الأخبار
منوعات
شريف الفحيل : أنا ما قلت اني ح اكون خليفة الفنان محمود عبدالعزيز
شريف الفحيل : أنا ما قلت اني ح اكون خليفة الفنان محمود عبدالعزيز
شريف الفحيل : أنا ما قلت اني ح اكون خليفة الفنان محمود عبدالعزيز


شاهد صور
01-22-2013 06:35 AM
كتب شريف الفحيل في صفحته بالفيس بوك :

انا عايز اقول ان الكلام الانتشر اليومين الفاتوا و مضمونه انه انا قلت اني ح اكون خليفة الفنان محمود عبدالعزيز ، ده كلام غير صحيح اطلاقا والصحيفه النشرت الكلام ده انا فتحت فيها بلاغ لانهم ناس ما عندهم ضمير و ما راعو لروح محمود ولا حرمة الميت و بدل ما يدعو ليه قاعدين يتاجروا بإسمه، و الحوت ده تاريخ كبير مافي فنان يقدر يقرب منه و بحب أكد اني قبل ما اغني انا كنت ولازلت من محبي الحوت وفنه الراقي و هو كان فنان بمعني الكلمة ،و من اطيب الناس الأنا شفتهم في حياتي ، و ما بملك غير اني ادعي ليه ربنا يرحمه و يغفر ليه ، و احب اكد انه انا ماعندي اي صفحة في الفيس بوك غير الصفحة دي ,واي كلام او تصريح حيكون من الصفحة دى ... اتمني من كل الناس تعمل شير للبوست دا للاهميه والتوضيح....
شريف الفحيل

image

image



تعليقات 85 | إهداء 0 | زيارات 17946


صفحة 1 من 212>
التعليقات
#590787 United States [جبيت]
0.00/5 (0 صوت)

02-20-2013 09:15 PM
الفحيل عسل ومحمود عسل و انتو عسل و تحياتي للجميع وشكرا يا الراكوبة على النشر


#585381 United States [اوربى]
0.00/5 (0 صوت)

02-14-2013 10:48 PM
الزول ده انا بسمع فيهو لى خمس سنه تقريبا ولحد هسع داير سبب واحد يبقيهو فنان لا يوجد الزول ده اشتر والله كيف يبقى فنان بيكون عندوا قريبو فنان ولا عازف المهم الله يرحم


#582707 United States [محمد على النويرى]
5.00/5 (1 صوت)

02-12-2013 05:07 AM
والله ياشريف لاتمتلك ذزة من الموهبة الغنائية


#570991 United States [marwan]
0.00/5 (0 صوت)

01-29-2013 11:09 AM
شريف الفحيل رجل خدمته الصدفه والعلاقات , تفاجأت ذات مره فى لقاء معه فى التلفزيون فى برنامج اعتقد ان اسمه يوم مع نجم وعند زيارته للمدرسه التى درس بها بقوله انه لايذكر اسم مدير المدرسه والمعلمين ولو هم بيذكرونى برسل ليهم سلام؟؟؟؟؟؟؟؟؟؟؟؟ وتفاجأت اكثر عندما غنى فى مهرجان بورتسودان مثل ( القونات ) وهو ينادى الصفقه الصفقه ؟؟؟؟؟؟؟؟؟؟؟ يبدو انه منطلقا للاسفل بسرعه الصاروخ


ردود على marwan
United States [الناثر] 02-10-2013 05:13 PM
يبدو ان النفاق صار مبدا اساسي في بلدنا. يا ناس نسيتوا اول ايام ظهور الحوت ؟ كل السودان قام ضده, الولد ده حقو يوقفوه , الولد ده خرب الغناء, الولد المصطول ده , ده ولد **** ساي. نسيتوا ده كلو؟ هسع نفس نبذكم للفحيل ده هو الحيخليه فحل. شعبنا صار هبوب ساي للاسف , وشباب سطحي عايشين في الوهم وعايزين يعيشوا في الوهم ده. ياخ قوموا كده بلا غناء بلا خراء , انتو الغنا السمعتوه ده كلوا عمل ليكم شنو غير ما نازلين ومنزلين البلد للاسفل , جيل القنوات العربية الله يخيبكم.


#569073 United States [هناء]
0.00/5 (0 صوت)

01-27-2013 11:16 AM
سلام يا جماعة
يا اخواننا مالكم هايجين - روقوا المنقة- الشاب نفى كلام ورد باسمه وهو ما قاله وكلامه طيب وكلو تواضع واحترام للحوت الله يرحمه- ومن الناحية الفنية خلوه ياخد فرصته ذيه وذي مئات المواهب في السودان وفي الأخير البقاء للأفضل.


#568710 United States [بك بكرودى]
0.00/5 (0 صوت)

01-27-2013 01:44 AM
يا .... اعرفو كيف تتخاطبوا مع بعض يا مساكين .. الله ينعل الاخترع النت دا عشان نعرف امثالكم .. محمود مين و عبدالعزيز مين .. .. محمود شنو الداير تقارنو بالمطربين .. لا محمود لا فحيل لا محيل .. يمشو يلعبو بعيد .. لا و بتاع الفتوى داك يقول محمود ما تقارنو بالبشر .. نان نقارنو بى شنو يا ...؟؟


#566513 United States [المهاجر]
0.00/5 (0 صوت)

01-24-2013 01:23 AM
هووووى يا ......يا..... روق المنقة


#566497 United States [Musa]
4.00/5 (1 صوت)

01-24-2013 12:27 AM
الفحيل شنو الممكن يكون أي حاجة عندها علاقة بالغناء ، شوف في حاجات في السودان ده تاني ما بتتكرر منها مصطفى سيد أحمد ، محمد وردي ، محمود عبد العزيز ، عقد الجلاد سيف الجامعة ، وبس بعد هؤلاء تركنا الاستماع خوفاً من التلوث السمعي


ردود على Musa
United States [SAEED AL SAEED] 02-10-2013 02:58 PM
والله ياموسى ذوقك راقى جدا - بس احب اضيف محمد الامين وكابلى - ومن الشباب عادل مسلم وطع سليمان - لو سمحت ؟؟


#566471 United States [ود العمدة كجرت]
0.00/5 (0 صوت)

01-23-2013 11:07 PM
انا مالي


#566298 United States [rami]
5.00/5 (1 صوت)

01-23-2013 06:28 PM
عمرك ما حاتكون 1 من 10 من الحوت ؟؟؟؟


#566085 United States [ابن فتحون]
0.00/5 (0 صوت)

01-23-2013 01:26 PM
لا تؤثر الأدنى على الأعلـــــــى = فتحرم ذا وذا ياذلة الحرمــــان
إن اختيارك للسماع النــــــازل = الأدنى على الأعلى من النقصان
والله إن سماعهم في القلــــــب = والإيمان مثل السم في الأبــدان
فالقلب بيت الرب جل جلالــــــه = حُبا وإخلاصا مع الإحســــــان
فإذا تعلق بالسمــــــاع أصـــــاره = عبدا لكل فلانة وفــــــــــــلان
حُــب الكتـــاب وحب ألحان الغناء = في قلب عبد ليس يجتمعـــان
ثقل الكتــــــاب عليهمو لمــــا رأوا = تقييده بشرائع الإيمــــــــــان
واللهو خف عليهمو لمـــــا رأوا = مافيه من طرب ومن ألحــــان


#565571 United States [غبوش]
0.00/5 (0 صوت)

01-23-2013 12:44 AM
فحيل وامبراطور وسيدا وعجب في هذا الذمان الا رحم الله شعبآ دون الشعوب .. حليلهم ناس ابو داؤد زمان بنطراهم وفي القلب زكراهم


#565469 United States [ود السر]
0.00/5 (0 صوت)

01-22-2013 08:46 PM
مبدع و مقنع و تستاهل كل خير يا ناشر الخبر.


#565467 United States [الفاتح]
0.00/5 (0 صوت)

01-22-2013 08:45 PM
ما عارف يا جماعة الخير الحمله الشعواء دي لزومه شنو ؟ ما شفنا من الولد ده أي ذنب وهو الآن ينفي وبشده خبر اتنشر في الجرائد وده ما هو عيب .... شريف الفحيل ما زال غضا وهو خامه غنائيه طيبه في حاجه للأخذ بيده للعاملين في المجال الفني ودي حاجه ما ممكن التنبأ بها إذا كان سيكون له شأن في هذا المجال أم يكون ظاهره فنيه تنتهي كما سبق لغيره من الظواهر الفنيه التي تنتهي قبل ان تبدا فعلا .


#565457 United States [عطوى]
3.25/5 (5 صوت)

01-22-2013 08:34 PM
هووووووووووى الحوت دا شعر ما عنك لية رقبة ولاحتى القبالك ناس(الستينات) بكل اسمائهم الكبيرة فقط الذين يغنون فى اعمدة المثقفاتية وبتاعين االقعدات .. اما فى الواقع والحقيقة المجردة سيبقى الحووووت هو فنان السودان على مر التاريخ والحوت ظاهرة ابداعية لا تشبة الاخرين ولن تتكرر وسيبقى حوتا قيصر التطريب والفن الاول والذى سبق و فات الكبار والقدرو بسنين ضوئية .. ومع اخترامنا لكل حقب الفانين والمطربين الذين اطربو السودانيين لا يتوجد مقارنة بين الحوت واى فنان والمقارنة معدووووووووومة ؟ وحراااام كمان مع اى فنان سودانى لانو مشو بشر والمقارنة بين البشر ومحموود الجان حراااااام ولا تجووز شرعا مش مع ديلك ناس زمااان خلى الفحيل دا ..

لك الرحمة يا حوت


ردود على عطوى
United States [SAEED AL SAEED] 02-10-2013 03:02 PM
ماشايف بالغت حبتين يا(عطوى) -- الله يرحم محمود ويرحم كل موتى المسلمين - لكن لوجينا للحق -

محمود عبدالعزيز ظاهرة تستحق التوقف عندها ودراستها من الناحية النفسية - لانو ظاهرة لاتستحق كل هذه الضجة -- طبعا دى وجهة نظرى الخاصة - وماتغضب احد - دراستها للضجة الفايتة الحد - مع العلم انو كل اغانيه مامفهومة وعبارة عن صراخ --

United States [طرزان] 01-23-2013 07:54 PM
نرشحك لهيئة علماء المسلمين للفتوى


#565423 United States [محمد]
0.00/5 (0 صوت)

01-22-2013 07:40 PM
واحدة فيهن عينها بس على الولد. دا بيؤكد الكلام القالوه عنك وليه إنت طلبتي الـ .... خلونا في المهم عشان عيب الواحد يتطرق لشؤون خاصة.


#565398 United States [محمد]
0.00/5 (0 صوت)

01-22-2013 06:55 PM
تستالك اللي بيمينك. فكر فيها على راحتك وما حتندم وأهو تكملو بعضكم ويمكن المسألة تحلو وتبقى ثنائية وروعة. بس ياريت الاتنين ينزلن من أوزانهم بعض الكيلوجرامات


#565378 United States [nizar]
5.00/5 (1 صوت)

01-22-2013 06:20 PM
هناك اشخاص لهم رأى فى بعض كبار الفنانيين فهم لا يعترفون بصلاح بن البادية ولا صلاح مصطفى ولا حمد الريح ولا محمد مرغنى ولا غيرهم من جيل الكبار وفى نفس الوقت يهيمون حبا" فى مثل الفحيل واحمد الصادق وغيرهم من الشباب الذى لن يقدم ولا 1% مما قدمه جيل زمان , ومحمود عبد العزيز رحمه الله كان يسير على درب الكبار فبغض النظر عن شخصيته فهو انسان محبوب ومتواضع ولولا ان الله تعالى اراد له الوفاة لكان من اصحاب البصمات فى تاريخ الاغنية السودانية ..رحم الله وردى واحمد المصطفى ومحمود عبدالعزيز وحفظ الله حمد الريح ومحمد مرغنى واللحو وادام عليهم الصحة والعافية


#565362 United States [MOHANED]
5.00/5 (1 صوت)

01-22-2013 05:47 PM
بس المحيرنى كيف شاعر كبير وموسوعة موسيقية ذي السر قدور يصر على فرض انصاف المواهب دي على آذاننا. المفترض انه يتمتع بحس رفيع. حاجة غريبة و تحير والله


#565349 United States [وريتنا العمل المساج لي ابو القنفد]
0.00/5 (0 صوت)

01-22-2013 05:23 PM
الولد دة ما..............................
ولا أقول ليكم عاينو للصورة التحت وروني اللون البنفسجي ويييييييييييييييييييين


#565346 United States [سلاق بيض]
5.00/5 (2 صوت)

01-22-2013 05:18 PM
عن أنس بن مالك رضي الله عنه أن أعرابيا قال لرسول الله صلى الله عليه وسلم :
متى الساعة ؟قال له الرسول صلى الله عليه وسلم :ما أعددت لها؟قال :حب الله ورسوله,قال:المرء مع من أحب)أخرجه مسلم..


#565342 United States [khaled]
4.00/5 (1 صوت)

01-22-2013 05:15 PM
ياجماعه محمود رحمه الله لمن ظهر مافى مقاهى الكترونية ذي الايام دي لكن الكلام اللطشوه بيه بدخله الجنه من شناته رحمه الله اما فحيل فلو ظهر ايام ابو داؤد كان بخلى ريحته طير طير


#565334 United States [ahmed]
0.00/5 (0 صوت)

01-22-2013 05:05 PM
الولد دي ظهر من ويين وبتكلم في الناس الكبار انت عارف اي زول بشدد في كلام منسوب ليهو بكون قالوا اصلا بعدين ما كلننا فححححححححححححححححححححححححححححححححححححححول


#565311 United States [Zingar]
4.00/5 (2 صوت)

01-22-2013 04:42 PM
ياأخ شريف معليش ملاحظه بسيطه البابيونه اللآبسه دى ستايل نسائى لأنها ما متناسقه مع التكسيدو الرجالى.

حاول أدخل النت ياأخى إذا ماعندك مدير أعمال


#565288 United States [راجل المرا]
4.00/5 (3 صوت)

01-22-2013 04:22 PM
يا جماعة الولد دا غناهو بسوى لى كاروشة حادة مصحوبة بتعكر فى المزاج وارتفاع فى درجة الزعل
..............
يا الفحيل كرهتنا التلفزيون فى رمضان.... بالله خلى عندك دم وانقلع
براها قافلة معانا


ردود على راجل المرا
United States [ودامدرمان] 01-23-2013 04:16 AM
شريف الفحيل من اروع الاصوات الشبابيه الموجوده في الساحه يا أعداء النجاح

United States [عثمان] 01-23-2013 12:30 AM
انت معلم احيك ياراجل المرا انا بشعر بنفس الاحساس ىدا دا ود ولا بت انا ماعارف جانا من وين والسر قدور دا شكلووووووووووووووووو..... والله اعلم


#565285 United States [haram]
0.00/5 (0 صوت)

01-22-2013 04:20 PM
barod 3ala abualtaiman wallaahi almireeghaab maa bitmakyjo w laaaaaaa bitka7alo w ita 3ainak fi alfeel tat3an dolo?


#565257 United States [ابو لين]
5.00/5 (1 صوت)

01-22-2013 03:54 PM
يا اخونا روقوا المنقة لا محمود رحمة الله ولا شريف ولا اي حد ابتداء البعملوا فيه
شنو غناء يعني حكمه شنو اذكروا الموت والبلي وهادم اللذات سئل الامام مالك
رحمة الله في حكم الغناء وكانت اجابته (كان يفعله عندنا الفساق ) اما بقية
المذاهب عندهم حرام لذا الكل في الهواء سواء الا من رحم ربي نرجو الهداية للجميع


#565254 United States [sama]
5.00/5 (1 صوت)

01-22-2013 03:52 PM
من أنت؟ لا نعرفك و لا نعرف أحدا من أصحابك فى أغانى و أغانى مات سيدكم و سيد نفسكم و الله و احد فيكم ما بيجى فى ظفر الحوت سحرتوه بعيونكم الحارة دى عينكم تكسر الحجر يا شرامة يا خزعبلات ياحاسدين لو ما كنت قلتها ما كان صلبتوها فيك يانكرة الشينه منكورة


ردود على sama
United States [ودامدرمان] 01-23-2013 04:19 AM
تخلف عجيب


#565246 United States [adil taha]
4.25/5 (4 صوت)

01-22-2013 03:44 PM
الفحيل ده شنو؟ اول مرة اسمع بيهو بشجع الهلال ولا المريخ


#565232 United States [الفنجري]
5.00/5 (1 صوت)

01-22-2013 03:27 PM
للمعلومية
شريف طالب في كلية الهندسة جامعة الخرطوم
ما اظن بعد نجاح الفجر الجديد بيكون ليه وجود
اتوقع له مستقبل باهر في مجال الهندسة
عدد الفنانين في السودان بلغ ال 1400 ونيف


ردود على الفنجري
United States [Abdul] 01-22-2013 11:11 PM
جامعة الخرطزم ما هاملة كدا بيقرا فى جامعة الكيزان قصدى جامعة السودان قال الخرطوم قال


#565214 United States [Political Refugee]
0.00/5 (0 صوت)

01-22-2013 02:57 PM
Whos the hell is Shareef anyway, never heard of him, he looks like one of those ,,,,,


#565166 United States [amar]
3.00/5 (3 صوت)

01-22-2013 02:09 PM
هههههههههه جستن بيبر السودان يا شريف وحلاتو يا ناس


#565149 United States [ود بري]
4.00/5 (3 صوت)

01-22-2013 01:54 PM
ما داير أظلمك يا الفحيل .. لكن وزنك بالكثير تغني بي بطنك في الطهور والسمايات


#565084 United States [مكاجر]
4.63/5 (6 صوت)

01-22-2013 12:59 PM
انا ما قلت
لا احسن تقول
لا قول عليك الله
قولة تهرسك انت والمرض المعاك


ردود على مكاجر
United States [hanzada] 01-23-2013 12:59 PM
هههههههههههههههههه حلوة شديد يامكاجر

United States [سفي] 01-22-2013 01:31 PM
ههههههههههههههههههههههه


#565056 United States [ema]
4.50/5 (5 صوت)

01-22-2013 12:38 PM
نعلة الله على الراجل المخرف الفرض علينا هذا الصوت الضعيف النشاز والمجثمع التافه البدا يلمع فيه


#565026 United States [مواطن]
2.75/5 (5 صوت)

01-22-2013 12:13 PM
الصحفيين ديل يكونوا
ياربى قاصدين خليفتو
فى الموت !!!!!!!!


#565002 United States [lord]
4.00/5 (3 صوت)

01-22-2013 11:47 AM
شوف ناس طه و فردك وين


ردود على lord
United States [sama] 01-22-2013 04:02 PM
طممت بطنى ليه جبت اسم طه هنا لعنة الله علي


#565001 United States [SESE]
4.50/5 (4 صوت)

01-22-2013 11:46 AM
القمبور اصبح موضة في السودان ولا شنو ؟؟؟


#564991 United States [لالا]
5.00/5 (1 صوت)

01-22-2013 11:40 AM
الحوت فنان كبير ومميز وهو مدرسة فنية متفردة خاااااااالص لا تتكرر.الحوت لم يأتى الى الفن صدفة بل موهبة ربانية لم يأتى بواسطة او معرفة كم هو صائر فى اعلامنا . واصبحت الشهرة اسهل شئ فى السودان والله هذه كارثة,بالله عليكم المشاهد للقنوات الفضائية السودانية كل ساعة ترى وجه جديد لا نعلم ولا ندرى ما يقول فى اغانيه. ياخى القنوات ذاتها ما عندها اهداف,تجد احد البرماج اسمو الفترة المفتوحة شنو يعنى الفترة المفتوحة اليس هذا افلاس برامجى وغير قادرين على الابهار؟اما الشريف الفحيل ما اظن ان يقول مثل هذا الكلام, لأنه كذلك شاب سودانى وله صوت جميل وافضل بكثير من غيره وله طريقته نحييه على ذلك.علينا ان نترك الهطقرقةوالترهات الاعلامية من اجل الكسب والفات النظر. نحى كل شاب موهوب فى كل المجالات ونتمنى له التقدم لأنه فى النهاية سودانى.


#564978 United States [ahmed]
4.69/5 (5 صوت)

01-22-2013 11:29 AM
الجنى الرطل دا سكتوهو


#564976 United States [بندق]
4.25/5 (8 صوت)

01-22-2013 11:27 AM
هسي انت الفرق بينك وبين الواقف في نصهن ديل شنو


#564974 United States [طائر الفينيق]
0.00/5 (0 صوت)

01-22-2013 11:27 AM
+ لا أحد يمكن أن يكون خليفة لأحد .. فلكل واحد ميزاته وقدراته الخاصة وكما يقول الخواجات Everybody is different !!

+ هذا ينسحب على السياسة والفن والفكر والثقافة وكرة القدم... ميسي مثلا متميز جدا لكنه ليس خليفة لمرادونا وما ردونا بهر العالم بقدراته لكنه لم يكن أبدا خليفة لبيليه.. وفي السياسة ليس هناك خليفة لنقد ولا للمهدي مثلما لم يكن هناك خليفة للأزهري والمحجوب وحسين الهندي.. الكل متميز على طريقته !!

+ أكثر ما يميز الحوت هو قماشة الصوت النادرة للغاية وهذا الاخلاص العالي للفن ثم شخصه البسيط المائل جهة التهميش والبروليتاريا.

+ شريف الفحيل فنان جيد وله قدرات أدائية ممتازة ولكنه محتاج لرعاية خاصة .. ونصوص جيدة واخلاص للعملية الفنية بما يكفي مثل محمود عبد العزيز.. وأعتقد ان له مستقبل جيد شريطة توفر هذه الأشياء .. وحقيقة أنا يريحني أداؤه في برنامج أغاني وأغاني ويعطي حضوره البرنامج نكهة خاصة!!


#564954 United States [dawood]
0.00/5 (0 صوت)

01-22-2013 11:13 AM
انتو بتقولو فى شنو ؟


#564931 United States [سائح]
1.00/5 (1 صوت)

01-22-2013 10:57 AM
انته منو زاتو عشان تعلق لا شوف المتصورات المعاهو اسى نفهم انو دبل بقو فنان يعنى وهم فى مرحلة المقارنه منو الاحسن الحق على الصحافه والتلفزيون اوهموهم بالفن والجماعه مصدقين همومنا ومشاكلنا اكبر منكم وحلو عن سمانا وهنقو بعيد


#564918 United States [ود السارة]
4.00/5 (3 صوت)

01-22-2013 10:45 AM
ديل منو الواقفات جنب شارلي شابلن السوداني دا.


ردود على ود السارة
United States [نوره] 01-23-2013 03:34 AM
معليش يالفحيل ما تزعل منهم بس اضحك ومتع نفسك بالغناء ومتعنا معاك وكلنا بنحبك

United States [ابو الزهور] 01-22-2013 12:29 PM
لكن يابو السارة ما جننتو جن والله ياهو شارلى شابلن ذاتو وانا القول الشبه دا ويييييييين


#564900 United States [mohamed ali]
5.00/5 (1 صوت)

01-22-2013 10:34 AM
والله ربنا يوفقك لكن داير منك اول حاجة تمرق صوت رجال ذي صوت محمود بعد داك ممكن تتشبه بالحوت ربنا يرحمو ويغفر ليو


#564882 United States [زعلان]
5.00/5 (1 صوت)

01-22-2013 10:17 AM
الزويل ده بتمكيج ولا شنو ورونا ياخوانا؟


ردود على زعلان
United States [سودانيه] 01-22-2013 05:11 PM
هو المشكله ان برض وشو بالكريمان زي الخ... كان اخدااااااااار

United States [على ابوالتيمان] 01-22-2013 12:26 PM
انت عايش فى المريخ ولاشنو - ماكلهم بتمكيجو وكمان بتكحلو


#564875 United States [ahmed]
5.00/5 (1 صوت)

01-22-2013 10:13 AM
ياجماعة الزول ده قال هو ماقال الكلام ده خبر مفبرك انتو زعلانين ليه نفي انو قال خليفة محمود كلام واضح بغض النظر هو فنان ولارسام المشكله في الجرايد اللي همها كلو الربح


#564861 United States [اغانى التابانى واليابانى]
4.00/5 (3 صوت)

01-22-2013 10:00 AM
عمنا السر احمد قدور مع احترامنا الكبير ليهو
لكنو فرض علينا الفحيل والبنات الواقفين جمبو ديل
كل السنين الفاتت بدون داعى..خلاص ياعمو الشباب ديل
اخدو فرصتم ومافى واحد فيهم تقدر تقول عليهو فنان
اصوات عادية جدآ .. صحى هم سمحين وحلوين ما عدا اخونا الفحيل
البشبه السحلية دا ..لكن البلد مليانة شباب مبدع وعايز فرصة
اخير تتخارج منهم قبل ما يلحقوق نادر والحوت
سامعنى يا عمو!!!!!!!!!!!!


ردود على اغانى التابانى واليابانى
United States [سوداني حبوب] 01-23-2013 02:20 PM
هههههههههههههههههههههههههههههههههههههه .. الله يجازي محنك ي التاباني...........حول حول..

United States [amir] 01-22-2013 03:48 PM
هههههههههههههههه تعليق مبالغه يديك العافيهيه يا راجل يا ظريف


#564854 United States [awadalla ibrahim]
5.00/5 (1 صوت)

01-22-2013 09:51 AM
ياولد إتكلم قدرك


#564850 United States [سوداني أنا]
0.00/5 (0 صوت)

01-22-2013 09:48 AM
ومالو حاول يا شريف انت برضك سوداني وفيك ملامح كتيرة من الحوت عليه الرحمة الى الامام ياشريف الكرة في ملعبك


#564849 United States [shema]
5.00/5 (2 صوت)

01-22-2013 09:46 AM
ده منو كمان ؟؟؟


#564839 United States [مدني الحبيبة]
5.00/5 (1 صوت)

01-22-2013 09:38 AM
في لقاء تلفزيوني لهذا الفنان عن حياته وعند الزيارة لمدرسة الاساس ، وحينما ساله المذيع عن المعلمين ذكر موقف لاستاذ الرياضيات وقال ان الذاكره لاتسعفه لاستذكار اسم الاستاذ، يعنى من كلامه لايريد ان يذكر الاستاذ اظنه وبفهمه القاصر يعتقد ان الاسم يكسب الاستاذ شهرة ، وهذا نوع من التعالي لجيل تربية الانقاذ، ومحمود عبدالعزيز نال هذا الرضاء التام ليس من نوعية معينة من الشباب وانما كل الاجيال وكل انماط الشباب ، المتعلم،الجاهل،البلا هوية، ومشروع فنان متكامل ليس بتلك البساطة، ولكن يمكن للفحيل،واحمدالصادق،شكرالله،واخرين من هذا الجيل ان يكون لهم معجبين من شاكلتهم ، وخصوصا المزاج العام صار منحطا ويتقبل مثل هؤلاء


#564836 United States [أبو ريناد]
3.94/5 (7 صوت)

01-22-2013 09:34 AM
والله يا أخوانا الزول ده ما بنزل لي من حلقي خالص ، عليكم الله من طلع يغني حتى الآن عندو ثلاثة أغاني للفنان الكبير حمد الريح ، ودي فرمالتو ما عندو غيرها، يا سلام منك وما منك تحيه، وأنحنا ماشين في المغيرب ، ياخي كرهتنا حمد الريح زاتو، ما مكن اكثر من أربعة سنوات وما قادر تتطور نفسك ، هيثم مصطفى وعلاء الدين يوسف طورو نفسهم ومشو المريخ ، قال فنان قال أأأأأأح يا بطني .

عليك الله أنشري يا الراكوبة .


#564832 United States [ابو يوسف]
5.00/5 (1 صوت)

01-22-2013 09:31 AM
شريف الفحيل دا منو ذااااتو ؟؟؟


#564827 United States [كركعوب]
5.00/5 (4 صوت)

01-22-2013 09:26 AM
الفي الصورة اللابسة أحمر دي منو؟؟ شمهروش؟؟!!!


ردود على كركعوب
United States [السااااااااااااااائح] 01-22-2013 03:31 PM
ممكن تكووووووووووون تابيتا بطرس

United States [بت قضيم] 01-22-2013 10:35 AM
بالله انت بتخش النت وتقرأ مواضيع وتعلق وما عارف دي منو !! دي اسمها أفراح عصام، شغالة مذيعة في التلفزيون وهي مشهورة جدا ببرامجها الحوارية talk show ، عايز حاجة تاني يا (كركعوب)، اتثقف علي حسابنا (ملح) ساكت !!


#564814 United States [سودانى وبس]
4.94/5 (5 صوت)

01-22-2013 09:20 AM
الود دا أول ما ظهر أكان أغبش خلاص...نفسى أعرف بيستعمل ياتو كريم عشان المدام وكدا..بس ما يقول لى دا ماء الوضوء


ردود على سودانى وبس
United States [عبدووش] 01-22-2013 10:53 AM
تعليق غاية في الروعة ؟؟؟؟؟؟


#564810 United States [التجـــــاني]
5.00/5 (5 صوت)

01-22-2013 09:20 AM
هاهاهاهاهاهاهاوالله والله الشعب السوداني ده زباله, وشعب لايستحق أن يطرب.
- شريف الفحيل فنان له مستقبل واعد, وأتمني له أن يكون الخليفه القادم لمحمود عبدالعزيز,ليه لا وله صوته وحنجرته الفريده وأداءه المتميز عن الخموم بتاعنكم ديل.
- أنا لاأنطرب لمحمود ولا الفحيل كثيراولكن نفس النقد الكان بيتوجه لي محمود عبر المعلقين هنا في الراكوبه الليله بقي ذي ماشايف المعلقين في الموضوع ده بقو بيقولوا لي الفحيل, دي ماأمه تستحق الطرب والغناء.
- فنكم وكورتكم ذي سجم الرماد,وجوطه في الفاضي ويقولوا ليك أولاد اصادق وهلال مريخ, والله في الولايات في مواهب مافي زول جايب ليها خبر, والجرايد والصحافه تنقد وتكتب في الكلام الفارغ.
- والله الثوره يستاهلوها هؤلاءالصحفييين وكتاب الشمارات والقيل والقال أولا لإنه مافي فرق بينهم وبين النسوان في الحي والجبنه.
- وللذين علقوا أعلاه بأن الفحيل ما وما وما,أقول ليكم إنتو تستاهلوا إنو المؤتمر الوطني يطلع عينكم والله, وإنشاء الله الدولار يكون بي 20 جنيه.


ردود على التجـــــاني
United States [سوداني حبوب] 01-23-2013 02:50 PM
الظاهر انك ي التجاني احتكيت كتير باولاد بمبة ... ولو انت سوداني صح بكلامك دا معناها الصفة دي بتنطبق عليك زي ما وصفت الشعب السوداني ... واتمنى انك تحسن الكلام في المرات القادمة بشعبك

United States [NUHA] 01-22-2013 03:11 PM
الاخ التجانى افتكر انك واحد سودانى بصراحه ماقريت كل التعليق حقك وماكملتو للنهايه من اول سطر اكتفيت

United States [الجعلي] 01-22-2013 12:09 PM
والله ياسوداني انا شايف كلام التجاني ده صح لكن ماعارف إنت المضايقك شنو؟ لكن صدقني نحن نستاهل الزل والإهانه

United States [سودانى] 01-22-2013 10:46 AM
احترم نفسك !
تأدب ..عيب انك تصف شعب بهكذا وصف
وعندما تسئ لبلدك وأهلك يصبح العيب عار
الزبالة فى بيتك الذى لم يحسن تربيتك
والزبالة فى عقلك الصغير وتفكيرك المنحط


#564787 United States [الصقر جاكم !!]
5.00/5 (6 صوت)

01-22-2013 09:09 AM
يا ناس الراكوبة ,,, أنحنا كسودانيين منكوبين عندنا مشاكل وقضايا كبييييرة ,, عندنا مصيبة إسمها الهوية ,, ومصيبة أزمة الحكم ,, مصيبة الكلية الحربية ال كل يوم متلب منها عسكرى فى للحكم ,, ومصيبة أحزابنا ال بتستغل عساكر الكلية الحربية ديل وبتتلب بيهم للحكم ,, مصيبة إقتصادنا المنهار كلو كلو والأمل فى إنقاذه صعب خالص ,, مصيبة المال العام المنهوب وال لسة بيتنهب وما أظن نقدر نرجعو تانى ,,مصيبة السوق والإنفلات فى الأسعار وإنعدام الرقابة ,, مصيبة إنحلال المجتمع السودانى الأخلاقى ( ياخى الحرامى والمرتشى عندنا بقى من صفوة المجتمع !!!!!!!!!) ,, فرجاءً ما تدخلونا فى كلام قوالات الفنانين دهـ !! كفاية دعارة وتداعر ودعررة ,,, الفينا مكفينا فلا تعجلوا برحيلنا من هذهـ الفانــيــة !!!!!!!!!!!


ردود على الصقر جاكم !!
United States [زروق] 01-22-2013 10:00 AM
لك مني سلام وتحية ده المهم


#564781 United States [عباس]
5.00/5 (2 صوت)

01-22-2013 09:05 AM
والله ياالماك فحيل واسم الفحيل مابتستحقو ياخي فورتا دمنا دا اتا والله ماكا فنان ولا بتعرف تغني والقال ليك فنان كزب عليك ووالله اذز شوفتك في زقاق الا تمرق جري لانك قبل كدي مرقتك رجلك من النشيشيبة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
3.00/10 (1 صوت)

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة