الأخبار
منوعات سودانية
تنبيه لكل مغترب ؟؟؟
تنبيه لكل مغترب ؟؟؟
تنبيه لكل مغترب ؟؟؟


01-24-2013 06:58 AM
أسامة حسين البشير

عليك أن تحمل معك كل ايصالاتك المالية الخاصه بالمساهمة الوطنية والذكاة منذ اغترابك عند عودتك في اجازتك السنوية لأن جهاز المغتربين يمكن ان يدفعك المبالغ مرة أخرى اذا ضاعت منك هذه الايصالات لأنهم لا يشتغلون بالحاسب الآلي كثيراً وعند ذهابك للسفارة ايضاً يجب أن تكون معك هذه الايصالات حتى لا تتدفع المبلغ مرة أخرى؟؟؟

هذا ما حصل معي بالظبط امس عندما ذهبت للسفارة السودانية بالرياض لاجراء معاملة لأحد اقاربي فطالبوني بأن اسدد مبالغ متراكمة منذ عام2002 من مساهمة وطنية وذكاة وغيرها؟؟ وعند مهاتفي له اتضح انه مسدد كل المتأخرات حتى 2011 وهو تاريخ زيارته الأخيره للسودان فطلبت منه أن يرسل الايصالات المالية والحمد لله كان محتفظ بها فحملتها معي وذهبت مرة اخرى للسفارة حتى اقتنعو بذلك وعندما طالبتهم بضرورة ان يربطو شبكتهم بالسودان لأننا في عصر النافذه الواحدة والحكومة تتبجح بذلك .. افادوني بأنهم لا يتبعون لجهاز المغتربين ولكن مهمتهم تنحصر في تحصيل المبالغ فقط؟؟؟
اللهم اللطف بالمغتربين من هؤلاء المسئولين الغير مسئولين؟؟؟




تعليقات 52 | إهداء 0 | زيارات 12883


التعليقات
#590172 [علي احمد جارالنبي المحامي والمستشار القانوني]
0.00/5 (0 صوت)

02-20-2013 09:57 AM
>
في كل بلاد العالم يعتبر المغترب مشروع استثمار وطني في الخارج ولا يكلف دولته اي جهد سوى ان تقدم له التسهيلات في غدوه ورواحه واستخراج وثايقه برسوم رمزية وتقدم له ارفع الخدمات بإعتباره يمثل دخلاً قومياًميسراً ، فهو في الخارج يرسل لمن بالداخل ، وفي دخوله البلاد يدخل نقود تخفف من وطأة ندرة العملات الصعبه وبالتالي يساعد على استقرار الاقتصاد القومي .
من المؤسف له ان السودان يتعامل مع المغترب بعقلية الابتزاز والضغط عليه لكي يدفع وهو صاغر وان كان قد دفع من قبل وقد يكون في حالة سفر طارئ .
افقر دول العالم تستخرج لمواطنيها وثيقة السفر (الجواز ) بما لا يتجاوز خمسين ريال لمدة عشرة سنوات في حين ان السودان يستخرج الجواز بما يفوق خمسة اضعاف مثل هذا المبلغ ولمدة سنتين فقط تمتد لمدة مماثلة بذات التكلفة وهكذا نجد الجواز السوداني خلال العشر سنوات يكلف ما يفوق خمسة وعشرين ضعفاً لتكلفة الجواز في افقر دول العالم (بنغلاديش على سبيل المثال ......).
السوداني يبذل الغالي والنفيس حتى يؤهل نفسه بالعلم والخبرة ويبيع القدامة والوراهو من اجل ان يحقق بعض من طموحاته التي فقد الأمل في ان يحقق ولو اليسير منها في وطنه ، ثم يسافر مودعاً ظلام الهم وايام العطالة ونير الغلاء ونار الاستعلاء والاستبداد فيسافر مجاهداً وفي نهاية المطاب يجد انه دخل في متاهات لم تكن في الحسبان حتى يصبح في ورطة ....................


#582914 [اسامة الشريف]
0.00/5 (0 صوت)

02-12-2013 10:19 AM
نفس الموقف حصل معي ولكن بالعكس ، فقد سددت بالسفارة بالرياض ولم يتبقى لي غير مبلغ 1050ريال
وعند ذهابي لجهاز سلب المغتربين بالخرطوم في الشهر الثاني تفاجأت بأن المبلغ 2700ريال (يعني بفارق شهر واحد من السداد في الرياض) وكان من حسن حظي ان المحاسب بالسفارة كان قدشرح على ظهر الورقة (المبلغ المطلوب - المدفوع = الباقي ) وجميع الايصالات كانت معي ولكن السادة بالجهاز رفضوا كل المستندات المقدمة لهم بحجة ان المبلغ المفروض دفعه ليس صحيح بحجة ان موظفي السفارة غير مؤهلين للعمل هذا ماقاله لي احد الموظفين بالجهاز( ماعندنا ليك كلام تاني نقوله ليك وياتدفع ولاخلينا نشوف شغلنا).


#581377 [ثورة حتى دحر الطغاة]
0.00/5 (0 صوت)

02-10-2013 01:38 PM
كيف يستطيع الفاسدون المفسدون من نهب المغتربين المساكين ان كان هنالك جهاز كمبيوتر ومعلومات مسجلة ومخزنة !؟؟
فمن مصلحتهم ان لا يكون هنالك معلومات


#569056 [عباس عباس]
0.00/5 (0 صوت)

01-27-2013 11:01 AM
لكل ظالم نهاية


#567930 [شاديه البلولة]
0.00/5 (0 صوت)

01-26-2013 02:45 AM
عايزه لي زول يشرح موضوع البت والبقره


ردود على شاديه البلولة
United States [fakhry] 02-16-2013 09:57 AM
غايتو المعني القريب المقصود من الصوره دي انو البنت الراقده دي معناها جهاز المغتربين واجهزة الدوله الاخري والبقره معناها المغترب والمواطن وكما قال عثمان ميرغني ( الحكومه لا تري في المواطن الا مجردجيب متحرك)ولا تنظر اليه إلا من خلال ثقب جيبه... والمعني البعيد يعلم به علام الغيوب....

United States [ود الصائم] 02-02-2013 03:45 PM
بإعتبار إن المغترب هو البقرة الحلوب للحكومات الفاتت و دي و الجاية إن كان دا ديل فكوها

United States [عنكباوي] 01-29-2013 12:26 PM
معقوله يا شادية ما فهمت موضوع البت والبقرة ؟؟؟؟؟
البقرة دي أرضنا البكر الحلوب والبت دي حيكومة الإنقاذ ...مصّت دم الشعب السوداني الفضل...


#567302 [صلاح الدين عمر]
0.00/5 (0 صوت)

01-25-2013 04:57 AM
تعرف يا أستاذ.. شخصي والحمد لله يحتفظ بكل الإيصالات بدءا من اول إيصال أي عقب اول عودة لأرض الوطن التي كانت اضطرارية لوفاة الوالد عليه الرحمة.. احتفظ بها كلها على الرغم من تأكيدات كثيرة من مغتربين بأن الإيصال الأخير هو المهم.. لكني اعتبر أن ما يتعلق بجهاز (نهب) السودانيين العاملين بالخارج يمكن أن يحدث فيه أي شئ من الحاقدين العاملين بداخله تجاه جميع المغتربين والمغربين عن أوطانهم!! والحديث يطول.. وافيدك انا شخص مهمل جدا لاوراقه الثبوتية لكن الله وفقني في الاحتفاظ بإيصالات هؤلاء الحرامية. قول يا رب خلصنا من عصابة الإنقاذ . آمين


#567246 [اهربوا اينما تذهبوا وراكم وراكم!!!]
0.00/5 (0 صوت)

01-25-2013 12:26 AM
المشكله السخيفه انهم عاملين جهاز كمبيوتر وموظف علي حساب الغلابة ومضيعة التعابه بعد تدفع يقولوليك نزل بياناتك بالكمبيوتر!! واول ماترجع لو ابوك مات او لضرورة مطلوب منك الايصالات او تدخل للمدير ليتفلسف عليك ويحلفك القسم !!ليس لاعفائك ولكن لتدفع اي مبلغ يحدده لتعود لعملك والا ضاع وقتك وشغلك لحين تحويلك للامين العام ومادراك والامين العام!! وكانوا العائد من الاجازة سيهرب اذا تم له التاجيل او روعيت ظروفه!!!وياريت كان في مكان يهربوا ليهو كان خليناها ليكم!! حتي اليانكي الكانت بلادهم مفتوح للهرب اخذونا بجريرتكم واصبحنا عنوة ممنوعين من الهروب!! الله ينتفم من كل ظالم!!علي اموال ندفعها لاناخذ مقابلها اي خدمة ولاحتي احترام تحت المكيفات الاسبلت التي يستمتع بها جماعة ديوان المغتربين من حراموالنا!!!يعني لابترحكوا لابتخلوا رحمة ربنا تنزل!!!


#567244 [silk]
0.00/5 (0 صوت)

01-25-2013 12:25 AM
الهجرة صناعة يجب تطورها وتنميتها وتأهيل المغتربين لها وحسن استقبالهم فى المهجر ومساعدتهم فى الاستقرار فى وظائف تناسب مؤهلاتهم وإستحقاقهم .وتامينهم وترتيب عودتهم وإستقرارهم والاستفادة من خبراتهم المكتسبة وتنمية أموالهم بالمشاركة فى عجلة الاستثمار وتكون الاعفاءت لهم عوضا عن الاجانب --استثمارات طفيلية مطاعم شقق الخ -هذا التفكير الاستراتيجى لن يأتى به الهؤلاء..وبالنظر لجهاز المغتربيين وسياسة الدولة تجاههم منذتأسيسة فى عهد سئ الذكر المأفون نميرى مرورا ببعشوم السياسة الطائفى وأد الانتفاضات الصادق المهدى وإلى عصر الظلام الحالى وإنعدام التفكير والتكفيرالمتأسلمين المخرف الترابى والهمبول عاشق العرضة والاستعراض البشير ..لم يجد المغتربين غير الظلم والابتزاز وقطع الطريق وبكل تعسف من الجباة..وعليه مطلوب من المغتربيين المشاركة فى الربيع القادم بإذن الله وركل الاسلام السباسى والطائفية والشمولية الى مزبلة التاريخ .وإعادة صياغة السياسات تجاههم لتواكب النظرة الاممية للاغتراب كصناعة تشارك بأهميةفى تنمية المجتمعات والتبادل الحضارى والكسب الرأسمالى والتقنى ..ومحاسبة جميع من شارك فى ظلمهم والى الشموليين والطائفيون المشاركونو الهؤلاء خالص إحتقارى وأتمنى لهمم كل قلبى الاعدام بصقا وإحتقارا وآخ أخ تف تف تفوووو


#567210 [الكاشف]
5.00/5 (1 صوت)

01-24-2013 11:14 PM
جهاز المغتربين ده عباره عن جهاز اكل وسرقه المغتربين المساكين
لاكن الناس دي ما عارفة تعمل شنو يا ما يدفعو وتبقي ديون عليك وما تسافر السودان وتشوف اهلك يا تستسلم للامر الواقع وتدفع للكيزان الحرامية
اي زول بس يدعي عليهم ان القروش دي ما تنفعهم ويحاسبو يوم القيامة في قروش المغتربين البشيلوها بالقوة ولا لاقين عليها اي خدمات


في ناس كتيرة في بلد الغربة كل ما يفكر يمشي اجازة السودان يشوف اهلو ينزكر المبالغ المتلتله العليهو من جهاز المغتربين يخلي المشية
حسبي الله ونعم الوكيل

حـــــــــــــــتكومة حرامية
ولا وجي الرئيس يقول المرض ده يمكن كفارة اشان امكن نكون نظلمنا زول ياخي انتا ظلمت الشعب خلو الله ينتقم منك انت واعوانك

حتي ابناء المغتربين لمن يكونو ماشين يقرو في بلدهم السودان لا يجدو اي خدمة من جهاز المغتربين بل يكونو طعم للجامعات لدفع المبالغ الطائلة ظــــــــــــــــلم


#567148 [هدهد]
5.00/5 (2 صوت)

01-24-2013 08:42 PM
هذه حكومة الجبايات فقط وليس الخدمات . لعنة الله على كل هؤلاء الجباة . والله ما عافين ليهم من قرش واحد دخل كروشهم اللعينة .


#567096 [SESE]
5.00/5 (3 صوت)

01-24-2013 06:51 PM
يا اخوي الايصالات دي اسمها "كوكة" ود مهنا قايم بها اح وقاعد بيها اح ولكن افضل طريق هي البحث عن جنسية اخرى لبلد ما فيها ضرائب "دقنية" ولا سفاراتها شغال مكاتب لجمع الضرائب......

يا ليتها ضريبة بمقابل ولكن عمرك كله تدفع وعندما تعود للوطن تجد غربتك في نفس الوطن لا وظيفة محفوظة ولا قطعة ارض مقابل الايصالات المذكورة.....


#567071 [ابو حنين]
5.00/5 (2 صوت)

01-24-2013 05:47 PM
البلد كلها حرامية ناس الكهرباء حرامية وناس الموية حرامية وناس المحلية حرامية رئاسة الجمهورية حرامية وناس مجلس الوزراء حرامية جهاز المغتربين حرامية واهل الحزب الحاكم حرامية حتي ناس النفايات حرامية بلد كل مسئول فيهو حرامي .
الشرفاء هم المغتربين والغبش ملح الارض المواطنين مليون مرة بسرقونا وكل واحد عندو عشرات الحكايات السرقوا في المغتربين والانسرق في مصلحة الاراضي ( انا انسرقت في صندوق اسمو التامين الاجتماعي كنا بندفع كل شهر مائة ريال وبين يوم وليلة ذهب الصندوق من الرياض الي الخرطوم ولم يعود وقروشنا بطرفهم (هذا الصندوق المدير بتاعو اللواء ماهل ابو جنة كان رئيس نادي المريخ العاصمي في يوم من الايام . حرامية حرامية


#567036 [mansour]
5.00/5 (1 صوت)

01-24-2013 04:36 PM
والله والله مش الجماعه ديل لم يتركو شئ لجمع المال الا وسلكوه حراميه وشحادين ومحتالين و........!و.........!والله يكون في عونا


#566998 [badr]
0.00/5 (0 صوت)

01-24-2013 03:11 PM
الغريبة كل ما انزل السودان وامشى اسدد العلى فى المغتربين بقولو لى ماتدفع الوراك دفع ليك وللان ماعارف الوراى دى منو ربنا ماتجعلو كوز وسخان اميييييييييييييييين يارب


#566995 [badr]
0.00/5 (0 صوت)

01-24-2013 03:07 PM
عاش المغتربين وعاشش اسامة عبداللة رئيس جمهورية الكهرباء والسدود اها دى كيف معاكم؟


#566993 [badr]
0.00/5 (0 صوت)

01-24-2013 03:05 PM
عاش جهاز المغتربين وعاش اسامة عبداللة وزير الكهرباء والسدود ههههههههههههههه
احسن حاجة فى الدنيا دى تكون شايت لفت يعنى عكس الناس كدا انت بترتاح وبتكون 100 %


#566989 [معذب من وطني]
0.00/5 (0 صوت)

01-24-2013 03:01 PM
والله ياجماعه مافي حل مافي حل غلبنا غلبنا غلبنا غلبنا نعمل شنوووووووو؟انا طالب خريج صيدله في الهند لاكن ياجماعه بقول الروووووب لامن انتظر مصاريف الشهر


#566976 [حسن عبداللطيف]
0.00/5 (0 صوت)

01-24-2013 02:41 PM
توفى رجل فى عهد عمر بن ذر ، ممن أسرف علي نفسه فى الذنوب ، وجاوز فى الطغيان ، فتحامى الناس عن جنازته ، فحضرها عمر بن ذر ، وصلي عليه ، فلما دلى فى قبره قال : يرحمك الله أبا فلان ، صحبت عمرك بالتوحيد ، وعفرت وجهك لله بالسجود ، فأن قالوا مذنب وذو خطايا ، فمن منا بغير ذنب وغير خطايا ..... فهل من معتبر ؟؟


#566973 [محمد خليفة]
5.00/5 (1 صوت)

01-24-2013 02:33 PM
حسبنا الله ونعم الوكيل ...
كرهووووووووووووووووووووووووووووووونا جنسيتنا زاتوووو
الله ينتقم منهم ويصلح حالنا وحالهم ..


#566954 [sudani]
3.00/5 (7 صوت)

01-24-2013 01:55 PM
للاسف هذا بلد تبول فيه الشيطان ولا جدوي من الكلام..هذا النظام لن يذهب الا بعمل مسلح من الخرطوم..وحتي لا نتهم بأننا مناضلي كيبورد,اعلن انني علي استعداد للمشاركة في اي عملية مسلحة داخل الخرطوم اما حرب هامشية فلا,ادعو الشباب الي تنظيم انفسهم في خلايا مسلحة للدفاع عن انفسهم في مواجهة زبانية الامن فخدودكم قد ادماها الصفع بما فيه الكفاية,كل مظاهراتكم قمعت بوحشية دون سند من احد,المقاومة السلمية لا تجدي مع هذا النظام..كل منتم لهذا هو عدوك حتي ولو كان اخوك


#566953 [fares]
4.00/5 (1 صوت)

01-24-2013 01:54 PM
ناس بقت قلوبة كبيرة بقيت بالشايفو دة اشك في انو نحن طرضنا المستعمر زمان


#566952 [أبوهبة]
0.00/5 (0 صوت)

01-24-2013 01:53 PM
الرياض والخرطوم شبكة واحدة ياراجل دة كلام شنو !!!! داخل الأقاليم إنت بتتعب لما تدوخ السبعة دوخات والثعلب فات فات ... دى مغارة على بابا بس مش الاربعين حرامى ... قول أربعة ألف حرامى


#566932 [الجزيرة ابا]
5.00/5 (2 صوت)

01-24-2013 01:22 PM
بالمنافسة - كلو موجود جوة الكمبيوتر ومخزّن لكن الحكومة فلست ودة ابتكار جديد لابتزاز الناس الايصالاتهم ضاعت يسرقونهم من جديد بحجة عدم ربط الاجهزة وحقو الواحد بعدما يبرز ايصالاتو ويقنع الحرامى القدامو يقول ليهو يا كضابين يا حرامية .

حسبنا الله ونعم الوكيل


#566922 [مكافح]
0.00/5 (0 صوت)

01-24-2013 01:12 PM
لا حولا ولا قوة الا بالله
دا كلام شنو دا؟


#566916 [حبوبتكم المقهووووووره]
5.00/5 (1 صوت)

01-24-2013 01:06 PM
تستاااااااااااااااااااااااااهلوا ياشعب ياجبان


ردود على حبوبتكم المقهووووووره
United States [حبوبة] 01-24-2013 05:05 PM
ياهيثم مشرف شفت ليك حبوبة عمرها 60 سنة بتطلع مظاهرات
هههههههه الله يجازى محنك ويسامحك

United States [د.هيثم مشرف] 01-24-2013 03:20 PM
انت اول واحد فى الشعب دا..ورينا شجاعتك انت


#566895 [الصادق]
5.00/5 (1 صوت)

01-24-2013 12:33 PM
عند ذهبت للتجديد جوازات عائلتي في السفارة بالرياض قبل ثلاث اشهر وكنت قد ذهبت الى السودان في عيد الاضحى السنة الماضية لم يسالني الموظف عن اي ايصالات وقد كانت بحوزتي وتم تجديد الجوازات


#566871 [الجعلي]
0.00/5 (0 صوت)

01-24-2013 12:03 PM
والله ده الحصل لي في السودان الحراميه اولاد الكلب دفعني حق سنتين طبعا انا جدعته الإيصال علي اساس انه الكلام في الكمبيوتر زي ما ليحصل في اي حته سبحان الله


#566837 [قهران]
5.00/5 (2 صوت)

01-24-2013 11:22 AM
اخي اسامه خلي انت حالتك دي انا والله نزلت السودان بسيارة وجمركتها وجبت معاي اللوحات وهنا بالسعودية شالوها من اسمي بموجب الجمارك وخطاب السفارة السعودية لمن نزلت السودان بعد سنتين بسيارة في ميناء سواكن حجزوها مني قالو لي انت جيت بسيارة قبل سنتين ولسه موجوده باسمك هههههههههههه قلت ليهم يا جماعة انا والله جمركتها زمان وحتى من اسمي بالسعودية مسحوبة قالو لي المهم حجزونا انا وعفشي والسيارة بسواكن بقيت محتار من وين احصل لي علي صورة الحمد لله ان الوالد متوقع دا يحصل لان عارف الجماعة ديل نصابين قبل كدا نصبو علي اتصلت عليه بالسعودية الحمد لله لقيت محتفظ بنسخه من الجمارك ارسله بالفاكس واستلموها وبعد دا جرجره والدنيا عيد وتحانيس والله اجرت عربية بقيت احنس في بتاع الجمارك وايجار عربية توديه وتجيبو ووبعد تعب شديد حتى فكوني مشيت الي اهلي مع ان ب=جلست يومين محجوز من غير ذنب وانا اجازتي كلها شهر الله الله الله المستعان علي طريقة التعامل معانا حتى في سفارتنا بدل نتقيم زي باقي البشر همهم والله كل جمع فلوس بس من غير اي خدمات نسأل الله الفرج


#566831 [كمال الدين الشيخ سالم]
5.00/5 (1 صوت)

01-24-2013 11:16 AM
بعد هذا الاستنزاف للمغترب .ماذا قدم لهم الجهاز أى جهاز العاملين بالخارج؟؟؟ بس يعنى الناس تدفع فى الضرائب والحكومه تحارب فى المغترب كأنه عدو ؟ هذا الجهاز تابع للمفسدين الفاسدين . وحتى اعضاء الجهاز هم هم . يجب تنحيتم ومحاسبتهم . الى متى يظل المغترب يعانى من سخف هذا الجهاز؟ خافوا الله . واعملوا ليكم خطوات ملموسه . بعنى نحنا لنا اكثر من عشرين سنه ماسمعنا بتوزيع اراضى سكنيه للمغتربين ؟ هم قاموا بتوزيع اراضى بالخرطوم الناس دى كلها عاوزه تسكن الخرطوم؟ غى ناس مربوطين بمدنهم . لماذا لايتم توزيع اراضى فى المدن الاخرى؟؟ عشان كده البلد ماحاتتقدم عشان الظلم ده؟


#566827 [MANOT]
5.00/5 (1 صوت)

01-24-2013 11:13 AM
انا مررت بمثل هذا الموقف مرتين
ولكن حسبنا الله ونعم الوكيل


#566826 [ودشريف]
0.00/5 (0 صوت)

01-24-2013 11:12 AM
اكبر هم نحمله حين يكون لديك معاملة في السفارة او ذهبت لاجازة للسودان ومشيت المغتربين ده العذاب حقيقة تعقيدات وبيروقراطية فايته الحد والمؤسف هو عدم تاهيل الموظفين لكيفية التعامل مع المغتربين وجد نظام الشغل حسب مزاج الموظف يعنى ممكن بى مزاج منه تتعطل ايام وده ممكن يكون راجع لانهيار الخدمة المدنية عندنا والوظيفة ليست بالكفاءة بل بالولاء لانه الشغلة دى في كل مناحى الحياة في الدوائر الحكومية وانحنا عندنا السفارة في الرياض حدث ولاحرج شي مخجل ومؤسف للغاية انه تكون دى واجهة بلدنا اتقو الله فينا


#566814 [حفيظكو]
5.00/5 (1 صوت)

01-24-2013 11:00 AM
هذا ما حصل معي بالكربون ولولا وجود الايصالات عندي بالبيت لكنت احد الضحايا..
في اعتقادي بأن هذا الأمر مقصود مقصود مقصود والغرض اكل اموال الناس بالباطل..
اقترح على المغترب بأن يسحب الايصالات اسكنر ويحفظوا عندو في الإيميل في حال ضاعت
الايصالات الاصلية تكون محفوظة في النت ..
الله يكون في عون المغترب ...


#566809 [ABUBAKR MUSA]
5.00/5 (3 صوت)

01-24-2013 10:55 AM
والله كلكم قاعدين تتكلمو في الفاضي ما بتحلو اي مشكلة العايز اجي واناضل داخل البلد كلها تعليقات خارم بارم شكلكم كلكم فاضين ؟؟


ردود على ABUBAKR MUSA
United States [د.هيثم مشرف] 01-24-2013 03:21 PM
أحييك..صدقت


#566773 [خطاي المزالق]
5.00/5 (1 صوت)

01-24-2013 10:29 AM
يا أسامة حسين البشير او الوضع الصورة مع الخبر حررررررررررررررررررررررررررررام عليك معقول الحكومة تكون في جمال وروعة البت دي على الطلاق لو الحكومة عندها واحد في المية من الحسن دا نخليها ترضعنا لي يوم القيامة لكن للاسف الحكومة دي القبح والقرف ذات نفسه


ردود على خطاي المزالق
United States [اللمبي بمسي] 01-25-2013 12:34 AM
كلامك صح لانحن ضرعنا قدر الهولندية ولا حكومتنا المسخوطه حليوه ذي البت ديه!!


#566755 [silk]
3.00/5 (2 صوت)

01-24-2013 10:14 AM
أيها المغتربون روحا وبدنا أنهضو ضد الظلم منذ شمولية سئ الذكر الغاير نميرى مرورا بفترةبعشوم السياسة النرجسى الحداث الماسواى السندكالى وأد الانتفاضات الصادق المهدى وإلى عصر الظلم والظلام والافك والكاذبان الترايى والبشير .تحدو النظام والظلم برفع القضايا بالتمييز ضدكم فى محاكمهم الفاشلة وأرفعو أصواتكم ليسمعها العالم .وأضمروا محاسبة كل من سن عليكم الضرائب الجائرة والغير مبررة ومعايير القبول بالجامعات لابتززازكم ومن تعسف فى تطبيقها من الموظفات والموظفين الحاقدين دوما عليكم داخل السودان وفى المهجر وابذلو جهدا لحل جهاز المغتربيين ومحاسبتهم لتطبيق سياسة الحلب المستدامة والمطالبة ببناء اجهزة تتبنى الإغتراب كصناعة. تؤهل القادم الجديد وتحافظ على حفوق ومكتسبات وتأمين القدماء -بائعى الاعمار خارج أسواق الوطن الضائع الممزق . والى ان ياتى التغيير المنشود بإذن الله ..أكررأنهضوا وتحدو وإتحدو ضد الظلم والظالمين شمولين متأسلمين أو طائفيين ..أظهروا خالص إحتقاركم لهم وتوعدوهم بالإعدام بصقا وإحتقارا ..وآخ أخ تف تف تفوووو


#566740 [عبده]
4.00/5 (1 صوت)

01-24-2013 10:02 AM
يااخويى اسامة انت متفائل شديد انا في السودان واجهتني نفس المشكلة مافي اي ربط بين كمبيوتر الخرطوم والاقاليم اما تدفع مرة تانية او تمشى تأشر من الخرطوم او تبرز ايصالاتك !!!! ولو لقيت ود حلال يطلب ليك برنت من الخرطوم يرسل بالفاكس بس يكون وقتك كافي للانتظار !! برضو تقول لي ناس السفارة يربطوا جهازهم بكمبيوتر ناس الخرطوم ؟؟؟؟
هردبيييييييييييييييييييييييييييييييييييييييييييييييييييييييييييييييسة مبرمجة تحياتي


#566730 [مواطن شريف داعم للثورة السودانية]
0.00/5 (0 صوت)

01-24-2013 09:56 AM
اولا الشكر لصاحب التنبيه ده...وثانيا جهاز المغتربين ده معروف عنه أنه لا يقدم أي فائدة للمغتربين وهو ذراع من أذرعة التمكين للأنقاذ..هنالك عدم اهتمام بالمغتربين فماذا يضير الحكومة لو كانت رشيدة أن توفر قطع أراضي أو منازل أو سيارات للمغتربين بأسعار مناسبة نقدا أو بنظام تقسيط يتم الاستفادة من موارد النقد الجنبي للمغتربين وضمان ارسالها للوطن وكذلك تحقيق فوائد للمغتربين عبر ضمان توفر مساكن لهم بوطنهم..


#566694 [abu sudan]
5.00/5 (1 صوت)

01-24-2013 09:27 AM
للاسف جهاز المغتربين ليس لديه ارتباط حتى بفروع جهاز النهب بالولايات
انا بعمل التاشيره لعدة سنوات من دنقلا وفى زيارتى الاخيرة عملت التاشيره
من الخرطوم وطالبونى بدفع ما دفعته سابقاً بدنقلا والحمدلله كانت معى كل الايصالات
ولما طلعت الايصالات شفت الغضب والزعل على وجه المسؤول


#566676 [بسام]
5.00/5 (1 صوت)

01-24-2013 09:08 AM
يا اخوي انت كنت وين- ده كلام قديم جدا- نخيل انا دفعت ضرائب في دنقلا واخذت برنت منهم و رفضو الاعتراف بالبرنت المطبوع من جوازات دنقلا - قمت دفعت مرة اخرى لازم تحتفظ بالايصال المختوم من التسعينات واتاكد كل مرة من المبالغ المكررة في الايصالات


#566675 [سوداني أنا]
5.00/5 (1 صوت)

01-24-2013 09:05 AM
أنا متوقع ذلك لان المثل قال ( الخواجة كان فلس بقلب الدفاتر ) .عشان كدى كل واحد يخلي ايصالاتو جنبو وكل مره يديها تبنة يعني هبشة عشان يتأكد انه في السليم .


#566672 [مجنون]
5.00/5 (1 صوت)

01-24-2013 09:04 AM
شيء مؤسف جدا ان تكون الممثليات والفنصليات والسفارات ( مكتب ضرائب ) وجبايات ، دائما يشعرونا كدة ماحسنينا يوم واحد فقط ان عملت لتحمى المواطن وتراعي مشاكله ومصالحه فى تلك البلاد وتقديم التسهيلات ، انا ذهبت بحكم شغلى مع العامل البنغالى لتجديد جوازه فى سفارة بنغلاديش رائت العجب تعامل راقي جدا ويقدمون لهم البارد والشاي والتجديد للجواز مجاني لاضرائب ولارسوم ولا يحزنزن وسرعة فى الانجاز قلت سبحان الله والله يكون فى عونك ياسودان ؟!!!!!!!!!!!! لايفتحون الشبابيك الا المحصللا بتاع الايصالات يجي ويقعد


#566649 [سوداني أصيل جداً جداً]
5.00/5 (1 صوت)

01-24-2013 08:36 AM
تعرفوا الباشبزق كانوا بجمعوا الضرائب من السودانيين كيف أيام الاستعمار التركي ...... الواحد الما بدفع الضريبه ... بدخلوا كديسه (قطه) في ملابسه الداخلية ...... وهذا نفس طريقة الباشبزق ..


#566615 [صعصع]
5.00/5 (2 صوت)

01-24-2013 07:59 AM
الاخ الكريم أسامة حسين البشير (الاسم سالم) لك التحية ومشكور يابوحسين للتنوير ...وفعلا ماهم ومن يعمل معهم الا جباة ضرائب ومكوس واتاوات ورشاوى .. وانا يوم امس القريب ذهبت لغرض ما فى السفارة بدولة خليجية فارغمت مكرها لابطل ان اشاهد نفس الفلم ..... اللهم عجل بهم وبآلهم صغيرا كان ام كبيرا ... أمييييييييييييييييييييين


#566592 [مصطفي كونج]
5.00/5 (6 صوت)

01-24-2013 07:30 AM
انت القايل الفلل السمحة والعمارات الفي شارع الستين وعبيد ختم دي ببنوها من وين .... ما ياهو من قروشكم دي ..؟؟؟اي زول بدفع الرسوم دي معناته عوير ودلاهة سااااااااااي


ردود على مصطفي كونج
United States [badr] 01-24-2013 03:08 PM
انت مية مية ياعمك

United States [سوداني أصيل جداً جداً] 01-24-2013 08:18 AM
كيف عوير ودلاهه .... ياخي الناس ديل بستخدموا اسلوب الباشبزق الفي زمن الاستعمار التركي ....... نحن مجبورين على الدفع لانه الواحد عنده أهله في السودان محتاجين ليه .... لازم يرسل لهم .. ولازم يمشي يزورهم حتى يطمئن على أحوالهم ............ وهم مستغلين إننا شعب عطوف وحنين ياخي ...... عليك الله تاني ما توصف الناس بهذه الأوصاف...


#566588 [Abu]
5.00/5 (1 صوت)

01-24-2013 07:24 AM
From where this led is coming?? He must have confessed the Sudanese embassy with something
different??
Be grateful your were able to find your receipts, and your mission is done?. . Sudan is the land which time has forgotten
Anyway thanks for telling??


#566586 [محجوب ود بحري]
4.63/5 (4 صوت)

01-24-2013 07:22 AM
انته من زمن الايصالات؟؟!! لو دفعت لاى ست شاى او لاى واحد من العمال الموجدون بالمجمع مبلغ مائة الف جنية بالقديم تجيك التأشيرة جاهزة فى ظرف نصف ساعة ولو كنت ما دفعت اى ضرائب من اغترابك
ناس الدرب العديل ديل انتهو من زمان ( عمرك ما سمعت بالساهله )


ردود على محجوب ود بحري
United States [hisham] 01-24-2013 08:16 AM
كدا بتتفهم إنك بتروج للرشوة.. وأنا بتمني إنو الرشاوي دي تقيف حتي يلطف الله بنا.


#566585 [khalid kisha]
5.00/5 (1 صوت)

01-24-2013 07:21 AM
شكراً للتنبيه وهو مفيد حقاً تبقي علينا غربة وخراب ديار؟؟؟؟؟؟؟


#566584 [متوكل]
4.50/5 (5 صوت)

01-24-2013 07:20 AM
الكيزان همباتة , همباتة الكيزان.

الكيزان همباتة , همباتة الكيزان.




هم هم هم هم همبااااااتة هم هم هم هم همباااااااتة.


هممممممممممباتة همممممممممممباتة.

همابتة بكل لغات العالم .


#566583 [زول نصيحه سااااهي]
5.00/5 (5 صوت)

01-24-2013 07:17 AM
هذا نموزج صغييييييييير لعدم المسؤليه .... اكان كدي النمش اغلفم واعمل منهم عشششششششششرة نسخ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
5.00/10 (1 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة