز و هى مزدوجه جنسيتها السابقه والسودانيه معا ؟
الذى ورد فى قصة مريم تم عقد قرانها بعد أن منحت الجنسيه و الجواز السودانى و التبنى من شخص سودانى مقيم و هذا يعتبر مخالفا للنظام فى امرين التبنى ولا يجوز الحاق مريم بأسم المتبنى
السودانى قانونا ؟
عقد الزواج بموجب الوثائق الثبوتيه المقدمه الى دمارتنا بجـده ولا تحمل اقامة نظاميه من الدوله المضسفة او تأشيرة حج او عمره سارية المفعول مخالف لنظام عقود الانكحه الصادر من وزارة العدل السعودية و التى سوف توثق عقد الزواج ويسجل فى المحكمه الكيرى بجده ؟
عليه هناك اخطاء ومخالفات ارتكبت فى الاجراءات و التى سوف تكون مثار جدلا و صدور قرارات جديده من وزارة العدل لاحقا لكل السلبيات التى لازمت القضيه من الزواج العرفى و الانجاب و التخلى عنها و التستر عليها من ادم و وزوج المرحومه عائشه السودانيه التشادى والشهود و غيرهم من تحوم حوله الشبهات ....

United States [عثمان ماهل] 01-21-2013 01:30 AM
تمنح الجنسية السودانية لكل من تزوجت بسوداني عدا الإسرائيلية0


#563920 [احمد الجاك]
1.00/5 (2 صوت)

01-21-2013 12:38 AM
بسم الله ..اولا كل الادانه لنظام الكفيل الزى يعطى سلطات اكبر لشخوص يستعملونها استعمال خاطئ ..ثانياا كل الادانه لابوهاا الزى رماهاا وتخلى عنهاا وبل انكرهاا ..وايضاا هو الزى اخرج هزا الفيلم الهندى الممجوج بمساعدت اناس اخرين ادم مثالا..كل الشرف والعز والفخار للسودانى الزى تزوجهاا وستر عليهاا ..وايضاا للسودانى الزى تبناهاا ...


#563915 [haded]
0.00/5 (0 صوت)

01-21-2013 12:28 AM
المشكله كلو من ادم لانو البنت رفضت عن تتزوج من ادم.... بس شاهد الفيديو عشان تعرف الحقيقه...والله مسكينه ربنا يكون عونك


#563906 [Kudu]
3.63/5 (4 صوت)

01-21-2013 12:17 AM
الي مريم السعودية خليك معنا فأنت مننا:

مــريــم الاخــرى
كلمات / محمد عبد الله شمو

هاهى الأرض تغطت بالتعب
البحار إتخذت شكل الفراغ
وأنا مقياس رسم للتواصل .. والرحيل
... وأنا الآن الترقب .. وإنتظار المستحيل
أنجبتنى مريم الأخرى قطاراً وحقيبة
أرضعتنى مريم الأخرى قوافى
ثم أهدتنى المنافى
هكذا قد خبرونى .. ثم قالوا لى ترجـّل
ثم أنتِ .. أنت ياكل المحاور .. والدوائر
يا حكايات الصبا
تحفظين السر .. والمجد الذى مابين نهديك .. إختبا
ليس يعنيك الذى قد ضاع من عمرى هباء
وأنا .. يا صغيرتى .. لست أدرى ما الذى يدفعنى دفعاً .. إليك
ما الذى يجعلنى أبدو حزيناً
حين أرتاد التسكع .. فى مرايا وجنتيك
لا عليك
فعلي هذه السفوح .. المطمئنة
نحن قاتلنا سنيناً .. وأقتتلنا
نحن سجلنا التآلف .. فى إنفعالات الأجنة
وأحتوانا البحر .. والمد اليقاوم .. والشراع
يا هذه البنت التى
تمتد فى دنيايا سهلاً .. وربوعاً .. وبقاع
ما الذى قد صبّ فى عينيك شيئاً من تراجيديا الصراع
والمدى يمتد وجداً عابراً هذى المدينة
خبرينى هل أنا أبدو حزينا
هل أنا القاتل .. والمقتول حيناً .. والرهينة
هل أنا البحر الذى لا يأمن الآن السفينة ؟
خبئينى بين جدران المسام
قبلينى مرةً فى كل عام
فأنا أحتاج أن ألقاكِ فى كل عام
أنا أحتاج أن ألقاكِ فى ذرات جسمى
فى الشرايين المليئة بإنقلابات المزاج
فى إنعكاس الضوء
فى النافذة الأولى .. وبلـّور الزجاج
.. هكذا قد خبرونى .. ثم قالوا لى ترجل
وعلى أطروحة الحلم المسافر .. ألتقيك
على حمى الرحيل المستمر .. الآن .. فى كل المواطن ألتقيك
فى مساحات التوهج .. فى جبينى .. ألتقيك
فى إنشطار الوقت .. فى كل الذرى
وفى حكايات الطفولة .. إذ يعود بنا الزمان .. القهقرى
آه لو تأتين يا سيدتى .. من كل فجٍ .. وأتجاه
من عميق الموج من صلب المياه
تستطيعين التنقل بين أرجائى وظلى
تستطيعين التوهج .. عند لحظات التجلى
ولعينيك إمتلاك وثائقى .. حتماً .. وقلبى
ولعينيك التنصل .. عن مواثيقى ودربى
هكذا قد خبرونى .. ثم قالوا لى ترجل
وأنا أبحث عن صيغة هذا البعد .. هذا اللاّ نهائى
عن قرار الشعر .. عن لون التـّغرُّب
بين جدران المقاهى
آه لو تأتين ... آهِ
تجدين الإِلف الممتد سهولاً .. بإنتظارك
وأنا .. كالحذر المنساب .. خوفاً
بين صالات الجمارك
كالرحيل .. كالترقب .. وإنتظار المستحيل
هكذا قد خبرونى
ثم قالوا لى ترجل


#563904 [ابو النمر]
3.50/5 (2 صوت)

01-21-2013 12:16 AM
الله يغفر لهذا الرجل ويسامحوا وارجوا من اخوانها انصاف مريم وكلنا معك بما انك اصبحتي سودانية تستحقي الوقوف معك


#563895 [شداد]
5.00/5 (2 صوت)

01-21-2013 12:02 AM
للاسف في تعليقات مش محترمة ذي اللي قال وزير الداخلية لقيط وما سوداني .........خاصة وان بعض السودانيين يمنحوا انفسهم حق غير مشروع بتفنيط السودانيين ...لقيط...غير سواني...وهكذا...ولهؤلاء اقول ده نفس النظرة العنصرية التي تسييت في فصل الجنوب وممكن تتسبب في فصل مناطق اخرى مازال ابناءها يواجهون مثل هذه النزعات العنصرية من جهات ذات سلطه وجاه ...اتقوا الله في انفسكم وتتكلموا في ما لايفيد ولا تملكوا ...وسلامتكم


#563893 [ommmm]
5.00/5 (3 صوت)

01-20-2013 11:59 PM
السودانيين سذج وطيبين زيادة عن اللزوم وبئر للاسرار معروفين .


#563882 [قتلوا الشعب]
5.00/5 (1 صوت)

01-20-2013 11:37 PM
الجنسيه السودانيه بقة زى الجرائد يوزعوها لكل من هبه ودبه الله يكون فى عونك ى ســـــــــودانى الحبيب


#563866 [عاصم]
5.00/5 (4 صوت)

01-20-2013 11:18 PM
سبب مأساة هذه السيدة ( نظام الكفيل ) لولا هذا النظام المقيت لما فرض والدها الزواج العرفى على والدتها الهندية اتقوا الله فى عباد الله يا ... مسلمين .


#563862 [دش]
0.00/5 (0 صوت)

01-20-2013 11:06 PM
يعنى الجنسيه السودانيه بقت الكنديه مأتمرمطنا ذمان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
4.65/10 (12 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة